1.   

An 13 Iúil 2022, fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—	CVC Partners SICAV-FIS S.A. (“CVC”, Lucsamburg),

—	Nordic Capital XI Limited (“Nordic Capital”, Geirsí),

—	Cary Group Holding AB (publ) (“Cary Group”, an tSualainn).

Gheobhaidh CVC agus Nordic Capital rialú comhpháirteach, de réir bhrí Airteagal 3(1)(b) den Rialachán um Chumaisc, ar Cary Group ina iomláine.

Baintear an comhchruinniú amach trí bhíthin tairiscint phoiblí a fógraíodh an 29 Meitheamh 2022.

2.   

Is iad seo a leanas gníomhaíochtaí gnó na ngnóthas lena mbaineann:

—	I gcás CVC: infheistíocht i gcothromas príobháideach,

—	I gcás Nordic Capital: grúpa de chistí cothromais phríobháidigh a dhíríonn go háirithe ar chúram sláinte, ar theicneolaíocht agus ar íocaíochtaí, ar sheirbhísí airgeadais, ar sheirbhísí tionsclaíocha agus gnó agus ar tháirgí tomhaltais,

—	I gcás Cary Group: seirbhísí deisithe agus athsholáthair gloine feithicle a bhfuil láithreacht áitiúil acu sa tSualainn, san Iorua, san Fhionlainn, sa Ghearmáin, san Ostair, i Lucsamburg, sa Spáinn, sa Phortaingéil agus sa Ríocht Aontaithe.

3.   

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart faoinar tugadh fógra a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.

4.   

Iarrann an Coimisiún ar thríú páirtithe leasmhara aon bharúil a d’fhéadfadh a bheith acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.10828 — CVC / NORDIC CAPITAL / CARY GROUP

Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála:

R-phost: COMP-MERGER-REGISTRY@ec.europa.eu

Facs +32 22964301

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË