1.   Féadfaidh tríú stát iarraidh a chur faoi bhráid chomhordaitheoir nó chomhordaitheoirí thionscadal PESCO a bheith rannpháirteach sa tionscadal sin. San iarraidh sin, beidh faisnéis leor-mhionsonraithe maidir leis na cúiseanna le páirt a ghlacadh sa tionscadal, chomh maith le raon feidhme agus foirm na rannpháirtíochta atá beartaithe, i gcéimeanna den tionscadal más infheidhme, agus tabharfar bunús ann le comhlíonadh na gcoinníollacha ginearálta a leagtar amach in Airteagal 3.

2.   Ar iarraidh den chineál sin a fháil, déanfaidh na Ballstáit rannpháirteacha atá rannpháirteach sa tionscadal (“comhaltaí an tionscadail”) measúnú, ar bhonn na faisnéise arna soláthar ag an tríú Stát sin, an gcomhlíonann sé na coinníollacha ginearálta a leagtar amach in Airteagal 3.

3.   Má chomhaontaíonn comhaltaí an tionscadail d’aon toil:

tabharfaidh comhordaitheoir nó comhordaitheoirí an tionscadail, le tacaíocht ó Rúnaíocht PESCO, fógra don Chomhairle agus don Ardionadaí dá réir. Áireofar san fhógra sin an iarraidh a chuir an tríú Stát isteach.

4.   Bunaithe ar an bhfógra dá dtagraítear i mír 3 den Airteagal seo, ina n‐áirítear raon feidhme, foirm agus, más infheidhme, céimeanna ábhartha rannpháirtíocht an tríú Stát sa tionscadal, agus tar éis don Choiste Polaitiúil agus Slándála tuairim a thabhairt uaidh, glacfaidh an Chomhairle cinneadh i gcomhréir le hAirteagal 46(6) CAE agus le hAirteagal 9(2) de Chinneadh (CBES) 2017/2315 an gcomhlíonann rannpháirtíocht an tríú Stát sa tionscadal sin na coinníollacha a leagtar amach in Airteagal 3 den Chinneadh seo.

5.   Tar éis don Chomhairle cinneadh dearfach a dhéanamh dá dtagraítear i mír 4, seolfaidh comhordaitheoir nó comhordaitheoirí thionscadal PESCO, thar ceann chomhaltaí an tionscadail, cuireadh chun páirt a ghlacadh sa tionscadal sin chuig an tríú Stát a chuir an iarraidh isteach.

6.   Ach é a bheith curtha in iúl ag an tríú Stát a chuir an iarraidh isteach do chomhordaitheoir nó do chomhordaitheoirí thionscadal PESCO go nglacann sé leis an gcuireadh, cuirfidh comhaltaí an tionscadail, nó an comhordaitheoir nó na comhordaitheoirí thar a gceann, tús le hidirbheartaíocht leis an tríú Stát sin d’fhonn socrú riaracháin a dhéanamh ina mbeidh páirteach comhaltaí an tionscadail, ag gníomhú dóibh d’aon toil, agus an tríú Stát sin, ar bhonn an teimpléid atá i gceangal leis an gCinneadh seo. Leis an socrú riaracháin sin, áiritheofar comhsheasmhacht le forálacha Chinneadh (CBES) 2017/2315 agus forálacha Chinneadh (CBES) 2018/909.

7.   An tríú Stát dá dtugtar cuireadh páirt a ghlacadh sa tionscadal, rachaidh sé i bpáirt leis an tionscadal ar an dáta atá sonraithe sa socrú riaracháin dá dtagraítear i mír 6.

8.   Cuirfidh comhordaitheoir nó comhordaitheoirí tionscadail PESCO na socruithe riaracháin dá dtagraítear i mír 6 den Airteagal seo ar fáil do gach Ballstát rannpháirteach PESCO tríd an spás oibre leictreonach comhchoiteann dá dtagraítear in Airteagal 2(2) de Chinneadh (CBES) 2018/909.

1.   Le rannpháirtíocht tríú Stát i dtionscadal PESCO, urramófar na socruithe arna dtabhairt i gcrích ag comhaltaí an tionscadail eatarthu féin maidir leis an tionscadal a bhainistiú i gcomhréir le hAirteagal 4(1) de Chinneadh (CBES) 2018/909. Beidh ag tríú Stát atá rannpháirteach i dtionscadal PESCO na cearta agus na hoibleagáidí arna gcinneadh i socrú riaracháin dá dtagraítear in Airteagal 2(6) den Chinneadh seo a dhéanfaidh comhaltaí an tionscadail, ag gníomhú dóibh d’aon toil, agus an tríú Stát sin. Ní mór na coinníollacha ginearálta a leagtar amach in Airteagal 3 den Chinneadh seo a urramú leis na cearta agus na hoibleagáidí sin agus féadfaidh na réimsí a leanas a bheith san áireamh leo:

2.   Féadfaidh an tríú Stát iarrtha páirt a ghlacadh sa phróiseas cinnteoireachta chun an tionscadal a chur chun feidhme, agus a rannchuidiú á chur san áireamh aige. Leis na socruithe dá dtagraítear i mír 1, urramófar uathriail cinnteoireachta an Aontais mar aon le cearta agus oibleagáidí na mBallstát rannpháirteach, lena n‐áirítear a mhéid a bhaineann le rialú tionscadail gona thorthaí a choimirciú laistigh de chreat PESCO agus le cinnteoireacht i ndáil le comhaltaí an tionscadail nua a d’fhéadfadh a bheith ann, i gcomhréir le Cinneadh (CBES) 2017/2315, lena mbunaítear PESCO, agus leis an tacar coiteann rialacha rialachais do thionscadail PESCO a leagtar amach i gCinneadh (CBES) 2018/909.

