<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.12-->
  <head>
    <title>2024-09-202409T111202207440-00-TRA-DOC-MT-ARRET-T-0744-22-202407384-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="1" name="EP_Mention"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="27/09/2024 14:51:33" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="Publication intégrale au Rec ou RecFP, mention Rec" name="Mention"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="nE3+2nPy8t2FvwS86sBOmZuydYOXrX7gwYudVBk3UKz+n6mwNsNJKH4miNx1i5NigKYCPieozxtCOu+sIvEdNU1CkClXh0eE73ujkyLJjNfO0dEYQJZVNvSxm0bzMe4k2jyyR1nj3aftXRWuBjdJ/gCQjb2+KchjyB+qemSRQ9c=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="" name="Gendoc_GendocTemplateSubType"/>
    <meta content="OK" name="ReadyToPublish"/>
    <meta content="ksam" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="33929aaa-03df-438a-ae15-68d0db991aca" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0744" name="NumeroOrdre"/>
    <meta content="2022" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="ksam" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_green" name="Gendoc_LastVerificationStatus"/>
    <meta content="ARR_T" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 16-07-24 18:49:59" name="Created"/>
    <meta content="" name="Canevas3_Vademecum"/>
    <meta content="2024-09-23T09:45:03Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="Normal" name="Version"/>
    <meta content="T" name="Juridiction"/>
    <meta content="5c45b420db27467c94fa1b5bf2fcf65f" name="DocumentIdentifier"/>
    <meta content="0744" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RD" name="NatureAff"/>
    <meta content="RD" name="Gendoc_CaseNature"/>
    <meta content="0001" name="NumSuite"/>
    <meta content="T" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId25" style="first"/>
      <div id="rId21" style="even">Sentenza tal‑11.9.2024 – Kawża T‑744/22</div>
      <div id="rId22" style="default">Tokareva vs Il-Kunsill</div>
    </div>
    <p class="C19Centre" id="para-1" title="page-1">
      SENTENZA TAL-QORTI ĠENERALI (L-Ewwel Awla Estiża)
    </p>
    <p class="C19Centre" id="para-2" title="page-1">
      11 ta’ Settembru 2024  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Politika estera u ta’ sigurtà komuni – Miżuri restrittivi meħuda fir-rigward tal-azzjonijiet li jikkompromettu jew jheddu l-integrità territorjali, is-sovranità u l-indipendenza tal-Ukraina – Iffriżar ta’ fondi – Lista tal-persuni, tal-entitajiet u tal-organi li għalihom japplika l-iffriżar ta’ fondi u ta’ riżorsi ekonomiċi – Żamma ta’ isem ir-rikorrent fil-lista – Kunċett ta’ ‘assoċjazzjoni’ – L-aħħar parti tal-Artikolu 2(1) tad-Deċiżjoni 2014/145/PESK – Kunċett ta’ ‘vantaġġ miksub minn negozjant ewlieni li jeżerċita attivitajiet fir-Russja’ – Artikolu 2(1)(g) tad-Deċiżjoni 2014/145 – Żball ta’ evalwazzjoni – Responsabbiltà mhux kuntrattwali”
    </p>
    <p class="C02AlineaAltA" id="para-4" title="page-1">
      Fil-Kawża T‑744/22,
    </p>
    <p class="C02AlineaAltA" id="para-5" title="page-1">
      Maya Tokareva, residenti f’Moska (ir-Russja), irrappreżentata minn T. Bontinck, A. Guillerme, L. Burguin u M. Brésart, avocats,
    </p>
    <p class="C72Alineadroite" id="para-6" title="page-1">
      rikorrenti,
    </p>
    <p class="C19Centre" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      Il-Kunsill tal-Unjoni Ewropea, irrappreżentat minn M.‑C. Cadilhac u V. Piessevaux, bħala aġenti, assistiti minn B. Maingain, avocat,
    </p>
    <p class="C72Alineadroite" id="para-9" title="page-1">
      konvenut,
    </p>
    <p class="C02AlineaAltA" id="para-10" title="page-1">
      sostnut minn
    </p>
    <p class="C02AlineaAltA" id="para-11" title="page-1">
      Il-Kummissjoni Ewropea, irrappreżentata minn C. Giolito, C. Georgieva u L. Puccio, bħala aġenti,
    </p>
    <p class="C72Alineadroite" id="para-12" title="page-1">
      intervenjenti,
    </p>
    <p class="C19Centre" id="para-13" title="page-1">
      IL-QORTI ĠENERALI (L-Ewwel Awla Estiża),
    </p>
    <p class="C02AlineaAltA" id="para-14" title="page-1">
      komposta minn D. Spielmann, President, R. Mastroianni, M. Brkan (Relatriċi), I. Gâlea u S. L. Kalėda, Imħallfin,
    </p>
    <p class="C02AlineaAltA" id="para-15" title="page-1">
      Reġistratur: H. Eriksson, Amministratriċi,
    </p>
    <p class="C02AlineaAltA" id="para-16" title="page-1">
      wara li rat il-fażi bil-miktub tal-proċedura, b’mod partikolari:
    </p>
    <p class="C02AlineaAltA" id="para-17" title="page-1">
      ir-rikors ippreżentat fir-Reġistru tal-Qorti Ġenerali fil‑25 ta’ Novembru 2022,
    </p>
    <p class="C02AlineaAltA" id="para-18" title="page-1">
      l-ewwel nota ta’ adattament ippreżentata fir-Reġistru tal-Qorti Ġenerali fit‑22 ta’ Mejju 2023,
    </p>
    <p class="C02AlineaAltA" id="para-19" title="page-1">
      it-tieni nota ta’ adattament ippreżentata fir-Reġistru tal-Qorti Ġenerali fil‑25 ta’ Settembru 2023,
    </p>
    <p class="C02AlineaAltA" id="para-20" title="page-1">
      wara s-seduta tas‑27 ta’ Frar 2024,
    </p>
    <p class="C02AlineaAltA" id="para-21" title="page-1">
      tagħti l-preżenti
    </p>
    <p class="C75Debutdesmotifs" id="para-22" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">Permezz tar-rikors tagħha, ir-rikorrenti, Maya Tokareva, titlob, minn naħa, abbażi tal-Artikolu 263 TFUE, l-annullament, l-ewwel, tad-Deċiżjoni tal-Kunsill (PESK) 2022/1530/PESK tal‑14 ta’ Settembru 2022 li temenda d-Deċiżjoni 2014/145/PESK dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna (ĠU 2022, L 239, p. 149), u tar-Regolament ta’ Implimentazzjoni tal-Kunsill (UE) 2022/1529 tal‑14 ta’ Settembru 2022 li jimplimenta r-Regolament (UE) Nru 269/2014 dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna (ĠU 2022, L 239, p. 1) (iktar ’il quddiem, ikkunsidrati flimkien, l-“atti ta’ żamma ta’ Settembru 2022”), it-tieni, tad-Deċiżjoni tal-Kunsill (PESK) 2023/572 tat‑13 ta’ Marzu 2023 li temenda d-Deċiżjoni 2014/145/PESK dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna (ĠU 2023, L 75I, p. 134), u tar-Regolament ta’ Implimentazzjoni tal-Kunsill (UE) 2023/571 tat‑13 ta’ Marzu 2023 li jimplimenta r-Regolament (UE) Nru 269/2014 dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna (ĠU 2023, L 75I, p. 1) (iktar ’il quddiem, ikkunsidrati flimkien, l-“atti ta’ żamma ta’ Marzu 2023”), u, it-tielet, tad-Deċiżjoni tal-Kunsill (PESK) 2023/1767 tat‑13 ta’ Settembru 2023 li temenda d-Deċiżjoni 2014/145/PESK dwar miżuri restrittivi fir-rigward ta’ azzjonijiet li jipperikolaw jew jheddu l-integrità territorjali, is-sovranità u l-indipendenza tal-Ukrajna (ĠU 2023, L 226, p. 104), u tar-Regolament ta’ Implimentazzjoni tal-Kunsill (UE) 2023/1765 tat‑13 ta’ Settembru 2023 li jimplimenta r-Regolament (UE) Nru 269/2014 dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna (ĠU 2023, L 226, p. 3) (iktar ’il quddiem, ikkunsidrati flimkien, l-“atti ta’ żamma ta’ Settembru 2023”), sa fejn dawn l-atti (iktar ’il quddiem, ikkunsidrati flimkien, l-“atti kkontestati”) iżommu isimha fil-listi annessi magħhom u, min-naħa l-oħra, abbażi tal-Artikolu 268 TFUE, kumpens għad-dannu li hija allegatament ġarrbet minħabba l-adozzjoni tal-atti ta’ żamma ta’ Settembru 2022.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">I.</p>
</td>
<td valign="top">
<p class="normal">Il‑fatti li wasslu għall‑kawża</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Ir-rikorrenti hija ċittadina ta’ nazzjonalità Russa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Din il-kawża taqa’ fil-kuntest tal-miżuri restrittivi adottati fir-rigward tal-azzjonijiet li jikkompromettu jew jheddu l-integrità territorjali, is-sovranità u l-indipendenza tal-Ukraina u, b’mod partikolari, fir-rigward tal-aggressjoni militari tal-Federazzjoni Russa kontriha, fl‑24 ta’ Frar 2022.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">Fis‑17 ta’ Marzu 2014, il-Kunsill tal-Unjoni Ewropea adotta, abbażi tal-Artikolu 29 TUE, id-Deċiżjoni tal-Kunsill 2014/145/PESK tas‑17 ta’ Marzu 2014 dwar miżuri restrittivi fir-rigward ta’ azzjonijiet li jipperikolaw jew jheddu l-integrità territorjali, is-sovranità u l-indipendenza tal-Ukraina (ĠU 2014, L 78, p. 16). Fl-istess data, il-Kunsill adotta, abbażi tal-Artikolu 215(2) TFUE, ir-Regolament (UE) Nru 269/2014, dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukraina (ĠU 2014, L 78, p. 6, rettifika fil-ĠU 2014, L 294, p. 64).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">Fil‑25 ta’ Frar 2022, il-Kunsill adotta, minn naħa, id-Deċiżjoni (PESK) 2022/329, li temenda d-Deċiżjoni 2014/145 (ĠU 2022, L 50, p. 1), u, min-naħa l-oħra, ir-Regolament (UE) 2022/330, li jemenda r-Regolament Nru 269/2014 (ĠU 2022, L 51, p. 1). L-Artikolu 2(1) u (2) tad-Deċiżjoni 2014/145, fil-verżjoni tagħha kif emendata bid-Deċiżjoni 2022/329, jipprevedi dan li ġej:</p>
</td>
</tr>
</table>
    <p class="C09Marge0avecretrait" id="para-29" title="page-2">
      “1. Il-fondi u r-riżorsi ekonomiċi kollha li jappartjenu lil, jew huma proprjetà ta’, jew huma miżmuma jew ikkontrollati minn:
    </p>
    <p class="C09Marge0avecretrait" id="para-30" title="page-2">
      […]
    </p>
    <p class="C09Marge0avecretrait" id="para-31" title="page-2">
      (d) persuni fiżiċi jew ġuridiċi, entitajiet jew korpi li jappoġġaw, b’mod materjali jew finanzjarju, jew li jibbenefikaw minn persuni Russi li jieħdu d-deċiżjonijiet responsabbli għall-annessjoni tal-Krimea jew għad-destabbilizzazzjoni tal-Ukrajna;
    </p>
    <p class="C09Marge0avecretrait" id="para-32" title="page-2">
      […]
    </p>
    <p class="C09Marge0avecretrait" id="para-33" title="page-2">
      (f) persuni fiżiċi jew ġuridiċi, entitajiet jew korpi li jappoġġaw, b’mod materjali jew finanzjarju, jew li jibbenefikaw mill-Gvern tal-Federazzjoni Russa, li huwa responsabbli għall-annessjoni tal-Krimea u għad-destabbilizzazzjoni tal-Ukrajna; jew
    </p>
    <p class="C02AlineaAltA" id="para-34" title="page-2">
      […]
    </p>
    <p class="C02AlineaAltA" id="para-35" title="page-2">
      u persuni fiżiċi jew ġuridiċi, entitajiet jew korpi assoċjati magħhom, kif elenkat fl-Anness, għandhom jiġu ffriżati.
    </p>
    <p class="C02AlineaAltA" id="para-36" title="page-2">
      2. L-ebda fond jew riżorsa ekonomika ma għandha ssir disponibbli, direttament jew indirettament, lil jew għal benefiċċju ta’ persuni fiżiċi jew ġuridiċi, entitajiet jew korpi elenkati fl-Anness.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">L-Artikolu 1(1)(b) u (d) tad-Deċiżjoni 2014/145, kif emendata, jipprojbixxi d-dħul jew il-passaġġ fi tranżitu fit-territorju tal-Istati Membri tal-persuni fiżiċi li jissodisfaw kriterji sostanzjalment identiċi għal dawk elenkati fl-Artikolu 2(1)(d) u (f) ta’ din id-deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">Ir-Regolament Nru 269/2014, fil-verżjoni tiegħu kif emendat bir-Regolament 2022/330, jimponi l-adozzjoni ta’ miżuri ta’ ffriżar ta’ fondi u jiddefinixxi l-modalitajiet ta’ dan l-iffriżar f’termini identiċi, essenzjalment, għal dawk tad-Deċiżjoni 2014/145, kif emendata. Fil-fatt, l-Artikolu 3(1)(a) sa (g) ta’ dan ir-regolament, kif emendat, jirriproduċi essenzjalment il-kontenut tal-Artikolu 2(1)(a) sa (g) ta’ din id-deċiżjoni, kif emendata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">F’dan il-kuntest, il-Kunsill adotta d-Deċiżjoni (PESK) 2022/337 tat‑28 ta’ Frar 2022 li temenda d-Deċiżjoni 2014/145 (ĠU 2022, L 59, p. 1, rettifika fil-ĠU 2022, L 67, p. 112) u r-Regolament ta’ Implimentazzjoni (UE) 2022/336 tat‑28 ta’ Frar 2022 li jimplimenta r-Regolament Nru 269/2014 (ĠU 2022, L 58, p. 1, rettifika fil-ĠU 2022, L 67, p. 113), atti li permezz tagħhom missier ir-rikorrenti ġie inkluż fil-lista annessa mad-Deċiżjoni 2014/145, kif emendata, u f’dik li tinsab fl-Anness I tar-Regolament Nru 269/2014, kif emendat (iktar ’il quddiem il-“listi kontenzjużi”), għar-raġunijiet li ġejjin:</p>
</td>
</tr>
</table>
    <p class="C02AlineaAltA" id="para-40" title="page-2">
      “Nikolay Tokarev huwa l-uffiċjal kap eżekuttiv ta’ Transneft, kumpanija ewlenija Russa taż-żejt u l-gass. Huwa konoxxenza antika ta’ Vladimir Putin u kollaboratur mill-qrib tiegħu. Serva flimkien ma’ Putin fil-KGB fit-tmeninijiet. Is-Sur Tokarev huwa wieħed mill-oligarki statali Russi li ħadu l-kontroll ta’ assijiet statali kbar fis-snin elfejn hekk kif il-President Putin ikkonsolida l-poter, u li joperaw fi sħubija mill-qrib mal-istat Russu. Is-Sur Tokarev ilu jmexxi lil Transneft, waħda mill-aktar kumpanniji importanti kkontrollati mill-gvern, li tittrasporta ammont konsiderevoli ta’ żejt Russu permezz ta’ network ta’ pipelines taż-żejt żviluppati tajjeb.
    </p>
    <p class="C02AlineaAltA" id="para-41" title="page-2">
      Taħt it-tmexxija ta’ Nikolay Tokarev, Transneft hija waħda mill-isponsors ewlenin tal-kumpless tal-palazzi viċin Gelendzhik, li jitqies li jintuża b’mod personali mill-President Putin. Huwa jibbenefika mill-prossimità mal-awtoritajiet Russi. Qraba u kollaboraturi mill-qrib tas-Sur Tokarev jarrikkixxu lilhom infushom bis-saħħa ta’ kuntratti ffirmati mill-kumpanniji tal-istat.
    </p>
    <p class="C02AlineaAltA" id="para-42" title="page-2">
      Għaldaqstant appoġġa attivament, b’mod materjali jew finanzjarju, u bbenefika minn persuni Russi li jieħdu d-deċiżjonijiet responsabbli għall-annessjoni tal-Krimea u għad-destabbilizzazzjoni tal-Ukrajna.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Permezz tad-Deċiżjoni tal-Kunsill (PESK) 2022/1272 tal‑21 ta’ Lulju 2022 li temenda d-Deċiżjoni 2014/145 (ĠU 2022, L 193, p. 219, rettifika fil-ĠU 2022, L 204, p. 18) u permezz tar-Regolament ta’ Implimentazzjoni tal-Kunsill (UE) 2022/1270 tal‑21 ta’ Lulju 2022 li jimplimenta r-Regolament Nru 269/2014 (ĠU 2022, L 193, p. 133, rettifika fil-ĠU 2022, L 204, p. 17), isem ir-rikorrenti ġie miżjud fil-listi kontenzjużi, għar-raġunijiet li ġejjin:</p>
</td>
</tr>
</table>
    <p class="C02AlineaAltA" id="para-44" title="page-2">
      “[Ir-rikorrenti] hija bint Nikolay Tokarev, is-CEO ta’ Transneft, kumpannija ewlenija Russa taż-żejt u l-gass. [Ir-rikorrenti] u l-eks raġel tagħha Andrei Bolotov għandhom proprjetà immobbli lussuża f’Moska, il-Latvja u l-Kroazja b’valur ta’ aktar minn $50 miljun, li jistgħu jkunu marbuta ma’ Nikolay Tokarev. Għandha wkoll rabtiet mal-kumpannija Ronin, li tamministra l-fond tal-pensjoni għal Transneft. Meta applikat għaċ-ċittadinanza Ċiprijotta, hija elenkat l-indirizz ta’ Ronin bħala tagħha stess. Barra minn hekk, [ir-rikorrenti] rċeviet kuntratti tal-istat b’valur ta’ 8 biljun Rubel permezz tal-kumpannija Irvin‑2, li hija s-sid tagħha ma’ Stanislav Chemezov, iben is-CEO ta’ Rostec, Sergei Chemezov. Għalhekk Maya Bolotova hija persuna fiżika assoċjata ma’ persuni elenkati, jiġifieri missierha Nikolay Tokarev u Stanislav Chemezov.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Permezz tal-istess atti, isem Stanislav Chemezov ġie miżjud fil-listi kontenzjużi, għar-raġunijiet li ġejjin:</p>
</td>
</tr>
</table>
    <p class="C02AlineaAltA" id="para-46" title="page-2">
      “Stanislav Sergeyevich Chemezov huwa bin Sergei Chemezov, membru tal-Kunsill Suprem tar-‘Russja Magħquda’ u president tal-konglomerat Rostec, il-korporazzjoni ewlenija Russa tad-difiża u tal-manifattura industrijali li hija kkontrollata mill-istat. Stanislav Chemezov kien il-proprjetarju ta’ kumpannija Offshore imsejħa Erlinglow Ltd li kienet qed tibbenefika mill-kostruzzjoni ta’ superawtostrada tal-fibra ottika nazzjonali ta’ $550 miljun minn Rostec. Barra minn hekk, huwa l-ko-proprjetarju ta’ diversi kumpanniji offshore [mar-rikorrenti], bint Nikolay Tokarev, inkluż Irvin‑2, li rċeviet kuntratti b’valur ta’ 8 biljun Rubel. Bħala premju għall-iskambju, il-familja Tokarev ppermettiet lill-familja Chemezov tnaqqas il-baġit ta’ Transneft. Stanislanv Chemezov huwa wkoll proprjetarju tal-kumpannija Independent Insurance Group, li tamministra kuntratti tal-assigurazzjoni kbar fis-settur tad-difiża inkluż kuntratti għall-konglomerat tad-Difiża Rostec, li fih is-CEO tiegħu huwa missieru, Sergei Chemezov. Għalhekk, Stanislav Chemezov huwa persuna fiżika assoċjata ma’ persuna elenkata.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Il-Kunsill ippubblika, f’Il-Ġurnal Uffiċjali tal-Unjoni Ewropea tat‑22 ta’ Lulju 2022 (ĠU 2022, C 281 I, p. 7), avviż għall-attenzjoni tal-persuni fiżiċi jew ġuridiċi, entitajiet u organi li kienu s-suġġett tal-miżuri restrittivi previsti fid-Deċiżjoni 2022/1272 u fir-Regolament ta’ Implimentazzjoni 2022/1270. Dan l-avviż kien jindika, b’mod partikolari, li l-persuni kkonċernati setgħu jressqu talba quddiem il-Kunsill għal eżami mill-ġdid tad-deċiżjoni li permezz tagħha isimhom kien ġie inkluż fil-listi annessi mal-atti kkontestati, filwaqt li jannettu magħha dokumenti ta’ sostenn.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Permezz ta’ ittra elettronika tat‑2 ta’ Settembru 2022, ir-rikorrenti talbet li tikseb aċċess għad-dokumenti kollha prodotti u miżmuma mill-Kunsill u mis-Servizz Ewropew għall-Azzjoni Esterna (SEAE), li kienu servew bħala bażi għall-adozzjoni tal-miżuri restrittivi li jikkonċernawha, bl-għan li titħejja talba għal eżami mill-ġdid.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Fl‑14 ta’ Settembru 2022, permezz tal-atti ta’ żamma ta’ Settembru 2022, il-Kunsill żamm isem ir-rikorrenti fil-listi kontenzjużi għall-istess raġunijiet bħal dawk imsemmija fil-punt 9 iktar ’il fuq. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Fit‑30 ta’ Settembru 2022, il-Kunsill wieġeb għat-talba tar-rikorrenti msemmija fil-punt 12 iktar ’il fuq u bagħat l-informazzjoni li tinsab fil-fajl bir-referenza WK 10502/2022 INIT, tat‑8 ta’ Marzu 2022 (iktar ’il quddiem il-“fajl bil-provi inizjali”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Permezz ta’ ittra elettronika tal‑31 ta’ Ottubru 2022, ir-rikorrenti ressqet talba għal eżami mill-ġdid quddiem il-Kunsill.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">II.</p>
</td>
<td valign="top">
<p class="normal">Il‑fatti li seħħew wara l‑preżentata tar‑rikors</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Permezz tal-atti ta’ żamma ta’ Marzu 2023, isem ir-rikorrenti nżamm fil-listi kontenzjużi għar-raġunijiet li ġejjin: </p>
</td>
</tr>
</table>
    <p class="C02AlineaAltA" id="para-54" title="page-2">
      “[Ir-rikorrenti] hija bint Nikolay Tokarev, l-Uffiċjal Kap Eżekuttiv ta’ Transneft, kumpanija Russa ewlenija taż-żejt u l-gass. [Ir-rikorrenti] u l-eks raġel tagħha Andrei Bolotov għandhom proprjetà immobbli lussuża f’Moska, il-Latvja u l-Kroazja li tiswa aktar minn USD 50 miljun, li tista’ tiġi konnessa ma’ Nikolay Tokarev. Hija għandha wkoll konnessjonijiet mal-kumpanija Ronin li timmaniġġja l-fond providenti għal Transneft. Meta applikat għaċ-ċittadinanza Ċiprijotta, hija niżżlet l-indirizz ta’ Ronin Europe bħala tagħha stess fl-istqarrija għall-istampa. Barra minn hekk, għandha konnessjonijiet mar-Ronin Trust li timmaniġġja l-fond providenti ta’ Transneft, u dan permezz tal-kumpanija immobiljari tagħha Ostozhenka 19 (li qabel kienet imsemmija RPA [Estate]). [Ir-rikorrenti] rċeviet kuntratti Statali li jiswew RUB 8 biljun permezz tal-kumpanija Irvin‑2, li hija kienet sid tagħha flimkien ma’ Stanislav Chemezov, iben l-Uffiċjal Kap Eżekuttiv ta’ Rostec, Sergei Chemezov. Bħalissa, flimkien ma’ Stanislav Sergeevich Chemezov, għandha ishma fil-Gelendzhik Resort Complex – Meridian LLC. Għalhekk, [ir-rikorrenti] hija persuna fiżika assoċjata ma’ persuni elenkati, jiġifieri missierha Nikolay Tokarev u Stanislav Chemezov.” 
