1.   

Fl-20 ta’ Marzu 2020, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	The Goldman Sachs Group Inc. (“Goldman Sachs”, l-Istati Uniti tal-Amerka),

—	Summa Equity AB (“Summa Equity”, l-Iżvezja), sussidjarja ta’ Summa Equity Holding AB (l-Iżvezja),

—	EcoOnline AS (“EcoOnline”, in-Norveġja), bħalissa ikkontrollata esklużivament mill-fond Summa Equity I, li tappartjeni għal Summa Equity.

Goldman Sachs u Summa Equity jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll bi sħab ta’ EcoOnline kollha kemm hi.

Il-konċentrazzjoni hija mwettqa permezz ta’ xiri ta’ ishma.

2.   

L-attivitajiet kummerċjali tal-impriżi kkonċernati huma:

—	Goldman Sachs: ditta dinjija ta’ servizzi bankarji għall-investiment, titoli u ġestjoni tal-investimenti.

—	Summa Equity: fond ta’ ekwità privata li jifforka fuq investiment fis-segment tal-kapitalizzazzjoni medja fit-Tramuntana tal-Ewropa.

—	EcoOnline: kumpanija li tipprovdi software dwar is-saħħa u s-sigurtà u servizzi oħra relatati għal dan.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.9799 — Goldman Sachs/Summa Equity/EcoOnline

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË