|
Iris Oifigiúil |
GA Sraith L |
|
2026/2503 |
13.11.2026 |
RIALACHÁN CUR CHUN FEIDHME (AE) 2026/2503 ÓN gCOIMISIÚN
an 12 Samhain 2026
lena leasaítear Iarscríbhinní XIV agus XV a ghabhann le Rialachán Cur Chun Feidhme (AE) 2021/404 a mhéid a bhaineann leis na hiontrálacha a bhaineann leis an tSeapáin ar liostaí de thríú tíortha atá údaraithe maidir le coinsíneachtaí d’fheoil úr ó éanlaith chlóis agus de tháirgí feola ó éanlaith chlóis a theacht isteach san Aontas
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2016/429 ó Pharlaimint na hEorpa agus ón gComhairle an 9 Márta 2016 maidir le galair in-tarchurtha ainmhithe agus lena leasaítear agus lena n-aisghairtear gníomhartha áirithe i réimse na sláinte ainmhithe (‘Dlí maidir le Sláinte Ainmhithe’) (1), agus go háirithe Airteagal 230(1) agus Airteagal 232(3), pointe (b) de,
De bharr an mhéid seo a leanas:
|
(1) |
Foráiltear le Rialachán (AE) 2016/429 nach bhfuil teacht isteach coinsíneachtaí d’ainmhithe, de tháirgí geirmeacha agus de tháirgí de bhunadh ainmhíoch ó thríú tíortha nó ó chríocha san Aontas le ceadú ach amháin má liostaítear na tríú tíortha nó na críocha lena mbaineann i gcomhréir le hAirteagal 230(1) den Rialachán sin. |
|
(2) |
Le Rialachán Tarmligthe (AE) 2020/692 ón gCoimisiún (2), leagtar síos na ceanglais sláinte ainmhithe nach mór do choinsíneachtaí de speicis agus catagóirí áirithe ainmhithe, de tháirgí geirmeacha agus de tháirgí de bhunadh ainmhíoch a chomhlíonadh chun teacht isteach san Aontas ó thríú tíortha, ó chríocha nó ó chriosanna de thríú tír nó de chríoch, nó ó dheighleoga de thríú tír nó de chríoch i gcás ainmhithe dobharshaothraithe. |
|
(3) |
Le Rialachán Cur Chun Feidhme (AE) 2021/404 ón gCoimisiún (3), leagtar síos na liostaí de thríú tíortha, de chríocha, nó criosanna de thríú tír nó críoch, óna gceadaítear na speicis agus na catagóirí ainmhithe, táirgí geirmeacha agus táirgí de bhunadh ainmhíoch a thagann faoi raon feidhme Rialachán Tarmligthe (AE) 2020/692 a theacht isteach san Aontas. Déantar na liostaí sin agus rialacha ginearálta áirithe maidir leis na liostaí sin a leagan amach in Iarscríbhinní I go XXII a ghabhann leis an Rialachán Cur Chun Feidhme sin. |
|
(4) |
Go háirithe, le hIarscríbhinní XIV, agus XV a ghabhann le Rialachán Cur Chun Feidhme (AE) 2021/404 leagtar amach na liostaí de thríú tíortha nó de chríocha nó de chriosanna de thríú tír nó de chríoch atá údaraithe maidir le coinsíneachtaí d’fheoil úr ó éanlaith chlóis agus ó éin ghéim agus de tháirgí feola ó chrúbacha, ó éanlaith chlóis agus ó éin ghéim a theacht isteach san Aontas. |
|
(5) |
Liostaítear an tSeapáin in Iarscríbhinn XIV a ghabhann le Rialachán Cur Chun Feidhme (AE) 2021/404 mar thríú tír óna n-údaraítear coinsíneachtaí d’fheoil úr éanlaithe clóis a theacht isteach san Aontas óna críoch iomlán. Mar gheall ar ráig den fhliú éanúil ardphataigineach (HPAI) a bheith deimhnithe, áfach, tá teacht isteach na gcoinsíneachtaí sin ón tSeapáin curtha ar fionraí faoi láthair, agus is é an 5 Samhain 2020 an dáta deiridh a léirítear i gcolún 6 den tábla i gCuid 1, Roinn B, den Iarscríbhinn sin. Ina theannta sin, leis an tábla i gCuid 1, Roinn A, d’Iarscríbhinn XV a ghabhann le Rialachán Cur Chun Feidhme (AE) 2021/404, foráiltear nach bhféadfaidh coinsíneachtaí de tháirgí feola ó éanlaith chlóis ón tSeapáin teacht isteach san Aontas ach amháin má rinneadh an chóireáil shonrach maolaithe riosca ‘D’ ar na táirgí sin, i gcomhréir le hIarscríbhinn XXVI a ghabhann le Rialachán Tarmligthe (AE) 2020/692. |
