1.   Cabhróidh an tArdán leis an gCoimisiún agus é i mbun oibre ar shimpliú agus ar laghdú na n-ualaí trí ionchur inghníomhaithe a sholáthar maidir leis na hábhair a shainaithníonn an Coimisiún, agus beidh fócas ar leith ann ar chur chun feidhme reachtaíocht an Aontais ar an leibhéal náisiúnta, réigiúnach agus áitiúil.

2.   Féadfaidh comhaltaí an Ardáin moltaí a thabhairt maidir le réimsí beartais ina gceaptar go bhfuil gá le tuilleadh simplithe, le pointí ábhartha a shainaithint sa chaoi sin, le fianaise agus moltaí a thabhairt maidir le haghaidh a thabhairt ar na saincheisteanna sin. Maidir leis na hábhair arna sainaithint, déanfaidh an tArdán an méid seo a leanas:

(d) Féadfaidh an tArdán tuairimí a mhalartú maidir le dul chun cinn an chláir oibre um shimpliú ar leibhéal an Aontais agus ar an leibhéal náisiúnta.

1.   Beidh ballraíocht an Ardáin comhdhéanta de:

2.   Na saineolaithe a cheapfar chun ionadaíocht a dhéanamh ar an leas coiteann dá dtagraítear i mír 1(a), ní dhéanfaidh siad ionadaíocht ar pháirtí leasmhar aonair, ach déanfaidh siad ionadaíocht ar threoshuíomh beartais a bheidh ina leas coiteann ag eagraíochtaí éagsúla páirtithe leasmhara. Déanfaidh siad ionadaíocht ar ghnólachtaí, go háirithe fiontair bheaga agus mheánmhéide, comhpháirtithe sóisialta agus eagraíochtaí na sochaí sibhialta a mbeidh taithí dhíreach acu ar reachtaíocht an Aontais.

3.   Maidir le comhaltaí an Ardáin dá dtagraítear i mír 1(b), pointe (b), ainmneoidh siad triúr ionadaithe an ceann acu agus beidh siad freagrach as a áirithiú go gcuirfidh a n-ionadaithe ardleibhéal saineolais ar fáil sna réimsí dá dtagraítear in Airteagal 2(2).

4.   Maidir le comhaltaí an Ardáin dá dtagraítear i mír 1(c), ainmneoidh siad ionadaí amháin faoi seach.

5.   Ceapfar gach comhalta den Ardán ar feadh tréimhse theoranta arb ionann sin agus sainordú an Choimisiúin.

6.   Comhaltaí a dhéanann ionadaíocht ar leas coiteann ach nach bhfuil in ann cuidiú go héifeachtach le hobair an Ardáin, nó comhaltaí nach gcomhlíonann, i dtuairim Ardrúnaíocht an Choimisiúin, na coinníollacha a leagtar amach in Airteagal 339 den Chonradh ar Fheidhmiú an Aontais Eorpaigh nó comhaltaí a éireoidh as, ní bhfaighidh siad cuireadh a thuilleadh páirt a ghlacadh in aon chruinniú de chuid an ghrúpa agus féadfar ionadaí eile a cheapadh as an bpainéal dá dtagraítear in Airteagal 4(4), don tréimhse a bheidh fágtha dá dtéarma oifige.

1.   Déanfar comhaltaí an Ardáin a dhéanann ionadaíocht ar leas coiteann a roghnú trí bhíthin glao poiblí ar iarratais a fhoilsiú sa Chlár de ghrúpaí saineolaithe an Choimisiúin agus d’eintitis eile den saghas céanna (5) (‘an Clár de Ghrúpaí Saineolaithe’). Thairis sin, féadfar an glao ar iarratais a fhoilsiú freisin ar bhealaí eile, lena n-áirítear ar shuíomhanna gréasáin tiomnaithe. Sa ghlao ar iarratais, leagfar amach go soiléir na critéir roghnúcháin, lena n-áirítear an saineolas is gá agus na leasanna a ndéanfar ionadaíocht orthu i ndáil leis an obair atá le déanamh. Is é 4 seachtaine an sprioc-am is giorra le haghaidh iarratas.

