(a)

gníomhú i gcomhréir leis na cuspóirí agus na prionsabail atá á saothrú ag an Aontas laistigh den chomhbheartas iascaigh, go háirithe trí chur chuige an réamhchúraim agus na haidhmeanna a bhaineann leis an uastáirgeacht inbhuanaithe mar a leagtar síos in Airteagal 2(2) de Rialachán (AE) Uimh. 1380/2013, chun cur chun feidhme cur chuige i leith bainistiú iascaigh atá bunaithe ar an éiceachóras a chur chun cinn, chun gabhálacha dosheachanta a sheachaint agus a íoslaghdú, a mhéid is féidir, agus chun deireadh a chur le hábhar muirí aischurtha diaidh ar ndiaidh, agus chun tionchar diúltach na ngníomhaíochtaí iascaireachta ar éiceachórais mhuirí agus ar a ngnáthóga a íoslaghdú agus, trí iascaigh de chuid an Aontais atá inmharthana iomaíoch ó thaobh an gheilleagair de a chur chun cinn, chun caighdeán cothrom maireachtála a chur ar fáil do na daoine a bhíonn ag brath ar ghníomhaíochtaí iascaireachta, agus leasanna na dtomhaltóirí á gcur san áireamh;

(b)

oibriú ar son rannpháirtíocht iomchuí na bpáirtithe leasmhara le linn ullmhú bhearta NPFC agus a áirithiú go mbeidh na bearta a ghlacfar in NPFC i gcomhréir le cuspóirí an Choinbhinsiúin um Chaomhnú agus Bainistiú Acmhainní Iascaigh na Mórmhara san Aigéan Ciúin Thuaidh (“an Coinbhinsiún”);

(c)

a áirithiú go bhfuil na bearta a ghlacfar in NPFC comhsheasmhach leis an dlí idirnáisiúnta, agus go háirithe le forálacha Choinbhinsiún de chuid na Náisiún Aontaithe maidir le Dlí na Farraige an 10 Nollaig 1982, le Comhaontú de chuid na Náisiún Aontaithe i ndáil le Caomhnú agus le Bainistiú Stoc Éisc Traslimistéir agus Stoc Éisc Mór-imirceach an 4 Nollaig 1995, le Comhaontú de chuid na hEagraíocht Bhia agus Talmhaíochta (EBT) chun comhlíontacht bád iascaireachta ar an mórmhuir i dtaca le bearta idirnáisiúnta caomhantais agus bainistíochta a chur chun cinn an 24 Samhain 1993 agus le Comhaontú de chuid EBT faoi Bhearta Stát an Chalafoirt an 22 Samhain 2009;

(d)

seasaimh atá comhsheasmhach le dea-chleachtais eagraíochtaí réigiúnacha bainistithe iascaigh (ERBInna) a bhfuil baint acu le bainistiú iascach sa limistéar céanna a chur chun cinn;

(e)

féachaint le comhsheasmhacht agus sineirge le beartas an Aontais maidir lena chaidreamh déthaobhach iascaigh le tríú tíortha, agus comhleanúnachas lena bheartais eile a áirithiú, go háirithe i réimse an chaidrimh sheachtraigh, an chomhshaoil, na trádála, na forbartha, an taighde agus na nuálaíochta;

(f)

a áirithiú go ndéantar gealltanais idirnáisiúnta an Aontais a urramú;

(g)

na conclúidí ón gComhairle an 19 Márta 2012 maidir leis an Teachtaireacht ón gCoimisiún i ndáil le gné sheachtrach an chomhbheartais iascaigh a urramú;

(h)

díriú ar chothrom iomaíochta a chruthú do chabhlach an Aontais laistigh de limistéar a bhfuil feidhm ag an gCoinbhinsiún maidir leis, mar a shainmhínítear in Airteagal 4(1) den Choinbhinsiún. (“Limistéar an Choinbhinsiúin”), bunaithe ar na prionsabail agus na caighdeáin chéanna is infheidhme faoi dhlí an Aontais, agus cur chun feidhme aonfhoirmeach na bprionsabal agus na gcaighdeán sin a chur chun cinn;

(i)

na conclúidí ón gComhairle an 3 Aibreán 2017 maidir leis an teachtaireacht Chomhpháirteach ó Ardionadaí an Aontais do Ghnóthaí Eachtracha agus don Bheartas Slándála agus ón gCoimisiún an 10 Samhain 2016 dar teideal “International ocean governance: an agenda for the future of oceans” [Rialachas idirnáisiúnta aigéan: clár oibre le haghaidh thodhchaí na n-aigéan] a urramú, agus bearta a chur chun cinn chun tacú le héifeachtacht NPFC agus, i gcás inarb ábhartha, chun feabhas a chur ar a rialachas agus a fheidhmíocht, go háirithe a mhéid a bhaineann leis an eolaíocht, comhlíonadh, trédhearcacht agus cinnteoireacht;

(j)

comhordú idir ERBInna agus coinbhinsiúin réigiúnacha farraige agus comhar le heagraíochtaí domhanda laistigh dá sainorduithe a chur chun cinn, i gcás inarb iomchuí;

(k)

sásraí comhair a chur chun cinn i measc ERBInna neamhthuinnín ar nós phróiseas Kobe le haghaidh ERBInna tuinnín.

(a)

bearta caomhnaithe agus bainistithe le haghaidh acmhainní iascaigh i limistéar an Choinbhinsiúin bunaithe ar an gcomhairle eolaíoch is fearr dá bhfuil ar fáil, lena n-áirítear gabhálacha iomlána incheadaithe agus cuótaí nó rialáil ar an iarracht maidir le hacmhainní bitheolaíocha muirí beo arna rialú ag NPFC, lena mbainfí amach ráta dúshaothraithe na huastáirgeachta inbhuanaithe. I gcás inar gá, áireofar sna bearta caomhnaithe agus bainistíochta sin bearta sonracha le haghaidh stoic atá thíos leis an ró-iascaireacht chun an iarracht iascaireachta a choinneáil i gcomhréir leis na deiseanna iascaireachta atá ar fáil;

(b)

bearta chun gníomhaíochtaí iascaireachta neamhdhleathacha, neamhthuairiscithe agus neamhrialáilte (NNN) i limistéar an Choinbhinsiúin a chosc, a dhíspreagadh agus a dhíothú, lena n-áirítear soithí iascaireachta NNN a liostú;

(c)

bearta faireacháin, rialaithe agus faireachais i limistéar an Choinbhinsiúin chun éifeachtúlacht rialaithe agus comhlíonadh na mbeart arna nglacadh in NPFC a áirithiú;

(d)

bearta chun an tionchar diúltach a bhíonn ag gníomhaíochtaí iascaireachta ar bhithéagsúlacht mhuirí agus ar éiceachórais mhuirí agus ar a ngnáthóga a íoslaghdú, lena n-áirítear bearta chun truailliú muirí a laghdú agus chun sceitheadh plaisteach ar muir a chosc agus chun tionchar na bplaisteach atá ar muir a laghdú ar bhithéagsúlacht mhuirí agus ar éiceachórais, bearta cosanta le haghaidh éiceachórais leochaileacha mhuirí i limistéar an Choinbhinsiún, i gcomhréir leis an gCoinbhinsiún agus le Treoirlínte Idirnáisiúnta EBT maidir le Bainistiú Iascach Domhainfharraige ar an Mórmhuir an 29 Lúnasa 2008, agus bearta chun gabhálacha dosheachanta a sheachaint agus a laghdú a mhéid is féidir, go háirithe speicis mhuirí leochaileacha, agus chun deireadh a chur le hábhar muirí aischurtha de réir a chéile;

(e)

bearta chun tionchar trealaimh iascaireachta tréigthe, caillte nó diúscartha ar bhealach eile san aigéan a laghdú agus chun cuidiú leis an trealamh sin a shainaithint agus a aisghabháil;

(f)

i gcás inarb iomchuí agus a mhéid a cheadaítear faoi na comhdhoiciméid ábhartha, moltaí lena spreagtar cur chun feidhme Choinbhinsiún na hEagraíochta Idirnáisiúnta Saothair (EIS) maidir le hObair san Iascaireacht an 14 Meitheamh 2007;

(g)

bearta arb é is aidhm dóibh toirmeasc a chur ar iascaigh a dhéantar chun eití siorca a bhaint agus lena gceanglaítear go mbeidh na heití ó nádúr ar fad ar gach siorc atá tugtha i dtír;

(h)

cuir chuige chomhpháirteacha le ERBInna eile, i gcás inarb iomchuí, agus go háirithe leis na ERBInna sin a bhfuil baint acu le bainistiú iascaigh sa réigiún céanna;

(i)

bearta teicniúla breise bunaithe ar chomhairle ó fhochuideachtaí agus ó mheithleacha de chuid NPFC.