<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.7-->
  <head>
    <title>2022-04-202204C107202101500-00-TRA-DOC-MT-ARRET-C-0150-21-202202550-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="16/05/2022 10:45:17" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="PWjemW8se+1V5z9tKLHpOMYRCo9PSIJ8I1y+cY+RCwmHWqUchinWYKF6xbJyra9VDiiW5YBBUKTkZfMjHIbb8ggBd3Ah3i//rPnf7tajlapTOv4b4TMWzaywYL8bIa6AuEYS79qv6W4ASMUAYz8AVLtX0fKXyB/jh7H0Jak3iuo=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="mmic" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="3e865298-b561-4a3c-8047-cd63b58a9a26" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0150" name="NumeroOrdre"/>
    <meta content="2021" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="mmic" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 12/03/2022 10:53:01" name="Created"/>
    <meta content="2022-04-12T17:00:08Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="0ebec2ed785844eb98f9a3cb1a363bac" name="DocumentIdentifier"/>
    <meta content="0150" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Sentenza tas‑7.4.2022 – Kawża C‑150/21</div>
      <div id="rId21" style="default">Prokuratura Rejonowa Łódź-Bałuty (Qorti li għandha l-kompetenza f’materji kriminali)</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (Is‑Seba’ Awla)
    </p>
    <p class="C19Centre" id="para-2" title="page-1">
      7 ta’ April 2022  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Kooperazzjoni ġudizzjarja f’materji kriminali – Rikonoxximent reċiproku – Deċiżjoni Qafas 2005/214/ĠAI – Eżekuzzjoni ta’ sanzjonijiet pekunjarji – Artikolu 1(a)(ii) – Deċiżjoni li timponi sanzjoni pekunjarja mogħtija minn awtorità amministrattiva – Deċiżjoni li tista’ tiġi appellata quddiem prosekutur suġġett għall-istruzzjonijiet tal-Ministru għall-Ġustizzja – Rikors ulterjuri quddiem qorti li għandha l-kompetenza, b’mod partikolari, f’materji kriminali”
    </p>
    <p class="C02AlineaAltA" id="para-4" title="page-1">
      Fil-Kawża C‑150/21,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa mis-Sąd Rejonowy dla Łodzi-Śródmieścia w Łodzi (il-Qorti Distrettwali ta’ Łódź, Ċentru tal-Belt ta’ Łódź, il-Polonja), permezz ta’ deċiżjoni tat‑23 ta’ Frar 2021, li waslet fil-Qorti tal-Ġustizzja fil‑5 ta’ Marzu 2021, fil-proċedura dwar ir-rikonoxximent u l-eżekuzzjoni ta’ piena pekunjarja imposta fuq
    </p>
    <p class="C02AlineaAltA" id="para-6" title="page-1">
      D. B.,
    </p>
    <p class="C02AlineaAltA" id="para-7" title="page-1">
      fil-preżenza ta’:
    </p>
    <p class="C02AlineaAltA" id="para-8" title="page-1">
      Prokuratura Rejonowa Łódź-Bałuty,
    </p>
    <p class="C19Centre" id="para-9" title="page-1">
      IL-QORTI TAL-ĠUSTIZZJA (Is-Seba’ Awla),
    </p>
    <p class="C02AlineaAltA" id="para-10" title="page-1">
      komposta minn J. Passer, President tal-Awla, N. Wahl u M. L. Arastey Sahún (Relatriċi), Imħallfin,
    </p>
    <p class="C02AlineaAltA" id="para-11" title="page-1">
      Avukat Ġenerali: N. Emiliou,
    </p>
    <p class="C02AlineaAltA" id="para-12" title="page-1">
      Reġistratur: A. Calot Escobar,
    </p>
    <p class="C02AlineaAltA" id="para-13" title="page-1">
      wara li rat il-proċedura bil-miktub,
    </p>
    <p class="C02AlineaAltA" id="para-14" title="page-1">
      wara li rat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Prokuratura Rejonowa Łódź-Bałuty, minn J. Szubert, prokurator regionalny w Łodzi,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Pollakk, minn B. Majczyna, bħala aġent,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Olandiż, minn M. K. Bulterman u P. Huurnink, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn M. Wasmeier u K. Herrmann, bħala aġenti,</p>
</td>
</tr>
</table>
    <p class="C02AlineaAltA" id="para-19" title="page-1">
      wara li rat id-deċiżjoni, meħuda wara li nstema’ l-Avukat Ġenerali, li l-kawża tinqata’ mingħajr konklużjonijiet,
    </p>
    <p class="C02AlineaAltA" id="para-20" title="page-1">
      tagħti l-preżenti
    </p>
    <p class="C75Debutdesmotifs" id="para-21" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-Artikolu 1(a)(ii) tad-Deċiżjoni Qafas tal-Kunsill 2005/214/ĠAI tal‑24 ta’ Frar 2005 dwar l-applikazzjoni tal-prinċipju ta’ rikonoxximent reċiproku ta’ penali finanzjarji (ĠU 2006, L 159M, p. 256), kif emendata bid-Deċiżjoni Qafas tal-Kunsill 2009/299/ĠAI tas‑26 ta’ Frar 2009 (ĠU 2009, L 81, p. 24) (iktar ’il quddiem id-“Deċiżjoni Qafas 2005/214”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ proċedura mibdija mis-Centraal Justitieel Incassobureau, Ministerie van Justitie en Veiligheid (l-Uffiċċju Ċentrali ta’ Rkupru Ġudizzjarju, il-Ministeru għall-Ġustizzja u għas-Sigurtà, il-Pajjiżi l-Baxxi) (iktar ’il quddiem iċ-“CJIB”) sabiex jikseb ir-rikonoxximent u l-eżekuzzjoni, fil-Polonja, ta’ sanzjoni pekunjarja imposta fuq D. B. fil-Pajjiżi l-Baxxi, minħabba ksur tar-regoli li jirregolaw it-traffiku stradali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id‑dritt tal‑Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">L-Artikolu 1 tad-Deċiżjoni Qafas 2005/214, intitolat “Definizzjonijiet”, jiddisponi li:</p>
</td>
</tr>
</table>
    <p class="C02AlineaAltA" id="para-27" title="page-1">
      “Għall-finijiet ta’ din id-Deċiżjoni Kwadru:
    </p>
    <p class="C09Marge0avecretrait" id="para-28" title="page-1">
      (a) ‘deċiżjoni’ tfisser deċiżjoni finali li teħtieġ il-ħlas ta’ penali finanzjarja minn persuna fiżika jew ġuridika fejn id-deċiżjoni ttieħdet minn:
    </p>
    <p class="C11Marge1avecretrait" id="para-29" title="page-2">
      […]
    </p>
    <p class="C11Marge1avecretrait" id="para-30" title="page-2">
      (ii) awtorità ta’ l-Istat emittenti li ma tkunx qorti, fir-rigward ta’ reat kriminali skond il-liġi ta’ l-Istat emittenti, sakemm il-persuna konċernata kellha l-opportunità li jkollha l-każ deċiż minn qorti li għandha l-kompetenza, b’mod partikolari, f’materji kriminali;
    </p>
    <p class="C11Marge1avecretrait" id="para-31" title="page-2">
      (iii) awtorità ta’ l-Istat emittenti li ma tkunx qorti, fir-rigward ta’ atti li huma kastigabbli skond il-liġi nazzjonali ta’ l-Istat emittenti billi jikkostitwixxu ksur tal-liġi, sakemm il-persuna konċernata kellha l-opportunità li jkollha l-każ deċiż minn qorti li għandha l-kompetenza, b’mod partikolari, f’materji kriminali;
    </p>
    <p class="C11Marge1avecretrait" id="para-32" title="page-2">
      […]
    </p>
    <p class="C09Marge0avecretrait" id="para-33" title="page-2">
      (b) ‘penali finanzjarja’ tfisser l-obbligu ta’ ħlas ta’:
    </p>
    <p class="C11Marge1avecretrait" id="para-34" title="page-2">
      (i) somma ta’ flus imposta b’deċiżjoni wara kundanna fuq reat;
    </p>
    <p class="C11Marge1avecretrait" id="para-35" title="page-2">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">L-Artikolu 3 ta’ din id-Deċiżjoni Qafas, intitolat “Drittijiet fondamentali”, jipprevedi:</p>
</td>
</tr>
</table>
    <p class="C02AlineaAltA" id="para-37" title="page-2">
      “Din id-Deċiżjoni Kwadru ma għandhiex ikollha l-effett li temenda l-obbligu tar-rispett tad-drittijiet fondamentali u tal-prinċipji legali fondamentali kif professati fl-Artikolu 6 tat-Trattat [UE].”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">L-Artikolu 4 tal-imsemmija deċiżjoni qafas, intitolat “Trasmissjoni ta’ deċiżjonijiet u rikors għall-awtorità ċentrali”, jistabbilixxi, fil-paragrafu 1 tiegħu:</p>
</td>
</tr>
</table>
    <p class="C02AlineaAltA" id="para-39" title="page-2">
      “Deċiżjoni, flimkien ma’ ċertifikat kif previst f’dan l-Artikolu, jista’ jiġi trasmess lill-awtoritajiet kompetenti ta’ Stat Membru li fih għandha l-proprjetà jew id-dħul il-persuna fiżika jew ġuridika, li kontriha ttieħdet deċiżjoni, hija normalment residenti jew, fil-każ ta’ persuna ġuridika, għandha l-uffiċċju reġistrata tagħha.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">L-Artikolu 5 tal-istess deċiżjoni qafas, intitolat “L-ambitu ta’ applikazzjoni”, jiddisponi, fil-paragrafu 1 tiegħu:</p>
</td>
</tr>
</table>
    <p class="C02AlineaAltA" id="para-41" title="page-2">
      “Ir-reati li ġejjin, jekk huma kastigabbli fl-Istat emittenti u kif inhuma definiti mill-liġi ta’ l-Istat emittenti, għandhom, skond l-istipulazzjonijiet ta’ din id-Deċiżjoni Kwadru u mingħajr verifikazzjoni tal-kriminalità doppja ta’ l-att, jagħtu lok għar-rikonoxximent u l-infurzar ta’ deċiżjonijiet:
    </p>
    <p class="C09Marge0avecretrait" id="para-42" title="page-2">
      […]
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">kondotta li tikser ir-regolamenti tat-traffiku tat-triq, inklużi l-ksur tar-regolamenti dwar il-ħinijiet ta’ sewqan u ta’ mistrieħ u tar-regolamenti dwar merkanzija perikoluża,</p>
</td>
</tr>
</table>
    <p class="C02AlineaAltA" id="para-44" title="page-3">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">L-Artikolu 6 tad-Deċiżjoni Qafas 2005/214, intitolat “Rikonoxximent u esekuzzjoni ta’ deċiżjonijiet”, huwa fformulat kif ġej:</p>
</td>
</tr>
</table>
    <p class="C02AlineaAltA" id="para-46" title="page-3">