2.   Ní mór do dhaoine aonair a dhéanann ionadaíocht ar leas coiteann a bheith cláraithe sa Chlár Trédhearcachta (6) chun go gceapfar iad.

3.   Daoine aonair a dhéanann ionadaíocht ar leas coiteann, ceapfaidh Ardrúnaí an Choimisiúin iad as measc speisialtóirí a d’fhreagair an glao ar iarratais agus a chomhlíonann na critéir roghnúcháin a leagtar amach sa ghlao ar iarratais.

4.   Déanfaidh Ardrúnaíocht an Choimisiúin painéal iarrthóirí oiriúnacha a bhunú agus féadfar é a úsáid nuair is gá chun ionadaí ar bith a roghnú ar chomhaltaí a dhéanann ionadaíocht ar leas coiteann. Iarrfaidh Ardrúnaíocht an Choimisiúin toiliú ar na hiarrthóirí sula gcuirfear a n-ainmneacha ar an bpainéal.

1.   Oibreoidh an tArdán ar iarraidh an Chathaoirligh le tacaíocht ó Ardrúnaíocht an Choimisiúin agus i gcomhréir leis na rialacha cothrománacha.

2.   Freastalóidh comhaltaí aonair agus ionadaithe comhaltaí ar chruinnithe an Ardáin. De ghnáth, déanfaidh an Coimisiún cruinniú iomlánach an Ardáin a thionól dhá uair in aghaidh na bliana. I bprionsabal, is in áitreabh de chuid an Choimisiúin a thionólfar cruinnithe iomlánacha an Ardáin. I bprionsabal, tionólfar cruinnithe eile trí bhíthin físchomhdhálacha.

3.   Roimh gach cruinniú iomlánach, cuirfidh an Coimisiún dréachtchlár oibre le chéile agus cuirfear na saincheisteanna air a mbeidh ionchur de dhíth orthu. De ghnáth, ní fhéachfaidh an tArdán ar ábhair a thagann faoi na critéir eisiaimh seo a leanas:

4.   Beidh an t-ionchur ó chomhaltaí an Ardáin inghníomhaithe go díreach, beidh sé praiticiúil agus bunaithe ar fhianaise agus beidh sé so-úsáidte ag seirbhísí an Choimisiúin ina gcuid beartas agus ina gcuid oibre cur chun feidhme.

5.   Ba cheart ionchur a thabhairt ar bhonn aonair nó ar bhonn comhchoiteann deonach; ní bheidh aon cheanglas ann teacht ar chomhréiteach i ndáil leis an ionchur ná aighneachtaí um an ionchur a ghlacadh de chomhthoil.

6.   Gníomhóidh Ardrúnaíocht an Choimisiúin mar rúnaíocht don Ardán agus tabharfaidh sí tacaíocht riaracháin dó.

7.   I gcomhaontú le hArdrúnaíocht an Choimisiúin, féadfaidh an tArdán a chinneadh, trí thromlach simplí dá chomhaltaí, go ndéanfar a chuid plé go poiblí.

8.   Féadfaidh oifigigh an Choimisiúin ó ranna eile a bhfuil leas acu sna himeachtaí freastal ar chruinnithe an Ardáin.

9.   Ar iarraidh an Chathaoirligh agus i gcomhordú le hArdrúnaíocht an Choimisiúin, cuirfidh Líonra Toscairí na FBManna le hobair an Ardáin, go háirithe trí ionchur agus comhairle a sholáthar maidir leis na hualaí agus le castacht na reachtaíochta a dhéanann difear d’fhiontair bheaga agus mheánmhéide.

10.   Faoi chúram an Chathaoirligh, dréachtfaidh rúnaíocht an Ardáin miontuairiscí ar gach cruinniú iomlánach le chéile. Beidh na miontuairiscí fóinteach agus iomlán, agus léireofar iontu ionchur a chuir comhaltaí an Ardáin isteach sa chlár oibre, torthaí ar an bplé, agus aon ghníomhaíocht leantach a gealladh.

