European flag

Iris Oifigiúil
an Aontais Eorpaigh

GA

Sraith L


2024/2903

19.11.2024

RIALACHÁN (AE) 2024/2903 ÓN gCOMHAIRLE

an 18 Samhain 2024

lena socraítear le haghaidh 2025 na deiseanna iascaireachta le haghaidh stoic éisc áirithe agus grúpaí stoc éisc is infheidhme i Muir Bhailt agus lena leasaítear Rialachán (AE) 2024/257 a mhéid a bhaineann le deiseanna iascaireachta áirithe in uiscí eile

TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 43(3) de,

Ag féachaint don togra ón gCoimisiún Eorpach,

De bharr an mhéid seo a leanas:

(1)

Tá an Chomhairle le bearta a ghlacadh maidir le deiseanna iascaireachta a shocrú agus a chionroinnt, lena n-áirítear coinníollacha áirithe atá nasctha go feidhmiúil leis na deiseanna iascaireachta sin, de réir mar is iomchuí. Faoi Airteagal 16(4) de Rialachán (AE) Uimh. 1380/2013 ó Pharlaimint na hEorpa agus ón gComhairle (1), tá deiseanna iascaireachta le socrú i gcomhréir le cuspóirí an Chomhbheartais Iascaigh (CBI) de réir mar a leagtar amach in Airteagal 2(2) den Rialachán sin. Faoi Airteagal 16(1) de Rialachán (AE) Uimh. 1380/2013, tá deiseanna iascaireachta le cionroinnt idir na Ballstáit ar bhealach lena n-áirithítear cobhsaíocht choibhneasta ghníomhaíochtaí iascaireachta gach Ballstáit le haghaidh gach stoic nó iascaigh.

(2)

Dá bhrí sin, ba cheart na gabhálacha iomlána incheadaithe (TACanna) a bhunú i gcomhréir le hAirteagal 3 de Rialachán (AE) Uimh. 1380/2013, ar bhonn na comhairle eolaíche atá ar fáil, agus aird á tabhairt ar impleachtaí bitheolaíocha agus socheacnamaíocha agus cóir chothrom idir earnálacha iascaireachta á háirithiú, agus na tuairimí a cuireadh in iúl le linn na gcomhairliúchán leis na páirtithe leasmhara á gcur san áireamh.

(3)

Bunaítear le Rialachán (AE) 2016/1139 ó Pharlaimint na hEorpa agus ón gComhairle (2) plean ilbhliantúil do na stoic trosc, scadán agus salán i Muir Bhailt agus don iascach a shaothraíonn na stoic sin. I gcomhréir le hAirteagal 3(1) den Rialachán sin, is é is aidhm don phlean sin rannchuidiú le cuspóirí CBI a liostaítear in Airteagal 2 de Rialachán (AE) Uimh. 1380/2013 a bhaint amach. Leis an bplean, féachtar lena áirithiú go háirithe go ndéanfaidh saothrú acmhainn bhitheolaíoch na mara na pobail speiceas atá á saothrú a athbhunú agus a choinneáil os cionn leibhéil ar a mbeifear in acmhainn an uastáirgeacht inbhuanaithe a tháirgeadh. Tá sé d’aidhm ag an bplean freisin rannchuidiú lena áirithiú go mbeidh gníomhaíochtaí iascaireachta agus dobharshaothraithe inbhuanaithe san fhadtéarma ó thaobh an chomhshaoil de agus go mbainisteofar iad ar bhealach a bheidh comhsheasmhach leis na cuspóirí arb éard atá iontu tairbhí eacnamaíocha, sóisialta agus fostaíochta a bhaint amach, agus cur le hinfhaighteacht soláthairtí bia. Áirítear ar na cuspóirí sin, mar a shonraítear a thuilleadh in Airteagal 2(5), pointí (c) agus (f), de Rialachán (AE) Uimh. 1380/2013, coinníollacha a sholáthar le haghaidh tionscal iascaireachta, gabhála agus próiseála agus gníomhaíochtaí a bhaineann le hiascaireacht ar talamh atá inmharthana agus iomaíoch, chomh maith le rannchuidiú le caighdeán cóir maireachtála a áirithiú dóibh siúd a bhíonn ag brath ar ghníomhaíochtaí iascaireachta, agus iascaigh chósta agus gnéithe socheacnamaíocha á gcur san áireamh.

(4)

An 31 Bealtaine 2024, d’fhoilsigh an Chomhairle Idirnáisiúnta um Thaiscéalaíocht na Mara (ICES) a comhairle bhliantúil stoic maidir le stoic Mhuir Bhailt le haghaidh 2025. De réir ICES, bíonn stoic á meascadh go pointe áirithe ar a laghad i gcás fhormhór mór na n-iascach i Muir Bhailt. Baineann an meascadh sin le stoic a bhainistítear le TAC agus le stoic eile nach mbainistítear le TAC araon. I measc speicis pheiligeacha agus speicis ghrinnill a tharlaíonn an méid is tábhachtaí den mheascadh.

(5)

Molann ICES gabhálacha nialasacha i leith scadáin Mhuir Bhailt Thiar, throisc agus bhradáin Mhuir Bhailt Thoir i bhforanna 22 go 31 ICES le haghaidh 2025. Thairis sin, molann ICES leibhéil ísle gabhála le haghaidh throisc Mhuir Bhailt Thiar le haghaidh 2025. Dá bhrí sin, dá leagfaí na TACanna síos le haghaidh na stoc sin ar na leibhéil a mhol ICES, thiocfadh feiniméan an ‘tachtspeicis’ chun cinn de thoradh na hoibleagáide na gabhálacha uile a thabhairt i dtír, lena n-áirítear foghabhálacha na stoc sin in iascaigh mheasctha. Déantar troisc a fhoghabháil sna hiascaigh uile, déantar scadáin Mhuir Bhailt Thiar a fhoghabháil sna hiascaigh spriocdhírithe salán, agus is féidir bradáin a fhoghabháil in go leor iascach. Bheadh tionchar ar leith ag tachtadh iascaigh ar shoithí a dhéanann iascaireacht ar leathóga agus ar shaláin, rud a d’fhéadfadh iallach a chur orthu scor d’oibríochtaí iascaireachta in 2025 agus a d’fhágfadh go ndúnfaí na hiascaigh sin roimh am. Bunaithe ar shonraí ó Fhaireachlann an Mhargaidh Eorpaigh um Iascach agus um Tháirgí Dobharshaothraithe, meastar gurb é EUR 19 900 000 agus EUR 400 000 faoi seach luach céad-díola na n-iascach leathóg ballach agus salán a cheadaítear a ghabháil laistigh de theorainneacha na TACanna agus a mheastar a ghabhfar sa limistéar ábhartha ar leith. Bheadh ar go leor iascach, go háirithe iascaigh chósta ar mionscála le haghaidh speicis nach mbainistítear le TAC, scor d’oibríochtaí iascaireachta in 2025. Chun an chothromaíocht cheart a bhaint amach idir an t-iascach a choinneáil ar bun, i bhfianaise na n-impleachtaí tromchúiseacha socheacnamaíocha a d’fhéadfadh a bheith ann mura ndéanfar amhlaidh, agus an gá atá le stádas maith bitheolaíoch a bhaint amach le haghaidh na stoc sin, agus aird á tabhairt ar an deacracht a bhaineann le hiascaireacht a dhéanamh ar na stoic uile in iascach measctha ag an uastáirgeacht inbhuanaithe, is iomchuí na TACanna a choinneáil ar bun go heisiach le haghaidh foghabhálacha dosheachanta scadáin Mhuir Bhailt Thiar, throisc Mhuir Bhailt Thoir, throisc Mhuir Bhailt Thiar agus bradán sa phríomh-imchuach.