      “L-awtoritajiet kompetenti fl-Istat ta’ esekuzzjoni għandhom jirrikonoxxu deċiżjoni li ġiet trasmessa skond l-Artikolu 4 mingħajr ma tkun neċessarja kwalunkwe formalità oħra u għandhom minnufiħ jieħdu l-miżuri kollha meħtieġa għall-esekuzzjoni tagħha, sakemm l-awtorità kompetenti ma tiddeċidix tinvoka waħda mir-raġunijiet għal nuqqas ta’ rikonoxximent jew nuqqas ta’ esekuzzjoni previsti fl-Artikolu 7.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Fi kliem l-Artikolu 7 ta’ din id-deċiżjoni qafas, intitolat “Raġunijiet għal nuqqas ta’ rikonoxximent u nuqqas ta’ esekuzzjoni”:</p>
</td>
</tr>
</table>
    <p class="C02AlineaAltA" id="para-48" title="page-3">
      “[…]
    </p>
    <p class="C02AlineaAltA" id="para-49" title="page-3">
      2. L-awtorità kompetenti fl-Istat ta’ esekuzzjoni tista’ wkoll tirrifjuta li tirrikonoxxi u li tesegwixxi d-deċiżjoni jekk jiġi stabbilit li:
    </p>
    <p class="C09Marge0avecretrait" id="para-50" title="page-3">
      […]
    </p>
    <p class="C09Marge0avecretrait" id="para-51" title="page-3">
      (g) skond iċ-ċertifikat previst fl-Artikolu 4, il-persuna konċernata, fil-każ ta’ proċedura bil-miktub, ma kinitx, skond il-liġi tal-Istat emittenti, infurmata personalment jew permezz ta’ rappreżentant, kompetenti skond il-liġi nazzjonali, bid-dritt tagħha li tikkontesta l-każ u bil-limiti ta’ żmien għal tali rimedju legali;
    </p>
    <p class="C09Marge0avecretrait" id="para-52" title="page-3">
      […]
    </p>
    <p class="C02AlineaAltA" id="para-53" title="page-3">
      3. Fil-każijiet imsemmija fil-paragrafi 1 u 2(c), (g), (i) u (j), qabel ma tiddeċiedi li ma tirrikonoxxix jew li ma tesegwix deċiżjoni, kompletament jew parzjalment, l-awtorità kompetenti fl-Istat ta’ eżekuzzjoni għandha tikkonsulta ma’ l-awtorità kompetenti fl-Istat emittenti, bi kwalunkwe mezz adatt, u għandha, fejn ikun opportun, titlobha biex tforni kwalunkwe informazzjoni meħtieġa mingħajr dewmien.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">L-Artikolu 20(3) tal-istess deċiżjoni qafas jipprevedi:</p>
</td>
</tr>
</table>
    <p class="C02AlineaAltA" id="para-55" title="page-3">
      “Kull Stat Membru jista’ jopponi r-rikonoxximent u l-esekuzzjoni ta’ deċiżjonijiet fejn iċ-ċertifikat imsemmi fil-paragrafu 4 jagħti lok għal kwistjoni dwar il-possibbiltà ta’ ksur tad-drittijiet fondamentali jew tal-prinċipji legali fondamentali kif professati fl-Artikolu 6 tat-Trattat. Il-proċedura msemmija fl-Artikolu 7(3) għandha tapplika.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id‑dritt Pollakk</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">L-Artikolu 611ff(1) tal-ustawa – Kodeks postępowania karnego (il-Liġi li Tistabbilixxi l-Kodiċi tal-Proċedura Kriminali), tas‑6 ta’ Ġunju 1997, (verżjoni kkonsolidata Dz. U. tal‑2020, pożizzjoni 30), jistabbilixxi:</p>
</td>
</tr>
</table>
    <p class="C02AlineaAltA" id="para-58" title="page-4">
      “Meta Stat Membru tal-Unjoni, imsejjaħ f’dan il-kapitolu bħala l-‘Istat emittenti’ jitlob l-eżekuzzjoni ta’ deċiżjoni finali li timponi penali finanzjarji, il-qorti distrettwali li fil-ġurisdizzjoni tagħha l-awtur tal-ksur għandu beni jew dħul, jew ir-residenza permanenti jew temporanja tiegħu għandha timplimenta dik id-deċiżjoni. […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑kawża prinċipali u d‑domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Fit‑22 ta’ Settembru 2020, iċ-CJIB adixxa lill-qorti tar-rinviju, jiġifieri s-Sąd Rejonowy dla Łodzi-Śródmieścia w Łodzi (il-Qorti Distrettwali ta’ Łódź, Ċentru tal-Belt ta’ Łódź, il-Polonja), b’talba għar-rikonoxximent u għall-eżekuzzjoni tad-deċiżjoni tiegħu tas‑17 ta’ Jannar 2020, li saret definittiva fit‑28 ta’ Frar 2020, li imponiet fuq D. B. multa ta’ EUR 92 minħabba ksur tar-regoli li jirregolaw it-traffiku stradali, jiġifieri l-qbiż tal-veloċità awtorizzata, imwettaq fil‑5 ta’ Jannar 2020.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Fis‑6 ta’ Novembru 2020, il-qorti tar-rinviju għamlet xi mistoqsijiet liċ-CJIB dwar ir-rikors previst fil-leġiżlazzjoni Olandiża kontra tali deċiżjoni kif ukoll l-istatus tal-awtorità li teżamina dan ir-rikors. Din il-qorti rċeviet it-tweġiba taċ-CJIB fit‑22 ta’ Frar 2021.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">D. B. ma attenda l-ebda waħda mis-seduti stabbiliti mill-qorti tar-rinviju, fis‑6 ta’ Novembru u fit‑8 ta’ Diċembru 2020, kif ukoll fit‑23 ta’ Frar 2021. D. B. lanqas ma ppreżenta nota.