C_202602658MT.000101.fmx.xml

Notifika minn qabel ta’ konċentrazzjoni

(Każ M.12414 – ABERDEEN / DIGITALBRIDGE / ZEMOBILITY)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(C/2026/2658)

Fit-30 ta’ April 2026, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	abrdn Global Sustainable Infrastructure IV UK Latam B (“abrdnCo”, ir-Renju Unit), ikkontrollata minn Aberdeen Group plc (“Aberdeen”),

—	ZeMobility Latam Holdings S.L.U (“DBCo”, Spanja), ikkontrollata minn DigitalBridge Group, Inc (“DigitalBridge”, l-Istati Uniti tal-Amerka),

—	ZeMobility JV SCSp (“ZeMobility”, il-Lussemburgu), ikkontrollata esklużivament minn DigitalBridge qabel il-konċentrazzjoni.

Aberdeen u DigitalBridge se jakkwistaw, fis-sens tal-Artikolu 3(1)(b) u l-Artikolu 3(4) tar-Regolament dwar l-Għaqdiet, il-kontroll konġunt ta’ ZeMobility.

Il-konċentrazzjoni titwettaq permezz tax-xiri ta’ ishma.

L-attivitajiet kummerċjali tal-impriżi kkonċernati huma li ġejjin:

—

Aberdeen toffri ġestjoni attiva tal-assi lill-klijenti tal-assigurazzjoni istituzzjonali, bl-ingrossa u strateġiċi, flimkien ma’ servizzi ta’ ġestjoni tal-ġid, ippjanar finanzjarju u konsulenza kemm direttament lill-klijenti jew permezz ta’ konsulenti finanzjarji. Hija kkwotata fil-Borża ta’ Londra.

—

DBCo hija kumpanija b’responsabbiltà limitata li fl-aħħar mill-aħħar hija kkontrollata minn DigitalBridge. DigitalBridge timmaniġġja l-assi tal-infrastruttura u tinvesti f’kumpaniji mad-dinja kollha. L-investimenti tagħha jikkonċentraw fuq l-infrastruttura diġitali- inklużi ċ-ċentri tad-data, in-networks tal-fibra, it-torrijiet, u l-assi tal-konnettività relatati, kif ukoll it-trasport, il-mobbiltà nadifa, u l-infrastruttura tat-tranżizzjoni tal-enerġija. DigitalBridge hija kkwotata fil-Borża ta’ New York.

L-attivitajiet kummerċjali ta’ ZeMobility huma li ġejjin: it-tħaddim ta’ assi eżistenti tal-karozzi tal-linja elettriċi fil-Kolombja u fiċ-Ċilì.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar il-konċentrazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.12414 — ABERDEEN / DIGITALBRIDGE / ZEMOBILITY

Il-kummenti jistgħu jintbagħtu lill-Kummissjoni bl-email jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz Postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 160, 5.5.2023, p. 1.