|
Iris Oifigiúil |
GA Sraith L |
|
2024/330 |
17.1.2024 |
CINNEADH (CBES) 2024/330 ÓN gCOMHAIRLE
an 16 Eanáir 2024
lena leasaítear Cinneadh (CBES) 2019/2009 mar thaca le hiarrachtaí na hÚcráine gáinneáil aindleathach ar airm, armlón agus pléascáin a chomhrac, i gcomhar le ESCE
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagail 28(1) agus 31(1) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 2 Nollaig 2019, ghlac an Chomhairle Cinneadh (CBES) 2019/2009 (1). |
|
(2) |
Foráiltear le Cinneadh (CBES) 2019/2009 do thréimhse cur chun feidhme 36 mhí le haghaidh na ngníomhaíochtaí dá dtagraítear in Airteagal 1 de, ó dháta thabhairt i gcrích an chomhaontuithe maoinithe dá dtagraítear in Airteagal 3(3) de. |
|
(3) |
Le Cinneadh (CBES) 2022/2276 (2) ón gComhairle, cuireadh síneadh 13 mhí le tréimhse cur chun feidhme Chinneadh (CBES) 2019/2009, go dtí an 23 Eanáir 2024. |
|
(4) |
D’iarr an Eagraíocht um Shlándáil agus Comhar san Eoraip (ESCE) go gcuirfí síneadh 6 mhí le tréimhse cur chun feidhme Chinneadh (CBES) 2019/2009, go dtí an 21 Iúil 2024, i bhfianaise na moille ar chur chun feidhme gníomhaíochtaí tionscadail faoi Chinneadh (CBES) 2019/2009 i ngeall ar thionchar phaindéim COVID-19 agus cogadh foghach gan chúis gan údar na Rúise i gcoinne na hÚcráine. |
|
(5) |
Is féidir leanúint de na gníomhaíochtaí dá dtagraítear in Airteagal 1 de Chinneadh (CBES) 2019/2009 go dtí an 21 Iúil 2024 a fheidhmiú gan aon iarmhairtí a mhéid a bhaineann le hacmhainní airgeadais. |
|
(6) |
Ba cheart glacadh leis an iarraidh ar shíneadh trí Airteagal 5(2) de Chinneadh (CBES) 2019/2009 a leasú dá réir sin, |
TAR ÉIS AN CINNEADH SEO A GHLACADH:
Airteagal 1
I gCinneadh (CBES) 2019/2009, cuirtear an méid seo a leanas in ionad Airteagal 5, mír 2:
‘2. Rachaidh an Cinneadh seo in éag an 21 Iúil 2024.’
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 16 Eanáir 2024.
Thar ceann na Comhairle
An tUachtarán
V. VAN PETEGHEM
(1) Cinneadh (CBES) 2019/2009 ón gComhairle an 2 Nollaig 2019 mar thaca le hiarrachtaí na hÚcráine gáinneáil aindleathach ar airm, armlón agus pléascáin a chomhrac, i gcomhar le ESCE (IO L 312, 3.12.2019, lch. 42).
(2) Cinneadh (CBES) 2022/2276 ón gComhairle an 18 Samhain 2022 lena leasaítear Cinneadh (CBES) 2019/2009 mar thaca le hiarrachtaí na hÚcráine gáinneáil aindleathach ar airm, armlón agus pléascáin a chomhrac, i gcomhar le ESCE (IO L 300, 21.11.2022, lch. 42).
ELI: http://data.europa.eu/eli/dec/2024/330/oj
ISSN 1977-0839 (electronic edition)