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Il-qorti tar-rinviju ssostni li, konformement mal-leġiżlazzjoni Olandiża, il-multa imposta miċ-CJIB tista’ tiġi kkontestata quddiem prosekutur pubbliku, fil-Pajjiżi l-Baxxi, f’terminu ta’ sitt ġimgħat. Fil-każ fejn dan il-prosekutur pubbliku ma jkunx jaqbel mal-pożizzjoni tal-persuna kkonċernata, din ikollha d-dritt li tippreżenta rikors quddiem kantonrechter (il-Qorti Kantonali, il-Pajjiżi l-Baxxi). Madankollu, fil-każ fejn il-kawża tirrigwarda multa ta’ ammont ugwali għal jew ogħla minn EUR 225, l-eżami tal-kawża minn tali qorti huwa suġġett għall-ħlas ta’ garanzija ta’ ammont ekwivalenti għall-multa imposta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">F’dawn iċ-ċirkustanzi, il-qorti tar-rinviju tesprimi dubji dwar il-kwistjoni jekk prosekutur pubbliku, fis-sens tal-leġiżlazzjoni Olandiża, jistax jiġi rrikonoxxut bħala “qorti li għandha l-kompetenza, b’mod partikolari, f’materji kriminali”, fis-sens tal-Artikolu 1(a)(ii) tad-Deċiżjoni Qafas 2005/214.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">L-imsemmija qorti tar-rinviju hija tal-opinjoni li, fid-dawl tal-Artikolu 3 tal-Artikolu 20(3) tad-Deċiżjoni Qafas 2005/214, kif ukoll tal-Artikolu 6 TUE fir-rigward tal-protezzjoni tad-drittijiet fundamentali, l-interpretazzjoni tal-Artikolu 1(a)(ii) ta’ din id-deċiżjoni qafas għandha tieħu inkunsiderazzjoni l-Artikolu 6 tal-Konvenzjoni Ewropea għall-Protezzjoni tad-Drittijiet tal-Bniedem u tal-Libertajiet Fundamentali, iffirmata f’Ruma fl‑4 ta’ Novembru 1950, u l-interpretazzjoni tagħha adottata fil-ġurisprudenza tal-Qorti Ewropea tad-Drittijiet tal-Bniedem.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Issa, konformement mal-ġurisprudenza tal-Qorti Ewropea tad-Drittijiet tal-Bniedem, sabiex tiġi ppreżervata n-natura ekwa tal-proċedura, kawża għandha tiġi eżaminata minn qorti imparzjali li ma tkunx suġġetta għall-poter eżekuttiv (sentenzi tal-Qorti EDB, tat‑23 ta’ Ġunju 1981, Le Compte, Van Leuven u De Meyer vs Il‑Belġju, CE:ECHR:1981:0623JUD000687875, kif ukoll tal-Qorti EDB, tad‑29 ta’ April 1988, Belilos vs L‑Isvizzera, CE:ECHR:1988:0429JUD001032883). Barra minn hekk, huwa essenzjali, f’dan ir-rigward, li ma jkunx hemm ostakoli fiskali jew ġuridiċi eċċessivi li jistgħu jikkompromettu l-aċċess għal tali qorti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Fir-rigward tal-interpretazzjoni tal-kunċett ta’ “qorti li għandha l-kompetenza, b’mod partikolari, f’materji kriminali”, imsemmi fl-Artikolu 1(a)(iii) tad-Deċiżjoni Qafas 2005/214, il-Qorti tal-Ġustizzja diġà ddeċidiet li, sabiex jiġi evalwat jekk organu previst mil-leġiżlazzjoni nazzjonali għandux in-natura ta’ tali qorti, għandhom jittieħdu inkunsiderazzjoni numru ta’ elementi, bħall-oriġini legali ta’ dan l-organu, il-permanenza tiegħu, in-natura obbligatorja tal-kompetenza tiegħu, in-natura kontradittorja tal-proċedura, l-applikazzjoni, mill-organu, tad-dispożizzjonijiet legali, kif ukoll tal-indipendenza tiegħu (sentenza tal‑14 ta’ Novembru 2013, Baláž, C‑60/12, EU:C:2013:733, punt 32).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">F’dak li jikkonċerna r-rekwiżit tal-indipendenza tal-qrati, dan għandu żewġ aspetti. L-ewwel aspett, ta’ natura esterna, jeħtieġ li l-qorti kkonċernata teżerċita l-funzjonijiet tagħha b’awtonomija sħiħa, mingħajr ma tkun suġġetta għal xi rabta ġerarkika jew suġġetta għal xi ħadd u mingħajr ma tirċievi ordnijiet jew istruzzjonijiet minn kwalunkwe sors, b’tali mod li b’hekk tkun protetta kontra l-interventi jew il-pressjonijiet esterni li jistgħu jippreġudikaw l-indipendenza tal-ġudizzju tal-membri tagħha u jinfluwenzaw id-deċiżjonijiet tagħhom (sentenza tal‑25 ta’ Lulju 2018, Minister for Justice and Equality (Nuqqasijiet tas-sistema ġudizzjarja), C‑216/18 PPU, EU:C:2018:586, punt 63).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">It-tieni aspett, ta’ natura interna, jingħaqad mal-kunċett ta’ “imparzjalità” u jirrigwarda d-distanza ugwali mill-partijiet fit-tilwima u l-interessi rispettivi tagħhom fir-rigward tas-suġġett tagħha (sentenza tal‑25 ta’ Lulju 2018, Minister for Justice and Equality (Nuqqasijiet tas-sistema ġudizzjarja), C‑216/18 PPU, EU:C:2018:586, punt 65).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Il-Qorti tal-Ġustizzja ddeċidiet, b’mod iktar partikolari, fuq il-punt dwar jekk prosekutur pubbliku nazzjonali jistax jiġi rrikonoxxut bħala “awtorità ġudizzjarja emittenti”, fis-sens tal-Artikolu 6(1) tad-Deċiżjoni Qafas tal-Kunsill 2002/584/ĠAI tat‑13 ta’ Ġunju 2002 dwar il-mandat ta’ arrest Ewropew u l-proċeduri ta’ konsenja bejn l-Istati Membri (ĠU Edizzjoni Speċjali bil-Malti, Kapitolu 19, Vol. 6, p. 34, rettifika fil-ĠU 2009, L 17, p. 45), kif emendata bid-Deċiżjoni Qafas 2009/299. Hija eskludiet tali possibbiltà fil-każ fejn l-uffiċċju tal-prosekutur pubbliku ta’ Stat Membru jkun espost għar-riskju li jiġi suġġett, direttament jew indirettament, għal ordnijiet jew għal istruzzjonijiet individwali min-naħa tal-poter eżekuttiv, bħal Ministru għall-Ġustizzja, fil-kuntest tal-adozzjoni ta’ deċiżjoni dwar il-ħruġ ta’ mandat ta’ arrest Ewropew (sentenza tas‑27 ta’ Mejju 2019, OG u PI (Uffiċċju tal-prosekutur ta’ Lübeck u ta’ Zwickau), C‑508/18 u C‑82/19 PPU, EU:C:2019:456, punt 90).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Fl-istess ħin, il-Qorti tal-Ġustizzja ddeċidiet li tikkostitwixxi “deċiżjoni ġudizzjarja” fis-sens tal-Artikolu 1(1) tad-Deċiżjoni Qafas 2002/584, deċiżjoni ta’ ħruġ ta’ mandat ta’ arrest Ewropew meħuda minn uffiċċju tal-prosekutur pubbliku ta’ Stat Membru, sakemm l-imsemmi mandat ta’ arrest Ewropew ikun is-suġġett, b’mod obbligatorju, ta’ approvazzjoni minn qorti li tistħarreġ b’mod indipendenti u oġġettiv, il-kundizzjonijiet tal-ħruġ kif ukoll il-proporzjonalità ta’ dan l-istess mandat ta’ arrest (sentenza tad‑9 ta’ Ottubru 2019, NJ (L-uffiċċju tal-prosekutur ta’ Vjenna), C‑489/19 PPU, EU:C:2019:849, punt 49).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Il-qorti tar-rinviju hija tal-opinjoni li, fid-dawl ta’ din il-ġurisprudenza u tal-pożizzjoni tal-uffiċċju tal-prosekutur pubbliku fl-ordinament ġuridiku Olandiż, dan ma jistax jitqies bħala “qorti li għandha l-kompetenza, b’mod partikolari, f’materji kriminali”, fis-sens tal-Artikolu 1(a)(ii) u (iii) tad-Deċiżjoni Qafas 2005/214.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">F’dan ir-rigward, hija tenfasizza l-importanza tal-possibbiltà, prevista f’dawn id-dispożizzjonijiet, li titressaq il-kawża quddiem qorti li għandha l-kompetenza, b’mod partikolari, f’materji kriminali fil-każijiet fejn id-deċiżjoni li tikkonstata l-ħtija tal-persuna kkonċernata u li timponi s-sanzjoni tkun kompletament awtomatizzata, l-awtorità nazzjonali li tadotta din id-deċiżjoni sempliċement tivverifika d-data tal-proprjetarju tal-vettura u tittrażmetti lil din il-persuna d-dokument iġġenerat mis-sistema informatika.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Fir-rigward tal-leġiżlazzjoni tal-Pajjiżi l-Baxxi li tipprovdi li, meta l-prosekutur pubbliku ma jilqax ir-rikors ippreżentat mill-persuna kkonċernata kontra d-deċiżjoni taċ-CJIB, rikors jista’ sussegwentement jiġi ppreżentat quddiem kantonrechter (il-Qorti Kantonali), hija ma tistax tissodisfa r-rekwiżit previst fl-Artikolu 1(a)(ii) tad-Deċiżjoni Qafas 2005/214, li jgħid li d-deċiżjoni ta’ awtorità tal-Istat emittenti li ma hijiex qorti għandha tkun tista’ tkun is-suġġett ta’ rikors ippreżentat quddiem “qorti li għandha l-kompetenza, b’mod partikolari, f’materji kriminali”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Fil-fatt, din id-deċiżjoni qafas tipprevedi l-possibbiltà li jiġi ppreżentat rikors direttament quddiem qorti, mingħajr ma jkun neċessarju li jiġu eżawriti, fl-ewwel lok, kull rimedju proċedurali ieħor.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">F’dan ir-rigward, mis-sentenza tal‑14 ta’ Novembru 2013, Baláž (C‑60/12, EU:C:2013:733, punt 46), jirriżulta li l-aċċess għal qorti kompetenti b’mod partikolari f’materji kriminali, fis-sens tad-Deċiżjoni Qafas 2005/214, ma għandux ikun suġġett għal kundizzjonijiet li jagħmluha impossibbli jew eċċessivament diffiċli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Barra minn hekk, il-qorti tar-rinviju tikkonstata li, skont il-leġiżlazzjoni Olandiża, fil-każ fejn il-multa imposta hija ta’ ammont ogħla jew ekwivalenti għal EUR 225, l-eżami tar-rikors minn qorti huwa suġġett għall-ħlas mill-persuna kkonċernata ta’ garanzija ekwivalenti għal dan l-ammont. Issa, din il-modalità proċedurali tista’ tikkostitwixxi ostakolu li jiddisswadi ċittadin ta’ Stat Membru milli jippreżenta rikors fl-Istat Membru emittenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">F’dawn iċ-ċirkustanzi, is-Sąd Rejonowy dla Łodzi-Śródmieścia w Łodzi (il-Qorti Distrettwali ta’ Łódź, Ċentru tal-Belt ta’ Łódź) iddeċidiet li tissospendi l-proċedura quddiemha u li tagħmel lill-Qorti tal-Ġustizzja d-domandi preliminari li ġejjin:</p>
</td>
</tr>
</table>
    <p class="C09Marge0avecretrait" id="para-79" title="page-7">
      “1) Deċiżjoni li timponi sanzjoni pekunjarja meħuda mill-awtorità amministrattiva ċentrali tal-Pajjiżi l-Baxxi stabbilita abbażi tal-Artikolu 2 tad-Deċiżjoni Qafas [2005/214], li tista’ tiġi appellata quddiem l-uffiċċju tal-prosekutur pubbliku, li jaqa’ taħt il-Ministeru għall-Ġustizzja, tissodisfa l-kriterju ta’ ‘deċiżjoni li minnha jista’ jiġi ppreżentat appell quddiem qorti li għandha l-kompetenza f’materji kriminali’ fis-sens tal-Artikolu 1(a)(ii) tad-Deċiżjoni Qafas?