11.   Chun éifeachtacht a áirithiú, féadfar réamhoibreacha roimh na cruinnithe iomlánacha a dhéanamh roimh ré trí chomhairliúcháin i scríbhinn, trí chruinnithe físchomhdhála nó trí mhalartuithe leictreonacha.

1.   Féadfaidh an Cathaoirleach, ar bhonn ad hoc, cuireadh a thabhairt do shaineolaithe seachtracha a bhfuil saineolas ar leith acu ar ábhar a bheidh ar an gclár oibre, lena n-áirítear saineolaithe ó údaráis áitiúla agus réigiúnacha agus a gcomhlachais freisin, chun páirt a ghlacadh i gcruinniú iomlánach den Ardán.

2.   I gcomhaontú le hArdrúnaíocht an Choimisiúin, féadfaidh Coiste na Réigiún cuireadh a thabhairt d’ionadaithe RegHub chuig cruinnithe iomlánacha an Ardáin nó ar bhonn ad hoc.

3.   Tabharfaidh an Cathaoirleach cuireadh d’ionadaí ó Líonra Toscairí na FBManna chuig na cruinnithe iomlánacha.

1.   Clárófar an tArdán i gClár na ngrúpaí saineolaithe.

2.   A mhéid a bhaineann le comhdhéanamh an Ardáin, foilseofar na sonraí seo a leanas i gClár na ngrúpaí saineolaithe:

Daoine aonair nach mian leo go bhfoilseofaí a n-ainm, féadfaidh siad iarraidh a chur faoi bhráid na Rúnaíochta le haghaidh maolú ar an riail sin. Deonófar maolú i gcás ina mbeidh údar leis ar bhonn cúiseanna dlisteanacha dosháraithe a bhaineann le cás sonrach an duine aonair, go háirithe i gcás ina bhféadfaí a shlándáil nó a ionracas a chur i mbaol de bharr a ainm a bheith foilsithe.

3.   Gach doiciméad ábhartha, lena n-áirítear na cláir oibre, na miontuairiscí iomlána agus aighneacht na rannpháirtithe, cuirfear ar fáil ar Chlár na ngrúpaí saineolaithe iad nó trí nasc ón gClár chuig suíomh gréasáin tiomnaithe, áit ar féidir an fhaisnéis sin a fháil. Ní bheidh rochtain ar an suíomh gréasáin tiomnaithe sin coinníollach ar chlárú úsáideoirí ná ar aon srian eile. Go sonrach, foilseofar an clár oibre agus doiciméid chúlra ábhartha eile in am trátha roimh an gcruinniú, agus foilseofar na miontuairiscí go tráthúil ina dhiaidh sin. Ní cheadófar eisceachtaí ón bhfoilsiú ach amháin i gcás ina mbainfí an bonn de chosaint leasa phoiblí nó leasa phríobháidigh arna shainmhíniú in Airteagal 4 de Rialachán (CE) Uimh. 1049/2001 (9) ó Pharlaimint na hEorpa agus ón gComhairle dá bhfoilseofaí sin.

4.   Beidh suíomh gréasáin tiomnaithe ag an Ardán.

1.   Ní dhéanfar rannpháirtithe i ngníomhaíochtaí an Ardáin a íoc as na seirbhísí a chuireann siad ar fáil.

2.   Aisíocfaidh an Coimisiún costais taistil agus chothaithe a thabhóidh rannpháirtithe i ngníomhaíochtaí an Ardáin. Déanfar an aisíocaíocht i gcomhréir leis na forálacha atá i bhfeidhm laistigh den Choimisiún agus laistigh de theorannacha na leithreasuithe atá ar fáil arna leithdháileadh ar ranna an Choimisiúin faoin nós imeachta bliantúil chun acmhainní a leithdháileadh.