|
9.8.2023 |
MT |
Il-Ġurnal Uffiċjali tal-Unjoni Ewropea |
C 280/2 |
Avviż minn qabel ta’ konċentrazzjoni
(Il-Każ M.11130 – SONAE / BKCF / BKSA / UNIVERSO IME / JV)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2023/C 280/02)
1.
Fit-3 ta’ Awwissu 2023, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
Sonae SGPS, S.A. (“Sonae”, il-Portugall), ikkontrollata minn Efanor Investimentos, SGPS, SE (“Efanor”, il-Portugall), |
|
— |
Bankinter Consumer Finance, E.F.C., S.A. (“BKCF”, Spanja), ikkontrollata minn Bankinter S.A. (“BKSA”, Spanja), |
|
— |
Universo IME S.A. (“Universo IME”, il-Portugall), ikkontrollata minn Sonae, |
|
— |
Universo GC - Gestão e Consultoria, S.A. (“Universo GC”, il-Portugall), ikkontrollata minn Sonae. |
Sonae u BKCF jakkwistaw, fis-sens tal-Artikolu 3(1)(b) u l-Artikolu 3(4) tar-Regolament dwar l-Għaqdiet, il-kontroll bi sħab ta’ Universo IME. Sonae se tikkontribwixxi lill-Universo GC kollha kemm hi lil Universo IME.
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma dawn li ġejjin:|
— |
Sonae hija primarjament attiva fil-bejgħ bl-imnut tal-ikel u mhux tal-ikel fil-Portugall, u għandha wkoll attivitajiet f’setturi li jinkludu l-finanzi u l-assikurazzjoni tal-konsumatur, il-proprjetà immobbli, il-komunikazzjonijiet elettroniċi, u l-IT, |
|
— |
BKCF hija prinċipalment attiva fil-forniment ta’ servizzi bankarji għall-konsumatur fi Spanja u l-Portugall. Toffri wkoll servizzi bankarji korporattivi u ta’ investiment, ġestjoni tal-assi, ġestjoni ta’ fondi tal-pensjonijiet, servizzi ta’ investiment, assikurazzjoni u kards ta’ pagament, |
|
— |
Universo IME hija involuta f’servizzi ta’ pagament lill-konsumaturi, intermedjazzjoni tal-kreditu għal self lill-konsumaturi mogħti minn terzi persuni, u servizzi ta’ akkwist tan-negozjanti għall-bejjiegħa bl-imnut, |
|
— |
Universo GC tipprovdi servizzi ta’ ġestjoni u kummerċjalizzazzjoni u taġixxi bħala medjatur tal-assikurazzjoni għal varjetà ta’ tipi ta’ assikurazzjoni, inkluża l-assikurazzjoni tal-protezzjoni tal-kreditu għall-konsumatur. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.11130 – SONAE / BKCF / BKSA / UNIVERSO IME / JV
Il-kummenti jistgħu jintbagħtu lill-Kummissjoni permezz tal-email jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).