    </p>
    <p class="C09Marge0avecretrait" id="para-80" title="page-7">
      2) Il-kriterju li deċiżjoni li timponi sanzjoni pekunjarja għandha tkun suġġetta għal appell quddiem ‘qorti li għandha l-kompetenza f’materji kriminali’ għandu jitqies li huwa ssodisfatt f’sitwazzjoni fejn appell quddiem qorti [kantonali] jkun possibbli biss fi stadju ulterjuri tal-proċedura, jiġifieri wara li dan jiġi miċħud mill-prosekutur, u barra minn hekk, f’xi każijiet, ikun meħtieġ ħlas ekwivalenti għas-sanzjoni imposta?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id‑domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Permezz tad-domandi tagħha, li għandhom jiġu eżaminati flimkien, il-qorti tar-rinviju tistaqsi, essenzjalment, l-ewwel, jekk l-Artikolu 1(a)(ii) tad-Deċiżjoni Qafas 2005/214 għandux jiġi interpretat fis-sens li deċiżjoni li timponi, b’mod definittiv, sanzjoni pekunjarja fuq persuna fiżika, meħuda minn awtorità tal-Istat Membru emittenti, li ma hijiex qorti, minħabba reat kriminali fir-rigward tad-dritt ta’ dan l-Istat Membru, tikkostitwixxix “deċiżjoni”, fis-sens ta’ din id-dispożizzjoni, fil-każ fejn il-leġiżlazzjoni ta’ dan l-Istat Membru jipprevedi li r-rikors kontra din id-deċiżjoni hija, fl-ewwel lok, eżaminata minn prosekutur pubbliku taħt l-awtorità ġerarkika tal-Ministru għall-Ġustizzja, qorti li għandha kompetenza b’mod partikolari f’materji kriminali li sussegwentement jistgħu jiġu aditi mill-persuna kkonċernata jekk dan il-prosekutur pubbliku jadotta deċiżjoni li tiċħad dan l-appell. It-tieni, il-qorti tar-rinviju tistaqsi jekk din id-dispożizzjoni għandhiex tiġi interpretata fis-sens li l-persuna kkonċernata kellha “l-opportunità li jkollha l-każ deċiż minn qorti li għandha l-kompetenza, b’mod partikolari, f’materji kriminali”, fis-sens ta’ din id-dispożizzjoni, fil-każ fejn, konformement mal-leġiżlazzjoni tal-Istat Membru emittenti, meta l-multa imposta tkun ta’ ammont ogħla jew ugwali għal EUR 225, l-eżami tar-rikors minn qorti huwa suġġett għall-ħlas minn din il-persuna kkonċernata ta’ garanzija ekwivalenti għal dan l-ammont.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Preliminarjament, għandu jitfakkar li, konformement mat-tielet inċiż tal-Artikolu 5(1) tad-Deċiżjoni Qafas 2005/214, jagħtu lok għar-rikonoxximent u għall-eżekuzzjoni tad-deċiżjonijiet, għall-kundizzjonijiet ta’ din id-deċiżjoni qafas u mingħajr verifika tal-kriminalità doppja tal-fatt, il-ksur ta’ kondotta li jmur kontra r-regoli li jirregolaw it-traffiku stradali, jekk dawn ikunu punibbli fl-Istat Membru emittenti, kif iddefiniti fid-dritt ta’ dan l-Istat Membru.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">L-Artikolu 1(a)(ii) tad-Deċiżjoni Qafas 2005/214 jiddefinixxi l-kunċett ta’ “deċiżjoni” bħala “deċiżjoni finali li teħtieġ il-ħlas ta’ penali finanzjarja minn persuna fiżika jew ġuridika fejn id-deċiżjoni ttieħdet minn awtorità ta’ l-Istat emittenti li ma tkunx qorti, fir-rigward ta’ reat kriminali skond il-liġi ta’ l-Istat emittenti, sakemm il-persuna konċernata kellha l-opportunità li jkollha l-każ deċiż minn qorti li għandha l-kompetenza, b’mod partikolari, f’materji kriminali”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Konformement mal-Artikolu 1(a)(iii) ta’ din id-deċiżjoni qafas, tikkostitwixxi wkoll “deċiżjoni” “deċiżjoni finali li teħtieġ il-ħlas ta’ penali finanzjarja minn persuna fiżika jew ġuridika fejn id-deċiżjoni ttieħdet minn awtorità ta’ l-Istat emittenti li ma tkunx qorti, fir-rigward ta’ atti li huma kastigabbli skond il-liġi nazzjonali ta’ l-Istat emittenti billi jikkostitwixxu ksur tal-liġi, sakemm il-persuna konċernata kellha l-opportunità li jkollha l-każ deċiż minn qorti li għandha l-kompetenza, b’mod partikolari, f’materji kriminali”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Kif jirriżulta mill-proċess ippreżentat quddiem il-Qorti tal-Ġustizzja u, b’mod partikolari, miċ-ċertifikat imsemmi fl-Artikolu 4 tad-Deċiżjoni Qafas 2005/214, flimkien mad-deċiżjoni taċ-CJIB li hija s-suġġett tal-kawża prinċipali, D. B. ġie impost multa minħabba reat kriminali fir-rigward tad-dritt tal-Istat Membru emittenti, jiġifieri ksur tar-regoli li jirregolaw it-traffiku stradali, kif inhuma ddefiniti fih mid-dritt tal-imsemmi Stat Membru.