<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.14-->
  <head>
    <title>2022-04-202204C107202101500-00-TRA-DOC-GA-ARRET-C-0150-21-202202550-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="ga-IE" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="30/01/2025 09:31:25" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="ga" name="Gendoc_LangCode"/>
    <meta content="ARR" name="TypeDoc"/>
    <meta content="eigJK2MH+Wrr0+MY1628oAtYwyR5X+7p5ueTa6XK1PxmpfDBZfNXGb2VTJ2CMgt+zcGmUxNwNfv4lFWgg49ioK1VkE4QwaH/chtSGckSokOQXO5MAq9deHW3GZnxEWWg1/gl/YXV4ipmiUD1zObGrj81bvzzoM+d/eU1THjHPn4=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="farrech" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="0150" name="NumeroOrdre"/>
    <meta content="2021" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="GA" name="Langue"/>
    <meta content="farrech" name="Gendoc_DGTGeneratedUser"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 04-10-24 17:50:55" name="Created"/>
    <meta content="" name="Canevas3_Vademecum"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="9b88775e3b2a4de9956b42d539fa2de6" name="DocumentIdentifier"/>
    <meta content="0150" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Breithiúnas an 7. 4. 2022 – Cás C‑150/21</div>
      <div id="rId21" style="default">Prokuratura Rejonowa Łódź-Bałuty (An Chúirt a bhfuil dlínse aici in ábhair choiriúla)</div>
    </div>
    <p class="C19Centre" id="para-1" title="page-1">
      BREITHIÚNAS NA CÚIRTE (an Seachtú Dlísheomra)
    </p>
    <p class="C19Centre" id="para-2" title="page-1">
      7 Aibreán 2022  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      (Tarchur chun réamhrialú – Comhar breithiúnach in ábhair choiriúla – Aitheantas frithpháirteach – Cinneadh Réime 2005/214/CGB – Pionóis airgid a fhorfheidhmiú – Airteagal 1(a)(ii) – Cinneadh lena bhforchuirtear pionós airgid arna eisiúint ag údarás riaracháin – Cinneadh faoi réir achomhairc chuig ionchúisitheoir faoi réir threoracha an Aire Dlí agus Cirt – Achomharc ina dhiaidh sin os comhair cúirt ag a bhfuil dlínse go háirithe in ábhair choiriúla)
    </p>
    <p class="C02AlineaAltA" id="para-4" title="page-1">
      I gCás C‑150/21,
    </p>
    <p class="C02AlineaAltA" id="para-5" title="page-1">
      IARRAIDH ar réamhrialú faoi Airteagal 267 CFAE ó Sąd Rejonowy dla Łodzi-Śródmieścia w Łodzi (an Chúirt Dúiche do cheantar lárnach Łódź, an Pholainn), trí bhreith an 23 Feabhra 2021, a fuarthas ag an gCúirt an 5 Márta 2021, sna himeachtaí maidir le haithint agus forfheidhmiú pionóis airgeadais arna fhorchur ar
    </p>
    <p class="C02AlineaAltA" id="para-6" title="page-1">
      D.B.,
    </p>
    <p class="C02AlineaAltA" id="para-7" title="page-1">
      idiragraí:
    </p>
    <p class="C02AlineaAltA" id="para-8" title="page-1">
      Prokuratura Rejonowa Łódź-Bałuty,
    </p>
    <p class="C19Centre" id="para-9" title="page-1">
      tugann AN CHÚIRT (an Seachtú Dlísheomra),
    </p>
    <p class="C02AlineaAltA" id="para-10" title="page-1">
      agus í comhdhéanta mar seo a leanas: J. Passer, Uachtarán Dlísheomra, N. Wahl agus M. L. Arastey Sahún (Rapóirtéir), Breithiúna,
    </p>
    <p class="C02AlineaAltA" id="para-11" title="page-1">
      Abhcóide Ginearálta: N. Emiliou,
    </p>
    <p class="C02AlineaAltA" id="para-12" title="page-1">
      Cláraitheoir: A. Calot Escobar,
    </p>
    <p class="C02AlineaAltA" id="para-13" title="page-1">
      ag féachaint don nós imeachta i scríbhinn,
    </p>
    <p class="C02AlineaAltA" id="para-14" title="page-1">
      tar éis breithniú a dhéanamh ar na barúlacha arna dtíolacadh thar ceann na bpáirtithe seo a leanas:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">an Prokuratura Rejonowa Łódź-Bałuty, ag J. Szubert, prokurator regionalny w Łodzi,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Rialtas na Polainne, ag B. Majczyna, i gcáil Gníomhaire,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Rialtas na hÍsiltíre, ag M. K. Bulterman agus P. Huurnink, i gcáil Gníomhairí,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">an Coimisiún Eorpach, ag M. Wasmeier agus K. Herrmann, i gcáil Gníomhairí,</p>
</td>
</tr>
</table>
    <p class="C02AlineaAltA" id="para-19" title="page-1">
      tar éis cinneadh a dhéanamh, i ndiaidh an tAbhcóide Ginearálta a éisteacht, breith a thabhairt ar an gcás gan Tuairim,
    </p>
    <p class="C02AlineaAltA" id="para-20" title="page-1">
      an Breithiúnas seo a leanas:
    </p>
    <p class="C75Debutdesmotifs" id="para-21" title="page-1">
      Breithiúnas
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">Baineann an iarraidh ar réamhrialú le léiriú Airteagal 1(a)(ii) de Chinneadh Réime 2005/214/CGB ón gComhairle an 24 Feabhra 2005 maidir le prionsabal an aitheantais fhrithpháirtigh a chur i bhfeidhm ar phionóis airgeadais (IO 2005 L 76, lch. 16), arna leasú le Cinneadh Réime 2009/299/CGB ón gComhairle an 26 Feabhra 2009 (IO 2009 L 81, lch. 24) (‘Cinneadh Réime 2005/214’).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Rinneadh an iarraidh seo in imeachtaí arna dtionscnamh ag an Centraal Justitieel Incassobureau, Ministerie van Justitie en Veiligheid (an Lár-Ghníomhaireacht um Bailiú Fíneálacha, an Aireacht Dlí agus Cirt agus Slándála, an Ísiltír) (‘CJIB’) chun críoch aithint agus forfheidhmiú a fháil, sa Pholainn, de phionós airgeadais a fhorchur ar D. B. san Ísiltír, i leith cion ar rialacha tráchta bóthair.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An dlí lena mbaineann</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Dlí an Aontais Eorpaigh</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Foráiltear an méid seo a leanas le hAirteagal 1 de Chinneadh Réime 2005/214, dar teideal ‘Sainmhínithe’:</p>
