<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2024-12-202412C112202206800-00-TRA-DOC-MT-ARRET-C-0680-22-202410466-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="13/02/2025 21:31:20" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="vsngp4NvG+ch3SDNDF1oDiuODC5eQDbRlOrUoJt8FezACgjfqWljB45twMiYK44/eJ6hB6YFsgqzh7PqQKuL0sVdfZVYWC1V7zSya6yvPHdPkZKxaF0752jVU6xW663iiJnHg8dWDzZw7LJMd4fB6p+yzFfXytqrOZC87eW7604=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="stsc" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="c04bfc29-969e-49c3-8302-3b82e4e5141f" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0680" name="NumeroOrdre"/>
    <meta content="2022" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="stsc" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 09-12-24 09:14:40" name="Created"/>
    <meta content="" name="Canevas3_Vademecum"/>
    <meta content="2025-01-03T07:39:19Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="2d02f82af7d448039996f4f92c4f6b70" name="DocumentIdentifier"/>
    <meta content="0680" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="PV" name="NatureAff"/>
    <meta content="PV" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Sentenza tat‑12.12.2024 – Kawża C‑680/22 P</div>
      <div id="rId21" style="default">DD vs FRA</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (Il-Ħames Awla)
    </p>
    <p class="C19Centre" id="para-2" title="page-1">
      12 ta’ Diċembru 2024  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Appell – Servizz pubbliku – Regolamenti tal-Persunal tal-Uffiċjali tal-Unjoni Ewropea u l-Kundizzjonijiet tal-Impjieg applikabbli għall-Aġenti l-Oħra tal-Unjoni Ewropea – Membri tal-persunal temporanju – Proċedura dixxiplinari – Investigazzjoni amministrattiva – Kunċett ta’ ‘plaġjariżmu’ – Ħatra, mill-Awtorità tal-Ħatra, ta’ investigatur li miegħu għandha relazzjoni ta’ negozju – Kunflitt ta’ interess – Artikolu 41(1) tal-Karta tad-Drittijiet Fundamentali tal-Unjoni Ewropea – Imparzjalità oġġettiva – Artikolu 17a – Libertà tal-espressjoni tal-uffiċjal – Artikoli 11, 12 u 21 – Osservanza tal-prinċipji ta’ lealtà u ta’ imparzjalità”
    </p>
    <p class="C02AlineaAltA" id="para-4" title="page-1">
      Fil-Kawża C‑680/22 P,
    </p>
    <p class="C02AlineaAltA" id="para-5" title="page-1">
      li għandha bħala suġġett appell skont l-Artikolu 56 tal-Istatut tal-Qorti tal-Ġustizzja tal-Unjoni Ewropea, imressaq fl‑4 ta’ Novembru 2022,
    </p>
    <p class="C02AlineaAltA" id="para-6" title="page-1">
      DD, irrappreżentat minn N. Lorenz, Rechtsanwältin,
    </p>
    <p class="C72Alineadroite" id="para-7" title="page-1">
      appellant,
    </p>
    <p class="C02AlineaAltA" id="para-8" title="page-1">
      il-parti l-oħra fil-proċedura li hija:
    </p>
    <p class="C02AlineaAltA" id="para-9" title="page-1">
      L-Aġenzija tal-Unjoni Ewropea għad-Drittijiet Fundamentali (FRA), irrappreżentata inizjalment minn M. O’Flaherty, sussegwentement minn S. Rautio, bħala aġenti, assistiti minn B. Wägenbaur, Rechtsanwalt,
    </p>
    <p class="C72Alineadroite" id="para-10" title="page-1">
      konvenuta fl-ewwel istanza,
    </p>
    <p class="C19Centre" id="para-11" title="page-1">
      IL-QORTI TAL-ĠUSTIZZJA (Il-Ħames Awla),
    </p>
    <p class="C02AlineaAltA" id="para-12" title="page-1">
      komposta minn I. Jarukaitis, President tar-Raba’ Awla, li qiegħed jaġixxi bħala President tal-Ħames Awla, E. Regan u Z. Csehi (Relatur), Imħallfin,
    </p>
    <p class="C02AlineaAltA" id="para-13" title="page-1">
      Avukat Ġenerali: P. Pikamäe,
    </p>
    <p class="C02AlineaAltA" id="para-14" title="page-1">
      Reġistratur: A. Calot Escobar,
    </p>
    <p class="C02AlineaAltA" id="para-15" title="page-1">
