An Bhruiséil,1.6.2022

COM(2022) 251 final

TUARASCÁIL ÓN gCOIMISIÚN CHUIG PARLAIMINT NA hEORPA AGUS CHUIG AN gCOMHAIRLE

maidir le feidhmiú an tarmligin a thugtar don Choimisiún de bhun Chinneadh Réime 2004/757/CGB ón gComhairle i ndáil le substaintí a chur leis an sainmhíniú ar ‘dhruga’


TUARASCÁIL ÓN gCOIMISIÚN CHUIG PARLAIMINT NA hEORPA AGUS CHUIG AN gCOMHAIRLE

maidir le feidhmiú an tarmligin a thugtar don Choimisiún de bhun Chinneadh Réime 2004/757/CGB ón gComhairle i ndáil le substaintí a chur leis an sainmhíniú ar ‘dhruga’

1.Réamhrá agus bunús dlí

Le hAirteagal 8a(1) de Chinneadh Réime 2004/757/CGB ón gComhairle an 25 Deireadh Fómhair 2004 lena leagtar síos forálacha íosta maidir leis na heilimintí a chomhdhéanann gníomhartha coiriúla agus pionóis i réimse na gáinneála aindleathaí ar dhrugaí 1 (dá ngairtear ‘Cinneadh Réime’ anseo feasta), tugtar de chumhacht don Choimisiún treoracha tarmligthe a ghlacadh chun substaintí a chur leis an liosta substaintí in Iarscríbhinn I ar cuid den sainmhíniú ar ‘dhruga’ iad.

Le hAirteagal 8a(2) den Chinneadh Réime ceanglaítear ar an gCoimisiún a thuairisciú do Pharlaimint na hEorpa agus don Chomhairle maidir le feidhmiú an tarmligin a thugtar don Choimisiún leis an gCinneadh Réime sin. Is é is aidhm don tuarascáil seo an oibleagáid um thuairisciú a leagtar síos don Choimisiún le hAirteagal 8a(2) den Chinneadh Réime a chomhlíonadh.

Déanfar tarmligean na cumhachta a fhadú go hintuigthe go ceann tréimhsí comhfhaid, mura rud é go gcuireann Parlaimint na hEorpa nó an Chomhairle in aghaidh an fhadaithe sin tráth nach déanaí ná 3 mhí roimh dheireadh gach tréimhse.

In éineacht le Rialachán (CE) 1920/2006 maidir leis an Lárionad Faireacháin Eorpach um Dhrugaí agus Andúil i nDrugaí 2 , leis an gCinneadh Réime déantar foráil maidir le nós imeachta trí chéim lena bhféadfar substaint shícighníomhach nua a áireamh sa sainmhíniú ar ‘dhruga’ agus, ar an gcaoi sin, í a chumhdach le forálacha dhlí coiriúil an Aontais maidir le gáinneáil aindleathach ar dhrugaí. Tar éis (i) tuarascáil tosaigh ón Lárionad Faireacháin Eorpach um Dhrugaí agus um Andúil i nDrugaí de réir Airteagal 5b de Rialachán (CE) 1920/2006 agus (ii) measúnú riosca ó Choiste Eolaíoch Méadaithe an Lárionaid Faireacháin Eorpaigh um Dhrugaí agus um Andúil i nDrugaí i gcomhréir le hAirteagal 5c de Rialachán (CE) 1920/2006, (iii), déanfaidh an Coimisiún, gan aon mhoill mhíchuí, gníomh tarmligthe a ghlacadh i gcomhréir le hAirteagal 8a den Chinneadh Réime.

2.An tarmligean a fheidhmiú

Baineadh úsáid as an gcumhacht chun substaintí a chur leis an sainmhíniú ar ‘dhruga’ ceithre huaire agus ghlac an Coimisiún na treoracha tarmligthe seo a leanas:

(a)2018: Treoir Tarmligthe (AE) 2019/369 ón gCoimisiún an 13 Nollaig 2018 lena leasaítear an Iarscríbhinn a ghabhann le Cinneadh Réime 2004/757/CGB ón gComhairle a mhéid a bhaineann le substaintí sícighníomhacha nua a áireamh sa sainmhíniú ar ‘dhruga’ 3 .