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Permezz ta’ ittra elettronika tal‑14 ta’ Marzu 2023, il-Kunsill informa lir-rikorrenti biż-żamma tal-inklużjoni ta’ isimha fil-listi kontenzjużi filwaqt li fformula osservazzjonijiet bi tweġiba għall-argumenti mqajma fit-talba tagħha għal eżami mill-ġdid tal‑31 ta’ Ottubru 2022. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Permezz ta’ ittra elettronika tal‑31 ta’ Marzu 2023, il-Kunsill bagħat ittra lir-rikorrenti fejn informaha li l-provi li fuqhom kien ibbaża ruħu sabiex jiġġustifika ż-żamma tal-inklużjoni ta’ isimha fil-listi kontenzjużi kienu jinsabu fil-fajls bir-referenza WK 1128/2023 INIT, WK 1128/2023 ADD 1 u WK 1128/2023ADD 2, iddatati, rispettivament, 25 ta’ Jannar, 27 ta’ Jannar u 30 ta’ Jannar 2023 (iktar ’il quddiem, ikkunsidrati flimkien, il-“fajls bil-provi ta’ Jannar 2023”). </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Fil‑5 ta’ Ġunju 2023, il-Kunsill adotta d-Deċiżjoni (PESK) 2023/1094, li temenda d-Deċiżjoni 2014/145 (ĠU 2023, L 146, p. 20). Permezz ta’ din id-deċiżjoni, huwa emenda l-Artikolu 2(1)(g) tad-Deċiżjoni 2014/145 kif ġej:</p>
</td>
</tr>
</table>
    <p class="C09Marge0avecretrait" id="para-58" title="page-2">
      “1. Il-fondi u r-riżorsi ekonomiċi kollha li jappartjenu lil, jew huma proprjetà ta’, jew huma miżmuma jew ikkontrollati minn:
    </p>
    <p class="C09Marge0avecretrait" id="para-59" title="page-2">
      […]
    </p>
    <p class="C09Marge0avecretrait" id="para-60" title="page-2">
      (g) negozjanti ewlenin li joperaw fir-Russja u l-membri tal-familja immedjati tagħhom, jew persuni fiżiċi oħra, li jibbenefikaw minnhom, jew negozjanti, persuni ġuridiċi, entitajiet jew korpi involuti f’setturi ekonomiċi li jipprovdu sors sostanzjali ta’ dħul lill-Gvern tal-Federazzjoni Russa, li huwa responsabbli għall-annessjoni tal-Krimea u għad-destabbilizzazzjoni tal-Ukrajna […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Permezz ta’ ittra tad‑19 ta’ Ġunju 2023, il-Kunsill informa lir-rikorrenti li kien beħsiebu jżomm il-miżuri restrittivi abbażi ta’ raġunijiet emendati meta mqabbla ma’ dawk użati fl-atti ta’ żamma ta’ Marzu 2023. Ma’ din l-ittra, il-Kunsill annetta l-fajl WK 8181/2023 INIT tal‑15 ta’ Ġunju 2023 (iktar ’il quddiem il-“fajl bil-provi ta’ Ġunju 2023”) u stieden lir-rikorrenti tagħmel l-osservazzjonijiet tagħha dwar l-abbozz ta’ tiġdid tal-miżuri restrittivi fir-rigward tagħha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Permezz ta’ ittra tal‑10 ta’ Lulju 2023, il-Kunsill informa lir-rikorrenti li kien beħsiebu jżomm il-miżuri restrittivi abbażi ta’ abbozz ta’ raġunijiet emendat meta mqabbel mal-abbozz li kien intbagħtilha fid‑19 ta’ Ġunju 2023. Ma’ din l-ittra, il-Kunsill annetta wkoll il-fajl WK 5142/2023 INIT tal‑4 ta’ Lulju 2023 dwar informazzjoni addizzjonali li tikkonċerna lir-rikorrenti (iktar ’il quddiem il-“fajl bil-provi ta’ Lulju 2023”) kif ukoll il-fajl WK 5142/2023 INIT tal‑20 ta’ April 2023 dwar il-provi dwar l-ambjent tan-negozju u l-ekonomija tal-Federazzjoni Russa u stieden lir-rikorrenti tagħmel l-osservazzjonijiet tagħha dwar l-abbozz ta’ tiġdid tal-miżuri restrittivi fir-rigward tagħha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Permezz ta’ ittra tat‑18 ta’ Awwissu 2023, il-Kunsill ikkomunika lir-rikorrenti l-fajl WK 5142/2023 ADD 1 tas‑16 ta’ Awwissu 2023 bil-provi dwar l-ambjent tan-negozju u l-ekonomija tal-Federazzjoni Russa u stieden lir-rikorrenti tagħmel osservazzjonijiet. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Permezz tal-atti ta’ żamma ta’ Settembru 2023, il-Kunsill żamm isem ir-rikorrenti fil-listi kontenzjużi għar-raġunijiet li ġejjin: </p>
</td>
</tr>
</table>
    <p class="C02AlineaAltA" id="para-65" title="page-2">
      “[Ir-rikorrenti] hija bint Nikolay Tokarev, l-Uffiċjal Kap Eżekuttiv ta’ Transneft, kumpanija Russa ewlenija taż-żejt u l-gass. [Ir-rikorrenti] u l-eks raġel tagħha Andrei Bolotov jippossiedu proprjetà immobbli lussuża f’Moska, fil-Latvja u fil-Kroazja li tiswa aktar minn USD 50 miljun u li tista’ tiġi konnessa ma’ Nikolay Tokarev. Għandha wkoll konnessjonijiet mal-kumpanija Ronin, li timmaniġġa l-fond providenti għal Transneft. Meta applikat għaċ-ċittadinanza Ċiprijotta, fl-istqarrija għall-istampa niżżlet l-indirizz ta’ Ronin Europe bħala tagħha stess. Barra minn hekk permezz tal-kumpanija immobiljari tagħha Ostozhenka 19 (li qabel kien jisimha RPA [Estate]) għandha konnessjonijiet ma’ Ronin Trust, li timmaniġġa l-fond providenti ta’ Transneft. Għalhekk [ir-rikorrenti] hija membru tal-familja immedjata li tibbenefika minn Nikolay Tokarev, negozjant ewlieni li jopera fir-Russja.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">III.</p>
</td>
<td valign="top">
<p class="normal">It‑talbiet tal‑partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Ir-rikorrenti titlob li l-Qorti Ġenerali jogħġobha:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tannulla l-atti kkontestati sa fejn jirrigwardawha;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tikkundanna lill-Kunsill iħallasha s-somma ta’ EUR 1 000 000 bħala kumpens għad-dannu morali li ġarrbet minħabba l-adozzjoni tal-atti ta’ żamma ta’ Settembru 2022; </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tikkundanna lill-Kunsill għall-ispejjeż.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Il-Kunsill, sostnut mill-Kummissjoni, jitlob li l-Qorti Ġenerali jogħġobha:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tiċħad it-talba għal annullament;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">sussidjarjament, fil-każ li l-Qorti Ġenerali tannulla l-miżuri restrittivi adottati fir-rigward tar-rikorrenti, tordna li l-effetti tad-Deċiżjonijiet 2022/1530, 2023/572 u 2023/1767 jinżammu sakemm jidħol fis-seħħ l-annullament parzjali tar-Regolamenti ta’ Implimentazzjoni 2022/1529, 2023/571 u 2023/1765; </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tiċħad it-talba għad-danni;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tikkundanna lir-rikorrenti għall-ispejjeż.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">IV.</p>
</td>
<td valign="top">
<p class="normal">Id‑dritt</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Fuq it‑talba għall‑annullament tal‑atti kkontestati</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Insostenn tar-rikors tagħha, ir-rikorrenti tinvoka sitt motivi. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Fl-att tar-rikors tagħha, hija tqajjem erba’ motivi. L-ewwel motiv huwa bbażat fuq ksur tad-dritt għal protezzjoni ġudizzjarja effettiva u tal-obbligu ta’ motivazzjoni. It-tieni motiv huwa bbażat fuq żball ta’ liġi u fuq żbalji manifesti ta’ evalwazzjoni. It-tielet motiv huwa bbażat fuq ksur tal-prinċipju ta’ proporzjonalità u tad-drittijiet fundamentali. Ir-raba’ motiv huwa bbażat fuq ksur tal-prinċipji ta’ ċertezza legali u ta’ ugwaljanza fit-trattament. Fl-ewwel nota ta’ adattament tagħha, ir-rikorrenti tqajjem il-ħames motiv, ibbażat fuq ksur tad-dritt għal smigħ. Fit-tieni nota ta’ adattament tagħha, ir-rikorrenti tqajjem is-sitt motiv, ibbażat fuq eċċezzjoni ta’ illegalità tal-kriterju li jidentifika lill-persuni li jiksbu vantaġġ minn negozjant ewlieni li jeżerċita attivitajiet fir-Russja, previst fit-tieni parti tal-Artikolu 1(1)(e) u tal-Artikolu 2(1)(g) tad-Deċiżjoni 2014/145, kif emendata bid-Deċiżjoni 2023/1094 (iktar ’il quddiem it-“tieni parti tal-kriterju (g) kif emendat”). </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Il-Qorti Ġenerali tqis xieraq li qabel kollox teżamina t-tieni motiv ibbażat fuq żball ta’ liġi u fuq żbalji manifesti ta’ evalwazzjoni. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Fuq it‑tieni motiv, ibbażat fuq żball ta’ liġi u fuq żbalji manifesti ta’ evalwazzjoni </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Fir-rikors tagħha u fl-ewwel nota ta’ adattament tagħha, ir-rikorrenti ssostni li, permezz tal-adozzjoni tal-atti ta’ żamma ta’ Settembru 2022 u ta’ Marzu 2023, il-Kunsill wettaq żball ta’ liġi u żbalji manifesti ta’ evalwazzjoni meta żamm isimha fil-listi kontenzjużi abbażi tal-kriterju tal-persuna assoċjata, previst fl-aħħar parti tal-Artikolu 2(1) tad-Deċiżjoni 2014/145, kif emendata. Barra minn hekk, fir-rikors tagħha, hija tikkontesta l-eventwali inklużjoni ta’ isimha abbażi tal-kriterju previst fl-Artikolu 2(1)(d) ta’ din id-deċiżjoni. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Fit-tieni nota ta’ adattament tagħha, ir-rikorrenti ssostni li, fl-atti ta’ żamma ta’ Settembru 2023, il-Kunsill wettaq żball manifest ta’ evalwazzjoni sa fejn l-inklużjoni ta’ isimha fil-listi kontenzjużi nżammet abbażi tat-tieni parti tal-kriterju (g) kif emendat. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">a)</p>
</td>
<td valign="top">
<p class="normal">Kunsiderazzjonijiet preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Għandu jiġi rrilevat li, sa fejn huwa bbażat fuq żbalji manifesti ta’ evalwazzjoni, dan il-motiv għandu jitqies li huwa bbażat fuq żbalji ta’ evalwazzjoni. Fil-fatt, għalkemm huwa minnu li l-Kunsill għandu ċertu setgħa ta’ evalwazzjoni sabiex jiddetermina, każ b’każ, jekk humiex issodisfatti l-kriterji legali li fuqhom huma bbażati l-miżuri restrittivi inkwistjoni, xorta jibqa’ l-fatt li l-qrati tal-Unjoni għandhom iwettqu stħarriġ, bħala prinċipju sħiħ, tal-legalità tal-atti kollha tal-Unjoni (ara s-sentenza tas‑26 ta’ Ottubru 2022, Ovsyannikov vs Il‑Kunsill, T‑714/20, mhux ippubblikata, EU:T:2022:674, punt 61 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">L-effettività tal-istħarriġ ġudizzjarju ggarantit mill-Artikolu 47 tal-Karta tad-Drittijiet Fundamentali tal-Unjoni Ewropea teżiġi, b’mod partikolari, li l-qorti tal-Unjoni tiżgura li d-deċiżjoni li permezz tagħha miżuri restrittivi jkunu ġew adottati jew miżmuma, li jkollha portata individwali għall-persuna jew għall-entità kkonċernata, tkun ibbażata fuq bażi fattwali suffiċjentement solida. Dan jimplika verifika tal-fatti allegati fl-espożizzjoni tar-raġunijiet li fuqha tkun ibbażata din id-deċiżjoni, b’tali mod li l-istħarriġ ġudizzjarju ma għandux ikun limitat għall-evalwazzjoni tan-natura probabbli fl-astratt tar-raġunijiet invokati iżda għandu jindirizza l-kwistjoni ta’ jekk dawn ir-raġunijiet, jew, minn tal-inqas waħda minnhom meqjusa li hija suffiċjenti fiha nnifisha sabiex isservi ta’ bażi għall-imsemmija deċiżjoni, humiex issostanzjati (ara, f’dan is-sens, is-sentenzi tat‑18 ta’ Lulju 2013, Il‑Kummissjoni et vs Kadi, C‑584/10 P, C‑593/10 P u C‑595/10 P, EU:C:2013:518, punt 119, u tas‑26 ta’ Ottubru 2022, Ovsyannikov vs Il‑Kunsill, T‑714/20, mhux ippubblikata, EU:T:2022:674, punt 62).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Tali evalwazzjoni għandha titwettaq billi l-provi u l-informazzjoni jiġu eżaminati fil-kuntest li jagħmlu parti minnu u mhux b’mod iżolat. Fil-fatt, il-Kunsill jissodisfa l-oneru tal-prova tiegħu jekk jipproduċi quddiem il-qorti tal-Unjoni sensiela ta’ indizji suffiċjentement konkreti, preċiżi u konkordanti li jippermettu li tiġi stabbilita l-eżistenza ta’ rabta suffiċjenti bejn il-persuna jew l-entità suġġetta għal miżura ta’ ffriżar tal-fondi tagħha u r-reġim jew, b’mod ġenerali, is-sitwazzjonijiet miġġielda (ara s-sentenza tal‑20 ta’ Lulju 2017, Badica u Kardiam vs Il‑Kunsill, T‑619/15, EU:T:2017:532, punt 99 u l-ġurisprudenza ċċitata; ara, f’dan is-sens, is-sentenza tas‑26 ta’ Ottubru 2022, Ovsyannikov vs Il‑Kunsill, T‑714/20, mhux ippubblikata, EU:T:2022:674, punti 63 u 66).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Hija l-awtorità kompetenti tal-Unjoni li, fil-każ ta’ kontestazzjoni, għandha tistabbilixxi l-fondatezza tar-raġunijiet invokati kontra l-persuna jew l-entità kkonċernata, u ma hijiex din tal-aħħar li għandha tipproduċi prova negattiva tal-assenza ta’ fondatezza ta’ dawn ir-raġunijiet. Għal dan il-għan, ma huwiex meħtieġ li l-Kunsill jipproduċi quddiem il-qorti tal-Unjoni l-informazzjoni u l-provi kollha inerenti għar-raġunijiet allegati fl-att li jkun intalab l-annullament tiegħu. Huwa importanti li l-informazzjoni jew il-provi prodotti jissostanzjaw ir-raġunijiet invokati kontra l-persuna jew l-entità kkonċernata (sentenzi tat‑18 ta’ Lulju 2013, Il-Kummissjoni et vs Kadi, C‑584/10 P, C‑593/10 P u C‑595/10 P, EU:C:2013:518, punti 121 u 122, u tat‑28 ta’ Novembru 2013, Il‑Kunsill vs Fulmen u Mahmoudian, C‑280/12 P, EU:C:2013:775, punti 66 u 67; ara wkoll is-sentenza tal‑1 ta’ Ġunju 2022, Prigozhin vs Il‑Kunsill, T‑723/20, mhux ippubblikata, EU:T:2022:317, punt 73 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">F’din is-sitwazzjoni, il-qorti tal-Unjoni għandha tivverifika l-eżattezza materjali tal-fatti allegati fid-dawl ta’ din l-informazzjoni jew ta’ dawn il-provi u għandha tevalwa s-saħħa probatorja ta’ dawn tal-aħħar skont iċ-ċirkustanzi tal-każ ineżami u fid-dawl tal-eventwali osservazzjonijiet ippreżentati, b’mod partikolari, mill-persuna jew mill-entità kkonċernata dwar dan is-suġġett (ara, f’dan is-sens, is-sentenza tat‑18 ta’ Lulju 2013, Il-Kummissjoni et vs Kadi, C‑584/10 P, C‑593/10 P u C‑595/10 P, EU:C:2013:518, punt 124).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Fir-rigward, b’mod iktar partikolari, tal-istħarriġ tal-legalità eżerċitat fir-rigward tal-atti li jżommu l-isem tal-persuna kkonċernata fil-listi kontenzjużi, għandu jitfakkar li l-miżuri restrittivi huma ta’ natura kawtelatorja u, mid-definizzjoni tagħhom, provviżorja, li l-validità tagħhom hija dejjem suġġetta għall-kontinwazzjoni taċ-ċirkustanzi ta’ fatt u ta’ liġi li jkunu wasslu għall-adozzjoni tagħhom kif ukoll għall-ħtieġa taż-żamma tagħhom sabiex jintlaħaq l-għan relatat magħhom. Huwa għalhekk li l-Kunsill għandu jwettaq, matul l-eżami mill-ġdid perijodiku ta’ dawn il-miżuri, evalwazzjoni aġġornata tas-sitwazzjoni u għandu jistabbilixxi bilanċ tal-impatt ta’ tali miżuri, sabiex jiddetermina jekk dawn ippermettewx li jintlaħqu l-għanijiet imfittxija mill-inklużjoni inizjali tal-ismijiet tal-persuni u tal-entitajiet ikkonċernati fil-lista kontenzjuża jew jekk għadux possibbli li tinsilet l-istess konklużjoni fir-rigward tal-imsemmija persuni u entitajiet (ara, f’dan is-sens, is-sentenza tas‑27 ta’ April 2022, Ilunga Luyoyo vs Il‑Kunsill, T‑108/21, EU:T:2022:253, punt 55 u l-ġurisprudenza ċċitata, u s-sentenza tas‑26 ta’ Ottubru 2022, Ovsyannikov vs Il‑Kunsill, T‑714/20, mhux ippubblikata, EU:T:2022:674, punt 67).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Minn dan jirriżulta li, sabiex tiġi ġġustifikata ż-żamma ta’ isem persuna fil-lista tal-persuni u tal-entitajiet li huma s-suġġett ta’ miżuri restrittivi, il-Kunsill ma huwiex ipprojbit milli jibbaża ruħu fuq l-istess provi bħal dawk li kienu ġġustifikaw l-inklużjoni inizjali, l-inklużjoni mill-ġdid jew iż-żamma preċedenti ta’ isem ir-rikorrent f’din il-lista, sakemm, minn naħa, ir-raġunijiet għall-inklużjoni ma jkunux inbidlu u sakemm, min-naħa l-oħra, il-kuntest ma jkunx żviluppa b’tali mod li dawn il-provi jkunu saru obsoleti (ara, f’dan is-sens, is-sentenza tat‑23 ta’ Settembru 2020, Kaddour vs Il‑Kunsill, T‑510/18, EU:T:2020:436, punt 99). F’dan ir-rigward, l-evoluzzjoni tal-kuntest tinkludi t-teħid inkunsiderazzjoni, minn naħa, tas-sitwazzjoni tal-pajjiż li fir-rigward tiegħu ġiet stabbilita s-sistema ta’ miżuri restrittivi kif ukoll tas-sitwazzjoni partikolari tal-persuna kkonċernata (ara, f’dan is-sens, is-sentenzi tas‑26 ta’ Ottubru 2022, Ovsyannikov vs Il‑Kunsill, T‑714/20, mhux ippubblikata, EU:T:2022:674, punt 78, u tat‑23 ta’ Settembru 2020, Kaddour vs Il‑Kunsill, T‑510/18, EU:T:2020:436, punt 101), u, min-naħa l-oħra, taċ-ċirkustanzi rilevanti kollha u, b’mod partikolari, tal-assenza tat-twettiq tal-għanijiet imfittxija mill-miżuri restrittivi (ara, f’dan is-sens, is-sentenza tas‑27 ta’ April 2022, Ilunga Luyoyo vs Il‑Kunsill, T‑108/21, EU:T:2022:253, punt 56; ara wkoll, f’dan is-sens u b’analoġija, is-sentenza tat‑12 ta’ Frar 2020, Amisi Kumba vs Il‑Kunsill, T‑163/18, EU:T:2020:57, punti 82 sa 84 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">F’dan il-każ, mir-raġunijiet għall-inklużjoni mogħtija fl-atti ta’ żamma ta’ Settembru 2022 u ta’ Marzu 2023 jirriżulta b’mod ċar li isem ir-rikorrenti nżamm fil-listi kontenzjużi abbażi biss tal-kriterju tal-persuna assoċjata previst fl-aħħar parti tal-Artikolu 2(1) tad-Deċiżjoni 2014/145, kif emendata. Il-Kunsill ikkonferma li l-inklużjoni u ż-żamma ta’ isem ir-rikorrenti f’dawn il-listi ma kellhomx bħala bażi legali l-kriterju previst fl-Artikolu 2(1)(d) ta’ din id-deċiżjoni. Minn dan jirriżulta li l-argumenti intiżi sabiex jikkontestaw iż-żamma tal-inklużjoni ta’ isem ir-rikorrenti abbażi tal-kriterju previst fl-Artikolu 2(1)(d) tad-Deċiżjoni 2014/145, kif emendata, huma ineffettivi. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Huwa fid-dawl ta’ dawn il-kunsiderazzjonijiet preliminari li għandu jiġi vverifikat jekk il-Kunsill wettaqx żball ta’ evalwazzjoni meta ddeċieda, minn naħa, li jżomm, permezz tal-adozzjoni tal-atti ta’ żamma ta’ Settembru 2022 u ta’ Marzu 2023, isem ir-rikorrenti fil-listi kontenzjużi abbażi tal-kriterju tal-persuna assoċjata previst fl-aħħar parti tal-Artikolu 2(1) tad-Deċiżjoni 2014/145, kif emendata, u, min-naħa l-oħra, li jżomm, permezz tal-adozzjoni tal-atti ta’ żamma ta’ Settembru 2023, isimha fl-imsemmija listi abbażi tat-tieni parti tal-kriterju (g) kif emendat. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Mill-atti taż-żamma ta’ Settembru 2022 u ta’ Marzu 2023 jirriżulta li isem ir-rikorrenti ġie inkluż abbażi tal-kriterju tal-persuna assoċjata minħabba li hija kellha rabta ta’ assoċjazzjoni, minn naħa, ma’ missierha, Nikolay Tokarev, u, min-naħa l-oħra, ma’ Stanislav Chemezov. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Il-Qorti Ġenerali tqis xieraq li qabel kollox teżamina l-argument essenzjalment ibbażat fuq żball ta’ liġi sa fejn ir-rikorrenti ġiet inkluża fil-listi kontenzjużi bħala persuna assoċjata ma’ Stanislav Chemezov, li huwa wkoll inkluż fil-listi kontenzjużi bħala persuna assoċjata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">b)</p>
</td>
<td valign="top">
