|
30.9.2022 |
MT |
Il-Ġurnal Uffiċjali tal-Unjoni Ewropea |
L 252/74 |
DEĊIŻJONI TAL-KUMITAT POLITIKU U TA’ SIGURTÀ (PESK) 2022/1681
tas-27 ta’ Settembru 2022
dwar il-ħatra tal-Kmandant tal-Forza tal-UE għall-operazzjoni militari tal-Unjoni Ewropea fil-Mediterran (EUNAVFOR MED IRINI) u li tħassar id-Deċiżjoni (PESK) 2022/513 (EUNAVFOR MED IRINI/4/2022)
IL-KUMITAT POLITIKU U TA’ SIGURTÀ,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 38 tiegħu,
Wara li kkunsidra d-Deċiżjoni tal-Kunsill (PESK) 2020/472 tal-31 ta’ Marzu 2020 dwar operazzjoni militari tal-Unjoni Ewropea fil-Mediterran (EUNAVFOR MED IRINI) (1), u b’mod partikolari l-Artikolu 8(2) tagħha,
Billi:
|
(1) |
Fil-31 ta’ Marzu 2020, il-Kunsill adotta d-Deċiżjoni (PESK) 2020/472, listabbiliet u nediet operazzjoni militari tal-Unjoni Ewropea fil-Mediterran (EUNAVFOR MED IRINI). |
|
(2) |
Skont id-Deċiżjoni (PESK) 2020/472, il-Kunsill awtorizza lill-Kumitat Politiku u ta’ Sigurtà (KPS) biex jieħu d-deċiżjonijiet dwar il-ħatra tal-Kmandant tal-Forza tal-UE għal EUNAVFOR MED IRINI. |
|
(3) |
Fid-29 ta’ Marzu 2022, il-KPS adotta d-Deċiżjoni (PESK) 2022/513 (2) li taħtar lill-Viċi Ammirall Fabrizio RUTTERI bħala Kmandant tal-Forza tal-UE għal EUNAVFOR MED IRINI. |
|
(4) |
Fis-26 ta’ Lulju 2022, l-awtoritajiet militari Elleniċi pproponew il-ħatra tal-Komodor Stylianos DIMOPOULOS biex jieħu post il-Viċi Ammirall Fabrizio RUTTERI bħala l-Kmandant tal-Forza tal-UE għal EUNAVFOR MED IRINI mill-1 ta’ Ottubru 2022. Dawk l-awtoritajiet indikaw li l-Komodor Stylianos DIMOPOULOS ser jiġi promoss għal Viċi Ammirall mal-ħatra tiegħu bħala Kmandant tal-Forza tal-UE. |
|
(5) |
Fl-14 ta’ Settembru 2022, il-Kumitat Militari tal-UE appoġġa r-rakkomandazzjoni li saret mill-awtoritajiet militari Elleniċi. |
|
(6) |
Jenħtieġ li tittieħed deċiżjoni dwar il-ħatra tal-Viċi Ammirall Stylianos DIMOPOULOS. |
|
(7) |
Jenħtieġ li d-Deċiżjoni (PESK) 2022/513 titħassar, |
ADOTTA DIN ID-DEĊIŻJONI:
Artikolu 1
Il-Viċi Ammirall Stylianos DIMOPOULOS huwa b’dan maħtur Kmandant tal-Forza tal-UE għall-operazzjoni militari tal-Unjoni Ewropea fil-Mediterran (EUNAVFOR MED IRINI) mill-1 ta’ Ottubru 2022.
Artikolu 2
Id-Deċiżjoni (PESK) 2022/513 (EUNAVFOR MED IRINI/2/2022) hija b’dan imħassra.
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Għandha tapplika mill-1 ta’ Ottubru 2022.
Magħmul fi Brussell, is-27 ta’ Settembru 2022.
Għall-Kumitat Politiku u ta' Sigurtà
Il-President
D. PRONK
(2) Id-Deċiżjoni tal-Kumitat Politiku u ta’ Sigurtà (PESK) 2022/513 tad-29 ta’ Marzu 2022 dwar il-ħatra tal-Kmandant tal-Forza tal-UE għall-operazzjoni militari tal-Unjoni Ewropea fil-Mediterran (EUNAVFOR MED IRINI) u li tħassar id-Deċiżjoni (PESK) 2021/1748 (EUNAVFOR MED IRINI/2/2022) (ĠU L 103, 31.3.2022, p. 12).