(1)

Tá feidhm ag dleacht frithdhumpála ar allmhairí codanna riachtanacha rothar de thionscnamh Dhaon-Phoblacht na Síne (“an tSín”) (“an dleacht leathnaithe”) mar thoradh ar leathnú ar an dleacht frithdhumpála a fhorchuirtear ar allmhairí rothar de thionscnamh na Síne le Rialachán (CE) Uimh. 71/97 ón gComhairle (4).

(2)

Faoi Airteagal 3 de Rialachán (CE) Uimh. 71/97, tugtar de chumhacht don Choimisiún na bearta is gá a ghlacadh chun díolúine a údarú maidir le hallmhairí codanna riachtanacha rothar nach dtéann timpeall ar an dleacht frithdhumpála.

(3)

Tá na bearta cur chun feidhme sin leagtha amach i Rialachán (CE) Uimh. 88/97 (“an Rialachán díolúine”) ón gCoimisiún, Rialachán lena mbunaítear an córas díolúine sonrach.

(4)

Ar an mbonn sin, tá roinnt cóimeálaithe rothar díolmhaithe ón dleacht leathnaithe ag an gCoimisiún.

(5)

Mar a fhoráiltear in Airteagal 16(2) den Rialachán díolúine, d’fhoilsigh an Coimisiún liostaí de na páirtithe díolmhaithe ina dhiaidh sin in Iris Oifigiúil an Aontais Eorpaigh (5).

(6)

Glacadh an Cinneadh Cur Chun Feidhme is déanaí ón gCoimisiún a bhaineann le díolúintí faoin Rialachán díolúine an 15 Aibreán 2021 (6).

(7)

Chun críocha an Chinnidh seo, tá feidhm ag na sainmhínithe a leagtar amach in Airteagal 1 de Rialachán (CE) Uimh. 88/97.

(8)

An 25 Lúnasa 2019, fuair an Coimisiún iarraidh ar dhíolúine ón gcuideachta Pholannach Rowerland Piotr Tokarz (“Rowerland”) (“an chuideachta”) mar aon leis an bhfaisnéis is gá chun a chinneadh an raibh an iarraidh sin inghlactha i gcomhréir le hAirteagal 4 den Rialachán díolúine.

(9)

I gcomhréir le hAirteagal 5(1) den Rialachán díolúine, go dtí go ndéanfar cinneadh maidir le fiúntas na hiarrata, cuireadh íocaíocht na dleachta leathnaithe i leith aon allmhaire de chodanna riachtanacha rothar a dhearbhaigh Rowerland le haghaidh saorchúrsaíochta ar fionraí ón lá a fuair an Coimisiún a iarraidh ar dhíolúine agus í cuí-réasúnaithe.

(10)

Sannadh cód breise TARIC C529 don pháirtí a liostaítear i dTábla 1, chun allmhairí na gcodanna riachtanacha rothar a dearbhaíodh le haghaidh saorchúrsaíochta agus atá faoi réir fhionraí íocaíocht na dleachta leathnaithe a shainaithint.

Tábla 1

(11)

I gcomhréir le hAirteagal 6 den Rialachán díolúine, shainaithin an Coimisiún an tréimhse 1 Samhain 2019-31 Deireadh Fómhair 2020 mar an tréimhse a bheidh le himscrúdú chun gníomhaíochtaí Rowerland le linn na tréimhse fionraí a fhíorú agus chun cinneadh a dhéanamh i dtaobh díolúine a dheonú (“an tréimhse imscrúdaithe”).

(12)

In Eanáir 2021, arna chomhlánú tuilleadh i mBealtaine 2021, chuir Rowerland sonraí agus figiúirí ar fáil don Choimisiún ar dá réir a chomhlíonfadh an chuideachta na coinníollacha a leagtar amach sa Rialachán díolúine le linn na tréimhse imscrúdaithe le go mbeadh sí díolmhaithe.

