|
7.8.2020 |
MT |
Il-Ġurnal Uffiċjali tal-Unjoni Ewropea |
L 258/27 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2020/1168
tas-6 ta’ Awwissu 2020
li temenda d-Deċiżjoni ta’ Implimentazzjoni (UE) 2016/587 fir-rigward ta’ illuminazzjoni esterna esterna li tuża dijodi li jemettu d-dawl f’karozzi tal-passiġġieri li kapaċi jaħdmu b’ċerti fjuwils alternattivi
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2019/631 tal-Parlament Ewropew u tal-Kunsill tas-17 ta’ April 2019 li jistabbilixxi standards ta’ rendiment fir-rigward tal-emissjonijiet ta’ CO2 tal-karozzi ġodda tal-passiġġieri u tal-vetturi kummerċjali ħfief ġodda, u li jħassar ir-Regolamenti (KE) Nru 443/2009 u (UE) Nru 510/2011 (1), u b’mod partikolari l-Artikolu 11(4) tiegħu,
Billi:
|
(1) |
Fid-19 ta’ Novembru 2019, il-manifatturi FCA Italy S.p.A, Jaguar Land Rover LTD, OPEL Automobile GmbH-PSA, Automobiles Citroen, Automobiles Peugeot, PSA Automobiles SA, Renault, Škoda Auto a.s and Ford-Werke GmbH (“ir-rikjedenti”) ressqu flimkien talba b’mod konġunt skont l-Artikolu 12a tar-Regolament ta’ Implimentazzjoni tal-Kummissjoni (UE) Nru 725/2011 (2) biex tiġi emendata d-Deċiżjoni ta’ Implimentazzjoni tal-Kummissjoni (UE) 2016/587 (3) sabiex id-dawl estern ta’ barra li juża dijodi li jemettu d-dawl (LED) approvat bħala teknoloġija innovattiva skont dik id-Deċiżjoni jkopri d-dawl fil-karozzi tal-passiġġieri li kapaċi jaħdmu fuq ċerti fjuwils alternattivi. |
|
(2) |
B’mod partikolari, l-applikanti talbu li d-Deċiżjoni ta’ Implimentazzjoni (UE) 2016/587 tkopri d-dawl effiċjenti ta’ fuq barra li juża l-LED fil-karozzi tal-passiġġieri li kapaċi jaħdmu bil-gass likwifikat miż-żejt (LPG), gass naturali kkompressat (CNG) jew etanol (E85) u li ċerti fatturi fil-metodoloġija tal-ittestjar biex jiġi ddeterminat l-iffrankar ta’ CO2 jiġu aġġustati skont dan. |
|
(3) |
L-applikazzjoni ġiet ivvalutata skont l-Artikolu 11 tar-Regolament (UE) 2019/631, ir-Regolamenti ta’ Implimentazzjoni (UE) Nru 725/2011 kif ukoll il-Linji Gwida Tekniċi għat-tħejjija tal-applikazzjonijiet għall-approvazzjoni ta’ teknoloġiji innovattivi skont ir-Regolament (KE) Nru 443/2009 tal-Parlament Ewropew u tal-Kunsill (4) u r-Regolament (UE) Nru 510/2011 tal-Parlament Ewropew u tal-Kunsill (5) (il-verżjoni ta’ Lulju 2018) (6). |
|
(4) |
Fid-dawl tal-użu dejjem jiżdied tal-LPG u s-CNG f’karozzi ġodda tal-passiġġieri, huwa xieraq li jiġi ċċarat li l-iffrankar ta’ CO2 li jirriżulta mill-użu ta’ illuminazzjoni esterna ta’ effiċjenza għolja li tuża LEDs f’vetturi li kapaċi jaħdmu fuq tali fjuwils għandu jitqies bħala ffrankar ta’ CO2 attribwit għal teknoloġija innovattiva. |
|
(5) |
Fir-rigward ta’ karozzi li jaħdmu bl-LPG u s-CNG, soġġetti għaż-żieda ta’ xi fatturi speċifiċi għall-fjuwil, il-metodoloġija tal-ittestjar kif stabbilita fl-Anness tad-Deċiżjoni ta’ Implimentazzjoni (UE) 2016/587 hija meqjusa xierqa għad-determinazzjoni tal-iffrankar ta’ CO2 minn dawl LED fil-karozzi tal-passiġġieri li jaħdmu b’dawk il-fjuwils. |
