(1)

Le Rialachán Cur Chun Feidhme (AE) 2022/415 ón gCoimisiún (2), údaraíodh aigéad aicéiteach, dé-aicéatáit sóidiam agus aicéatáit chailciam a úsáid mar bhreiseáin bheathaithe ar feadh tréimhse 10 mbliana le haghaidh éanlaith chlóis, muc agus peataí ag uaschion 2 500 mg/kg den ábhar beatha iomlán ina bhfuil cion taise 12 %, agus le haghaidh gach speicis ainmhí eile seachas iasc gan aon uaschion. Mar sin féin, de réir na dtuairimí a ghlac an tÚdarás Eorpach um Shábháilteacht an 1 Feabhra 2012 (3) agus an 6 Bealtaine 2021 (4), níor léiríodh go raibh úsáid na dtrí bhreiseán ábhartha sin sábháilte gan an gá le huaschion a bhunú ach i gcás athchogantach.

(2)

San Iarscríbhinn a ghabhann le Rialachán Cur Chun Feidhme (AE) 2022/415 maidir leis na breiseáin dé-aicéatáit sóidiam (a shainaithnítear mar ‘1a262’) agus aicéatáit chailciam (a shainaithnítear mar ‘1a263’), cuireadh iontráil a bhaineann le hábhar neamh-ghalaithe isteach go mícheart sa cholún ‘Comhdhéanamh, foirmle cheimiceach, tuairisc, modh anailíse’ faoin gceannteideal ‘Tréithriú na substainte gníomhaí’.

(3)

San Iarscríbhinn a ghabhann le Rialachán Cur Chun Feidhme (AE) 2022/415 maidir leis an mbreiseán dé-aicéatáit sóidiam (a shainaithnítear mar ‘1a626’), sonraíodh comhdhéanamh an bhreiseáin agus tréithriú na substainte gníomhaí in iúl go hearráideach.

(4)

San Iarscríbhinn a ghabhann le Rialachán Cur Chun Feidhme (AE) 2022/415 maidir leis an mbreiseán aigéad lachtach (a shainaithnítear mar ‘1a270’), ba cheart don cholún ‘Uaschion’ tagairt a dhéanamh do leibhéal na substainte gníomhaí, ní do leibhéal an bhreiseáin.

(5)

Dá bhrí sin, ba cheart Rialachán Cur Chun Feidhme (AE) 2022/415 a cheartú dá réir.

(6)

Ós rud é nach gá na ceartúcháin ar théarmaí údarú na mbreiseán aigéad aicéiteach, dé-aicéatáit sóidiam agus aicéatáit chailciam a chur i bhfeidhm láithreach ar chúiseanna sábháilteachta, is iomchuí idirthréimhse a cheadú do pháirtithe leasmhara chun iad féin a ullmhú chun na ceanglais a eascraíonn as na ceartúcháin sin a chomhlíonadh.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

ceartaítear an tríú colún ‘Comhdhéanamh, foirmle cheimiceach, tuairisc, modh anailíse’ mar a leanas:

(2)

sa cheathrú colún ‘Speiceas nó catagóir ainmhí’, in iontráil 1a260 maidir le haigéad aicéiteach, iontráil 1a262 maidir le dé-aicéatáit sóidiam agus iontráil 1a263 maidir le haicéatáit chailciam, cuirtear ‘Gach speiceas ainmhí seachas éisc agus athchogantaigh’ in ionad na catagóire ainmhí ‘Éanlaith chlóis, muca, peataí’ agus cuirtear ‘Athchogantaigh’ in ionad na catagóire ainmhí ‘Gach speiceas ainmhí eile seachas éisc’;

(3)

sa séú colún ‘Íoschion/Uaschion’, in iontráil 1a270 maidir le haigéad lachtach, cuirtear ‘mg substaint ghníomhach/kg d’ábhar beatha iomlán ina bhfuil cion taise 12 %’ in ionad an teidil ‘mg/kg d’ábhar beatha iomlán ina bhfuil cion taise 12 %’.