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Għalkemm, f’dawn iċ-ċirkustanzi, huwa l-Artikolu 1(a)(ii) tad-Deċiżjoni Qafas 2005/214 u mhux l-Artikolu 1(a)(iii) ta’ din id-deċiżjoni qafas li huwa applikabbli f’dan il-każ, xorta jibqa’ l-fatt li dawn iż-żewġ dispożizzjonijiet jeżiġu f’termini identiċi li l-persuna kkonċernata għandha jkollha “l-opportunità li jkollha l-każ deċiż minn qorti li għandha l-kompetenza, b’mod partikolari, f’materji kriminali”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Fir-rigward, fl-ewwel lok, tal-kwistjoni dwar jekk id-dritt għal rimedju huwiex iggarantit minkejja l-obbligu li tiġi osservata proċedura amministrattiva preliminari qabel ma l-kawża tiġi eżaminata minn qorti li għandha kompetenza b’mod partikolari f’materji kriminali, fis-sens tad-Deċiżjoni Qafas 2005/214, il-Qorti tal-Ġustizzja diġà ddeċidiet li l-Artikolu 1(a)(iii) ta’ din id-deċiżjoni qafas ma jeżiġix li l-kawża tkun tista’ tiġi direttament suġġetta għal tali qorti (ara, f’dan is-sens, is-sentenza tal‑14 ta’ Novembru 2013, Baláž, C‑60/12, EU:C:2013:733, punt 45).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Sa fejn id-Deċiżjoni Qafas 2005/214 tapplika wkoll għas-sanzjonijiet pekunjarji imposti minn awtoritajiet amministrattivi, jista’ jkun meħtieġ, skont il-karatteristiċi partikolari tas-sistemi ġudizzjarji tal-Istati Membri, li qabel tinżamm fażi amministrattiva. Madankollu, l-aċċess għal qorti kompetenti, b’mod partikolari, f’materji kriminali, fis-sens ta’ din id-deċiżjoni qafas, ma għandux jiġi suġġett għal kundizzjonijiet li jagħmluha impossibbli jew eċċessivament diffiċli (sentenza tal‑14 ta’ Novembru 2013, Baláž, C‑60/12, EU:C:2013:733, punt 46 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Rigward, fit-tieni lok, l-estensjoni u n-natura tal-istħarriġ eżerċitat mill-qorti li tista’ tkun adita, din tal-aħħar għandha jkollha kompetenza sħiħa sabiex teżamina l-każ fir-rigward kemm tal-evalwazzjoni fid-dritt kif ukoll taċ-ċirkustanzi fattwali u għandha jkollha, b’mod partikolari, il-possibbiltà li teżamina l-provi u tistabbilixxi fuq din il-bażi r-responsabbiltà tal-persuna kkonċernata kif ukoll jekk il-penali hijiex adegwata (sentenza tal‑14 ta’ Novembru 2013, Baláž, C‑60/12, EU:C:2013:733, punt 47).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Kif jirriżulta mid-deċiżjoni tar-rinviju, minkejja l-fatt li, konformement mal-leġiżlazzjoni Olandiża, ir-rikors kontra d-deċiżjoni taċ-CJIB li timponi sanzjoni huwa eżaminat minn prosekutur pubbliku taħt l-awtorità ġerarkika tal-Ministru għall-Ġustizzja, din il-leġiżlazzjoni tipprovdi li l-persuna kkonċernata tista’ tadixxi lill-kantonrechter (il-Qorti Kantonali) b’rikors kontra d-deċiżjoni ta’ dan il-prosekutur pubbliku.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">F’dawn iċ-ċirkustanzi, mingħajr ma jkun neċessarju li jiġi evalwat jekk prosekutur pubbliku kompetenti sabiex jeżamina rikors kontra d-deċiżjoni taċ-CJIB li timponi sanzjoni għall-ksur ta’ kondotta li tmur kontra r-regoli li jirregolaw it-traffiku stradali huwa “qorti li għandha l-kompetenza, b’mod partikolari, f’materji kriminali”, fis-sens tal-Artikolu 1(a)(ii) tad-Deċiżjoni Qafas 2005/214, għandu jiġi vverifikat jekk il-kantonrechter (il-Qorti Kantonali) imsemmija fil-punt preċedenti tikkostitwixxix tali qorti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">F’dan ir-rigward, għandu jitfakkar li l-kunċett ta’ “qorti li għandha l-kompetenza, b’mod partikolari, f’materji kriminali”, imsemmi fl-imsemmija dispożizzjoni, jikkostitwixxi kunċett awtonomu tad-dritt tal-Unjoni u għandu jiġi interpretat fis-sens li taqa’ taħt dan il-kunċett kull qorti li tapplika proċeduri li jissodisfaw il-karatteristiċi essenzjali ta’ proċeduri kriminali u, b’mod partikolari, għandha kompetenza sħiħa u tapplika proċedura li hija suġġetta għall-osservanza tal-garanziji proċedurali xierqa f’materji kriminali (ara, f’dan is-sens, is-sentenza tal‑14 ta’ Novembru 2013, Baláž, C‑60/12, EU:C:2013:733, punti 39 u 42).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Il-Qorti tal-Ġustizzja, mitluba sabiex tagħti risposti utli lill-qorti nazzjonali, hija kompetenti sabiex tagħti indikazzjonijiet, abbażi tal-proċess tal-kawża prinċipali kif ukoll tal-osservazzjonijiet li ġew ippreżentati lilha, b’mod li jippermettu lill-qorti tar-rinviju tiddeċiedi l-kawża konkreta li għandha quddiemha (ara, b’analoġija, is-sentenza tas‑26 ta’ Jannar 2021, Szpital Kliniczny im. dra J. Babińskiego Samodzielny Zakład Opieki Zdrowotnej w Krakowie, C‑16/19, EU:C:2021:64, punt 38).