|
(6) |
An 6 Iúil 2026 chuir an tSeapáin isteach faisnéis cothrom le dáta maidir leis an staid eipidéimeolaíoch ar a críoch i ndáil le HPAI in éanlaith chlóis agus maidir leis na bearta atá déanta aici chun leathadh breise an ghalair sin a chosc. Go sonrach, tar éis ráigeanna de HPAI, tá beartas díothaithe curtha chun feidhme ag an tSeapáin chun leathadh an ghalair sin a rialú agus a theorannú, agus tá na bearta glantacháin agus díghalraithe is gá curtha i gcrích aige freisin tar éis an beartas díothaithe maidir leis an mbunaíocht éanlaithe clóis ionfhabhtaithe a chur chun feidhme ar a chríoch. |
|
(7) |
Tá meastóireacht déanta ag an gCoimisiún ar an bhfaisnéis a chuir an tSeapáin isteach agus tháinig sé ar an gconclúid go bhfuil ráthaíochtaí iomchuí tugtha aici nach bagairt do shláinte ainmhithe ná don tsláinte phoiblí san Aontas a thuilleadh í an staid sláinte ainmhithe i ndáil le HPAI, agus, dá bhrí sin, go bhféadfar teacht isteach coinsíneachtaí d’fheoil úr ó éanlaith chlóis ón tSeapáin san Aontas a athúdarú, trí dháta oscailte a chur isteach i gcolún 7 den tábla i Roinn B de Chuid 1 d’Iarscríbhinn XIV a ghabhann le Rialachán Cur Chun Feidhme (AE) 2021/404. Ina theannta sin, maidir le coinsíneachtaí de tháirgí feola ó éanlaith chlóis ón tSeapáin a theacht isteach san Aontas, ba cheart é sin a bheith faoi réir cóireáil neamhshonrach ‘A’ atá sannta dóibh, agus ba cheart an ceanglas sin a leagan amach i gcolún 10 den tábla i gCuid 1, Roinn A d’Iarscríbhinn XV a ghabhann le Rialachán Cur Chun Feidhme (AE) 2021/404. |
|
(8) |
Dá bhrí sin, ba cheart Iarscríbhinní XIV agus XV a ghabhann le Rialachán Cur Chun Feidhme (AE) 2021/404 a leasú dá réir sin. |
|
(9) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinní XIV agus XV a ghabhann le Rialachán Cur Chun Feidhme (AE) 2021/404 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 12 Samhain 2026.
Thar ceann an Choimisiúin
An tUachtarán
Ursula VON DER LEYEN
(1) IO L 84, 31.3.2016, lch. 1, ELI: http://data.europa.eu/eli/reg/2016/429/oj.
(2) Rialachán Tarmligthe (AE) 2020/692 ón gCoimisiún an 30 Eanáir 2020 lena bhforlíontar Rialachán (AE) 2016/429 ó Pharlaimint na hEorpa agus ón gComhairle a mhéid a bhaineann le rialacha maidir le coinsíneachtaí d’ainmhithe áirithe, de tháirgí geirmeacha áirithe agus de tháirgí áirithe de bhunadh ainmhíoch a theacht isteach san Aontas, agus maidir lena ngluaiseacht agus a láimhseáil tar éis a dteacht isteach (IO L 174, 3.6.2020, lch. 379, ELI: http://data.europa.eu/eli/reg_del/2020/692/oj).
(3) Rialachán Cur Chun Feidhme (AE) 2021/404 ón gCoimisiún an 24 Márta 2021 lena leagtar síos na liostaí de thríú tíortha, de thríú críocha nó de chriosanna díobh óna gceadaítear ainmhithe, táirgí geirmeacha agus táirgí de bhunadh ainmhíoch teacht isteach san Aontas i gcomhréir le Rialachán (AE) 2016/429 ó Pharlaimint na hEorpa agus ón gComhairle (IO L 114, 31.3.2021, lch. 1, ELI: http://data.europa.eu/eli/reg_impl/2021/404/oj).
IARSCRÍBHINN
Leasaítear Iarscríbhinní XIV agus XV a ghabhann le Rialachán Cur Chun Feidhme (AE) 2021/404 mar a leanas:
|
(1) |
in Iarscríbhinn XIV, Cuid 1, Roinn B cuirtear an méid seo a leanas in ionad na hiontrála a bhaineann leis an tSeapáin:
|
|
(2) |
in Iarscríbhinn XV, Cuid 1, Roinn A, cuirtear an méid seo a leanas in ionad na hiontrála a bhaineann leis an tSeapáin:
|
ELI: http://data.europa.eu/eli/reg_impl/2026/2503/oj
ISSN 1977-0839 (electronic edition)