(1)

Mar a léirítear sa Pháipéar Ban Comhpháirteach maidir le hUllmhacht Cosanta na hEorpa 2030 (2), tá sé fíor-riachtanach borradh a chur faoin infheistíocht phoiblí san earnáil cosanta, ach ní leor sin. Ba cheart rochtain níos fearr a bheith ag gnóthais atá bunaithe san Aontas, lena n-áirítear fiontair bheaga agus mheánmhéide agus cuideachtaí meánchaipitlithe, ar chaipiteal, lena n-áirítear ionstraimí ráthaíochta chun infheistíochtaí a dhí-rioscú, chun a réitigh a thabhairt ar scála tionsclaíoch agus chun dlús a chur leis an mborradh tionsclaíoch atá de dhíth ar an Aontas. Cé gur léir go bhfuil an spéis atá ag an earnáil airgeadais sa chosaint ag méadú, tá an earnáil cosanta fós ina margadh nach ndéantar freastal ceart air mar gheall ar theorainneacha i mbeartais infheistíochta institiúidí airgeadais poiblí agus príobháideacha. Leagtar amach sa Pháipéar Ban Comhpháirteach pacáiste cosanta lena soláthraítear luamháin airgeadais do na Ballstáit chun borradh infheistíochta i gcumais chosanta a spreagadh. I measc phríomhchuspóirí an phlean tá an gnó a dhéanamh níos éasca agus an Margadh Aonair a dhoimhniú. An 6 Márta 2025, d’iarr an Chomhairle Eorpach ar an gCoimisiún leanúint den obair go pras maidir leis an gcreat dlíthiúil agus riaracháin a shimpliú, a mhéid a bhaineann le soláthar poiblí, comhar na hearnála tionsclaíochta, ceanglais maidir le ceadanna a thabhairt agus maidir le tuairisciú, chun aghaidh a thabhairt ar na bacainní agus na scrogaill uile a chuireann bac ar bhorradh tapa a chur faoin tionscal cosanta, lena n-áirítear é sin a dhéanamh i gcás FBManna agus cuideachtaí meánchaipitlithe.

(2)

Le Rialachán Tarmligthe (AE) 2020/1818 ón gCoimisiún (3) bunaítear lipéid a bhaineann leis an aeráid le haghaidh tagarmharcanna lena gceanglaítear go ndéanfar gach cuideachta a bhfuil baint aici le haon ghníomhaíocht a bhaineann le hairm chonspóideacha a eisiamh ó Thagarmharcanna atá ailínithe le Comhaontú Pháras agus ó Thagarmharcanna Aistrithe Aeráide AE. Mar sin féin, fágann an sainmhíniú ar airm chonspóideacha sa Rialachán Tarmligthe sin go mbíonn an iomarca éiginnteachta ann agus go mbíonn mearbhall ar riarthóirí dá dtagraítear i Rialachán (AE) 2016/1011, rud as a n-eascraíonn mearbhall agus ba cheart é a shoiléiriú agus a shimpliú, go háirithe toisc nach ndéantar tagairt sna conarthaí agus coinbhinsiúin idirnáisiúnta ábhartha a bhfuil na Ballstáit ina bpáirtithe iontu d’airm chonspóideacha ach d’airm thoirmiscthe.

(3)

Is gá, dá bhrí sin, an sainmhíniú ar airm chonspóideacha i Rialachán Tarmligthe (AE) 2020/1818 a leasú agus sainmhíniú ar ‘airm thoirmiscthe’ a chur ina ionad chun deimhneacht dhlíthiúil agus comhsheasmhacht ar fud an leabhair rialacha maidir le hairgeadas inbhuanaithe agus cleachtais chomhchuibhithe riarthóirí tagarmharcanna a áirithiú. Is féidir é sin a dhéanamh agus leibhéal sábháilte eisiaimh á choinneáil i gcomhréir le cuspóir Rialachán (AE) 2016/1011.

(4)

Dá bhrí sin, ba cheart Rialachán Tarmligthe (AE) 2020/1818 a leasú dá réir sin.

(5)

D’fhéadfadh éifeachtaí a bhfuil údar leo ar idirbhearta cistí a bhraitheann ar na hinnéacsanna sin atá bunaithe ar Thagarmharcanna atá ailínithe le Comhaontú Pháras agus ar Thagarmharcanna Aistrithe Aeráide AE eascairt as cur chun feidhme an Rialacháin seo. Chun suaitheadh sa mhargadh a sheachaint, is iomchuí a ndóthain ama a thabhairt do thagarmharcanna atá ann cheana chun oiriúnú do na hathruithe sin,

(1)

leasaítear Airteagal 12(1) mar seo a leanas:

(2)

cuirtear Iarscríbhinn isteach i gcomhréir leis an téacs a leagtar amach san Iarscríbhinn a ghabhann leis an Rialachán seo.