|
10.3.2022 |
GA |
Iris Oifigiúil an Aontais Eorpaigh |
L 83/4 |
RIALACHÁN CUR CHUN FEIDHME (AE) 2022/401 ÓN gCOIMISIÚN
an 8 Márta 2022
lena leasaítear Rialachán (CE) Uimh. 1210/2003 ón gComhairle maidir le srianta sonracha áirithe ar an gcaidreamh eacnamaíoch agus airgeadais leis an Iaráic
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1210/2003 ón gComhairle an 7 Iúil 2003 maidir le srianta sonracha áirithe ar an gcaidreamh eacnamaíoch agus airgeadais leis an Iaráic agus lena n-aisghairtear Rialachán (CE) Uimh. 2465/96 (1), agus go háirithe Airteagal 11(b) de,
De bharr an mhéid seo a leanas:
|
(1) |
In Iarscríbhinn IV a ghabhann le Rialachán (CE) Uimh. 1210/2003 liostaítear daoine nádúrtha agus dlítheanacha, comhlachtaí nó eintitis a bhaineann le réimeas an iar-Uachtaráin Saddam Hussein a chumhdaítear le reo cistí agus acmhainní eacnamaíocha agus le toirmeasc ar chistí nó ar acmhainní eacnamaíocha a chur ar fáil. |
|
(2) |
An 3 Márta 2022, chinn Coiste Smachtbhannaí Chomhairle Slándála na Náisiún Aontaithe seachtar a bhaint de liosta na ndaoine agus na n-eintiteas ar cheart feidhm a bheith ag reo cistí agus acmhainní eacnamaíocha maidir leo. |
|
(3) |
Ba cheart, dá bhrí sin, Iarscríbhinn IV a ghabhann le Rialachán (CE) Uimh. 1210/2003 a leasú dá réir, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn IV a ghabhann le Rialachán (CE) Uimh. 1210/2003 mar a leagtar amach san Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 8 Márta 2022.
Thar ceann an Choimisiúin
Ar son an Uachtaráin
An tArd-Stiúrthóir
An Ard-Stiúrthóireacht um Chobhsaíocht Airgeadais, Seirbhísí Airgeadais agus Aontas na Margaí Caipitil
IARSCRÍBHINN
In Iarscríbhinn IV a ghabhann le Rialachán (CE) Uimh. 1210/2003, scriostar na hiontrálacha seo a leanas:
“8. AINM: Aziz Salih al-Numan
DÁTA BREITHE/ÁIT BHREITHE: 1941 nó 1945, An Nasiriyah
NÁISIÚNTACHT: An Iaráic
BUNÚS RÚN 1483 Ó CHOMHAIRLE SLÁNDÁLA NA NÁISIÚN AONTAITHE:
Uachtarán ar Cheannasaíocht Réigiúnach Pháirtí Ba'th;
IarGhobharnóir ar Karbala agus An Najaf;
An tIarAire Talmhaíochta agus Athchóirithe Talúntais (1986-1987)”
“10. AINM: Kamal Mustafa Abdallah
DÁ nGAIRTEAR FREISIN: Kamal Mustafa Abdallah Sultan al-Tikriti
DÁTA BREITHE/ÁIT BHREITHE: 1952 nó 4 Bealtaine 1955, Tikrit
NÁISIÚNTACHT: An Iaráic
BUNÚS RÚN 1483 Ó CHOMHAIRLE SLÁNDÁLA NA NÁISIÚN AONTAITHE:
Rúnaí ar an nGarda Poblachtach;
Ceannaire ar an nGarda Speisialta Poblachtach agus ceannasaí ar dhá Chór an Gharda Phoblachtaigh”
“18. AINM: Latif Nusayyif Jasim Al-Dulaymi
DÁTA BREITHE/ÁIT BHREITHE: Thart ar 1941, ar-Rashidiyah, bruachbhaile de Bhagdad
NÁISIÚNTACHT: An Iaráic
BUNÚS RÚN 1483 Ó CHOMHAIRLE SLÁNDÁLA NA NÁISIÚN AONTAITHE:
Leas-Uachtarán ar Bhiúró Míleata Pháirtí Ba'th;
An tAire Saothair agus Gnóthaí Sóisialta (1993 go 1996)”
“40. AINM: Abd-al-Baqi Abd-al-Karim Abdallah Al-Sa'dun
DÁTA BREITHE/ÁIT BHREITHE: 1947
NÁISIÚNTACHT: An Iaráic
BUNÚS RÚN 1483 Ó CHOMHAIRLE SLÁNDÁLA NA NÁISIÚN AONTAITHE:
Uachtarán ar Cheannasaíocht Réigiúnach Pháirtí Ba'th, Diyala
Leas-Cheannasaí, Réigiún Theas, 1998 go 2000;
IarSpéicéir an Tionóil Náisiúnta”
“41. AINM: Muhammad Zimam Abd-al-Razzaq Al-Sa'dun
DÁTA BREITHE/ÁIT BHREITHE: 1942, Ceantar Suq Ash-Shuyukh, Dhi-Qar
NÁISIÚNTACHT: An Iaráic
BUNÚS RÚN 1483 Ó CHOMHAIRLE SLÁNDÁLA NA NÁISIÚN AONTAITHE:
Uachtarán ar Cheannasaíocht Réigiúnach Pháirtí Ba'th, At-Tamin;
An tAire Gnóthaí Baile, 1995 go 2001”
“42. AINM: Samir Abd al-Aziz Al-Najim
DÁTA BREITHE/ÁIT BHREITHE: 1937 nó 1938, Bagdad
NÁISIÚNTACHT: An Iaráic
BUNÚS RÚN 1483 Ó CHOMHAIRLE SLÁNDÁLA NA NÁISIÚN AONTAITHE:
Uachtarán ar Cheannasaíocht Réigiúnach Pháirtí Ba'th, Bagdad Thoir;”
“53. AINM: Qaid Hussein Al-Awadi
NÁISIÚNTACHT: An Iaráic
BUNÚS RÚN 1483 Ó CHOMHAIRLE SLÁNDÁLA NA NÁISIÚN AONTAITHE:
Uachtarán ar Cheannasaíocht Réigiúnach Pháirtí Ba'th, Ninawa;
IarGhobharnóir ar An Najaf, thart ar 1998 go 2002”