|
4.6.2008 |
MT |
Il-Ġurnal Uffiċjali ta’ l-Unjoni Ewropea |
L 144/82 |
DEĊIŻJONI TAL-KUMITAT POLITIKU U TA’ SIGURTÀ CHAD/3/2008
tat-28 ta’ Mejju 2008
li temenda d-Deċiżjoni tal-Kumitat Politiku u ta’ Sigurtà CHAD/1/2008 dwar l-aċċettazzjoni ta’ kontributi ta’ Stati terzi għall-operazzjoni militari ta’ l-Unjoni Ewropea fir-Repubblika taċ-Ċad u r-Repubblika Ċentru-Afrikana u d-Deċiżjoni tal-Kumitat Politiku u ta’ Sigurtà CHAD/2/2008 dwar l-istabbiliment tal-Kumitat ta’ Kontributuri għall-operazzjoni militari ta’ l-Unjoni Ewropea fir-Repubblika taċ-Ċad u fir-Repubblika Ċentru-Afrikana
(2008/412/PESK)
IL-KUMITAT POLITIKU U TA’ SIGURTÀ,
Wara li kkunsidra t-Trattat dwar l-Unjoni Ewropea u b’mod partikolari t-tielet paragrafu ta’ l-Artikolu 25 tiegħu,
Wara li kkunsidra l-Azzjoni Konġunta tal-Kunsill 2007/677/PESK tal-15 ta’ Ottubru 2007 dwar l-operazzjoni militari ta’ l-Unjoni Ewropea fir-Repubblika taċ-Ċad u fir-Repubblika Afrikana Ċentrali (1) (Operazzjoni EUFOR Tchad/RCA), u b’mod partikolari l-Artikolu 10(2) tagħha,
Wara li kkunsidra d-Deċiżjoni tal-Kumitat Politiku u ta’ Sigurtà CHAD/1/2008 tat-13 ta’ Frar 2008 dwar l-aċċettazzjoni ta’ kontributi ta’ Stati terzi għall-operazzjoni militari ta’ l-Unjoni Ewropea fir-Repubblika taċ-Ċad u r-Repubblika Ċentru-Afrikana (2) u d-Deċiżjoni tal-Kumitat Politiku u ta’ Sigurtà CHAD/2/2008 dwar l-istabbiliment tal-Kumitat ta’ Kontributuri għall-operazzjoni militari ta’ l-Unjoni Ewropea fir-Repubblika taċ-Ċad u fir-Repubblika Ċentru-Afrikana (3),
Billi:
|
(1) |
B’segwitu għar-rakkomandazzjonijiet dwar il-kontribut mill-Federazzjoni Russa mill-Kmandant ta’ l-Operazzjoni ta’ l-UE u l-Kumitat Militari ta’ l-Unjoni Ewropea, il-kontribut mill-Federazzjoni Russa għandu jiġi aċċettat. |
|
(2) |
Skond l-Artikolu 6 tal-Protokoll dwar il-pożizzjoni tad-Danimarka anness għat-Trattat dwar l-Unjoni Ewropea u għat-Trattat li jistabbilixxi l-Komunità Ewropea, id-Danimarka ma tipparteċipax fl-elaborazzjoni u l-implementazzjoni ta’ deċiżjonijiet u azzjonijiet ta’ l-Unjoni Ewropea li jkollhom implikazzjonijiet ta’ difiża, |
IDDEĊIEDA KIF ĠEJ:
Artikolu 1
L-Artikolu 1 tad-Deċiżjoni tal-Kumitat Politiku u ta’ Sigurtà Chad/1/2008 tat-13 ta’ Frar 2008 għandu jiġi ssostitwit b’dan li ġej:
“Artikolu 1
Kontributi ta’ Stati Terzi
B’segwitu għall-Konferenzi dwar il-Ħolqien ta’ Forza u konsultazzjonijiet oħrajn, il-kontributi mir-Repubblika ta’ l-Albanija u l-Federazzjoni Russa għandhom jiġu aċċettati għall-operazzjoni militari ta’ l-UE fir-Repubblika taċ-Ċad u r-Repubblika Ċentru-Afrikana.”
Artikolu 2
L-Anness għad-Deċiżjoni tal-Kumitat Politiku u ta’ Sigurtà CHAD/2/2008 tat-18 ta’ Marzu 2008 għandu jiġi ssostitwit b’dan li ġej:
“ANNESS
Lista ta’ stati terzi msemmija fl-Artikolu 2(1)
|
— |
ir-Repubblika ta’ l-Albanija |
|
— |
il-Federazzjoni Russa”. |
Artikolu 3
Dħul fis-seħħ
Din id-Deċiżjoni għandha tidħol fis-seħħ fil-jum ta’ l-adozzjoni tagħha.
Magħmula fi Brussell, 28 ta’ Mejju 2008.
Għall-Kumitat Politiku u ta’ Sigurtà
Il-President
M. IPAVIC
(1) ĠU L 279, 23.10.2007, p. 21.