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">F’din il-kawża, kif jirriżulta mill-proċess ippreżentat lill-Qorti tal-Ġustizzja, il-kantonrechter (il-Qorti Kantonali), imsemmija fil-punt 39 ta’ din is-sentenza, tista’ tiddeċiedi fuq il-kwistjonijiet ta’ liġi u ta’ fatt, kif ukoll fuq il-proporzjonalità tal-multa imposta fir-rigward tal-ksur imwettaq, peress li l-proċedura quddiem din il-qorti hija suġġetta għall-garanziji proċedurali xierqa fil-qasam kriminali. B’mod partikolari, dawn il-garanziji jirrigwardaw il-mod kif id-dokumenti relatati mal-kawża jinġiebu għall-attenzjoni tal-persuna kkonċernata, is-smigħ f’seduta pubblika li għaliha din il-persuna kkonċernata hija msejħa, il-possibbiltà li tiġi assistita jew irrappreżentata, eżami tax-xhieda u tal-periti u l-użu ta’ interpretu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Għaldaqstant l-imsemmija kantonrechter (il-Qorti Kantonali) għandha tiġi kklassifikata bħala “qorti li għandha l-kompetenza, b’mod partikolari, f’materji kriminali”, fis-sens tal-Artikolu 1(a)(ii) tad-Deċiżjoni Qafas 2005/214.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Fir-rigward taċ-ċirkustanza, imsemmija mill-qorti tar-rinviju, li, konformement mal-leġiżlazzjoni Olandiża, fil-każ fejn il-multa imposta hija ta’ ammont ogħla jew ekwivalenti għal EUR 225, l-eżami tar-rikors minn qorti huwa suġġett għall-ħlas minn din il-persuna kkonċernata ta’ garanzija ekwivalenti għal dan l-ammont, din hija irrilevanti f’dan il-każ. Fil-fatt, għandu jiġi kkonstatat li, fil-kawża prinċipali, il-multa imposta miċ-CJIB fuq D. B. kienet ta’ EUR 92.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Fid-dawl tal-kunsiderazzjonijiet kollha preċedenti, ir-risposta għad-domandi magħmula għandha tkun li l-Artikolu 1(a)(ii) tad-Deċiżjoni Qafas 2005/214 għandu jiġi interpretat fis-sens li deċiżjoni li timponi b’mod definittiv sanzjoni pekunjarja fuq persuna fiżika, meħuda minn awtorità tal-Istat Membru emittenti, li ma tkunx qorti, minħabba reat kriminali fir-rigward tad-dritt ta’ dan l-Istat Membru, tikkostitwixxi “deċiżjoni, fis-sens ta’ din id-dispożizzjoni, fil-każ fejn il-leġiżlazzjoni tal-imsemmi Stat Membru tipprevedi li r-rikors kontra din id-deċiżjoni hija, fl-ewwel lok, eżaminata minn prosekutur pubbliku taħt l-awtorità ġerarkika tal-Ministru għall-Ġustizzja, qorti li għandha kompetenza b’mod partikolari f’materji kriminali li sussegwentement jistgħu jiġu aditi mill-persuna kkonċernata jekk dan il-prosekutur pubbliku jadotta deċiżjoni li tiċħad dan l-appell, bil-kundizzjoni li l-aċċess għal din il-qorti ma jkunx suġġett għal kundizzjonijiet li jagħmluha impossibbli jew eċċessivament diffiċli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija dik il-qorti li tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-101" title="page-11">
      Għal dawn il-motivi, Il-Qorti tal-Ġustizzja (Is-Seba’ Awla) taqta’ u tiddeċiedi:
    </p>
    <p class="C30Dispositifalinea" id="para-102" title="page-11">
      L-Artikolu 1(a)(ii) tad-Deċiżjoni Qafas tal-Kunsill 2005/214/ĠAI tal‑24 ta’ Frar 2005 dwar l-applikazzjoni tal-prinċipju ta’ rikonoxximent reċiproku ta’ penali finanzjarji, kif emendata bid-Deċiżjoni Qafas tal-Kunsill 2009/299/ĠAI tas‑26 ta’ Frar 2009, għandu jiġi interpretat fis-sens li deċiżjoni li timponi b’mod definittiv sanzjoni pekunjarja fuq persuna fiżika, meħuda minn awtorità tal-Istat Membru emittenti, li ma tkunx qorti, minħabba reat kriminali fir-rigward tad-dritt ta’ dan l-Istat Membru, tikkostitwixxi “deċiżjoni, fis-sens ta’ din id-dispożizzjoni, fil-każ fejn il-leġiżlazzjoni tal-imsemmi Stat Membru tipprevedi li r-rikors kontra din id-deċiżjoni hija, fl-ewwel lok, eżaminata minn prosekutur pubbliku taħt l-awtorità ġerarkika tal-Ministru għall-Ġustizzja, qorti li għandha kompetenza b’mod partikolari f’materji kriminali li sussegwentement jistgħu jiġu aditi mill-persuna kkonċernata jekk dan il-prosekutur pubbliku jadotta deċiżjoni li tiċħad dan l-appell, bil-kundizzjoni li l-aċċess għal din il-qorti ma jkunx suġġett għal kundizzjonijiet li jagħmluha impossibbli jew eċċessivament diffiċli.
    </p>
    <div class="signatures">
<p class="C77Signatures" id="para-103" title="page-11">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: il-Pollakk.</p>
</body>
</html>
