<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2026-02-202602C112202400480-00-TRA-DOC-MT-ARRET-C-0048-24-202600527-07_00</title>
    <meta content="text/html; charset=utf-8" http-equiv="Content-Type"/>
    <meta content="true" name="ParExtraits_2021"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="18/03/2026 12:07:13" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="9rd/9UP7EwSRPgnNMXxV0NHI+4L8wCZHWolacLZklzcQE5U3rU/EmgRr4f6kzK/LCDYynM+vdyAlchQZofBUqwm+oGBQmmZ5Fb4z4ct/8Ab9JUKtnILn0AZWo5SdMSI1bPB4J9QUwn7Y2wWcAbYpduDgmRTXN9Dw8Fm/Or8hmGM=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="deliaca" name="Gendoc_User"/>
    <meta content="10, 3, 0, 1" name="MSIP_Label_6bd9ddd1-4d20-43f6-abfa-fc3c07406f94_Tag"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="92dbebbf-264e-463e-bf8c-981d31bf34f2" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0048" name="NumeroOrdre"/>
    <meta content="2024" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="deliaca" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 10-02-26 10:04:46" name="Created"/>
    <meta content="" name="Canevas3_Vademecum"/>
    <meta content="2026-02-13T07:27:37Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="69bbaec68ce5408392bccec68bab63d9" name="DocumentIdentifier"/>
    <meta content="0048" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Sentenza tat‑12.2.2026 – Kawża C‑48/24</div>
      <div id="rId21" style="default">Vilniaus tarptautinė mokykla</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (L‑Ewwel Awla)
    </p>
    <p class="C19Centre" id="para-2" title="page-1">
      12 ta’ Frar 2026  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Artikolu 49 TFUE – Libertà ta’ stabbiliment – Kamp ta’ applikazzjoni – Attività ekonomika – Rikonoxximent ta’ kwalifiki professjonali – Direttiva 2005/36/KE – Artikolu 53 – Għarfien lingwistiku – Leġiżlazzjoni nazzjonali li tipprevedi rekwiżit ta’ għarfien tal-lingwa uffiċjali mill-għalliema u mill-membri tal-persunal amministrattiv f’komunikazzjoni regolari mal-pubbliku u mal-awtoritajiet amministrattivi, impjegati ta’ stabbiliment ta’ tagħlim privat – Artikolu 4(2) TUE – Identità nazzjonali ta’ Stat Membru – Protezzjoni u promozzjoni tal-lingwa uffiċjali ta’ Stat Membru – Stabbiliment ta’ tagħlim privat li jipprovdi programmi internazzjonali ta’ edukazzjoni – Kundizzjoni ta’ neċessità – Prinċipju ta’ proporzjonalità – Rekwiżit ta’ għarfien tal-lingwa uffiċjali mingħajr il-possibbiltà ta’ eċċezzjoni jew ta’ flessibbiltà”
    </p>
    <p class="C02AlineaAltA" id="para-4" title="page-1">
      Fil-Kawża C‑48/24,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa mil-Lietuvos vyriausiasis administracinis teismas (il-Qorti Amministrattiva Suprema tal-Litwanja), permezz ta’ deċiżjoni tal‑24 ta’ Jannar 2024, li waslet fil-Qorti tal-Ġustizzja fil‑25 ta’ Jannar 2024, fil-proċedura
    </p>
    <p class="C02AlineaAltA" id="para-6" title="page-1">
      VšĮ “Vilniaus tarptautinė mokykla”
    </p>
    <p class="C02AlineaAltA" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      Valstybinė kalbos inspekcija,
    </p>
    <p class="C19Centre" id="para-9" title="page-1">
      IL-QORTI TAL-ĠUSTIZZJA (L‑Ewwel Awla),
    </p>
    <p class="C02AlineaAltA" id="para-10" title="page-1">
      komposta minn F. Biltgen, President tal-Awla, T. von Danwitz (Relatur), Viċi President tal-Qorti tal-Ġustizzja, I. Ziemele, A. Kumin u S. Gervasoni, Imħallfin,
    </p>
    <p class="C02AlineaAltA" id="para-11" title="page-1">
      Avukat Ġenerali: N. Emiliou,
    </p>
    <p class="C02AlineaAltA" id="para-12" title="page-1">
      Reġistratur: A. Calot Escobar,
    </p>
    <p class="C02AlineaAltA" id="para-13" title="page-1">
      wara li rat il-proċedura bil-miktub,
    </p>
    <p class="C02AlineaAltA" id="para-14" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Litwan, minn K. Dieninis, S. Grigonis u V. Kazlauskaitė‑Švenčionienė, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Latvjan, minn J. Davidoviča, K. Pommere u S. Zābele, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Olandiż, minn E. M. M. Besselink u M. K. Bulterman, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn L. Armati, G. Meeßen u A. Steiblytė, bħala aġenti,</p>
</td>
</tr>
</table>
    <p class="C02AlineaAltA" id="para-19" title="page-1">
      wara li semgħet il-konklużjonijiet tal-Avukat Ġenerali, ippreżentati fis-seduta tal‑10 ta’ Lulju 2025,
    </p>
    <p class="C02AlineaAltA" id="para-20" title="page-1">
      tagħti l-preżenti
    </p>
    <p class="C75Debutdesmotifs" id="para-21" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-Artikolu 49 TFUE u tal-Artikolu 53 tad-Direttiva 2005/36/KE tal-Parlament Ewropew u tal-Kunsill tas‑7 ta’ Settembru 2005 dwar ir-Rikonoxximent ta’ Kwalifiki Professjonali (ĠU 2005, L 255, p. 22, rettifiki fil-ĠU 2007, L 271, p. 18, fil-ĠU 2008, L 93, p. 28, fil-ĠU 2014, L 305, p. 115), kif emendata bid-Direttiva 2013/55/UE tal-Parlament Ewropew u tal-Kunsill tal‑20 ta’ Novembru 2013 (ĠU 2013, L 354, p. 132) (iktar ’il quddiem id-“Direttiva 2005/36”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ tilwima bejn il-VšĮ “Vilniaus tarptautinė mokykla” (l-Iskola Internazzjonali ta’ Vilnjus, il-Litwanja, iktar ’il quddiem il-“VTM”) u l-Valstybinė kalbos inspekcija (l-Ispettorat Nazzjonali tal-Lingwa, il-Litwanja, iktar ’il quddiem il-“VKI”) dwar ir-rekwiżit impost fuq il-VTM li tiżgura li l-għalliema u l-persunal amministrattiv tagħha jgħaddu minn eżami li jiċċertifika livell speċifiku ta’ għarfien tal-lingwa Litwana.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt tal-Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Il-premessa 26 Direttiva 2013/55/UE tal-Parlament Ewropew u tal-Kunsill tal‑20 ta’ Novembru 2013 li temenda d-Direttiva 2005/36/KE dwar ir-rikonoxximent ta’ kwalifiki professjonali u r-Regolament (UE) Nru 1024/2012 dwar il-kooperazzjoni amministrattiva permezz tas-Sistema ta’ Informazzjoni tas-Suq Intern (“ir-Regolament tal-IMI”) (ĠU 2013, L 354, p. 132), jipprovdi:</p>
</td>
</tr>
</table>
    <p class="C02AlineaAltA" id="para-27" title="page-1">
      “Id-Direttiva 2005/36/KE diġà tipprovdi għal obbligi għall-professjonisti sabiex dawn ikollhom il-ħiliet lingwistiċi meħtieġa. Ir-rieżami tal-applikazzjoni ta’ dak l-obbligu wera ħtieġa li jiġi ċċarat ir-rwol tal-awtoritajiet kompetenti u l-impjegaturi, l-aktar fl-interess tal-iżgurar aħjar tas-sikurezza tal-pazjenti. L-awtoritajiet kompetenti għandhom ikunu jistgħu japplikaw kontrolli tal-lingwa wara r-rikonoxximent tal-kwalifiki professjonali. Huwa importanti, b’mod partikolari għall-professjonijiet li għandhom implikazzjonijiet marbuta mas-sikurezza tal-pazjenti, li jiġu applikati kontrolli tal-lingwa skont id-Direttiva 2005/36/KE qabel ma l-professjonist jibda jeżerċita l-professjoni fl-Istat Membru ospitanti. Madankollu, il-kontrolli tal-lingwa għandhom ikunu raġonevoli u neċessarji għall-professjonijiet inkwistjoni u ma għandux ikollhom l-għan li jeskludu professjonisti minn Stati Membri oħra mis-suq tax-xogħol fl-Istat Membru ospitanti. […] L-impjegaturi għandhom ukoll ikomplu jiżvolġu rwol importanti fl-aċċertament tal-għarfien tal-lingwi meħtieġa biex jitwettqu l-attivitajiet professjonali fil-postijiet tax-xogħol tagħhom.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">L‑ewwel subparagrafu tal-Artikolu 2(1) tad-Direttiva 2005/36 jipprevedi:</p>
</td>
</tr>
</table>
    <p class="C02AlineaAltA" id="para-29" title="page-1">
      “Din id-Direttiva għandha tapplika għaċ-ċittadini kollha ta’ Stat Membru, inklużi dawk li jappartjenu għall-professjonijiet liberali, li jixtiequ jeżerċitaw professjoni regolata fi Stat Membru li huwa differenti minn dak li fih huma kisbu l-kwalifiki professjonali, fuq bażi ta’ xogħol għal rashom jew bħala impjegati.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">L-Artikolu 53 ta’ din id-direttiva, bit-titolu “Għarfien ta’ lingwi”, jistabbilixxi, fil-paragrafi 1 sa 3 tiegħu:</p>
</td>
</tr>
</table>
    <p class="C02AlineaAltA" id="para-31" title="page-1">
      “1. Il-professjonisti li jibbenefikaw mir-rikonoxximent ta’ kwalifiki professjonali għandu jkollhom għarfien ta’ lingwi neċessarju għall-ipprattikar tal-professjoni fl-Istat Membru ospitanti.
    </p>
    <p class="C02AlineaAltA" id="para-32" title="page-1">
      2. Stat Membru għandu jiżgura li kwalunkwe verifika mwettqa minn, jew taħt is-sorveljanza ta’ awtorità kompetenti sabiex tiġi kontrollata l-konformità mal-obbligu taħt il-paragrafu 1 tkun limitata għall-għarfien ta’ lingwa uffiċjali waħda tal-Istat Membru ospitanti, jew lingwa amministrattiva waħda tal-Istat Membru ospitanti, sakemm tkun wkoll lingwa uffiċjali tal-Unjoni.
    </p>
    <p class="C02AlineaAltA" id="para-33" title="page-1">
      3. Il-verifiki mwettqa fis-sens tal-paragrafu 2 jistgħu jiġu imposti jekk il-professjoni li se tiġi eżerċitata għandha implikazzjonijiet ta’ sikurezza għall-pazjent. Il-verifiki jistgħu jiġu imposti fir-rigward ta’ professjonijiet oħra f’każijiet fejn ikun hemm dubju serju u konkret dwar is-suffiċjenza tal-għarfien tal-lingwa professjonali fir-rigward tal-attivitajiet professjonali li dak il-professjonist għandu l-ħsieb iwettaq.
