(1)

Fit-28 ta’ Frar 2022, il-Kunsill adotta d-Deċiżjoni (PESK) 2022/338 (1), li stabbiliet miżura ta’ assistenza b’ammont ta’ referenza finanzjarja ta’ EUR 450 000 000 maħsub biex ikopri l-provvista lill-Forzi Armati Ukreni ta’ tagħmir u pjattaformi militari, imfassla biex iwasslu forza letali (‘l-ammont ta’ referenza finanzjarja’).

(2)

Fit-23 ta’ Marzu 2022, il-Kunsill adotta d-Deċiżjoni (PESK) 2022/471 (2), li żiedet l-ammont ta’ referenza finanzjarja għal EUR 900 000 000.

(3)

Fit-13 ta’ April 2022, il-Kunsill adotta d-Deċiżjoni (PESK) 2022/636 (3), li żiedet l-ammont ta’ referenza finanzjarja għal EUR 1 350 000 000.

(4)

Fit-23 ta’ Mejju 2022, il-Kunsill adotta d-Deċiżjoni (PESK) 2022/809 (4), li żiedet l-ammont ta’ referenza finanzjarja għal EUR 1 840 000 000.

(5)

Fil-21 ta’ Lulju 2022, il-Kunsill adotta d-Deċiżjoni (PESK) 2022/1285 (5), li żiedet l-ammont ta’ referenza finanzjarja għal EUR 2 330 000 000.

(6)

Fis-17 ta’ Ottubru 2022, il-Kunsill adotta d-Deċiżjoni (PESK) 2022/1971 (6), li żiedet l-ammont ta’ referenza finanzjarja għal EUR 2 820 000 000.

(7)

Fit-2 ta’ Frar 2023, il-Kunsill adotta d-Deċiżjoni (PESK) 2023/230 (7), li żiedet l-ammont ta’ referenza finanzjarja għal EUR 3 120 000 000.

(8)

F’konformità mal-ħtiġijiet urġenti tal-Ukrajna, kif diskussi b’mod partikolari fid-9 ta’ Frar 2023 fil-laqgħa speċjali tal-Kunsill Ewropew, u abbażi tad-deċiżjoni li ttieħdet mill-Kunsill fl-20 ta’ Marzu 2023, jenħtieġ li l-ammont ta’ referenza finanzjarja jiżdied b’EUR 1 000 000 000 addizzjonali.

(9)

Fl-20 ta’ Marzu 2023, il-Kunsill qabel dwar approċċ fuq tliet binarji bil-ħsieb li, b’mod partikolari, jitħaffu l-konsenja u l-akkwist konġunt, bil-mira ta’ miljun balla ta’ munizzjon tal-artillerija għall-Ukrajna fi sforz konġunt fit-12-il xahar li ġejjin, u appella għall-implimentazzjoni rapida ta’ dawk it-tliet binarji, li huma interkonnessi u li jeħtieġ li jiġu segwiti b’mod parallel u kkoordinat. Il-Kunsill appella lill-Istati Membri biex b’mod urġenti jikkonsenjaw munizzjon mill-art għall-art u tal-artillerija lill-Ukrajna u, jekk mitlub, missili. Il-Kunsill ser jirċievi aġġornamenti regolari ta’ kull xahar dwar l-implimentazzjoni tal-miżura ta’ assistenza sabiex jiġi mmonitorjat il-progress lejn l-ilħuq tal-objettiv ta’ miljun ċiklu ta’ munizzjon tal-artillerija għall-Ukrajna. Fir-rigward tat-tielet binarju, il-Kunsill stieden ukoll lill-Kummissjoni biex tippreżenta proposti konkreti biex tappoġġa b’mod urġenti t-tisħiħ tal-kapaċitajiet ta’ manifattura tal-industrija tad-difiża Ewropea, tiżgura l-ktajjen tal-provvista, tiffaċilita proċeduri ta’ akkwist effiċjenti, tindirizza n-nuqqasijiet fil-kapaċitajiet ta’ produzzjoni u tippromwovi l-investimenti, inkluż, fejn xieraq, il-mobilizzazzjoni tal-baġit tal-Unjoni.

(10)

Ser jiġu organizzati wkoll laqgħat regolari fil-livell tad-Diretturi Nazzjonali tal-Armamenti mat-Task Force ta’ Akkwist Konġunt għad-Difiża (il-Kummissjoni, is-SEAE, l-EDA), biex jiġu vvalutati l-ħtiġijiet u l-kapaċitajiet industrijali kif ukoll biex tiġi żgurata l-koordinazzjoni mill-qrib meħtieġa, speċjalment fir-rigward tal-provvista mill-istokkijiet, il-prijoritizzazzjoni mill-ġdid tal-ordnijiet eżistenti u l-proġetti differenti ta’ akkwist konġunt, sabiex tiġi żgurata l-implimentazzjoni adegwata tat-tliet binarji differenti.

(11)

Il-Kumitat tar-Rappreżentanti Permanenti ser jimmonitorja l-implimentazzjoni koordinata u parallela tal-approċċ fuq tliet binarji.

(12)

Għalhekk jenħtieġ li d-Deċiżjoni (PESK) 2022/338 tiġi emendata skont dan,

(1)

L-Artikolu 2 huwa emendat kif ġej:

(2)

fl-Artikolu 4(4), il-punt (e) huwa sostitwit b’dan li ġej:

(3)

fl-Artikolu 4, fil-paragrafu 4, il-punt (o) huwa sostitwit b’dan li ġej:

(4)

fl-Artikolu 7, jinżdied il-paragrafu li ġej:

“Ir-Rappreżentant Għoli għandu jirrapporta regolarment, kull xahar lill-Kunsill dwar l-implimentazzjoni tal-Artikolu 2(4), il-punt (d), rigward l-għadd ta’ kunsinni ta’ munizzjon tal-artillerija, u, jekk mitluba, missili, abbażi ta’ informazzjoni pprovduta mill-Istati Membri.”.