|
15.11.2008 |
MT |
Il-Ġurnal Uffiċjali ta’ l-Unjoni Ewropea |
L 306/99 |
DEĊIŻJONI EUBAM Rafah/1/2008 TAL-KUMITAT POLITIKU U TA’ SIGURTÀ
tal-11 ta’ Novembru 2008
dwar il-ħatra ta’ Kap tal-Missjoni ta’ Assistenza fil-Fruntieri għall-Punt ta’ Qsim ta’ Rafah EUBAM Rafah
(2008/863/PESK)
IL-KUMITAT POLITIKU U TA’ SIGURTÀ,
Wara li kkunsidra t-Trattat dwar l-Unjoni Ewropea u b’mod partikolari t-tielet subparagrafu tal-Artikolu 25 tiegħu
Wara li kkunsidra l-Azzjoni Konġunta 2005/889/PESK tat-12 ta’ Diċembru 2005 dwar il-Missjoni ta’ Assistenza fil-Fruntieri għall-Punt ta’ Qsim ta’ Rafah, EUBAM Rafah (1), u b’mod partikolari l-Artikolu 10(2) tagħha,
Billi:
|
(1) |
Taħt l-Artikolu 10(2) tal-Azzjoni Konġunta 2005/889/PESK, il-KPS huwa awtorizzat, konformement mal-Artikolu 25 tat-Trattat, biex jieħu d-deċiżjonijiet adegwati għall-eżerċizzju tal-kontroll politiku u d-direzzjoni strateġika tal-Missjoni EUBAM RAFAH, u b’mod partikolari d-Deċiżjoni li jinħatar Kap ta’ Missjoni. |
|
(2) |
Is-Segretarju Ġenerali/Rappreżentant Għoli ppropona l-ħatra tas-Sur Alain FAUGERAS bħala Kap tal-Missjoni EUBAM RAFAH. |
IDDEĊIEDA KIF ĠEJ:
Artikolu 1
Is-Sur Alain FAUGERAS huwa b’dan maħtur Kap tal-Missjoni tal-Missjoni tal-Unjoni Ewropea ta’ Assistenza fil-Fruntieri għall-Punt ta’ Qsim ta’ Rafah (EUBAM RAFAH).
Artikolu 2
Din id-Deċiżjoni għandha jkollha effett fil-jum tal-adozzjoni tagħha.
Hija għandha tapplika mill-25 ta’ Novembru 2008 sal-24 ta’ Novembru 2009.
Magħmula fi Brussell, 11 ta’ Novembru 2008.
Għall-Kumitat Politiku u ta’ Sigurtà
Il-President
C. ROGER