(13)

Go háirithe, rinne Rowerland líomhain maidir leis an méid seo a leanas: a) gur úsáideadh codanna riachtanacha rothar chun rothair a chóimeáil i gcainníochtaí is airde ná an tairseach 299 n-aonad de réir chineál na gcodanna riachtanacha rothar ar bhonn míosúil (“riail de minimis”) agus b) go gcomhfhreagraíonn an breisluach do na codanna a tugadh isteach le linn a oibríochtaí cóimeála do níos mó ná 25 % den chostas monaraíochta (“critéar breisluacha 25 %”). Dá bhrí sin, níor tháinig a hoibríochtaí cóimeála faoi raon feidhme Airteagal 13(2) de Rialachán (AE) 2016/1036 an 8 Meitheamh 2016 (“an bun-Rialachán”). Thairis sin, níor mhaígh Rowerland gurbh ionann na codanna a tugadh isteach ón tSín agus níos lú ná 60 % de luach iomlán na gcodanna a úsáideadh sna hoibríochtaí cóimeála le linn na tréimhse imscrúdaithe de bhun Airteagal 13(2) den bhun-Rialachán (“critéar 60-40 %”).

(14)

I mí na Samhna 2021, thug an Coimisiún cuairt fíorúcháin ar áitreabh na cuideachta chun fiúntas an iarratais ar dhíolúine a scrúdú.

(15)

Le linn a scrúdaithe, shuigh seirbhísí an Choimisiúin an méid seo a leanas:

(16)

Mar thoradh air sin, níor chomhlíon an chuideachta na critéir le haghaidh díolúine. Go háirithe, le linn na tréimhse imscrúdaithe tháinig Rowerland faoi raon feidhme Airteagal 13(2) den bhun-Rialachán.

(17)

Ar na forais sin agus de bhun Airteagal 7(3) den Rialachán díolúine, ba cheart an t-iarratas ar dhíolúine a dhiúltú, agus ba cheart fionraí íocaíocht na dleachta leathnaithe dá dtagraítear in Airteagal 5 den Rialachán céanna a chur ar ceal.

(18)

Dá bhrí sin, ba cheart an dleacht leathnaithe a bhailiú go cúlghabhálach amhail ón dáta a tháinig an fionraí i bhfeidhm, is é sin an 17 Deireadh Fómhair 2019.

(19)

An 25 Eanáir 2022, cuireadh an chuideachta ar an eolas faoi na torthaí thuas ar dá mbonn a raibh sé beartaithe ag an gCoimisiún a mholadh go ndiúltófaí dá hiarraidh ar dhíolúine, agus tugadh deis di barúil a thabhairt. Tugadh deis don chuideachta freisin éisteacht a fháil agus reáchtáladh éisteacht leis an gcuideachta.

(20)

Sna barúlacha a thug Rowerland tar éis an nochta, chuir Rowerland i gcoinne an athbhreithnithe ar a chostais arna ndéanamh ag an gCoimisiún faoi mar a luaitear in aithris (15). Go háirithe, mhaígh Rowerland gur cheart speansais dímheasa a chomhfhreagraíonn do shaoráidí breise amhail an chearnóg phábháilte, an halla-puball agus an foirgneamh tráchtála lena thrádstóras a áireamh i méid an dímheasa a áiríodh i ríomh an bhreisluacha toisc go líomhnaítear go raibh baint dhíreach ag na saoráidí sin le hoibríochtaí cóimeála rothar agus/nó gur chuid dhílis den ghléasra ar fad iad.

