|
16.10.2020 |
MT |
Il-Ġurnal Uffiċjali tal-Unjoni Ewropea |
L 342/1 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/1497
tal-15 ta’ Ottubru 2020
dwar l-awtorizzazzjoni tal-L-metijonina prodotta mill-Corynebacterium glutamicum KCCM 80 184 u mill-Escherichia coli KCCM 80 096 bħala addittiv tal-għalf għall-ispeċijiet kollha tal-annimali
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,
Billi:
|
(1) |
Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali. |
|
(2) |
F’konformità mal-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni tal-L-metijonina prodotta mill-Corynebacterium glutamicum KCCM 80 184 u mill-Escherichia coli KCCM 80 096 bħala addittiv tal-għalf għall-użu fl-għalf għall-ispeċijiet kollha tal-annimali. Mal-applikazzjoni ntbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003. |
|
(3) |
L-applikazzjoni tikkonċerna l-awtorizzazzjoni tal-L-metijonina prodotta mill-Corynebacterium glutamicum KCCM 80 184 u mill-Escherichia coli KCCM 80 096 bħala addittiv tal-għalf għall-ispeċijiet kollha tal-annimali, li trid tiġi kklassifikata fil-kategorija tal-addittivi “addittivi nutrittivi”. |
|
(4) |
Fl-opinjoni tagħha tat-12 ta’ Novembru 2019 (2), l-Awtorità Ewropea dwar is-Sigurtà tal-Ikel (“l-Awtorità”) ikkonkludiet li, fil-kundizzjonijiet tal-użu proposti, l-L-metijonina prodotta mill-Corynebacterium glutamicum KCCM 80 184 u mill-Escherichia coli KCCM 80 096 ma għandhiex effett avvers fuq is-saħħa tal-annimali, fuq is-saħħa tal-bniedem jew fuq l-ambjent. |
|
(5) |
L-Awtorità kkonkludiet ukoll li l-L-metijonina prodotta mill-Corynebacterium glutamicum KCCM 80 184 u mill-Escherichia coli KCCM 80 096 hija sors effettiv ta’ metijonina għall-ispeċijiet kollha tal-annimali u li sabiex ikun effettiv fl-ispeċijiet ruminanti daqs fl-ispeċijiet mhux ruminanti, l-addittiv jenħtieġ li jiġi protett kontra d-degradazzjoni fil-kirxa. |
|
(6) |
L-Awtorità ma tqisx li hemm bżonn ta’ rekwiżiti speċifiċi għas-sorveljanza ta’ wara t-tqegħid fis-suq. Ivverifikat ukoll ir-rapport dwar il-metodu tal-analiżi tal-addittiv tal-għalf fl-għalf li tressaq mil-Laboratorju ta’ Referenza stabbilit bir-Regolament (KE) Nru 1831/2003. |
|
(7) |
Il-valutazzjoni ta’ dan l-addittiv turi li l-kundizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, huma ssodisfati. Għalhekk, l-użu ta’ dan l-addittiv jenħtieġ li jiġi awtorizzat kif speċifikat fl-Anness ta’ dan ir-Regolament. |
|
(8) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Is-sustanza speċifikata fl-Anness, li taqa’ taħt il-kategorija tal-addittivi “addittivi nutrittivi” u l-grupp funzjonali “l-amminoaċidi, l-imlieħ u l-analogi tagħhom”, hija awtorizzata bħala addittiv tal-għalf fin-nutrizzjoni tal-annimali soġġett għall-kundizzjonijiet stabbiliti f’dak l-Anness.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-15 ta’ Ottubru 2020.
Għall-Kummissjoni
Il-President
Ursula VON DER LEYEN
(1) ĠU L 268, 18.10.2003, p. 29.
(2) EFSA Journal 2019;17(12):5917.
ANNESS
|
Numru ta’ identifikazzjoni tal-addittiv |
Isem id-detentur tal-awtorizzazzjoni |
Addittiv |
Kompożizzjoni, formula kimika, deskrizzjoni, metodu analitiku |
Speċi jew kategorija tal-annimal |
Età massima |
Kontenut minimu |
Kontenut massimu |
Dispożizzjonijiet oħrajn |
Tmiem il-perjodu ta’ awtorizzazzjoni |
||||||||||||||||||
|
mg/kg ta’ għalf komplet b’kontenut ta’ ndewwa ta’ 12 % |
|||||||||||||||||||||||||||
|
Kategorija: addittivi nutrizzjonali. Grupp funzjonali: aċidi amminiċi, l-imlieħ u l-analogi tagħhom |
|||||||||||||||||||||||||||
|
3c305 |
– |
L-metijonina |
Kompożizzjoni tal-addittiv Trab b’minimu ta’ 98,5 % ta’ L-metijonina u b’kontenut massimu ta’ ndewwa ta’ 0,5 % ------------------ Karatterizzazzjoni tas-sustanza attiva L-metijonina prodotta bil-fermentazzjoni mal-Corynebacterium glutamicum KCCM 80 184 u mal-Escherichia coli KCCM 80 096 Formula kimika: C5H11NO2S Numru CAS: 63-68-3. ------------------ Metodi analitiċi (1) Għad-determinazzjoni tal-L-metijonina fl-addittiv tal-għalf:
Għad-determinazzjoni tal-metijonina fit-taħlitiet lesti minn qabel:
Għad-determinazzjoni tal-metijonina fl-għalf kompost u fil-materjali tal-għalf:
Għad-determinazzjoni tal-metijonina fl-ilma:
|
L-ispeċijiet kollha |
– |
– |
– |
|
5.11.2030 |
||||||||||||||||||
(1) Id-dettalji dwar il-metodi analitiċi jinsabu fl-indirizz tal-Laboratorju ta’ Referenza li ġej: https://ec.europa.eu/jrc/en/eurl/feed-additives/evaluation-reports