|
Iris Oifigiúil |
GA Sraith L |
|
2026/2502 |
13.11.2026 |
RIALACHÁN CUR CHUN FEIDHME (AE) 2026/2502 ÓN gCOIMISIÚN
an 12 Samhain 2026
lena gcuirtear ar ceal an t-údarú Aontais le haghaidh an táirge bhithicídigh shingil ‘Superficid express WIPES’ i gcomhréir le Rialachán (AE) Uimh. 528/2012 ó Pharlaimint na hEorpa agus ón gComhairle agus lena n-aisghairtear Rialachán Cur Chun Feidhme (AE) 2023/1105 ón gCoimisiún
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 528/2012 ó Pharlaimint na hEorpa agus ón gComhairle an 22 Bealtaine 2012 maidir le táirgí bithicídeacha a chur ar fáil ar an margadh agus a úsáid (1), agus go háirithe Airteagal 49 de,
De bharr an mhéid seo a leanas:
|
(1) |
An 6 Meitheamh 2023, le Rialachán Cur Chun Feidhme (AE) 2023/1105 ón gCoimisiún deonaíodh údarú Aontais (2) ag a raibh an uimhir údaraithe EU-0027676-0000 do shealbhóir an údaraithe Lysoform Dr. Hans Rosemann GmbH chun an táirge bithicídeach singil céanna ina bhfuil Própán-1-ól agus Própán-2-ól ‘Superficid express WIPES’ a chur ar fáil ar an margadh agus a úsáid i gcomhréir le hAirteagal 44(5), an chéad fhomhír, de Rialachán (AE) Uimh. 528/2012. |
|
(2) |
An 23 Iúil 2026 chuir Lysoform Dr. Hans Rosemann GmbH iarraidh faoi bhráid na Gníomhaireachta Eorpaí Ceimiceán (‘an Ghníomhaireacht’) maidir leis an údarú Aontais sin a chur ar ceal i gcomhréir le hAirteagal 49 de Rialachán (AE) Uimh. 528/2012. Rinneadh taifead den iarraidh faoi chás-uimhir BC-FN120146-46 sa Chlár do Tháirgí Bithicídeacha. |
|
(3) |
An 15 Meán Fómhair 2026 chuir Lysoform Dr. Hans Rosemann GmbH réasúnú ar an iarraidh ar chealú isteach inar luaigh sé go raibh cinneadh déanta aige deireadh a chur le táirgeadh ‘Superficid express WIPES’ ar bhonn breithnithe tráchtála. |
|
(4) |
An 16 Meán Fómhair 2026 chuir an Ghníomhaireacht an iarraidh réasúnaithe ar aghaidh chuig an gCoimisiún. |
|
(5) |
Dá bhrí sin, is iomchuí an t-údarú Aontais le haghaidh an táirge bhithicídigh shingil ‘Superficid express WIPES’ a chur ar ceal arna iarraidh sin do shealbhóir an údaraithe agus, dá réir sin, Rialachán Cur Chun Feidhme (AE) 2023/1105 a aisghairm. |
|
(6) |
Is iomchuí freisin tréimhse chairde a dheonú chun na stoic atá ann cheana de ‘Superficid express WIPES’ a chur ar fáil ar an margadh agus a úsáid i gcomhréir le hAirteagal 52 de Rialachán (AE) Uimh. 528/2012, |
TAR ÉIS AN RIALACHÁN SEO A GHLACADH:
Airteagal 1
Cuirtear ar ceal an t-údarú Aontais le haghaidh an táirge bhithicídigh shingil ‘Superficid express WIPES’ a deonaíodh le Rialachán Cur Chun Feidhme (AE) 2023/1105 do Lysoform Dr. Hans Rosemann GmbH ag a raibh an uimhir údaraithe EU-0027676-0000.
Airteagal 2
Aisghairtear Rialachán Cur Chun Feidhme (AE) 2023/1105.
Airteagal 3
Ní chuirfear an táirge bithicídeach ‘Superficid express WIPES’ ar fáil ar an margadh a thuilleadh ón 3 Meitheamh 2027 agus ní úsáidfear a thuilleadh stoic atá ann cheana den táirge bithicídeach sin ón 3 Nollaig 2027.
Airteagal 4
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 12 Samhain 2026.
Thar ceann an Choimisiúin
An tUachtarán
Ursula VON DER LEYEN
(1) IO L 167, 27.6.2012, lch. 1, ELI: http://data.europa.eu/eli/reg/2012/528/oj.
(2) Rialachán Cur Chun Feidhme (AE) 2023/1105 ón gCoimisiún an 6 Meitheamh 2023 lena ndeonaítear údarú Aontais le haghaidh an táirge bhithicídigh shingil ‘Superficid express WIPES’ i gcomhréir le Rialachán (AE) Uimh. 528/2012 ó Pharlaimint na hEorpa agus ón gComhairle (IO L 147, 7.6.2023, lch. 68, ELI: http://data.europa.eu/eli/reg_impl/2023/1105/oj).
ELI: http://data.europa.eu/eli/reg_impl/2026/2502/oj
ISSN 1977-0839 (electronic edition)