</td>
</tr>
</table>
    <p class="C02AlineaAltA" id="para-27" title="page-1">
      ‘Chun críocha an Chinnidh Réime seo, tá feidhm ag na sainmhínithe seo a leanas:
    </p>
    <p class="C09Marge0avecretrait" id="para-28" title="page-1">
      (a) ciallóidh ‘cinneadh’ cinneadh críochnaitheach lena gceanglaítear pionós airgeadais a bheidh le híoc ag duine nádúrtha nó dlítheanach i gcás ina raibh an cinneadh déanta ag:
    </p>
    <p class="C11Marge1avecretrait" id="para-29" title="page-1">
      […]
    </p>
    <p class="C11Marge1avecretrait" id="para-30" title="page-1">
      (ii) údarás de chuid an Stáit eisiúna seachas cúirt i leith cion coiriúil faoi dhlí an Stáit eisiúna, ar choinníoll go raibh deis ag an duine lena mbaineann an cás a chur faoi thriail ag cúirt a raibh dlínse aici go háirithe in ábhair choiriúla;
    </p>
    <p class="C11Marge1avecretrait" id="para-31" title="page-1">
      (iii) údarás de chuid an Stáit eisiúna seachas cúirt i leith gníomhartha a ngabhann pionós leo faoi dhlí náisiúnta an Stáit eisiúna de bhua iad a bheith ina sáruithe ar na rialacha dlí, ar choinníoll go raibh deis ag an duine lena mbaineann an cás a chur faoi thriail ag cúirt a raibh dlínse aici go háirithe in ábhair choiriúla;
    </p>
    <p class="C11Marge1avecretrait" id="para-32" title="page-1">
      […]
    </p>
    <p class="C09Marge0avecretrait" id="para-33" title="page-1">
      (b) ciallóidh “pionós airgeadais” an oibleagáid an méid seo a leanas a íoc:
    </p>
    <p class="C11Marge1avecretrait" id="para-34" title="page-1">
      (i) suim airgid ar chiontú i gcion arna fhorchur i gcinneadh;
    </p>
    <p class="C11Marge1avecretrait" id="para-35" title="page-1">
      […]’
    </p>
    <p class="C11Marge1avecretrait" id="para-36" title="page-1">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">Foráiltear an méid seo a leanas le hAirteagal 3 den Chinneadh Réime sin, dar teideal ‘Cearta bunúsacha’:</p>
</td>
</tr>
</table>
    <p class="C02AlineaAltA" id="para-38" title="page-1">
      ‘Ní bheidh d’éifeacht leis an gCinneadh Réime seo leasú a dhéanamh ar an oibleagáid chun cearta bunúsacha agus bunphrionsabail dlí a urramú mar a chumhdaítear iad le hAirteagal 6 den Chonradh [AE].’
    </p>
    <p class="C02AlineaAltA" id="para-39" title="page-1">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">Sonraítear an méid seo a leanas, i mír 1 d’Airteagal 4 den Chinneadh Réime sin, dar teideal ‘Cinntí a tharchur agus dul i muinín an údaráis lárnaigh’:</p>
</td>
</tr>
</table>
    <p class="C02AlineaAltA" id="para-41" title="page-1">
      ‘Féadfar cinneadh, mar aon le deimhniú dá bhforáiltear san Airteagal seo, a tharchur chuig údaráis inniúla Bhallstáit a bhfuil maoin nó ioncam ag an duine nádúrtha nó dlítheanach a ndearnadh cinneadh ina choinne nó ina coinne, ina bhfuil gnáthchónaí air nó uirthi, nó, i gcás duine dlítheanach, ina bhfuil a shuíochán cláraithe aige.’
    </p>
    <p class="C02AlineaAltA" id="para-42" title="page-1">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">Foráiltear an méid seo a leanas i mír 1 d’Airteagal 5 den Chinneadh Réime sin, dar teideal ‘Raon feidhme’:</p>
</td>
</tr>
</table>
    <p class="C02AlineaAltA" id="para-44" title="page-1">
      ‘Is iad na cionta seo a leanas, má ghabhann pionóis leo sa Stát eisiúna agus mar a shainmhínítear iad le dlí an Stáit eisiúna, faoi théarmaí an Chinnidh Réime seo agus gan fíorú ar choiriúlacht dhúbailte an ghnímh, a dtabharfar aitheantas dóibh agus a ndéanfar cinntí a fhorfheidhmiú ina leith:
    </p>
    <p class="C09Marge0avecretrait" id="para-45" title="page-1">
      […]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">iompar a sháraíonn rialacháin um thrácht ar bhóithre, lena n‑áirítear sáruithe ar rialacháin a bhaineann le huaireanta tiomána agus tréimhsí sosa agus rialacháin maidir le hearraí guaiseacha,</p>
</td>
</tr>
</table>
    <p class="C02AlineaAltA" id="para-47" title="page-1">
      […]’
    </p>
    <p class="C02AlineaAltA" id="para-48" title="page-1">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">Tá na focail seo a leanas in Airteagal 6 de Chinneadh Réime 2005/214, dar teideal ‘Aitheantas agus forghníomhú cinntí’:</p>
</td>
</tr>
</table>
    <p class="C02AlineaAltA" id="para-50" title="page-1">
      ‘Aithneoidh na húdaráis inniúla sa Stát forghníomhaitheach cinneadh a tarchuireadh i gcomhréir le hAirteagal 4 gan gá le haon fhoirmiúlacht bhreise agus déanfaidh siad láithreach na bearta uile is gá dá fhorghníomhú, mura gcinnfidh an t‑údarás inniúil ceann de na forais le haghaidh neamhaitheantais nó neamh-fhorghníomhú a agairt dá bhforáiltear in Airteagal 7.’
