1.   Beidh feidhm ag an Rialachán seo maidir le daoine nádúrtha a dhéanann na gníomhaíochtaí seo a leanas:

2.   Beidh feidhm ag an Rialachán seo freisin maidir le daoine dlítheanacha a dhéanann, thar ceann tríú páirtithe, suiteáil, deisiú, cothabháil, seirbhísiú nó díchoimisiúnú an trealaimh cosanta dóiteáin a liostaítear in Airteagal 1 ina bhfuil gáis ceaptha teasa fhluairínithe a liostaítear in Iarscríbhinn I agus i Roinn 1 d’Iarscríbhinn II a ghabhann le Rialachán (AE) 2024/573 agus na substaintí malartacha sárfhluara(2-meitil-3-peantánón), trífhluaraitiaimeatán (iaidíd trífhluaraimeitile), agus 2-bróma-3,3,3-trífhluarapróp-1-en (2-BTP).

3.   Ní bheidh feidhm ag an Rialachán seo maidir le haon ghníomhaíocht mhonaraíochta a dhéantar ar láithreán mhonaróir an trealaimh cosanta dóiteáin do-aistrithe.

1.   Beidh deimhniú dá dtagraítear in Airteagal 3 ag na daoine dlítheanacha a dhéanann na gníomhaíochtaí dá dtagraítear in Airteagal 1(1).

2.   Daoine nádúrtha a dhéanann ceann de na gníomhaíochtaí dá dtagraítear in Airteagal 1(1), ní bheidh siad faoi réir an cheanglais a leagtar síos i mír 1 den Airteagal seo ar choinníoll go gcomhlíonann siad na coinníollacha seo a leanas:

An maolú dá bhforáiltear sa chéad fhomhír, beidh feidhm aige ar feadh na dtréimhsí a chaithfear i mbun na gníomhaíochtaí dá dtagraítear in Airteagal 1(1) a dhéanamh, ar tréimhsí iad nach faide ná 24 mhí ina n-iomláine.

1.   Déanfaidh comhlacht deimhniúcháin dá dtagraítear in Airteagal 6 deimhniú a eisiúint do dhaoine nádúrtha ar éirigh leo i scrúdú teoiriciúil agus praiticiúil arna reáchtáil ag comhlacht meastóireachta dá dtagraítear in Airteagal 7, is scrúdú a chumhdaíonn an t-íosleibhéal scileanna agus eolais a leagtar amach in Iarscríbhinn I.

2.   Beidh an méid seo a leanas ar a laghad sa deimhniú:

3.   Féadfaidh na Ballstáit a cheadú do chomhlachtaí deimhniúcháin iarratasóirí a dhíolmhú ón gceanglas pas a fháil sa scrúdú dá dtagraítear i mír 1, i gcás ina bhfuair an t-iarratasóir scileanna agus eolas roimhe atá coibhéiseach leo siúd a liostaítear in Iarscríbhinn I.

Féadfaidh na Ballstáit cead a thabhairt do chomhlachtaí deimhniúcháin a cheangal ar iarratasóirí gan ach pas a fháil i scrúdú forlíontach, i gcás ina gcumhdaítear na scileanna agus an t-eolas a fuair an t-iarratasóir roimhe go páirteach faoi na scileanna agus faoin eolas a liostaítear in Iarscríbhinn I.

1.   Déanfaidh comhlacht deimhniúcháin dá dtagraítear in Airteagal 6 deimhniú a eisiúint do dhuine dlítheanach i leith na ngníomhaíochtaí dá dtagraítear in Airteagal 1(2) ar choinníoll go gcomhlíonann sé na ceanglais seo a leanas:

2.   Beidh an méid seo a leanas ar a laghad sa deimhniú:

1.   Sonróidh na Ballstáit sa dlí náisiúnta nó ainmneoidh siad an t-údarás nó na húdaráis atá inniúil chun comhlacht deimhniúcháin a ainmniú, ar comhlacht deimhniúcháin é atá údaraithe chun deimhnithe a eisiúint do dhaoine nádúrtha nó dlítheanacha a bhfuil baint acu le ceann amháin nó níos mó de na gníomhaíochtaí dá dtagraítear in Airteagal 1 den Rialachán seo.

Beidh an comhlacht deimhniúcháin neamhspleách neamhchlaonta agus a chuid gníomhaíochtaí á ndéanamh aige.

2.   Déanfaidh an comhlacht deimhniúcháin nósanna imeachta a bhunú agus a chur i bhfeidhm maidir le deimhnithe a eisiúint, a fhionraí agus a tharraingt siar.

