(1)

Chun a áirithiú go leanfaidh na hinnéacsanna stoic a liostaítear san Iarscríbhinn a ghabhann le Rialachán Cur Chun Feidhme (AE) Uimh. 945/2014 (2) ón gCoimisiún de bheith ag comhlíonadh na gcoinníollacha maidir le neamhaird a thabhairt ar a riosca sonrach, tá athmheasúnú déanta ag an Údarás Baincéireachta Eorpach ar na hinnéacsanna ábhartha i bhfianaise na sonraí is déanaí atá ar fáil, arb é sin na sonraí i gcoibhneas leis an mbliain 2022. Léirigh an t-athmheasúnú sin gur gá liosta na n-innéacsanna ábhartha arna n-éagsúlú go hiomchuí a thabhairt cothrom le dáta.

(2)

Dá bhrí sin, ba cheart Rialachán Cur Chun Feidhme(AE) Uimh. 945/2014 a leasú dá réir sin.

(3)

Tá an Rialachán seo bunaithe ar na dréachtchaighdeáin theicniúla cur chun feidhme arna gcur faoi bhráid an Choimisiúin ag an Údarás Baincéireachta Eorpach.

(4)

Ní thagann na leasuithe ar Rialachán Cur Chun Feidhme (AE) Uimh. 945/2014 chun cinn mar gheall ar athruithe ar an modheolaíocht mheasúnaithe a cuireadh i bhfeidhm. Dá bhrí sin, chun liosta na n-innéacsanna ábhartha arna n-éagsúlú go hiomchuí a thabhairt cothrom le dáta, agus chun na críche sin amháin, níor sheol an tÚdarás Baincéireachta Eorpach comhairliúchán poiblí oscailte maidir leis na dréachtchaighdeáin theicniúla cur chun feidhme ar a bhfuil an Rialachán seo bunaithe, ná ní dhearna sé anailís ar na costais agus ar na tairbhí a d’fhéadfadh a bheith ag baint leo, ós rud é go mbeadh comhairliúchán nó anailís den sórt sin an-díréireach i ndáil le raon feidhme na leasuithe a tugadh isteach agus le tionchar na ndréachtchaighdeán teicniúil cur chun feidhme lena mbaineann. Go deimhin, níor cheart ach líon beag innéacsanna a bhaint den liosta sin mar thoradh ar an athmheasúnú, agus i gcás ar bith is líonmhara na hinnéacsanna nua a tugadh isteach ná na hinnéacsanna sin,