    </p>
    <p class="C02AlineaAltA" id="para-51" title="page-1">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Faoi Airteagal 7 den Chinneadh Réime sin, dar teideal ‘Forais le haghaidh neamhaitheantais agus neamh-fhorghníomhú’:</p>
</td>
</tr>
</table>
    <p class="C02AlineaAltA" id="para-53" title="page-1">
      ‘[…]
    </p>
    <p class="C02AlineaAltA" id="para-54" title="page-1">
      2. Féadfaidh an t‑údarás inniúil sa Stát forghníomhaitheach diúltú freisin don chinneadh a aithint agus a fhorghníomhú má shuitear:
    </p>
    <p class="C09Marge0avecretrait" id="para-55" title="page-1">
      […]
    </p>
    <p class="C09Marge0avecretrait" id="para-56" title="page-1">
      (g) de réir an deimhnithe dá bhforáiltear in Airteagal 4, nár cuireadh an duine lena mbaineann, i gcás nós imeachta i scríbhinn, i gcomhréir le dlí an Stáit eisiúna, ar an eolas go pearsanta nó trí ionadaí, atá inniúil de réir an dlí náisiúnta, faoina cheart nó faoina ceart an cás a chonspóid agus faoi na teorainneacha ama do leigheas dlíthiúil den sórt sin;
    </p>
    <p class="C09Marge0avecretrait" id="para-57" title="page-1">
      […]
    </p>
    <p class="C02AlineaAltA" id="para-58" title="page-1">
      3. Sna cásanna dá dtagraítear i mír 1 agus mír 2(c), (g), (i) agus (j), sula gcinntear gan an t‑údarás inniúil a aithint agus cinneadh a fhorghníomhú, go hiomlán nó go páirteach, rachaidh an t‑údarás inniúil sa Stát forghníomhaitheach i gcomhairle leis an údarás inniúil sa Stát eisiúna, trí aon mhodh iomchuí, agus, i gcás inarb iomchuí, iarrfaidh sé air aon fhaisnéis is gá a sholáthar gan mhoill.’
    </p>
    <p class="C02AlineaAltA" id="para-59" title="page-1">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Foráiltear an méid seo a leanas le hAirteagal 20(3) den Chinneadh Réime sin:</p>
</td>
</tr>
</table>
    <p class="C02AlineaAltA" id="para-61" title="page-1">
      ‘Féadfaidh gach Ballstát, i gcás ina n‑eascraíonn leis an deimhniú dá dtagraítear in Airteagal 4 saincheist go bhféadfadh cearta bunúsacha nó bunphrionsabail dlí mar a chumhdaítear in Airteagal 6 den Chonradh a bheith sáraithe, cur i gcoinne an aitheantais agus an fhorghníomhaithe de chinntí. Beidh feidhm ag an nós imeachta dá dtagraítear in Airteagal 7(3).’
    </p>
    <p class="C02AlineaAltA" id="para-62" title="page-1">
      [Aistriúchán neamhoifigiúil]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Dlí na Polainne</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Sonraítear an méid seo a leanas in Alt 1 d’Airteagal 611ff den ustawa – Kodeks postępowania karnego (Cód um Nós Imeachta Coiriúil), an 6 Meitheamh 1997 (leagan comhdhlúite, Dz. U. de 2020, mír 30):</p>
</td>
</tr>
</table>
    <p class="C02AlineaAltA" id="para-65" title="page-1">
      ‘I gcás ina ndéanfaidh Ballstát den Aontas Eorpach, dá dtagraítear sa chaibidil seo mar an “Stát eisiúna”, iarraidh ar fhorghníomhú cinnidh chríochnaithigh maidir le pionóis airgeadais a thíolacadh, beidh an cinneadh sin faoi réir a fhorghníomhaithe ag an gcúirt dúiche sa cheantar ina bhfuil maoin nó ioncam ag an gciontóir, nó ina bhfuil buanchónaí nó cónaí sealadach air […]’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An díospóid sna príomhimeachtaí agus na ceisteanna a tharchuirtear chun réamhrialú</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">An 22 Meán Fómhair 2020, thionscain CJIB caingean os comhair na cúirte a rinne an tarchur, an Sąd Rejonowy dla Łodzi-Śródmieścia w Łodzi (An Chúirt Dúiche don cheantar lárnach Łódź, an Pholainn), ag iarraidh aithint agus fhorghníomhú a chinnidh an 17 Eanáir 2020, a tháinig chun bheith críochnaitheach an 28 Feabhra 2020, lenar forchuireadh fíneáil de EUR 92 ar D. B. i leith cion tráchta bóthair, eadhon sárú ar an luasteorainn cheadaithe, a rinneadh an 5 Eanáir 2020.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">An 6 Samhain 2020, chuir an chúirt a rinne an tarchur ceisteanna ar CJIB maidir leis an achomharc dá bhforáiltear i reachtaíocht na hÍsiltíre i gcoinne cinneadh den sórt sin agus le seasamh dlíthiúil an údaráis a scrúdaigh an t‑achomharc sin. Fuair an chúirt sin freagra CJIB an 22 Feabhra 2021.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Níor fhreastail D. B. ar aon cheann de na héisteachtaí arna socrú ag an gcúirt a rinne an tarchur, an 6 Samhain agus 8 Nollaig 2020, agus an 23 Feabhra 2021. Níor thaisc D. B. ráiteas ar bith ach an oiread.