<p class="normal">Fuq l‑iżball ta’ liġi, ibbażat fuq l‑inklużjoni tar‑rikorrenti bħala persuna assoċjata ma’ Stanislav Chemezov </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Ir-rikorrenti ssostni li l-Kunsill wettaq żball ta’ liġi meta inkludiha fil-listi kontenzjużi bħala persuna assoċjata ma’ Stanislav Chemezov b’mod partikolari minħabba li dan ġie inkluż ukoll fil-listi kontenzjużi bħala persuna assoċjata ma’ missieru stess, Serguey Chemezov. Skont ir-rikorrenti, il-leġiżlazzjoni ma tipprevedix il-possibbiltà li jiġi inkluż fil-listi kontenzjużi l-isem ta’ persuna minħabba li hija assoċjata ma’ persuna li isimha huwa inkluż ukoll f’dawn il-listi abbażi tal-kriterju tal-persuna assoċjata. Fil-fehma tagħha, il-kriterju tal-persuna assoċjata jippermetti biss li persuna tiġi inkluża fl-imsemmija listi bħala assoċjata ma’ persuna msemmija fid-dispożizzjonijiet tal-punti (a), (b), (c), (d) (e) jew (f) tal-Artikolu 2(1) tad-Deċiżjoni 2014/145. Barra minn hekk, fl-ewwel nota ta’ adattament tat-talbiet tagħha, ir-rikorrenti ssostni li l-impossibbiltà li persuna tiġi inkluża fil-listi kontenzjużi bħala assoċjata ma’ persuna li hija wkoll inkluża f’dawn il-listi bħala assoċjata hija konsistenti mal-ġurisprudenza li teżiġi l-eżistenza ta’ rabta suffiċjenti bejn l-entità suġġetta għal miżuri ta’ ffriżar tal-fondi tagħha u r-reġim jew, b’mod ġenerali, is-sitwazzjonijiet miġġielda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">Permezz ta’ miżura ta’ organizzazzjoni tal-proċedura, il-Qorti Ġenerali talbet lill-Kunsill jindika l-bażi li fuqha persuna setgħet tiġi inkluża fil-listi kontenzjużi bħala persuna assoċjata ma’ persuna oħra inkluża wkoll f’dawn il-listi bħala persuna assoċjata ma’ persuna terza. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Waqt is-seduta, il-Kunsill sostna li ma kienx eskluż li l-identifikazzjoni ta’ persuna assoċjata ma’ persuna, li hija stess tkun identifikata bħala persuna assoċjata ma’ persuna inkluża fil-listi kontenzjużi, tista’ tkun iġġustifikata bil-kundizzjoni li tali identifikazzjoni tkun proporzjonata sabiex jintlaħqu l-għanijiet imfittxija mill-miżuri restrittivi. Skont il-Kunsill, dan ikun il-każ fil-preżenza ta’ skema kkaratterizzata minn network ta’ relazzjonijiet bejn diversi persuni li fiha l-assoċjazzjoni prinċipali bejn żewġ persuni, li huma stess ikunu assoċjati ma’ persuni oħra, taqa’ taħt “xibka iktar globali” li jkun iġġustifikat li tinqabad permezz tal-miżuri restrittivi sabiex tiġi evitata b’mod partikolari l-evażjoni tal-miżuri restrittivi. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">F’dan ir-rigward, fir-rigward tal-kriterju tal-persuna assoċjata, previst fl-aħħar parti tal-Artikolu 2(1) tad-Deċiżjoni 2014/145, kif emendata, għandu jiġi enfasizzat li, minkejja li jintuża ta’ spiss fl-atti tal-Kunsill relatati mal-miżuri restrittivi, il-kunċett ta’ “assoċjazzjoni” ma huwiex bħala tali ddefinit u t-tifsira tiegħu tiddependi mill-kuntesti u miċ-ċirkustanzi inkwistjoni (ara, f’dan is-sens, is-sentenzi tat‑28 ta’ Lulju 2016, Tomana et vs Il‑Kunsill u Il‑Kummissjoni, C‑330/15 P, mhux ippubblikata, EU:C:2016:601, punt 48; tal‑4 ta’ Settembru 2015, NIOC et vs Il‑Kunsill, T‑577/12, mhux ippubblikata, EU:T:2015:596, punt 114; u tal‑21 ta’ Lulju 2016, Bredenkamp et vs Il‑Kunsill u Il‑Kummissjoni, T‑66/14, EU:T:2016:430, punti 35 sa 37). Madankollu, jista’ jiġi aċċettat li dawn huma persuni li, b’mod ġenerali, ikunu marbuta bejniethom permezz ta’ interessi komuni (ara, f’dan is-sens, is-sentenza tat‑8 ta’ Marzu 2023, Prigozhina vs Il‑Kunsill, T‑212/22, mhux ippubblikata, EU:T:2023:104, punt 93 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Fir-rigward tal-portata tal-kriterju tal-persuna assoċjata, mill-kliem tal-Artikolu 2(1) tad-Deċiżjoni 2014/145, kif emendata, jirriżulta li għandhom jiġu ffriżati l-fondi u r-riżorsi ekonomiċi li jappartjenu, minn naħa, lill-persuni indikati abbażi tal-kriterji ta’ identifikazzjoni previsti fid-dispożizzjonijiet fil-punti (a) sa (h) tal-Artikolu 2(1) ta’ din id-deċiżjoni u, min-naħa l-oħra, lill-persuni fiżiċi u ġuridiċi, lill-entitajiet jew lill-organi assoċjati magħhom. Għandu jiġi rrilevat li l-kelma “magħhom” fl-espressjoni “li huma assoċjati magħhom”, użata fil-kriterju tal-persuna assoċjata, tirreferi biss għall-persuni, għall-entitajiet jew għall-organi identifikati abbażi ta’ wieħed mill-kriterji ta’ identifikazzjoni previsti fid-dispożizzjonijiet tal-punti (a) sa (h) tal-Artikolu 2(1) ta’ din id-deċiżjoni. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">Għalhekk, minn interpretazzjoni letterali tal-aħħar parti tal-Artikolu 2(1) tad-Deċiżjoni 2014/145, kif emendata, jirriżulta li, kif ġustament issostni r-rikorrenti, persuna fiżika jew ġuridika, entità jew organu jistgħu jiġu inklużi fil-listi kontenzjużi biss minħabba rabta ta’ assoċjazzjoni ma’ persuna fiżika jew ġuridika, entità jew organu oħra inklużi f’dawn il-listi abbażi ta’ kriterju wieħed jew iktar ta’ identifikazzjoni previsti fid-dispożizzjonijiet tal-punti (a) sa (h) tal-Artikolu 2(1) ta’ din id-deċiżjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">Huwa minnu li, kif jirrileva l-Kunsill, il-kriterju tal-persuna assoċjata jkopri kull persuna li jkollha rabta ta’ assoċjazzjoni ma’ persuna inkluża fil-listi kontenzjużi abbażi ta’ kriterju wieħed jew iktar previsti fid-dispożizzjonijiet tal-punti (a) sa (h) tal-Artikolu 2(1) tad-Deċiżjoni 2014/145, kif emendata, minħabba l-eżistenza ta’ riskju mhux negliġibbli li, sabiex jiġu evażi l-miżuri restrittivi li jikkonċernawhom, il-persuni ssanzjonati fuq il-bażi ta’ wieħed jew iktar minn dawn il-kriterji jeżerċitaw pressjoni fuq il-persuni li jkunu marbuta magħhom (ara, b’analoġija, is-sentenzi tal‑4 ta’ Settembru 2015, NIOC et vs Il‑Kunsill, T‑577/12, mhux ippubblikata, EU:T:2015:596, punt 114, u tat‑18 ta’ Mejju 2022, Foz vs Il‑Kunsill, T‑296/20, EU:T:2022:298, punt 174).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">Madankollu, l-argument tal-Kunsill, ibbażat fuq ir-riskju ta’ evażjoni u fuq in-neċessità li jinqabdu diversi persuni li jagħmlu parti minn “xibka” globali ma jistax fih innifsu jiġġustifika l-estensjoni tal-portata tal-kriterju ta’ assoċjazzjoni sal-punt li jiġi applikat għar-rabta ta’ assoċjazzjoni ma’ persuna li ma tkunx hija stess inkluża abbażi ta’ wieħed mill-kriterji previsti fid-dispożizzjonijiet tal-punti (a) sa (h) tal-Artikolu 2(1) tad-Deċiżjoni 2014/145, kif emendata. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">Fil-fatt, tali interpretazzjoni tagħti portata eċċessivament wiesgħa lir-rabta ta’ assoċjazzjoni u ma tiħux inkunsiderazzjoni l-kliem tal-aħħar parti tal-Artikolu 2(1) tad-Deċiżjoni 2014/145, kif emendata, u lanqas ma tieħu inkunsiderazzjoni r-rekwiżit ta’ rabta suffiċjenti bejn il-persuni kkonċernati u l-pajjiż terz li jkun fil-mira tal-miżuri restrittivi adottati mill-Unjoni, fis-sens tal-punt 64 tas-sentenza tat‑13 ta’ Marzu 2012, Tay Za vs Il‑Kunsill (C‑376/10 P, EU:C:2012:138). Minn dan isegwi li, f’dan il-każ, peress li Stanislav Chemezov kien ġie inkluż fil-listi kontenzjużi bħala persuna assoċjata ma’ missieru, Serguey Chemezov, il-Kunsill ma kellux raġun jinkludi lir-rikorrenti fil-listi kontenzjużi bħala persuna assoċjata ma’ Stanislav Chemezov. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Mill-kunsiderazzjonijiet preċedenti jirriżulta li, permezz tal-atti ta’ żamma ta’ Settembru 2022 u ta’ Marzu 2023, il-Kunsill wettaq żball ta’ liġi meta żamm isem ir-rikorrenti fil-listi kontenzjużi abbażi ta’ rabta ta’ assoċjazzjoni ma’ Stanislav Chemezov. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">Għandu jiġi rrilevat li, waħdu, dan l-iżball ta’ liġi mwettaq mill-Kunsill ma jistax iwassal għall-annullament tal-atti ta’ żamma ta’ Settembru 2022 u ta’ Marzu 2023. Fil-fatt, skont il-ġurisprudenza, fir-rigward tal-istħarriġ tal-legalità ta’ deċiżjoni li tadotta miżuri restrittivi, u fid-dawl tan-natura preventiva tagħhom, jekk il-qorti tal-Unjoni tikkunsidra li minn tal-inqas waħda mir-raġunijiet indikati hija suffiċjentement preċiża u konkreta, hija ssostanzjata u tikkostitwixxi fiha nnifisha bażi suffiċjenti sabiex issostni din id-deċiżjoni, il-fatt li raġunijiet oħra fost dawk indikati ma jissodisfawx dawn il-kriterji ma jistax jiġġustifika l-annullament tal-imsemmija deċiżjoni (ara s-sentenza tat‑28 ta’ Novembru 2013, Il‑Kunsill vs Manufacturing Support &amp; Procurement Kala Naft, C‑348/12 P, EU:C:2013:776, punt 72 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">Għaldaqstant, għandu jiġi vverifikat jekk il-Kunsill wettaqx żball ta’ evalwazzjoni meta kkonkluda li r-rikorrenti kienet persuna assoċjata ma’ missierha, N. Tokarev. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">c)</p>
</td>
<td valign="top">
<p class="normal">Fuq l‑iżball ta’ evalwazzjoni sa fejn ir‑rikorrenti ġiet inkluża bħala persuna assoċjata ma’ missierha</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">Hemm lok li l-atti ta’ żamma ta’ Settembru 2022 u l-atti ta’ żamma ta’ Marzu 2023 jiġu eżaminati separatament sa fejn ġew adottati f’dati differenti u sa fejn ma humiex ibbażati fuq raġunijiet u fuq bażi dokumentarja strettament identiċi. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1)</p>
</td>
<td valign="top">
<p class="normal">Fuq l‑atti ta’ żamma ta’ Settembru 2022</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">Permezz tal-argumenti tagħha, ir-rikorrenti tikkontesta l-affidabbiltà ta’ ċerti dokumenti fil-fajl bil-provi inizjali kif ukoll il-possibbiltà li jittieħed inkunsiderazzjoni l-Anness B.5 u ssostni li l-bażi fattwali hija insuffiċjenti sabiex tiġġustifika ż-żamma tal-inklużjoni tagħha bħala persuna assoċjata ma’ missierha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">i)</p>
</td>
<td valign="top">
<p class="normal">Fuq l‑affidabbiltà tad-dokumenti fil-fajl bil-provi inizjali</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">Ir-rikorrenti tikkontesta l-affidabbiltà tad-dokument indikat bin-numru 6 fil-fajl bil-provi inizjali minħabba li l-affermazzjoni li missierha kien afda lill-ex konjuġi tagħha bil-ġestjoni tal-kumpannija Katina hija żbaljata. Hija tqis ukoll li d-dokumenti indikati bin-numru 12 u bin-numru 15 fil-fajl bil-provi inizjali ma humiex affidabbli minħabba l-fatt li l-allegazzjonijiet magħmula f’dawn id-dokumenti huma vagi u huma bbażati fuq indizji li ma jidhrux li huma suffiċjentement solidi sabiex jissostanzjawhom, bħalma huma numri tat-telefon jew informazzjoni ppubblikata fuq l-internet. Barra minn hekk, ir-rikorrenti ssostni li l-artikli ppubblikati mill-Moscow Post ma humiex affidabbli minħabba l-fatt li din il-media hija magħrufa għall-pubblikazzjoni ta’ dokumenti malafamanti kif jirriżulta minn kundanni ġudizzjarji reċenti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57</p>
</td>
<td valign="top">
<p class="normal">Il-Kunsill, sostnut mill-Kummissjoni, jikkontesta dawn l-argumenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58</p>
</td>
<td valign="top">
<p class="normal">F’dan ir-rigward, għandu jitfakkar li, skont ġurisprudenza stabbilita, l-attività tal-qorti tal-Unjoni hija rregolata mill-prinċipju ta’ evalwazzjoni libera tal-provi u li l-uniku kriterju sabiex jiġi evalwat il-valur tal-provi prodotti jinsab fil-kredibbiltà tagħhom. Barra minn hekk, sabiex jiġi evalwat il-valur probatorju ta’ dokument, għandha tiġi vverifikata l-plawżibbiltà tal-informazzjoni li tinsab fih filwaqt li jittieħdu inkunsiderazzjoni, b’mod partikolari, l-oriġini tad-dokument, iċ-ċirkustanzi ta’ kif ġie redatt u d-destinatarju tiegħu, u għandu jiġi evalwat, fid-dawl tal-kontenut tiegħu, jekk jidhirx li jagħmel sens u jekk jidhirx li huwa affidabbli (ara s-sentenzi tal‑31 ta’ Mejju 2018, Kaddour vs Il‑Kunsill, T‑461/16, EU:T:2018:316, punt 107 u l-ġurisprudenza ċċitata, u tat‑12 ta’ Frar 2020, Amisi Kumba vs Il‑Kunsill, T‑163/18, mhux ippubblikata, EU:T:2020:57, punt 95 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59</p>
</td>
<td valign="top">
<p class="normal">Fl-assenza ta’ setgħat ta’ investigazzjoni f’pajjiżi terzi, l-evalwazzjoni tal-awtoritajiet tal-Unjoni għandha, fil-fatt, tkun ibbażata fuq sorsi ta’ informazzjoni aċċessibbli għall-pubbliku, fuq rapporti, fuq artikli tal-istampa, fuq rapporti tas-servizzi sigrieti jew fuq sorsi oħra ta’ informazzjoni simili (sentenzi tal‑14 ta’ Marzu 2018, Kim et vs Il‑Kunsill u Il‑Kummissjoni, T‑533/15 u T‑264/16, EU:T:2018:138, punt 107, u tal‑1 ta’ Ġunju 2022, Prigozhin vs Il‑Kunsill, T‑723/20, mhux ippubblikata, EU:T:2022:317, punt 59).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60</p>
</td>
<td valign="top">
<p class="normal">Barra minn hekk, għandu jiġi rrilevat li s-sitwazzjoni ta’ kunflitt li fiha huma involuti l-Federazzjoni Russa u l-Ukraina tirrendi fil-prattika partikolarment diffiċli l-aċċess għal ċerti sorsi, l-indikazzjoni espressa tas-sors primarju ta’ ċerta informazzjoni kif ukoll l-eventwali ġbir ta’ testimonjanzi minn persuni li jaċċettaw li jiġu identifikati. Għalhekk, id-diffikultajiet ta’ investigazzjoni li jirriżultaw minn dan jistgħu jikkontribwixxu sabiex jipprekludu l-produzzjoni ta’ provi preċiżi u ta’ informazzjoni oġġettiva (ara, f’dan is-sens, is-sentenza tal‑15 ta’ Novembru 2023, OT vs Il‑Kunsill, T‑193/22, EU:T:2023:716, punt 116 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61</p>
</td>
<td valign="top">
<p class="normal">F’dan il-każ, sabiex jiġġustifika ż-żamma tal-inklużjoni ta’ isem ir-rikorrenti fil-listi kontenzjużi permezz tal-atti ta’ Settembru 2022, il-Kunsill ipproduċa l-fajl bil-provi inizjali. Għandu jiġi rrilevat li, fir-rigward tar-rabta bejn ir-rikorrenti u missierha, il-Kunsill ibbaża ruħu fuq elementi ta’ informazzjoni pubblikament aċċessibbli, jiġifieri, b’mod partikolari:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fil‑5 ta’ Marzu 2022 fis-sit internet Total Croatia News, intitolat “L-Istati Uniti jiffriżaw il-kumpannija ta’ bin oligarku Russu, proprjetarja ta’ villa f’Lošinj”, ikkonsultat fil‑5 ta’ April 2022 (dokument indikat bin-numru 1); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">stqarrija għall-istampa tal-United States Department of the Treasury (id-Dipartiment tat-Teżor tal-Istati Uniti tal-Amerika), ippubblikata fit‑3 ta’ Marzu 2022, dwar is-sanzjonijiet adottati kontra persuni u istituzzjonijiet Russi, ikkonsultata fil‑5 ta’ April 2022 (dokument indikat bin-numru 2); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fl‑10 ta’ Marzu 2022 fis-sit internet tal-Evening Standard, intitolat “Liema oligarki Russi ġew miżjuda mal-lista tas-sanzjonijiet tar-Renju Unit?”, ikkonsultat fis‑7 ta’ April 2022 (dokument indikat bin-numru 3); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">paġna tas-sit internet tal-Australian Department of Foreign Affairs and Trade (il-Ministeru għall-Affarijiet Barranin u għall-Kummerċ Awstraljan), ippubblikata fit‑13 ta’ Marzu 2022, dwar is-sanzjonijiet imposti fuq ir-Russja, ikkonsultata fis‑7 ta’ April 2022 (dokument indikat bin-numru 4); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fis‑6 ta’ Marzu 2022 fis-sit internet tal-World Law Group, intitolat “L-Istati Uniti: l-Istati Uniti jimponu sanzjonijiet addizzjonali u kontroll fuq l-esportazzjoni fir-rigward tar-Russja u tal-Bjelorussja”, ikkonsultat fis‑7 ta’ April 2022 (dokument indikat bin-numru 5); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fl‑4 ta’ Marzu 2022 fis-sit internet tal-Imperijal, intitolat “Russi fuq il-listi suwed jagħmlu negozju qrib Plenkovic u HZD, għandhom ukoll villa imperjali f’Mali Losinj”, ikkonsultat fis‑7 ta’ April 2022 (dokument indikat bin-numru 6);</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">paġna tas-sit internet tal-Gvern tal-Kanada, ippubblikata fl‑24 ta’ Frar 2022, dwar il-miżuri ekonomiċi addizzjonali adottati b’risposta għall-aggressjoni tal-Ukraina mir-Russja, ikkonsultata fil‑11 ta’ April 2022 (dokument indikat bin-numru 8); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">paġna tas-sit internet “acrompromat.com” dwar ir-rikorrenti, ikkonsultata fil‑11 ta’ April 2022 (dokument indikat bin-numru 9); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fil‑15 ta’ Marzu 2022 fis-sit internet ta’ Infobae intitolat “Ir-Renju Unit iħabbar sanzjonijiet kontra 350 individwi u entitajiet Russi”, ikkonsultat fil‑5 ta’ April 2022 (dokument indikat bin-numru 11); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">estratt minn investigazzjoni mwettqa mill-Organised Crime and Corruption Reporting Project (OCCRP, Proġett ta’ Informazzjoni dwar il-Kriminalità Organizzata u l-Korruzzjoni), ippubblikata fl‑24 ta’ Diċembru 2016, intitolata “Il-ħbieb jibbenefikaw minħabba l-prossimità mal-poter ta’ Putin”, ikkonsultata fil‑5 ta’ April 2022 (dokument indikat bin-numru 12); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fid‑29 ta’ Diċembru 2016 fis-sit internet ta’ LSM, intitolat “Rabta bejn blokk ta’ appartamenti f’Jūrmala apartment u ħabib ta’ Putin”, ikkonsultat fil‑5 ta’ April 2022 (dokument indikat bin-numru 13);</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">paġna tas-sit internet Russian Asset Tracker dwar il-kumpannija Katina, ikkonsultata fit‑12 ta’ April 2022 (dokument indikat bin-numru 14); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fis‑27 ta’ Novembru 2016 fis-sit internet ta’ informazzjoni Meduza, intitolat “Iben tar-rispett sinjur kbir. Kif huwa organizzat in-negozju tal-qraba ta’ Nikolai Tokarev, id-direttur ta’ Transneft?”, ikkonsultat fis‑17 ta’ Mejju 2022 (dokument indikat bin-numru 15); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fit‑28 ta’ Awwissu 2020 fis-sit internet News Rambler, intitolat “Il-ħruġ ta’ Shmatko lejn il-‘meridjan’ ta’ Gelendzhik”, ikkonsultat fit‑2 ta’ Mejju 2022 (dokument indikat bin-numru 16); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fil‑15 ta’ Ottubru 2019 fis-sit internet ta’ Moscow Post, intitolat “Nikolai Tokarev u l-kumpannija Transneft tiegħu ma rnexxilhomx jittrasferixxu r-responsabbiltà għall-kwalità taż-żejt fuq l-avversarji tagħhom”, ikkonsultat fl‑20 ta’ Mejju 2022 (dokument indikat bin-numru 17).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62</p>
</td>
<td valign="top">
<p class="normal">B’hekk, id-dokument indikat bin-numru 6 fil-fajl bil-provi inizjali huwa artiklu tal-istampa ppubblikat fis-sit tal-Imperijal, intitolat “Russi fuq il-listi suwed jagħmlu negozju qrib Plenkovic u HZD, għandhom ukoll villa imperjali f’Mali Losinj”. Dan id-dokument jikkonċerna b’mod partikolari l-kumpannija Katina li għandha s-sede tagħha f’Zagreb u li għandha villa bl-isem Karolina li tinsab f’Mali Lošinj (il-Kroazja) (iktar ’il quddiem il-“villa Karolina”). Għandu jiġi rrilevat li l-argument tar-rikorrenti fis-sens li dan l-artikolu fih żball ma huwiex ta’ natura li jdaħħal inkwistjoni l-valur probatorju tiegħu. Fil-fatt, tali argument jaqa’ taħt l-evalwazzjoni tan-natura suffiċjenti tal-bażi fattwali tal-Kunsill sabiex jiġġustifika l-inklużjoni tagħha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63</p>
</td>
<td valign="top">
<p class="normal">Fir-rigward tal-argument fis-sens li l-allegazzjoni magħmula fil-dokument indikat bin-numru 12, jiġifieri l-investigazzjoni tal-OCCRP intitolata “Il-ħbieb jibbenefikaw minħabba l-prossimità mal-poter ta’ Putin” u d-dokument indikat bin-numru 15, jiġifieri l-artiklu ppubblikat fuq is-sit internet ta’ informazzjoni Meduza, intitolat “Iben tar-rispett sinjur kbir. Kif huwa organizzat in-negozju tal-qraba ta’ Nikolai Tokarev, id-direttur ta’ Transneft”, huma vagi u huma bbażati fuq indizji li ma jidhrux li huma suffiċjentement solidi sabiex jissostanzjawhom, dan l-argument ma jistax idaħħal inkwistjoni s-saħħa probatorja ta’ dawn il-provi. Fil-fatt, fid-dawl tad-diffikultajiet ta’ aċċess għall-informazzjoni msemmija fil-punt 60 iktar ’il fuq, il-fatt li investigazzjonijiet jew artikli jkunu bbażati fuq data bħalma huma numri tat-telefon jew fuq informazzjoni disponibbli fuq siti tal-internet ma huwiex ta’ natura li jċaħħad lid-dokumenti indikati bin-numri 12 u 15 minn saħħa probatorja. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64</p>
</td>
<td valign="top">
<p class="normal">Bl-istess mod, ma jistax jintlaqa’ l-argument fis-sens li, essenzjalment, l-artikli ppubblikati mill-Moscow Post ma humiex affidabbli minħabba li din il-media kienet is-suġġett ta’ diversi kundanni reċenti għal malafama. Fil-fatt, il-fatt li media ġiet ikkundannata diversi drabi għal malafama ma jimplikax li l-pubblikazzjonijiet kollha tagħha ma humiex affidabbli. Barra minn hekk, f’dan il-każ, għandu jiġi kkonstatat li s-sentenzi prodotti mir-rikorrenti ma jikkonċernawx id-dokument indikat bin-numru 17, jiġifieri l-artiklu ta’ Moscow Post intitolat “Nikolai Tokarev u l-kumpannija Transneft tiegħu ma rnexxilhomx jittrasferixxu r-responsabbiltà għall-kwalità taż-żejt fuq l-avversarji tagħhom”. Minn dan isegwi li din il-prova ma tistax tiġi mċaħħda minn saħħa probatorja. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65</p>
</td>
<td valign="top">
<p class="normal">Fid-dawl tal-premess, fid-dawl tal-kuntest li jikkaratterizza s-sitwazzjoni tal-Federazzjoni Russa u fin-nuqqas ta’ setgħat investigattivi tal-Kunsill f’pajjiżi terzi (ara l-punti 59 u 60 iktar ’il fuq), il-valur probatorju tad-dokumenti indikati bin-numri 6, 12, 15 u 17 fil-fajl bil-provi inizjali ma jistax jiġi miċħud. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">ii)</p>
</td>
<td valign="top">
<p class="normal">Fuq l‑Anness B.5 tar‑risposta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66</p>
</td>
<td valign="top">
<p class="normal">Ir-rikorrenti tikkontesta l-possibbiltà li jittieħed inkunsiderazzjoni l-Anness B.5 tar-risposta, li jinkludi l-kontenut sħiħ tal-investigazzjoni li silta minnha hija riprodotta fid-dokument indikat bin-numru 12 fil-fajl bil-provi inizjali, minħabba li t-teħid inkunsiderazzjoni tal-imsemmi anness iwassal sabiex jinbidel il-kontenut tal-fajl bil-provi inizjali. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67</p>
</td>
<td valign="top">
<p class="normal">Il-Kunsill, sostnut mill-Kummissjoni, jikkontesta dawn l-argumenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68</p>
</td>
<td valign="top">
<p class="normal">Skont ġurisprudenza stabbilita, il-legalità ta’ att tal-Unjoni għandha tiġi evalwata skont il-punti ta’ fatt u ta’ liġi eżistenti fid-data tal-adozzjoni tal-att (sentenzi tat‑3 ta’ Settembru 2015, Inuit Tapiriit Kanatami et vs Il‑Kummissjoni, C‑398/13 P, EU:C:2015:535, punt 22, u tat‑8 ta’ Marzu 2023, Prigozhina vs Il‑Kunsill, T‑212/22, mhux ippubblikata, EU:T:2023:104, punt 80).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69</p>
</td>
<td valign="top">
<p class="normal">Għandu jitfakkar ukoll li l-istħarriġ tal-legalità fil-mertu li għandha twettaq il-Qorti Ġenerali għandu jitwettaq, f’dak li jirrigwarda b’mod partikolari l-kontenzjuż marbut mal-miżuri restrittivi, fid-dawl mhux biss tal-elementi li jinsabu fl-espożizzjonijiet tar-raġunijiet tal-atti kontenzjużi, iżda wkoll fid-dawl ta’ dawk l-elementi li l-Kunsill jipprovdi, fil-każ ta’ kontestazzjoni, lill-Qorti Ġenerali sabiex jistabbilixxi l-fondatezza tal-fatti allegati f’dawn l-espożizzjonijiet (sentenza tat‑22 ta’ April 2021, Il‑Kunsill vs PKK, C‑46/19 P, EU:C:2021:316, punt 64).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70</p>
</td>
<td valign="top">
<p class="normal">Għandu jiġi rrilevat li, kif tirrikonoxxi r-rikorrenti, l-Anness B.5 jinkludi riproduzzjoni tal-kontenut sħiħ tal-investigazzjoni mwettqa mill-OCCRP, ippubblikata fl‑24 ta’ Diċembru 2016, intitolata “Il-ħbieb jibbenefikaw minħabba l-prossimità mal-poter ta’ Putin”, li silta minnha hija riprodotta fid-dokument indikat bin-numru 12 fil-fajl bil-provi inizjali. Kif jirriżulta minn dan il-fajl, il-Kunsill kellu aċċess għal din l-investigazzjoni fil‑5 ta’ April 2022 u, fost l-elementi ta’ identifikazzjoni tas-sors ta’ dan id-dokument hemm hyperlink komplet li jippermetti aċċess għall-kontenut sħiħ tal-imsemmija investigazzjoni. F’dawn iċ-ċirkustanzi, ir-rikorrenti ma tistax tikkontesta l-possibbiltà li jittieħed inkunsiderazzjoni l-Anness B.5 tar-risposta (ara, b’analoġija, is-sentenza tal‑1 ta’ Ġunju 2022, Prigozhin vs Il‑Kunsill, T‑723/20, mhux ippubblikata, EU:T:2022:317, punt 55). </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71</p>
</td>
<td valign="top">
<p class="normal">Minn dan isegwi li l-Anness B.5 tar-risposta jista’ jittieħed inkunsiderazzjoni fl-eżami tal-fondatezza taż-żamma tal-inklużjoni tar-rikorrenti fil-listi kontenzjużi bħala persuna assoċjata ma’ N. Tokarev. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">iii)</p>
</td>
<td valign="top">
<p class="normal">Fuq il‑fondatezza taż‑żamma tal‑inklużjoni tar‑rikorrenti bħala persuna assoċjata ma’ missierha</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72</p>
</td>
<td valign="top">
<p class="normal">Ir-rikorrenti tqis li l-Kunsill wettaq żball dwar il-valur stmat tal-proprjetajiet immobbli tagħha u li, fi kwalunkwe każ, il-valur tagħhom ma huwiex rilevanti sabiex tiġi stabbilita r-rabta ta’ assoċjazzjoni ma’ missierha. Barra minn hekk, hija ssostni li l-bażi dokumentarja tal-Kunsill ma hijiex suffiċjenti sabiex jiġi kkonstatat li l-proprjetajiet immobbli tagħha jistgħu jkunu marbuta ma’ missierha. Barra minn hekk, hija ssostni li, anki jekk jitqies li l-kumpannija Ronin Trust kienet tiġġestixxi wħud mill-proprjetajiet immobbli tagħha, din il-kumpannija ma tippermettix li tiġi stabbilita rabta ma’ missierha. F’dan is-sens, hija tikkunsidra li l-fatt li l-kumpannija Ronin Trust amministrat il-fond tal-pensjoni mhux governattiv tal-kumpannija Transneft jikkostitwixxi rabta mbiegħda u li ma għadhiex rilevanti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">73</p>
</td>
<td valign="top">
<p class="normal">Il-Kunsill, sostnut mill-Kummissjoni, jikkontesta dawn l-argumenti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">74</p>
</td>
<td valign="top">
<p class="normal">B’mod partikolari, il-Kunsill jirrileva li mill-fajl bil-provi inizjali jirriżulta li r-rikorrenti għandha jew kellha, waħedha jew mal-ex konjuġi tagħha, diversi kumpanniji u proprjetajiet immobbli b’valur ta’ iktar minn 50 miljun dollaru tal-Istati Uniti (USD) (madwar EUR 45 miljun) f’Moska (ir-Russja). Fi kwalunkwe każ, fil-fehma tiegħu, il-valur tal-patrimonju tar-rikorrenti ma jikkostitwixxix element determinanti peress li dak li huwa importanti huwa l-konstatazzjoni li r-rikorrenti kienet saret negozjant li kellha suċċess u kienet bniet patrimonju sinjur. Barra minn hekk, il-Kunsill isostni li mill-fajl bil-provi inizjali jirriżulta li r-rikorrenti hija assoċjata ma’ missierha minħabba r-rabta familjali tagħha u minħabba l-fatt li l-patrimonju tagħha u n-negozju tagħha huma wkoll marbuta ma’ dan tal-aħħar. B’mod partikolari, huwa jqis li kellu sensiela ta’ indizji preċiżi u konkreti li jikkorroboraw il-fatt li r-rikorrenti kienet bniet il-patrimonju tagħha fil-qasam tal-proprjetà immobbli billi bbenefikat mill-funzjonijiet ta’ president u direttur ġenerali ta’ Transneft eżerċitati minn missierha. Barra minn hekk, il-Kunsill isostni li r-rikorrenti hija marbuta man-negozju ta’ missierha permezz tal-kumpannija Ronin, li hija marbuta ma’ Transneft, kif ukoll permezz ta’ skema ta’ amministrazzjoni tan-negozju mill-familja. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">75</p>
</td>
<td valign="top">
<p class="normal">F’dan ir-rigward, għandu jitfakkar li, kif jirriżulta mill-punti 45 sa 47 iktar ’il fuq, il-kriterju tal-persuna assoċjata jkopri l-persuni li huma marbuta b’interessi komuni ma’ persuna li ġiet inkluża fil-listi kontenzjużi abbażi ta’ kriterju wieħed jew iktar ta’ identifikazzjoni previsti fl-Artikolu 2(1)(a) sa (g) tad-Deċiżjoni 2014/145, kif emendata. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">76</p>
</td>
<td valign="top">
<p class="normal">Għandu jiġi ppreċiżat li dawn l-interessi komuni għandhom jinftiehmu mhux biss f’sens strett, jiġifieri bħala li jirreferu għal persuni li l-interessi tagħhom huma marbuta fi struttura legali komuni, iżda wkoll b’mod iktar wiesa’ u fir-rigward ta’ persuni marbuta b’rabta familjali, meta tkun ikkaratterizzata l-eżistenza oġġettiva ta’ sovrappożizzjoni ta’ interessi komuni, li ma tkunx neċessarjament ifformalizzata fi struttura legali maħluqa għal dan l-għan (ara, f’dan is-sens u b’analoġija, is-sentenza tas‑6 ta’ Settembru 2023, Timchenko vs Il‑Kunsill, T‑361/22, mhux ippubblikata, taħt appell, EU:T:2023:502, punt 76).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">77</p>
</td>
<td valign="top">
<p class="normal">Barra minn hekk, peress li l-kriterju tal-persuna assoċjata huwa fformulat fil-preżent indikattiv, l-eżistenza ta’ interessi komuni għandha tiġi stabbilita fil-mument tal-adozzjoni tal-atti kkontestati (ara, f’dan is-sens, is-sentenza tat‑8 ta’ Marzu 2023, Prigozhina vs Il‑Kunsill, T‑212/22, mhux ippubblikata, EU:T:2023:104, punt 92).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">78</p>
</td>
<td valign="top">
<p class="normal">F’dan il-każ, ir-rikorrenti ma tikkontestax ir-rabta ta’ filjazzjoni tagħha ma’ missierha, N. Tokarev, li jeżerċita l-funzjonijiet ta’ president u direttur ġenerali tal-kumpannija Transneft, li hija meqjusa bħala kumpannija kbira taż-żejt u tal-gass Russa. Għall-kuntrarju, hija ssostni li l-bażi fattwali tal-Kunsill ma tinkludix elementi suffiċjenti sabiex tiġi stabbilita rabta ta’ assoċjazzjoni ma’ missierha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">79</p>
</td>
<td valign="top">
<p class="normal">Mir-raġunijiet għall-inklużjoni inkwistjoni jirriżulta li l-interessi komuni bejn ir-rikorrenti u missierha jirriżultaw, minn naħa, mill-fatt li l-patrimonju immobbli sinjifikattiv tagħha f’Moska, fil-Kroazja u fil-Latvja seta’ jkun marbut ma’ missierha u, min-naħa l-oħra, mir-rabtiet bejn ir-rikorrenti u l-kumpannija Ronin, li kienet ippreżentata bħala li tiżgura l-amministrazzjoni tal-fond tal-pensjoni tal-kumpannija Transneft. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">80</p>
</td>
<td valign="top">
<p class="normal">Fl-ewwel lok, fir-rigward tar-rabta bejn ir-rikorrenti u l-kumpannija Ronin Trust, b’mod partikolari mid-dokument indikat bin-numru 15 fil-fajl bil-provi inizjali jirriżulta li, meta r-rikorrenti kienet għadha miżżewġa lill-ex konjuġi tagħha, il-kumpannija Ronin Trust, li kienet tamministra l-fond tal-pensjoni ta’ Transneft, kienet tiżgura wkoll l-amministrazzjoni tal-proprjetajiet immobbli tal-grupp ta’ kumpanniji msejjaħ RPA. Skont din il-prova, l-ex konjuġi tar-rikorrenti kellu 100 % tal-kumpannija RPA-Management filwaqt li r-rikorrenti kienet tikkontrolla 75 % tal-kumpannija RPA-Estate u 50 % tal-kumpannija RPA-Hotel Management. Minn dan isegwi li l-Kunsill seta’ validament iqis li, fl‑2016, kienet teżisti rabta bejn il-kumpannija Ronin Trust u l-kumpanniji li fihom kellha ishma r-rikorrenti, jiġifieri l-kumpannija RPA-Hotel Management u l-kumpannija RPA-Estate. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">81</p>
</td>
<td valign="top">
<p class="normal">Madankollu, mid-dokument indikat bin-numru 15 fil-fajl bil-provi inizjali jirriżulta wkoll li, fil-qasam tal-amministrazzjoni ta’ fondi tal-pensjoni, il-kumpannija Transneft ma kinitx l-unika klijenta, u lanqas il-klijenta prinċipali, tal-kumpannija Ronin Trust. Din il-konstatazzjoni ġiet ikkorroborata mill-estratti tar-rapporti annwali tal-kumpannija Ronin Trust prodotti mir-rikorrenti (Anness A.11), li minnhom jirriżulta li din il-kumpannija effettivament tiżgura l-amministrazzjoni ta’ fondi tal-pensjoni ta’ impriżi oħra minbarra Transneft. Issa, minbarra l-fatt li ebda element fil-proċess ma jipprovdi informazzjoni dwar l-attivitajiet u l-organizzazzjoni tal-kumpannija Ronin Trust, is-sempliċi fatt li r-rikorrenti u l-kumpannija Transneft jużaw is-servizzi tal-istess fornitur, li jipprovdi s-servizzi tiegħu lil kumpanniji terzi oħra, ma jistax ikun biżżejjed sabiex tiġi stabbilita l-eżistenza ta’ rabta bejn ir-rikorrenti u l-kumpannija Transneft. Waqt is-seduta, fit-tweġiba tiegħu għal mistoqsija tal-Qorti Ġenerali li stednitu jispjega b’liema mod tista’ tiġi stabbilita rabta bejn ir-rikorrenti u missierha permezz tal-kumpannija Ronin Trust meta din il-kumpannija tamministra l-fondi tal-pensjoni ta’ diversi impriżi, il-Kunsill ma kienx f’pożizzjoni li jispjega din ir-rabta. Fil-fatt, huwa ma invoka ebda element li juri l-ishma ta’ N. Tokarev fil-kapital tal-kumpannija Ronin Trust, il-preżenza tiegħu fil-korpi ta’ tmexxija ta’ din il-kumpannija, jew kwalunkwe karatteristika unika tar-relazzjonijiet kummerċjali bejn Ronin Trust u Transneft li tiddistingwi dawn ir-relazzjonijiet minn dawk eżistenti bejn Ronin Trust u l-kumpanniji l-oħra li jagħmlu parti mill-klijentela tagħha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">82</p>
</td>
<td valign="top">
<p class="normal">Għaldaqstant, ir-rikorrenti għandha raġun issostni li r-rabta mbiegħda bejn Ronin Trust u Transneft ma hijiex suffiċjenti sabiex tiġi stabbilita l-eżistenza ta’ rabta bejn l-attivitajiet tagħha u dawk ta’ missierha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">83</p>
</td>
<td valign="top">
<p class="normal">Barra minn hekk, fir-rigward tal-fatt, espost fir-raġunijiet għall-inklużjoni, li l-indirizz ta’ Ronin Europe kien issemma fil-kuntest ta’ proċedura ta’ naturalizzazzjoni tar-rikorrenti sabiex tikseb in-nazzjonalità Ċiprijotta, dan il-fatt lanqas ma huwa ta’ natura li jistabbilixxi l-eżistenza ta’ interessi komuni bejn ir-rikorrenti u N. Tokarev. Fil-fatt, waqt is-seduta, bi tweġiba għal mistoqsija tal-Qorti Ġenerali intiża sabiex tinkiseb kjarifika dwar ir-rabtiet bejn Ronin Europe u Ronin Trust, il-Kunsill indika, essenzjalment, li huwa kien ikkunsidra li dawn iż-żewġ kumpanniji jistgħu jitqiesu li huma marbuta. Barra minn hekk, għandu jiġi kkonstatat li l-Kunsill ma jinvoka ebda element li jippermetti li tiġi stabbilita rabta bejn il-kumpannija Ronin Europe u N. Tokarev. Għaldaqstant, għall-istess raġunijiet bħal dawk esposti fil-punt 81 iktar ’il fuq, ir-rabta bejn ir-rikorrenti u l-kumpannija Ronin Europe ma tistax tipprova l-eżistenza ta’ rabta bejn ir-rikorrenti u missierha permezz tal-kumpannija Transneft.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">84</p>
</td>
<td valign="top">
<p class="normal">Għalhekk, il-Kunsill żbalja meta bbaża ruħu fuq ir-relazzjonijiet kummerċjali tar-rikorrenti mal-kumpanniji Ronin Trust u Ronin Europe sabiex jistabbilixxi rabta ma’ N. Tokarev permezz tal-kumpannija Transneft. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">85</p>
</td>
<td valign="top">
<p class="normal">Fit-tieni lok, għandu jiġi vverifikat jekk il-fajl bil-provi inizjali fihx sensiela ta’ indizji suffiċjentement konkreti, preċiżi u konkordanti sabiex tiġi stabbilita l-eżistenza ta’ rabtiet bejn il-patrimonju immobbli tar-rikorrenti u N. Tokarev fil-mument tal-adozzjoni tal-atti ta’ żamma ta’ Settembru 2022. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">86</p>
</td>
<td valign="top">
<p class="normal">Preliminarjament, għandu jiġi kkonstatat li l-partijiet prinċipali ma jaqblux dwar il-valur tal-patrimonju immobbli tar-rikorrenti. Fir-raġunijiet għall-inklużjoni inkwistjoni, il-Kunsill kien qies li l-patrimonju immobbli tar-rikorrenti u tal-ex konjuġi tagħha kellu valur ta’ iktar minn USD 50 miljun (madwar EUR 45 miljun) għall-proprjetajiet li jinsabu f’Moska, fil-Kroazja u fil-Latvja. Madankollu, minbarra l-fatt li r-rikorrenti ma tikkontestax il-fatt li l-valur akkumulat tal-patrimonju tagħha u ta’ dak tal-ex konjuġi tagħha jista’ jaqbeż il-valur ta’ USD 50 miljun (madwar EUR 45 miljun), għandu jiġi rrilevat li l-valur tal-patrimonju tar-rikorrenti ma huwiex determinanti sabiex jiġġustifika ż-żamma ta’ isimha fil-listi kontenzjużi. Fil-fatt, dan huwa element kuntestwali intiż sabiex jindika, kif isostni l-Kunsill, li r-rikorrenti hija negozjant li kellha suċċess u li kienet bniet il-patrimonju tagħha fil-qasam tal-proprjetà immobbli, kif jirriżulta b’mod partikolari mid-dokumenti indikati bin-numri 9 u 16 fil-fajl bil-provi inizjali. Minn dan jirriżulta li eventwali ineżattezza fir-rigward tal-valur tal-patrimonju tagħha ma tistax, waħedha, twassal għall-annullament tal-atti ta’ żamma ta’ Settembru 2022. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">87</p>
</td>
<td valign="top">
<p class="normal">Għandu jiġi rrilevat li r-rikorrenti tirrikonoxxi li hija l-proprjetarja tal-kumpannija Ostozhenka 19, li għandha dar storika f’Moska, appartament li jinsab fi Triq Brusov f’Moska, kif ukoll tal-kumpannija Katina, li għandha villa bl-isem Karolina li tinsab f’Mali Lošinj fil-Kroazja. Mid-dokumenti fil-fajl bil-provi inizjali jirriżulta li kull waħda minn dawn il-proprjetajiet immobbli għandha valur ta’ diversi miljuni ta’ rubli Russi (RUB). Fil-fatt, skont id-dokument indikat bin-numru 15, id-dar storika f’Moska nxtrat fl‑2016 għal ammont ta’ RUB 390 miljun (madwar EUR 3.9 miljuni), skont id-dokument indikat bin-numru 14, il-villa fil-Kroazja ġiet stmata li għandha valur ta’ USD 4.1 miljuni (madwar EUR 3.8 miljuni) u, skont id-dokument indikat bin-numru 9, l-appartament li jinsab fi Triq Brusov jinsab f’immobbli li ċerti proprjetajiet fih jiswew mill-inqas RUB 315-il miljun (madwar EUR 3.15 miljuni). Fid-dawl tal-valur ta’ diversi miljuni ta’ euro ta’ dan il-patrimonju immobbli, il-Kunsill seta’ validament jikkunsidra li r-rikorrenti kellha patrimonju immobbli sostanzjali. Issa, kif issostni ġustament ir-rikorrenti, f’dan il-każ, is-sempliċi valur tal-proprjetajiet immobbli tagħha ma huwiex biżżejjed sabiex tiġi stabbilita rabta ta’ assoċjazzjoni ma’ missierha. Għalhekk, għandu jiġi vverifikat jekk il-bażi fattwali tal-Kunsill tippermettix li tiġi ssostanzjata l-konstatazzjoni li dan il-patrimonju immobbli tar-rikorrenti seta’ jkun marbut ma’ missierha fil-mument tal-adozzjoni tal-atti ta’ żamma ta’ Settembru 2022. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">88</p>
</td>
<td valign="top">
<p class="normal">L-ewwel, fir-rigward tal-proprjetà immobbli li tinsab f’Jūrmala fil-Latvja, li kienet miżmuma b’mod konġunt mir-rikorrenti u mill-ex konjuġi tagħha meta kienu miżżewġin, għandu jiġi rrilevat li l-Kunsill ma jinvoka ebda element li jippermetti li din il-proprjetà tintrabat ma’ N. Tokarev. Barra minn hekk, ir-rikorrenti pproduċiet estratt minn addendum għall-kuntratt ta’ wara ż-żwieġ tal‑14 ta’ Frar 2019 (Anness A.9), li jattesta li, wara d-divorzju, l-ishma kollha tal-kumpannija Dzintaru 34, li kienet il-proprjetarja ta’ din il-proprjetà immobbli, kellhom jiġu ttrasferiti lill-ex konjuġi tagħha. Issa, ir-rikorrenti ddivorzjat f’Ġunju 2019, fatt li ma huwiex ikkontestat mill-Kunsill. Għaldaqstant, għandu jiġi kkunsidrat li r-rikorrenti wriet li, minn Ġunju 2019, hija ma kien għad għandha ebda rabta mal-proprjetà immobbli li tinsab fil-Latvja. Minn dan jirriżulta li, peress li l-eżistenza ta’ interessi komuni għandha tiġi stabbilita fil-mument tal-adozzjoni tal-atti kkontestati (ara l-punt 77 iktar ’il fuq), sabiex juri l-eżistenza ta’ tali interessi bejn ir-rikorrenti u missierha permezz tal-proprjetajiet immobbli li huma proprjetà tagħha l-Kunsill ma jistax jibbaża ruħu fuq il-proprjetà immobbli fil-Latvja peress li, fil-mument tal-adozzjoni tal-atti ta’ żamma ta’ Settembru 2022, ir-rikorrenti kienet ilha diversi snin li ma kinitx għadha l-proprjetarja tagħha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">89</p>
</td>
<td valign="top">
<p class="normal">It-tieni, fir-rigward tal-villa Karolina li tinsab fil-bajja ta’ Čikat f’Mali Lošinj fil-Kroazja, għandu jiġi rrilevat li r-rikorrenti pproduċiet estratt tal-istorja tar-reġistru tat-Trgovački Sud u Zagrebu (il-Qorti Kummerċjali ta’ Zagreb, il-Kroazja) fir-rigward tal-kumpannija Katina (Anness A.20), li hija l-proprjetarja ta’ din il-villa. Issa, minn dan id-dokument jirriżulta li r-rikorrenti hija l-unika azzjonista tal-kumpannija u li missierha qatt ma kellu azzjonijiet fiha. Minn dan jirriżulta li, fir-rigward ta’ din il-proprjetà immobbli, il-Kunsill ma jistax jinvoka l-eżistenza ta’ rabta diretta bejn ir-rikorrenti u missierha. Barra minn hekk, għalkemm huwa minnu li d-dokument indikat bin-numru 6 fil-fajl bil-provi inizjali jista’ jikkostitwixxi indizju tal-eżistenza ta’ amministrazzjoni mill-familja ta’ din il-proprjetà immobbli minħabba l-fatt li N. Tokarev kien afda t-tmexxija tal-kumpannija Katina lill-ex raġel tat-tifla tiegħu, tali indizju ma jistax, waħdu, ikun suffiċjenti sabiex tiġi stabbilita rabta bejn missier ir-rikorrenti u l-villa Karolina għall-perijodu wara s-sena 2019. Fil-fatt, peress li r-rikorrenti ddivorzjat f’Ġunju 2019, fl-istess sena l-ex konjuġi tagħha rriżenja mill-funzjonijiet tiegħu fi ħdan il-kumpannija Katina, kif jirriżulta mill-Anness A.20. Issa, l-intervent ta’ N. Tokarev fil-ħatra tal-ex raġel tat-tifla tiegħu bħala membru tal-bord tat-tmexxija tal-kumpannija Katina kien neċessarjament seħħ ferm qabel is-sena 2019. Għalhekk, fin-nuqqas ta’ provi oħra relatati ma’ fatti iktar reċenti li jistgħu jistabbilixxu t-tkomplija ta’ amministrazzjoni mill-familja tal-villa Karolina li tinvolvi lil N. Tokarev, għandu jiġi kkonstatat li l-Kunsill ma kellu ebda element li jippermetti li tiġi stabbilita l-eżistenza, fil-mument tal-adozzjoni tal-atti ta’ żamma ta’ Settembru 2022, ta’ rabta bejn missier ir-rikorrenti u l-villa Karolina. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">90</p>
</td>
<td valign="top">
<p class="normal">It-tielet, fir-rigward tal-fatt, invokat mill-Kunsill, li l-familja Tokarev akkwistat kumpless ta’ lukanda b’valur ta’ diversi biljuni ta’ USD li jinsab ukoll fil-Kroazja, huwa minnu li d-dokument bin-numru 16 fil-fajl bil-provi inizjali, jiġifieri artiklu tal-istampa ppubblikat fl‑2020, issemmi l-eżistenza ta’ informazzjoni dwar il-fatt li l-familja Tokarev kienet akkwistat kumpless ta’ lukanda bl-għajnuna ta’ sejħiet għal offerti tal-kumpannija Transneft. Madankollu, għandu jiġi kkonstatat li dan l-artiklu ma jinkludi ebda preċiżazzjoni dwar id-data li fiha seħħet din l-operazzjoni, u lanqas ma jispeċifika liema membru tal-familja Tokarev kien akkwista din il-proprjetà jew jekk dan il-membru kienx għad għandu din il-proprjetà fil-mument tal-pubblikazzjoni tal-artiklu fl‑2020. Barra minn hekk, għandu jiġi rrilevat li, għall-kuntrarju ta’ dak li jsostni l-Kunsill, mill-Anness D.1 tal-kontroreplika, jiġifieri artiklu ppubblikat fis‑16 ta’ Awwissu 2016 fis-sit internet tal-Moscow Post, intitolat “It-‘trumbetta tad-deheb’ ta’ Nikolay Tokarev?”, ma jirriżultax li r-rikorrenti jew membri tal-familja tagħha kienu akkwistaw kumpless ta’ lukanda bħala korrispettiv għal sejħiet għal offerti ta’ Transneft. Fil-fatt, skont dan l-artiklu, fl‑2005, ir-rikorrenti kienet irċeviet dħul minn kumpannija bl-isem Caprice-Stell li indirettament kellha ishma f’kumpannija ta’ lukandi, li kienet ippreżentata bħala l-proprjetarja ta’ kumpless ta’ lukanda f’Mali Lošinj. Għalhekk, anki jekk jitqies li l-fatt li r-rikorrenti kienet irċeviet remunerazzjoni mingħand il-kumpannija Caprice-Stell jista’ jitqies bħala prova tal-akkwist ta’ kumpless ta’ lukanda, għandu jiġi rrilevat li, skont dan l-artiklu ppubblikat fil-Moscow Post fl‑2016, it-tranżazzjoni li kienet tinvolvi sejħiet għal offerti ta’ Transneft fil-kuntest tal-akkwist ta’ proprjetajiet immobbli kienet twettqet diversi snin qabel il-pubblikazzjoni tal-artiklu. Issa, minn dan l-artiklu ma jirriżultax li r-rikorrenti kienet irċeviet remunerazzjoni mill-kumpannija Caprice-Stell wara s-sena 2005. Barra minn hekk, il-Kunsill ma pproduċa ebda prova oħra li turi li r-rikorrenti għadha l-proprjetarja ta’ kumpless ta’ lukanda fil-Kroazja. Għalhekk, fid-dawl tal-anzjanità tal-fatti msemmija fil-provi prodotti mill-Kunsill, dan tal-aħħar ma jistax isostni li, fil-mument tal-adozzjoni tal-atti ta’ żamma ta’ Settembru 2022, ir-rikorrenti kienet il-proprjetarja ta’ kumpless ta’ lukanda fil-Kroazja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">91</p>
</td>
<td valign="top">