(21)

Mar nóta ginearálta, cuirtear in iúl go láidir, agus ríomh á dhéanamh, de bhun Airteagal 13(2) den bhun-Rialachán, an raibh an breisluach leis na codanna a tugadh isteach le linn na hoibríochta cóimeála níos mó ná 25 % den chostas monaraíochta, gurb iad na costais a áiríodh i ríomh an bhreisluacha costais a tabhaíodh sa phróiseas monaraíochta as a dtagann luach méadaithe an táirge chríochnaithe de bhreis ar a chostais tosaigh (mar shampla costais mhonaraíochta, forchostais mhonarchan, dímheas saoráidí cóimeála, codanna a mhonaraítear go hinmheánach). Ba cheart, dá bhrí sin, na costais sin a thabhú go sonrach i bpróiseas monaraithe agus críochnaithe rothar. Chun críche breisluach a ríomh, ní chuirtear san áireamh na costais arna dtabhú ag an gcuideachta nach féidir a nascadh leis an bpróiseas monaraíochta le linn na tréimhse imscrúdaithe. Dá bhrí sin, ní áirítear cineálacha eile díola, speansais ghinearálta agus costais riaracháin nuair a ríomhtar an breisluach toisc nach dtabhaíonn an chuideachta na costais sin sa phróiseas monaraíochta, agus ní mhéadaíonn siad breisluach an táirge.

(22)

Thairis sin, meabhraítear, mar a luaitear in aithris (15)(d), nár mhonaraigh Rowerland aon chodanna rothar, seachas rothaí rothar. Bhain na speansais dímheasa a tuairiscíodh le roinnt foirgneamh den chuid is mó. Léirigh an t-imscrúdú go raibh foirgneamh ag Rowerland freisin ó Aibreán 2020 ar aghaidh a úsáideadh chun rothair a dhíol. Dá bhrí sin, níor áiríodh dímheas an fhoirgnimh seo i ríomh an bhreisluacha. Mar sin féin, dímheas na bhfoirgneamh ina ndearnadh oibríochtaí cóimeála nó a raibh baint acu leis na hoibríochtaí cóimeála, áiríodh an dímheas sin agus an breisluach á ríomh. Thairis sin, chuir an Coimisiún san áireamh freisin cíos dhá thrádstóras inar stóráladh na codanna rothar toisc go bhfuil na costais sin nasctha leis an bpróiseas monaraíochta. Maidir leis an gcearnóg phábháilte agus leis an bpuball, níor cuireadh fianaise leordhóthanach ar fáil go raibh nasc díreach leis an oibríocht chóimeála. Ar aon chuma, is beag tionchar iarbhír a bheidh ag an tsaincheist seo, ós rud é go mbeadh an breisluach fós níos lú ná 25 %. Dá bhrí sin, diúltaíodh don mhaíomh.

(23)

Thairis sin, níor aontaigh Rowerland leis an athbhreithniú a rinne an Coimisiún ar na costais leictreachais a luaitear in aithris (15)(e)(i) agus aithris 15(e)(iii). Mhaígh sé gur roghnaigh iniúchóir deimhnithe an eochair leithdháilte a úsáideadh le haghaidh leictreachais. Níor cuireadh aon fhianaise isteach ina leith sin. Dá bhrí sin, diúltaíodh don mhaíomh.

(24)

Mhaígh Rowerland freisin gur cheart na speansais a bhaineann leis an uisce a sholáthraítear do na fostaithe agus diúscairt dramhaíola a áireamh i ríomh an bhreisluacha. Bhí na speansais sin chomh híseal sin, áfach, nach mbeadh aon tionchar ábhartha acu ar an mbreisluach a ríomh.

(25)

Ar deireadh, mhaígh Rowerland gur thug sé an t-eolas mícheart go neamhbheartaithe d’fhoireann cáis an Choimisiúin le linn na cuairte fíorúcháin, eolas mícheart maidir leis an tréimhse úsáide a bhain le codanna rothar áirithe ar tharla costais phéinteála ina leith. Mhaígh sé gur úsáideadh na codanna sin chun rothair a chóimeáil le linn na tréimhse imscrúdaithe agus, dá bhrí sin, gur cheart na costais phéinteála a chur san áireamh i ríomh an bhreisluacha.

(26)

Tugann an Coimisiún dá aire nár cuireadh aon fhianaise isteach ina leith sin agus, dá bhrí sin, diúltaíodh don éileamh toisc nach raibh bunús leis,