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Sonraíonn an chúirt a rinne an tarchur go bhféadfar, de réir reachtaíocht na hÍsiltíre, agóid a dhéanamh i gcoinne na fíneála arna gearradh ag CJIB os comhair ionchúisitheoir poiblí san Ísiltír laistigh de 6 seachtaine. Mura n‑aontaíonn an t‑ionchúisitheoir le seasamh an duine lena mbaineann, bheadh sé de cheart ag an duine sin achomharc a thionscnamh os comhair Kantonrechter (an Chúirt Dúiche (Ceantar Cantúin), an Ísiltír). Mar sin féin, má bhaineann an cás le fíneáil de mhéid EUR 225 nó níos mó, bheadh breithniú an cháis ag an gcúirt sin faoi choinníoll go n‑íocfaí éarlais a bheadh comhionann leis an bhfíneáil arna gearradh.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Sna himthosca sin, cuireann an chúirt a rinne an tarchur amhras in iúl maidir le cé acu an bhféadfaí ionchúisitheoir poiblí, de réir bhrí reachtaíocht na hÍsiltíre, a aithint mar ‘cúirt a bhfuil dlínse aici go háirithe in ábhair choiriúla’ de réir bhrí Airteagal 1(a)(ii) de Chinneadh Réime 2005/214.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Is é tuairim na cúirte a rinne an tarchur, ag féachaint d’Airteagal 3 agus Airteagal 20(3) de Chinneadh Réime 2005/214 agus Airteagal 6 CAE maidir le cearta bunúsacha a chosaint, nach mór sa léiriú ar Airteagal 1(a)(ii) den chinneadh réime sin Airteagal 6 den Choinbhinsiún Eorpach chun Cearta an Duine agus Saoirsí Bunúsacha a Chosaint a chur san áireamh, arna shíniú sa Róimh an 4 Samhain 1950, chomh maith lena léiriú i gcásdlí na Cúirte Eorpaí um Chearta an Duine.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">I gcomhréir le cásdlí na Cúirte Eorpaí um Chearta an Duine, chun cothroime na n‑imeachtaí a chaomhnú, ní mór do bhinse neamhchlaonta an cás a scrúdú, nach bhfuil aon chuid de faoi réir an fheidhmeannais (ECtHR, 23 Meitheamh 1981, Le Compte, Van Leuven agus De Meyer v. an Bheilg, CE:ECHR:1981:0623JUD000687875, agus ECtHR, 29 Aibreán 1988, Belilos v. an Eilvéis, CE:ECHR:1988:0429JUD001032883). Ina theannta sin, tá sé fíor-riachtanach chuige sin nach bhfuil aon bhacainní fioscacha nó dlíthiúla iomarcacha ann a d’fhéadfadh rochtain ar bhinse den sórt sin a chur i mbaol.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Maidir le léiriú an choincheapa ‘cúirt a bhfuil dlínse aici go háirithe in ábhair choiriúla’, dá dtagraítear in Airteagal 1(a)(iii) de Chinneadh Réime 2005/214, áitíonn sí gur chinn an Chúirt Bhreithiúnais cheana féin, d’fhonn a chinneadh cibé an cúirt den sórt sin é comhlacht dá bhforáiltear sa reachtaíocht náisiúnta nó nach é, ní mór roinnt fachtóirí a chur san áireamh, amhail an bhfuil an comhlacht sin bunaithe le dlí, an bhfuil sé buan, an bhfuil a dhlínse éigeantach, an bhfuil a nós imeachta inter partes, an bhfuil rialacha dlí i bhfeidhm aige agus an bhfuil sé neamhspleách (breithiúnas an 14 Samhain 2013, Baláž, C‑60/12, EU:C:2013:733, mír 32).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Tá dhá ghné ag baint leis an gceanglas go mbeadh cúirteanna neamhspleách. Toimhdítear leis an gcéad ghné, atá de chineál seachtrach, ar an gcúirt lena mbaineann a chuid feidhmeanna a chomhlíonadh go hiomlán neamhspleách, gan bheith faoi réir aon srian ordlathach nó faoi smacht aon chomhlacht eile agus gan orduithe ná treoracha a ghlacadh ó fhoinse ar bith, agus leis sin chosnófaí an chúirt in aghaidh idirghabhálacha seachtracha nó brú lenar dócha go gcuirfí as do bhreithiúnas neamhspleách a comhaltaí agus go mbeadh tionchar ag an méid sin ar a cinntí (breithiúnas an 25 Iúil 2018, Minister for Justice and Equality (Easnaimh sa chóras ceartais), C‑216/18 PPU, EU:C:2018:586, mír 63).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Tá baint ag an dara gné, atá de chineál inmheánach, le neamhchlaontacht agus féachtar lena áirithiú go gcoimeádtar an t‑achar comhionann ó na páirtithe sna himeachtaí agus óna leasanna faoi seach maidir le hábhar na n‑imeachtaí sin (breithiúnas an 25 Iúil 2018, Minister for Justice and Equality (Easnaimh sa chóras ceartais), C‑216/18 PPU, EU:C:2018:586, mír 65).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Go sonrach, rialaigh an Chúirt Bhreithiúnais cibé an bhféadfaí nó nach bhféadfaí ionchúisitheoir náisiúnta a aithint mar ‘údarás breithiúnach eisiúna’ de réir bhrí Airteagal 6(1) de Chinneadh Réime 2002/584/CGB ón gComhairle an 13 Meitheamh 2002 maidir leis an mbarántas gabhála Eorpach agus na nósanna imeachta um thabhairt suas idir na Ballstáit (IO 2002 L 190, lch. 1), arna leasú le Cinneadh Réime 2009/299. Chuir sí féidearthacht den sórt sin as an áireamh i gcás ina mbeadh oifig an ionchúisitheora phoiblí de chuid Ballstáit neamhchosanta ar an mbaol go mbeadh sé faoi réir, go díreach nó go hindíreach, treoracha nó orduithe i gcás sonrach ón bhfeidhmeannas, amhail Aire Dlí agus Cirt, i dtaca le cinneadh a ghlacadh chun barántas gabhála Eorpach a eisiúint (breithiúnas an 27 Bealtaine 2019, OG agus PI (Oifigí an Ionchúisitheora Phoiblí in Lübeck agus Zwickau), C‑508/18 agus C‑82/19 PPU, EU:C:2019:456, mír 90).