(1)

Skont l-Artikolu 6(1) tal-Azzjoni Konġunta 2008/851/PESK, il-Kunsill awtorizza lill-Kumitat Politiku u ta’ Sigurtà (KPS) biex jieħu deċiżjonijiet dwar il-ħatra tal-Kmandant tal-Operazzjoni tal-UE għall-operazzjoni militari tal-Unjoni Ewropea bil-ħsieb ta’ kontribut għad-deterrenza, il-prevenzjoni u t-trażżin tal-atti ta’ piraterija u ta’ serq bl-użu tal-armi ’l barra mix-xtut tas-Somalja (“Kmandant tal-Operazzjoni tal-UE”).

(2)

Fis-26 ta’ Jannar 2021, il-KPS adotta d-Deċiżjoni (PESK) 2021/87 (2) li taħtar lill-Viċi Ammirall Eugenio DÍAZ DEL RÍO bħala Kmandant tal-Operazzjoni tal-UE mid-19 ta’ Frar 2021.

(3)

L-Awtoritajiet Militari Spanjoli pproponew li l-Viċi Ammirall José M. NÚŇEZ TORRENTE jieħu post il-Viċi Ammirall Eugenio DÍAZ DEL RÍO bħala Kmandant tal-Operazzjoni tal-UE.

(4)

Fil-25 ta’ Marzu 2021, il-Kumitat Militari tal-UE appoġġa n-nomina tal-Viċi Ammirall José M. NÚŇEZ TORRENTE bħala l-Kmandant tal-Operazzjoni tal-UE mill-21 ta’ April 2021.

(5)

Għalhekk jenħtieġ li d-Deċiżjoni (PESK) 2021/87 titħassar.

(6)

F’konformità mal-Artikolu 5 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka ma tiħux sehem fl-elaborazzjoni u fl-implimentazzjoni ta’ deċiżjonijiet u azzjonijiet tal-Unjoni li għandhom implikazzjonijiet ta’ difiża,