<p class="normal">Ir-raba’, ir-rikorrenti ssostni li, sa mid-divorzju tagħha f’Ġunju 2019, hija ma għad għandha l-ebda rabta mal-kumpanniji tal-grupp RPA tal-ex konjuġi tagħha u li l-patrimonju immobbli tagħha f’Moska huwa limitat għal dar storika li hija hija l-proprjetarja tagħha permezz tal-kumpannija Ostozhenka 19 (li qabel kien jisimha RPA-Estate) kif ukoll għal appartament li jinsab fi Triq Brusov. Għalhekk, b’mod partikolari fir-rigward tal-perijodu wara d-divorzju tagħha, ir-rikorrenti tikkontesta r-rabta bejn il-proprjetajiet immobbli tagħha u missierha li l-Kunsill qiegħed jipprova jistabbilixxi, abbażi tad-dokument indikat bin-numru 15 fil-fajl bil-provi inizjali, permezz tal-kumpanniji tal-grupp RPA u Ronin Trust. F’dan ir-rigward, huwa biżżejjed li jitfakkar li l-Kunsill ma setax jibbaża ruħu fuq l-eżistenza ta’ relazzjonijiet kummerċjali bejn ir-rikorrenti u l-kumpannija Ronin Trust sabiex jistabbilixxi rabta bejn ir-rikorrenti u N. Tokarev permezz tal-kumpannija Transneft (ara l-punt 81 iktar ’il fuq). Għaldaqstant, il-fatt li l-proprjetajiet immobbli tar-rikorrenti f’Moska kienu amministrati mill-kumpannija Ronin Trust ma jistax jikkostitwixxi prova li dawn il-proprjetajiet setgħu jitqiesu li kienu marbuta ma’ missierha. Issa, għandu jiġi kkonstatat li l-fajl bil-provi inizjali ma jinkludi ebda prova oħra li tippermetti li tiġi stabbilita rabta bejn il-proprjetajiet tar-rikorrenti li jinsabu f’Moska u N. Tokarev. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">92</p>
</td>
<td valign="top">
<p class="normal">Mill-kunsiderazzjonijiet preċedenti jirriżulta li r-raġunijiet huma vvizzjati bi żball ta’ evalwazzjoni sa fejn huwa kkonstatat li l-proprjetajiet immobbli tar-rikorrenti setgħu jkunu marbuta ma’ N. Tokarev fil-mument tal-adozzjoni tal-atti ta’ żamma ta’ Settembru 2022. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">93</p>
</td>
<td valign="top">
<p class="normal">L-argumenti tal-Kunsill ma jistgħux idaħħlu inkwistjoni din il-konklużjoni. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">94</p>
</td>
<td valign="top">
<p class="normal">L-ewwel, huwa minnu li, kif jirrileva ġustament il-Kunsill, skont id-dokumenti indikati bin-numri 2, 3, 6, 9, 13 u 15 fil-fajl bil-provi inizjali, missier ir-rikorrenti huwa deskritt bħala li ilu għal żmien twil qrib ta’ Vladimir Putin u li huwa jeżerċita l-funzjonijiet ta’ president u direttur ġenerali ta’ waħda mill-iktar kumpanniji pubbliċi importanti tar-Russja. Madankollu, għalkemm din l-informazzjoni tikkostitwixxi element kuntestwali rilevanti, hija ma hijiex ta’ natura li tistabbilixxi l-eżistenza ta’ rabta bejn il-patrimonju immobbli tar-rikorrenti u missierha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">95</p>
</td>
<td valign="top">
<p class="normal">It-tieni, id-dokumenti indikati bin-numri 1 sa 3 u 6 fil-fajl bil-provi inizjali jsemmu, b’mod ġenerali u mingħajr ebda preċiżazzjoni oħra, il-fatt li l-membri tal-familja ta’ N. Tokarev ibbenefikaw mir-rabtiet ta’ dan tal-aħħar ma’ V. Putin jew mal-Gvern Russu u d-dokument indikat bin-numru 12 ta’ dan il-fajl, li l-kontenut sħiħ tiegħu huwa rriprodott fl-Anness B.5 tar-risposta, jindika b’mod ġenerali li l-membri tal-familja ta’ N. Tokarev żiedu l-valur tal-patrimonju tagħhom u għandhom proprjetajiet immobbli ta’ valur fl-Ewropa. Issa, kif tirrileva r-rikorrenti, id-dokumenti indikati bin-numri 1 u 3 tal-fajl bil-provi inizjali, li essenzjalment jirriproduċu l-kontenut ta’ stqarrija għall-istampa tad-Dipartiment tat-Teżor tal-Istati Uniti tal-Amerika (dokument indikat bin-numru 2), ma fihomx informazzjoni preċiża u konkreta li turi li l-proprjetajiet immobbli tar-rikorrenti kienu marbuta ma’ N. Tokarev, b’mod partikolari fil-mument tal-adozzjoni tal-atti ta’ żamma ta’ Settembru 2022. Bl-istess mod, diġà ġie kkonstatat li d-dokument indikat bin-numru 6 fil-fajl bil-provi inizjali ma jinkludix elementi li jippermettu li tiġi stabbilita din ir-rabta fil-mument tal-adozzjoni ta’ dawn l-atti (ara l-punt 89 iktar ’il fuq). Fir-rigward tad-dokument indikat bin-numru 12, li l-kontenut tiegħu huwa kompletament rriprodott fl-Anness B.5 tar-risposta, għandu jiġi rrilevat li l-informazzjoni li tinsab f’dan id-dokument hija sostanzjalment analoga għal dik li tinsab fid-dokument indikat bin-numru 15 fil-fajl bil-provi inizjali. Għaldaqstant, għall-istess raġunijiet bħal dawk esposti fil-punt 90 iktar ’il fuq, id-dokument indikat bin-numru 12 fil-fajl bil-provi inizjali ma jinkludix elementi li jistgħu jistabbilixxu rabta bejn il-patrimonju immobbli tar-rikorrenti u N. Tokarev fil-mument tal-adozzjoni tal-atti ta’ żamma ta’ Settembru 2022. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">96</p>
</td>
<td valign="top">
<p class="normal">It-tielet, fir-rigward tal-eżistenza ta’ skema ta’ amministrazzjoni tan-negozju mill-familja fil-qasam tal-proprjetà immobbli, huwa minnu li, kif isostni l-Kunsill fil-kontroreplika tiegħu, l-Anness D.1 jinkludi informazzjoni intiża li turi l-eżistenza ta’ tali skema fir-rigward tal-akkwist mir-rikorrenti u mill-ex konjuġi tagħha ta’ proprjetà immobbli mhux identifikata fil-Kroazja fil-kuntest ta’ tranżazzjoni li kienet tinvolvi sejħiet għal offerti ta’ Transneft. Bl-istess mod, skema ta’ amministrazzjoni tan-negozju mill-familja tista’ tirriżulta wkoll mill-informazzjoni li tinsab fid-dokument indikat bin-numru 6 fil-fajl bil-provi inizjali minħabba l-intervent ta’ N. Tokarev fl-amministrazzjoni tal-kumpannija Katina li hija l-proprjetarja tal-villa Karolina. Madankollu, kif ġie rrilevat fil-punti 89 u 90 iktar ’il fuq, dawn il-fatti jmorru lura għal diversi snin qabel l-adozzjoni tal-atti ta’ żamma ta’ Settembru 2022. Issa, għandu jiġi kkonstatat li l-Kunsill ma pproduċa ebda prova li turi l-persistenza ta’ skema ta’ amministrazzjoni mill-familja tan-negozju relatat mal-proprjetà immobbli li tinvolvi lir-rikorrenti u lil missierha fil-mument tal-adozzjoni ta’ dawn l-atti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">97</p>
</td>
<td valign="top">
<p class="normal">Fir-rigward tal-allegata persistenza tal-amministrazzjoni mill-familja tan-negozju fil-qasam tal-proprjetà immobbli, il-Kunsill żbalja meta invoka, matul is-seduta, l-eżistenza ta’ tali skema ta’ amministrazzjoni fir-rigward tal-kumpless immobbli Gelendzhik Resort Meridian li jinsab fir-Russja. Fil-fatt, din il-proprjetà immobbli ma kinitx tissemma fir-raġunijiet għall-inklużjoni tal-atti ta’ żamma ta’ Settembru 2022, b’tali mod li l-uniku mod biex il-Kunsill ikun jista’ jinvoka dan l-element huwa billi tiġi aċċettata sostituzzjoni tar-raġunijiet. Fi kwalunkwe każ, mid-dokumenti indikati bin-numri 9 u 16 fil-fajl bil-provi inizjali jirriżulta li r-rikorrenti għandha ishma f’dan il-kumpless immobbli ma’ Stanislav Chemezov u l-Kunsill ma stabbilixxiex li din il-proprjetà tista’ tkun marbuta ma’ N. Tokarev. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">98</p>
</td>
<td valign="top">
<p class="normal">Ir-raba’, kuntrarjament għal dak li jsostni l-Kunsill, il-fatt li N. Tokarev kien għadu għandu rabtiet ma’ V. Putin, il-fatt li għadu jokkupa l-funzjonijiet ta’ president u direttur ġenerali ta’ Transneft u l-fatt li r-rikorrenti għad għandha proprjetajiet immobbli ma humiex biżżejjed sabiex jiġġustifikaw iż-żamma ta’ isimha fil-listi kontenzjużi abbażi tal-kriterju tal-persuna assoċjata. Fil-fatt, kif tfakkar fil-punt 77 iktar ’il fuq, il-Kunsill huwa obbligat jistabbilixxi l-eżistenza ta’ interessi komuni fil-mument tal-adozzjoni tal-atti kkontestati. Issa, għandu jiġi rrilevat li l-Kunsill ma stabbilixxiex li, fil-mument tal-adozzjoni tal-atti ta’ żamma ta’ Settembru 2022, il-patrimonju immobbli tar-rikorrenti seta’ jkun marbut ma’ missierha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">99</p>
</td>
<td valign="top">
<p class="normal">Fit-tielet lok, fir-rigward tad-dokumenti indikati bin-numri 2 sa 5, 8 u 11 fil-fajl bil-provi inizjali, li jikkonċernaw il-miżuri restrittivi adottati fir-rigward tar-rikorrenti mill-Awstralja, mill-Kanada, mill-Istati Uniti u mir-Renju Unit, għalkemm huwa minnu li jistgħu jikkostitwixxu elementi kuntestwali rilevanti, dawn id-dokument ma humiex ta’ natura, waħedhom, li jiġġustifikaw l-inklużjoni u ż-żamma ta’ isem ir-rikorrenti fil-listi kontenzjużi. Fil-fatt, kif uriet ir-rikorrenti, f’dawn il-pajjiżi terzi, il-membri tal-familja ta’ persuni suġġetti għal miżuri restrittivi jistgħu jkunu wkoll is-suġġett ta’ miżuri restrittivi abbażi biss ta’ rabta familjali. Huwa minnu li, fil-kuntest tal-miżuri restrittivi minħabba s-sitwazzjoni fis-Sirja, ġie deċiż li, meta l-fondi tal-persuni ssanzjonati jiġu ffriżati, kien jeżisti riskju mhux negliġibbli li dawn tal-aħħar jeżerċitaw pressjonijiet fuq il-persuni li kienu marbuta magħhom sabiex jevadu l-effett tal-miżuri li jikkonċernawhom (ara, f’dan is-sens, is-sentenza tat‑28 ta’ April 2021, Sharif vs Il‑Kunsill, T‑540/19, mhux ippubblikata, EU:T:2021:220, punt 159). Madankollu, għandu jiġi kkonstatat li, fl-imsemmija sistema, il-kriterju ta’ inklużjoni kien differenti minn dak applikabbli f’dan il-każ. Fil-fatt, fil-kawża li tat lok għal dik is-sentenza, il-leġiżlazzjoni kienet tipprevedi espliċitament restrizzjonijiet u l-iffriżar ta’ fondi, b’mod partikolari, ta’ “negozjanti ewlenin li joperaw fis-Sirja” u ta’ “membri tal-familji Assad jew Makhlouf” kif ukoll ta’ “persuni [li kienu] assoċjati magħhom”. F’dan il-kuntest ġuridiku, ir-rabta familjali ma’ dawn il-familji setgħet tkun biżżejjed sabiex l-isem tal-persuni jiġi inkluż fil-listi inkwistjoni abbażi tal-“kriterju tar-rabta ma’ membri ta’ dawn il-familji”. Għall-kuntrarju, dan ma jkunx il-każ meta, bħal f’dan il-każ, il-leġiżlazzjoni ma tirreferix b’mod espliċitu għall-membri ta’ ċerti familji indikati b’isimhom fost il-kriterji ta’ inklużjoni (ara, f’dan is-sens, is-sentenza tad‑29 ta’ Novembru 2023, Pumpyanskiy vs Il‑Kunsill, T‑734/22, mhux ippubblikata, EU:T:2023:761, punt 70).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">100</p>
</td>
<td valign="top">
<p class="normal">Mill-kunsiderazzjonijiet preċedenti jirriżulta li l-Kunsill ma stabbilixxiex l-eżistenza ta’ interessi komuni li kienu jorbtu lir-rikorrenti ma’ missierha fil-mument tal-adozzjoni tal-atti ta’ żamma ta’ Settembru 2022. Għaldaqstant, iż-żamma ta’ isem ir-rikorrenti fil-listi kontenzjużi kienet de facto bbażata biss fuq ir-rabta familjali ma’ missierha, u dan ma jistax jiġi aċċettat. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">101</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, f’dak li jikkonċerna l-atti ta’ żamma ta’ Settembru 2022, peress li ġie kkonstatat li l-Kunsill wettaq żball ta’ liġi meta żamm isem ir-rikorrenti fil-listi kontenzjużi bħala persuna assoċjata ma’ Stanislav Chemezov (ara l-punti 45 sa 52 iktar ’il fuq) u peress li r-raġunijiet li jinsabu f’dawn l-atti ma humiex issostanzjati b’mod suffiċjenti fid-dritt f’dak li jirrigwarda r-rabta ta’ assoċjazzjoni tar-rikorrenti ma’ missierha, N. Tokarev, għandu jiġi konkluż li ż-żamma ta’ isem ir-rikorrenti fil-listi kontenzjużi ma kinitx iġġustifikata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">102</p>
</td>
<td valign="top">
<p class="normal">Għaldaqstant, hemm lok li jintlaqa’ l-motiv ibbażat fuq żball ta’ liġi u fuq żbalji ta’ evalwazzjoni sa fejn dan il-motiv huwa dirett kontra l-atti ta’ żamma ta’ Settembru 2022. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2)</p>
</td>
<td valign="top">
<p class="normal">Fuq l‑atti ta’ żamma ta’ Marzu 2023</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">103</p>
</td>
<td valign="top">
<p class="normal">Fl-ewwel nota ta’ adattament tagħha, ir-rikorrenti tikkontesta l-affidabbiltà ta’ prova prodotta mill-Kunsill fil-fajl bil-provi WK 1128/2023 INIT u ssostni li l-fajls bil-provi ta’ Jannar 2023 ma jikkostitwixxux bażi fattwali suffiċjenti sabiex tkun iġġustifikata ż-żamma ta’ isimha fil-listi kontenzjużi bħala persuna assoċjata ma’ missierha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">i)</p>
</td>
<td valign="top">
<p class="normal">Fuq l‑affidabbiltà tal‑provi</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">104</p>
</td>
<td valign="top">
<p class="normal">Ir-rikorrenti ssostni li d-dokument indikat bin-numru 4 fil-fajl bil-provi WK 1128/2023 INIT, li jafferma li l-familja Tokarev kienet akkwistat impriża ta’ lukandi fil-Kroazja b’valur ta’ diversi biljuni ta’ USD bl-għajnuna tas-sejħa għal offerti ta’ Transneft, ma huwiex affidabbli minħabba li ma huwa bbażat fuq ebda prova. Barra minn hekk, ir-rikorrenti tirrileva li l-awturi ta’ dan l-artiklu jibbażaw ruħhom fuq artiklu tal-media Moscow Post, li ma jsemmix is-sorsi tiegħu u li ma huwiex sors affidabbli minħabba li din il-media kienet is-suġġett ta’ diversi kundanni reċenti għal malafama. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">105</p>
</td>
<td valign="top">
<p class="normal">Il-Kunsill, sostnut mill-Kummissjoni, jikkontesta dawn l-argumenti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">106</p>
</td>
<td valign="top">
<p class="normal">F’dan il-każ, sabiex jiġġustifika ż-żamma ta’ isem ir-rikorrenti fil-listi kontenzjużi permezz tal-atti ta’ żamma ta’ Marzu 2023, il-Kunsill ipproduċa l-fajls bil-provi ta’ Jannar 2023. Għandu jiġi rrilevat li, fir-rigward tar-rabta bejn ir-rikorrenti u missierha, il-Kunsill ibbaża ruħu fuq elementi ta’ informazzjoni pubblikament aċċessibbli, jiġifieri, b’mod partikolari, fil-fajl WK 1128/2023 INIT, fuq l-elementi li ġejjin: </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">paġna tas-sit internet “list-org” dwar ir-rikorrenti, li d-data tal-pubblikazzjoni tagħha ma hijiex speċifikata, ikkonsultata fid‑19 ta’ Jannar 2023 (dokument indikat bin-numru 1); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">paġna internet tas-sit internet “list-org” dwar il-kumpannija Ostozhenka 19, li d-data tal-pubblikazzjoni tagħha ma hijiex speċifikata, ikkonsultata fid‑19 ta’ Jannar 2023 (dokument indikat bin-numru 3); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fit‑28 ta’ Awwissu 2020 fis-sit internet tal-Moscow Post, intitolat “Il-ħruġ ta’ Shmatko lejn il-‘meridjan’ ta’ Gelendzhik: il-kumpless turistiku ta’ ‘Gelendzhik - Meridian’ ġabar l-iktar negozjanti importanti qrib l-ex Ministru għall-Enerġija Sergei Shmatko u t-tfal ta’ Tokarev u Chemezov. Manturov ser jingħaqad ma’ dawn it-tlieta?”, ikkonsultat fid‑19 ta’ Jannar 2023 (dokument indikat bin-numru 4); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fl‑20 ta’ Marzu 2022 fis-sit internet ta’ ReBaltica, intitolat “Min huma l-persuni qrib Putin li għandhom proprjetajiet fil-Latvja?”, ikkonsultat fit‑18 ta’ Jannar 2023 (dokument indikat bin-numru 7). </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">107</p>
</td>
<td valign="top">
<p class="normal">Il-fajl WK 1128/2023 ADD 1 fih investigazzjoni mwettqa mill-OCCRP intitolata “Il-ħbieb jibbenefikaw minħabba l-prossimità mal-poter ta’ Putin”, ippubblikata fl‑24 ta’ Diċembru 2016 u kkonsultata fis‑27 ta’ Jannar 2023.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">108</p>
</td>
<td valign="top">
<p class="normal">Il-fajl WK 1128/2023 ADD 2 fih sommarju ta’ dokument kunfidenzjali dwar l-impriżi miżmuma mir-rikorrenti rreġistrati fir-Russja fir-reġistru tal-kummerċ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">109</p>
</td>
<td valign="top">
<p class="normal">Fir-rigward tal-affidabbiltà tad-dokument indikat bin-numru 4 tal-fajl WK 1128/2023 INIT, jiġifieri artiklu intitolat “Il-ħruġ ta’ Shmatko lejn il-‘meridjan’ ta’ Gelendzhik: il-kumpless turistiku ta’ ‘Gelendzhik - Meridian’ ġabar l-iktar negozjanti importanti qrib l-ex Ministru għall-Enerġija Sergei Shmatko u t-tfal ta’ Tokarev u Chemezov. Manturov ser jingħaqad ma’ dawn it-tlieta?”, għandu jiġi rrilevat li l-argument tar-rikorrenti li l-artiklu ma fih ebda prova ma huwiex biżżejjed sabiex iċaħħdu minn valur probatorju. Barra minn hekk, kif tirrikonoxxi r-rikorrenti, dan l-artiklu huwa bbażat fuq artiklu ieħor tal-Moscow Post li l-Kunsill ipproduċa fl-Anness D.1 tal-kontroreplika tiegħu. Fir-rigward ta’ dan l-aħħar artiklu, il-fatt li ma jsemmix is-sorsi tiegħu ma jistax, waħdu, iċaħħdu minn valur probatorju. Barra minn hekk, il-fatt li media kienet is-suġġett ta’ diversi kundanni għal malafama ma jimplikax li l-pubblikazzjonijiet kollha tagħha ma humiex affidabbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">110</p>
</td>
<td valign="top">
<p class="normal">Fid-dawl tal-kuntest li jikkaratterizza s-sitwazzjoni tal-Federazzjoni Russa u fl-assenza ta’ setgħat investigattivi tal-Kunsill f’pajjiżi terzi (ara l-punti 59 u 60 iktar ’il fuq), il-valur probatorju tad-dokument indikat bin-numru 4 fil-fajl WK 1128/2023 INIT ma jistax jiġi miċħud.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">ii)</p>
</td>
<td valign="top">
<p class="normal">Fuq il‑fondatezza taż‑żamma tal‑inklużjoni tar‑rikorrenti bħala persuna assoċjata ma’ missierha</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">111</p>
</td>
<td valign="top">
<p class="normal">Ir-rikorrenti tikkunsidra li l-Kunsill ma għandux bażi fattwali soda biżżejjed sabiex jissostanzja r-raġunijiet għall-inklużjoni tal-atti ta’ żamma ta’ Marzu 2023. B’mod partikolari, hija tqis li l-provi l-ġodda ma humiex ta’ natura li jissostanzjaw il-konstatazzjoni li l-proprjetà immobbli tagħha setgħet tkun marbuta ma’ missierha. Barra minn hekk, hija tikkontesta l-bidla fir-raġunijiet għall-inklużjoni fis-sens li hija marbuta mal-kumpannija Ronin Trust permezz tal-kumpannija Ostozhenka 19 (li qabel kienet imsejħa RPA Estate). Fi kwalunkwe każ, hija ssostni li r-rabta mal-kumpannija Ronin Trust, li fuqha jibbaża ruħu l-Kunsill, hija mbiegħda u spekulattiva, b’tali mod li ma tistax tiġġustifika ż-żamma tal-inklużjoni ta’ isimha fil-listi kontenzjużi abbażi tal-kriterju tal-persuna assoċjata. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">112</p>
</td>
<td valign="top">
<p class="normal">Il-Kunsill, sostnut mill-Kummissjoni, jikkontesta dawn l-argumenti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">113</p>
</td>
<td valign="top">
<p class="normal">B’mod partikolari, il-Kunsill isostni li huwa stabbilixxa li r-rikorrenti kienet assoċjata ma’ N. Tokarev minħabba r-rabta familjali tagħha ma’ dan tal-aħħar u minħabba li l-patrimonju tar-rikorrenti kien marbut ma’ dan tal-aħħar. B’mod partikolari, huwa jqis li ċerti dokumenti fil-fajls bil-provi ta’ Jannar 2023 jikkorroboraw l-informazzjoni fil-fajl bil-provi inizjali dwar ir-rabtiet bejn N. Tokarev, V. Putin u l-akkwist, b’mod partikolari mir-rikorrenti, ta’ assi immobbli sinjifikattivi. Barra minn hekk, fir-rigward tar-rabta bejn ir-rikorrenti u l-kumpannija Ronin Trust, il-Kunsill iqis li r-rikorrenti ma stabbilixxietx l-assenza ta’ rabtiet mal-kumpannija Ostozhenka 19 (li qabel kienet RPA-Estate) u RPA-Hotel Management. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">114</p>
</td>
<td valign="top">
<p class="normal">Għandu jiġi rrilevat li, f’dak li jirrigwarda r-rabtiet bejn ir-rikorrenti u missierha, ir-raġunijiet għall-inklużjoni tal-atti ta’ żamma ta’ Marzu 2023 huma sostanzjalment analogi għal dawk tal-atti ta’ żamma ta’ Settembru 2022. Minn naħa, iż-żamma ta’ isem ir-rikorrenti f’dawn il-listi kienet iġġustifikata mill-fatt li l-patrimonju immobbli tagħha seta’ jkun marbut ma’ missierha. Din l-ewwel raġuni ma ġietx emendata b’mod sostanzjali. Min-naħa l-oħra, iż-żamma ta’ isem ir-rikorrenti fil-listi kontenzjużi kienet iġġustifikata wkoll mill-eżistenza ta’ rabtiet bejn ir-rikorrenti u l-kumpannija Ronin, li kienet ippreżentata bħala li tiżgura l-amministrazzjoni tal-fondi tal-pensjoni tal-kumpannija Transneft. F’din it-tieni raġuni l-Kunsill ippreċiża li r-rikorrenti kienet marbuta ma’ Ronin Trust permezz tal-kumpannija Ostozhenka 19. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">115</p>
</td>
<td valign="top">
<p class="normal">Fl-ewwel lok, għandu jitfakkar li r-relazzjonijiet kummerċjali tar-rikorrenti mal-kumpanniji Ronin Trust u Ronin Europe ma humiex ta’ natura li jistabbilixxu l-eżistenza ta’ interessi komuni bejn ir-rikorrenti u missierha permezz tal-kumpannija Transneft (ara l-punti 80 sa 84 iktar ’il fuq). Il-Kunsill ma pproduċiex provi, fil-fajls bil-provi ta’ Jannar 2023, li jippermettu li din il-konklużjoni tiġi emendata. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">116</p>
</td>
<td valign="top">
<p class="normal">Minn dan jirriżulta, minn naħa, li, sabiex jiġġustifika ż-żamma ta’ isem ir-rikorrenti fil-listi kontenzjużi, il-Kunsill ma setax jibbaża ruħu fuq il-fatt li l-kumpannija Ronin Trust kienet tamministra l-proprjetajiet immobbli tal-kumpanniji RPA-Estate u RPA-Hotel Management, u lanqas ma seta’ jibbaża ruħu fuq allegata rabta bejn ir-rikorrenti u l-kumpannija Ronin Trust permezz tal-kumpannija Ostozhenka 19. Min-naħa l-oħra, il-Kunsill lanqas ma seta’ jibbaża ruħu fuq il-fatt li l-indirizz tal-kumpannija Ronin Europe ssemma fil-kuntest tal-proċedura ta’ naturalizzazzjoni tar-rikorrenti sabiex tikseb in-nazzjonalità Ċiprijotta. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">117</p>