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Ag an am céanna, chinn an Chúirt Bhreithiúnais gur ‘cinneadh breithiúnach’ de réir bhrí Airteagal 1(1) de Chinneadh Réime 2002/584 é cinneadh chun barántas gabhála Eorpach a eisiúint arna ghlacadh ag oifig ionchúisitheora phoiblí Ballstáit. ar choinníoll go bhfuil an barántas gabhála Eorpach sin faoi réir formhuiniú éigeantach ag cúirt a dhéanann athbhreithniú go neamhspleách agus go hoibiachtúil ar na coinníollacha eisiúna agus ar chomhréireacht an bharántais gabhála sin (breithiúnas an 9 Deireadh Fómhair 2019, NJ (Oifig an Ionchúisitheora Phoiblí, Vín), C‑489/19 PPU, EU:C:2019:849, mír 49).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Is é tuairim na cúirte a rinne an tarchur, i bhfianaise an chásdlí sin agus staid oifig an ionchúisitheora phoiblí i gcóras dlí na hÍsiltíre, nach bhféadtar oifig an ionchúisitheora phoiblí sin a mheas mar ‘chúirt a bhfuil dlínse aici go háirithe in ábhair choiriúla’ de réir bhrí Airteagal 1(a)(ii) agus (iii) de Chinneadh Réime 2005/214.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Chuige sin, leagann sí béim ar an tábhacht a bhaineann leis an bhféidearthacht, dá bhforáiltear sna forálacha sin, an cás a thabhairt os comhair cúirt a bhfuil dlínse aici go háirithe in ábhair choiriúla i gcásanna ina bhfuil an cinneadh lena gcinntear an duine lena mbaineann a bheith ciontach agus lena bhforchuirtear an pionós go hiomlán trí uathchóras, agus nach ndéanann an t‑údarás náisiúnta a ghlacann an cinneadh sin ach sonraí úinéir na feithicle a fhíorú agus an doiciméad arna ghiniúint ag an gcóras ríomhaireachta a tharchur chuig an duine sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Maidir le reachtaíocht na hÍsiltíre faoina bhféadfar, i gcás nach seasfaidh an t‑ionchúisitheoir poiblí leis an achomharc arna thionscnamh ag an duine lena mbaineann i gcoinne chinneadh CJIB, achomharc a thabhairt ina dhiaidh sin os comhair Kantonrechter (an Chúirt Dúiche (Ceantar Cantúin)), áitíonn an chúirt a rinne an tarchur nach bhféadtar an ceanglas a chomhlíonadh atá leagtha síos in Airteagal 1(a)(ii) de Chinneadh Réime 2005/214 nach mór go bhféadfaí agóid a dhéanamh i gcoinne cinneadh údaráis de chuid an Stáit eisiúna seachas cúirt, os comhair cúirt ‘a bhfuil dlínse aici go háirithe in ábhair choiriúla’.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Beartaítear leis an gcinneadh réime sin go bhféadfaí achomharc a thabhairt go díreach os comhair cúirte nó binse, gan aon nós imeachta eile a bheith riachtanach ar dtús.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Ina leith sin, is léir ó bhreithiúnas an 14 Samhain 2013, Baláž (C‑60/12, EU:C:2013:733, mír 46), nár cheart rochtain ar chúirt a bhfuil dlínse aici go háirithe in ábhair choiriúla, de réir bhrí Chinneadh Réime 2005/214, a chur faoi réir coinníollacha ina mbeadh rochtain den sórt sin dodhéanta nó ródheacair dá bharr.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Ina theannta sin, tugann an chúirt a rinne an tarchur dá haire, i gcomhréir le reachtaíocht na hÍsiltíre, más é EUR 225 nó níos mó an fhíneáil a fhorchuirtear, go bhfuil breithniú an achomhairc ag cúirt faoi réir íocaíocht ag an duine lena mbaineann d’éarlais atá comhionann leis an méid sin. D’fhéadfadh an riail nós imeachta sin a bheith ina constaic a dhíspreagfadh náisiúnach de chuid Ballstáit achomharc a dhéanamh sa Bhallstát eisiúna.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Sna himthosca sin, chinn Sąd Rejonowy dla Łodzi-Śródmieścia w Łodzi (an Chúirt Dúiche do cheantar lárnach Łódź, an Pholainn) bac a chur ar na himeachtaí agus na ceisteanna seo a leanas a tharchur chuig an gCúirt Bhreithiúnais le haghaidh réamhrialú:</p>
</td>
</tr>
</table>
    <p class="C09Marge0avecretrait" id="para-86" title="page-1">
      ‘(1) An bhfuil cinneadh lena gceanglaítear go n‑íocfar pionós airgeadais arna eisiúint ag údarás riaracháin lárnach na hÍsiltíre arna chinneadh de bhun Airteagal 2 de... Chinneadh Réime [2005/214], a bhféadfar achomharc a thaisceadh ina choinne in oifig an ionchúisitheora phoiblí, arb é faoi réir ag an Aireacht Dlí agus Cirt, i dtéarmaí eagrúcháin, ag comhlíonadh an chritéir de “cinneadh a bhféadfar achomharc a thaisceadh ina choinne le cúirt a bhfuil dlínse aici in ábhair choiriúla” chun críocha Airteagal 1(a)(ii) den chinneadh réime?
