L_202602286GA.000101.fmx.xml

CINNEADH (CBES) 2026/2286 ÓN gCOMHAIRLE

an 12 Deireadh Fómhair 2026

lena leasaítear Cinneadh (CBES) 2018/1544 a bhaineann le bearta sriantacha i gcoinne leathadh agus úsáid arm ceimiceach

TÁ COMHAIRLE AN AONTAIS EORPAIGH,

Ag féachaint don Chonradh ar an Aontas Eorpach, agus go háirithe Airteagal 29 de,

Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,

De bharr an mhéid seo a leanas:

(1)	An 15 Deireadh Fómhair 2018, ghlac an Chomhairle Cinneadh (CBES) 2018/1544 (1).

(2)

Beidh feidhm ag Cinneadh (CBES) 2018/1544 go dtí an 16 Deireadh Fómhair 2026. Ar bhonn athbhreithniú ar an gCinneadh sin, agus i bhfianaise na bagartha buaine leanúnaí ar an tsíocháin agus ar an tslándáil idirnáisiúnta a bhaineann le hairm cheimiceacha, measann an Chomhairle gur cheart síneadh a chur lena chur i bhfeidhm go dtí an 30 Deireadh Fómhair 2031.

(3)

Ar bhonn athbhreithniú a rinneadh ar an Iarscríbhinn a ghabhann le Cinneadh (CBES) 2018/1544, ba cheart síneadh a chur, go dtí an 30 Deireadh Fómhair 2027, le cur i bhfeidhm na mbeart sriantach a leagtar amach in Airteagail 2 agus 3 den Chinneadh sin a mhéid a bhaineann le daoine nádúrtha agus dlítheanacha, eintitis, agus comhlachtaí a liostaítear san Iarscríbhinn sin.

(4)	Dá bhrí sin, ba cheart Cinneadh (CBES) 2018/1544 a leasú dá réir,

TAR ÉIS AN CINNEADH SEO A GHLACADH:

Airteagal 1

In Airteagal 8 de Chinneadh (CBES) 2018/1544, cuirtear an méid seo a leanas in ionad mhír 1:

‘1. Beidh feidhm ag an gCinneadh seo go dtí an 30 Deireadh Fómhair 2031. Déanfar athbhreithniú leanúnach ar an gCinneadh seo. Beidh feidhm ag na bearta a leagtar amach in Airteagail 2 agus 3 a mhéid a bhaineann le daoine nádúrtha agus dlítheanacha, eintitis, agus comhlachtaí a liostaítear san Iarscríbhinn, go dtí an 30 Deireadh Fómhair 2027.’.

Airteagal 2

Tiocfaidh an Cinneadh seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.

Arna dhéanamh i Lucsamburg, an 12 Deireadh Fómhair 2026.

Thar ceann na Comhairle

An tUachtarán

K. KALLAS

(1) Cinneadh (CBES) 2018/1544 ón gComhairle an 15 Deireadh Fómhair 2018 a bhaineann le bearta sriantacha i gcoinne leathadh agus úsáid arm ceimiceach (IO L 259, 16.10.2018, lch. 25, ELI: http://data.europa.eu/eli/dec/2018/1544/oj).