1.   Déanfaidh comhordaitheoir nó comhordaitheoirí tionscadail ina mbeidh tríú Stát rannpháirteach faisnéis, faoi rannchuidiú aonair an tríú Stát sin leis an tionscadal agus faoi chomhlíonadh a ghealltanas i leith an tionscadail, mar aon le comhlíonadh leanúnach na gcoinníollacha ginearálta a leagtar amach in Airteagal 3 den Chinneadh seo, a chur in iúl do Rúnaíocht PESCO, i gcomhréir leis an nós imeachta agus na hamlínte a leagtar amach in Airteagal 2(2) de Chinneadh (CBES) 2018/909.

2.   Tabharfaidh Rúnaíocht PESCO an fhaisnéis dá dtagraítear i mír 1 den Airteagal seo don Chomhairle uair sa bhliain, i gcomhthéacs na tuarascála bliantúla maidir le PESCO ón Ardionadaí chuig an gComhairle agus mar chuid den fhaisnéis chomhdhlúite faoi thionscadail PESCO, dá dtagraítear in Airteagal 2(2) de Chinneadh (CBES) 2018/909, chun a áirithiú go mbeidh an Chomhairle in ann maoirseacht éifeachtach a dhéanamh ar na tionscadail agus gníomhú nuair is gá sin, lena n‐áirítear maidir le fíorú go ndéanann an tríú Stát atá rannpháirteach sa tionscadal na coinníollacha ginearálta a leagtar amach in Airteagal 3 den Chinneadh seo a chomhlíonadh go leanúnach.

1.   I gcás ina mbeidh a chinneadh a rannpháirtíocht a fhoirceannadh curtha in iúl do chomhaltaí an tionscadail ag tríú Stát atá rannpháirteach i dtionscadal PESCO, beidh éifeacht ag an bhfoirceannadh sin a luaithe a bheidh comhaltaí an tionscadail agus an tríú Stát sin tagtha ar chomhaontú maidir leis na coinníollacha a bhainfidh leis an bhfoirceannadh.

I gcás ina ndéanfar rannpháirtíocht tríú Stát i dtionscadal PESCO a fhoirceannadh, tabharfaidh comhordaitheoir nó comhordaitheoirí an tionscadail, le tacaíocht ó Rúnaíocht PESCO, fógra don Chomhairle agus don Ardionadaí dá réir.

2.   Féadfaidh comhaltaí an tionscadail aontú, le linn an athbhreithnithe rialta dá dtagraítear in Airteagal 5 nó lasmuigh den athbhreithniú sin, gur cheart athmheasúnú a dhéanamh ar rannpháirtíocht tríú Stát i dtionscadal. I gcás mar sin, cuirfidh an comhordaitheoir tionscadail nó na comhordaitheoirí tionscadail an méid sin in iúl don tríú Stát sin.

Má chinneann comhaltaí an tionscadail rannpháirtíocht tríú Stát i dtionscadal PESCO a chur ar fionraí, tabharfaidh comhordaitheoir nó comhordaitheoirí an tionscadail, le tacaíocht ó Rúnaíocht PESCO, fógra don Chomhairle agus don Ardionadaí dá réir. Bunaithe ar an bhfógra sin agus tar éis tuairim a fháil ón gCoiste Polaitiúil agus Slándála, féadfaidh an Chomhairle cinneadh a dhéanamh i gcomhréir le hAirteagal 46(6) CAE agus le hAirteagal 9(2) de Chinneadh (CBES) 2017/2315 rannpháirtíocht an tríú Stát sa tionscadal a fhoirceannadh.

