(1)

Le Prótacal 2 a ghabhann leis an gComhaontú idir Comhphobal Eacnamaíochta na hEorpa agus Ríocht na hIorua an 14 Bealtaine 1973 (3) (‘an Comhaontú Saorthrádála déthaobhach idir Comhphobal Eacnamaíochta na hEorpa agus Ríocht na hIorua’) agus Prótacal 3 a ghabhann leis an gComhaontú maidir leis an Limistéar Eorpach Eacnamaíoch (‘Comhaontú LEE’) (4) arna leasú le Cinneadh Uimh. 140/2001 ó Chomhchoiste LEE (5), cinntear na socruithe trádála idir an tAontas agus Ríocht na hIorua maidir le táirgí talmhaíochta áirithe agus táirgí próiseáilte talmhaíochta áirithe.

(2)

Le Prótacal 3 a ghabhann le Comhaontú LEE, déantar foráil maidir le ráta nialasach dleachta le haghaidh uiscí a bhfuil siúcra breise nó ábhar milsiúcháin eile curtha leo nó atá blaistithe, a aicmítear faoin gcód AC 2202 10 00 , agus deochanna neamhalcólacha eile nach bhfuil táirgí faoi cheannteidil 0401 go 0404 iontu ná saill a fhaightear ó tháirgí faoi cheannteidil 0401 go 0404 , a aicmítear faoin gcód AC 2202 90 10 .

(3)

Ó bhí an 1 Eanáir 2017 ann, tá na cóid AC 2202 91 00 agus 2202 99 curtha in ionad cód AC 2202 90 . Dá bhrí sin, leis an Rialachán seo ba cheart táirgí a bhfuil na cóid 2202 10 00 , ex 2202 91 00 agus ex 2202 99 ag gabháil leo a chumhdach.

(4)

Leis an gComhaontú trí Mhalartú Litreacha idir an Comhphobal Eorpach agus Ríocht na hIorua maidir le Prótacal 2 a ghabhann leis angComhaontú Saorthrádála déthaobhach idir Comhphobal Eacnamaíochta na hEorpa agus Ríocht na hIorua (6) (‘an Comhaontú trí Mhalartú Litreacha’) cuirtear ar fionraí go sealadach an córas saor ó dhleacht arna chur i bhfeidhm faoi Phrótacal 2 maidir le hearraí a aicmítear faoi na cóid AC 2202 10 00 (uiscí, lena n-áirítear uiscí mianraí agus uiscí aeraithe, a bhfuil siúcra breise nó ábhar milsiúcháin eile curtha leo nó atá blaistithe) agus ex 2202 90 10 (deochanna neamhalcólacha eile ina bhfuil siúcra) ar cuireadh na cóid AC 2202 10 00 , ex 2202 91 00 agus ex 2202 99 ina n-ionad. I gcomhréir leis an gComhaontú trí Mhalartú Litreacha, níl allmhairí saor ó dhleacht na n-earraí sin, de thionscnamh na hIorua, le ceadú ach amháin laistigh de theorainneacha taraifchuóta ag a bhfuil ráta dleachta 0 %. Tá dleacht 0,047 EUR/lítear infheidhme maidir le cainníochtaí allmhairiúcháin a sháraíonn an taraifchuóta sin.

(5)

Leagtar amach freisin sa Chomhaontú trí Mhalartú Litreacha, más rud é nach bhfuil an taraifchuóta ídithe faoin 31 Deireadh Fómhair i mbliain áirithe, go bhfuil rochtain neamhtheoranta saor ó dhleacht ar an Aontas le deonú do na táirgí i dtrácht ón 1 Eanáir go dtí an 31 Nollaig den bhliain dár gcionn.

(6)

Cuóta bliantúil 2024 do na táirgí i dtrácht, arna oscailt le Rialachán Cur Chun Feidhme (AE) 2021/2169 (7) ón gCoimisiún, níor ídíodh é faoin 31 Deireadh Fómhair 2024. Dá thoradh sin, foráladh le Rialachán Cur Chun Feidhme (AE) 2024/3001 (8) ón gCoimisiún nach mbeadh feidhm ag an gcóras dleachta a leagtar síos sa Chomhaontú trí Mhalartú Litreacha maidir le hallmhairí isteach san Aontas ón 1 Eanáir go dtí an 31 Nollaig 2025, agus dá réir sin tugadh rochtain neamhtheoranta saor ó dhleacht ar an Aontas do na hearraí lena mbaineann.

(7)

Ceanglaítear leis an gComhaontú trí Mhalartú Litreacha go n-osclófar arís an cuóta saor ó dhleacht le haghaidh na dtáirgí atá i gceist le haghaidh 2026. An cuóta bliantúil deireanach le haghaidh na dtáirgí sin, osclaíodh é le haghaidh 2024 le Rialachán Cur Chun Feidhme (AE) 2021/2169. De bharr nár osclaíodh aon chuóta bliantúil le haghaidh 2025, is iomchuí méid an chuóta a shocrú le haghaidh 2026 ar an leibhéal céanna le 2024.

(8)

Ba cheart don Choimisiún na taraifchuótaí a bhainistiú ar bhonn ord croineolaíoch na ndátaí ar a nglactar leis na dearbhuithe custaim i ndáil le scaoileadh i saorchúrsaíocht i gcomhréir leis na rialacha maidir le bainistiú taraifchuótaí a leagtar síos i Rialachán Cur Chun Feidhme (AE) Uimh. 2015/2447 (9) ón gCoimisiún.

(9)

Tá na bearta dá bhforáiltear sa Rialachán seo i gcomhréir leis an tuairim ón gCoiste um cheisteanna cothrománacha a bhaineann le trádáil i dtáirgí talmhaíochta próiseáilte nach liostaítear in Iarscríbhinn I a ghabhann le Rialachán (AE) Uimh. 510/2014,