Le Treoir (AE) 2017/2103 ó Pharlaimint na hEorpa agus ón gComhairle an 15 Samhain 2017 4 , lena leasaíodh Cinneadh Réime 2004/757/CGB ón gComhairle chun substaintí sícighníomhacha nua a áireamh sa sainmhíniú ar ‘dhruga’ trí bhíthin gníomhartha tarmligthe, rinneadh Treoir 2005/387/CGB ón gComhairle a aisghairm freisin le héifeacht ón 23 Samhain 2018. Ón uair a glacadh Treoir (AE) 2017/2103 go dtí an 23 Samhain 2018, cuireadh cúig shubstaint shícighníomhacha nua faoi réir bearta um rialú agus pionóis choiriúla faoi Chinneadh 2005/387/CGB. Mar sin féin, níor áiríodh na substaintí sícighníomhacha nua sin go fóill san Iarscríbhinn a ghabhann le Cinneadh Réime 2004/757/CGB, agus mar sin cuireadh na substaintí seo a leanas leis an Iarscríbhinn trí Threoir Tarmligthe (AE) 2019/369:

a.N‑feinil‑N‑[1‑(2‑feinileitil)pipiridín‑4‑yl]fúrán‑2‑carbocsaimíd (fúráinilfeantainil), dá dtagraítear i gCinneadh Cur Chun Feidhme (AE) 2017/2170 ón gComhairle 5 .

b.N‑(1‑aimín‑3,3‑démheitil‑1‑ocsabútán‑2‑il)‑1‑(cioglaiheicsilmeitil)‑1H‑iondasól‑3‑carbocsaimíd (ADB‑CHMINACA), dá dtagraítear i gCinneadh Cur Chun Feidhme (AE) 2018/747 ón gComhairle 6 .

c.1‑(4‑cianabúitil)‑N‑(2‑feiniolaprópán‑2‑il)‑1H‑iondasól‑3‑carbocsaimíd (CUMYL‑4CN‑BINACA), dá dtagraítear i gCinneadh Cur Chun Feidhme (AE) 2018/748 ón gComhairle 7 .

d.N‑feinil‑N‑[1‑(2‑feinileitil)pipiridín‑4‑yl]cioglaprópáncarbocsaimíd (cioglapróipilfeantanail) agus 2‑meatocsa‑N‑feinil‑N‑[1‑(2‑feinileitil)pipiridín‑4‑yl]aicéataimíd (meatocsa‑aicéitilfeantanail), dá dtagraítear i gCinneadh Cur Chun Feidhme (AE) 2018/1463 ón gComhairle 8 .

(b)2020: Treoir Tarmligthe (AE) 2020/1687 ón gCoimisiún an 2 Meán Fómhair 2020 lena leasaítear an Iarscríbhinn a ghabhann le Cinneadh Réime 2004/757/CGB ón gComhairle a mhéid a bhaineann leis an tsubstaint shícighníomhach nua N,N‑dé‑eitil‑2‑[[4‑(1‑meitileatocsa)feinil]meitil]‑5‑nítri‑1H‑beinsimíodasól‑1‑eatánaimín (iseatóineataiséin) a áireamh sa sainmhíniú ar ‘dhruga’ 9 ;

(c)2021: Treoir Tarmligthe (AE) 2021/802 ón gCoimisiún an 12 Márta 2021 lena leasaítear an Iarscríbhinn a ghabhann le Cinneadh Réime 2004/757/CGB ón gComhairle a mhéid a bhaineann leis na substaintí sícighníomhacha nua 3,3‑démheitil‑2‑{[1‑(peant‑4‑ein‑1‑il)‑1H‑iondasól‑3‑carbóinil]aimín}bútánóáit meitile (MDMB‑4ein‑PINACA) agus 2‑{[1‑(4‑fluarabúitil)‑1H‑iondól‑3‑carbóinil]aimín}‑3,3‑démheitiolbútánóáit meitile (4F‑MDMB‑BICA) a áireamh sa sainmhíniú ar “dhruga” 10 ;

