|
17.1.2022 |
GA |
Iris Oifigiúil an Aontais Eorpaigh |
L 10/15 |
RIALACHÁN CUR CHUN FEIDHME (AE) 2022/57 ÓN gCOIMISIÚN
an 14 Eanáir 2022
lena leasaítear Rialachán Cur Chun Feidhme (AE) 2019/1379 lena bhforchuirtear dleacht frithdhumpála chinntitheach ar allmhairí rothar de thionscnamh Dhaon-Phoblacht na Síne, arna leathnú chun allmhairí rothar a chuirtear chun bealaigh ón Indinéis, ón Malaeisia, ó Shrí Lanca, ón Túinéis, ón gCambóid, ón bPacastáin agus ó na hOileáin Fhilipíneacha a chumhdach, bíodh dearbhú ann gur de thionscnamh na dtíortha sin iad nó ná bíodh, tar éis athbhreithniú éaga de bhun Airteagal 11(2) de Rialachán (AE) 2016/1036
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2016/1036 ó Pharlaimint na hEorpa agus ón gComhairle an 8 Meitheamh 2016 maidir le cosaint i gcoinne allmhairí dumpáilte ó thíortha nach baill den Aontas Eorpach iad (1), agus go háirithe Airteagal 14(1) de,
De bharr an mhéid seo a leanas:
|
(1) |
Allmhairí rothar de thionscnamh Dhaon-Phoblacht na Síne, is allmhairí iad atá faoi réir dleachtanna frithdhumpála cinntitheacha a fhorchuirtear le Rialachán Cur Chun Feidhme (AE) 2019/1379 ón gCoimisiún (2). |
|
(2) |
Oyama Bicycles (Taicang) Co., Ltd (“Oyama”), cód breise TARIC (3) B773, is cuideachta í atá faoi réir ráta dleachta frithdhumpála aonair 0 %, agus chuir sí in iúl don Choimisiún gur athraigh sí a hainm go Oyama Technology (Jiangsu) Co., Ltd mar gheall ar a riachtanais forbartha gnó agus go raibh raon feidhme gnó breise glactha uirthi féin le haghaidh “Taighde agus forbairt a dhéanamh ar mhótair agus ar a gcóras rialaithe”. Tar éis don chuideachta a hainm a athrú (4), d’iarr sí ar an gCoimisiún an 23 Samhain 2020 a dheimhniú nach ndéanann an t-athrú ainm difear do cheart na cuideachta leas a bhaint as an ráta dleachta frithdhumpála aonair a cuireadh i bhfeidhm maidir léi faoin ainm a bhí uirthi roimhe seo. |
|
(3) |
Scrúdaigh an Coimisiún an fhaisnéis a bhí ar comhad, agus is é ba chonclúid don scrúdú go raibh an t-athrú ainm cláraithe i gceart an 3 Samhain 2020 leis na húdaráis ábhartha (Taicang City Market Supervision & Administration Bureau), agus nach raibh aon chaidreamh nua ann le grúpaí eile cuideachtaí mar thoradh air, cuideachtaí nár imscrúdaigh an Coimisiún. Dá réir sin, ní dhéanann an t-athrú ainm difear do thorthaí Rialachán Cur Chun Feidhme (AE) 2019/1379, ná go háirithe don ráta dleachta frithdhumpála is infheidhme maidir leis. |
|
(4) |
I bhfianaise a bhfuil san aithris thuas, mheas an Coimisiún gurbh iomchuí Rialachán Cur Chun Feidhme (AE) 2019/1379 a leasú chun ainm athraithe na cuideachta a léiriú, ainm a sannadh roimhe seo do chód breise TARIC B773, agus gur cheart éifeacht a bheith leis an athrú ainm ón dáta clárúcháin i leith, an 3 Samhain 2020. |
|
(5) |
Na bearta dá bhforáiltear sa Rialachán seo, is bearta iad atá i gcomhréir le tuairim an Choiste arna bhunú le hAirteagal 15(1) de Rialachán (AE) 2016/1036, |
TAR ÉIS AN RIALACHÁN SEO A GHLACADH:
Airteagal 1
1. Leasaítear Airteagal 1(2) de Rialachán Cur Chun Feidhme (AE) 2019/1379 mar a leanas:
|
“Oyama Bicycles (Taicang) Co. Ltd” |
B773 |
cuirtear an méid seo a leanas ina ionad sin:
|
“Oyama Technology (Jiangsu) Co., Ltd” |
B773 |
2. Cód breise TARIC B773 a sannadh roimhe seo do Oyama Bicycles (Taicang) Co. Ltd, beidh feidhm aige maidir le Oyama Technology (Jiangsu) Co., Ltd ón 3 Samhain 2020 i leith.
3. Aon dleacht chinntitheach ar allmhairí táirgí arna monarú ag Oyama Technology (Jiangsu) Co., Ltd de bhreis ar an dleacht frithdhumpála a leagtar síos in Airteagal 1(2) de Rialachán Cur Chun Feidhme (AE) 2019/1379 a mhéid a bhaineann le Oyama Bicycles (Taicang) Co. Ltd, is dleacht í a dhéanfar a aisíoc nó a loghadh i gcomhréir leis an reachtaíocht chustaim is infheidhme.
Airteagal 2
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 14 Eanáir 2022.
Thar ceann an Choimisiúin
An tUachtarán
Ursula VON DER LEYEN
(1) IO L 176, 30.6.2016, lch. 21.
(2) Rialachán Cur Chun Feidhme (AE) 2019/1379 ón gCoimisiún an 28 Lúnasa 2019 lena bhforchuirtear dleacht frithdhumpála chinntitheach ar allmhairí rothar de thionscnamh Dhaon-Phoblacht na Síne, arna leathnú chun allmhairí rothar a chuirtear chun bealaigh ón Indinéis, ón Malaeisia, ó Shrí Lanca, ón Túinéis, ón gCambóid, ón bPacastáin agus ó na hOileáin Fhilipíneacha a chumhdach, bíodh dearbhú ann gur de thionscnamh na dtíortha sin iad nó ná bíodh, tar éis athbhreithniú éaga de bhun Airteagal 11(2) de Rialachán (AE) 2016/1036 (IO L 225, 29.8.2019, lch. 1).
(3) Taraif Chomhtháite an Aontais Eorpaigh.
(4) Fógra Formheasa um Chlárú Leasaithe le Taicang City Market Supervision & Administration Bureau, Foreign Investment Company Change Registration No 11030002 an 3 Samhain 2020.