    </p>
    <p class="C09Marge0avecretrait" id="para-87" title="page-1">
      (2) An bhféadtar a mheas gur comhlíonadh an critéar go bhfuil cinneadh lena gceanglaítear pionós airgeadais a íoc bheith faoi réir leigheas breithiúnach os comhair “cúirt a bhfuil dlínse aici in ábhair choiriúla” i gcás inar féidir achomharc a thaisceadh le cúirt dúiche (Ceantar Cantúin) ach amháin ag céim níos déanaí sna himeachtaí, is é sin le rá tar éis don ionchúisitheoir poiblí é a dhíbhe, agus, i gcásanna áirithe, go bhfuil gá le muirear atá comhionann leis an bpionós a ghearrtar a íoc?’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Breithniú ar na ceisteanna a tharchuirtear</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Lena ceisteanna, ar iomchuí iad a scrúdú le chéile, fiafraíonn an chúirt a rinne an tarchur, go bunúsach, ar an gcéad dul síos, an gá Airteagal 1(a)(ii) de Chinneadh Réime 2005/214 a léiriú sa chaoi gur ‘cinneadh’ é cinneadh lena bhforchuirtear pionós airgid go cinntitheach ar dhuine nádúrtha, arna ghlacadh ag údarás de chuid an Bhallstáit eisiúna seachas cúirt mar gheall ar chion coiriúil faoi dhlí an Bhallstáit sin, de réir bhrí na forála sin, i gcás ina bhforáiltear le reachtaíocht an Bhallstáit sin go ndéanfaidh ionchúisitheoir arna chur faoi údarás ordlathach an Aire Dlí agus Cirt, an t‑achomharc i gcoinne an chinnidh sin a scrúdú ar dtús, i gcúirt a bhfuil dlínse aici go háirithe in ábhair choiriúla, a bhféadfaidh an duine lena mbaineann a urghabháil ina dhiaidh sin má ghlacann an t‑ionchúisitheoir sin cinneadh ag diúltú don achomharc sin. Ar an dara dul síos, fiafraíonn an chúirt a rinne an tarchur an gá an fhoráil sin a léiriú ar bhealach a gciallaíonn go raibh ‘deis’ ag an duine lena mbaineann ‘an cás a thriail ag cúirt a bhfuil dlínse aici go háirithe in ábhair choiriúla’, de réir bhrí na forála sin, más rud é, i gcomhréir le reachtaíocht an Bhallstáit eisiúna, i gcás inarb é EUR 225 nó níos mó an fhíneáil a fhorchuirtear, go mbeadh scrúdú an achomhairc ag cúirt faoi réir íocaíocht ag an duine sin d’éarlais atá comhionann leis an méid sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Mar réamhphointe, ba cheart a mheabhrú, i gcomhréir leis an 33ú fleasc d’Airteagal 5(1) de Chinneadh Réime 2005/214, go dtiocfaidh aithint agus forghníomhú cinntí as cionta arb éard atá iontu ná iompar a sháraíonn rialacháin um thrácht ar bhóithre, más rud é go ngabhann pionós leo sa Bhallstát eisiúna agus mar a shainmhínítear iad i ndlí an Bhallstáit sin, faoi théarmaí an chinnidh réime sin agus gan fíorú ar choiriúlacht dhúbailte an ghnímh.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Sainmhínítear in Airteagal 1(a)(ii) de Chinneadh Réime 2005/214 an téarma ‘cinneadh’ mar ‘cinneadh críochnaitheach lena bhforchuirtear pionós airgid ar dhuine nádúrtha nó dlítheanach i gcás ina ndearna údarás de chuid an Stáit eisiúna an cinneadh seachas cúirt i leith cion coiriúil faoi dhlí an Stáit eisiúna, ar choinníoll go raibh deis ag an duine lena mbaineann an cás a chur faoi thriail ag cúirt a bhfuil dlínse aici go háirithe in ábhair choiriúla’.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Faoi Airteagal 1(a)(iii) den Chinneadh Réime sin, ciallaíonn ‘cinneadh’ freisin ‘cinneadh críochnaitheach lena bhforchuirtear pionós airgid ar dhuine nádúrtha nó dlítheanach i gcás ina ndearna údarás de chuid an Stáit eisiúna an cinneadh seachas cúirt i leith gníomhartha a ngabhann pionós leo faoi dhlí náisiúnta an Stáit eisiúna de bhua iad a bheith ina sáruithe ar na rialacha dlí, ar choinníoll go raibh deis ag an duine lena mbaineann an cás a chur faoi thriail ag cúirt a raibh dlínse aici go háirithe in ábhair choiriúla’.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Mar is léir ón gcomhad a cuireadh faoi bhráid na Cúirte agus, go háirithe, ón deimhniú dá dtagraítear in Airteagal 4 de Chinneadh Réime 2005/214 a ghabhann le cinneadh CJIB atá i gceist sna príomhimeachtaí, gearradh fíneáil ar D. B. i leith cion coiriúil faoi dhlí an Bhallstáit eisiúna, eadhon cion arb éard atá ann agus iompar a sháraíonn rialacháin um thrácht ar bhóithre, mar atá sainmhínithe i ndlí an Bhallstáit eisiúna.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Cé, sna himthosca sin, gurb é Airteagal 1(a)(ii) de Chinneadh Réime 2005/214 agus nach Airteagal 1(a)(iii) den Chinneadh Réime sin atá infheidhme sa chás seo, is é an fíoras fós go gceanglaítear leis an dá fhoráil sin i dtéarmaí comhionanna nach mór ‘deis a bheith ag an duine lena mbaineann an cás a chur faoi thriail ag cúirt a raibh dlínse aici go háirithe in ábhair choiriúla’.