|
(6) |
Fir-rigward ta’ E85, minħabba d-disponibbiltà limitata tiegħu fis-suq tal-Unjoni kollha kemm hi, dan il-fjuwil jeħtieġ li ma jiġix distint mill-petrol għall-iskopijiet tal-metodoloġija biex jiġi ddeterminat l-iffrankar ta’ CO2. |
|
(7) |
Għalhekk, id-Deċiżjoni ta’ Implimentazzjoni (UE) 2016/587 jenħtieġ li tiġi emendata skont dan, |
ADOTTAT DIN ID-DEĊIŻJONI:
Artikolu 1
Id-Deċiżjoni ta’ Implimentazzjoni (UE) 2016/587 hija emendata kif ġej:
|
(1) |
Il-paragrafu 1 tal-Artikolu 2 huwa emendat kif ġej:
|
|
(2) |
Fl-Artikolu 3, jiżdiedu l-paragrafi 3 u 4 li ġejjin: “3. Meta d-dwal LED ta’ barra tal-vettura effiċjenti jkunu installati f’vettura li taħdem bil-bi-fuel jew flex-fuel, l-awtorità tal-approvazzjoni għandha tirreġistra l-iffrankar ta’ CO2 kif ġej:
4. L-iffrankar tas-CO2 iċċertifikat irreġistrat skont ir-referenza għall-kodiċi tal-ekoinnovazzjoni Nru 19 jista’ jitqies biss għall-kalkolu tal-emissjonijiet medji speċifiċi tal-manifatturi sal-31 ta; Diċembru 2020.” |
|
(3) |
lLAnness huwa emendat kif ġej:
|
Artikolu 2
Din id-Deċiżjoni tidħol fis-seħħ fl-għoxrin jum wara l-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, is-6 ta’ Awwissu 2020.
Għall-Kummissjoni
Il-President
Ursula VON DER LEYEN
(1) ĠU L 111, 25.4.2019, p. 13.
(2) Ir-Regolament ta’ Implimentazzjoni tal-Kummissjoni (UE) Nru 725/2011 tal-25 ta’ Lulju 2011 li jistabbilixxi proċedura għall-approvazzjoni u ċ-ċertifikazzjoni ta’ teknoloġiji innovattivi għat-tnaqqis tal-emissjonijiet ta’ CO2 minn karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 194, 26.7.2011, p. 19).
(3) Id-Deċiżjoni ta’ Implimentazzjoni tal-Kummissjoni (UE) 2016/587 tal-14 ta’ April 2016 dwar l-approvazzjoni tat-teknoloġija użata fis-sistema ta’ illuminazzjoni esterna ta’ effiċjenza għolja tal-vetturi li tuża dijodi li jemettu d-dawl bħala teknoloġija innovattiva biex jonqsu l-emissjonijiet ta’ CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 101, 16.4.2016, p. 17).
(4) Ir-Regolament (KE) Nru 443/2009 tal-Parlament Ewropew u tal-Kunsill tat-23 ta’ April 2009 li jistabbilixxi standards ta' rendiment għall-emissjonijiet minn karozzi ġodda tal-passiġġieri bħala parti mill-approċċ integrat tal-Komunità biex jitnaqqsu l-emissjonijiet ta' CO2 minn vetturi ħfief (ĠU L 140, 5.6.2009, p. 1).
(5) Ir-Regolament (UE) Nru 510/2011 tal-Parlament Ewropew u tal-Kunsill tal-11 ta’ Mejju 2011 li jistabbilixxi standards ta’ rendiment fir-rigward tal-emissjonijiet tal-vetturi kummerċjali ħfief ġodda bħala parti mill-approċċ integrat tal-Unjoni biex jitnaqqsu l-emissjonijiet tas-CO2 minn vetturi ħfief (ĠU L 145, 31.5.2011, p. 1).
(6) https://circabc.europa.eu/sd/a/a19b42c8-8e87-4b24-a78b-9b70760f82a9/July%202018%20Technical%20Guidelines.pdf