3.   Déanfaidh an comhlacht deimhniúcháin taifid a choinneáil ar bun chun gur féidir stádas duine nádúrtha nó dhlítheanaigh dheimhnithe a fhíorú. Is léiriú a bheidh sna taifid go ndearnadh an próiseas deimhniúcháin a chur i gcrích go cuí. Coimeádfar na taifid go ceann tréimhse 5 bliana ar a laghad.

1.   Eagróidh comhlacht meastóireachta a ainmneofar i ngach Ballstát scrúduithe do na daoine nádúrtha dá dtagraítear in Airteagal 1(1). Féadfaidh comhlacht deimhniúcháin dá dtagraítear in Airteagal 6 a bheith incháilithe mar chomhlacht meastóireachta freisin. Beidh an comhlacht meastóireachta neamhspleách neamhchlaonta agus a chuid gníomhaíochtaí á ndéanamh aiges.

2.   Déanfar na scrúduithe a phleanáil agus a struchtúrú ar bhealach a áiritheoidh go gcumhdófar an t-íosleibhéal scileanna agus eolais a leagtar amach in Iarscríbhinn I. Soláthróidh an comhlacht meastóireachta ionad scrúduithe lena n-áiritheofar sábháilteacht na n-iarratasóirí.

3.   Déanfaidh an comhlacht meastóireachta nósanna imeachta tuairiscithe a ghlacadh agus taifid a choimeád chun gur féidir torthaí aonair agus torthaí iomlána na meastóireachta a dhoiciméadú.

4.   Áiritheoidh an comhlacht meastóireachta go bhfuil ag na scrúdaitheoirí a sannfar scrúdú dóibh eolas cuí ar na modhanna scrúdaithe agus na doiciméid scrúdaithe ábhartha agus go bhfuil inniúlacht iomchuí acu sa réimse atá le scrúdú. Áiritheoidh sé freisin go mbeidh an trealamh, na huirlisí agus na hábhair is gá ar fáil le haghaidh na scrúduithe praiticiúla.

1.   Ní bheidh feidhm ag aitheantas frithpháirteach deimhnithe idir na Ballstáit ach amháin maidir le deimhnithe a eisítear i gcomhréir le hAirteagal 3 do dhaoine nádúrtha agus i gcomhréir le hAirteagal 5 do dhaoine dlítheanacha, maidir leis na gníomhaíochtaí a shonraítear sna deimhnithe sin.

2.   Ní fhorchuirfidh na Ballstáit aon mheastóireacht ná aon chineál eile nósanna imeachta um measúnú ná aon cheanglas riaracháin díréireach ar shealbhóirí deimhnithe arna n-eisiúint ag Ballstát eile chun na deimhnithe sin a aithint nó chun rochtain ar fhostaíocht a cheadú do shealbhóirí na ndeimhnithe sin le haghaidh na ngníomhaíochtaí a shonraítear iontu.

3.   Féadfaidh na Ballstáit a cheangal ar shealbhóirí deimhnithe a eisíodh i mBallstát eile aistriúchán ar an deimhniú i dteanga oifigiúil eile de chuid an Aontais a sholáthar.

1.   Áiritheoidh na Ballstáit go soláthrófar leis na cúrsaí oiliúna athnuachana nó na próisis mheastóireachta mar a cheanglaítear faoi Airteagal 10(9) de Rialachán (AE) 2024/573 cruthúnas ar eolas praiticiúil agus teoiriciúil agus ar scileanna na ndaoine nádúrtha deimhnithe a shonraítear in Iarscríbhinn I.

2.   De bhun Airteagal 10(9) de Rialachán (AE) 2024/574, áiritheoidh na Ballstáit faoi Airteagal 5 de Rialachán (CE) Uimh. 304/2008 nach gceadaítear do shealbhóirí deimhnithe atá ann leanúint de na deimhnithe sin a úsáid ach amháin má nuashonraíonn siad a n-eolas agus a scileanna go dtí leibhéal an eolais agus na scileanna is gá le haghaidh an deimhnithe dá dtagraítear in Airteagal 3 den Rialachán seo agus a shonraítear in Iarscríbhinn I a ghabhann leis.

1.   Aisghairtear Rialachán (CE) Uimh. 304/2008.

2.   Déanfar tagairtí don Rialachán aisghairthe a fhorléiriú mar thagairtí don Rialachán seo agus léifear iad i gcomhréir leis an tábla comhghaoil in Iarscríbhinn II.