|
10.3.2022 |
MT |
Il-Ġurnal Uffiċjali tal-Unjoni Ewropea |
L 83/4 |
REGOLAMENT TA’ IMPLIMENTAZZJONI TAL-KUMMISSJONI (UE) 2022/401
tat-8 ta’ Marzu 2022
li jemenda r-Regolament tal-Kunsill (KE) Nru 1210/2003 dwar ċerti restrizzjonijiet speċifiċi fuq relazzjonijiet ekonomiċi u finanzjarji mal-Iraq
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1210/2003 tas-7 ta’ Lulju 2003 dwar ċerti restrizzjonijiet speċifiċi fuq relazzjonijiet ekonomiċi u finanzjarji mal-Iraq u li jirrevoka r-Regolament (KE) Nru 2465/96 (1), u b’mod partikolari l-Artikolu 11(b) tiegħu,
Billi:
|
(1) |
L-Anness IV tar-Regolament (KE) Nru 1210/2003 jeleneka persuni fiżiċi u ġuridiċi, korpi jew entitajiet assoċjati mar-reġim tal-eks President Saddam Hussein koperti bl-iffriżar ta' fondi u riżorsi ekonomiċi u bi projbizzjoni milli l-fondi jew ir-riżorsi ekonomiċi jsiru disponibbli. |
|
(2) |
Fit-3 ta’ Marzu 2022, il-Kumitat tas-Sanzjonijiet tal-Kunsill tas-Sigurtà tan-Nazzjonijiet Uniti ddeċieda li jneħħi seba’ persuni mil-lista ta’ persuni u entitajiet li għalihom jeħtieġ li japplika l-iffriżar ta’ fondi u ta’ riżorsi ekonomiċi. |
|
(3) |
Għaldaqstant jenħtieġ li l-Anness IV tar-Regolament (KE) Nru 1210/2003 jiġi emendat skont dan, |
ADOTTAT DAN IR-REGOLAMENT:
Artikolu 1
L-Anness IV għar-Regolament (KE) Nru 1210/2003 huwa emendat kif stabbilit fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta’ Marzu 2022.
Għall-Kummissjoni
F’isem il-President,
Direttur Ġenerali
Direttorat Ġenerali għall-Istabilità Finanzjarja, is-Servizzi Finanzjarji u l-Unjoni tas-Swieq Kapitali
ANNESS
Fl-Anness IV tar-Regolament (KE) Nru 1210/2003, jitħassru l-entrati li ġejjin:
“8. ISEM: Aziz Salih al-Numan
DATA U POST TAT-TWELID: 1941 jew 1945, An Nasiriyah
NAZZJONALITÀ: L-Iraq
BAŻI SKONT IR-RIŻOLUZZJONI 1483 TAL-KUNSILL TAS-SIGURTA TAN-NAZZJONIJIET UNITI:
President tal-Kmand Reġjonali tal-Partit Ba'th;
ex-Gvernatur ta' Karbala u An Najaf;
ex-Ministru tal-Agrikoltura u tar-Riforma Agrarja (1986-1987)”
“10. ISEM: Kamal Mustafa Abdallah
MAGĦRUF BĦALA: Kamal Mustafa Abdallah Sultan al-Tikriti
DATA U POST TAT-TWELID: 1952 jew l-4 ta’ Mejju 1955, Tikrit
NAZZJONALITÀ: L-Iraq
BAŻI SKONT IR-RIŻOLUZZJONI 1483 TAL-KUNSILL TAS-SIGURTA TAN-NAZZJONIJIET UNITI:
Segretarju tal-Gwardja Repubblikana;
Mexxa l-Gwardja Speċjali Repubblikana u kmanda iż-żewġ Korpi tal-Gwardja Repubblikana”
“18. ISEM: Latif Nusayyif Jasim Al-Dulaymi
DATA U POST TAT-TWELID: Circa 1941, ar-Rashidiyah, subborg ta’ Baghdad
NAZZJONALITÀ: L-Iraq
BAŻI SKONT IR-RIŻOLUZZJONI 1483 TAL-KUNSILL TAS-SIGURTA TAN-NAZZJONIJIET UNITI:
Assistent President tal-Bureau Militari tal-Partit Ba'th;
Ministru tax-Xogħol u tal-Affarijiet Soċjali (bejn l-1993 u l-1996)”
“40. ISEM: Abd-al-Baqi Abd-al-Karim Abdallah Al-Sa'dun
DATA U POST TAT-TWELID: 1947
NAZZJONALITÀ: L-Iraq
BAŻI SKONT IR-RIŻOLUZZJONI 1483 TAL-KUNSILL TAS-SIGURTA TAN-NAZZJONIJIET UNITI:
President tal-Kmand Reġjonali tal-Partit Ba'th f'Diyala
Assistent Kmandant tar-Reġjun tan-Nofsinhar bejn l-1998 u l-2000;
Ex-Speaker tal-Assemblea Nazzjonali”
“41. ISEM: Muhammad Zimam Abd-al-Razzaq Al-Sa'dun
DATA U POST TAT-TWELID: 1942, Suq Ash-Shuyukh District, Dhi-Qar
NAZZJONALITÀ: L-Iraq
BAŻI SKONT IR-RIŻOLUZZJONI 1483 TAL-KUNSILL TAS-SIGURTA TAN-NAZZJONIJIET UNITI:
President tal-Kmand Reġjonali tal-Partit Ba'th f'At-Tamin;
Ministru tal-Intern bejn l-1995 u l-2001”
“42. ISEM: Samir Abd al-Aziz Al-Najim
DATA U POST TAT-TWELID: 1937 jew 1938, Baghdad
NAZZJONALITÀ: L-Iraq
BAŻI SKONT IR-RIŻOLUZZJONI 1483 TAL-KUNSILL TAS-SIGURTA TAN-NAZZJONIJIET UNITI:
President tal-Kmand Reġjonali tal-Partit Ba'th f'Baghdad tal-Lvant;”
“53. ISEM: Qaid Hussein Al-Awadi
NAZZJONALITÀ: L-Iraq
BAŻI SKONT IR-RIŻOLUZZJONI 1483 TAL-KUNSILL TAS-SIGURTA TAN-NAZZJONIJIET UNITI:
President tal-Kmand Reġjonali tal-Partit Ba'th f'Ninawa;
Ex-Gvernatur ta' An-Najaf, circa bejn l-1998 u l-2002”