<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-03-202503C127202401860-00-TRA-DOC-GA-ARRET-C-0186-24-202502977-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="ga-IE" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="14/04/2025 15:37:59" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="ga" name="Gendoc_LangCode"/>
    <meta content="ARR" name="TypeDoc"/>
    <meta content="iww5JRAXUXGNNtqGks1U0s8FHnm8sbHPla6ImAlW51mxdWeJfALVEZS3PhCJvq2aq5HbfuyT4pYNb0SSrsojjA0VYrjUonYIXL+FRF/3edNy+1ws6b5O0imNZOEobVasaEAq0z/xP/J8ro6FxpkoPetqQZRWeQKSCqkyd0ZNk+A=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="staunem" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="ea6d252d-56b4-434b-b388-9e05ad91e56e" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0186" name="NumeroOrdre"/>
    <meta content="2024" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="GA" name="Langue"/>
    <meta content="staunem" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 24-03-25 17:19:25" name="Created"/>
    <meta content="" name="Canevas3_Vademecum"/>
    <meta content="2025-04-07T10:23:09Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="8523bd4559c14b079fa298e50fa1fd83" name="DocumentIdentifier"/>
    <meta content="0186" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Breithiúnas an 27. 3. 2025 – Cás C-186/24</div>
      <div id="rId21" style="default">Auto1 European Cars</div>
    </div>
    <p class="C19Centre" id="para-1" title="page-1">
      BREITHIÚNAS NA CÚIRTE (an Seachtú Dlísheomra)
    </p>
    <p class="C19Centre" id="para-2" title="page-1">
      27 Márta 2025  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      (Tarchur chun réamhrialú – Comhar breithiúnach in ábhair shibhialta – Rialachán (AE) 2015/848 – Imeachtaí dócmhainneachta – Airteagal 31(1) – Feasacht ar na himeachtaí dócmhainneachta – Oibleagáidí chun tairbhe féichiúnaí nach mór iad a urramú ar mhaithe leis an gcleachtóir dócmhainneachta – Díol maoine (gluaisteán) ag an bhféichiúnaí tar éis thionscnamh na n-imeachtaí dócmhainneachta – Oibleagáid d’fhéichiúnaí a urramú)
    </p>
    <p class="C02AlineaAltA" id="para-4" title="page-1">
      I gCás C-186/24,
    </p>
    <p class="C02AlineaAltA" id="para-5" title="page-1">
      IARRAIDH ar réamhrialú faoi Airteagal 267 CFAE ón Oberster Gerichtshof (an Chúirt Uachtarach, an Ostair), trí bhreith an 22 Feabhra 2024, a fuarthas ag an gCúirt an 8 Márta 2024, sna himeachtaí
    </p>
    <p class="C02AlineaAltA" id="para-6" title="page-1">
      Matthäus Metzler, ag gníomhú dó mar chleachtóir dócmhainneachta in imeachtaí dócmhainneachta,
    </p>
    <p class="C02AlineaAltA" id="para-7" title="page-1">
      v
    </p>
    <p class="C02AlineaAltA" id="para-8" title="page-1">
      Auto1 European Cars BV,
    </p>
    <p class="C19Centre" id="para-9" title="page-1">
      tugann AN CHÚIRT (an Seachtú Dlísheomra),
    </p>
    <p class="C02AlineaAltA" id="para-10" title="page-1">
      agus í comhdhéanta mar seo a leanas: M. Gavalec, Uachtarán Dlísheomra, K. Jürimäe (Rapóirtéir), Uachtarán an Dara Dlísheomra, agus Z. Csehi, Breitheamh,
    </p>
    <p class="C02AlineaAltA" id="para-11" title="page-1">
      Abhcóide Ginearálta: M. Campos Sánchez-Bordona,
    </p>
    <p class="C02AlineaAltA" id="para-12" title="page-1">
      Cláraitheoir: A. Calot Escobar,
    </p>
    <p class="C02AlineaAltA" id="para-13" title="page-1">
      ag féachaint don nós imeachta i scríbhinn,
    </p>
