|
Iris Oifigiúil |
GA Sraith L |
|
2025/718 |
27.6.2025 |
RIALACHÁN TARMLIGTHE (AE) 2025/718 ÓN gCOIMISIÚN
an 14 Aibreán 2025
lena leasaítear Rialachán (AE) 2019/1021 ó Pharlaimint na hEorpa agus ón gComhairle a mhéid a bhaineann le haigéad sulfónach sárfhluarochtáin agus a dhíorthaigh
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2019/1021 ó Pharlaimint na hEorpa agus ón gComhairle an 20 Meitheamh 2019 maidir le truailleáin orgánacha mharthanacha (1), agus go háirithe Airteagal 15(1) de,
De bharr an mhéid seo a leanas:
|
(1) |
Le Rialachán (AE) 2019/1021, cuirtear chun feidhme gealltanais an Aontais faoi Choinbhinsiún Stócólm ar Thruailleáin Orgánacha Mharthanacha (2) agus faoin bPrótacal a ghabhann le Coinbhinsiún 1979 ar Thruailliú Aeir Trasteorann Fadraoin maidir le Truailleáin Orgánacha Mharthanacha (3). |
|
(2) |
In Iarscríbhinn I a ghabhann le Rialachán (AE) 2019/1021 tá teorainnluachanna rianéilleán neamhbheartaithe (RÉNB) le haghaidh aigéad sulfónach sárfhluarochtáin agus a dhíorthach (PFOS). |
|
(3) |
Ba é PFOS an chéad chomhdhúil sárfhluarailcile agus pholafluarailcile a rialaíodh san Aontas, agus socraíodh na teorainnluachanna RÉNB i bhfad ó shin. Le déanaí, áiríodh grúpa comhchosúil substaintí, aigéad sárfhluarochtánóch (PFOA), a shalainn agus a chomhdhúile PFOA-ghaolmhara, a bhfuiltear in ann a úsáid ar shlite an-chosúil leis na slite a úsáidtear PFOS, in Iarscríbhinn I a ghabhann le Rialachán (AE) 2019/1021 ar grúpa é ina bhfuil teorainnluach RÉNB i bhfad níos ísle. Léiríonn sé sin go bhféadfaí, go teicniúil, leibhéil níos ísle éillithe a bhaint amach leis na ceimiceáin sin sa lá atá inniu ann. |
|
(4) |
Dá bhrí sin, ba cheart athbhreithniú a dhéanamh ar na teorainnluachanna RÉNB le haghaidh PFOS, chun iad a thabhairt i gcomhréir leis na teorainnluachanna a shonraítear le haghaidh PFOA, a shalann agus comhdhúile PFOA-ghaolmhara. |
|
(5) |
Chun ailíniú iomlán a bheith ann idir na hiontrálacha maidir le PFOS agus PFOA in Iarscríbhinn I a ghabhann le Rialachán (AE) 2019/1021, ba cheart foclaíocht an chéad cholúin den iontráil maidir le PFOS a mhodhnú trí ‘Aigéad sulfónach sárfhluarochtáin (PFOS), a shalainn agus a chomhdhúile PFOS-ghaolmhara’ a chur in ionad ‘Aigéad sulfónach sárfhluarochtáin agus a dhíorthaigh (PFOS)’. |
|
(6) |
In Iarscríbhinn I a ghabhann le Rialachán (AE) 2019/1021 áirítear díolúine maidir le húsáid PFOS mar shochtach ceo le haghaidh plátáil cróimiam chrua neamh-mhaisiúil (VI). Deimhnítear leis an bhfaisnéis a bailíodh ar leibhéal na mBallstát maidir leis na substaintí a úsáidtear mar shochtaigh cheo i bplátáil cróimiam chrua gur cuireadh PFOS in ionad na húsáide sin san Aontas. Dá bhrí sin, níl gá leis an díolúine shonrach sin a thuilleadh agus ba cheart í a scriosadh. |
|
(7) |
San iontráil maidir le PFOS in Iarscríbhinn I a ghabhann le Rialachán (AE) 2019/1021, i bpointe 5 de, tagraítear d’infhaighteacht modhanna anailíse. Ós rud é nach sonraítear na mionsonraí sin in aon iontráil eile sa Rialachán maidir le POPanna, ba cheart pointe 5 a scriosadh. |
|
(8) |
Is iomchuí foráil a dhéanamh maidir le tréimhse réasúnach a thabhairt do na páirtithe leasmhara chun na bearta is gá a dhéanamh chun gnéithe den Rialachán seo a chomhlíonadh agus do na Ballstáit chun na bearta is gá a dhéanamh chun iad a chur chun feidhme. |
|
(9) |
Ba cheart, dá bhrí sin, Rialachán (AE) 2019/1021 a leasú dá réir, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn I a ghabhann le Rialachán (AE) 2019/1021 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm ag pointí 2 agus 3 den Iarscríbhinn ón 3 Nollaig 2025 ar aghaidh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 14 Aibreán 2025.
Thar ceann an Choimisiúin
An tUachtarán
Ursula VON DER LEYEN
(1) IO L 169, 25.6.2019, lch. 45, ELI: http://data.europa.eu/eli/reg/2019/1021/oj.
(2) IO L 209, 31.7.2006, lch. 3, ELI: http://data.europa.eu/eli/convention/2006/507/oj.
(3) IO L 81, 19.3.2004, lch. 37, ELI: http://data.europa.eu/eli/prot/2004/259/oj.
IARSCRÍBHINN
In Iarscríbhinn I a ghabhann le Rialachán (AE) 2019/1021, Cuid A, sa tábla, leasaítear an iontráil ‘Aigéad sulfónach sárfhluarochtáin agus a dhíorthaigh (PFOS)’ mar a leanas:
|
(1) |
sa chéad cholún, cuirtear an méid seo a leanas in ionad an téacs: ‘Aigéad sulfónach sárfhluarochtáin (PFOS), a shalainn agus a chomhdhúile PFOS-ghaolmhara C8F17SO2X (X = OH, Salann miotail (O-M+), hailíd, aimíd, agus díorthaigh eile lena n-áirítear polaiméirí)’; |
|
(2) |
sa cheathrú colún, cuirtear an méid seo a leanas in ionad phointe 1:
|
|
(3) |
sa cheathrú colún, cuirtear an méid seo a leanas in ionad phointe 2:
|
|
(4) |
sa cheathrú colún, scriostar pointe 4; |
|
(5) |
sa cheathrú colún, scriostar pointe 5. |
ELI: http://data.europa.eu/eli/reg_del/2025/718/oj
ISSN 1977-0839 (electronic edition)