|
11.5.2023 |
MT |
Il-Ġurnal Uffiċjali tal-Unjoni Ewropea |
L 125/12 |
REGOLAMENT TA’ IMPLIMENTAZZJONI TAL-KUMMISSJONI (UE) 2023/937
tal-10 ta’ Mejju 2023
li jikkoreġi r-Regolament ta’ Implimentazzjoni (UE) 2017/2470 fir-rigward tal-inklużjoni tal-in“fosfat tad-diammid iffosfatat prodott mil-lamtu tal-qamħ” fil-lista tal-Unjoni tal-ikel il-ġdid
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2015/2283 tal-Parlament Ewropew u tal-Kunsill tal-25 ta’ Novembru 2015 dwar ikel ġdid, li jemenda r-Regolament (UE) Nru 1169/2011 tal-Parlament Ewropew u tal-Kunsill u li jħassar ir-Regolament (KE) Nru 258/97 tal-Parlament Ewropew u tal-Kunsill u r-Regolament tal-Kummissjoni (KE) Nru 1852/2001 (1), u b’mod partikolari, l-Artikolu 8 tiegħu,
Wara li kkonsultat mal-Kumitat Permanenti dwar il-Pjanti, l-Annimali, l-Ikel u l-Għalf,
Billi:
|
(1) |
Skont l-Artikolu 8 tar-Regolament (UE) 2015/2283, sal-1 ta’ Jannar 2018 il-Kummissjoni kellha tistabbilixxi l-lista tal-Unjoni tal-ikel il-ġdid awtorizzat jew innotifikat skont ir-Regolament (KE) Nru 258/97 tal-Parlament Ewropew u tal-Kunsill (2). |
|
(2) |
Il-lista tal-Unjoni tal-ikel il-ġdid awtorizzat jew innotifikat skont ir-Regolament (KE) Nru 258/97 ġiet stabbilita bir-Regolament ta’ Implimentazzjoni tal-Kummissjoni (UE) 2017/2470 (3). |
|
(3) |
Il-Kummissjoni identifikat żball fl-Anness tar-Regolament ta’ Implimentazzjoni (UE) 2017/2470. Biex ikun hemm ċarezza u ċertezza legali għall-operaturi tan-negozji tal-ikel u għall-awtoritajiet kompetenti tal-Istati Membri, u b’hekk ikun hemm lok għall-implimentazzjoni u għall-użu kif suppost tal-lista tal-Unjoni tal-ikel il-ġdid, tenħtieġ korrezzjoni. |
|
(4) |
L-ikel il-ġdid “Fosfat tad-diammid iffosfatat prodott mil-lamtu tal-qamħ” (lamtu tal-qamħ iffosfatat) ġie awtorizzat taħt ċerti kundizzjonijiet tal-użu mill-awtorità kompetenti tar-Renju Unit f’Mejju 2014 f’konformità mar-Regolament (KE) Nru 258/97. Meta ġiet stabbilita l-lista oriġinali tal-Unjoni, l-ikel il-ġdid tħalla barra minnha bi żball. Għalhekk jixraq li l-“Fosfat tad-diammid iffosfatat prodott mil-lamtu tal-qamħ” jiżdied mal-lista tal-Unjoni tal-ikel il-ġdid. |
|
(5) |
Għalhekk jenħtieġ li r-Regolament ta’ Implimentazzjoni (UE) 2017/2470 jiġi kkoreġut. |
ADOTTAT DAN IR-REGOLAMENT:
Artikolu 1
L-Anness tar-Regolament ta’ Implimentazzjoni (UE) 2017/2470 huwa kkoreġut f’konformità mal-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-10 ta’ Mejju 2023.
Għall-Kummissjoni
Il-President
Ursula VON DER LEYEN
(1) ĠU L 327, 11.12.2015, p. 1.
(2) Ir-Regolament (KE) Nru 258/97 tal-Parlament Ewropew u tal-Kunsill tas-27 ta’ Jannar 1997 dwar l-ikel il-ġdid u l-ingredjenti tal-ikel il-ġdid (ĠU L 43, 14.2.1997, p. 1).
(3) Ir-Regolament ta’ Implimentazzjoni tal-Kummissjoni (UE) 2017/2470 tal-20 ta’ Diċembru 2017 li jistabbilixxi l-lista tal-Unjoni tal-ikel ġdid skont ir-Regolament (UE) 2015/2283 tal-Parlament Ewropew u tal-Kunsill dwar ikel ġdid (ĠU L 351, 30.12.2017, p. 72).
ANNESS
L-Anness tar-Regolament ta’ Implimentazzjoni (UE) 2017/2470 huwa kkoreġut kif ġej:
|
(a) |
fit-Tabella 1 (L-ikel il-ġdid awtorizzat), tiddaħħal l-entrata li ġejja bejn l-entrata tal-“Lamtu tal-qamħirrum iffosfatat” u l-entrata tal-“Fosfatidilserina mill-fosfolipidi tal-ħut”:
|
|
(b) |
fit-Tabella 2 (Speċifikazzjonijiet), tiddaħħal l-entrata li ġejja bejn l-entrata tal-“lamtu tal-qamħirrum iffosfatat” u l-entrata tal “Fosfatidilserina mill-fosfolipidi tal-ħut”:
|
|||||||||||||||||||||||||||||||||||||