    </p>
    <p class="C02AlineaAltA" id="para-34" title="page-1">
      Il-verifiki jistgħu jitwettqu biss wara l-ħruġ ta’ Karta Professjonali Ewropea b’mod konformi mal-Artikolu 4d jew wara r-rikonoxximent ta’ kwalifika professjonali, skont il-każ.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt Litwan</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-Kostituzzjoni tar-Repubblika tal-Litwanja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">L-Artikolu 14 tal-Lietuvos Respublikos Konstitucija (il-Kostituzzjoni tar-Repubblika tal-Litwanja) jipprevedi li l-Litwan huwa l-lingwa uffiċjali tar-Repubblika tal-Litwanja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-Liġi dwar il-Lingwa Uffiċjali u d-Digriet Nru 1688</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">L-Artikolu 2 tal-Lietuvos Respublikos valstybinės kalbos įstatymas Nr. I‑779 (il-Liġi Nru I‑779 tar-Repubblika tal-Litwanja dwar il-Lingwa Uffiċjali), tal‑31 ta’ Jannar 1995 (Žin., 1995, Nru 15–344, iktar ’il quddiem il-“Liġi dwar il-Lingwa Uffiċjali”), jipprovdi:</p>
</td>
</tr>
</table>
    <p class="C02AlineaAltA" id="para-40" title="page-1">
      “Il-lingwa uffiċjali tar-Repubblika tal-Litwanja hija l-Litwan.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">L-Artikolu 6 ta’ din il-liġi jipprevedi:</p>
</td>
</tr>
</table>
    <p class="C02AlineaAltA" id="para-42" title="page-1">
      “Il-kapijiet, l-uffiċjali u l-membri tal-persunal tal-awtoritajiet, tal-korpi u tal-istituzzjonijiet pubbliċi, kif ukoll il-kapijiet, l-uffiċjali u l-aġenti tal-forzi tal-ordni, tas-servizzi tal-pulizija, tal-komunikazzjoni, tat-trasport pubbliku, tas-saħħa pubblika u tal-protezzjoni soċjali u ta’ servizzi pubbliċi oħra għandu jkollhom għarfien tal-lingwa uffiċjali li jikkorrispondi għall-kategorija ta’ għarfien lingwistiku stabbilit mill-Gvern tar-Repubblika tal-Litwanja.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Il-Lietuvos Respublikos Vyriausybės nutarimas dėl valstybinės kalbos mokėjimo kategorijų patvirtinimo ir įgyvendinimo Nr. 1688 (id-Digriet Nru 1688 tal-Gvern tar-Repubblika tal-Litwanja dwar l-Adozzjoni u l-Implimentazzjoni tal-Kategoriji ta’ Għarfien tal-Liġi Uffiċjali), tal‑24 ta’ Diċembru 2003 (Žin., 2003, Nru 123–5618), ġie adottat abbażi tal-Artikolu 6 tal-Liġi dwar il-Lingwa Uffiċjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Il-punti 2 sa 4 ta’ dan id-digriet, fil-verżjoni tiegħu applikabbli għall-fatti tat-tilwima fil-kawża prinċipali (iktar ’il quddiem id-“Digriet Nru 1688”), jipprovdu:</p>
</td>
</tr>
</table>
    <p class="C02AlineaAltA" id="para-45" title="page-1">
      “2. Il-kapijiet tal-awtoritajiet u tal-korpi pubbliċi, tal-istabbilimenti ta’ edukazzjoni li jiddependu kompletament jew parzjalment mill-Istat jew mill-komuni, tas-servizzi ta’ żvilupp reġjonali u ta’ servizzi pubbliċi oħra għandhom ikunu responsabbli sabiex jistabbilixxu l-lista tal-pożizzjonijiet tal-uffiċjali u tal-membri tal-persunal tal-Istat u tal-impjegati mħallsa mill-baġit tal-Istat jew tal-komuni jew minn fondi pubbliċi oħra li għalihom hija meħtieġa ċerta kategorija ta’ għarfien tal-lingwa uffiċjali.
    </p>
    <p class="C02AlineaAltA" id="para-46" title="page-1">
      3. Huwa rrakkomandat li l-kapijiet tal-entitajiet, tal-assoċjazzjonijiet, tal-impriżi, tal-istituzzjonijiet u tal-korpi pubbliċi għajr dawk imsemmija fil-punt 2 ta’ dan id-digriet jistabbilixxu l-kategorija ta’ għarfien tal-lingwa uffiċjali meħtieġa għal kull waħda mill-pożizzjonijiet li d-deskrizzjoni tagħhom tipprevedi interazzjonijiet mal-pubbliku kif ukoll it-tfassil u l-ipproċessar ta’ dokumenti, u li huma jfasslu lista ta’ dawn il-funzjonijiet.
    </p>
    <p class="C02AlineaAltA" id="para-47" title="page-1">
      4. Ir-rekwiżit ta’ għarfien tal-lingwa uffiċjali li jaqa’ ta’ ċerta kategorija ma għandux japplika għall-impjegati barranin li jibbenefikaw jew li jkunu bbenefikaw minn protezzjoni temporanja fil-Litwanja, għal perijodu ta’ sentejn mill-għoti tal-imsemmija protezzjoni temporanja.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Il-punti 2, 5, 6 u 8 tad-deskrizzjoni tal-kategoriji ta’ għarfien tal-lingwa uffiċjali u tal-modalitajiet ta’ applikazzjoni tagħhom, kif stabbilita bid-Digriet Nru 1688, jippreċiżaw:</p>
</td>
</tr>
</table>
    <p class="C02AlineaAltA" id="para-49" title="page-1">
      “2. Il-kategorija ta’ għarfien tal-lingwa uffiċjali tippermetti li jiġi kkonfermat il-livell ta’ għarfien ta’ din il-lingwa li persuna għandha. […]
    </p>
    <p class="C02AlineaAltA" id="para-50" title="page-1">
      […]
    </p>
    <p class="C02AlineaAltA" id="para-51" title="page-1">
      5. Is-sitt livelli segwenti ta’ għarfien tal-lingwa Litwana huma stabbiliti (mill-iktar baxx, A1, sal-iktar avvanzat, C2):
    </p>
    <p class="C02AlineaAltA" id="para-52" title="page-1">
      […]
    </p>
    <p class="C09Marge0avecretrait" id="para-53" title="page-1">
      5.3. livell ta’ għarfien tal-lingwa Litwana B1 (“Livell limitu”) (utent indipendenti). L-utent jista’ jifhem testi orali jew bil-miktub li jirrigwardaw suġġetti familjari, jesprimi ruħu fuq firxa wiesgħa ta’ suġġetti tal-ħajja ta’ kuljum u tax-xogħol, jirrakkonta esperjenzi, avvenimenti, jesprimi ħolmiet, tamiet jew xewqat, jesponi fil-qosor opinjonijiet jew proġetti, jimla formoli standard tad-dokumenti, jikteb testi qosra dwar temi tal-ħajja ta’ kuljum u tax-xogħol, jikteb test sempliċi u koerenti dwar suġġetti familjari jew li jinteressawh personalment. Barra minn hekk, huwa kapaċi jifhem il-lingwa mitkellma, it-test miktub u jikkomunika;
    </p>
    <p class="C02AlineaAltA" id="para-54" title="page-1">
      6. It-tliet kategoriji segwenti ta’ għarfien tal-lingwa uffiċjali huma stabbiliti (mill-iktar baxx, kategorija I, sal-ogħla kategorija, kategorija III):
    </p>
    <p class="C02AlineaAltA" id="para-55" title="page-1">
      […]
    </p>
    <p class="C09Marge0avecretrait" id="para-56" title="page-1">
      6.2. il-kategorija II tal-għarfien tal-lingwa uffiċjali tikkorrispondi għal-livell ta’ kompetenza B1 bil-Litwan (ir-rekwiżiti korrispondenti għal dan il-livell huma stabbiliti fil-punt 5.3 ta’ din id-deskrizzjoni);
    </p>
    <p class="C02AlineaAltA" id="para-57" title="page-1">
      […]
    </p>
    <p class="C02AlineaAltA" id="para-58" title="page-1">
      8. Il-ħaddiema, l-uffiċjali u l-membri tal-persunal tal-Istat tas-setturi tal-edukazzjoni, tal-kultura, tas-saħħa, tal-protezzjoni soċjali u ta’ setturi oħra li għandhom jipprovdu mhux iktar minn diploma ta’ edukazzjoni ogħla mhux universitarja, diploma ta’ edukazzjoni ogħla professjonali miksuba qabel l‑2009 jew diploma ta’ edukazzjoni sekondarja teknika miksuba qabel l‑1995, għandu jkollhom għarfien tal-lingwa Litwana tal-kategorija II jekk il-funzjonijiet tagħhom ikunu jinvolvu interazzjonijiet regolari mal-pubbliku u/jew l-ipproċessar ta’ formoli standard (bl-eċċezzjoni tal-għalliema li jgħallmu fil-lingwa uffiċjali).”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-Liġi dwar l-Edukazzjoni u d-Digriet Nru V‑774 Li Japprova d-Deskrizzjoni tar-Rekwiżiti Li Jirrigwardaw il-Kwalifiki tal-Għalliema</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Il-punt 2 tal-Artikolu 2 tal-Lietuvos Respublikos švietimo įstatymas Nr. I‑1489 (il-Liġi Nru I‑1489 tar-Repubblika tal-Litwanja dwar l-Edukazzjoni), tal‑25 ta’ Ġunju 1991 (Lietuvos aidas, 1991, Nru 153–0), fil-verżjoni tagħha applikabbli għall-fatti tat-tilwima fil-kawża prinċipali (iktar ’il quddiem il-“Liġi dwar l-Edukazzjoni”), jipprevedi li t-termini “edukazzjoni ġenerali” jirreferu għall-edukazzjoni primarja, intermedjarja u sekondarja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">L-Artikolu 48 tal-Liġi dwar l-Edukazzjoni jistabbilixxi, fil-paragrafu 1 tiegħu, il-lista tal-persuni awtorizzati jeżerċitaw il-professjoni ta’ tagħlim, u jippreċiża, fil-paragrafu 3 tiegħu, li l-għalliema msemmija fil-paragrafu 1 “għandu jkollhom il-kwalifiki stabbiliti mill-Ministru għall-Edukazzjoni u għax-Xjenzi”. Dan l-istess Artikolu 48 jipprevedi, fil-paragrafu 4 tiegħu:</p>
</td>
</tr>
</table>
    <p class="C02AlineaAltA" id="para-62" title="page-1">
      “Kull persuna li tkun kisbet fi Stat Membru jew fil-Konfederazzjoni Svizzera kwalifika li ġiet irrikonoxxuta bħala ekwivalenti skont il-Lietuvos Respublikos reglamentuojamų profesinių kvalifikacijų pripažinimo įstatymas [(il-Liġi Nru X-1478 tar-Repubblika tal-Litwanja dwar ir-Rikonoxximent tal-Kwalifiki Professjonali), tat‑3 ta’ April 2008 (Žin., 2008, Nru 47–1747)], u li tkun tissodisfa l-kundizzjonijiet stabbiliti fil-paragrafi 1 u 3 ta’ dan l-artikolu, tista’ teżerċita l-professjoni ta’ għalliem fil-Litwanja.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">L-Artikolu 72 tal-Liġi dwar l-Edukazzjoni, bit-titolu “Implimentazzjoni ta’ programmi ta’ edukazzjoni li joriġinaw minn Stati barranin u minn organizzazzjonijiet internazzjonali”, jipprovdi, fil-paragrafi 1 u 3 tiegħu:</p>
</td>
</tr>
</table>
    <p class="C02AlineaAltA" id="para-64" title="page-1">
      “1. L-iskejjel ta’ Stati barranin u ta’ organizzazzjonijiet internazzjonali (bl-eċċezzjoni tal-edukazzjoni ogħla) għandhom jiġu stabbiliti u għandhom joperaw fir-Repubblika tal-Litwanja taħt il-kundizzjonijiet u skont il-modalitajiet previsti minn din il-liġi, mill-ftehimiet internazzjonali konklużi mir-Repubblika tal-Litwanja kif ukoll minn liġijiet, regolamenti jew atti amministrattivi oħra. Il-programmi ta’ edukazzjoni li joriġinaw minn Stati barranin u minn organizzazzjonijiet internazzjonali (bl-eċċezzjoni tal-edukazzjoni ogħla) jistgħu jiġu pprovduti (jew sospiżi) skont il-modalitajiet stabbiliti mill-gvern, bl-awtorizzazzjoni bil-miktub tal-Ministru għall-Edukazzjoni u għax-Xjenzi.