</td>
<td valign="top">
<p class="normal">Għaldaqstant, l-argumenti tal-Kunsill intiżi sabiex jistabbilixxu l-eżistenza ta’ rabtiet bejn ir-rikorrenti u l-kumpannija Ronin Europe kif ukoll dawk dwar il-persistenza tar-relazzjonijiet kummerċjali bejnha u l-kumpannija Ronin Trust ma jistgħux jirnexxu sabiex jiġġustifikaw il-fondatezza tal-atti ta’ żamma ta’ Marzu 2023.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">118</p>
</td>
<td valign="top">
<p class="normal">Fit-tieni lok, fir-rigward tar-rabta bejn il-patrimonju immobbli tar-rikorrenti u N. Tokarev, il-Kunsill isostni li d-dokument indikat bin-numru 7 fil-fajl WK 1128/2023 INIT, jiġifieri artiklu tal-istampa ppubblikat f’Marzu 2022 dwar il-proprjetà li r-rikorrenti kellha fil-Latvja, jikkorrobora d-dokumenti fil-fajl bil-provi inizjali dwar il-fatt li r-rabtiet bejn N. Tokarev u V. Putin ippermettew lill-familja Tokarev takkwista assi immobbli impressjonanti. Huwa minnu li dan l-artiklu jsemmi l-fatt li l-familja Tokarev ibbenefikat mir-rabtiet bejn N. Tokarev u V. Putin sabiex takkwista assi sinjifikattivi. Bl-istess mod, huwa jindika li r-rikorrenti u l-ex konjuġi tagħha kienu akkwistaw il-patrimonju tagħhom meta kienu għadhom miżżewġin b’mod partikolari permezz ta’ kuntratti konklużi bejn il-kumpannija Transneft u l-kumpanniji tal-ex konjuġi tar-rikorrenti. Madankollu, għandu jiġi rrilevat li dan l-artiklu jirrigwarda fatti li seħħew diversi snin qabel l-adozzjoni tal-atti ta’ żamma ta’ Marzu 2023 peress li jirreferi għas-sitwazzjoni tar-rikorrenti qabel id-divorzju tagħha f’Ġunju 2019. Barra minn hekk, dan l-artiklu jikkonferma li, wara dan id-divorzju, ir-rikorrenti ma kinitx baqgħet il-proprjetarja tal-proprjetà li hija kellha flimkien mal-ex konjuġi tagħha fil-Latvja. Għaldaqstant, għalkemm jista’, l-iktar l-iktar, jikkostitwixxi element kuntestwali intiż sabiex juri li, fil-passat, setgħet teżisti skema ta’ amministrazzjoni tan-negozju mill-familja, dan l-artiklu, għall-kuntrarju, ma jistax jikkostitwixxi prova li tippermetti li tiġi stabbilita rabta bejn il-patrimonju immobbli tar-rikorrenti u N. Tokarev fil-mument tal-adozzjoni tal-atti ta’ żamma ta’ Marzu 2023. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">119</p>
</td>
<td valign="top">
<p class="normal">Sabiex jistabbilixxi rabta bejn il-patrimonju immobbli tar-rikorrenti u missierha, il-Kunsill jinvoka wkoll id-dokument indikat bin-numru 4 fil-fajl WK 1128/2023 INIT, li, bħad-dokument indikat bin-numru 16 fil-fajl bil-provi inizjali, isemmi l-eżistenza ta’ informazzjoni dwar il-fatt li l-familja Tokarev kienet akkwistat kumpless ta’ lukanda b’valur ta’ diversi biljuni ta’ USD fil-Kroazja bl-għajnuna ta’ sejħiet għal offerti ta’ Transneft. Issa, għandu jiġi kkonstatat li dan id-dokument ma jinkludi ebda element ta’ preċiżjoni fir-rigward tad-dokumenti fil-fajl bil-provi inizjali li jirrigwardaw l-allegat akkwist ta’ kumpless ta’ lukanda mill-membri tal-familja Tokarev. Għaldaqstant, għall-istess raġunijiet bħal dawk esposti fil-punti 90 u 96 iktar ’il fuq, dan id-dokument ma jistax jikkostitwixxi prova sabiex tiġi stabbilita rabta bejn il-patrimonju immobbli tar-rikorrenti u missierha fil-mument tal-adozzjoni tal-atti ta’ żamma ta’ Marzu 2023. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">120</p>
</td>
<td valign="top">
<p class="normal">Għandu jiġi kkonstatat li ebda dokument ieħor fil-fajls bil-provi ta’ Jannar 2023 ma jista’ juri l-eżistenza ta’ rabta bejn il-patrimonju immobbli tar-rikorrenti u N. Tokarev fil-mument tal-adozzjoni tal-atti ta’ żamma ta’ Marzu 2023. Għaldaqstant, ir-raġunijiet huma vvizzjati bi żball ta’ evalwazzjoni sa fejn huwa kkonstatat li l-proprjetajiet immobbli tar-rikorrenti setgħu kienu marbuta ma’ N. Tokarev fil-mument tal-adozzjoni ta’ dawn l-atti. Għaldaqstant, iż-żamma ta’ isem ir-rikorrenti fil-listi kontenzjużi kienet de facto bbażata biss fuq ir-rabta familjali ma’ missierha, u dan ma jistax jiġi aċċettat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">121</p>
</td>
<td valign="top">
<p class="normal">Minn dan isegwi li, peress li l-Kunsill wettaq ukoll żball ta’ liġi meta żamm isem ir-rikorrenti fil-listi kontenzjużi bħala persuna assoċjata ma’ Stanislav Chemezov (ara l-punti 45 sa 52 iktar ’il fuq), għandu jiġi konkluż li ż-żamma ta’ isem ir-rikorrenti fil-listi kontenzjużi ma kinitx iġġustifikata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">122</p>
</td>
<td valign="top">
<p class="normal">Għaldaqstant, hemm lok li jintlaqa’ l-motiv ibbażat fuq żball ta’ liġi u fuq żball ta’ evalwazzjoni sa fejn dan il-motiv huwa dirett kontra l-atti ta’ żamma ta’ Settembru 2023. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">d)</p>
</td>
<td valign="top">
<p class="normal">Fuq l‑applikazzjoni għar‑rikorrenti tat‑tieni parti tal‑kriterju (g) kif emendat</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">123</p>
</td>
<td valign="top">
<p class="normal">Fit-tieni nota ta’ adattament tagħha, ir-rikorrenti tikkontesta l-affidabbiltà ta’ ċerti provi prodotti mill-Kunsill fil-fajl bil-provi ta’ Ġunju 2023 u ssostni li l-fajls bil-provi ta’ Ġunju 2023 u ta’ Lulju 2023 ma jikkostitwixxux bażi fattwali suffiċjenti sabiex tiġi ġġustifikata l-inklużjoni ta’ isimha abbażi tat-tieni parti tal-kriterju (g) kif emendat. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1)</p>
</td>
<td valign="top">
<p class="normal">Fuq l‑affidabbiltà tal‑provi</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">124</p>
</td>
<td valign="top">
<p class="normal">Ir-rikorrenti tikkontesta l-affidabbiltà tal-artikli tas-sors Rospres minħabba li din hija media sensazzjonalista magħrufa li tirrilaxxa allegazzjonijiet malafamanti u li l-aċċess għaliha ġie ristrett minħabba r-rifjut tagħha li tneħħi d-dikjarazzjonijiet malafamanti konformement ma’ deċiżjonijiet ġudizzjarji. Barra minn hekk, ir-rikorrenti ttenni li l-pubblikazzjonijiet tal-Moscow Post ma humiex affidabbli, bħalma lanqas ma hija affidabbli dik tas-sit internet Rosnadzor, minħabba li dawn huma sorsi tal-media magħrufa għall-pubblikazzjoni ta’ artikli bl-għan waħdieni li ssir ħsara lir-reputazzjoni tal-persuni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">125</p>
</td>
<td valign="top">
<p class="normal">Il-Kunsill, sostnut mill-Kummissjoni, jikkontesta dawn l-argumenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">126</p>
</td>
<td valign="top">
<p class="normal">Sabiex jiġġustifika ż-żamma tal-inklużjoni ta’ isem ir-rikorrenti fil-listi kontenzjużi permezz tal-atti ta’ Settembru 2023 abbażi tat-tieni parti tal-kriterju (g) kif emendat, il-Kunsill ipproduċa l-fajl bil-provi ta’ Ġunju 2023 kif ukoll il-fajl bil-provi ta’ Lulju 2023.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">127</p>
</td>
<td valign="top">
<p class="normal">Il-fajl bil-provi ta’ Ġunju 2023 fih id-dokumenti li ġejjin: </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ta’ informazzjoni li jinkludi b’mod partikolari indikazzjonijiet dwar il-patrimonju tar-rikorrenti ppubblikat fl‑20 ta’ Frar 2023, fis-sit internet ta’ Online publication company (li l-indirizz internet tagħha huwa “ko.ru”), ikkonsultat fid‑19 ta’ Mejju 2023 (dokument indikat bin-numru 1); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fil‑25 ta’ April 2022, fis-sit internet Platzdarm intitolat “Il-viroloġija ta’ biljun dollaru ta’ Chemezov”, ikkonsultat fid‑19 ta’ Mejju 2023 (dokument indikat bin-numru 2); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fid‑29 ta’ Diċembru 2011, fis-sit internet Rospres, intitolat “Il-familji wara Transneft: il-familji Chemzov, Tokarev, Bolotov”, ikkonsultat fid‑19 ta’ Mejju 2023 (dokument indikat bin-numru 3); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fit‑23 ta’ April 2023 fis-sit internet Platzdarm, intitolat “Nikolai Tokarev u t-tim tal-ħasil tal-flus tiegħu”, ikkonsultat fid‑19 ta’ Mejju 2023 (dokument indikat bin-numru 4); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fit‑30 ta’ Lulju 2022 fis-sit internet Rosnadzor, intitolat “Rostec, Transneft u n-negozju kbir: x’għandhom komuni t-tfal ta’ Serguey Chemezov u ta’ Nikolai Tokarev?”, ikkonsultat fid‑19 ta’ Mejju 2023 (dokument indikat bin-numru 5). </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">128</p>
</td>
<td valign="top">
<p class="normal">Il-fajl bil-provi ta’ Lulju 2023 fih id-dokumenti li ġejjin: </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fit‑22 ta’ Marzu 2022 fis-sit internet Delfi Ärileht, intitolat “Min huma l-persuni qrib Putin li għandhom proprjetajiet li jiswew ħafna flus fil-Latvja? L-oligarku magħruf ħoloq preċedent għall-ġar tiegħu”, ikkonsultat fis‑27 ta’ Ġunju 2023 (dokument indikat bin-numru 1); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fit‑3 ta’ Frar 2023 fis-sit internet tal-Moscow Post, intitolat “Ħasil ta’ flus minn Nikolai Tokarev”, ikkonsultat fit‑28 ta’ Ġunju 2023 (dokument indikat bin-numru 2); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">ritratt tal-iskrin meħud mis-sit internet “wise.com” dwar il-kumpannija Ronin Europe Ltd, ikkonsultat fit‑28 ta’ Marzu 2023 (dokument indikat bin-numru 3); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fl‑10 ta’ Novembru 2016 fis-sit internet tal-Moscow Post, intitolat “Transmoney Tokarev”, ikkonsultat fit‑28 ta’ Ġunju 2023 (dokument indikat bin-numru 4); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fit‑22 ta’ Marzu 2022, fis-sit internet “newsbeezer.com, intitolat “Żvelata l-villa tal-ħbieb ta’ Putin fuq il-kosta tal-Kroazja”, ikkonsultat fit‑28 ta’ Ġunju 2023 (dokument indikat bin-numru 5); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fit‑3 ta’ Frar 2023 fis-sit internet Akompromat, intitolat “Il-‘ħasla l-kbira’ ta’ Akulov tintemm b’reat”, ikkonsultat fit‑28 ta’ Ġunju 2023 (dokument indikat bin-numru 6); </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">artiklu ppubblikat fid‑9 ta’ Ottubru 2021 fis-sit internet “versia.ru”, intitolat “It-tifla u l-ex tifel tar-rispett tad-direttur ta’ Transeft, Nikolai Tokarev, jinqabdu fl-‘arkivju ta’ Pandora’”, ikkonsultat fit‑28 ta’ Ġunju 2023 (dokument indikat bin-numru 7).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">129</p>
</td>
<td valign="top">
<p class="normal">Fir-rigward tal-informazzjoni disponibbli fis-sit internet Rospres, għalkemm huwa minnu li din il-media kienet is-suġġett ta’ kundanni għal malafama, għandu madankollu jiġi kkonstatat li s-sentenzi prodotti mir-rikorrenti ma jikkonċernawx l-artiklu rriprodott fid-dokument indikat bin-numru 3 fil-fajl bil-provi ta’ Ġunju 2023. Issa, għandu jitfakkar li l-fatt li media tkun ġiet ikkundannata diversi drabi għal malafama ma jimplikax li l-pubblikazzjonijiet kollha tagħha ma humiex affidabbli. Minn dan isegwi li, fl-assenza ta’ kwalunkwe prova oħra sabiex tiġi kkontestata l-affidabbiltà tal-informazzjoni tas-sit internet Rospres, id-dokument indikat bin-numru 3 fil-fajl bil-provi ta’ Ġunju 2023 ma jistax jiġi mċaħħad minn saħħa probatorja. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">130</p>
</td>
<td valign="top">
<p class="normal">Barra minn hekk, ir-rikorrenti ma stabbilixxietx li l-artikli ppubblikati fis-siti internet tal-Moscow Post u fis-sit internet Rosnadzor kellhom l-għan waħdieni li jagħmlu ħsara lir-reputazzjoni ta’ personalitajiet, b’tali mod li ma jistgħux jiġu mċaħħda minn saħħa probatorja. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">131</p>
</td>
<td valign="top">
<p class="normal">Fir-rigward tal-argumenti intiżi sabiex jikkontestaw in-natura insuffiċjentement preċiża jew inkoerenti ta’ ċerti dokumenti fil-fajls bil-provi, għandu jitfakkar li dawn l-argumenti jaqgħu taħt l-evalwazzjoni tan-natura suffiċjenti tal-bażi fattwali tal-Kunsill sabiex tiġi ġġustifikata l-inklużjoni ta’ isem ir-rikorrenti fil-listi kontenzjużi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">132</p>
</td>
<td valign="top">
<p class="normal">Fid-dawl tal-premess, fid-dawl tal-kuntest li jikkaratterizza s-sitwazzjoni tal-Federazzjoni Russa u fl-assenza ta’ setgħat investigattivi tal-Kunsill f’pajjiżi terzi (ara l-punti 59 u 60 iktar ’il fuq), il-valur probatorju tad-dokumenti fil-fajls bil-provi ta’ Ġunju u ta’ Lulju 2023 ma jistax jiġi miċħud.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2)</p>
</td>
<td valign="top">
<p class="normal">Fuq il‑fondatezza taż‑żamma ta’ isem ir‑rikorrenti abbażi tat‑tieni parti tal‑kriterju (g) kif emendat</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">133</p>
</td>
<td valign="top">
<p class="normal">Ir-rikorrenti tqis li t-tieni parti tal-kriterju (g) kif emendat għandu jiġi interpretat fis-sens li ma jirrigwardax, b’mod astratt, kull vantaġġ, iżda jirrigwarda vantaġġi fil-forma ta’ trasferimenti ta’ fondi u ta’ assi mwettqa bl-għan li jinħbew l-assi u jiġu evażi l-miżuri restrittivi adottati kontra l-persuna inizjalment identifikata sabiex din tal-aħħar iżżomm il-kontroll fuq ir-riżorsi. Barra minn hekk, ir-rikorrenti tqis li l-vantaġġ inkwistjoni għandu jkun kontemporanju mal-adozzjoni tal-miżuri restrittivi kontra l-persuna inizjalment identifikata u ma’ dik tal-membru tal-familja qrib tagħha, li mingħajrha ma jistax jitqies li jeżisti riskju ta’ evażjoni tal-miżuri restrittivi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">134</p>
</td>
<td valign="top">
<p class="normal">Skont ir-rikorrenti, il-Kunsill ma pproduċiex bażi fattwali suffiċjenti sabiex jiġġustifika l-inklużjoni ta’ isimha fil-listi kontenzjużi abbażi tal-kriterju kontenzjuż. B’mod partikolari, hija tqis li l-Kunsill ma jistabbilixxix l-eżistenza ta’ trasferiment ta’ fondi jew ta’ assi min-naħa ta’ missierha mwettaq bl-għan li jaħbi l-assi tiegħu, li jevadi l-miżuri restrittivi u li jżomm il-kontroll tar-riżorsi għad-dispożizzjoni tiegħu. Ir-rikorrenti tqis ukoll li l-Kunsill lanqas ma rnexxielu jistabbilixxi l-eżistenza ta’ vantaġġ kontemporanju għall-atti ta’ żamma ta’ Settembru 2023. Fir-rigward tal-konstatazzjoni li l-proprjetajiet immobbli tagħha huma marbuta ma’ missierha, ir-rikorrenti ssostni li l-Kunsill ma stabbilixxiex li l-imsemmija proprjetajiet kienu preċedentement jappartjenu lil missierha. Barra minn hekk, hija tqis li t-tranżazzjonijiet allegati huma mbiegħda mill-adozzjoni tal-miżuri restrittivi fir-rigward ta’ missierha fi Frar 2022, b’tali mod li ma jistax ikun hemm rieda li jiġu evażi l-miżuri restrittivi. Barra minn hekk, ir-rikorrenti tqis li r-rabtiet bejn il-kumpannija Ronin u l-kumpannija Transneft huma irrilevanti għall-finijiet tal-kriterju ta’ inklużjoni adottat. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">135</p>
</td>
<td valign="top">
<p class="normal">Il-Kunsill, sostnut mill-Kummissjoni, jikkontesta dawn l-argumenti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">136</p>
</td>
<td valign="top">
<p class="normal">B’mod partikolari, il-Kunsill isostni li t-tieni parti tal-kriterju (g) kif emendat għandha tinftiehem f’sens simili għall-kriterju ta’ “assoċjazzjoni”, kif interpretat mill-Qorti Ġenerali. Fil-fehma tiegħu, l-imsemmi kriterju għandu jiġi interpretat fis-sens li għandu japplika għall-membri tal-familja qrib li jkunu marbuta b’“interessi komuni” man-negozjanti ewlenin li jeżerċitaw attivitajiet fir-Russja, mingħajr madankollu ma tkun meħtieġa rabta ta’ natura ekonomika fid-dawl tal-fatt li, skont il-kuntest u ċ-ċirkustanzi ta’ kull każ, din ir-rabta timmaterjalizza ruħha fil-fatt li huma jiksbu vantaġġ minn dawn in-negozjanti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">137</p>
</td>
<td valign="top">
<p class="normal">Il-Kunsill isostni li l-vantaġġ miksub mir-rikorrenti minn missierha huwa kkaratterizzat mill-fatt li l-patrimonju tagħha u n-negozju tagħha huma marbuta ma’ dan tal-aħħar. Fil-fehma tiegħu, ir-rikorrenti bniet patrimonju ta’ proprjetajiet immobbli billi ħadet vantaġġ mill-funzjonijiet ta’ president u direttur ġenerali ta’ Transneft eżerċitati minn missierha u mir-relazzjonijiet li dan kellu ma’ V. Putin. Barra minn hekk, il-Kunsill iqis li stabbilixxa b’mod validu, b’mod partikolari abbażi tad-dokumenti fil-fajls bil-provi ta’ Ġunju u ta’ Lulju 2023, l-eżistenza ta’ interessi komuni li jirriżultaw minn prattika ta’ amministrazzjoni mill-familja. Huwa jqis ukoll li, bħala element kuntestwali, għandha titqies il-prattika ta’ nepotiżmu fir-Russja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">138</p>
</td>
<td valign="top">
<p class="normal">Għandu jiġi rrilevat li, fl-atti ta’ żamma ta’ Settembru 2023, iż-żamma ta’ isem ir-rikorrenti fil-listi kontenzjużi ma għadhiex tirriżulta mill-applikazzjoni tal-kriterju tal-persuna assoċjata, previst fl-aħħar parti tal-Artikolu 2(1) tad-Deċiżjoni 2014/145, kif emendata. Minn naħa, dawn ir-raġunijiet ma għadhomx isemmu rabta ta’ assoċjazzjoni ma’ Stanislav Chemezov. Min-naħa l-oħra, meta kkonkluda li r-rikorrenti hija membru tal-familja qrib ta’ N. Tokarev, negozjant ewlieni li jeżerċita attivitajiet fir-Russja, u li hija tikseb vantaġġ minn dan, il-Kunsill applika fil-konfront tar-rikorrenti l-kriterju previst fit-tieni parti tal-kriterju (g) kif emendat. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">139</p>
</td>
<td valign="top">
<p class="normal">Għandu jiġi rrilevat li t-tieni parti tal-kriterju (g) kif emendat tippermetti l-inklużjoni fil-listi kontenzjużi b’mod partikolari tal-membri tal-familja qrib jew ta’ persuni oħra li jieħdu vantaġġ minn negozjant ewlieni li jeżerċita attivitajiet fir-Russja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">140</p>
</td>
<td valign="top">
<p class="normal">F’dan ir-rigward, għandu jitfakkar li, minkejja li ma għandux valur legali vinkolanti u ma jistax jiġi invokat la sabiex jidderoga mid-dispożizzjonijiet stess tal-att ikkonċernat u lanqas sabiex dawn id-dispożizzjonijiet jiġu interpretati f’sens kuntrarju għall-formulazzjoni tagħhom, il-preambolu ta’ att tal-Unjoni jista’ jippreċiża l-kontenut tagħhom, u l-premessi li jinsabu fil-preambolu jikkostitwixxu elementi ta’ interpretazzjoni importanti ta’ natura li jiċċaraw ir-rieda tal-awtur ta’ dan l-att (ara s-sentenza tas‑26 ta’ Jannar 2021, Hessischer Rundfunk, C‑422/19 u C‑423/19, EU:C:2021:63, punt 64 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">141</p>
</td>
<td valign="top">
<p class="normal">F’dan il-każ, skont il-premessa 5 tad-Deċiżjoni 2023/1094, dan il-kriterju ta’ identifikazzjoni ġie introdott sabiex tiżdied il-pressjoni eżerċitata fuq il-Gvern tal-Federazzjoni Russa kif ukoll sabiex jiġi evitat ir-riskju ta’ evażjoni tal-miżuri restrittivi. B’mod partikolari, minn din il-premessa jirriżulta, essenzjalment, li n-neċessità ta’ identifikazzjoni tal-membri tal-familja qrib jew ta’ persuni oħra li jieħdu vantaġġ min-negozjanti ewlenin li jeżerċitaw attivitajiet fir-Russja kienet iġġustifikata mill-fatt li dawn tal-aħħar jallokaw il-fondi u l-assi tagħhom lill-membri tal-familja qrib tagħhom u lil persuni oħra b’mod partikolari bl-għan li jaħbu dawn l-assi, li jevadu l-miżuri restrittivi u li jżommu kontroll tar-riżorsi għad-dispożizzjoni tagħhom. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">142</p>
</td>
<td valign="top">
<p class="normal">Għalhekk, il-kunċett ta’ “vantaġġ”, fis-sens tat-tieni parti tal-kriterju (g) kif emendat, għandu jiġi interpretat fid-dawl tal-għanijiet fil-mira ta’ dan il-kriterju msemmija fil-punt 141 iktar ’il fuq, li jimplikaw żieda fl-oneru tal-azzjonijiet tal-Federazzjoni Russa intiżi li jikkompromettu l-integrità territorjali, is-sovranità u l-indipendenza tal-Ukraina. Għaldaqstant, il-vantaġġ fis-sens ta’ din id-dispożizzjoni jkopri kull vantaġġ ta’ kwalunkwe natura, li ma huwiex neċessarjament indebitu, iżda li għandu jkun kwantitattivament jew kwalitattivament mhux negliġibbli. B’hekk, dan jista’ jkun vantaġġ finanzjarju jew mhux finanzjarju, bħalma huma donazzjoni, trasferiment ta’ fondi jew ta’ riżorsi ekonomiċi, intervent bl-għan li jiffavorixxi l-għoti ta’ kuntratti pubbliċi, ħatra jew promozzjoni. Barra minn hekk, fid-dawl tal-għan li jiġu evitati l-prattiki ta’ evażjoni tal-miżuri restrittivi, espressament imsemmi fil-premessa 5 tad-Deċiżjoni 2023/1094, jistgħu jaqgħu wkoll taħt it-tieni parti tal-kriterju (g) kif emendat il-vantaġġi mogħtija min-negozjanti ewlenin li jeżerċitaw attività fir-Russja f’sitwazzjoni li tista’ twassal għal evażjoni tal-miżuri restrittivi li jikkonċernawhom. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">143</p>
</td>
