(1)

Le Rialachán (AE) 2016/429 leagtar síos rialacha sonracha maidir le galair i ndáil leis na galair a liostaítear i gcomhréir le hAirteagal 5(1) de, leagtar síos an chaoi a gcuirfear na rialacha sin i bhfeidhm i gcás catagóirí éagsúla galar liostaithe agus déantar foráil freisin maidir le stádas saor ó ghalair na mBallstát nó criosanna díobh a fhormheas nó a aistarraingt ag an gCoimisiún a mhéid a bhaineann le galair áirithe dá dtagraítear in Airteagal 9(1), pointe (b) agus pointe (c), de.

(2)

Le Rialachán Tarmligthe (AE) 2020/689 ón gCoimisiún (2), déantar forlíonadh ar Rialachán (AE) 2016/429 agus leagtar síos na coinníollacha maidir le stádas saor ó ghalair a dheonú, a choinneáil ar bun, a chur ar fionraí agus a tharraingt siar.

(3)

Sna hIarscríbhinní a ghabhann le Rialachán Cur Chun Feidhme (AE) 2021/620 ón gCoimisiún (3), liostaítear na Ballstáit nó criosanna díobh a bhfuil stádas saor ó ghalair acu. I measc criosanna eile, liostaítear ann criosanna atá saor ó ionfhabhtú coimpléasc Mycobacterium tuberculosis (Mycobacterium bovis, M.caprae agus M. tuberculosis) (MTBC) in Iarscríbhinn II, Cuid I, a ghabhann leis, criosanna atá saor ó ionfhabhtú víris gormtheanga (séiritíopaí 1-24) (ionfhabhtú BTV) in Iarscríbhinn VIII, Cuid I, a ghabhann leis, criosanna atá saor ó fhíniú Varroa spp. in Iarscríbhinn IX a ghabhann leis agus criosanna nó urranna a bhfuil stádas saor ó ghalair acu maidir le Neacróis fhuilghinte ionfhabhtaíoch (IHN) in Iarscríbhinn XIII, Cuid I, a ghabhann leis.

(4)

De bharr na staide eipidéimeolaíche i gcás galair áirithe a bheith ag athrú, is gá iarscríbhinní II, VIII, IX agus XIII a ghabhann le Rialachán Cur Chun Feidhme (AE) 2021/620 a leasú chun Ballstáit nua nó criosanna nua atá saor ó ghalair a liostú agus chun limistéir ar limistéir iad ina ndeimhnítear ráigeanna galair agus dá bhrí sin nach bhfuil na coinníollacha maidir le stádas saor ó ghalair a choinneáil ar bun á gcomhlíonadh acu a thuilleadh a dhíliostú.

(5)

Chuir an Spáinn faisnéis faoi bhráid an Choimisiúin lena léirítear i ndáil leis na coinníollacha maidir le stádas saor ó ghalair MTBC a aithint ar coinníollacha iad a leagtar síos i Rialachán Tarmligthe (AE) 2020/689, go bhfuil na coinníollacha sin á gcomhlíonadh i gcúigí La Coruña, Orense agus Lugo i gComhphobal Uathrialach na Gailíse. Liostaíodh an ceathrú cúige sa Chomhphobal Uathrialach sin, Pontevedra, cheana féin mar chrios atá saor ó MTBC in Iarscríbhinn II, Cuid I, a ghabhann le Rialachán Cur Chun Feidhme (AE) 2021/620. Dá bhrí sin, ba cheart Pobal Uathrialach na Gailíse ina iomlán a liostú mar chrios atá saor ó MTBC.

(6)

Chuir an Spáinn faisnéis faoi bhráid an Choimisiúin lena léirítear i ndáil leis na coinníollacha maidir le stádas saor ó ghalair MTBC a aithint, ar coinníollacha iad a leagtar síos i Rialachán Tarmligthe (AE) 2020/689, go bhfuil siad á gcomhlíonadh i gComhphobal Uathrialach Principado de Asturias. Dá bhrí sin, tá an Comhphobal Uathrialach sin le liostú mar chrios atá saor ó MTBC.