    </p>
    <p class="C02AlineaAltA" id="para-65" title="page-1">
      […]
    </p>
    <p class="C02AlineaAltA" id="para-66" title="page-1">
      3. Il-programmi ta’ edukazzjoni li joriġinaw minn Stati barranin u minn organizzazzjonijiet internazzjonali jistgħu jiġu pprovduti fi skejjel Litwani f’lingwa li ma tkunx il-Litwan. Il-persuni li jkunu segwew fil-Litwanja programm ta’ edukazzjoni li joriġina minn Stat barrani jew minn organizzazzjoni internazzjonali jiksbu fi tmiem l-istudji tagħhom id-diploma korrispondenti ta’ dan l-Istat barrani jew ta’ din l-organizzazzjoni internazzjonali.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Il-Lietuvos Respublikos švietimo, mokslo ir sporto ministras įsakymas Nr. V‑774 Dėl Reikalavimų mokytojų kvalifikacijai aprašo patvirtinimo (id-Digriet Nru V‑774 tal-Ministru għall-Edukazzjoni, għax-Xjenzi u għall-Isport tar-Repubblika tal-Litwanja, Li Japprova d-Deskrizzjoni tar-Rekwiżiti Dwar il-Kwalifiki tal-Għalliema), tad‑29 ta’ Awwissu 2014 (TAR, 2014, Nru 2014–11394), ġie adottat abbażi tal-Artikolu 48 tal-Liġi dwar l-Edukazzjoni. Il-punt 7 ta’ din id-deskrizzjoni tar-rekwiżiti, fil-verżjoni tagħha applikabbli għall-fatti tal-tilwima fil-kawża prinċipali, jipprevedi:</p>
</td>
</tr>
</table>
    <p class="C02AlineaAltA" id="para-68" title="page-1">
      “L-għalliema li jeżerċitaw fil-kuntest tal-edukazzjoni ġenerali, tat-taħriġ professjonali u tal-edukazzjoni mhux formali għandu jkollhom livell ta’ għarfien tal-lingwa Litwana li jikkorrispondi għall-kategoriji ta’ għarfien tal-lingwa uffiċjali approvati mid-Digriet [Nru 1688]; […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-Digriet Nru 649 li Japprova l-Proċedura għall-Għoti, għas-Sospensjoni u għar-Revoka tal-Awtorizzazzjoni Għal Programmi Edukattivi Li Joriġinaw Minn Stati Barranin u Minn Organizzazzjonijiet Internazzjonali (Bl-Eċċezzjoni tal-Edukazzjoni Ogħla)</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Il-punt 26 tal-Lietuvos Respublikos Vyriausybės nutarimas Nr. 649 Dėl sutikimo vykdyti užsienio valstybių ir tarptautinių organizacijų švietimo programas (išskyrus aukštojo mokslo studijų programas) išdavimo, galiojimo sustabdymo ir galiojimo panaikinimo tvarkos aprašo patvirtinimo (id-Digriet Nru 649 tal-Gvern tar-Repubblika tal-Litwanja Li Japprova l-Proċedura għall-Għoti, għas-Sospensjoni u għar-Revoka tal-Awtorizzazzjoni għal Programmi Edukattivi li Joriġinaw Minn Stati Barranin u Minn Organizzazzjonijiet Internazzjonali (Bl-Eċċezzjoni tal-Edukazzjoni Ogħla)), tas‑6 ta’ Ġunju 2012 (Žin., 2012, Nru 66–3343), fil-verżjoni tagħha applikabbli għall-fatti tat-tilwima fil-kawża prinċipali, jipprevedi:</p>
</td>
</tr>
</table>
    <p class="C02AlineaAltA" id="para-71" title="page-1">
      “26. Id-detentur tal-awtorizzazzjoni li timplimenta l-programm ta’ edukazzjoni li joriġina minn Stat barrani jew minn organizzazzjoni internazzjonali [(iktar ’il quddiem il-“programm edukattiv”)] imsemmi fl-imsemmija awtorizzazzjoni għandu:
    </p>
    <p class="C09Marge0avecretrait" id="para-72" title="page-1">
      26.1. […] jivverifika l-għarfien tal-lingwa uffiċjali skont il-programmi ġenerali approvati mill-Ministru għall-Edukazzjoni u għax-Xjenzi;
    </p>
    <p class="C09Marge0avecretrait" id="para-73" title="page-1">
      26.2. jiżgura li t-taħriġ kif ukoll il-kwalifiki tal-għalliema u tal-fornituri ta’ servizzi edukattivi jikkonformaw mar-rekwiżiti stabbiliti fil-[programm edukattiv];
    </p>
    <p class="C09Marge0avecretrait" id="para-74" title="page-1">
      26.3. jikkonforma mar-rekwiżiti tal-Liġi Litwana dwar l-Edukazzjoni u ta’ atti legali oħra;
    </p>
    <p class="C09Marge0avecretrait" id="para-75" title="page-1">
      26.4. jipprovdi lill-awtoritajiet ta’ kontroll, fuq talba tagħhom, id-dokumenti u d-data relatati mal-implimentazzjoni tal-[programm edukattiv], u jippermetti l-verifika tagħhom;
    </p>
    <p class="C09Marge0avecretrait" id="para-76" title="page-1">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kawża prinċipali u d-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Il-VTM, stabbiliment ta’ tagħlim privat stabbilit minn ċittadina Litwana, ilha teżerċita l-attività tagħha fil-Litwanja sa mis-sena 2004. Fid-data tal-fatti tat-tilwima fil-kawża prinċipali, 49.96 % tal-kapital tagħha kien miżmum minn ċittadina Finlandiża, 25.02 % kien miżmum minn ċittadina Daniża u 25.02 % kien miżmum minn ċittadina tal-Istati Uniti tal-Amerika.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Il-VTM kisbet l-awtorizzazzjonijiet amministrattivi meħtieġa sabiex tipprovdi, bl-Ingliż, il-programmi ta’ edukazzjoni primarja u intermedjarja tal-baċellerat internazzjonali kif ukoll il-programm ta’ edukazzjoni sekondarja tal-“Cambridge International AS/A levels”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Fid‑19 u fil‑25 ta’ Mejju 2022, il-VKI wettaq spezzjoni fil-VTM sabiex jivverifika l-osservanza minnha tar-rekwiżiti previsti mil-Liġi dwar il-Lingwa Uffiċjali u mid-Digriet Nru 1688. Fil-kuntest ta’ din l-ispezzjoni, huwa kkonstata li tmintax‑il impjegat tal-VTM, fosthom id-Direttriċi, l-Assistenta Direttriċi responsabbli għall-edukazzjoni, għalliem soċjali u ħmistax‑il għalliem, ma kinux għaddew mill-eżami lingwistiku li jikkorrispondi għall-kategorija II ta’ għarfien tal-lingwa uffiċjali, kif iddefinita mid-Digriet Nru 1688, jew ma kinux bagħtu d-dokumenti meħtieġa. Minn dawn it‑tmintax‑il impjegat, ħamsa kienu ċittadini ta’ Stati Membri, filwaqt li t-tlettax l-oħra kienu ċittadini ta’ Stati terzi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">F’dawn iċ-ċirkustanzi, permezz ta’ ordni tas‑26 ta’ Mejju 2022, il-VKI impona fuq il-VTM l-obbligu li tiżgura li l-imsemmija impjegati jgħaddu minn dan l-eżami lingwistiku sa mhux iktar tard mit‑2 ta’ Frar 2023, filwaqt li l-awtorità kompetenti kellha tiġi informata dwar dan sa mhux iktar tard mid‑9 ta’ Frar 2023. Il-VKI informa ukoll lill-VTM li n-nuqqas ta’ konformità ma’ dawn ir-rekwiżiti kien ser jiġi ssanzjonat skont il-modalitajiet previsti mil-leġiżlazzjoni Litwana (iktar ’il quddiem l-“ordni tas‑26 ta’ Mejju 2022”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Il-VTM ippreżentat rikors quddiem il-Vilniaus apygardos administracinis teismas (il-Qorti Amministrattiva Reġjonali ta’ Vilnjus, il-Litwanja) intiż għall-annullament tal-ordni tas‑26 ta’ Mejju 2022.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Peress li dan ir-rikors ġie miċħud, il-VTM appellat quddiem il-Lietuvos vyriausiasis administracinis teismas (il-Qorti Amministrattiva Suprema tal-Litwanja), li hija l-qorti tar-rinviju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Din il-qorti tixtieq tkun taf, qabelxejn, jekk is-sitwazzjoni inkwistjoni fil-kawża prinċipali taqax taħt il-kamp ta’ applikazzjoni tal-Artikolu 49 TFUE. F’dan ir-rigward, hija tirrileva li, għalkemm il-VTM hija stabbilita fil-Litwanja u ġiet stabbilita minn ċittadina Litwana, il-kapital tagħha huwa miżmum, parzjalment, minn ċittadini ta’ Stati Membri għajr ir-Repubblika tal-Litwanja. Hija żżid li l-VTM tipprovdi l-programmi ta’ tagħlim tagħha bi ħlas. Sussegwentement, fil-każ li l-Artikolu 49 TFUE jkun applikabbli għal tali sitwazzjoni, il-qorti tar-rinviju tistaqsi jekk l-ostakolu għal-libertà ta’ stabbiliment li jirriżulta mil-leġiżlazzjoni Litwana huwiex iġġustifikat minn raġuni imperattiva ta’ interess ġenerali u jekk dan josservax il-prinċipju ta’ proporzjonalità, filwaqt li tenfasizza, b’mod partikolari, li din il-leġiżlazzjoni ma tipprevedi ebda eċċezzjoni għar-rekwiżit lingwistiku li hija tistabbilixxi. Fl-aħħar nett, hija tistaqsi jekk id-Direttiva 2005/36 tippermettix l-applikazzjoni ta’ tali rekwiżit għall-persunal ta’ skola internazzjonali, bħall-VTM, li jeżerċita professjoni rregolata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Huwa f’dawn iċ-ċirkustanzi li l-Lietuvos vyriausiasis administracinis teismas (il-Qorti Amministrattiva Suprema tal-Litwanja) iddeċidiet li tissospendi l-proċeduri quddiemha u li tagħmel lill-Qorti tal-Ġustizzja d-domandi preliminari li ġejjin:</p>
</td>
</tr>
</table>
    <p class="C09Marge0avecretrait" id="para-86" title="page-1">
      “1) L-Artikolu 49 TFUE għandu jiġi interpretat fis-sens li jaqa’ fil-kamp ta’ applikazzjoni tiegħu rekwiżit ta’ għarfien tal-lingwa uffiċjali impost mid-dritt nazzjonali u applikabbli għall-persunal amministrattiv u għall-għalliema ta’ stabbiliment ta’ tagħlim stabbilit minn persuna fiżika privata u li jsegwi programm internazzjonali ta’ edukazzjoni sekondarja kif ukoll programmi ta’ edukazzjoni primarja u intermedjarja tal-baċellerat internazzjonali?
    </p>
    <p class="C09Marge0avecretrait" id="para-87" title="page-1">
      2) Fil-każ li tingħata risposta fl-affermattiv għall-ewwel domanda, l-Artikolu 49 TFUE għandu jiġi interpretat fis-sens li jipprekludi leġiżlazzjoni nazzjonali bħalma hija dik applikabbli fil-kawża prinċipali, li tipprovdi li r-rekwiżit ta’ għarfien tal-lingwa uffiċjali huwa applikabbli, mingħajr l-ebda eċċezzjoni, minn naħa, għall-għalliema li jaħdmu fi stabbiliment ta’ tagħlim stabbilit minn persuna fiżika privata u li jsegwi programm internazzjonali ta’ edukazzjoni sekondarja kif ukoll programmi ta’ edukazzjoni primarja u intermedjarja tal-baċellerat internazzjonali u, min-naħa l-oħra, għall-persunal amministrattiv ta’ dan l-istabbiliment ta’ tagħlim, mingħajr l-ebda teħid inkunsiderazzjoni tal-ispeċifiċità tal-istabbiliment ta’ tagħlim ikkonċernat?
    </p>
    <p class="C09Marge0avecretrait" id="para-88" title="page-1">
      3. L-Artikolu 53 tad-Direttiva [2005/36] għandu jiġi interpretat fis-sens li jipprekludi leġiżlazzjoni nazzjonali bħalma hija dik applikabbli fil-kawża prinċipali, li tipprovdi li r-rekwiżit ta’ għarfien tal-lingwa uffiċjali huwa applikabbli, mingħajr l-ebda eċċezzjoni għall-għalliema li jaħdmu fi stabbiliment ta’ tagħlim stabbilit minn persuna fiżika privata u li jsegwi programm internazzjonali ta’ edukazzjoni sekondarja kif ukoll programmi ta’ edukazzjoni primarja u intermedjarja tal-baċċellerat internazzjonali, mingħajr l-ebda teħid inkunsiderazzjoni tal-ispeċifiċità tal-istabbiliment ta’ tagħlim ikkonċernat?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ammissibbiltà tat-talba għal deċiżjoni preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Il-Gvern Litwan isostni li t-talba għal deċiżjoni preliminari hija inammissibbli minħabba li d-dritt Litwan ma jissuġġettax għal rekwiżit ta’ għarfien tal-lingwa Litwana lill-għalliema ta’ stabbiliment ta’ tagħlim privat, bħall-VTM, li jipprovdi programm internazzjonali ta’ edukazzjoni sekondarja kif ukoll il-programmi ta’ edukazzjoni primarja u intermedjarja tal-baċellerat internazzjonali. Għalhekk, id-domandi magħmula mill-qorti tar-rinviju ma għandhom ebda rabta mar-realtà u mas-suġġett tat-tilwima fil-kawża prinċipali, u l-interpretazzjoni tad-dritt tal-Unjoni li għaliha jirreferu dawn id-domandi ma hijiex neċessarja għas-soluzzjoni ta’ din it-tilwima.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">F’dan ir-rigward, għandu jitfakkar li l-preżunzjoni ta’ rilevanza li minnha jibbenefikaw id-domandi dwar l-interpretazzjoni tad-dritt tal-Unjoni magħmula mill-qorti nazzjonali fil-kuntest leġiżlattiv u fattwali li hija tiddefinixxi taħt ir-responsabbiltà tagħha u li ma huwiex il-kompitu tal-Qorti tal-Ġustizzja li tivverifika l-eżattezza tiegħu ma tistax tiġi kkonfutata b’argumenti li jikkontestaw l-interpretazzjoni tad-dritt nazzjonali adottata mill-qorti tar-rinviju, peress li din tal-aħħar hija l-unika li għandha ġurisdizzjoni sabiex tinterpreta u tapplika dan id-dritt (ara, f’dan is-sens, is-sentenza tal‑20 ta’ Settembru 2018, OTP Bank u OTP Faktoring, C‑51/17, EU:C:2018:750, punt 41).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Barra minn hekk, fit-tweġiba tagħha għat-talba għal informazzjoni li saritilha mill-Qorti tal-Ġustizzja fit‑12 ta’ Diċembru 2024, il-qorti tar-rinviju kkonfermat, abbażi ta’ analiżi ddettaljata tad-dispożizzjonijiet tad-dritt nazzjonali tagħha, li l-għalliema kollha u l-persunal amministrattiv kollu f’komunikazzjoni regolari mal-pubbliku u mal-awtoritajiet amministrattivi tal-istabbilimenti ta’ tagħlim bħall-VTM huma suġġetti għal rekwiżit ta’ għarfien tal-lingwa Litwana.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Minn dan isegwi li din it-talba għal deċiżjoni preliminari hija ammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ewwel domanda</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Permezz tal-ewwel domanda tagħha, il-qorti tar-rinviju tistaqsi, essenzjalment, jekk l-Artikolu 49 TFUE għandux jiġi interpretat fis-sens li dan japplika għas-sitwazzjoni ta’ stabbiliment ta’ tagħlim privat stabbilit fi Stat Membru u li ċittadini ta’ Stati Membri oħra jkollhom sehem fil-kapital ta’ dan l-istabbiliment, meta dan l-istabbiliment jipprovdi, fl-Istat Membru li fih dan huwa stabbilit, programm internazzjonali ta’ edukazzjoni sekondarja kif ukoll il-programmi ta’ edukazzjoni primarja u intermedjarja tal-baċellerat internazzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">F’dan ir-rigward, l-Artikolu 49 TFUE jipprovdi, fit-tieni paragrafu tiegħu, li l-libertà ta’ stabbiliment tinkludi l-aċċess għall-attivitajiet bħala persuna li taħdem għal rasha u l-eżerċizzju tagħhom, kif ukoll it-twaqqif u l-ġestjoni ta’ impriżi, u b’mod partikolari ta’ kumpanniji fis-sens tat-tieni paragrafu ta l-Artikolu 54 TFUE, taħt il-kundizzjonijiet ddefiniti mil-leġiżlazzjoni tal-pajjiż ta’ stabbiliment għaċ-ċittadini tiegħu stess, bla ħsara għad-dispożizzjonijiet tal-kapitolu dwar il-kapital.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Skont ġurisprudenza stabbilita il-kunċett ta’ “stabbiliment”, fis-sens tat-Trattat FUE, għandu portata wiesgħa ħafna, fatt li jimplika l-possibbiltà għal ċittadin ta’ Stat Membru li jipparteċipa, b’mod stabbli u kontinwu, fil-ħajja ekonomika ta’ Stat Membru li ma jkunx l-Istat ta’ oriġini tiegħu, u li jibbenefika minnha (sentenza tal‑4 ta’ Ottubru 2024, Il‑Litwanja et vs Il‑Parlament u Il‑Kunsill (Pakkett dwar il-mobbiltà), C‑541/20 sa C‑555/20, EU:C:2024:818, punt 363 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Dan il-kunċett għalhekk jimplika l-eżerċizzju effettiv ta’ attività ekonomika permezz ta’ installazzjoni stabbli fl-Istat Membru ospitanti għal żmien indeterminat. Konsegwentement, dan jippreżupponi stabbiliment reali tal-operatur ikkonċernat f’dan l-Istat Membru u l-eżerċizzju ta’ attività ekonomika effettiva fih (sentenza tal‑4 ta’ Ottubru 2024, Il‑Litwanja et vs Il‑Parlament u Il‑Kunsill (Pakkett dwar il-mobbiltà), C‑541/20 sa C‑555/20, EU:C:2024:818, punt 364).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Għalhekk, il-Qorti tal-Ġustizzja diġà ddeċidiet li l-libertà ta’ stabbiliment tkopri s-sitwazzjoni li fiha ċittadin ta’ Stat Membru jakkwista, fil-kapital ta’ kumpannija stabbilita fi Stat Membru ieħor, sehem li jippermettilu jeżerċita influwenza ċerta fuq id-deċiżjonijiet ta’ din il-kumpannija u li jippermettilu jiddetermina l-attivitajiet tagħha (ara, f’dan is-sens, is-sentenza tal‑21 ta’ Diċembru 2016, AGET Iraklis, C‑201/15, EU:C:2016:972, punt 46 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">F’dan il-każ, huwa paċifiku li l-kapital tal-VTM, li hija stabbilita fil-Litwanja u li tipprovdi hemmhekk, b’mod stabbli u kontinwu, programmi ta’ edukazzjoni, kien miżmum, fid-data tal-adozzjoni tal-ordni tas‑26 ta’ Mejju 2022, b’mod partikolari minn ċittadina Finlandiża, sa 49.96 %, u minn ċittadina Daniża, sa 25.02 %, fatt li kien, bħala prinċipju, ta’ natura li jagħti lil dawn iċ-ċittadini influwenza ċerta fuq id-deċiżjonijiet u fuq l-attivitajiet ta’ dan l-istabbiliment ta’ tagħlim (ara, b’analoġija, is-sentenza tat‑22 ta’ Diċembru 2008, Truck Center, C‑282/07, EU:C:2008:762, punti 28 u 29).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Minn dan isegwi li s-sitwazzjoni inkwistjoni fil-kawża prinċipali tista’ taqa’ taħt l-Artikolu 49 TFUE, sakemm jiġi stabbilit, konformement mal-ġurisprudenza ċċitata fil-punt 31 ta’ din is-sentenza, li l-VTM teżerċita b’mod effettiv attività ekonomika permezz tal-istabbiliment ta’ tagħlim tagħha li jinsab fil-Litwanja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Madankollu, u filwaqt li l-qorti tar-rinviju tistaqsi biss dwar l-interpretazzjoni tal-Artikolu 49 TFUE, il-Gvern Olandiż iqis li s-sitwazzjoni inkwistjoni fil-kawża prinċipali għandha tiġi eżaminata fid-dawl tal-Artikolu 45 TFUE, peress li r-rekwiżit ta’ għarfien tal-lingwa Litwana huwa impost fuq il-persunal tal-VTM.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">F’dan ir-rigward, il-Qorti tal-Ġustizzja ddeċidiet li, meta miżura nazzjonali tkun marbuta simultanjament ma’ diversi libertajiet fundamentali, il-Qorti tal-Ġustizzja teżaminaha, bħala prinċipju, fid-dawl ta’ waħda biss minn dawn il-libertajiet jekk ikun jirriżulta li, fiċ-ċirkustanzi tal-każ, l-oħrajn ikunu kompletament sekondarji meta mqabbla ma’ dik tal-ewwel u jistgħu jiġu kkunsidrati flimkien magħha. Sabiex tiġi ddeterminata l-libertà fundamentali predominanti, għandhom jittieħdu inkunsiderazzjoni l-għan tal-leġiżlazzjoni kkonċernata kif ukoll, jekk ikun il-każ, l-elementi fattwali relatati mal-kawża prinċipali (ara, f’dan is-sens, is-sentenzi tal‑11 ta’ Ġunju 2020, KOB, C‑206/19, EU:C:2020:463, punti 23 u 25, kif ukoll tas‑7 ta’ Settembru 2022, Cilevičs et, C‑391/20, EU:C:2022:638, punti 50 u 51 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Barra minn hekk, il-Qorti tal-Ġustizzja ddeċidiet li, għalkemm huwa stabbilit li d-drittijiet ta’ moviment liberu previsti fl-Artikolu 45 TFUE jibbenefikaw lill-ħaddiema, xejn fil-formulazzjoni tal-imsemmi artikolu ma jindika li dawn id-drittijiet ma jistgħux jiġu invokati minn ħaddieħor, b’mod partikolari mill-persuni li jimpjegaw. Fil-fatt, sabiex ikun effettiv u utli, id-dritt tal-ħaddiema li jiġu rreklutati u impjegati mingħajr diskriminazzjoni għandu neċessarjament ikollu bħala korollarju d-dritt tal-persuni li jimpjegaw li jimpjegahom b’osservanza tar-regoli fil-qasam tal-moviment liberu tal-ħaddiema (ara, f’dan is-sens, is-sentenzi tas‑7 ta’ Mejju 1998, Clean Car Autoservice, C‑350/96, EU:C:1998:205, punti 19 u 20, kif ukoll tat‑13 ta’ Diċembru 2012, Caves Krier Frères, C‑379/11, EU:C:2012:798, punt 28).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Madankollu, minbarra l-fatt li r-rikors fil-kawża prinċipali ġie ppreżentat mill-VTM fuq inizjattiva tagħha stess, mid-deċiżjoni tar-rinviju, u mingħajr ma dan ġie kkontestat fl-osservazzjonijiet ippreżentati lill-Qorti tal-Ġustizzja, jirriżulta li l-ordni tas‑26 ta’ Mejju 2022 imsemmija f’dan ir-rikors ma ġietx indirizzata lit-tmintax‑il membru tal-persunal ikkonċernat iżda lill-VTM stess, peress li din tal-aħħar ġiet ikkritikata mill-VKI li ma kkonformatx ruħha mal-obbligu tagħha li tiżgura li l-persunal tagħha jissodisfa r-rekwiżit ta’ għarfien tal-lingwa Litwana, kif previst mil-leġiżlazzjoni nazzjonali. Fil-fatt, skont din il-leġiżlazzjoni, id-detentur ta’ awtorizzazzjoni għal programmi edukattivi li joriġinaw minn Stati barranin u minn organizzazzjonijiet internazzjonali huwa meħtieġ, b’mod partikolari, jivverifika l-għarfien tal-lingwa uffiċjali konformement mal-programmi ġenerali approvati mill-Ministru għall-Edukazzjoni u għax-Xjenzi, jiżgura li t-taħriġ kif ukoll il-kwalifiki tal-għalliema u tal-fornituri ta’ servizzi edukattivi jissodisfaw ir-rekwiżiti stabbiliti fil-programm edukattiv, josserva r-rekwiżiti tal-Liġi dwar l-Edukazzjoni u ta’ atti legali oħra, kif ukoll jipprovdi lill-awtoritajiet ta’ kontroll, fuq talba tagħhom, id-dokumenti u d-data dwar l-implimentazzjoni tal-programm edukattiv u jippermetti l-verifika tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Fl-aħħar nett, it-talba għal deċiżjoni preliminari ma ssemmix li l-VTM invokat, quddiem il-qorti tar-rinviju, id-dritt tagħha li tkun tista’ tirrekluta l-impjegati tagħha fl-osservanza tar-regoli fil-qasam tal-moviment liberu tal-ħaddiema.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Għalhekk, fid-dawl kemm tal-għan tal-leġiżlazzjoni nazzjonali inkwistjoni fil-kawża prinċipali kif ukoll ta’ dak tat-tilwima fil-kawża prinċipali, dan għandu jiġi evalwat fid-dawl tal-Artikolu 49 TFUE.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">F’dan ir-rigward, il-Qorti tal-Ġustizzja ddeċidiet li l-organizzazzjoni, bi ħlas, ta’ kors ta’ edukazzjoni ogħla hija attività ekonomika li taqa’ taħt il-Kapitolu 2 tat-Titolu IV tat-Tielet Parti tat-Trattat FUE, dwar id-dritt ta’ stabbiliment, meta din titwettaq minn ċittadin ta’ Stat Membru fi Stat Membru ieħor, b’mod stabbli u kontinwu, permezz ta’ stabbiliment prinċipali jew sekondarju f’dan l-aħħar Stat Membru (sentenzi tas‑7 ta’ Settembru 2022, Cilevičs et, C‑391/20, EU:C:2022:638, punt 52 kif ukoll il-ġurisprudenza ċċitata). Peress li l-klassifikazzjoni ta’ attività ta’ tagħlim bħala attività ekonomika tiddependi mill-punt dwar jekk il-korsijiet humiex ipprovduti bi ħlas, u mhux mil-livell ta’ edukazzjoni li miegħu dawn huma marbuta, din il-ġurisprudenza tapplika b’analoġija għall-organizzazzjoni, bi ħlas, ta’ korsijiet ta’ edukazzjoni primarja, intermedjarja u sekondarja, ipprovduti minn stabbiliment ta’ tagħlim privat stabbilit fi Stat Membru u li ċittadin ta’ Stat Membru ieħor ikollu sehem fil-kapital ta’ dan l-istabbiliment li jippermettilu jeżerċita influwenza ċerta fuq id-deċiżjonijiet tiegħu u jiddetermina l-attivitajiet tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">F’dan il-każ, hija għalhekk il-qorti tar-rinviju li għandha teżamina jekk il-programmi ta’ edukazzjoni li l-VTM tipprovdi humiex organizzati bi ħlas.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, ir-risposta għall-ewwel domanda għandha tkun li l-Artikolu 49 TFUE għandu jiġi interpretat fis-sens li dan japplika għas-sitwazzjoni ta’ stabbiliment ta’ tagħlim privat stabbilit fi Stat Membru u li ċittadin ta’ Stat Membru ieħor ikollu sehem fil-kapital ta’ dan l-istabbiliment li jippermettilu jeżerċita influwenza ċerta fuq id-deċiżjonijiet tiegħu u jiddetermina l-attivitajiet tiegħu, meta dan l-istabbiliment jipprovdi, fl-Istat Membru li fih dan huwa stabbilit, bi ħlas, programm internazzjonali ta’ edukazzjoni sekondarja kif ukoll il-programmi ta’ edukazzjoni primarja u intermedjarja tal-baċellerat internazzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it-tieni domanda</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Preliminarjament, għandu jiġi rrilevat li l-leġiżlazzjoni Litwana tobbliga lill-istabbilimenti ta’ tagħlim privat jivverifikaw jekk l-għalliema tagħhom u l-membri tal-persunal amministrattiv tagħhom f’komunikazzjoni regolari mal-pubbliku u mal-awtoritajiet amministrattivi għandhomx għarfien tal-lingwa Litwana tal-kategorija II, li tikkorrispondi għall-kapaċità ta’ dawn il-persuni, b’mod partikolari, li jifhmu testi orali jew bil-miktub li jirrigwardaw suġġetti familjari, li jesprimu ruħhom dwar suġġetti varji li jirrigwardaw il-ħajja ta’ kuljum jew ix-xogħol, jew ukoll li jabbozzaw test sempliċi u koerenti dwar suġġetti familjari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Għalhekk, permezz tat-tieni domanda tagħha, il-qorti tar-rinviju tistaqsi essenzjalment jekk l-Artikolu 49 TFUE għandux jiġi interpretat fis-sens li dan jipprekludi, f’sitwazzjoni li taqa’ taħt il-kamp ta’ applikazzjoni tiegħu, il-leġiżlazzjoni ta’ Stat Membru li abbażi tagħha stabbiliment ta’ tagħlim privat, li jipprovdi, f’lingwa li ma tkunx il-lingwa uffiċjali ta’ dan l-Istat Membru, programm internazzjonali ta’ edukazzjoni sekondarja kif ukoll il-programmi ta’ edukazzjoni primarja u intermedjarja tal-baċellerat internazzjonali, huwa meħtieġ jivverifika jekk l-għalliema tiegħu u l-membri tal-persunal amministrattiv tiegħu f’komunikazzjoni regolari mal-pubbliku u mal-awtoritajiet amministrattivi jissodisfawx ir-rekwiżit ta’ għarfien, fuq livell intermedjarju, ta’ din il-lingwa uffiċjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-eżistenza ta’ restrizzjoni għal-libertà ggarantita mill‑Artikolu 49 TFUE</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">Skont l-Artikolu 6 TFUE, l-Unjoni għandha kompetenza tieħu azzjonijiet sabiex issostni, tikkoordina jew tikkompleta l-azzjoni tal-Istati Membri b’mod partikolari fil-qasam tal-edukazzjoni. Għalkemm id-dritt tal-Unjoni ma jippreġudikax din il-kompetenza tal-Istati Membri fir-rigward, minn naħa, tal-kontenut tat-tagħlim u tal-organizzazzjoni tas-sistema edukattiva kif ukoll tad-diversità kulturali u lingwistika tagħhom u, min-naħa l-oħra, tal-kontenut u tal-organizzazzjoni tat-taħriġ professjonali, kif jirriżulta mill-Artikolu 165(1) u mill-Artikolu 166(1) TFUE, xorta jibqa’ l-fatt li, fl-eżerċizzju ta’ din il-kompetenza, l-Istati Membri għandhom josservaw id-dritt tal-Unjoni, b’mod partikolari d-dispożizzjonijiet dwar il-libertà ta’ stabbiliment (sentenza tas‑7 ta’ Settembru 2022, Cilevičs et, C‑391/20, EU:C:2022:638, punti 58 u 59 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">F’dan ir-rigward, l-ewwel paragrafu tal-Artikolu 49 TFUE jipprovdi li, fil-kuntest tad-dispożizzjonijiet li jinsabu fil-Kapitolu 2 tat-Titolu IV tat-Tielet Parti tat-Trattat FUE, ir-restrizzjonijiet għal-libertà ta’ stabbiliment taċ-ċittadini ta’ Stat Membru fit-territorju ta’ Stat Membru ieħor għandhom jiġu pprojbiti. Għandhom jitqiesu li huma restrizzjonijiet għal-libertà ta’ stabbiliment il-miżuri kollha li jipprojbixxu, jostakolaw jew jirrendu inqas attraenti l-eżerċizzju tal-libertà ggarantita fl-Artikolu 49 TFUE (sentenza tas‑7 ta’ Settembru 2022, Cilevičs et, C‑391/20, EU:C:2022:638, punti 60 u 61 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">F’dan il-każ, għalkemm huwa minnu li ċ-ċittadini ta’ Stati Membri għajr ir-Repubblika tal-Litwanja jistgħu jistabbilixxu ruħhom fit-territorju tagħha u jipprovdu hemmhekk, fil-kuntest ta’ stabbiliment ta’ tagħlim privat, programmi ta’ edukazzjoni f’lingwa li ma tkunx il-lingwa Litwana, tali possibbiltà tibqa’, bħala prinċipju, suġġetta għall-osservanza ta’ rekwiżit lingwistiku previst mil-leġiżlazzjoni fis-seħħ. Għalhekk, huwa minħabba n-nuqqas ta’ osservanza ta’ dan ir-rekwiżit li, permezz tal-ordni tas‑26 ta’ Mejju 2022, il-VKI impona fuq il-VTM li l-għalliema tagħha u l-membri tal-persunal amministrattiv tagħha f’komunikazzjoni regolari mal-pubbliku u mal-awtoritajiet amministrattivi juru għarfien tal-lingwa Litwana tal-kategorija II.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">Issa, il-leġiżlazzjoni nazzjonali inkwistjoni fil-kawża prinċipali tista’, minħabba r-restrizzjonijiet li din tista’ tinvolvi fil-qasam tar-reklutaġġ ta’ persunal debitament ikkwalifikat, tirrendi inqas attraenti t-twaqqif u l-operat fil-Litwanja, minn ċittadini ta’ Stati Membri oħra, ta’ stabbiliment ta’ tagħlim intiż li jipprovdi programmi ta’ edukazzjoni f’lingwa li ma tkunx il-lingwa Litwana, element li jikkostitwixxi restrizzjoni għal-libertà ta’ stabbiliment.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq il‑ġustifikazzjoni tar-restrizzjoni għal-libertà ggarantita mill‑Artikolu 49 TFUE</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Skont ġurisprudenza stabbilita, restrizzjoni għal-libertà ta’ stabbiliment tista’ tiġi aċċettata biss jekk, fl-ewwel lok, din tkun iġġustifikata minn raġuni imperattiva ta’ interess ġenerali u, fit-tieni lok, jiġi osservat il-prinċipju ta’ proporzjonalità, fatt li jimplika li din ir-restrizzjoni tkun adatta sabiex tiggarantixxi, b’mod koerenti u sistematiku, it-twettiq tal-għan imfittex, ma tkunx tmur lil hinn minn dak li jkun neċessarju sabiex dan jintlaħaq u li din ma tkunx sproporzjonata meta mqabbla ma’ dan l-għan (ara, f’dan is-sens, is-sentenza tas‑7 ta’ Settembru 2022, Cilevičs et, C‑391/20, EU:C:2022:638, punt 65 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">F’dan il-każ, fir-rigward tal-eżistenza ta’ raġuni imperattiva ta’ interess ġenerali, mill-fajl għad-dispożizzjoni tal-Qorti tal-Ġustizzja jirriżulta li l-leġiżlazzjoni nazzjonali inkwistjoni fil-kawża prinċipali tidher li hija intiża li tipproteġi u li tippromwovi l-użu tal-lingwa uffiċjali tar-Repubblika tal-Litwanja, fatt li jikkostitwixxi għan leġittimu ta’ natura li jiġġustifika, bħala prinċipju, restrizzjoni għal-libertajiet fundamentali previsti mid-dritt tal-Unjoni (ara, b’analoġija, is-sentenza tas‑7 ta’ Settembru 2022, Cilevičs et, C‑391/20, EU:C:2022:638, punti 67 sa 70 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">Fil-fatt, skont ir-raba’ subparagrafu tal-Artikolu 3(3) TUE kif ukoll skont l-Artikolu 22 tal-Karta tad-Drittijiet Fundamentali tal-Unjoni Ewropea, l-Unjoni għandha tirrispetta r-rikkezza tad-diversità kulturali u lingwistika tagħha u, konformement mal-Artikolu 4(2) TUE, hija għandha tosserva wkoll l-identità nazzjonali tal-Istati Membri tagħha, li minnha tagħmel parti wkoll il-protezzjoni tal-lingwa uffiċjali tal-Istat Membru kkonċernat (sentenza tas‑7 ta’ Settembru 2022, Cilevičs et, C‑391/20, EU:C:2022:638, punt 68 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">Fir-rigward tal-kwistjoni dwar jekk il-leġiżlazzjoni nazzjonali inkwistjoni fil-kawża prinċipali hijiex adatta sabiex tiggarantixxi t-twettiq tal-għan leġittimu ta’ protezzjoni u ta’ promozzjoni tal-lingwa Litwana, jekk din tmurx lil hinn minn dak li huwa neċessarju sabiex dan jintlaħaq u jekk hijiex sproporzjonata meta mqabbla ma’ dan l-għan, hija fl-aħħar mill-aħħar il-qorti tar-rinviju, li hija l-unika li għandha ġurisdizzjoni sabiex tevalwa l-fatti tat-tilwima fil-kawża prinċipali u sabiex tinterpreta l-leġiżlazzjoni nazzjonali, li għandha tiddetermina jekk u sa fejn tali leġiżlazzjoni tissodisfax dawn il-kundizzjonijiet (ara, b’analoġija, is-sentenza tas‑7 ta’ Settembru 2022, Cilevičs et, C‑391/20, EU:C:2022:638, punt 72 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">Madankollu, mitluba tagħti risposta utli lil din il-qorti, il-Qorti tal-Ġustizzja għandha ġurisdizzjoni sabiex tagħtiha indikazzjonijiet ibbażati fuq il-fajl tal-kawża prinċipali kif ukoll fuq l-osservazzjonijiet bil-miktub li ġew ippreżentati quddiemha, ta’ natura li jippermettulha tagħti deċiżjoni (ara, b’mod partikolari, is-sentenza tas‑7 ta’ Settembru 2022, Cilevičs et, (C‑391/20, EU:C:2022:638, punt 73 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">F’dan ir-rigward, għandu jiġi kkonstatat, l-ewwel nett, li leġiżlazzjoni ta’ Stat Membru bħal dik inkwistjoni fil-kawża prinċipali tidher adatta sabiex tiggarantixxi t-twettiq tal-għan ta’ protezzjoni u ta’ promozzjoni tal-lingwa uffiċjali ta’ dan l-Istat Membru. Fil-fatt, tali leġiżlazzjoni tiffavorixxi l-prattika tal-imsemmija lingwa mill-persuni suġġetti għal dan ir-rekwiżit lingwistiku fir-relazzjonijiet tagħhom mal-istudenti, mal-ġenituri tal-istudenti u mal-pubbliku inġenerali kif ukoll, għal dak li jirrigwarda b’mod iktar partikolari l-persunal amministrattiv, mal-awtoritajiet amministrattivi nazzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57</p>
</td>
<td valign="top">
<p class="normal">Ċertament, din il-leġiżlazzjoni tista’ titqies li hija ta’ natura li tiggarantixxi dan l-għan biss jekk din verament tkun tirrifletti x-xewqa li dan jintlaħaq u jekk din tiġi implimentata b’mod koerenti u sistematiku (sentenza tas‑7 ta’ Settembru 2022, Cilevičs et, C‑391/20, EU:C:2022:638, punt 75 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58</p>
</td>
<td valign="top">
<p class="normal">Issa, dan jidher li huwa l-każ hawnhekk peress li, kif jirriżulta mill-fajl għad-dispożizzjoni tal-Qorti tal-Ġustizzja, il-leġiżlazzjoni nazzjonali inkwistjoni fil-kawża prinċipali tapplika mhux biss għall-istabbilimenti ta’ tagħlim kollha li jinsabu fil-Litwanja iżda wkoll għall-impjegati kollha ta’ dawn l-istabbilimenti li l-impjieg tagħhom jimplika, b’mod partikolari, komunikazzjoni regolari ma’ persuni oħra u n-neċessità li jimtlew formoli standard uffiċjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59</p>
</td>
<td valign="top">
<p class="normal">It-tieni nett, fir-rigward tan-natura neċessarja tal-leġiżlazzjoni nazzjonali inkwistjoni fil-kawża prinċipali, b’mod partikolari tar-rekwiżit lingwistiku li din tinkludi, għandu jitfakkar li l-miżuri li jirrestrinġu libertà fundamentali ma jistgħux jiġu ġġustifikati meta l-għan imfittex ikun jista’ jintlaħaq permezz ta’ miżuri inqas restrittivi (ara, f’dan is-sens, is-sentenza tas‑7 ta’ Settembru 2022, Cilevičs et, C‑391/20, EU:C:2022:638, punt 81 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60</p>
</td>
<td valign="top">
<p class="normal">F’dan il-kuntest, għalkemm l-Istati Membri għandhom marġni ta’ evalwazzjoni wiesa’ fl-għażla tal-miżuri li jistgħu jilħqu l-għanijiet tal-politika tagħhom intiża għall-protezzjoni tal-lingwa uffiċjali, peress li tali politika tikkostitwixxi l-manifestazzjoni tal-identità nazzjonali, fis-sens tal-Artikolu 4(2) TUE), dan il-marġni ta’ evalwazzjoni ma jistax jiġġustifika ksur serju tad-drittijiet li l-individwi jisiltu mid-dispożizzjonijiet tat-Trattati li jistabbilixxu l-libertajiet fundamentali tagħhom (sentenza tas‑7 ta’ Settembru 2022, Cilevičs et, C‑391/20, EU:C:2022:638, punt 83 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61</p>
</td>
<td valign="top">
<p class="normal">F’dan il-każ, u filwaqt li r-Repubblika tal-Litwanja għandha l-intenzjoni tiżgura, kif tixhed il-leġiżlazzjoni tagħha, livell għoli ta’ protezzjoni u ta’ promozzjoni tal-lingwa uffiċjali tagħha, ma huwiex stabbilit, kif irrileva l-Avukat Ġenerali fil-punt 54 tal-konklużjonijiet tiegħu, li miżuri inqas restrittivi mir-rekwiżit lingwistiku inkwistjoni fil-kawża prinċipali jistgħu jkunu ta’ natura li jiggarantixxu livell ta’ effikaċja ekwivalenti fit-twettiq ta’ tali għan.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62</p>
</td>
<td valign="top">
<p class="normal">Għalhekk, ir-rekwiżit lingwistiku inkwistjoni fil-kawża prinċipali jidher, bħala tali, li jissodisfa l-kundizzjoni ta’ neċessità.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63</p>
</td>
<td valign="top">
<p class="normal">Madankollu, għandhom jittieħdu inkunsiderazzjoni wkoll, fl-eżami ta’ din il-kundizzjoni, il-modalitajiet ta’ prova meħtieġa mil-leġiżlazzjoni nazzjonali sabiex jiġi stabbilit li dan ir-rekwiżit lingwistiku huwa ssodisfatt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64</p>
</td>
<td valign="top">
<p class="normal">F’dan ir-rigward, fil-kuntest tat-tweġiba tagħha għat-talba għal informazzjoni msemmija fil-punt 27 ta’ din is-sentenza, il-qorti tar-rinviju indikat li l-leġiżlazzjoni nazzjonali tipprevedi li l-persuna li jkollha l-intenzjoni tipprova li għandha l-livell meħtieġ ta’ għarfien tal-lingwa Litwana għandha tipproduċi ċertifikat maħruġ min-Nacionalinė švietimo agentūra (l-Aġenzija Nazzjonali għall-Edukazzjoni, il-Litwanja) abbażi ta’ eżamijiet tal-lingwa organizzati fit-territorju Litwan.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65</p>
</td>
<td valign="top">
<p class="normal">Ċertament, il-produzzjoni ta’ ċertifikat tista’ tikkostitwixxi kriterju li jippermetti li jiġi evalwat l-għarfien lingwistiku meħtieġ (ara, b’analoġija, is-sentenza tal‑5 ta’ Frar 2015, Il‑Kummissjoni vs Il‑Belġju, C‑317/14, EU:C:2015:63, punt 27). Madankollu, l-impossibbiltà għal kandidat għal impjieg fi stabbiliment ta’ tagħlim privat li jipproduċi l-prova li huwa jissodisfa r-rekwiżit lingwistiku preskritt b’mod differenti milli bil-kisba ta’ tali ċertifikat, bħal dak meħtieġ mil-leġiżlazzjoni Litwana, tidher li tmur lil hinn minn dak li huwa neċessarju sabiex jintlaħaq l-għan leġittimu mfittex, peress li din teskludi kull teħid inkunsiderazzjoni tal-livell ta’ għarfien li ċertifikat jew diploma miksuba fi Stat Membru ieħor, fid-dawl tan-natura u tat-tul tal-korsijiet li dawn jikkonfermaw it-twettiq tagħhom, jippermettu li jiġi preżunt fir-rigward tad-detentur tagħhom (ara, b’analoġija, is-sentenza tal‑5 ta’ Frar 2015, Il‑Kummissjoni vs Il‑Belġju, C‑317/14, EU:C:2015:63, punt 29).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66</p>
</td>
<td valign="top">
<p class="normal">F’dawn iċ-ċirkustanzi, leġiżlazzjoni nazzjonali bħal dik inkwistjoni fil-kawża prinċipali, li tobbliga lill-persuni li hija tkopri, sabiex dawn juru li għandhom il-livell meħtieġ ta’ għarfien tal-lingwa uffiċjali, jipproduċu ċertifikat maħruġ minn organu tal-Istat Membru kkonċernat abbażi ta’ eżamijiet tal-lingwa organizzati fit-territorju tiegħu, tidher li tmur lil hinn minn dak li huwa neċessarju sabiex jintlaħaq l-għan leġittimu tagħha, fatt li għandu jiġi vverifikat mill-qorti tar-rinviju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67</p>
</td>
<td valign="top">
<p class="normal">It-tielet nett, fir-rigward tan-natura proporzjonata, fis-sens strett, tal-leġiżlazzjoni nazzjonali inkwistjoni fil-kawża prinċipali, għandu jitfakkar li għan ta’ interess ġenerali, bħall-protezzjoni u l-promozzjoni tal-lingwa uffiċjali, ma jistax jintlaħaq minn miżura nazzjonali mingħajr ma jittieħed inkunsiderazzjoni l-fatt li dan għandu jiġi rrikonċiljat mad-drittijiet fundamentali u mal-prinċipji kkonċernati minn din il-miżura, hekk kif stabbiliti mit-Trattati, u dan billi jsir ibbilanċjar ekwilibrat bejn, minn naħa, dan l-għan ta’ interess ġenerali u, min-naħa l-oħra, id-drittijiet u l-prinċipji inkwistjoni, sabiex jiġi żgurat li l-inkonvenjenzi kkawżati mill-imsemmija miżura ma jkunux sproporzjonati meta mqabbla mal-imsemmija għanijiet (ara, b’analoġija, is-sentenza tat‑18 ta’ Diċembru 2025, Slagelse Almennyttige Boligselskab, Afdeling Schackenborgvænge, C‑417/23, EU:C:2025:1017, punt 168).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68</p>
</td>
<td valign="top">
<p class="normal">Għalhekk, meta Stat Membru jkollu l-intenzjoni jimponi, għall-finijiet tal-għan ta’ protezzjoni u ta’ promozzjoni tal-lingwa uffiċjali tiegħu, rekwiżit lingwistiku fuq l-għalliema u fuq ċerti membri tal-persunal amministrattiv tal-istabbilimenti ta’ tagħlim privat, huwa għandu jwettaq ibbilanċjar ekwilibrat bejn dan l-għan ta’ interess ġenerali u d-drittijiet li jirriżultaw mill-Artikolu 49 TFUE. Bħala eżempju, tali bbilanċjar ekwilibrat jitwettaq permezz ta’ leġiżlazzjoni nazzjonali li tipprevedi l-possibbiltà ta’ konformità progressiva tal-livell ta’ għarfien tal-lingwa uffiċjali wara r-reklutaġġ, il-possibbiltà ta’ flessibbiltà fir-rigward tal-livell ta’ għarfien meħtieġ skont it-tul tal-impjieg jew inkella l-possibbiltà tal-introduzzjoni ta’ eżenzjoni minn dan ir-rekwiżit lingwistiku, iġġustifikata minn ċirkustanzi xierqa, b’mod partikolari meta ebda kandidat kompletament ikkwalifikat ma jippreżenta ruħu għall-pożizzjoni li jkollha timtela (ara, f’dan is-sens, is-sentenza tas‑7 ta’ Settembru 2022, Cilevičs et, C‑391/20, EU:C:2022:638, punti 84 u 85).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69</p>
</td>
<td valign="top">
<p class="normal">F’dan il-każ, mid-deċiżjoni tar-rinviju jirriżulta li r-rekwiżit lingwistiku inkwistjoni fil-kawża prinċipali huwa impost fuq l-għalliema kollha u fuq il-membri tal-persunal amministrattiv kollha li jkunu f’komunikazzjoni regolari mal-pubbliku u mal-awtoritajiet amministrattivi u li jkunu impjegati ta’ stabbiliment ta’ tagħlim privat u dan sa mid-dħul fil-kariga tagħhom u indipendentement mit-tul tal-kuntratt ta’ xogħol tagħhom, mingħajr ma hija prevista eċċezzjoni jew flessibbiltà f’dan ir-rigward.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70</p>
</td>
<td valign="top">
<p class="normal">Minn dan isegwi li l-leġiżlazzjoni nazzjonali inkwistjoni fil-kawża prinċipali ma tidhirx li tissodisfa l-prinċipju ta’ proporzjonalità, fis-sens strett, fis-sens li din tidher sproporzjonata meta mqabbla mal-għan imfittex, fatt li għandu jiġi evalwat mill-qorti tar-rinviju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, ir-risposta għat-tieni domanda għandha tkun li l-Artikolu 49 TFUE għandu jiġi interpretat fis-sens li ma jipprekludix, f’sitwazzjoni li taqa’ taħt il-kamp ta’ applikazzjoni tiegħu, il-leġiżlazzjoni ta’ Stat Membru li abbażi tagħha stabbiliment ta’ tagħlim privat, li jipprovdi, f’lingwa li ma tkunx il-lingwa uffiċjali ta’ dan l-Istat Membru, programm internazzjonali ta’ edukazzjoni sekondarja kif ukoll il-programmi ta’ edukazzjoni primarja u intermedja tal-baċellerat internazzjonali, huwa meħtieġ jivverifika jekk l-għalliema tiegħu u l-membri tal-persunal amministrattiv tiegħu f’komunikazzjoni regolari mal-pubbliku u mal-awtoritajiet amministrattivi jissodisfawx ir-rekwiżit ta’ għarfien, fuq livell intermedjarju, ta’ din il-lingwa uffiċjali, bil-kundizzjoni li din il-leġiżlazzjoni tkun iġġustifikata minn għan ta’ protezzjoni u ta’ promozzjoni tal-imsemmija lingwa uffiċjali u li din tkun neċessarja u proporzjonata għat-twettiq ta’ dan l-għan. Din il-kundizzjoni ma hijiex issodisfatta meta l-imsemmija leġiżlazzjoni tapplika, mingħajr possibbiltà ta’ eċċezzjoni jew ta’ flessibbiltà, għall-persuni kollha li hija tkopri u tobbligahom, sabiex dawn juru li għandhom il-livell meħtieġ ta’ għarfien tal-lingwa uffiċjali, jipproduċu ċertifikat maħruġ minn organu tal-Istat Membru kkonċernat abbażi ta’ eżamijiet tal-lingwa organizzati fit-territorju tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it-tielet domanda</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72</p>
</td>
<td valign="top">
<p class="normal">Permezz tat-tielet domanda tagħha, il-qorti tar-rinviju tistaqsi, essenzjalment, jekk l-Artikolu 53(1) tad-Direttiva 2005/36 għandux jiġi interpretat fis-sens li jipprekludi, f’sitwazzjoni li taqa’ taħt il-kamp ta’ applikazzjoni tiegħu, il-leġiżlazzjoni ta’ Stat Membru li abbażi tagħha l-għalliema ta’ stabbiliment ta’ tagħlim privat li jipprovdi, f’lingwa li ma tkunx il-lingwa uffiċjali ta’ dan l-Istat Membru, programm internazzjonali ta’ edukazzjoni sekondarja kif ukoll il-programmi ta’ edukazzjoni primarja u intermedjarja tal-baċellerat internazzjonali huma suġġetti għal rekwiżit ta’ għarfien, fuq livell intermedjarju, ta’ din il-lingwa uffiċjali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">73</p>
</td>
<td valign="top">
<p class="normal">Għandu jitfakkar li, skont l-ewwel subparagrafu tal-Artikolu 2(1) tad-Direttiva 2005/36, din tapplika għal kull ċittadin ta’ Stat Membru li jixtieq jeżerċita professjoni rregolata fi Stat Membru differenti minn dak li fih huwa kiseb il-kwalifiki professjonali tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">74</p>
</td>
<td valign="top">
<p class="normal">Barra minn hekk, skont l-Artikolu 53(1) ta’ din id-direttiva, il-professjonisti li jibbenefikaw mir-rikonoxximent ta’ kwalifiki professjonali għandu jkollhom għarfien lingwistiku neċessarju għall-eżerċizzju tal-professjoni fl-Istat Membru ospitanti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">75</p>
</td>
<td valign="top">
<p class="normal">Għalhekk, f’dan il-każ, sabiex tivverifika jekk it-tilwima fil-kawża prinċipali taqax taħt il-kamp ta’ applikazzjoni tal-Artikolu 53(1) tad-Direttiva 2005/36, il-qorti tar-rinviju għandha l-ewwel tistħarreġ jekk dawk l-għalliema tal-VTM li ma humiex ċittadini Litwani kisbux il-kwalifiki professjonali tagħhom fi Stati Membri differenti mir-Repubblika tal-Litwanja u bbenefikawx f’dan l-aħħar Stat Membru mir-rikonoxximent ta’ dawn il-kwalifiki professjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">76</p>