<td valign="top">
<p class="normal">Għaldaqstant, minn naħa, huwa b’mod żbaljat li r-rikorrenti ssostni li l-kunċett ta’ “vantaġġ” fis-sens tat-tieni parti tal-kriterju (g) kif emendat għandu jkun limitat biss għall-vantaġġi fil-forma ta’ trasferimenti ta’ fondi bl-għan li jiġu evażi l-miżuri restrittivi. Fil-fatt, limitazzjoni tal-kunċett ta’ “vantaġġ” għat-trasferimenti ta’ fondi biss ma tirriżultax mill-formulazzjoni ta’ dan il-kriterju u ma tippermettix li jinqabdu d-diversi forom li jista’ jkollu vantaġġ. Barra minn hekk, għalkemm sitwazzjoni li tista’ twassal għal evażjoni tista’ tiġġustifika l-eżistenza ta’ vantaġġ fis-sens tat-tieni parti tal-kriterju (g) kif emendat, il-prova ta’ tali sitwazzjoni ma għandhiex neċessarjament tiġi prodotta mill-Kunsill għall-finijiet tal-inklużjoni tal-isem ta’ persuna fil-listi kontenzjużi taħt dan il-kriterju. Min-naħa l-oħra, il-Kunsill ma jistax isostni li t-tieni parti tal-kriterju (g) kif emendat għandu jinftiehem f’sens simili għall-kriterju tal-persuna assoċjata, previst fl-aħħar parti tal-Artikolu 2(1) tad-Deċiżjoni 2014/145, kif emendata, sa fejn jirrigwarda persuni marbuta b’interessi komuni. Fil-fatt, tali interpretazzjoni jkollha l-effett li ċċaħħad minn effett utli lit-tieni parti tal-kriterju (g) kif emendat peress li jitlef kull interess fil-konfront tal-kriterju tal-persuna assoċjata meta dan il-kriterju jiġi applikat fir-rigward ta’ persuna inkluża fil-lista abbażi tal-kriterju (g).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">144</p>
</td>
<td valign="top">
<p class="normal">Barra minn hekk, kuntrarjament għal dak li ssostni r-rikorrenti, il-vantaġġi msemmija fit-tieni parti tal-kriterju (g) kif emendat ma jistgħux ikunu limitati għall-vantaġġi mogħtija, f’data konkomitanti għall-identifikazzjoni tagħhom fil-listi kontenzjużi, min-negozjanti ewlenin li jeżerċitaw attivitajiet fir-Russja lil membru tal-familja qrib tagħhom jew lil persuni oħra. Fil-fatt, tali limitazzjoni ratione temporis tal-vantaġġi li jistgħu jittieħdu inkunsiderazzjoni sabiex ikun jista’ jiġi applikat l-imsemmi kriterju ma tirriżultax mill-formulazzjoni ta’ din id-dispożizzjoni. Barra minn hekk, tali interpretazzjoni limitattiva proposta mir-rikorrenti hija inkompatibbli mal-għanijiet imfittxija mill-introduzzjoni tal-imsemmi kriterju, li huma intiżi sabiex tiżdied il-pressjoni eżerċitata fuq il-Gvern tal-Federazzjoni Russa u sabiex jiġi evitat ir-riskju ta’ evażjoni tal-miżuri restrittivi, b’mod partikolari permezz ta’ vantaġġi mogħtija min-negozjanti ewlenin qabel l-inklużjoni ta’ isimhom fil-listi kontenzjużi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">145</p>
</td>
<td valign="top">
<p class="normal">Xorta jibqa’ l-fatt li ċ-ċirkustanzi tal-għoti tal-vantaġġ u d-dekorrenza taż-żmien bejn l-għoti ta’ vantaġġ min-negozjant li jeżerċita attivitajiet fir-Russja u d-data tal-inklużjoni ta’ isem dawn tal-aħħar fil-listi kontenzjużi huma elementi li għandhom jittieħdu inkunsiderazzjoni sabiex tiġi evalwata l-fondatezza tal-inklużjoni, f’dawn il-listi, ta’ isem il-persuna li rċeviet dan il-vantaġġ. Fi kwalunkwe każ, il-vantaġġ li tirċievi l-persuna li isimha jiġi inkluż fil-listi kontenzjużi taħt it-tieni parti tal-kriterju (g) kif emendat, jew tal-inqas il-konsegwenzi tiegħu, għandhom jippersistu fil-mument tal-adozzjoni tal-miżuri restrittivi fil-konfront ta’ din il-persuna.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">146</p>
</td>
<td valign="top">
<p class="normal">Barra minn hekk, l-interpretazzjoni tat-tieni parti tal-kriterju (g) kif emendat għandha tkun konformi mal-prinċipju ta’ ċertezza legali. Għandu jitfakkar li s-sistema ta’ miżuri restrittivi fid-dawl tas-sitwazzjoni fl-Ukraina ġiet implimentata, l-ewwel nett, bl-adozzjoni tad-Deċiżjoni 2014/145, b’reazzjoni għall-annessjoni tal-Krimea u għad-destabbilizzazzjoni tal-Lvant tal-Ukraina li seħħew fl-aħħar tax-xahar ta’ Frar 2014, u sussegwentement permezz ta’ konsolidazzjoni progressiva tal-imsemmija sistema sabiex tiġi adattata skont il-gravità tal-attakki, mill-Federazzjoni Russa, għall-integrità territorjali, għas-sovranità u għall-indipendenza tal-Ukraina. Minn dan jirriżulta li, peress li l-miżuri restrittivi inkwistjoni jagħmlu parti mill-kontinwazzjoni tar-reazzjoni tal-Unjoni għall-politiki u għall-attivitajiet tal-awtoritajiet Russi li jikkonċernaw speċifikament l-Ukraina, mibdija bl-annessjoni tal-Krimea, il-Kunsill ma jistax, taħt it-tieni parti tal-kriterju (g) kif emendat, jinvoka vantaġġi li l-għoti tagħhom, min-negozjanti ewlenin lill-membri tal-familja qrib tagħhom jew lil persuni oħra, imur lura għal qabel l-aħħar tax-xahar ta’ Frar 2014 (ara, b’analoġija, is-sentenza tat‑30 ta’ Novembru 2016, Rotenberg vs Il‑Kunsill, T‑720/14, EU:T:2016:689, punt 92). </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">147</p>
</td>
<td valign="top">
<p class="normal">Huwa fid-dawl ta’ din l-interpretazzjoni tat-tieni parti tal-kriterju (g) kif emendat li għandu jiġi eżaminat jekk il-Kunsill kellux bażi fattwali suffiċjenti sabiex jiġġustifika l-applikazzjoni tal-imsemmi kriterju għar-rikorrenti fl-atti ta’ żamma ta’ Settembru 2023. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">148</p>
</td>
<td valign="top">
<p class="normal">F’dan il-każ, iż-żamma ta’ isem ir-rikorrenti fil-listi kontenzjużi hija ġġustifikata, minn naħa, mill-fatt li l-patrimonju immobbli tagħha seta’ jkun marbut ma’ missierha u, min-naħa l-oħra, mill-eżistenza ta’ rabtiet bejnha u l-kumpannija Ronin, li kienet ippreżentata bħala li tiżgura l-amministrazzjoni tal-fond tal-pensjoni tal-kumpannija Transneft. Minkejja l-bidla fil-kriterju ta’ identifikazzjoni applikat għar-rikorrenti, ir-raġunijiet għall-inklużjoni huma identiċi għal dawk tal-atti ta’ żamma ta’ Marzu 2023.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">149</p>
</td>
<td valign="top">
<p class="normal">Fl-ewwel lok, għandu jiġi rrilevat li l-Kunsill ma setax jibbaża ruħu fuq l-eżistenza ta’ relazzjonijiet kummerċjali tar-rikorrenti mal-kumpanniji Ronin Trust u Ronin Europe sabiex jistabbilixxi rabta bejnha u N. Tokarev permezz tal-kumpannija Transneft (ara l-punti 80 sa 84 iktar ’il fuq), u li ma pproduċiex, fil-fajls bil-provi ta’ Ġunju u ta’ Lulju 2023, provi ta’ natura li jdaħħlu inkwistjoni din il-konklużjoni. Għaldaqstant, dawn ir-relazzjonijiet kummerċjali ma jistgħux jikkostitwixxu vantaġġ miksub minn N. Tokarev fis-sens tat-tieni parti tal-kriterju (g) kif emendat. Minn dan jirriżulta li l-argumenti tal-Kunsill intiżi sabiex tiġi stabbilita l-eżistenza ta’ vantaġġ miksub mir-rabta bejn ir-rikorrenti u l-kumpannija Ronin Europe kif ukoll dawk dwar il-persistenza tar-relazzjonijiet kummerċjali bejnha u l-kumpannija Ronin Trust ma jistgħux jintlaqgħu sabiex jiġġustifikaw il-fondatezza tal-atti ta’ żamma ta’ Settembru 2023.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">150</p>
</td>
<td valign="top">
<p class="normal">Fit-tieni lok, sa fejn ir-raġunijiet għall-inklużjoni jirreferu għal rabta bejn il-patrimonju immobbli tar-rikorrenti u N. Tokarev, għandu jiġi vverifikat jekk il-bażi fattwali tal-Kunsill tinkludix elementi intiżi li jistabbilixxu li dan il-patrimonju jista’ jikkostitwixxi vantaġġ miksub minn missierha fis-sens tat-tieni parti tal-kriterju (g) kif emendat. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">151</p>
</td>
<td valign="top">
<p class="normal">L-ewwel, fir-rigward tal-proprjetà immobbli li tinsab f’Jūrmala fil-Latvja, ir-rikorrenti stabbilixxiet li, wara d-divorzju tagħha f’Ġunju 2019, hija kienx għad għandha sehem fil-kumpannija Dzintaru 34 li kienet il-proprjetarja ta’ din il-proprjetà (ara l-punt 88 iktar ’il fuq). Barra minn hekk, din il-konstatazzjoni hija kkonfermata mid-dokument indikat bin-numru 7 fil-fajl bil-provi WK 1128/2023 INIT u mid-dokument indikat bin-numru 1 fil-fajl bil-provi ta’ Lulju 2023. Għaldaqstant, peress li r-rikorrenti ma kellhiex iktar din il-proprjetà immobbli fil-mument tal-adozzjoni tal-atti ta’ żamma ta’ Settembru 2023, din il-proprjetà ma tistax tiġġustifika ż-żamma tal-inklużjoni tagħha fil-listi kontenzjużi abbażi tat-tieni parti tal-kriterju (g) kif emendat. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">152</p>
</td>
<td valign="top">
<p class="normal">It-tieni, f’dak li jirrigwarda l-proprjetajiet immobbli li jinsabu fil-Kroazja, mid-dokument indikat bin-numru 5 fil-fajl bil-provi ta’ Lulju 2023 jirriżulta li l-villa Karolina kienet akkwistata mir-rikorrenti fl‑2009. Issa, anki jekk jitqies li l-proprjetà tista’ titqies li tikkostitwixxi vantaġġ miksub minn missierha, din il-proprjetà tmur lura għal perijodu preċedenti għall-annessjoni tal-Krimea fi Frar 2014. Għaldaqstant, sabiex jiġġustifika ż-żamma ta’ isem ir-rikorrenti fil-listi kontenzjużi abbażi tat-tieni parti tal-kriterju (g) kif emendat, il-Kunsill ma setax jibbaża ruħu fuq il-fatt li hija kienet il-proprjetarja, permezz tal-kumpannija Katina, tal-villa Karolina fil-mument tal-adozzjoni tal-atti ta’ żamma ta’ Settembru 2023. Fir-rigward tal-appartament fil-Kroazja b’valur ta’ madwar EUR 700 000 li huwa proprjetà tar-rikorrenti permezz tal-kumpannija TGA, għandu jiġi kkonstatat li l-provi la jispeċifikaw id-data tal-akkwist ta’ din il-proprjetà u lanqas ma jinkludu informazzjoni li tippermetti li jiġi stabbilit li l-imsemmija proprjetà tista’ tikkostitwixxi vantaġġ miksub minn missierha. Għalhekk, is-sempliċi żamma mir-rikorrenti ta’ din il-proprjetà l-oħra li tinsab fil-Kroazja ma setgħetx tiġġustifika ż-żamma ta’ isimha fil-listi kontenzjużi abbażi tal-kriterju ta’ identifikazzjoni adottat fil-konfront tagħha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">153</p>
</td>
<td valign="top">
<p class="normal">Fir-rigward tal-kumpless ta’ lukanda b’valur ta’ diversi biljuni ta’ USD li allegatament kien ġie akkwistat mill-familja Tokarev fil-Kroazja, id-dokumenti li jinsabu fil-fajls bil-provi ta’ Ġunju u ta’ Lulju 2023 ma jippermettux li jingħelbu l-inċertezzi li jirriżultaw min-nuqqas ta’ preċiżjoni tad-dokumenti fil-fajl bil-provi inizjali u fil-fajl WK 1128/2023 INIT (ara l-punti 90 u 119 iktar ’il fuq). Fil-fatt, għandu jiġi rrilevat li d-dokument indikat bin-numru 4 fil-fajl bil-provi ta’ Ġunju 2023 u d-dokumenti indikati bin-numri 2, 4, 6 u 7 fil-fajl bil-provi ta’ Lulju 2023 ma jinkludux informazzjoni addizzjonali meta mqabbla ma’ dik inkluża fil-fajl bil-provi inizjali u f’artiklu tal-Moscow Post ippubblikat fl‑2016 (Anness D.1). Huwa minnu li d-dokument indikat bin-numru 4 fil-fajl bil-provi ta’ Ġunju 2023 u d-dokumenti indikati bin-numri 2 u 4 fil-fajl bil-provi ta’ Lulju 2023 jikkonfermaw li r-rikorrenti kienet irċeviet, matul is-sena 2005, dħul minn kumpannija bl-isem Caprice-Stell li indirettament kellha ishma f’kumpannija ta’ lukandi, li kienet ippreżentata bħala l-proprjetarja ta’ kumpless ta’ lukanda fil-Kroazja. Madankollu, anki jekk jitqies li l-fatt li r-rikorrenti kienet irċeviet dħul minn Caprice-Stell jista’ jitqies li jikkostitwixxi l-prova tal-akkwist ta’ kumpless ta’ lukanda, għandu jiġi kkonstatat li l-fatti jmorru lura għal passat imbiegħed qabel l-annessjoni tal-Krimea fi Frar 2014. Barra minn hekk, l-ebda wieħed mid-dokumenti fil-fajls bil-provi ma jindika li r-rikorrenti rċeviet remunerazzjoni min-naħa ta’ Caprice-Stell wara s-sena 2005 u lanqas ma jindikaw li hija kellha direttament jew indirettament kumpless ta’ lukanda fil-Kroazja fil-mument tal-adozzjoni tal-atti ta’ Settembru 2023. Għall-kuntrarju, mid-dokument indikat bin-numru 5 fil-fajl bil-provi ta’ Lulju 2023 jirriżulta li, fil-Kroazja, ir-rikorrenti kienet il-proprjetarja biss, f’Marzu 2023, tal-villa Karolina, miżmuma permezz tal-kumpannija Katina, u ta’ appartament b’valur ta’ madwar EUR 700 000, miżmum permezz tal-kumpannija TGA. Minn dan isegwi li l-Kunsill ma jistax jibbaża ruħu fuq il-fatt preżunt li r-rikorrenti akkwistat kumpless ta’ lukanda fil-Kroazja sabiex jiġġustifika ż-żamma ta’ isimha fil-listi kontenzjużi abbażi tat-tieni parti tal-kriterju (g) kif emendat. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">154</p>
</td>
<td valign="top">
<p class="normal">It-tielet, fir-rigward tal-proprjetajiet immobbli f’Moska, għandu jitfakkar li r-rabtiet bejn il-kumpanniji tal-grupp RPA u l-kumpannija Ronin Trust ma jistgħux jistabbilixxu rabta bejn ir-rikorrenti u missierha. Għaldaqstant, anki jekk jitqies li teżisti rabta bejn Ronin Trust u l-kumpannija Ostozhenka 19, li permezz tagħha r-rikorrenti hija l-proprjetarja tad-dar storika msemmija fil-punt 87 iktar ’il fuq, dan il-fatt ma huwiex rilevanti sabiex jiġi stabbilit li din il-proprjetà immobbli tikkostitwixxi vantaġġ miksub minn N. Tokarev wara l-annessjoni tal-Krimea fi Frar 2014. Bl-istess mod, il-Kunsill ma jinvoka ebda element sabiex isostni li l-appartament fi Triq Brusov jikkostitwixxi tali vantaġġ. Barra minn hekk, għandu jiġi kkonstatat li l-fajls bil-provi ma jinkludux indizji suffiċjentement konkreti, preċiżi u konkordanti li jippermettu li tiġi stabbilita l-eżistenza ta’ rabtiet bejn waħda minn dawn il-proprjetajiet, il-kumpannija Transneft jew N. Tokarev li jistgħu jistabbilixxu li waħda mill-imsemmija proprjetajiet tikkostitwixxi vantaġġ miksub mir-rikorrenti minn missierha fis-sens tat-tieni parti tal-kriterju (g) kif emendat. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">155</p>
</td>
<td valign="top">
<p class="normal">Ir-raba’, sabiex jikkonstata li r-rikorrenti tikseb vantaġġ minn missierha fil-qasam tal-proprjetà immobbli, il-Kunsill ma jistax jibbaża ruħu fuq il-fatt li r-rikorrenti kellha, fil-mument tal-adozzjoni tal-atti ta’ żamma ta’ Settembru 2023, ishma fil-kumpless immobbli Gelendzhik Resort Meridian. Fil-fatt, peress li din il-proprjetà immobbli ma tissemmiex fost il-proprjetajiet imsemmija fir-raġunijiet għall-inklużjoni tal-atti ta’ żamma ta’ Settembru 2023, ma jistax jiġi aċċettat li l-Kunsill jibbaża ruħu fuq il-fatt li r-rikorrenti għandha ishma f’din il-proprjetà immobbli sabiex jiġġustifika l-fondatezza ta’ dawn l-atti għaliex inkella tkun qiegħda tiġi aċċettata sostituzzjoni tar-raġunijiet. Fi kwalunkwe każ, għandu jiġi kkonstatat li l-Kunsill ma stabbilixxiex li din il-proprjetà immobbli, li r-rikorrenti hija l-proprjetarja tagħha flimkien, b’mod partikolari, ma’ Stanislav Chemezov, setgħet tintrabat ma’ N. Tokarev. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">156</p>
</td>
<td valign="top">
<p class="normal">Għalhekk, fid-dawl tal-kunsiderazzjonijiet preċedenti, ir-rikorrenti ġustament issostni li l-bażi fattwali tal-Kunsill ma kinitx suffiċjenti sabiex jiġi stabbilit li, fil-mument tal-adozzjoni tal-atti ta’ żamma ta’ Settembru 2023, proprjetà fil-patrimonju immobbli tagħha kienet tikkostitwixxi vantaġġ miksub minn N. Tokarev fis-sens tat-tieni parti tal-kriterju (g) kif emendat. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">157</p>
</td>
<td valign="top">
<p class="normal">L-argumenti tal-Kunsill ma jistgħux idaħħlu inkwistjoni din il-konklużjoni. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">158</p>
</td>
<td valign="top">
<p class="normal">L-ewwel, fir-rigward tal-argument fis-sens li n-negozju tar-rikorrenti kien marbut ma’ missierha meta hija kienet iżżomm il-kumpannija Irvin 2 minħabba l-fatt li, skont id-dokumenti indikati bin-numri 3 u 5 fil-fajl bil-provi ta’ Ġunju 2023, N. Tokarev kien għamel pressjoni fuq Ministru għas-Saħħa sabiex jiffavorixxi l-għoti ta’ kuntratti lil din il-kumpannija, għandu jiġi rrilevat li dan il-fatt kien jikkonċerna s-settur farmaċewtiku u mhux il-patrimonju immobbli tar-rikorrenti. Issa, fid-dawl tal-formulazzjoni tar-raġunijiet għall-inklużjoni li sempliċement isemmu l-patrimonju immobbli tar-rikorrenti, il-Kunsill ma jistax jinvoka vantaġġ miksub mir-rikorrenti li ma għandu ebda rabta ma’ dan il-patrimonju. Fi kwalunkwe każ, għandu jiġi kkonstatat li l-fatt inkwistjoni jmur lura għal passat imbiegħed li jippreċedi l-annessjoni tal-Krimea. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">159</p>
</td>
<td valign="top">
<p class="normal">It-tieni, fir-rigward tal-fatt li jirriżulta mid-dokument indikat bin-numru 7 fil-fajl bil-provi ta’ Lulju 2023, fis-sens li l-ex konjuġi tar-rikorrenti kien benefiċjarju ta’ kumpanniji li kkonkludew kuntratti mal-kumpannija Transneft b’mod partikolari wara l-annessjoni tal-Krimea, huwa minnu li tali element huwa rilevanti sabiex tintwera l-eżistenza ta’ skema ta’ amministrazzjoni tan-negozju mill-familja ta’ natura li tkabbar il-patrimonju tar-rikorrenti għal perijodu xieraq għall-finijiet tal-evalwazzjoni tal-eżistenza ta’ vantaġġ fis-sens tat-tieni parti tal-kriterju (g) kif emendat. Madankollu, filwaqt li r-raġunijiet għall-inklużjoni jidentifikaw il-patrimonju immobbli tar-rikorrenti bħala li jikkostitwixxi vantaġġ fis-sens tal-imsemmi kriterju, għandu jiġi kkonstatat li l-Kunsill ma jinvoka ebda element li jippermetti li tiġi stabbilita rabta bejn il-kuntratti ta’ Transneft li minnhom l-ex konjuġi tar-rikorrenti allegatament ibbenefika indirettament u eventwali tkabbir fil-patrimonju immobbli tar-rikorrenti. Barra minn hekk, kif jirriżulta mill-punt 154 iktar ’il fuq, id-dokumenti fil-fajls bil-provi ma jinkludux indizji suffiċjentement konkreti, preċiżi u konkordanti li jippermettu li tiġi stabbilita tali rabta. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">160</p>
</td>
<td valign="top">
<p class="normal">It-tielet, insostenn tal-argument tiegħu dwar l-amministrazzjoni tan-negozju mill-familja, il-Kunsill ma jistax jibbaża ruħu fuq l-informazzjoni li tinsab fid-dokument indikat bin-numru 4 fil-fajl bil-provi ta’ Ġunju 2023 u fid-dokument indikat bin-numru 2 fil-fajl bil-provi ta’ Lulju 2023. Fil-fatt, dawn id-dokumenti, li l-kontenut tagħhom huwa sostanzjalment analogu, jirreferu għal relazzjoni kummerċjali fil-passat bejn ir-rikorrenti u wieħed mill-ex soċji tagħha fil-kumpannija bl-isem Région-Finance. Issa, għandu jiġi kkonstatat li dawn id-dokumenti ma jippermettux li jiġi stabbilit involviment ta’ N. Tokarev f’din ir-relazzjoni kummerċjali. Barra minn hekk, kif ġustament tirrileva r-rikorrenti, il-fatti msemmija ma jistgħux jintrabtu mar-raġunijiet għall-inklużjoni. Fir-rigward tad-dokument indikat bin-numru 2 fil-fajl bil-provi ta’ Ġunju 2023, dan huwa invokat mill-Kunsill sabiex juri skema ta’ amministrazzjoni mill-familja li tikkonċerna l-kumpless immobbli Gelendzhik Resort Meridian. Issa, għandu jiġi kkonstatat li dan id-dokument jindika biss li r-rikorrenti għandha ishma f’dan il-kumpless flimkien ma’ Stanislav Chemezov u ma jippermettix li tiġi stabbilita xi tip ta’ rabta bejn l-imsemmi kumpless u N. Tokarev. F’dak li jirrigwarda d-dokument indikat bin-numru 6 fil-fajl bil-provi ta’ Lulju 2023, għandu jiġi kkonstatat li dan id-dokument ma jipprovdix informazzjoni addizzjonali, meta mqabbel mad-dokumenti l-oħra fil-fajl bil-provi fir-rigward tal-kumpless ta’ lukandi fil-Kroazja jew tal-kumpless Gelendzhik Resort Meridian, li tippermetti li tiġi stabbilita l-eżistenza ta’ vantaġġ miksub minn N. Tokarev. Bl-istess mod, għall-istess raġunijiet bħal dawk esposti iktar ’il fuq, il-Kunsill ma jistax jinvoka r-relazzjoni kummerċjali tar-rikorrenti mal-ex soċju tagħha fil-kumpannija Région-Finance sabiex jistabbilixxi rabta ma’ missierha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">161</p>
</td>
<td valign="top">
<p class="normal">Ir-raba’, il-Kunsill ma jistax jinvoka kuntest ikkaratterizzat min-nepotiżmu u ma jistax jibbaża ruħu fuq is-sempliċi fatt li, fil-mument tal-adozzjoni tal-atti ta’ żamma ta’ Settembru 2023, ir-rikorrenti kienet negozjant ta’ suċċess b’patrimonju immobbli sinjifikattiv sabiex jiġġustifika l-inklużjoni ta’ isimha abbażi tat-tieni parti tal-kriterju (g) kif emendat. Fil-fatt, peress li mir-raġunijiet għall-inklużjoni essenzjalment jirriżulta li l-patrimonju immobbli tar-rikorrenti jikkostitwixxi l-vantaġġ miksub minn N. Tokarev, huwa l-Kunsill li għandu juri li missier ir-rikorrenti kkontribwixxa għal żieda f’dan il-patrimonju immobbli wara l-annessjoni tal-Krimea fi Frar 2014. Issa, mill-kunsiderazzjonijiet preċedenti jirriżulta li l-Kunsill ma ppreżentax sensiela ta’ indizji suffiċjentement konkreti, preċiżi u konkordanti li jippermettu li tiġi stabbilita tali żieda fil-patrimonju immobbli tar-rikorrenti. Barra minn hekk, għandu jiġi kkonstatat li l-Kunsill lanqas ma stabbilixxa li N. Tokarev ikkontribwixxa għal żieda mhux negliġibbli fil-patrimonju mhux immobbli tar-rikorrenti wara l-annessjoni tal-Krimea.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">162</p>
</td>
<td valign="top">
<p class="normal">Minn dan isegwi li hemm lok li jintlaqa’ l-motiv ibbażat fuq żball ta’ evalwazzjoni sa fejn huwa dirett kontra l-atti ta’ żamma ta’ Settembru 2023. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">163</p>