    <p class="C02AlineaAltA" id="para-14" title="page-1">
      tar éis breithniú a dhéanamh ar na barúlacha arna dtíolacadh thar ceann na bpáirtithe seo a leanas:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">M. Metzler, ag gníomhú dó mar chleachtóir dócmhainneachta in imeachtaí dócmhainneachta, ag M. Metzler, Rechtsanwalt,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">Auto1 European Cars BV, ag F. Frank, Rechtsanwalt,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">an Coimisiún Eorpach, ag G. von Rintelen agus W. Wils, i gcáil Gníomhairí,</p>
</td>
</tr>
</table>
    <p class="C02AlineaAltA" id="para-18" title="page-1">
      tar éis cinneadh a dhéanamh, i ndiaidh an tAbhcóide Ginearálta a éisteacht, breith a thabhairt ar an gcás gan Tuairim,
    </p>
    <p class="C02AlineaAltA" id="para-19" title="page-1">
      an Breithiúnas seo a leanas:
    </p>
    <p class="C75Debutdesmotifs" id="para-20" title="page-1">
      Breithiúnas
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">Baineann an iarraidh ar réamhrialú le léiriú Airteagal 31(1) de Rialachán (AE) 2015/848 ó Pharlaimint na hEorpa agus ón gComhairle an 20 Bealtaine 2015 maidir le himeachtaí dócmhainneachta (IO 2015 L 141, lch. 19).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Rinneadh an iarraidh seo in imeachtaí idir Matthäus Metzler, ag gníomhú dó mar chleachtóir dócmhainneachta sna himeachtaí dócmhainneachta a tionscnaíodh i gcoinne féichiúnaí, agus Auto1 European Cars BV (‘Auto1’) maidir le híocaíocht leis an eastát dócmhainneachta de mhéid a fhreagraíonn do mhargadhluach feithicle arna díol ag an bhféichiúnaí le Auto1, tar éis thionscnamh na n-imeachtaí sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An dlí lena mbaineann</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Dlí an Aontais Eorpaigh</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Foráiltear mar a leanas in aithrisí 5 agus 81 de Rialachán Uimh. 2015/848:</p>
</td>
</tr>
</table>
    <p class="C09Marge0avecretrait" id="para-26" title="page-1">
      ‘(5) Ar mhaithe le feidhmiú cuí an mhargaidh inmheánaigh, tá sé riachtanach gan dreasachtaí a bheith ag páirtithe sócmhainní nó imeachtaí breithiúnacha a aistriú ó Bhallstát amháin go Ballstát eile, féachaint seasamh dlí níos fabhraí a fháil chun dochair na gcreidiúnaithe i gcoitinne (tóraíocht fóram).
    </p>
    <p class="C02AlineaAltA" id="para-27" title="page-1">
      [...]
    </p>
    <p class="C09Marge0avecretrait" id="para-28" title="page-2">
      (81) D’fheadfadh sé tarlú nach mbeadh roinnt de na daoine lena mbaineann ar an eolas go bhfuil imeachtaí dócmhainneachta á dtionscnamh agus go mbeadh siad ag gníomhú de mheon macánta ar bhealach a bheadh ag teacht salach ar cúinsí nua. D’fhonn na daoine sin nach bhfuil ar an eolas go bhfuil imeachtaí eachtracha á dtionscnamh a chosaint, a rinne íocaíocht leis an bhféichiúnaí seachas an íocaíocht a dhéanamh leis an gcleachtóir eachtrach dócmhainneachta, ba cheart foráil a dhéanamh go mbeadh éifeacht urscaoilte féich ag íocaíocht den sórt sin.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">Faoi réir Airteagal 7 den Rialachán sin, dar teideal ‘An dlí is infheidhme’:</p>
</td>
</tr>
</table>
    <p class="C02AlineaAltA" id="para-30" title="page-2">
      ‘1. Mura bhforáiltear a mhalairt sa Rialachán seo, is é an dlí is infheidhme i leith imeachtaí dócmhainneachta dlí an Bhallstáit a ndéanfar na himeachtaí a thionscnamh laistigh dá chríoch, (“an Stát inar tionscnaíodh na himeachtaí”).
    </p>
    <p class="C02AlineaAltA" id="para-31" title="page-2">
      2. Cinnfidh dlí an Stáit inar tionscnaíodh na himeachtaí na coinníollacha maidir le tionscnamh, seoladh agus cur i gcrích na n-imeachtaí sin. Go háirithe, cinnfidh sé an méid seo a leanas:
    </p>
    <p class="C02AlineaAltA" id="para-32" title="page-2">
      [...]
    </p>
    <p class="C09Marge0avecretrait" id="para-33" title="page-2">
      (b) na sócmhainní ar cuid den eastát dócmhainneachta iad agus cóireáil sócmhainní a fuair an féichiúnaí nó a aistríodh dó tar éis thionscnamh na n-imeachtaí dócmhainneachta;
    </p>
    <p class="C09Marge0avecretrait" id="para-34" title="page-2">
      (c) cumhachtaí faoi seach an fhéichiúnaí agus an chleachtóra dócmhainneachta;
    </p>
    <p class="C09Marge0avecretrait" id="para-35" title="page-2">
      [...]
    </p>
    <p class="C09Marge0avecretrait" id="para-36" title="page-2">
      (m) na rialacha a bhaineann le neamhniú, in-neamhnitheacht nó neamh-infhorghníomhacht na ngníomhartha dlíthiúla, a dhéanfadh dochar do na creidiúnaithe i gcoitinne.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">Foráiltear le hAirteagal 31 den Rialachán sin, dar teideal ‘Oibleagáid d’fhéichiúnaí a urramú’:</p>
</td>
</tr>
</table>
    <p class="C02AlineaAltA" id="para-38" title="page-2">
      ‘1. I gcás a ndearnadh oibleagáid a urramú i mBallstát ar leas féichiúnaí a bheidh faoi réir imeachtaí dócmhainneachta a tionscnaíodh i mBallstát eile, nuair ba cheart go ndearnadh í a urramú ar leas an chleachtóra dócmhainneachta sna himeachtaí sin, measfar go bhfuil an oibleagáid scaoilte ag an duine a bheidh á hurramú más rud é nach raibh sé ar an eolas faoi thionscnamh na n-imeachtaí.
    </p>
    <p class="C02AlineaAltA" id="para-39" title="page-2">
      2. I gcás ina n-urramófar an oibleagáid sin sula ndéanfar an foilsiú dá bhforáiltear in Airteagal 28 a chur i gcrích, toimhdeofar an duine a mbeidh an oibleagáid á hurramú aige, cheal cruthúnas dá mhalairt, a bheith aineolach ar na himeachtaí dócmhainneachta. I gcás ina n-urramófar an oibleagáid tar éis an foilsiú sin a bheith curtha i gcrích, toimhdeofar go raibh an duine a mbeidh an oibleagáid á hurramú aige, cheal cruthúnas dá mhalairt, eolach faoi thionscnamh na n-imeachtaí.’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Dlí na hOstaire</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">Foráiltear le hAirteagal 3 den Insolvenzordnung (Cód Dócmhainneachta) an 11 Nollaig 1914 (RGBl. 337/1914), sa leagan is infheidhme maidir leis an díospóid sna príomhimeachtaí (‘an Cód Dócmhainneachta’):</p>
</td>
</tr>
</table>
    <p class="C02AlineaAltA" id="para-42" title="page-3">
      ‘1. Maidir le gníomhartha dlíthiúla an fhéichiúnaí a dhéanfar tar éis thionscnamh na n-imeachtaí dócmhainneachta agus a bhfuil tionchar acu ar an eastát dócmhainneachta, ní bheidh siad infheidhmithe i gcoinne creidiúnaithe sna himeachtaí dócmhainneachta. Ní mór an chomaoin a aisíoc leis an tríú páirtí a mhéid a shaibhreofaí an t-eastát dócmhainneachta gan údar leis an gcomaoin sin.
    </p>
    <p class="C02AlineaAltA" id="para-43" title="page-3">
      2. Ní scaoiltear an páirtí faoi oibleagáid le híocaíocht fiachais leis an bhféichiúnaí tar éis thionscnamh na n-imeachtaí dócmhainneachta, ach amháin sa chás nach raibh an méid a íocadh leis an eastát dócmhainneachta nó leis an bpáirtí faoi oibleagáid ar an eolas faoi thionscnamh na n-imeachtaí dócmhainneachta tráth na híocaíochta agus nach raibh an t-aineolas sin mar thoradh ar shárú díchill chuí (eadhon nár ceapadh go raibh sé ar an eolas faoi).’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An díospóid sna príomhimeachtaí agus na ceisteanna a tharchuirtear le haghaidh réamhrialú</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">Le cinneadh an 25 Bealtaine 2022, thionscain Landesgericht Linz (an Chúirt Réigiúnach, Linz, an Ostair) imeachtaí dócmhainneachta i gcoinne féichiúnaí agus cheap sé Metzler mar chleachtóir dócmhainneachta (‘an cleachtóir’). Foilsíodh an cinneadh sin, lena n-áirítear céannacht an chleachtóra, an lá céanna.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">An 2 Meitheamh 2022, thug an féichiúnaí i gcrích, ina ainm féin, conradh chun carr a dhíol le Auto1, cuideachta atá corpraithe faoi dhlí na hÍsiltíre agus atá bunaithe san Ísiltír, ar mhéid EUR 48 870. Tugadh an conradh sin i gcrích ag áitreabh bhrainse Auto1 atá lonnaithe san Ostair.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">Tar éis an carr sin a fháil san Ostair, d’aistrigh Auto1, ó chuntas bainc atá lonnaithe sa Ghearmáin, an tsuim a chomhfhreagraíonn do phraghas díola an chairr sin chuig cuntas bainc atá bunaithe san Ostair arna léiriú ag an bhféichiúnaí.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Measann an cleachtóir gurb é an t-eastát dócmhainneachta is cúis leis an méid EUR 48 870 ar an bhforas gur tugadh an conradh díolacháin i gcrích tar éis thionscnamh na n-imeachtaí dócmhainneachta. Ós rud é gur athdhíol Auto1 an fheithicil le tríú páirtí, thug an cleachtóir caingean ag lorg cúitimh don eastát dócmhainneachta a fhreagraíonn do phraghas díola na feithicle sin. Ina dhiaidh sin, leathnaigh an cleachtóir ábhar na caingne chuig margadhluach na feithicle sin, eadhon EUR 62 261.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Rinne Auto1 agóid i gcoinne an chur i bhfeidhm ar bhonn, inter alia, Airteagal 31 de Rialachán 2015/848. Tá sé den tuairim nach bhféadfaí an iarraidh sin a dhéanamh ina coinne ach amháin dá mbeadh sé ar an eolas faoi thionscnamh na n-imeachtaí dócmhainneachta tráth a ceannaíodh an carr atá i gceist.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Sheas Landesgericht Linz (an Chúirt Réigiúnach, Linz) leis an gcaingean ina raon feidhme bunaidh. Cuireadh cinneadh na cúirte sin ar ceal ar achomharc. Mheas Oberlandesgericht Linz (Ard-Chúirt Réigiúnach, Linz, an Ostair) go raibh Airteagal 31 de Rialachán 2015/848 infheidhme ós rud é, ar an gcéad dul síos, go ndearnadh an íocaíocht leis an bhféichiúnaí, tar éis fíorú, ó chuntas bainc Gearmánach agus, ar an dara dul síos, nach raibh an fhaisnéis ábhartha go léir ag Auto1 maidir le tionscnamh na n-imeachtaí dócmhainneachta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Rinne an cleachtóir achomharc i gcoinne chinneadh sin na cúirte achomhairc os comhair an Oberster Gerichtshof (an Chúirt Uachtarach, an Ostair), arb í an chúirt a rinne an tarchur. Mar thaca leis an achomharc sin, áitíonn an cleachtóir nach bhfuil Airteagal 31 de Rialachán 2015/848 infheidhme toisc go nglactar leis san fhoráil sin gurb ann d’oibleagáid bunaithe ar ghníomh dlíthiúil bailí, rud nach amhlaidh anseo faoi Airteagal 3(1) den Chód Dócmhainneachta. Thairis sin, tá an ghné eachtrach a cheanglaítear le hAirteagal 31 de Rialachán 2015/848 in easnamh toisc gur urramaíodh an oibleagáid dá dtagraítear sa chonradh díolacháin atá i gceist san Ostair.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Cinneann an chúirt a rinne an tarchur, ar an gcéad dul síos, faoi Airteagal 3(1) den Chód Dócmhainneachta, nach bhfuil gníomhartha dlíthiúla an fhéichiúnaí a dhéanfar tar éis thionscnamh na n-imeachtaí dócmhainneachta, a bhfuil tionchar acu ar an eastát dócmhainneachta, infheidhmithe i gcoinne creidiúnaithe sna himeachtaí dócmhainneachta. Sna himthosca sin, dá ndéanfaí maoin a bhaint ón eastát sin mar gheall ar ghníomh dlíthiúil a bhfuil infheidhmithe i gcoinne creidiúnaithe faoin bhforáil sin, d’fhéadfaí an mhaoin sin a aisghabháil. Thairis sin, ní dhéantar foráil leis an bhforáil sin maidir le heisceacht i gcás ina bhfuair an tríú páirtí an mhaoin de mheon macánta, gan bheith ar an eolas faoi thionscnamh na n-imeachtaí dócmhainneachta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Ar an dara dul síos, féachann Airteagal 31(1) de Rialachán 2015/848 le meon macánta tríú páirtí a chosaint, ar tríú páirtí é a ndéanann oibleagáid a urramú, i mBallstát seachas an Ballstát ar tionscnaíodh imeachtaí dócmhainneachta laistigh dá chríoch, ar leas féichiúnaí tar éis an dáta ar tionscnaíodh na himeachtaí sin, agus gan bheith ar an eolas go raibh sé ann, nuair ba cheart go ndearnadh í a urramú ar leas an chleachtóra dócmhainneachta. Mar sin féin, de réir litríocht dhlíthiúil, glactar leis san fhoráil sin gurb ann d’éileamh ón bhféichiúnaí. Ní bheadh feidhm aige, dá bhrí sin, maidir le hoibleagáid tríú páirtí a urramú i leith féichiúnaí, ar toradh é, i gcomhréir le hAirteagal 3(1) den Chód Dócmhainneachta, ar ghníomh dlíthiúil a bhfuil infheidhmithe i gcoinne an eastáit dócmhainneachta toisc gur tharla sé tar éis thionscnamh na n-imeachtaí dócmhainneachta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Soléiríonn an chúirt a rinne an tarchur, áfach, nach n-eisiatar, i bhfianaise fhoclaíocht Airteagal 31(1) de Rialachán 2015/848, lena bhforáiltear go ginearálta go ndéanfaí oibleagáid a urramú ar leas féichiúnaí, go bhféadfadh feidhm a bheith ag an bhforáil sin maidir le hoibleagáidí arna n-urramú ag an tríú páirtí ar bhonn gníomh dlíthiúil neamhbhailí. Sa chás sin, bheadh sé fós le cinneadh an féidir an áit ina n-urramaítear an oibleagáid de réir bhrí na forála sin a mheas mar an áit ina n-urramaítear an t-ordú aistrithe a tugadh i mBallstát seachas an Ballstát inar tionscnaíodh imeachtaí dócmhainneachta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Sa chomhthéacs sin, chinn an Oberster Gerichtshof (an Chúirt Uachtarach) bac a chur ar na himeachtaí agus na ceisteanna seo a leanas a tharchur chuig an gCúirt Bhreithiúnais le haghaidh réamhrialú:</p>
</td>
</tr>
</table>
    <p class="C09Marge0avecretrait" id="para-56" title="page-5">
      ‘1. An bhfuil Airteagal 31(1) de Rialachán [2015/848] le léiriú sa chaoi, de réir bhrí na forála sin, go n-áireofaí freisin, ar na hoibleagáidí a n-urramaítear d’fhéichiúnaí ar cheart a bheith urramaithe do chleachtóir dócmhainneachta na n-imeachtaí dócmhainneachta, urramú na n-oibleagáidí a eascraíonn as gníomh dlíthiúil nach ndearna an féichiúnaí ach amháin tar éis thionscnamh na n-imeachtaí dócmhainneachta agus na cumhachtaí a aistriú chuig an gcleachtóir dócmhainneachta?
    </p>
    <p class="C09Marge0avecretrait" id="para-57" title="page-5">
      Sa chás go bhfreagraítear an cheist seo go dearfach:
    </p>
    <p class="C09Marge0avecretrait" id="para-58" title="page-5">
      2. An bhfuil Airteagal 31(1) de Rialachán 2015/848 le léiriú sa chaoi gurb í an áit ina n-urramaítear an oibleagáid de réir bhrí na forála sin an áit óna ndéantar íocaíocht an tríú páirtí trí aistriú ó chuntas bainc áitiúil, fiú mura bhfuil an tríú páirtí bunaithe sa Bhallstát sin, ach go bhfuil sé bunaithe i mBallstát eile, agus nár tharla tabhairt i gcrích an ghnímh dhlíthiúil agus urramú na hoibleagáide ar thaobh an fhéichiúnaí ann, ach trí bhrainse den tríú páirtí i mBallstát eile, eadhon an ceann i mBallstát eile, eadhon an ceann inar cuireadh tús leis na himeachtaí dócmhainneachta?’
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Na ceisteanna a tharchuirtear le haghaidh réamhrialú</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An chéad cheist</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Lena céad cheist, fiafraíonn an chúirt a rinne an tarchur, go bunúsach, an gcaithfear Airteagal 31(1) de Rialachán 2015/848 a léiriú sa chaoi go n-áireofaí freisin, ar na hoibleagáidí a n-urramaítear d’fhéichiúnaí atá faoi réir imeachtaí dócmhainneachta, nuair ba cheart go ndearnadh í a urramú ar leas an chleachtóra dócmhainneachta sna himeachtaí sin, urramú na hoibleagáide a eascraíonn as gníomh dlíthiúil arna dhéanamh ag an bhféichiúnaí tar éis thionscnamh na n-imeachtaí dócmhainneachta sin agus bainistiú na sócmhainní a aistriú chuig an gcleachtóir dócmhainneachta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Chun an cheist sin a fhreagairt, ní mór foclaíocht na forála, a comhthéacs agus na cuspóirí a shaothraítear leis na rialacha ar cuid díobh í a chur san áireamh.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Ar an gcéad dul síos, maidir le hAirteagal 31(1) de Rialachán 2015/848, i gcás a ndearnadh oibleagáid a urramú i mBallstát ar leas féichiúnaí a bheidh faoi réir imeachtaí dócmhainneachta a tionscnaíodh i mBallstát eile, nuair ba cheart go ndearnadh í a urramú ar leas an chleachtóra dócmhainneachta sna himeachtaí sin, measfar go bhfuil an oibleagáid scaoilte ag an duine a bheidh á hurramú más rud é nach raibh sé ar an eolas faoi thionscnamh na n-imeachtaí. Ba cheart a thabhairt faoi deara nach bhfuil aon ní i bhfoclaíocht na forála sin a thabharfadh le fios nach mbeadh feidhm aici i gcás urramú oibleagáide a eascraíonn as gníomh dlíthiúil a rinne féichiúnaí tar éis thionscnamh na n-imeachtaí dócmhainneachta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Ar an dara dul síos, maidir le comhthéacs Airteagal 31(1) de Rialachán 2015/848, is fíor gur chinn an Chúirt gur foráil den dlí substainteach í a bhfuil feidhm aici beag beann ar an lex concursus (féach, chuige sin, breithiúnas an 19 Meán Fómhair 2013, van Buggenhout agus van de Mierop, C-251/12, EU:C:2013:566, mír 23).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Mar sin féin, ní féidir an fhoráil sin a thuiscint go neamhspleách ar Airteagal 7 den Rialachán sin, lena gcinntear an dlí is infheidhme maidir le himeachtaí dócmhainneachta agus a n-iarmhairtí. Leanann sé ó Airteagal 7(2)(b) agus (m) den Rialachán sin gurb é dlí an Stáit inar tionscnaíodh imeachtaí dócmhainneachta a chinneann cóireáil sócmhainní a fuair an féichiúnaí nó a aistríodh dó tar éis thionscnamh na n-imeachtaí dócmhainneachta, chomh maith le neamh-infhorghníomhacht na ngníomhartha dlíthiúla, a dhéanfadh dochar do na creidiúnaithe.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Dá bhrí sin, braitheann infheidhmeacht Airteagal 31(1) den Rialachán sin maidir le hurramú oibleagáide a eascraíonn as gníomh dlíthiúil arna thabhairt i gcrích ag féichiúnaí tar éis thionscnamh na n-imeachtaí dócmhainneachta ar rialacha dlí an Stáit inar tionscnaíodh na himeachtaí sin a bhaineann le hinfhorghníomhacht na ngníomhartha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Dá bhrí sin, is léir ó léiriú comhthéacsúil ar Airteagal 31(1) de Rialachán 2015/848 go gcumhdaítear leis an gcoincheap ‘oibleagáid arna hurramú’, de réir bhrí na forála sin, oibleagáid a urramú a eascraíonn as gníomh dlíthiúil tar éis thionscnamh na n-imeachtaí dócmhainneachta agus cumhachtaí a aistriú chuig an gcleachtóir dócmhainneachta, ar choinníoll go bhfuil gníomh dlíthiúil den sórt sin infheidhmithe, i gcomhréir le dlí an Stáit inar tionscnaíodh na himeachtaí sin, i gcoinne na gcreidiúnaithe is páirtithe sna himeachtaí sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Deimhnítear an léiriú sin, ar an tríú dul síos, leis an gcuspóir a shaothraítear le hAirteagal 31(1) de Rialachán 2015/848. Is léir ó aithris 81 den Rialachán sin go bhfuil sé i gceist leis an bhforáil sin tríú páirtí a chosaint, cé nach bhfuil sé ar an eolas faoi thionscnamh na n-imeachtaí dócmhainneachta i mBallstát eile, a chreideann de mheon macánta go bhfuil éifeacht urscaoilte féich ag urramú a oibleagáide ar leas féichiúnaí.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Chun a aithint go bhfuil éifeacht urscaoilte féich ag urramú oibleagáide atá bunaithe ar ghníomh dlíthiúil a bhfuil infheidhmithe i gcoinne creidiúnaithe is páirtithe sna himeachtaí sin, faoi dhlí an Stáit inar tionscnaíodh na himeachtaí sin, rachadh sé thar chosaint mheon macánta tríú páirtithe atá beartaithe ag reachtóir an Aontais. Sa chás sin, chosnófaí an tríú páirtí ar aon éileamh a dhéanfadh an cleachtóir dócmhainneachta ina choinne, ar fhoras saibhriú éagórach. Thairis sin, bheadh léiriú den sórt sin ar Airteagal 31(1) de Rialachán 2015/848 contrártha don phrionsabal nach mór eisceachtaí ón aitheantas uathoibríoch ar éifeachtaí imeachtaí dócmhainneachta a léiriú go docht (féach, chuige sin, breithiúnas an 18 Aibreán 2024, Luis Carlos agus páirtithe eile, C-765/22 agus C-772/22, EU:C:2024:331, mír 74).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Ina theannta sin, le léiriú atá contrártha leis an léiriú a glacadh i mír 24 den bhreithiúnas seo, cheadófaí don fhéichiúnaí sócmhainní an eastáit dócmhainneachta a aistriú go héasca trína ndíol le tríú páirtí, tar éis thionscnamh na n-imeachtaí dócmhainneachta. Dá bhrí sin, baineann an léiriú sin an bonn de cheann de phríomhchuspóirí Rialachán 2015/848, a leagtar amach in aithris 5 de, eadhon dreasacht a sheachaint do pháirtithe sócmhainní a aistriú ó Stát amháin go Stát eile chun a seasamh dlíthiúil a fheabhsú (féach, de réir analaí, breithiúnas an 19 Meán Fómhair 2013, van Buggenhout agus van de Mierop, C-251/12, EU:C:2013:566, mír 35).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Sa chás seo, foráiltear le hAirteagal 3(1) den Chód Dócmhainneachta nach bhfuil gníomhartha dlíthiúla an fhéichiúnaí, tar éis thionscnamh na n-imeachtaí dócmhainneachta a dhéanann difear don eastát dócmhainneachta, infheidhmithe i gcoinne creidiúnaithe is páirtithe sna himeachtaí sin. Dá bhrí sin, níl an bille díola a chuir an féichiúnaí i gcrích le Auto1, tar éis thionscnamh na n-imeachtaí dócmhainneachta a bhaineann leis, infheidhmithe faoi dhlí na hOstaire, agus is faoin gcúirt a rinne an tarchur atá sé é sin a mheas. Dá mba amhlaidh an cás, ní bheadh feidhm ag Airteagal 31(1) de Rialachán 2015/848.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">Leanann sé ón méid sin roimhe seo gurb é an freagra ar an gcéad cheist nach mór Airteagal 31(1) de Rialachán 2015/848 a léiriú sa chaoi go n-áireofaí freisin, ar na hoibleagáidí a n-urramaítear d’fhéichiúnaí atá faoi réir imeachtaí dócmhainneachta, nuair ba cheart go ndearnadh í a urramú ar leas an chleachtóra dócmhainneachta sna himeachtaí sin, urramú na hoibleagáide a eascraíonn as gníomh dlíthiúil arna dhéanamh ag an bhféichiúnaí tar éis thionscnamh na n-imeachtaí dócmhainneachta sin agus bainistiú na sócmhainní a aistriú chuig an gcleachtóir dócmhainneachta, ar choinníoll go bhfuil gníomh dlíthiúil den sórt sin infheidhmithe, i gcomhréir le dlí an Stáit inar tionscnaíodh na himeachtaí sin, i gcoinne na gcreidiúnaithe is páirtithe sna himeachtaí sin.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">An dara ceist</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">I bhfianaise an fhreagra a tugadh ar an gcéad cheist, ní gá an dara ceist a fhreagairt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Costais</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Ós rud é, a mhéid a bhaineann sé leis na páirtithe sna príomhimeachtaí, go bhfuil na himeachtaí mar chéim sa chás os comhair na cúirte a rinne an tarchur, baineann ceist na gcostas leis an gcúirt sin. Níl na costais a tabhaíodh trí bharúlacha a cuireadh faoi bhráid na Cúirte Breithiúnais, seachas costais na bpáirtithe sin, inghnóthaithe.</p>
</td>
</tr>
</table>
    <p class="C41DispositifIntroduction" id="para-77" title="page-8">
      Ar na forais sin, rialaíonn an Chúirt (an Seachtú Dlísheomra) mar seo a leanas:
    </p>
    <p class="C30Dispositifalinea" id="para-78" title="page-8">
      Maidir le hAirteagal 31(1) de Rialachán (AE) 2015/848 ó Pharlaimint na hEorpa agus ón gComhairle an 20 Bealtaine 2015 maidir le himeachtaí dócmhainneachta,
    </p>
    <p class="C30Dispositifalinea" id="para-79" title="page-8">
      ní mór léiriú a dhéanamh mar seo a leanas:
    </p>
    <p class="C30Dispositifalinea" id="para-80" title="page-8">
      áireofaí freisin, ar na hoibleagáidí a n-urramaítear d’fhéichiúnaí atá faoi réir imeachtaí dócmhainneachta, nuair ba cheart go ndearnadh í a urramú ar leas an chleachtóra dócmhainneachta sna himeachtaí sin, urramú na hoibleagáide a eascraíonn as gníomh dlíthiúil arna dhéanamh ag an bhféichiúnaí tar éis thionscnamh na n-imeachtaí dócmhainneachta sin agus bainistiú na sócmhainní a aistriú chuig an gcleachtóir dócmhainneachta, ar choinníoll go bhfuil gníomh dlíthiúil den sórt sin infheidhmithe, i gcomhréir le dlí an Stáit inar tionscnaíodh na himeachtaí sin, i gcoinne na gcreidiúnaithe is páirtithe sna himeachtaí sin.
    </p>
    <div class="signatures">
<p class="C77Signatures" id="para-81" title="page-8">
<span class="signatory">[Sínithe]</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Teanga an cháis: an Ghearmáinis.</p>
</body>
</html>
