(1)

Wara l-adozzjoni tar-Regolament tal-Kummissjoni (KE) Nru 408/2009 (2) li jemenda r-Regolament (KE) Nru 793/2006 u b’mod partikolari l-Artikolu 46 a li jispeċifika li volum minimu ta' 15 % ta' ħalib frisk tal-baqra li għandu jiġi inkorporat fil-ħalib UHT rikostitwit u maħsub għall-konsum lokali fil-Madejra, instab li l-ħalib frisk kollu li ġie prodott lokalment huwa użat b’mod sħiħ mill-industrija lokali tal-ġobon. Sabiex jiġi evitat kull tfixkil għall-bilanċ ekonomiku li hu diġà stabbilit u biex ikun żgurat li l-ħalib frisk prodott lokalment ikun jista’ jiġi proċessat fi prodotti b’valur miżjud għoli, jidher li huwa xieraq li jiġi eliminat l-obbligu ta' rata minima ta' inkorporazzjoni.

(2)

B’kunsiderazzjoni għall-emenda għall-Artikolu 19(4), tar-Regolament (KE) Nru 247/2006 permezz tar-Regolament (UE) Nru 641/2010 tal-Parlament Ewropew u tal-Kunsill (3) li mill-1 ta' Jannar 2010 neħħiet l-obbligu tal-Kummissjoni, li tiġi stabbilita rata ta' inkorporazzjoni għall-ħalib frisk prodott lokalment, jeħtieġ li minn din id-data jitneħħa wkoll l-Artikolu 46 a tar-Regolament tal-Kummissjoni (KE) Nru 793/2006 (4).

(3)

B’riżultat ta' dan, ir-Regolament (KE) Nru 793/2006 għandu jiġi emendat.

(4)

Il-miżuri provduti f’dan ir-Regolament huma skont l-opinjoni tal-Kumitat ta' Ġestjoni għall-Pagamenti Diretti,