3.   Má mheasann Ballstát amháin nó roinnt Ballstát nach bhfuil na coinníollacha ginearálta a leagtar amach in Airteagal 3 den Chinneadh seo á gcomhlíonadh a thuilleadh le rannpháirtíocht tríú Stát i dtionscadal PESCO, féadfaidh siad an tsaincheist a tharchur chuig an gComhairle. I gcás den sórt sin, beidh comhairliúcháin idir na Ballstáit lena mbaineann, eadhon comhaltaí an tionscadail agus an Ballstát a bhfuil an tarchur á dhéanamh aige nó na Ballstáit a bhfuil an tarchur á dhéanamh acu, agus na comhairliúcháin sin á n‐éascú ag an Ardionadaí. Faoi chuimsiú na gcomhairliúchán sin, inar féidir barúlacha an tríú Stát a éisteacht freisin, cuirfidh an Ballstát nó na Ballstáit a tharchuir an tsaincheist chuig an gComhairle an fhaisnéis riachtanach ar fad ar fáil don Ardionadaí i scríbhinn, agus leagfaidh sé nó siad amach an bunús atá leis an tarchur sin agus cuirfidh sé nó siad na bearta a d’fhéadfaí a dhéanamh chun an tsaincheist a mhaolú in iúl don Ardionadaí. Scrúdóidh an tArdionadaí agus na Ballstáit lena mbaineann an tsaincheist le chéile agus féachfaidh siad le teacht ar réitigh leordhóthanacha laistigh de thréimhse dhá mhí. Má chinneann an Ballstát nó na Ballstáit a tharchuir an tsaincheist chuig an gComhairle fós, tar éis na gcomhairliúchán, nach bhfuil na coinníollacha ginearálta a leagtar amach in Airteagal 3 den Chinneadh seo á gcomhlíonadh a thuilleadh le rannpháirtíocht tríú Stát i dtionscadal PESCO, féadfaidh siad a iarraidh ar an gComhairle an tsaincheist a scrúdú. I gcás den sórt sin, cuirfidh na Ballstáit lena mbaineann an fhaisnéis ábhartha go léir ar fáil don Chomhairle. Ar an mbonn sin, ag gníomhú di i gcomhréir le hAirteagal 46(6) CAE, pléifidh an Chomhairle rannpháirtíocht an tríú Stát agus déanfaidh sí cinneadh maidir le leanúint leis an rannpháirtíocht sin.

4.   Na coinníollacha faoina bhféadfaidh tríú Stát a rannpháirtíocht i dtionscadal PESCO a fhoirceannadh agus na coinníollacha faoina bhféadfaidh comhaltaí an tionscadail rannpháirtíocht tríú Stát i dtionscadal PESCO a chur ar fionraí, déanfar iad a chinneadh leis na socruithe riaracháin dá dtagraítear in Airteagal 2(6). Cinnfear go háirithe, leis na socruithe sin, cearta agus oibleagáidí chomhaltaí an tionscadail agus an tríú Stát a bhfuil a rannpháirtíocht foirceannta ag an tríú Stát féin nó ag an gComhairle nó curtha ar fionraí ag comhaltaí an tionscadail, faoi seach, lena n‐áirítear maidir le gnéithe airgeadais an fhoirceanta nó na fionraí sin, cánacha, maoin intleachtúil agus gnéithe eile is ábhartha maidir leis an bhfoirceannadh nó leis an bhfionraí.

1.   Ní rialaítear na coinníollacha agus na nósanna imeachta faoina bhféadfaidh eintitis a bheith rannpháirteach i gcur chun feidhme thionscadail PESCO leis an gCinneadh seo ach amháin mar a leagtar amach san Airteagal seo. Déanfar athbhreithniú ar Chinneadh (CBES) 2018/909 faoin 31 Nollaig 2020, i gcomhréir leis an gcéad mhír d’Airteagal 9 de, go háirithe maidir le coinníollacha agus nósanna imeachta mar sin.

2.   Faoi réir aon choinníollacha agus nósanna imeachta lena rialáiltear rannpháirtíocht eintiteas i dtionscadail PESCO a d’fhéadfaí a bhunú de bhun an athbhreithnithe ar Chinneadh (CBES) 2018/909 dá dtagraítear i mír 1 den Airteagal seo:

3.   Cuirfear Cinneadh (CBES) 2018/909 i bhfeidhm go comhsheasmhach leis an gCinneadh seo.

4.   Nuair a bheidh cinneadh déanta ag comhaltaí an tionscadail maidir le heintitis a roghnú, i gcomhréir le hAirteagal 7(1) de Chinneadh (CBES) 2018/909, tabharfaidh siad an aird chuí ar leasanna slándála agus cosanta an Aontais agus a Bhallstát.

5.   Áiritheoidh comhaltaí an tionscadail trédhearcacht iomlán vis-à-vis na Ballstáit rannpháirteacha uile maidir le rannpháirtíocht eintiteas sa tionscadal sin, tríd an spás oibre leictreonach comhchoiteann dá dtagraítear in Airteagal 2(2) de Chinneadh (CBES) 2018/909.

6.   Má mheasann Ballstát go bhfuil a leasanna slándála agus cosanta nó leasanna an Aontais faoi bhagairt ag rannpháirtíocht eintitis i gcur chun feidhme tionscadail PESCO, féadfaidh sé an t‐ábhar a thabhairt faoi bhráid na Comhairle, a fhéadfaidh faisnéis bhreise a iarraidh ar chomhaltaí an tionscadail, d’fhonn an staid a mheasúnú.

7.   Déanfar Cinneadh (CBES) 2018/909 a leasú, i gcomhréir leis an dara mír d’Airteagal 9 de, chun na coinníollacha ginearálta maidir le rannpháirtíocht tríú Stát i dtionscadail aonair PESCO dá bhforáiltear sa Chinneadh seo a chur san áireamh.