(d)2022: Treoir Tarmligthe (AE) 2022/1552 ón gCoimisiún an 18 Márta 2022 lena leasaítear an Iarscríbhinn a ghabhann le Cinneadh Réime 2004/757/CGB ón gComhairle a mhéid a bhaineann le substaintí sícighníomhacha nua a áireamh sa sainmhíniú ar ‘dhruga’. Leis an nGníomh sin cuireadh 2‑(meitiolaimín)‑1‑(3‑meitilfeinil)própán‑1‑ón (3‑meitilmeiteacáitíonón, 3‑MMC) agus 1‑(3‑clóraifeinil)‑2‑(meitiolaimín)própán‑1‑ón (3‑clórameiteacáitíonón, 3‑CMC) leis an liosta 11 .

Cuireadh na treoracha tarmligthe faoi bhráid Pharlaimint na hEorpa agus na Comhairle lena ngrinnscrúdú. Foilsíodh na gníomhartha tarmligthe tar éis don tréimhse ghrinnscrúdúcháin a dhul in éag, ós rud é nach bhfuair an Coimisiún aon agóid ná iarradh ar shíneadh ama le linn na tréimhse sin.

3.Conclúid

Measann an Coimisiún gur fheidhmigh sé a chumhachtaí tarmligthe laistigh den sainordú a thugtar dó le Cinneadh Réime 2004/757/CGB ón gComhairle.

Tíolacann an Coimisiún an tuarascáil seo de bhun Airteagal 8a(2) de Chinneadh Réime 2004/757/CGB ón gComhairle agus iarrann sé ar Pharlaimint na hEorpa agus ar an gComhairle an tuarascáil a thabhairt dá n‑aire. Ba cheart tarmligean na gcumhachtaí chun gníomhartha tarmligthe a ghlacadh a fhadú go hintuigthe ar mhaithe le leanúint de sceidealú éifeachtúil substaintí sícighníomhacha nua a áirithiú ar leibhéal an Aontais.

(1)    IO L 335, 11.11.2004, lch. 8. EUR‑Lex ‑ 02004F0757‑20210609 ‑ EN ‑ EUR‑Lex (europa.eu)
(2)    IO L 376, 27.12.2006, lch. 1. EUR‑Lex ‑ 32006R1920 ‑ EN ‑ EUR‑Lex (europa.eu)
(3)    IO L 66, 7.3.2019, lgh. 3‑5. (Teacht i bhfeidhm: 27.3.2019). EUR‑Lex ‑ 32019L0369 ‑ EN ‑ EUR‑Lex (europa.eu)
(4)    IO L 305, 21.11.2017, lgh. 12‑18. EUR‑Lex ‑ 32017L2103 ‑ EN ‑ EUR‑Lex (europa.eu)
(5)    IO L 306, 22.11.2017, lch. 19. EUR‑Lex ‑ 32017D2170 ‑ EN ‑ EUR‑Lex (europa.eu)
(6)    IO L 125, 22.5.2018, lch. 8. EUR‑Lex ‑ 32018D0747 ‑ EN ‑ EUR‑Lex (europa.eu)
(7)    IO L 125, 22.5.2018, lch. 10. EUR‑Lex ‑ 32018D0748 ‑ EN ‑ EUR‑Lex (europa.eu)
(8)    IO L 245, 1.10.2018, lch. 9. EUR‑Lex ‑ 32018D1463 ‑ EN ‑ EUR‑Lex (europa.eu)
(9)    IO L 379, 13.11.2020, lgh. 55‑57 (Teacht i bhfeidhm: 23.11.2020) EUR‑Lex ‑ 32020L1687 ‑ EN ‑ EUR‑Lex (europa.eu)
(10)    IO L 178, 20.5.2021, lgh. 1‑3 (Teacht i bhfeidhm: 9.6.2021) EUR‑Lex ‑ 32021L0802 ‑ EN ‑ EUR‑Lex (europa.eu)
(11)    Tá an tréimhse ghrinnscrúdúcháin le haghaidh Threoir Tarmligthe (AE) 2022/1552 ón gCoimisiún fós ar siúl tráth scríofa na tuarascála seo.