</td>
<td valign="top">
<p class="normal">Bla ħsara għal din l-osservazzjoni, għandu jitqies li, fid-dawl tal-importanza li t-tagħlim għandu bil-għan tat-twettiq ta’ politika intiża għall-protezzjoni u għall-promozzjoni tal-lingwa ta’ Stat Membru, u fid-dawl tal-fatt li l-għalliema għandhom rwol essenzjali mhux biss permezz tat-tagħlim li huma jipprovdu iżda wkoll permezz tal-parteċipazzjoni tagħhom fil-ħajja ta’ kuljum tal-iskola u permezz tar-relazzjonijiet privileġġjati li huma għandhom mal-istudenti tagħhom, rekwiżit ta’ għarfien tal-lingwa uffiċjali tal-Istat Membru li fih jeżerċitaw il-professjoni tagħhom jista’ jitqies li jikkostitwixxi kundizzjoni li tikkorrispondi għall-għarfien lingwistiku neċessarju għall-eżerċizzju tal-professjoni tagħhom, fis-sens tal-Artikolu 53(1) tad-Direttiva 2005/36 (ara, b’analoġija, is-sentenza tat‑28 ta’ Novembru 1989, Groener, C‑379/87, EU:C:1989:599, punti 19 sa 21).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">77</p>
</td>
<td valign="top">
<p class="normal">Madankollu, għandu jittieħed inkunsiderazzjoni l-fatt li d-Direttiva 2005/36 għandha tiġi interpretata fid-dawl tal-libertajiet fundamentali ggarantiti mid-dritt tal-Unjoni, b’mod partikolari mill-Artikolu 49 TFUE, fil-każ fejn, hekk kif huwa l-każ fil-kawża prinċipali, il-leġiżlazzjoni ta’ Stat Membru tobbliga lill-istabbilimenti ta’ tagħlim stabbiliti fit-territorju tiegħu jiżguraw li l-għalliema tagħhom jissodisfaw rekwiżit lingwistiku speċifiku.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">78</p>
</td>
<td valign="top">
<p class="normal">Għalhekk, il-konformità ta’ tali leġiżlazzjoni mal-Artikolu 53(1) tad-Direttiva 2005/36, moqri fid-dawl tal-Artikolu 49 TFUE, għandha tiġi evalwata skont l-istess kriterji bħal dawk applikabbli għall-eżami tal-konformità ta’ din il-leġiżlazzjoni mal-Artikolu 49 TFUE, imsemmija fil-punti 51 sa 68 ta’ din is-sentenza, element li jippreżupponi li jiġi vverifikat jekk l-imsemmija leġiżlazzjoni hijiex iġġustifikata minn għan ta’ protezzjoni u ta’ promozzjoni tal-lingwa uffiċjali tal-Istat Membru inkwistjoni u jekk hijiex neċessarja u proporzjonata għat-twettiq ta’ dan l-għan.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">79</p>
</td>
<td valign="top">
<p class="normal">Għall-finijiet ta’ kompletezza, għandu jiġi rrilevat li l-Artikolu 53(3) tad-Direttiva 2005/36 jipprevedi li kontrolli intiżi li tiġi vverifikata l-osservanza tal-obbligu stabbilit fil-paragrafu 1 ta’ dan l-artikolu jistgħu jiġu imposti biss, għal professjonijiet li ma għandhomx implikazzjonijiet fil-qasam tas-sigurtà tal-pazjenti, jekk ikun hemm “dubju serju u konkret” dwar il-livell suffiċjenti tal-għarfien lingwistiku tal-professjonist fir-rigward tal-attivitajiet professjonali li huwa għandu l-intenzjoni jeżerċita.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">80</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, ir-risposta għat-tielet domanda għandha tkun li l-Artikolu 53(1) tad-Direttiva 2005/36, moqri fid-dawl tal-Artikolu 49 TFUE, għandu jiġi interpretat fis-sens li ma jipprekludix, f’sitwazzjoni li taqa’ taħt il-kamp ta’ applikazzjoni tiegħu, il-leġiżlazzjoni ta’ Stat Membru li abbażi tagħha l-għalliema ta’ stabbiliment ta’ tagħlim privat li jipprovdi, f’lingwa li ma tkunx il-lingwa uffiċjali ta’ dan l-Istat Membru, programm internazzjonali ta’ edukazzjoni sekondarja kif ukoll il-programmi ta’ edukazzjoni primarja u intermedjarja tal-baċellerat internazzjonali huma suġġetti għal rekwiżit ta’ għarfien, fuq livell intermedjarju, ta’ din il-lingwa uffiċjali, bil-kundizzjoni li din il-leġiżlazzjoni tkun iġġustifikata minn għan ta’ protezzjoni u ta’ promozzjoni ta’ din il-lingwa uffiċjali u li din tkun neċessarja u proporzjonata għat-twettiq ta’ dan l-għan. Din il-kundizzjoni ma hijiex issodisfatta meta l-imsemmija leġiżlazzjoni tapplika, mingħajr possibbiltà ta’ eċċezzjoni jew ta’ flessibbiltà, għall-persuni kollha li hija tkopri u tobbligahom, sabiex dawn juru li għandhom il-livell meħtieġ ta’ għarfien tal-lingwa uffiċjali, jipproduċu ċertifikat maħruġ minn organu tal-Istat Membru kkonċernat abbażi ta’ eżamijiet tal-lingwa organizzati fit-territorju tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">81</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija dik il-qorti li għandha tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, barra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-154" title="page-1">
      Għal dawn il-motivi, Il-Qorti tal-Ġustizzja (L‑Ewwel Awla) taqta’ u tiddeċiedi:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1)</p>
</td>
<td valign="top">
<p class="normal">L-Artikolu 49 TFUE għandu jiġi interpretat fis-sens li dan japplika għas-sitwazzjoni ta’ stabbiliment ta’ tagħlim privat stabbilit fi Stat Membru u li ċittadin ta’ Stat Membru ieħor ikollu sehem fil-kapital ta’ dan l-istabbiliment li jippermettilu jeżerċita influwenza ċerta fuq id-deċiżjonijiet tiegħu u jiddetermina l-attivitajiet tiegħu, meta dan l-istabbiliment jipprovdi, fl-Istat Membru li fih dan huwa stabbilit, bi ħlas, programm internazzjonali ta’ edukazzjoni sekondarja kif ukoll il-programmi ta’ edukazzjoni primarja u intermedjarja tal-baċellerat internazzjonali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2)</p>
</td>
<td valign="top">
<p class="normal">L-Artikolu 49 TFUE għandu jiġi interpretat fis-sens li ma jipprekludix, f’sitwazzjoni li taqa’ taħt il-kamp ta’ applikazzjoni tiegħu, il-leġiżlazzjoni ta’ Stat Membru li abbażi tagħha stabbiliment ta’ tagħlim privat, li jipprovdi, f’lingwa li ma tkunx il-lingwa uffiċjali ta’ dan l-Istat Membru, programm internazzjonali ta’ edukazzjoni sekondarja kif ukoll il-programmi ta’ edukazzjoni primarja u intermedja tal-baċellerat internazzjonali, huwa meħtieġ jivverifika jekk l-għalliema tiegħu u l-membri tal-persunal amministrattiv tiegħu f’komunikazzjoni regolari mal-pubbliku u mal-awtoritajiet amministrattivi jissodisfawx ir-rekwiżit ta’ għarfien, fuq livell intermedjarju, ta’ din il-lingwa uffiċjali, bil-kundizzjoni li din il-leġiżlazzjoni tkun iġġustifikata minn għan ta’ protezzjoni u ta’ promozzjoni tal-imsemmija lingwa uffiċjali u li din tkun neċessarja u proporzjonata għat-twettiq ta’ dan l-għan. Din il-kundizzjoni ma hijiex issodisfatta meta l-imsemmija leġiżlazzjoni tapplika, mingħajr possibbiltà ta’ eċċezzjoni jew ta’ flessibbiltà, għall-persuni kollha li hija tkopri u tobbligahom, sabiex dawn juru li għandhom il-livell meħtieġ ta’ għarfien tal-lingwa uffiċjali, jipproduċu ċertifikat maħruġ minn organu tal-Istat Membru kkonċernat abbażi ta’ eżamijiet tal-lingwa organizzati fit-territorju tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3)</p>
</td>
<td valign="top">
<p class="normal">L-Artikolu 53(1) tad-Direttiva 2005/36/KE tal-Parlament Ewropew u tal-Kunsill tas‑7 ta’ Settembru 2005 dwar ir-Rikonoxximent ta’ Kwalifiki Professjonali, kif emendata bid-Direttiva 2013/55/UE tal-Parlament Ewropew u tal-Kunsill tal‑20 ta’ Novembru 2013, moqri fid-dawl tal-Artikolu 49 TFUE, għandu jiġi interpretat fis-sens li ma jipprekludix, f’sitwazzjoni li taqa’ taħt il-kamp ta’ applikazzjoni tiegħu, il-leġiżlazzjoni ta’ Stat Membru li abbażi tagħha l-għalliema ta’ stabbiliment ta’ tagħlim privat li jipprovdi, f’lingwa li ma tkunx il-lingwa uffiċjali ta’ dan l-Istat Membru, programm internazzjonali ta’ edukazzjoni sekondarja kif ukoll il-programmi ta’ edukazzjoni primarja u intermedjarja tal-baċellerat internazzjonali huma suġġetti għal rekwiżit ta’ għarfien, fuq livell intermedjarju, ta’ din il-lingwa uffiċjali, bil-kundizzjoni li din il-leġiżlazzjoni tkun iġġustifikata minn għan ta’ protezzjoni u ta’ promozzjoni ta’ din il-lingwa uffiċjali u li din tkun neċessarja u proporzjonata għat-twettiq ta’ dan l-għan. Din il-kundizzjoni ma hijiex issodisfatta meta l-imsemmija leġiżlazzjoni tapplika, mingħajr possibbiltà ta’ eċċezzjoni jew ta’ flessibbiltà, għall-persuni kollha li hija tkopri u tobbligahom, sabiex dawn juru li għandhom il-livell meħtieġ ta’ għarfien tal-lingwa uffiċjali, jipproduċu ċertifikat maħruġ minn organu tal-Istat Membru kkonċernat abbażi ta’ eżamijiet tal-lingwa organizzati fit-territorju tiegħu.</p>
</td>
</tr>
</table>
    <div class="signatures">
<p class="C77Signatures" id="para-158" title="page-1">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: il-Litwan.</p>
</body>
</html>