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Maidir leis an gceist, sa chéad áit, cibé an áirithítear nó nach n‑áirithítear an ceart achomhairc d’ainneoin na hoibleagáide atá ann nós imeachta riaracháin roimh ré a chomhlíonadh sula ndéanann cúirt a bhfuil dlínse aici go háirithe in ábhair choiriúla scrúdú ar an gcás, de réir bhrí Chinneadh Réime 2005/214, chinn an Chúirt cheana féin nach gceanglaítear le hAirteagal 1(a)(iii) den Chinneadh Réime sin gur cheart an cás a thabhairt go díreach os comhair cúirt den sórt sin (féach, chuige sin, breithiúnas an 14 Samhain 2013, Baláž, C‑60/12, EU:C:2013:733, mír 45).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">A mhéid a bhfuil feidhm ag Cinneadh Réime 2005/214 freisin maidir le pionóis airgeadais arna bhforchur ag údaráis riaracháin, d’fhéadfadh go mbeadh gá le céim riaracháin roimhe sin, ag brath ar ghnéithe ar leith de chórais bhreithiúnacha na mBallstát. Mar sin féin, níor cheart rochtain ar chúirt a bhfuil dlínse aici go háirithe in ábhair choiriúla, de réir bhrí an chinnidh réime sin, a chur faoi réir coinníollacha a fhágann go bhfuil an rochtain sin dodhéanta nó ródheacair (breithiúnas an 14 Samhain 2013, Baláž, C‑60/12, EU:C:2013:733, mír 46 agus an cásdlí dá dtagraítear).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Sa dara háit, maidir le raon feidhme agus nádúr an athbhreithnithe arna dhéanamh ag an gcúirt a bhféadtar an cás a thabhairt os a comhair, ní mór go mbeadh dlínse iomlán ag an gcúirt sin chun scrúdú a dhéanamh ar an gcás maidir leis an measúnú dlíthiúil agus leis na himthosca fíorasacha araon agus ní mór, inter alia, an deis a bheith aici chun an fhianaise a scrúdú agus a chinneadh ar an mbonn sin freagracht an duine lena mbaineann agus oiriúnacht an phionóis (breithiúnas an 14 Samhain 2013, Baláž, C‑60/12, EU:C:2013:733, mír 47).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Mar is léir ón ordú tarchuir, d’ainneoin, i gcomhréir le reachtaíocht na hÍsiltíre, go bhfuil an t‑achomharc i gcoinne chinneadh CJIB lena bhforchuirtear pionós á scrúdú ag ionchúisitheoir poiblí arna chur faoi bhráid údarás ordlathach an Aire Dlí agus Cirt, foráiltear leis an reachtaíocht sin go bhféadfaidh an duine lena mbaineann achomharc a thabhairt os comhair Kantonrechter (an Chúirt Dúiche (Ceantar Cantúin)) i gcoinne chinneadh an ionchúisitheora sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Sna himthosca sin, gan é a bheith riachtanach measúnú a dhéanamh maidir le cibé an bhfuil nó nach bhfuil ionchúisitheoir poiblí atá inniúil chun achomharc a scrúdú i gcoinne chinneadh CJIB lena bhforchuirtear pionós i leith ciona arb éard atá ann ná iompar a sháraíonn rialacháin um thrácht ar bhóithre ina ‘cúirt a bhfuil dlínse aici go háirithe in ábhair choiriúla’ de réir bhrí Airteagal 1(a)(ii) de Chinneadh Réime 2005/214, is gá a chinneadh cibé an chúirt den sórt sin é Kantonrechter (an Chúirt Dúiche (Ceantar Cantúin)) dá dtagraítear sa mhír roimhe seo.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Chuige sin, ní mór a mheabhrú gur coincheap uathrialach de dhlí an Aontais é an coincheap ‘cúirt a bhfuil dlínse aici go háirithe in ábhair choiriúla’, dá dtagraítear san fhoráil sin, agus nach mór é a léiriú ar bhealach a gciallaíonn gur coincheap é trína gcumhdaítear aon chúirt nó binse a chuireann nós imeachta i bhfeidhm a chomhlíonann buntréithe an nós imeachta coiriúil agus, go háirithe, a bhfuil dlínse neamhtheoranta aige agus a chuireann i bhfeidhm nós imeachta atá faoi réir chomhlíonadh na gcoimircí nós imeachta is iomchuí maidir le hábhair choiriúla (féach, chuige sin, breithiúnas an 14 Samhain 2013, Baláž, C‑60/12, EU:C:2013:733, míreanna 39 agus 42).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Féadfaidh an Chúirt, a n‑iarrtar uirthi freagraí a thabhairt atá úsáideach don chúirt náisiúnta, treoir a sholáthar, ar bhonn an chomhaid sna príomhimeachtaí agus na mbarúlacha a cuireadh faoina bráid, ionas go gcuirfí ar chumas na cúirte a rinne an tarchur breithiúnas a thabhairt sa chás áirithe atá ar feitheamh os a comhair (féach, de réir analaí, breithiúnas an 26 Eanáir 2021, Szpital Kliniczny im. dra J. Babińskiego Samodzielny Publiczny Zakład Opieki Zdrowotnej w Krakowie, C‑16/19, EU:C:2021:64, mír 38).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">Sa chás seo, mar is léir ón gcomhad a cuireadh faoi bhráid na Cúirte, féadfaidh an Kantonrechter (an Chúirt Dúiche (Ceantar Cantúin)), dá dtagraítear i mír 39 den bhreithiúnas seo, rialú a thabhairt ar shaincheisteanna dlí agus fíorais agus ar chomhréireacht na fíneála a fhorchuirtear i ndáil leis an gcion a rinneadh agus na himeachtaí os comhair na cúirte sin faoi réir coimircí nós imeachta iomchuí maidir le hábhair choiriúla. Go háirithe, baineann na coimircí sin leis an gcaoi a gcuirtear na doiciméid a bhaineann leis an gcás ar aird an duine lena mbaineann, leis an éisteacht i gcúirt oscailte a ndéantar an duine sin a thoghairm chuici, an fhéidearthacht cúnamh nó ionadaíocht a fháil, éisteacht na finnéithe agus na saineolaithe agus úsáid a bhaint as ateangaire.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Ní mór an Kantonrechter (an Chúirt Dúiche (Ceantar Cantúin)) a aicmiú mar ‘cúirt a bhfuil dlínse aici go háirithe in ábhair choiriúla’ de réir bhrí Airteagal 1(a)(ii) de Chinneadh Réime 2005/214.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Is neamhábhartha sa chás seo an fíoras, atá luaite ag an gcúirt a rinne an tarchur, go bhfuil, i gcomhréir le reachtaíocht na hÍsiltíre, i gcás inarb é EUR 225 nó níos mó an fhíneáil a fhorchuirtear, breithniú an achomhairc ag cúirt faoi réir íocaíocht ag an duine sin d’éarlais atá comhionann leis an méid sin. Ní mór a chinneadh, sa chás sna príomhimeachtaí, gurb’ionann an fhíneáil a ghearr CJIB ar D. B. agus EUR 92.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">I bhfianaise na mbreithnithe go léir thuasluaite, is é freagra na gceisteanna dá dtagraítear nach mór Airteagal 1(a)(ii) de Chinneadh Réime 2005/214 a léiriú sa chaoi gur ‘cinneadh’ é cinneadh lena bhforchuirtear pionós airgid go cinntitheach ar dhuine nádúrtha, arna ghlacadh ag údarás de chuid an Bhallstáit eisiúna seachas cúirt mar gheall ar chion coiriúil faoi dhlí an Bhallstáit sin, de réir bhrí na forála sin, i gcás ina bhforáiltear le reachtaíocht an Bhallstáit sin go ndéanfaidh ionchúisitheoir arna chur faoi údarás ordlathach an Aire Dlí agus Cirt, an t‑achomharc i gcoinne an chinnidh sin a scrúdú ar dtús, i gcúirt a bhfuil dlínse aici go háirithe in ábhair choiriúla, a bhféadfaidh an duine lena mbaineann a urghabháil ina dhiaidh sin má ghlacann an t‑ionchúisitheoir sin cinneadh ag diúltú don achomharc sin, ar an gcoinníoll nach bhfuil rochtain ar an dlínse sin faoi réir coinníollacha a fhágann go bhfuil sé dodhéanta nó ródheacair an rochtain sin a chur i bhfeidhm.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Costais</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">Ós rud é, a mhéid a bhaineann sé leis na páirtithe sna príomhimeachtaí, go bhfuil na himeachtaí mar chéim sa chás os comhair na cúirte a rinne an tarchur, baineann ceist na gcostas leis an gcúirt sin. Níl na costais a tabhaíodh trí bharúlacha a chur faoi bhráid na Cúirte, seachas costais na bpáirtithe sin, inghnóthaithe.</p>
</td>
</tr>
</table>
    <p class="C41DispositifIntroduction" id="para-108" title="page-1">
      Ar na forais sin, rialaíonn an Chúirt (an Seachtú Dlísheomra) mar seo a leanas:
    </p>
    <p class="C30Dispositifalinea" id="para-109" title="page-1">
      Maidir le hAirteagal 1(a)(ii) de Chinneadh Réime 2005/214/CGB ón gComhairle an 24 Feabhra 2005 maidir le cur i bhfeidhm phrionsabal an aitheantais fhrithpháirtigh ar phionóis airgid, arna leasú le Cinneadh Réime 2009/299/CGB ón gComhairle an 26 Feabhra 2009,
    </p>
    <p class="C30Dispositifalinea" id="para-110" title="page-1">
      ní mór léiriú a dhéanamh mar seo a leanas:
    </p>
    <p class="C30Dispositifalinea" id="para-111" title="page-1">
      is ‘cinneadh’ é cinneadh lena bhforchuirtear pionós airgid go cinntitheach ar dhuine nádúrtha, arna ghlacadh ag údarás de chuid an Bhallstáit eisiúna seachas cúirt mar gheall ar chion coiriúil faoi dhlí an Bhallstáit sin, de réir bhrí na forála sin, i gcás ina bhforáiltear le rialacha an Bhallstáit sin go ndéanfaidh ionchúisitheoir arna chur faoi bhráid údarás ordlathach an Aire Dlí agus Cirt an t‑achomharc i gcoinne an chinnidh sin a scrúdú ar dtús, i gcúirt a bhfuil dlínse aici go háirithe in ábhair choiriúla, a bhféadfaidh an duine lena mbaineann a urghabháil ina dhiaidh sin má ghlacann an t‑ionchúisitheoir sin cinneadh ag diúltú don achomharc sin, ar an gcoinníoll nach bhfuil rochtain ar an dlínse sin faoi réir coinníollacha a fhágann go bhfuil sé dodhéanta nó ródheacair an rochtain sin a chur i bhfeidhm.
    </p>
    <div class="signatures">
<p class="C77Signatures" id="para-112" title="page-1">
<span class="signatory">[Sínithe]</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Teanga an cháis: an Pholainnis.</p>
</body>
</html>