(7)

Thug an Spáinn fógra don Choimisiún maidir le ráig ionfhabhtaithe BTV Séiritíopa 4 i gComhphobal Uathrialach Islas Baleares agus ina dhiaidh sin ráigeanna breise a raibh tionchar acu ar réigiúin Sierra Oriental agus Sierra Occidental i gcúige Huelva, réigiún Sierra Norte i gcúige Sevilla, agus na réigiúin Azuaga, Badajoz, Mérida, Jerez de los Caballeros agus Zafra i gcúige Badajoz. Ós rud é go liostaítear Comhphobal Uathrialach Islas Baleares, na réigiúin Sierra Oriental agus Sierra Occidental i gcúige Huelva, réigiún Cazalla de la Sierra (Sierra Norte) i gcúige Sevilla agus, go hintuigthe mar chuid de Chomhphobal Uathrialach Extremadura, na réigiuin Azuaga, Badajoz, Mérida, Jerez de los Caballeros agus Zafra ar fad mar chriosanna stádais saor ó ghalair in Iarscríbhinn VIII, Cuid I, a ghabhann le Rialachán Cur Chun Feidhme (AE) 2021/620, ba cheart iad a scriosadh ón liosta sin.

(8)

Thug an Phortaingéil fógra don Choimisiún maidir le ráigeanna ionfhabhtaithe BTV Séiritíopa 4 i réigiún Alentejo agus ina dhiaidh sin ráig bhreise i gceantar Santarém i réigiún Lisboa e Vale do Tejo. Ós rud é go n-áirítear Alentejo ina iomláine agus ceantar Santarém, mar chuid den Phortaingéil, go hintuigthe mar limistéir stádais saor ó ghalair in Iarscríbhinn VIII, Cuid I, a ghabhann le Rialachán Cur Chun Feidhme (AE) 2021/620, ba cheart réigiún Alentejo agus ceantar Santarém a eisiamh ón liosta sin.

(9)

Thug an Fhionlainn fógra don Choimisiún maidir le ráig fínithe Varroa spp. i mbardasacht Brändö Oileáin Åland. Liostaítear Oileáin Åland mar chrios stádais saor ó ghalair in Iarscríbhinn IX a ghabhann le Rialachán Cur Chun Feidhme (AE) 2021/620. Chuir an Fhionlainn in iúl don Choimisiún freisin, bunaithe ar imscrúdú eipidéimeolaíoch, nach bhfuil bardasachtaí eile buailte ag an ráig sin. Ba cheart bardasacht Brändö a scriosadh ón liosta de chriosanna atá saor ó ghalair.

(10)

Thug an Danmhairg fógra don Choimisiún maidir le ráigeanna den ghalar uisceach Neacróis fhuilghinte ionfhabhtaíoch (IHN) a bhí ann le déanaí i ndobharcheantair Varde Å, agus Kolding Å agus i loch Hove Kalkgrav, ar loch í a ndéantar iascach agus athstocáil uirthi. Faoi láthair, tá na limistéir sin ar áireamh i gcríoch na Danmhairge atá liostaithe mar limistéir saor ó ghalair in Iarscríbhinn XIII, Cuid I, a ghabhann le Rialachán Cur Chun Feidhme (AE) 2021/620. Ba cheart, dá bhrí sin, Iarscríbhinn XIII, Cuid I, a leasú chun na limistéir ionfhabhtaithe sin a eisiamh ó chríoch na Danmhairge atá saor ó ghalair.

(11)

Tá an Fhionlainn tar éis clár díothaithe a chur i gcrích go rathúil i gcás IHN lena n-áirítear urrann in Ii, Kuivaniemi, agus ceithre chrios, Virmasvesi, Nilakka, Saarijarvi agus Pielinen, agus dá éis sin rinne sí dearbhú saor ó ghalair i gcomhréir le hAirteagal 83 de Rialachán Tarmligthe (AE) 2020/689, le haghaidh na hurrainne sin agus na gcriosanna sin. Is iomchuí, dá bhrí sin, nach n-eisiatar iad a thuilleadh ó chríoch saor ó IHN an Bhallstáit sin. Ba cheart, dá bhrí sin, Iarscríbhinn XIII, Cuid I, a ghabhann le Rialachán Cur Chun Feidhme (AE) 2021/620 a leasú dá réir.

(12)

Ba cheart, dá bhrí sin, Iarscríbhinní II, VIII, IX agus XIII a ghabhann le Rialachán Cur Chun Feidhme (AE) 2021/620 a leasú dá réir.

(13)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,