</td>
<td valign="top">
<p class="normal">Għaldaqstant, fid-dawl tal-kunsiderazzjonijiet preċedenti kollha, mingħajr ma hemm lok li jiġu eżaminati l-motivi l-oħra, inkluża l-eċċezzjoni ta’ illegalità fir-rigward tat-tieni parti tal-kriterju (g) kif emendat, l-atti kkontestati għandhom jiġu annullati sa fejn jikkonċernaw lir-rikorrenti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Fuq l‑effetti tal‑annullament tal‑atti kkontestati</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">164</p>
</td>
<td valign="top">
<p class="normal">Fil-kuntest tat-tieni kap tat-talbiet tiegħu, il-Kunsill jitlob li, fil-każ li l-Qorti Ġenerali tannulla l-atti kkontestati sa fejn jirrigwardaw lir-rikorrenti, hija tordna ż-żamma tal-effetti tad-Deċiżjonijiet 2022/1530, 2023/572 u 2023/1767 sa fejn jikkonċernaw lir-rikorrenti sakemm jidħol fis-seħħ l-annullament parzjali tar-Regolamenti ta’ Implimentazzjoni 2022/1529, 2023/571 u 2023/1765.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">165</p>
</td>
<td valign="top">
<p class="normal">F’dan ir-rigward, għandu jitfakkar li, permezz tad-Deċiżjonijiet 2022/1530, 2023/572 u 2023/1767, il-Kunsill aġġorna l-lista tal-persuni suġġetti għall-miżuri restrittivi li tinsab fl-Anness I tad-Deċiżjoni 2014/145, kif emendata, billi żamm fiha isem ir-rikorrenti, u dan sal‑15 ta’ Marzu 2024. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">166</p>
</td>
<td valign="top">
<p class="normal">Issa, permezz tad-Deċiżjoni (PESK) 2024/847 tat‑12 ta’ Marzu 2024, li temenda d-Deċiżjoni 2014/145 (ĠU L, 2024/847), il-Kunsill aġġorna l-lista tal-persuni suġġetti għall-miżuri restrittivi li tinsab fl-Anness I tad-Deċiżjoni 2014/145, kif emendata, billi żamm fiha isem ir-rikorrenti, u dan sal‑15 ta’ Settembru 2024. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">167</p>
</td>
<td valign="top">
<p class="normal">Għaldaqstant, filwaqt li l-annullament tad-Deċiżjonijiet 2022/1530, 2023/572 u 2023/1767, sa fejn jirrigwardaw lir-rikorrenti, jimplika l-annullament taż-żamma ta’ isimha fil-lista li tinsab fl-Anness I tad-Deċiżjoni 2014/145, kif emendata, għall-perijodu mill‑15 ta’ Settembru 2022 sal‑15 ta’ Marzu 2024, tali annullament ma jestendix, għall-kuntrarju, għad-Deċiżjoni 2024/847, li ma hijiex koperta minn dan ir-rikors.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">168</p>
</td>
<td valign="top">
<p class="normal">Għaldaqstant, peress li, sal-lum, ir-rikorrenti hija s-suġġett ta’ miżuri restrittivi ġodda, it-talba sussidjarja tal-Kunsill dwar l-effetti ratione temporis tal-annullament parzjali tad-Deċiżjoni 2022/1530, 2023/572 u 2023/1767 ma għadx għandha skop.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">Fuq it‑talba għad‑danni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">169</p>
</td>
<td valign="top">
<p class="normal">Ir-rikorrenti ssostni li t-tiġdid tal-miżuri restrittivi kontriha, permezz tal-atti ta’ żamma ta’ Settembru 2022, ikkawżalha dannu morali. Hija tqis li l-imsemmija atti ħolqu stmerrija u nuqqas ta’ fiduċja fil-konfront tagħha. Skont ir-rikorrenti, il-ħsara għar-reputazzjoni tagħha hija iktar u iktar kunsiderevoli peress li hija għandha relazzjonijiet soċjali fl-Istati Membri, b’mod partikolari fil-Kroazja u f’Ċipru. Peress li l-inklużjoni ta’ isimha fil-listi kontenzjużi kienet is-suġġett ta’ tixrid sinjifikattiv fil-mezzi ta’ komunikazzjoni u fil-media, ir-rikorrenti tqis li l-annullament tal-atti kkontestati ma jistax jikkostitwixxi kumpens għad-dannu mġarrab. Barra minn hekk, fl-osservazzjonijiet tagħha dwar in-nota ta’ intervent tal-Kummissjoni, ir-rikorrenti ssostni li l-preġudizzju għar-reputazzjoni tagħha jirriżulta wkoll mill-irtirar tan-nazzjonalità Ċiprijotta tagħha wara l-inklużjoni ta’ isimha fil-listi kontenzjużi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">170</p>
</td>
<td valign="top">
<p class="normal">Il-Kunsill, sostnut mill-Kummissjoni, jikkontesta dawn l-argumenti. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">171</p>
</td>
<td valign="top">
<p class="normal">Mill-ġurisprudenza jirriżulta li l-istabbiliment tar-responsabbiltà mhux kuntrattwali tal-Unjoni jeħtieġ li jkunu ssodisfatti sett ta’ kundizzjonijiet, jiġifieri l-eżistenza ta’ ksur suffiċjentement serju ta’ dispożizzjoni legali li jkollha l-għan li tagħti drittijiet lill-individwi, ir-realtà tad-dannu u l-eżistenza ta’ rabta kawżali bejn il-ksur tal-obbligu tal-awtur tal-att u d-dannu mġarrab mill-persuni leżi (ara, f’dan is-sens, is-sentenza tad‑19 ta’ April 2012, Artegodan vs Il‑Kummissjoni, C‑221/10 P, EU:C:2012:216, punt 80 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">172</p>
</td>
<td valign="top">
<p class="normal">Skont ġurisprudenza stabbilita, il-kundizzjonijiet għall-istabbiliment tar-responsabbiltà mhux kuntrattwali tal-Unjoni, fis-sens tat-tieni paragrafu tal-Artikolu 340 TFUE, huma kumulattivi (ara, f’dan is-sens, is-sentenza tas‑7 ta’ Diċembru 2010, Fahas vs Il‑Kunsill, T‑49/07, EU:T:2010:499, punt 93, u d-digriet tas‑17 ta’ Frar 2012, Dagher vs Il‑Kunsill, T‑218/11, mhux ippubblikat, EU:T:2018:82, punt 34). Minn dan isegwi li, meta waħda minn dawn il-kundizzjonijiet ma tkunx issodisfatta, ir-rikors ikollu jiġi miċħud fl-intier tiegħu, mingħajr ma jkun meħtieġ li jiġu eżaminati l-kundizzjonijiet l-oħra (ara, f’dan is-sens, is-sentenzi tad‑9 ta’ Settembru 1999, Lucaccioni vs Il‑Kummissjoni, C‑257/98 P, EU:C:1999:402, punt 14, u tas‑26 ta’ Ottubru 2011, Dufour vs BĊE, T‑436/09, EU:T:2011:634, punt 193).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">173</p>
</td>
<td valign="top">
<p class="normal">Minn ġurisprudenza stabbilita sew jirriżulta li, minkejja li din hija lamentabbli, il-konstatazzjoni tal-illegalità ta’ att ġuridiku tal-Unjoni, fil-kuntest pereżempju ta’ rikors għal annullament, ma hijiex suffiċjenti sabiex jitqies li minħabba f’hekk hija stabbilita b’mod awtomatiku r-responsabbiltà mhux kuntrattwali tal-Unjoni marbuta mal-illegalità tal-aġir ta’ waħda mill-istituzzjonijiet tagħha. Sabiex jiġi aċċettat li din il-kundizzjoni hija ssodisfatta, il-ġurisprudenza teżiġi, fil-fatt, li r-rikorrent jistabbilixxi li l-istituzzjoni inkwistjoni ma tkunx wettqet sempliċi illegalità iżda ksur suffiċjentement serju ta’ dispożizzjoni legali li jkollha l-għan li tagħti drittijiet lill-individwi (sentenzi tal‑5 ta’ Ġunju 2019, Bank Saderat vs Il‑Kunsill, T‑433/15, mhux ippubblikata, EU:T:2019:374, punt 48, u tas‑7 ta’ Lulju 2021, HTTS vs Il‑Kunsill, T‑692/15 RENV, EU:T:2021:410, punt 53).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">174</p>
</td>
<td valign="top">
<p class="normal">Ir-rekwiżit ta’ ksur suffiċjentement serju ta’ dispożizzjoni legali tal-Unjoni jirriżulta mill-ħtieġa li jiġu bbilanċjati, minn naħa, il-protezzjoni tal-individwi kontra l-aġir illegali tal-istituzzjonijiet u, min-naħa l-oħra, il-marġni ta’ manuvra li għandu jiġi rrikonoxxut lil dawn tal-aħħar sabiex ma tiġix ipparalizzata l-azzjoni tagħhom. Dan l-ibbilanċjar jirriżulta iktar u iktar importanti fil-qasam tal-miżuri restrittivi, fejn l-ostakoli li jiltaqa’ magħhom il-Kunsill f’termini ta’ disponibbiltà tal-informazzjoni ħafna drabi jagħmlu partikolarment diffiċli l-evalwazzjoni li jkollu jwettaq (sentenzi tal‑10 ta’ Settembru 2019, HTTS vs Il‑Kunsill, C‑123/18 P, EU:C:2019:694, punt 34, u tas‑7 ta’ Lulju 2021, Bateni vs Il‑Kunsill, T‑455/17, EU:T:2021:411, punt 90).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">175</p>
</td>
<td valign="top">
<p class="normal">Barra minn hekk, il-prova ta’ ksur suffiċjentement serju hija intiża sabiex jiġi evitat, b’mod partikolari fil-qasam tal-miżuri restrittivi, li l-missjoni li l-istituzzjoni kkonċernata hija mistennija twettaq fl-interess ġenerali tal-Unjoni u tal-Istati Membri tagħha tiġi ostakolata bir-riskju li din l-istituzzjoni tkun finalment mistennija tagħmel tajjeb għad-danni li l-persuni kkonċernati mill-atti tagħha jistgħu eventwalment iġarrbu, mingħajr madankollu ma jitħallew fuq dawn l-individwi l-konsegwenzi patrimonjali jew morali ta’ nuqqasijiet li l-istituzzjoni kkonċernata tkun wettqet b’mod flagranti u mhux skużabbli (sentenzi tal‑5 ta’ Ġunju 2019, Bank Saderat vs Il‑Kunsill, T‑433/15, mhux ippubblikata, EU:T:2019:374, punt 49, u tas‑7 ta’ Lulju 2021, HTTS vs Il‑Kunsill, T‑692/15 RENV, EU:T:2021:410, punt 54). </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">176</p>
</td>
<td valign="top">
<p class="normal">Fil-fatt, l-għan usa’ taż-żamma tal-paċi u tas-sigurtà internazzjonali, konformement mal-finalitajiet tal-azzjoni esterna tal-Unjoni stabbiliti fl-Artikolu 21 TUE, huwa ta’ natura li jiġġustifika konsegwenzi negattivi, anki kunsiderevoli, li jirriżultaw, għal ċerti operaturi ekonomiċi, mid-deċiżjonijiet li jimplimentaw l-atti adottati mill-Unjoni sabiex jintlaħaq dan l-għan fundamentali (sentenzi tal‑5 ta’ Ġunju 2019, Bank Saderat vs Il‑Kunsill, T‑433/15, mhux ippubblikata, EU:T:2019:374, punt 50, u tas‑7 ta’ Lulju 2021, HTTS vs Il‑Kunsill, T‑692/15 RENV, EU:T:2021:410, punt 55).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">177</p>
</td>
<td valign="top">
<p class="normal">Fir-rigward tal-kundizzjoni dwar ir-realtà tad-dannu, skont il-ġurisprudenza, ir-responsabbiltà tal-Unjoni tista’ tiġi stabbilita biss jekk ir-rikorrent ikun effettivament ġarrab dannu reali u ċert. Huwa r-rikorrent li għandu jipproduċi provi konklużivi kemm dwar l-eżistenza kif ukoll dwar il-portata tad-danni invokati minnu (ara, f’dan is-sens, is-sentenza tat‑30 ta’ Mejju 2017, Safa Nicu Sepahan vs Il‑Kunsill, C‑45/15 P, EU:C:2017:402, punti 61 u 62 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">178</p>
</td>
<td valign="top">
<p class="normal">Fl-aħħar nett, għandu jitfakkar li l-eżistenza ta’ dannu reali u ċert ma tistax titqies b’mod astratt mill-qorti tal-Unjoni, iżda għandha tkun evalwata skont iċ-ċirkustanzi tal-fatti preċiżi li jikkaratterizzaw kull kawża mressqa quddiem din tal-aħħar (ara s-sentenza tat‑30 ta’ Mejju 2017, Safa Nicu Sepahan vs Il‑Kunsill, C‑45/15 P, EU:C:2017:402, punt 79 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">179</p>
</td>
<td valign="top">
<p class="normal">F’dan il-każ, f’dak li jirrigwarda l-allegata ħsara għar-reputazzjoni tar-rikorrenti, għandu jiġi kkonstatat li dan l-argument ma huwiex issostanzjat. Fil-fatt, ir-rikorrenti sempliċement issostni li l-atti kkontestati ħolqu stmerrija u nuqqas ta’ fiduċja fil-konfront tagħha mingħajr ma pproduċiet ebda prova insostenn ta’ din l-allegazzjoni. Barra minn hekk, hija ma pproduċiet ebda prova li turi l-eżistenza ta’ relazzjonijiet soċjali fil-Kroazja jew f’Ċipru. Bl-istess mod, ir-rikorrenti lanqas ma stabbilixxiet, permezz ta’ provi, li l-inklużjoni ta’ isimha kien is-suġġett ta’ kopertura wiesgħa fil-media. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">180</p>
</td>
<td valign="top">
<p class="normal">Barra minn hekk, fir-rigward tal-argument ibbażat fuq il-ħsara għar-reputazzjoni tagħha li tirriżulta mill-irtirar tan-nazzjonalità Ċiprijotta tagħha, mingħajr ma hemm lok li tingħata deċiżjoni dwar l-ammissibbiltà ta’ dan l-argument imqajjem għall-ewwel darba fl-osservazzjonijiet tar-rikorrenti dwar in-nota ta’ intervent tal-Kummissjoni, għandu jiġi rrilevat li dan id-dannu jirriżulta minn att adottat mill-awtoritajiet nazzjonali u mhux minn att adottat mill-istituzzjonijiet tal-Unjoni, b’tali mod li ma huwiex ta’ natura li jistabbilixxi r-responsabbiltà mhux kuntrattwali ta’ dawn tal-aħħar. Il-fatt li l-irtirar tan-nazzjonalità Ċiprijotta huwa konsekuttiv għall-adozzjoni ta’ miżuri restrittivi fil-konfront tar-rikorrenti ma huwiex ta’ natura li jibdel din il-konklużjoni. Fil-fatt, l-istituzzjonijiet tal-Unjoni ma jistgħux jistabbilixxu r-responsabbiltà mhux kuntrattwali tagħhom għal atti ġuridiċi adottati mill-Istati Membri wara l-inklużjoni ta’ isem persuna fil-listi kontenzjużi. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">181</p>
</td>
<td valign="top">
<p class="normal">Għandu jingħad ukoll li r-rikorrenti ma tipproduċi ebda prova li tista’ tiġġustifika l-ammont ta’ EUR 1 000 000 mitlub bħala kumpens għall-allegat dannu morali tagħha meta hija kellha tagħmel dan konformement mal-ġurisprudenza ċċitata fil-punti 177 u 178 iktar ’il fuq.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">182</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, għandu jiġi konkluż li l-kundizzjoni dwar ir-realtà tad-dannu ma hijiex, f’dan il-każ, issodisfatta. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">183</p>
</td>
<td valign="top">
<p class="normal">Fi kwalunkwe każ, għandu jitfakkar li l-konstatazzjoni tal-illegalità tal-miżuri restrittivi meħuda kontra persuna jew entità hija ta’ natura li tikkostitwixxi forma ta’ kumpens għad-dannu morali mġarrab mill-persuna jew l-entità kkonċernata (ara, f’dan is-sens, is-sentenza tat‑28 ta’ Mejju 2013, Abdulrahim vs Il‑Kunsill u Il‑Kummissjoni, C‑239/12 P, EU:C:2013:331, punt 72).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">184</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, it-talba għad-danni, li tikkonċerna l-atti ta’ żamma ta’ Settembru 2022, għandha tiġi miċħuda peress li r-realtà u l-portata tad-dannu allegat ma humiex stabbiliti b’mod suffiċjenti fid-dritt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">V.</p>
</td>
<td valign="top">
<p class="normal">Fuq l‑ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">185</p>
</td>
<td valign="top">
<p class="normal">Skont l-Artikolu 134(1) tar-Regoli tal-Proċedura tal-Qorti Ġenerali, il-parti li titlef il-kawża għandha tiġi kkundannata għall-ispejjeż, jekk dawn ikunu ntalbu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">186</p>
</td>
<td valign="top">
<p class="normal">Skont l-Artikolu 138(1) ta’ dawn ir-Regoli, l-Istati Membri u l-istituzzjonijiet li intervjenew fil-kawża għandhom ibatu l-ispejjeż rispettivi tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">187</p>
</td>
<td valign="top">
<p class="normal">Peress li l-Kunsill tilef, hemm lok li jiġi kkundannat għall-ispejjeż tiegħu kif ukoll għal dawk tar-rikorrenti, kif mitlub minn din tal-aħħar. Min-naħa tagħha, il-Kummissjoni għandha tbati l-ispejjeż tagħha stess.</p>
</td>
</tr>
</table>
    <p class="C41DispositifIntroduction" id="para-288" title="page-2">
      Għal dawn il-motivi,
    </p>
    <p class="C19Centre" id="para-289" title="page-2">
      IL-QORTI ĠENERALI (L-Ewwel Awla Estiża)
    </p>
    <p class="C02AlineaAltA" id="para-290" title="page-2">
      taqta’ u tiddeċiedi:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1)</p>
</td>
<td valign="top">
<p class="normal">Id-Deċiżjoni tal-Kunsill (PESK) 2022/1530 tal‑14 ta’ Settembru 2022 li temenda d-Deċiżjoni 2014/145/PESK dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna, ir-Regolament ta’ Implimentazzjoni tal-Kunsill (UE) 2022/1529 tal‑14 ta’ Settembru 2022 li jimplimenta r-Regolament (UE) Nru 269/2014 dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna, id-Deċiżjoni tal-Kunsill (PESK) 2023/572 tat‑13 ta’ Marzu 2023 li temenda d-Deċiżjoni 2014/145/PESK dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna, ir-Regolament ta’ Implimentazzjoni tal-Kunsill (UE) 2023/571 tat‑13 ta’ Marzu 2023 li jimplimenta r-Regolament (UE) Nru 269/2014 dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna, id-Deċiżjoni tal-Kunsill (PESK) 2023/1767 tat‑13 Settembru 2023 li temenda d-Deċiżjoni 2014/145/PESK dwar miżuri restrittivi fir-rigward ta’ azzjonijiet li jipperikolaw jew jheddu l-integrità territorjali, is-sovranità u l-indipendenza tal-Ukrajna, u r-Regolament ta’ Implimentazzjoni tal-Kunsill (UE) 2023/1765 tat‑13 ta’ Settembru 2023 li jimplimenta r-Regolament (UE) Nru 269/2014 dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna huma annullati sa fejn isem Maya Tokareva nżamm fil-listi tal-persuni, tal-entitajiet u tal-organi li għalihom japplikaw dawn il-miżuri restrittivi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2)</p>
</td>
<td valign="top">
<p class="normal">It-talba għad-danni imressqa minn M. Tokareva hija miċħuda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3)</p>
</td>
<td valign="top">
<p class="normal">Il-Kunsill tal-Unjoni Ewropea huwa kkundannat ibati l-ispejjeż tiegħu kif ukoll dawk ta’ M. Tokareva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4)</p>
</td>
<td valign="top">
<p class="normal">Il-Kummissjoni Ewropea għandha tbati l-ispejjeż tagħha stess.</p>
</td>
</tr>
</table>
    <div class="signatures">
<p class="C77SignaturesComposition" id="para-295" title="page-2">
<span class="signatory">Spielmann</span>
<span class="signatory_separator"> </span>
<span class="signatory">Mastroianni</span>
<span class="signatory_separator"> </span>
<span class="signatory">Brkan</span>
</p>
<p class="C77SignaturesComposition" id="para-296" title="page-2">
<span class="signatory">Gâlea</span>
<span class="signatory_separator"> </span>
<span class="signatory_separator"> </span>
<span class="signatory">Kalėda</span>
</p>
<p class="C77SignaturesAlinea" id="para-297" title="page-2">
<span class="signatory">Mogħtija f’qorti bil-miftuħ fil-Lussemburgu, fil</span>
<span class="signatory">‑</span>
<span class="signatory">11 ta’ Settembru 2024.</span>
</p>
<p class="C77Signatures" id="para-298" title="page-2">
<span class="signatory">Firem</span>
</p>
</div>
    
    
    
    <div class="toc">
<p class="C19Centre" id="para-299" title="page-2">
<span>Werrej</span>
</p>
<p class="CTOC1" id="para-300" title="page-2">
<span>I. Il‑fatti li wasslu għall‑kawża </span>
<span>3</span>
</p>
<p class="CTOC1" id="para-301" title="page-2">
<span>II. Il‑fatti li seħħew wara l‑preżentata tar‑rikors </span>
<span>6</span>
</p>
<p class="CTOC1" id="para-302" title="page-2">
<span>III. It‑talbiet tal‑partijiet </span>
<span>8</span>
</p>
<p class="CTOC1" id="para-303" title="page-2">
<span>IV. Id‑dritt </span>
<span>8</span>
</p>
<p class="CTOC2" id="para-304" title="page-2">
<span>A. Fuq it‑talba għall‑annullament tal‑atti kkontestati </span>
<span>8</span>
</p>
<p class="CTOC3" id="para-305" title="page-2">
<span>1. Fuq it‑tieni motiv, ibbażat fuq żball ta’ liġi u fuq żbalji manifesti ta’ evalwazzjoni </span>
<span>9</span>
</p>
<p class="CTOC4" id="para-306" title="page-2">
<span>a) Kunsiderazzjonijiet preliminari </span>
<span>9</span>
</p>
<p class="CTOC4" id="para-307" title="page-2">
<span>b) Fuq l‑iżball ta’ liġi, ibbażat fuq l‑inklużjoni tar‑rikorrenti bħala persuna assoċjata ma’ Stanislav Chemezov </span>
<span>12</span>
</p>
<p class="CTOC4" id="para-308" title="page-2">
<span>c) Fuq l‑iżball ta’ evalwazzjoni sa fejn ir‑rikorrenti ġiet inkluża bħala persuna assoċjata ma’ missierha </span>
<span>15</span>
</p>
<p class="CTOC5" id="para-309" title="page-2">
<span>1) Fuq l‑atti ta’ żamma ta’ Settembru 2022 </span>
<span>15</span>
</p>
<p class="CTOC6" id="para-310" title="page-2">
<span>i) Fuq l‑affidabbiltà tad-dokumenti fil-fajl bil-provi inizjali </span>
<span>15</span>
</p>
<p class="CTOC6" id="para-311" title="page-2">
<span>ii) Fuq l‑Anness B.5 tar‑risposta. </span>
<span>18</span>
</p>
<p class="CTOC6" id="para-312" title="page-2">
<span>iii) Fuq il‑fondatezza taż‑żamma tal‑inklużjoni tar‑rikorrenti bħala persuna assoċjata ma’ missierha </span>
<span>19</span>
</p>
<p class="CTOC5" id="para-313" title="page-2">
<span>2) Fuq l‑atti ta’ żamma ta’ Marzu 2023 </span>
<span>28</span>
</p>
<p class="CTOC6" id="para-314" title="page-2">
<span>i) Fuq l‑affidabbiltà tal‑provi </span>
<span>28</span>
</p>
<p class="CTOC6" id="para-315" title="page-2">
<span>ii) Fuq il‑fondatezza taż‑żamma tal‑inklużjoni tar‑rikorrenti bħala persuna assoċjata ma’ missierha </span>
<span>29</span>
</p>
<p class="CTOC4" id="para-316" title="page-2">
<span>d) Fuq l‑applikazzjoni għar‑rikorrenti tat‑tieni parti tal‑kriterju (g) kif emendat </span>
<span>32</span>
</p>
<p class="CTOC5" id="para-317" title="page-2">
<span>1) Fuq l‑affidabbiltà tal‑provi </span>
<span>32</span>
</p>
<p class="CTOC5" id="para-318" title="page-2">
<span>2) Fuq il‑fondatezza taż‑żamma ta’ isem ir‑rikorrenti abbażi tat‑tieni parti tal‑kriterju (g) kif emendat </span>
<span>34</span>
</p>
<p class="CTOC3" id="para-319" title="page-2">
<span>2. Fuq l‑effetti tal‑annullament tal‑atti kkontestati </span>
<span>42</span>
</p>
<p class="CTOC2" id="para-320" title="page-2">
<span>B. Fuq it‑talba għad‑danni </span>
<span>42</span>
</p>
<p class="CTOC1" id="para-321" title="page-2">
<span>V. Fuq l‑ispejjeż </span>
<span>45</span>
</p>
<p class="C19Centre" id="para-322" title="page-1">
<span/>
</p>
</div>
    
    
    
    
    
    
    
    
    
    
    
    
    
    
    
    
    
    
    
    
    
    
    
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: il-Franċiż.</p>
</body>
</html>
