|
26.10.2020 |
MT |
Il-Ġurnal Uffiċjali tal-Unjoni Ewropea |
L 354/24 |
LINJA GWIDA (UE) 2020/1553 TAL-BANK ĊENTRALI EWROPEW
tal-14 ta’ Ottubru 2020
li temenda l-Linja ta’ Gwida BĊE/2013/24 dwar l-obbligi ta’ rappurtar tal-istatistika tal-Bank Ċentrali Ewropew fil-qasam tal-kontijiet finanzjarji trimestrali (BĊE/2020/51)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u b’ mod partikolari l-Artikolu 5.1 u 5.2, u l-Artikoli 12.1 u 14.3 tiegħu,
Wara li kkunsidra r-Regolament tal-Kunsill (KE) Nru 2533/98 tat-23 ta’ Novembru 1998 dwar il-ġbir ta’ tagħrif statistiku mill-Bank Ċentrali Ewropew (1), u b’mod partikolari l-Artikolu 4 tiegħu,
Billi:
|
(1) |
Il-valutazzjoni tal-kwalità tal-kontijiet finanzjarji trimestrali taż-żona tal-euro għal kull settur istituzzjonali ssir skont il-Qafas tal-Kwalità tal-Istatistika tal-Bank Ċentrali Ewropew (BĊE), u tinkludi rapport regolari ppreżentat mill-Bord Eżekuttiv lill-Kunsill Governattiv tal-BĊE. Il-monitoraġġ tal-kwalità tad-data huwa kritiku u għandu jsir b’mod tempestiv. |
|
(2) |
Madankollu, għandu jinkiseb il-bilanċ ġust bejn il-bżonn ta’ monitoraġġ u l-frekwenza tar-rapportar tal-informazzjoni relevanti lill-Kunsill Governattiv. Għaldaqstant, jenħtieġ li tiġi aġġornata l-frekwenza li biha l-Bord Eżekuttiv jirrapporta dwar il-kwalità tal-kontijiet finanzjarji trimestrali lill-Kunsill Governattiv. Sabiex tkun tista’ ssir analiżi tal-kwalità, l-ewwel rapport skont din il-Linja Gwida għandu jiġi ppreżentat mill-Bord Eżekuttiv lill-Kunsill Governattiv sat-30 ta’ Ġunju 2023. |
|
(3) |
Meta jiġu identifikati kwistjonijiet serji tal-kwalità tad-data, ikun xieraq li l-Bord Eżekuttiv jingħata l-faċilità li jipprovdi dawk ir-rapporti addizzjonali li jidhirlu li huma meħtieġa lill-Kunsill Governattiv. Għall-istess raġuni, huwa xieraq ukoll li jiġi pprovdut li l-Bord Eżekuttiv huwa kapaċi jeżerċita din id-diskrezzjoni kemm jista’ jkun malajr. |
|
(4) |
B’mod konformi mal-Qafas tal-Kwalità tal-Istatistika tal-BĊE, huwa xieraq li ċerta informazzjoni minn dawk ir-rapporti titpoġġa għad-dispożizzjoni tal-pubbliku. |
|
(5) |
Għalhekk, il-Linja Gwida 2014/3/UE tal-Bank Ċentrali Ewropew (BĊE/2013/24) (2) għandha tiġi emendata f’dan is-sens, |
Adotta din il-Linja Gwida:
Artikolu 1
Emendi
Il-Linja Gwida BĊE/2013/24 hija emendata kif ġej:
|
1. |
fl-Artikolu 7, il-paragrafu 2 huwa mibdul b’dan li ġej:
|
|
2. |
fl-Artikolu 7, qegħdin jiżdiedu d-definizzjonijiet li ġejjin:
|
Artikolu 2
Dħul fis-seħħ u implimentazzjoni
1. Din il-Linja Gwida għandha tidħol fis-seħħ fil-jum tan-notifika tagħha lill-banek ċentrali nazzjonali tal-Istati Membri li l-munita tagħhom hija l-euro.
2. Il-banek ċentrali tal-Eurosistema għandhom jikkonformaw ma’ din il-Linja Gwida mill-1 ta’ Lulju 2021. Madankollu, għandhom jikkonformaw mal-Artikolu 1(2)(c) ta’ din il-Linja Gwida mill-jum tan-notifika tagħha lill-banek ċentrali nazzjonali tal-Istati Membri li l-munita tagħhom hija l-euro.
Artikolu 3
Destinatarji
Din il-Linja Gwida hija indirizzata lill-banek ċentrali kollha tal-Eurosistema.
Magħmul fi Frankfurt am Main, l-14 ta’ Ottubru 2020.
Għall-Kunsill Governattiv tal-BĊE
Il-President tal-BĊE
Christine LAGARDE
(1) ĠU L 318, 27.11.1998, p. 8.
(2) Linja gwida 2014/3/UE tal-Bank Ċentrali Ewropew tal-25 ta’ Lulju 2013 dwar ir-rekwiżiti ta’ rapportar tal-istatistika tal-Bank Ċentrali Ewropew fil-qasam tal-kontijiet finanzjarji trimestrali (BĊE/2013/24) (ĠU L 2, 7.1.2014, p. 34).