(6)

Maidir le stoc throisc Mhuir Bhailt Thoir, molann ICES gabhálacha nialasacha i leith an stoic sin in 2025 don 6ú bliain as a chéile. Thairis sin, rinne ICES a mheasúnú a íosghrádú go dtí measúnú réamhchúraim chatagóir 3 mar gheall ar shonraí teoranta agus neamhréireanna i meastacháin samhla áirithe. Tá muinín ag ICES i gcónaí, áfach, as treochtaí bithmhaise stoc throisc Mhuir Bhailt Thoir, a bhfuil méadú beag léirithe acu. Mar sin féin, tá bithmhais an stoic sceite i bhfad faoi bhun an phointe tagartha caomhnaithe (Blim) go fóill, ar faoina bhun a d’fhéadfadh laghdú a bheith ar an acmhainneacht síolraithe. I gcomhréir le hAirteagal 3(1) de Rialachán (AE) 2016/1139 agus le hAirteagal 16(4) de Rialachán (AE) Uimh. 1380/2013, is iomchuí, dá bhrí sin, an fionraí ar an iascach spriocdhírithe agus bearta feabhais eile atá nasctha go feidhmiúil a choinneáil ar bun agus an toirmeasc ar iascaigh áineasa a leathnú chuig an limistéar bainistíochta ar fad, ach eisceacht a bheith ann i gcomhair foghabhálacha de thaisme i bhforanna 27 go 32 de chuid ICES. I gcomhréir le hAirteagal 2(1) agus le hAirteagal 2(5), pointí (c) agus (f), de Rialachán (AE) Uimh. 1380/2013, ba cheart na deiseanna iascaireachta le haghaidh foghabhálacha dosheachanta a shocrú ar leibhéal íseal freisin chun na hiarmhairtí socheacnamaíocha a bheadh ann mar thoradh ar na deiseanna iascaireachta a shocrú ag nialas a sheachaint.

(7)

A mhéid a bhaineann le stoc throisc Mhuir Bhailt Thiar, rinne ICES a chomhairle a íosghrádú anuraidh go dtí comhairle réamhchúraim mar gheall ar éiginnteachtaí leanúnacha sa chomhairle agus mhol sé leibhéil ghabhála an-íseal le haghaidh 2024 agus 2025. Thairis sin, mheas ICES in 2021 gur thit an stoc faoi bhun Blim 15 bliana ó shin agus gur fhan sé faoi Blim ó shin i leith, agus gur shroich sé leibhéal níos ísle ná riamh in 2022. I gcomhréir le hAirteagal 3(1) de Rialachán (AE) 2016/1139 agus le hAirteagal 16(4) de Rialachán (AE) Uimh. 1380/2013, is iomchuí, dá bhrí sin, an fionraí ar an iascach spriocdhírithe agus bearta feabhais eile atá nasctha go feidhmiúil a choinneáil ar bun. I gcomhréir le hAirteagal 2(1) agus le hAirteagal 2(5), pointí (c) agus (f), de Rialachán (AE) Uimh. 1380/2013, ba cheart na deiseanna iascaireachta le haghaidh foghabhálacha dosheachanta a shocrú ar leibhéal íseal freisin chun na hiarmhairtí socheacnamaíocha a bheadh ann mar thoradh ar na deiseanna iascaireachta a shocrú ag nialas a sheachaint.

(8)

A mhéid a bhaineann le bradáin i bhforanna 22 go 31 ICES, choinnigh ICES ar bun a chomhairle lena moltar gabháil nialasach, agus bhreithnigh sé an fhéidearthacht le haghaidh 2025 leanúint d’iascaigh spriocdhírithe shamhraidh chósta thráchtála agus áineasa arís sa limistéar atá lastuaidh de dhomhanleithead 59o 30′ T (foranna 29 Thuaidh go 31 ICES) i gcomparáid le foroinn 31 ICES in 2024. Laghdaigh ICES a chomhairle faoi ghabhálacha, mar sin féin, toisc gur tháinig laghdú ar mharthanas bradán tar éis an bhrainlín go dtí an leibhéal is ísle riamh in 2021, agus toisc go bhfuil sé éiginnte le haghaidh 2022, rud a d’fhág go raibh éiginnteacht mhéadaithe ann maidir leis an réamhaisnéis forbartha stoic. Thairis sin, tá laghdú mór tagtha ar an imirce in aghaidh an tsrutha ó bhí 2021 ann, agus in 2023 ba é an ceann ab ísle i bhfad san amshraith don abhainn is táirgiúla ó thaobh bradáin de. Ina theannta sin, tarlaíonn básmhaireacht bradán fiáin i ndiaidh an scaoilte in iascaigh áineasa le haghaidh bradáin a bhfuil n-eití saille gearrtha. I gcomhréir le hAirteagal 16(4) de Rialachán (AE) Uimh. 1380/2013, is iomchuí, dá bhrí sin, an limistéar iascaireachta agus leibhéal na ndeiseanna iascaireachta a choigeartú i gcomparáid le 2024 i gcomhréir leis an gcomhairle ó ICES, agus na bearta feabhais atá nasctha go feidhmiúil a choinneáil ar bun.

(9)

An 10 Deireadh Fómhair 2024, tharraing ICES siar an chomhairle uaidh maidir le bradáin i Murascaill na Fionlainne agus dúirt sé gurb í an chomhairle eolaíoch is fearr dá bhfuil ar fáil an chomhairle a d’eisigh sé in 2023 don bhliain iascaireachta 2024. Dá bhrí sin, socraítear na deiseanna iascaireachta dá réir.

(10)

Chun leas iomlán na ndeiseanna iascaireachta cósta le haghaidh bradán i bhforoinn 32 ICES a áirithiú, is iomchuí an tsolúbthacht theoranta idirlimistéir le haghaidh bradán idir foranna 22 go 31 ICES agus foroinn 32 ICES, a tugadh isteach in 2019, a choinneáil ar bun.

(11)

Trí thoirmeasc a chur ar iascaireacht ar bhric gheala thar cheithre mhuirmhíle arna dtomhas ó na bonnlínte agus trí fhoghabhálacha breac geal a theorannú go 3 % den chomhghabháil breac geal agus bradán, rannchuidíodh le laghdú substaintiúil a dhéanamh ar na leibhéil mhíthuairiscithe gabhálacha san iascach bradán a bhí ard roimhe seo, go háirithe maidir le gabhálacha breac geal. Is iomchuí, dá bhrí sin, na srianta atá ann cheana a choinneáil ar bun chun a áirithiú go leanann an míthuairisciú de bheith ag leibhéil ísle.

(12)

Ba cheart bearta maidir le hiascaigh áineasa trosc agus bradán, agus bearta chun na stoic breac geal agus bradán a chaomhnú, a bheith gan dochar do bhearta náisiúnta níos déine faoi Airteagail 19 agus 20 de Rialachán (AE) Uimh. 1380/2013.

(13)

Maidir le scadáin i Murascaill na Boitnia, measann ICES gur mhéadaigh an bhithmhais ach go bhfuil sí fós faoi bhun an phointe tagartha caomhnaithe (Btrigger), ar faoina bhun atá bearta feabhais iomchuí le déanamh chun a áirithiú go ndéanfar an stoc a athbhunú go tapa ar leibhéil atá os cionn na leibhéal atá in ann an uastáirgeacht inbhuanaithe a tháirgeadh. Thairis sin, tugann ICES dá aire nach dócha go dtiocfaidh méadú ar líon agus ar mhéid na n-iasc is sine sa daonra dá socrófaí na deiseanna iascaireachta ag luach phointe FMSY. Tugann ICES dá aire, ar deireadh, gur dócha go mbeidh an stoc i mbaol éagsúlacht ghéiniteach a chailliúint. I gcomhréir le hAirteagal 5(1) de Rialachán (AE) 2016/1139, is iomchuí, dá bhrí sin, na deiseanna iascaireachta a shocrú dá réir sin.

(14)

Maidir le scadáin Mhuir Bhailt Thiar, molann ICES gabhálacha nialasacha i leith an stoic sin don 7ú bliain as a chéile. Rinne ICES athbhreithniú anuas freisin ar na meastacháin ar bhithmhais stoic sceite le haghaidh na mblianta roimhe sin agus measann sé nach mbeidh sa bhithmhais ach 60 % de Blim fós in 2024, fiú má tháinig méadú leanúnach uirthi ó bhí 2020 ann. Thairis sin, tá an earcaíocht ar leibhéil níos ísle ná riamh go fóill agus meastar nach n-athbhunóidh an bhithmhais os cionn Blim in 2026. Sna himthosca sin, is iomchuí, de bhun Rialachán (AE) 2016/1139, fionraíocht na n-iascach spriocdhírithe a choinneáil ar bun. I gcomhréir le hAirteagal 2(1) agus le hAirteagal 2(5), pointí (c) agus (f), de Rialachán (AE) Uimh. 1380/2013, ba cheart na deiseanna iascaireachta le haghaidh foghabhálacha dosheachanta a shocrú ar leibhéal íseal freisin chun na hiarmhairtí socheacnamaíocha a bheadh ann mar thoradh ar na deiseanna iascaireachta a shocrú ag nialas a sheachaint.

(15)

Maidir le scadáin Mhuir Bhailt Láir, measann ICES go bhfuil an stoc faoi bhun Blim formhór an ama le 30 bliain anuas. Le haghaidh 2024, measann ICES, mar gheall ar mheáchan ag aois ar leith méadaithe agus earcaíocht láidir in 2022, go bhfuil méadú tagtha ar an stoc os cionn Blim ach go bhfuil sé i bhfad faoi bhun Btrigger go fóill. Is éard atá sa chomhairle faoi ghabhálacha méadú a dhéanamh i gcomparáid le 2024, ach cuireann ICES i dtábhacht go bhfuil na meastacháin earcaíochta le haghaidh 2023 agus 2024 éiginnte. Thairis sin, is é 55 % go fóill an dóchúlacht go bhfanfaidh an stoc faoi bhun Btrigger in 2026 fiú gan aon iascaireacht a dhéanamh in aon chor agus d’ainneoin na réamhaisnéise dearfaí a mheastar a bheidh ann. I gcomhréir le hAirteagal 5(1) de Rialachán (AE) 2016/1139, is iomchuí, dá bhrí sin, na deiseanna iascaireachta a shocrú dá réir sin.

(16)

Maidir le scadáin i Murascaill Ríge, measann ICES go bhfuil an bhithmhais os cionn Btrigger agus go bhfuil an brú iascaireachta ag FMSY. I gcomhréir le hAirteagal 4(3) de Rialachán (AE) 2016/1139, is iomchuí, dá bhrí sin, na deiseanna iascaireachta a shocrú dá réir sin.

(17)

Maidir le leathóga ballacha, de réir na comhairle ó ICES bíonn troisc á bhfoghabháil in iascaigh leathóg ballach. Thairis sin, tá méadú substaintiúil tagtha ar an ráta aischuir leathóg ballach le blianta beaga anuas. I gcomhréir le hAirteagal 4(4) de Rialachán (AE) 2016/1139, is iomchuí, dá bhrí sin, na tosca sin a chur san áireamh agus na deiseanna iascaireachta le haghaidh leathóg ballach a shocrú dá réir sin.

(18)

A mhéid a bhaineann le saláin, measann ICES, cé go bhfuil an bhithmhais os cionn Btrigger go fóill, go bhfuil laghdú mór tagtha uirthi mar gheall ar earcaíocht a bhí níos ísle ná riamh ó bhí 2021 ann. Thairis sin, cuireann ICES i dtábhacht go bhfuil an réamhaisnéis bunaithe ar mheastachán earcaíochta atá dóchasach agus éiginnte. Ina theannta sin, ní áirithítear le haon cheann de na cásanna gabhála laistigh de raonta FMSY gur lú ná 5 % an dóchúlacht go dtitfidh an bhithmhais stoic faoi bhun Blim in 2026. Sna himthosca sin, is iomchuí, de bhun Rialachán (AE) 2016/1139, na deiseanna iascaireachta a shocrú sa raon íosta FMSY, agus cosc le linn an tséasúir sceite a shocrú d’iascaigh a úsáideann trealamh gníomhach mar bheart ceartaitheach breise a bhfuil nasc feidhmiúil aige leis na deiseanna iascaireachta.

(19)

Tá úsáid na ndeiseanna iascaireachta a leagtar amach sa Rialachán seo faoi réir Rialachán (CE) Uimh. 1224/2009 ón gComhairle (3), agus go háirithe Airteagal 33 de maidir le gabhálacha agus an iarracht iascaireachta a thaifeadadh agus Airteagal 34 de maidir le sonraí i ndáil le hídiú deiseanna iascaireachta a tharchur chuig an gCoimisiún. Ba cheart a shonrú sa Rialachán seo, dá bhrí sin, na cóid a bhaineann le stoic a thabhairt i dtír faoi réir an Rialacháin seo atá le húsáid ag na Ballstáit agus sonraí á seoladh chuig an gCoimisiún acu.

(20)

Déantar foráil le hAirteagail 3 agus 4 de Rialachán (CE) Uimh. 847/96 ón gComhairle (4) maidir le solúbthacht ó bhliain go bliain i dtaca le cuótaí le haghaidh stoic atá faoi réir TACanna réamhchúraim agus anailíseacha. Faoi Airteagal 2 den Rialachán sin, tá an Chomhairle le cinneadh a dhéanamh, agus TACanna á socrú aici, maidir leis na stoic nach mbeidh feidhm ag Airteagail 3 agus 4 maidir leo, go háirithe ar bhonn a stádais bhitheolaíoch. Thairis sin, le hAirteagal 15(9) de Rialachán (AE) Uimh. 1380/2013 rinneadh foráil maidir le solúbthacht bhreise ó bhliain go bliain le haghaidh na stoc uile atá faoi réir na hoibleagáide gabhálacha a thabhairt i dtír. Chun solúbthacht iomarcach a sheachaint a bhainfeadh an bonn de bhaint amach chuspóirí CBI, níor cheart feidhm charnach a bheith ag solúbthacht ó bhliain go bliain le haghaidh cuótaí de bhun Airteagail 3 agus 4 de Rialachán (CE) Uimh. 847/96 agus Airteagal 15(9) de Rialachán (AE) 1380/2013. Ina theannta sin, ba cheart solúbthacht ó bhliain go bliain faoi Airteagal 15(9) de Rialachán (AE) Uimh. 1380/2013 a eisiamh, i gcás inarb ábhartha, ar bhonn stádas bitheolaíoch na stoc.

(21)

Tá bithmhais stoc throisc Mhuir Bhailt Thoir, stoc throisc Mhuir Bhailt Thiar agus stoc scadáin Mhuir Bhailt Thiar faoi bhun Blim. Ní cheadaítear ach iascaigh foghabhála agus iascaigh eolaíocha i gcás na stoc sin uile in 2025. Dá bhrí sin, agus i bhfianaise athléimneacht réasúnta íseal éiceachóras Mhuir Bhailt, tá gealltanas tugtha ag na Ballstáit a bhfuil sciar cuóta de na TACanna ábhartha acu gan an tsolúbthacht ó bhliain go bliain dá bhforáiltear in Airteagal 15(9) de Rialachán (AE) Uimh. 1380/2013 a chur i bhfeidhm maidir leis na stoic sin in 2025, ionas nach rachaidh gabhálacha in 2025 thar na TACanna ábhartha. Thairis sin, laisteas de dhomhanleithead 59o 30′ T, tá an bhithmhais atá ag beagnach gach stoc bradáin sna haibhneacha faoi bhun an phointe tagartha teorann do tháirgeadh bhrainlín (Rlim) agus ní cheadaítear ach iascaigh foghabhála agus eolaíocha in 2025. Dá bhrí sin, thug na Ballstáit ábhartha gealltanas comhchosúil maidir le solúbthacht ó bhliain go bliain i ndáil le gabhálacha bradán sa phríomh-imchuach in 2025.

(22)

Chuaigh an tAontas agus an Ríocht Aontaithe i mbun comhairliúcháin dhéthaobhacha an 16 agus an 17 Deireadh Fómhair 2024 maidir leis an TAC le haghaidh trosc Ioruach i roinn 3a ICES (Skagerrak-Kattegat), in uiscí na Ríochta Aontaithe agus uiscí an Aontais i bhfolimistéar 4 ICES agus in uiscí na Ríochta Aontaithe i roinn 2a ICES (an Mhuir Thuaidh) le haghaidh na tréimhse ón 1 Samhain 2024 go dtí an 31 Deireadh Fómhair 2025. Tionóladh na comhairliúcháin sin de bhun Airteagal 498(2) den Chomhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile (an Comhaontú Trádála agus Comhair) (5). Ghlac an tAontas páirt sna comhairliúcháin sin ar bhonn sonraíochtaí maidir leis an seasamh ón Aontas a d’fhormhuinigh an Chomhairle an 15 Deireadh Fómhair 2024, de bhun Airteagal 2 de Chinneadh (AE) 2021/1875 ón gComhairle (6). Tháinig an tAontas agus an Ríocht Aontaithe ar chomhaontú maidir le TAC bunaithe ar an gcomhairle ó ICES le haghaidh trosc Ioruach i bhfolimistéar 4 agus i roinn 3a de chuid ICES le haghaidh na tréimhse sin a foilsíodh an 11 Deireadh Fómhair 2024. Rinneadh toradh an chomhairliúcháin a dhoiciméadú sa Taifead i Scríbhinn, a shínigh Cinn Toscaireachta an Aontais agus na Ríochta Aontaithe an 21 Deireadh Fómhair 2024. Ba cheart, dá bhrí sin, an TAC le haghaidh na tréimhse ón 1 Samhain 2024 go dtí an 31 Deireadh Fómhair 2025 a shocrú ar an leibhéal a leagtar amach sa Taifead sin i Scríbhinn.

(23)

Ba cheart, dá bhrí sin, Rialachán (AE) 2024/257 a leasú dá réir sin.

(24)

Chun briseadh i ngníomhaíochtaí iascaireachta a sheachaint, ba cheart feidhm a bheith ag forálacha an Rialacháin seo a bhaineann le Muir Bhailt ón 1 Eanáir 2025. Mar sin féin, ba cheart feidhm a bheith ag an Rialachán seo maidir le trosc Ioruach in Skagerrak-Kattegat agus sa Mhuir Thuaidh, ar mhaithe le soiléireacht, ón 1 Samhain 2024 go dtí an 31 Deireadh Fómhair 2025 toisc gurb é sin an séasúr iascaireachta le haghaidh trosc Ioruach. Ar chúiseanna práinne, ba cheart go dtiocfadh an Rialachán seo i bhfeidhm láithreach tar éis a fhoilsithe in Iris Oifigiúil an Aontais Eorpaigh,

TAR ÉIS AN RIALACHÁN SEO A GHLACADH:

CAIBIDIL I

FORÁLACHA GINEARÁLTA

Airteagal 1

Ábhar

Leis an Rialachán seo, socraítear na deiseanna iascaireachta le haghaidh stoic éisc áirithe agus grúpaí stoc éisc i Muir Bhailt le haghaidh 2025 agus leasaítear deiseanna iascaireachta áirithe in uiscí eile arna socrú le Rialachán (AE) 2024/257.

Airteagal 2

Raon feidhme

Tá feidhm ag an Rialachán seo maidir le soithí iascaireachta de chuid an Aontais a oibríonn i Muir Bhailt.

Tá feidhm aige freisin maidir le hiascaigh áineasa i gcás ina dtagraítear go sainráite dóibh sna forálacha ábhartha.

Airteagal 3

Sainmhínithe

Chun críocha an Rialacháin seo, tá feidhm ag na sainmhínithe a leagtar síos in Airteagal 4 de Rialachán (AE) Uimh. 1380/2013.

Ina theannta sin, tá feidhm ag na sainmhínithe seo a leanas:

(1)

ciallaíonn ‘foroinn’ foroinn de chuid na Comhairle Idirnáisiúnta um Thaiscéalaíocht na Mara (ICES) de Mhuir Bhailt mar a shainítear in Iarscríbhinn III a ghabhann le Rialachán (CE) Uimh. 218/2009 ó Pharlaimint na hEorpa agus ón gComhairle (7);

(2)

ciallaíonn ‘gabháil iomlán incheadaithe (TAC)’:

(a)

in iascaigh atá faoi réir na díolúine ón oibleagáid gabhálacha a thabhairt i dtír mar a leagtar síos in Airteagal 15(4) go (7) de Rialachán (AE) Uimh. 1380/2013, an chainníocht éisc a fhéadfar a thabhairt i dtír maidir le gach stoc gach bliain;

(b)

i ngach iascach eile, an chainníocht éisc a fhéadfar a ghabháil as gach stoc gach bliain;

(3)

ciallaíonn ‘cuóta’ an cion den TAC a chionroinntear ar an Aontas, ar Bhallstát nó ar thríú tír;

(4)

ciallaíonn ‘iascaigh áineasa’ gníomhaíochtaí iascaireachta neamhthráchtála lena saothraítear acmhainní bitheolaíocha na mara, le haghaidh áineasa, turasóireachta nó spóirt mar shampla;

(5)

ciallaíonn ‘measúnú anailíseach’ meastóireacht chainníochtúil ar threochtaí i gcás stoc ar leith, bunaithe ar shonraí maidir le bitheolaíocht agus saothrú an stoic sin, lena n-áirítear meastóireacht atá bunaithe ar athróga, ar sonraíodh le hathbhreithniú eolaíoch na sonraí sin go raibh siad de cháilíocht leordhóthanach chun comhairle eolaíoch a sholáthar;

(6)

ciallaíonn ‘TAC anailíseach’ TAC a bhfuil measúnú anailíseach ar fáil ina leith;

(7)

ciallaíonn ‘TAC réamhchúraim’ TAC nach bhfuil measúnú anailíseach ar fáil ina leith, agus a bhfuil measúnú bunaithe ar chur chuige an réamhchúraim ar fáil ina leith ina ionad sin nó nach bhfuil aon mheasúnú ar fáil ina leith.

CAIBIDIL II

DEISEANNA IASCAIREACHTA

Airteagal 4

TACanna agus cionrannta

Leagtar amach san Iarscríbhinn na TACanna, na cuótaí agus, i gcás inarb iomchuí, na bearta atá nasctha go feidhmiúil leo.

Airteagal 5

Forálacha speisialta maidir le cionroinnt na ndeiseanna iascaireachta

1.   Beidh cionroinnt na ndeiseanna iascaireachta i measc na mBallstát a leagtar amach sa Rialachán seo gan dochar do na nithe seo a leanas:

(a)

malartuithe arna ndéanamh de bhun Airteagal 16(8) de Rialachán (AE) Uimh. 1380/2013;

(b)

asbhaintí agus ath-chionrannta arna ndéanamh de bhun Airteagal 37 de Rialachán (CE) Uimh. 1224/2009;

(c)

gabhálacha breise arna gceadú faoi Airteagal 3 de Rialachán (CE) Uimh. 847/96 nó faoi Airteagal 15(9) de Rialachán (AE) Uimh. 1380/2013;

(d)

cainníochtaí arna gcoinneáil siar i gcomhréir le hAirteagal 4 de Rialachán (CE) Uimh. 847/96 nó a aistríodh faoi Airteagal 15(9) de Rialachán (AE) Uimh. 1380/2013;

(e)

asbhaintí arna ndéanamh de bhun Airteagail 105, 106 agus 107 de Rialachán (CE) Uimh. 1224/2009.

2.   Déantar na stoic atá faoi réir TACanna réamhchúraim nó anailíseacha chun na TACanna agus na cuótaí a bhainistiú ó bhliain go bliain dá bhforáiltear i Rialachán (CE) Uimh. 847/96 a shainaithint san Iarscríbhinn a ghabhann leis an Rialachán seo.

3.   Seachas i gcás ina sonraítear a mhalairt san Iarscríbhinn a ghabhann leis an Rialachán seo, beidh feidhm ag Airteagal 3 de Rialachán (CE) Uimh. 847/96 maidir le stoic atá faoi réir TAC réamhchúraim, agus beidh feidhm ag Airteagail 3(2) agus (3) agus 4 den Rialachán sin maidir le stoic atá faoi réir TAC anailíseach.

4.   Ní bheidh feidhm ag Airteagail 3 agus 4 de Rialachán (CE) Uimh. 847/96 i gcás ina n-úsáideann Ballstát an tsolúbthacht ó bhliain go bliain dá bhforáiltear in Airteagal 15(9) de Rialachán (AE) Uimh. 1380/2013.

Airteagal 6

Coinníollacha maidir le gabhálacha agus foghabhálacha a thabhairt i dtír

Sainaithnítear sna táblaí TAC ábhartha san Iarscríbhinn a ghabhann leis an Rialachán seo stoic na speiceas nach spriocspeicis iad laistigh de theorainneacha bitheolaíocha sábháilte dá dtagraítear in Airteagal 15(8) de Rialachán (AE) Uimh. 1380/2013 a bhfuil feidhm ag an maolú ar an oibleagáid gabhálacha a chomhaireamh in aghaidh na gcuótaí ábhartha maidir leo.

Airteagal 7

Dúnadh chun sceitheadh trosc a chosaint

1.   Beidh toirmeasc ar iascaireacht le cineál trealaimh iascaireachta ar bith i bhforanna 25 agus 26 ón 1 Bealtaine go dtí an 31 Lúnasa.

2.   Ní bheidh feidhm ag an toirmeasc a leagtar síos i mír 1 sna cásanna seo a leanas:

(a)

oibríochtaí iascaireachta ar chun críche imscrúduithe eolaíocha iad, agus chun na críche sin amháin, ar choinníoll go ndéantar na himscrúduithe sin i gcomhréir leis na coinníollacha a leagtar amach in Airteagal 25 de Rialachán (AE) 2019/1241 ó Pharlaimint na hEorpa agus ón gComhairle (8);

(b)

soithí iascaireachta de chuid an Aontais ar lú a bhfad iomlán ná 12 mhéadar agus a bhíonn ag iascaireacht le heangacha geolbhaigh, líonta fostúcháin nó traimlí, le doruithe grinneallsocraithe, spiléir, sruthdhoruithe, doruithe láimhe agus trealamh díreoige, nó gléasanna comhchosúla éighníomhacha i limistéir inar lú ná 20 méadar doimhneacht an uisce de réir na gcomhordanáidí ar an muirchairt oifigiúil arna heisiúint ag na húdaráis náisiúnta inniúla;

(c)

soithí iascaireachta de chuid an Aontais a dhéanann iascaireacht i bhforoinn 25 ar stoic pheiligeacha lena gcaitheamh go díreach ag an duine, a bhfuil trealaimh á n-úsáid acu arb ionann méid a mogaill agus 45 mm nó ar lú é ná sin, i limistéir inar lú ná 50 méadar doimhneacht an uisce de réir na gcomhordanáidí ar an muirchairt oifigiúil arna heisiúint ag na húdaráis náisiúnta inniúla, agus a ndéantar sórtáil ar na gabhálacha dá gcuid arna dtabhairt i dtír.

3.   Beidh toirmeasc ar iascaireacht le cineál trealaimh iascaireachta ar bith i bhforanna 22 agus 23 ón 15 Eanáir go dtí an 31 Márta, agus i bhforoinn 24 ón 15 Bealtaine go dtí an 15 Lúnasa.

4.   Ní bheidh feidhm ag an toirmeasc a leagtar síos i mír 3 sna cásanna seo a leanas:

(a)

oibríochtaí iascaireachta ar chun críche imscrúduithe eolaíocha iad, agus chun na críche sin amháin, ar choinníoll go ndéantar na himscrúduithe sin i gcomhréir leis na coinníollacha a leagtar amach in Airteagal 25 de Rialachán (AE) 2019/1241;

(b)

soithí iascaireachta de chuid an Aontais ar lú a bhfad iomlán ná 12 mhéadar agus a bhíonn ag iascaireacht le heangacha geolbhaigh, líonta fostúcháin nó traimlí, le doruithe grinneallsocraithe, spiléir, sruthdhoruithe, doruithe láimhe agus trealamh díreoige, nó gléasanna comhchosúla éighníomhacha i limistéir inar lú ná 20 méadar doimhneacht an uisce de réir na gcomhordanáidí ar an muirchairt oifigiúil arna heisiúint ag na húdaráis náisiúnta inniúla;

(c)

soithí iascaireachta de chuid an Aontais a dhéanann iascaireacht i bhforoinn 24 ar stoic pheiligeacha lena gcaitheamh go díreach ag an duine, a bhfuil trealaimh á n-úsáid acu arb ionann méid a mogaill agus 45 mm nó ar lú é ná sin, i limistéir inar lú ná 40 méadar doimhneacht an uisce de réir na gcomhordanáidí ar an muirchairt oifigiúil arna heisiúint ag na húdaráis náisiúnta inniúla, agus a ndéantar sórtáil ar na gabhálacha dá gcuid arna dtabhairt i dtír;

(d)

soithí iascaireachta de chuid an Aontais a bhíonn ag iascaireacht le dreidirí ar mhoilisc dhébhlaoscacha i bhforoinn 22 i limistéir ar lú doimhneacht an uisce ná 20 méadar de réir na gcomhordanáidí ar an muirchairt oifigiúil arna heisiúint ag na húdaráis náisiúnta inniúla.

5.   Áiritheoidh máistrí soithí iascaireachta de chuid an Aontais dá dtagraítear i mír 2, pointí (b) nó (c), agus mír 4, pointí (b), (c) nó (d), go bhféadfaidh údaráis rialúcháin an Bhallstáit inniúil faireachán a dhéanamh ar a ngníomhaíochtaí iascaireachta tráth ar bith.

Airteagal 8

Dúnadh chun sceitheadh salán a chosaint i bhforanna 25, 26, 27, 28.2, 29 agus 32

1.   Ón 1 Bealtaine go dtí an 31 Iúil beidh toirmeasc ar shoithí iascaireachta de chuid an Aontais iascaireacht a dhéanamh i gcomhair stoic pheiligeacha le trealamh gníomhach i limistéir thar 12 mhuirmhíle arna dtomhas ó na bonnlínte i bhforanna 25, 26, 27, 28.2, 29 agus siar ó 24o 00’ O i bhforoinn 32.

2.   Ní bheidh feidhm ag an toirmeasc a leagtar síos i mír 1 sna cásanna seo a leanas:

(a)

oibríochtaí iascaireachta ar chun críche imscrúduithe eolaíocha iad, agus chun na críche sin amháin, ar choinníoll go ndéantar na himscrúduithe sin i gcomhréir leis na coinníollacha a leagtar amach in Airteagal 25 de Rialachán (AE) 2019/124;

(b)

soithí iascaireachta de chuid an Aontais ar lú a bhfad iomlán ná 12 mhéadar agus a bhíonn ag iascaireacht le heangacha geolbhaigh, líonta fostúcháin nó traimlí, le doruithe grinneallsocraithe, spiléir, sruthdhoruithe, doruithe láimhe agus trealamh díreoige, nó gléasanna comhchosúla éighníomhach.

Airteagal 9

Bearta maidir le hiascaigh áineasa trosc i bhforanna 22 go 32

1.   Beidh toirmeasc ar iascaigh áineasa trosc i bhforanna 22 go 32. Aon eiseamal trosc a ghabhtar de thaisme, cuirfear ar ais san fharraige láithreach bonn é.

2.   D’ainneoin mhír 1, féadfar foghabhálacha de thaisme trosc in iascaigh áineasa le haghaidh speicis eile i bhforanna 27 go 32 a choinneáil.

Airteagal 10

Bearta maidir le hiascaigh áineasa bradán i bhforanna 22 go 31

1.   Beidh toirmeasc ar iascaigh áineasa bradán i bhforanna 22-31. Aon eiseamal bradáin a ghabhtar de thaisme, cuirfear ar ais san fharraige láithreach bonn é.

2.   De mhaolú ar mhír 1, déanfar iascaigh áineasa bradán a cheadú faoi na coinníollacha carnacha seo a leanas:

(a)

ní fhéadfar níos mó ná an t-aon eiseamal amháin de bhradáin a bhfuil a n-eite shaille gearrtha a ghabháil agus a choinneáil in aghaidh an iascaire áineasa in aghaidh an lae;

(b)

tar éis dó an chéad bhradán a bhfuil a eite shaille gearrtha a ghabháil, scoirfidh an t-iascaire áineasa d’iascaireacht bradán ar feadh an chuid eile den lá;

(c)

déanfar gach eiseamal d’aon speiceas éisc a choinnítear a thabhairt i dtír ina eiseamal iomlán.

2.   De mhaolú breise ar mhír 1, ceadófar iascaigh áineasa bradán lastuaidh de dhomhanleithead 59o 30′ T ón 1 Bealtaine go dtí an 31 Lúnasa i limistéir laistigh de cheithre mhuirmhíle arna dtomhas ó na bonnlínte.

3.   Tá an tAirteagal seo gan dochar do bhearta náisiúnta níos déine faoi Airteagail 19 agus 20 de Rialachán (AE) Uimh. 1380/2013.

Airteagal 11

Bearta maidir leis an stoic breac geal agus bradán i bhforanna 22 go 32 a chaomhnú

1.   Ní dhéanfaidh soithí iascaireachta de chuid an Aontais bric gheala a iascach thar cheithre mhuirmhíle arna dtomhas ó na bonnlínte i bhforanna 22 go 32. Nuair a bheifear ag iascaireacht bradán thar cheithre mhuirmhíle arna dtomhas ó na bonnlínte i bhforoinn 32, ní rachaidh foghabhálacha breac geal thar 3 % den ghabháil iomlán bradán agus breac geal a bheidh ar bord tráth ar bith nó a tugadh i dtír tar éis gach turais iascaireachta.

2.   Beidh toirmeasc ar iascaireacht le spiléir ar bhric gheala nó bradáin thar cheithre mhuirmhíle arna dtomhas ó na bonnlínte i bhforanna 22 go 31.

3.   Tá an tAirteagal seo gan dochar do bhearta náisiúnta níos déine faoi Airteagail 19 agus 20 de Rialachán (AE) Uimh. 1380/2013.

Airteagal 12

Tarchur sonraí

Nuair a sheolfaidh na Ballstáit sonraí a bhaineann le cainníochtaí stoc arna ngabháil nó arna dtabhairt i dtír chuig an gCoimisiún de bhun Airteagail 33 agus 34 de Rialachán (CE) Uimh. 1224/2009, úsáidfidh siad na cóid stoic a leagtar amach san Iarscríbhinn a ghabhann leis an Rialachán seo.

CAIBIDIL III

FORÁLACHA CRÍOCHNAITHEACHA

Airteagal 13

Leasú ar Rialachán (AE) 2024/257

In Iarscríbhinn IA, Cuid B, de Rialachán (AE) 2024/257, cuirtear an méid seo a leanas in ionad Thábla 122:

‘Tábla 122

Speiceas:

An trosc Ioruach agus foghabhálacha gaolmhara

Limistéar:

3a; uiscí na Ríochta Aontaithe agus uiscí an Aontais in 4; uiscí na Ríochta Aontaithe in 2a

Trisopterus esmarkii

(NOP/2A3A4.)

Bliain

2024

 

2025

 

 

TAC Anailíseach

 

 

 

 

 

 

Ní bheidh feidhm ag Airteagal 3(2) agus (3) de Rialachán (CE) Uimh. 847/96

An Danmhairg

8 226

(1)(3)

299,722

(5)(6)

 

Ní bheidh feidhm ag Airteagal 4 de Rialachán (CE) Uimh. 847/96

An Ghearmáin

2

(1)(2)(3)

0,057

(2)(5)(6)

 

 

An Ísiltír

6

(1)(2)(3)

0,221

(2)(5)(6)

 

An tAontas

8 234

(1)(3)

300,000

(5)(6)

 

An Ríocht Aontaithe

2 058

(2)(3)

100

(2)(5)(6)

 

TAC

10 292

 

400

 

 

(1)

Féadfaidh suas le 5 % den chuóta a bheith ina bhfoghabhálacha cadóg agus faoitíní (OT2/* 2A3A4). Foghabhálacha cadóg agus faoitíní arna gcomhaireamh in aghaidh an chuóta de bhun na forála seo agus foghabhálacha speiceas arna gcomhaireamh in aghaidh an chuóta de bhun Airteagal 15(8) de Rialachán (AE) Uimh. 1380/2013, ní rachaidh siad, i dteannta a chéile, thar 9 % den chuóta.

(2)

Ní fhéadfar an cuóta a iascach ach in uiscí na Ríochta Aontaithe agus uiscí an Aontais i limistéir 2a, 3a agus 4 ICES.

(3)

Ní fhéadfar é a iascach ach ón 1 Samhain 2023 go dtí an 31 Deireadh Fómhair 2024.

(5)

Le haghaidh foghabhálacha amháin. Ní cheadaítear iascaireacht spriocdhírithe ar an trosc Ioruach faoin gcuóta seo.

(6)

Ní fhéadfar é a iascach ach ón 1 Samhain 2024 go dtí an 31 Deireadh Fómhair 2025.’

Airteagal 14

Teacht i bhfeidhm agus cur i bhfeidhm

Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.

Beidh feidhm aige ón 1 Eanáir go dtí an 31 Nollaig 2025. Mar sin féin, beidh feidhm ag Airteagal 13 ón 1 Samhain 2024 go dtí an 31 Deireadh Fómhair 2025.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an 18 Samhain 2024.

Thar ceann na Comhairle

An tUachtarán

NAGY I.


(1)  Rialachán (AE) Uimh. 1380/2013 ó Pharlaimint na hEorpa agus ón gComhairle an 11 Nollaig 2013 maidir leis an gComhbheartas Iascaigh, lena leasaítear Rialachán (CE) Uimh. 1954/2003 ón gComhairle agus Rialachán (CE) Uimh. 1224/2009 ón gComhairle agus lena n-aisghairtear Rialachán (CE) Uimh. 2371/2002 ón gComhairle, Rialachán (CE) Uimh. 639/2004 ón gComhairle agus Cinneadh 2004/585/CE ón gComhairle (IO L 354, 28.12.2013, lch. 22, ELI: http://data.europa.eu/eli/reg/2013/1380/oj).

(2)  Rialachán (AE) 2016/1139 ó Pharlaimint na hEorpa agus ón gComhairle an 6 Iúil 2016 lena mbunaítear plean ilbhliantúil do na stoic troisc, scadáin agus saláin i Muir Bhailt agus don iascach a shaothraíonn na stoic sin, lena leasaítear Rialachán (CE) Uimh. 2187/2005 ón gComhairle agus lena n-aisghairtear Rialachán (CE) Uimh. 1098/2007 ón gComhairle (IO L 191, 15.7.2016, lch. 1, ELI: http://data.europa.eu/eli/reg/2016/1139/oj).

(3)  Rialachán (CE) Uimh. 1224/2009 ón gComhairle an 20 Samhain 2009 lena mbunaítear córas rialaithe de chuid an Aontais chun comhlíonadh rialacha an Chomhbheartais Iascaigh a áirithiú, lena leasaítear Rialacháin (CE) Uimh. 847/96, (CE) Uimh. 2371/2002, (CE) Uimh. 811/2004, (CE) Uimh. 768/2005, (CE) Uimh. 2115/2005, (CE) Uimh. 2166/2005, (CE) Uimh. 388/2006. (CE) Uimh. 509/2007, (CE) Uimh. 676/2007, (CE) Uimh. 1098/2007, (CE) Uimh. 1300/2008, (CE) Uimh. 1342/2008 agus lena n-aisghairtear Rialacháin (CEE) Uimh. 2847/93, (CE) Uimh. 1627/94 agus (CE) Uimh. 1966/2006 ( IO L 343, 22.12.2009, lch. 1, ELI: http://data.europa.eu/eli/reg/2009/1224/oj).

(4)  Rialachán (CE) Uimh. 847/96 ón gComhairle an 6 Bealtaine 1996 lena dtugtar isteach coinníollacha breise maidir le TACanna agus cuótaí a bhainistiú ó bhliain go bliain (IO L 115, 9.5.1996, lch. 3, ELI: http://data.europa.eu/eli/reg/1996/847/oj).

(5)   IO L 149, 30.4.2021, lch. 10, ELI: http://data.europa.eu/eli/agree_internation/2021/689(1)/oj.

(6)  Cinneadh ón gComhairle (AE) 2021/1875 an 22 Deireadh Fómhair 2021 maidir leis an seasamh atá le glacadh thar ceann an Aontais sna comhairliúcháin bhliantúla leis an Ríocht Aontaithe chun teacht ar chomhaontú maidir leis na gabhálacha iomlána incheadaithe (IO L 378, 26.10.2021, lch. 6, ELI: http://data.europa.eu/eli/dec/2021/1875/oj).

(7)  Rialachán (CE) Uimh. 218/2009 ó Pharlaimint na hEorpa agus ón gComhairle an 11 Márta 2009 maidir le Ballstáit atá ag iascaireacht san Atlantach thoir thuaidh do thíolacadh staidrimh ar ghabháil ainmniúil (IO L 87, 31.3.2009, lch. 70, ELI: http://data.europa.eu/eli/reg/2009/218/oj).

(8)  Rialachán (AE) 2019/1241 ó Pharlaimint na hEorpa agus ón gComhairle an 20 Meitheamh 2019 maidir le hacmhainní iascaigh a chaomhnú agus éiceachórais mhuirí a chosaint trí bhearta teicniúla, lena leasaítear Rialacháin (CE) Uimh. 1967/2006 agus (CE) Uimh. 1224/2009 ón gComhairle agus Rialacháin (AE) Uimh. 1380/2013, (AE) 2016/1139, (AE) 2018/973, (AE) 2019/472 agus (AE) 2019/1022 ó Pharlaimint na hEorpa agus ón gComhairle, agus lena n-aisghairtear Rialacháin (CE) Uimh. 894/97, (CE) Uimh. 850/98, (CE) Uimh. 2549/2000, (CE) Uimh. 254/2002, (CE) Uimh. 812/2004 agus (CE) Uimh. 2187/2005 ón gComhairle (IO L 198, 25.7.2019, lch. 105, ELI: http://data.europa.eu/eli/reg/2019/1241/oj).


IARSCRÍBHINN

NA TACanna IS INFHEIDHME MAIDIR LE SOITHÍ IASCAIREACHTA DE CHUID AN AONTAIS I LIMISTÉIR ARB ANN DO TACanna INA LEITH DE RÉIR SPEICIS AGUS DE RÉIR LIMISTÉIR

Leagtar amach sna táblaí seo a leanas na TACanna agus na cuótaí (ina dtonaí beomheáchain, seachas i gcás ina sonraítear a mhalairt) de réir stoic, agus na bearta atá nasctha go feidhmiúil leo.

Is tagairtí do limistéir ICES iad na tagairtí do limistéir iascaireachta.

Tagraítear do stoic éisc de réir ord aibítre ainmneacha eolaíocha an speicis.

Chun críocha an Rialacháin seo, cuirtear an tábla comparáideach seo a leanas, ina gcuimsítear ainmneacha eolaíocha agus gnáthainmneacha, ar fáil:

Ainm eolaíoch

Cód Alfa-3

Gnáthainm

Clupea harengus

HER

An scadán

Gadus morhua

COD

An trosc

Pleuronectes platessa

PLE

An leathóg bhallach

Salmo salar

SAL

An bradán Atlantach

Sprattus sprattus

SPR

An salán


Tábla 1

Speiceas:

An scadán

Limistéar:

Foranna 30-31

Clupea harengus

(HER/30/31.)

An Fhionlainn

 

54 476

 

TAC Anailíseach

An tSualainn

 

11 970

 

An tAontas

 

66 446

 

TAC

 

66 446

 


Tábla 2

Speiceas:

An scadán

Limistéar:

Foranna 22-24

Clupea harengus

(HER/3BC+24)

An Danmhairg

 

110

(1)

TAC Anailíseach

An Ghearmáin

 

435

(1)

Níl feidhm ag Airteagal 3(2) agus (3) de Rialachán (CE) Uimh. 847/96.

An Fhionlainn

 

0

(1)

Níl feidhm ag Airteagal 4 de Rialachán (CE) Uimh. 847/96.

An Pholainn

 

103

(1)

An tSualainn

 

140

(1)

An tAontas

 

788

(1)

TAC

 

788

(1)

(1)

Go heisiach le haghaidh foghabhálacha. Ní cheadaítear iascaireacht spriocdhírithe faoin gcuóta seo.

De mhaolú ar an gcéad mhír, féadfar oibríochtaí iascaireachta ar chun críche imscrúduithe eolaíocha iad, agus chun na críche sin amháin, a dhíriú ar scadáin ar choinníoll go ndéanfar na himscrúduithe sin i gcomhréir leis na coinníollacha a leagtar amach in Airteagal 25 de Rialachán (AE) 2019/1241.

De mhaolú ar an gcéad mhír, ceadaítear iascaireacht a dhéanamh ar an gcuóta sin i gcás soithí iascaireachta de chuid an Aontais ar lú a bhfad iomlán ná 12 mhéadar agus a bhíonn ag iascaireacht le heangacha geolbhaigh, líonta fostúcháin, doruithe láimhe, eangacha sáinne nó trealamh díreoige. Áiritheoidh máistrí na soithí iascaireachta sin go bhféadfaidh údaráis rialúcháin an Bhallstáit inniúil faireachán a dhéanamh ar a ngníomhaíochtaí iascaireachta am ar bith.


Tábla 3

Speiceas:

An scadán

Limistéar:

Uiscí an Aontais i bhforanna 25-27, 28.2, 29 agus 32

Clupea harengus

(HER/3D-R30)

An Danmhairg

 

1 845

 

TAC Anailíseach

An Ghearmáin

 

489

 

Níl feidhm ag Airteagal 3(2) agus (3) de Rialachán (CE) Uimh. 847/96.

An Eastóin

 

9 424

 

Níl feidhm ag Airteagal 4 de Rialachán (CE) Uimh. 847/96.

An Fhionlainn

 

18 395

 

An Laitvia

 

2 326

 

An Liotuáin

 

2 449

 

An Pholainn

 

20 898

 

An tSualainn

 

28 055

 

An tAontas

 

83 881

 

TAC

Ní bhaineann le hábhar

 


Tábla 4

Speiceas:

An scadán

Limistéar:

Foroinn 28.1

Clupea harengus

(HER/03D.RG)

An Eastóin

 

19 227

 

TAC Anailíseach

An Laitvia

 

22 408

 

Tá feidhm ag Airteagal 6 den Rialachán seo.

An tAontas

 

41 635

 

TAC

 

41 635

 


Tábla 5

Speiceas:

An trosc

Limistéar:

Uiscí an Aontais i bhforanna 25-32

Gadus morhua

(COD/3DX32.)

An Danmhairg

 

99

(1)

TAC Réamhchúraim

An Ghearmáin

 

39

(1)

Níl feidhm ag Airteagal 3 de Rialachán (CE) Uimh. 847/96.

An Eastóin

 

10

(1)

An Fhionlainn

 

8

(1)

An Laitvia

 

37

(1)

An Liotuáin

 

24

(1)

An Pholainn

 

113

(1)

An tSualainn

 

100

(1)

An tAontas

 

430

(1)

TAC

Ní bhaineann le hábhar

 

(1)

Go heisiach le haghaidh foghabhálacha. Ní cheadaítear iascaireacht spriocdhírithe faoin gcuóta seo.

De mhaolú ar an gcéad mhír, féadfar oibríochtaí iascaireachta ar chun críche imscrúduithe eolaíocha iad, agus chun na críche sin amháin, a spriocdhíriú ar throisc ar choinníoll go ndéanfar na himscrúduithe sin i gcomhréir leis na coinníollacha a leagtar amach in Airteagal 25 de Rialachán (AE) 2019/1241.


Tábla 6

Speiceas:

An trosc

Limistéar:

Foranna 22-24

Gadus morhua

(COD/3BC+24)

An Danmhairg

 

116

(1)

TAC Réamhchúraim

An Ghearmáin

 

57

(1)

Níl feidhm ag Airteagal 3 de Rialachán (CE) Uimh. 847/96.

An Eastóin

 

3

(1)

An Fhionlainn

 

2

(1)

An Laitvia

 

10

(1)

An Liotuáin

 

6

(1)

An Pholainn

 

31

(1)

An tSualainn

 

41

(1)

An tAontas

 

266

(1)

TAC

 

266

(1)

(1)

Go heisiach le haghaidh foghabhálacha. Ní cheadaítear iascaireacht spriocdhírithe faoin gcuóta seo.

De mhaolú ar an gcéad mhír, féadfar oibríochtaí iascaireachta ar chun críche imscrúduithe eolaíocha iad, agus chun na críche sin amháin, a spriocdhíriú ar throisc ar choinníoll go ndéanfar na himscrúduithe sin i gcomhréir leis na coinníollacha a leagtar amach in Airteagal 25 de Rialachán (AE) 2019/1241.


Tábla 7

Speiceas:

An leathóg bhallach

Limistéar:

Uiscí an Aontais i bhforanna 22-32

Pleuronectes platessa

(PLE/3BCD-C)

An Danmhairg

 

8 105

 

TAC Anailíseach

An Ghearmáin

 

900

 

Tá feidhm ag Airteagal 6 den Rialachán seo.

An Pholainn

 

1 697

 

An tSualainn

 

611

 

An tAontas

 

11 313

 

TAC

 

11 313

 


Tábla 8

Speiceas:

An bradán Atlantach

Limistéar:

Uiscí an Aontais i bhforanna 22-31

Salmo salar

(SAL/3BCD-F)

An Danmhairg

 

7 209

(1)(2)

TAC Anailíseach

An Ghearmáin

 

802

(1)(2)

Níl feidhm ag Airteagal 3(2) agus (3) de Rialachán (CE) Uimh. 847/96.

An Eastóin

 

733

(1)(2)(3)

Níl feidhm ag Airteagal 4 de Rialachán (CE) Uimh. 847/96.

An Fhionlainn

 

8 989

(1)(2)

An Laitvia

 

4 585

(1)(2)

An Liotuáin

 

539

(1)(2)

An Pholainn

 

2 187

(1)(2)

An tSualainn

 

9 743

(1)(2)

An tAontas

 

34 787

(1)(2)

TAC

Ní bhaineann le hábhar

 

(1)

Arna shloinneadh de réir líon na n-iasc aonair.

(2)

Go heisiach le haghaidh foghabhálacha. Ní cheadaítear iascaireacht spriocdhírithe faoin gcuóta seo.

De mhaolú ar an gcéad mhír, féadfar oibríochtaí iascaireachta ar chun críche imscrúduithe eolaíocha iad, agus chun na críche sin amháin, a dhíriú ar bhradáin ar choinníoll go ndéanfar na himscrúduithe sin i gcomhréir leis na coinníollacha a leagtar amach in Airteagal 25 de Rialachán (AE) 2019/1241.

De mhaolú ar an gcéad mhír, ceadaítear iascaireacht a dhéanamh ar an gcuóta sin i gcás soithí iascaireachta de chuid an Aontais lastuaidh de dhomhanleithead 59o30′ T i limistéir laistigh de cheithre mhuirmhíle arna dtomhas ó na bonnlínte le linn na tréimhse ón 1 Bealtaine go dtí an 31 Lúnasa.

(3)

Coinníoll speisialta: ní fhéadfar níos mó ná 450 eiseamal den chuóta sin a iascach in uiscí an Aontais i bhforoinn 32 (SAL/*3D32).


Tábla 9

Speiceas:

An bradán Atlantach

Limistéar:

Uiscí an Aontais i bhforoinn 32

Salmo salar

(COD/3D32.)

An Eastóin

 

1 040

(1)

TAC Réamhchúraim

An Fhionlainn

 

9 104

(1)

An tAontas

 

10 144

(1)

TAC

Ní bhaineann le hábhar

 

(1)

Arna shloinneadh de réir líon na n-iasc aonair.


Tábla 10

Speiceas:

An salán

Limistéar:

Uiscí an Aontais i bhforanna 22-32

Sprattus sprattus

(SPR/3BCD-C)

An Danmhairg

 

13 761

 

TAC Anailíseach

An Ghearmáin

 

8 718

 

Tá feidhm ag Airteagal 6 den Rialachán seo.

An Eastóin

 

15 979

 

 

An Fhionlainn

 

7 203

 

An Laitvia

 

19 299

 

An Liotuáin

 

6 981

 

An Pholainn

 

40 957

 

An tSualainn

 

26 602

 

An tAontas

 

139 500

 

TAC

Ní bhaineann le hábhar

 


ELI: http://data.europa.eu/eli/reg/2024/2903/oj

ISSN 1977-0839 (electronic edition)