(1)

Skont l-Artikolu 3(1) tad-Deċiżjoni (PESK) 2023/1599, il-Kunsill awtorizza lill-Kumitat Politiku u ta’ Sigurtà (KPS), f’konformità mal-Artikolu 38 tat-Trattat, biex jieħu d-deċiżjonijiet rilevanti għall-fini li jeżerċita l-kontroll politiku u d-direzzjoni strateġika tal-Inizjattiva tal-Unjoni Ewropea għas-Sigurtà u d-Difiża b’appoġġ għall-pajjiżi tal-Afrika tal-Punent tal-Golf tal-Guinea (l-“Inizjattiva”), inkluż deċiżjonijiet dwar il-ħatra tal-kap taċ-ċellola militari ta’ kmand u appoġġ.

(2)

Fit-23 ta’ Mejju 2024, il-KPS adotta d-Deċiżjoni (PESK) 2024/1494 (2) li taħtar lill-Kurunell Sergio PUEBLA GARCÍA bħala kap taċ-ċellola militari ta’ kmand u appoġġ tal-Inizjattiva mill-15 ta’ Jannar 2024 sal-14 ta’ Lulju 2024. IL-KPS ma ħatar l-ebda kap taċ-ċellola militari ta’ kmand u appoġġ tal-Inizjattiva mill-14 ta’ Lulju 2024 ’il quddiem.

(3)

Fil-25 ta’ Novembru 2024, l-awtoritajiet Spanjoli pproponew il-ħatra tal-Kaptan Francisco Javier LÓPEZ FUSTER bħala kap taċ-ċellola militari ta’ kmand u appoġġ tal-Inizjattiva mill-15 ta’ Jannar 2025 (“il-ħatra proposta”).

(4)

Fit-2 ta’ Diċembru 2024, il-Kmandant Militari għall-pilastru militari tal-Inizjattiva appoġġa l-ħatra proposta.

(5)

Fis-6 ta’ Diċembru 2024, il-Kumitat Militari tal-Unjoni Ewropea qabel li jirrakkomanda li l-KPS japprova l-ħatra proposta.

(6)

Jenħtieġ li tittieħed deċiżjoni dwar il-ħatra tal-Kaptan Francisco Javier LÓPEZ FUSTER;