      wara li rat il-proċedura bil-miktub,
    </p>
    <p class="C02AlineaAltA" id="para-16" title="page-1">
      wara li semgħet il-konklużjonijiet tal-Avukat Ġenerali, ippreżentati fis-seduta tas‑7 ta’ Diċembru 2023,
    </p>
    <p class="C02AlineaAltA" id="para-17" title="page-1">
      tagħti l-preżenti
    </p>
    <p class="C75Debutdesmotifs" id="para-18" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">Permezz tal-appell tiegħu, DD jitlob l-annullament tas-sentenza tal-Qorti Ġenerali tal-Unjoni Ewropea tal‑7 ta’ Settembru 2022, DD vs FRA (T‑470/20, iktar ’il quddiem is-“sentenza appellata”, EU:T:2022:511), li permezz tagħha l-Qorti Ġenerali ċaħdet ir-rikors tiegħu intiż, minn naħa, għall-annullament tad-Deċiżjoni tal-Aġenzija tal-Unjoni Ewropea għad-Drittijiet Fundamentali (FRA) tat‑12 ta’ Novembru 2019 li permezz tagħha hija imponietlu sanzjoni dixxiplinari ta’ revoka (iktar ’il quddiem id-“Deċiżjoni ta’ revoka”) u d-Deċiżjoni tal‑15 ta’ April 2020 li tiċħad l-ilment kontra d-Deċiżjoni ta’ revoka (iktar ’il quddiem id-“Deċiżjoni ta’ ċaħda tal-ilment”) u, min-naħa l-oħra, għall-kumpens għad-dannu materjali u morali li huwa allegatament ġarrab.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">L-ewwel paragrafu tal-Artikolu 11 tar-Regolamenti tal-Persunal tal-Unjoni Ewropea (iktar ’il quddiem ir-“Regolamenti tal-Persunal”) jipprovdi:</p>
</td>
</tr>
</table>
    <p class="C02AlineaAltA" id="para-22" title="page-1">
      “L-uffiċjal għandu jaqdi dmirijietu u jġib ruħu esklużivament bl-interessi tal-Unjoni [Ewropea] quddiem għajnejh. Huwa m’għandux ifittex jew jaċċetta istruzzjonijiet mill-ebda gvern, awtorità, organizzazzjoni jew persuna barra l-istituzzjoni tiegħu. Għandu jaqdi d-dmirijiet fdati lilu b’mod oġġettiv, imparzjali u fir-rispett tad-dmir tiegħu ta’ lealtà lejn l-Unjoni”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">L-Artikolu 12 tar-Regolamenti tal-Persunal jipprevedi:</p>
</td>
</tr>
</table>
    <p class="C02AlineaAltA" id="para-24" title="page-1">
      “L-Uffiċjal għandu joqgħod lura minn kull azzjoni jew imġiba li tista’ tirrifletti ħażin fuq il-pożizzjoni tiegħu.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">L-Artikolu 17a tar-Regolamenti tal-Persunal jipprevedi, fil-paragrafu 1 tiegħu:</p>
</td>
</tr>
</table>
    <p class="C02AlineaAltA" id="para-26" title="page-1">
      “Uffiċjal għandu d-dritt għal-libertà ta’ l-espressjoni, b’rispett dovut għall-prinċipji tal-lealtà u l-imparzjalità”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">Skont l-Artikolu 21 tar-Regolamenti tal-Persunal:</p>
</td>
</tr>
</table>
    <p class="C02AlineaAltA" id="para-28" title="page-2">
      “Uffiċjal, ikun xi jkun il-grad tiegħu, għandu jassisti u jgħaddi pariri lis-superjuri tiegħu; huwa għandu jkun reponsabbli mill-qadi tad-dmirijiet assenjati lilu.
    </p>
    <p class="C02AlineaAltA" id="para-29" title="page-2">
      Uffiċjal responsabbli minn kwalunkwe fergħa tas-servizz għandu jkun responsabbli mas-superjuri tiegħu dwar l-awtorità mogħtija lilu u biex iwettaq l-istruzzjonijiet mogħtija minnu. Ir-responsabbilta’ ta’ dawk ta’ taħtu bl-ebda mod ma tirrilaxxah mir-responsibbilta’ tiegħu stess.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">It-Titolu VI tar-Regolamenti tal-Persunal huwa intitolat “Miżuri Dixxiplinari”. Taħt dan it-Titolu VI hemm l-Artikolu 86 tar-Regolamenti tal-Persunal, skont liema:</p>
</td>
</tr>
</table>
    <p class="C02AlineaAltA" id="para-31" title="page-2">
      “1. Kull nuqqas minn uffiċjal jew minn dak li qabel kien uffiċjal biex iħares l-obbligi tiegħu taħt dawn ir-Regolamenti tal-Persunal, kemm jekk intenzjonalment jew b’negliġenza min-naħa tiegħu, tista’ tittieħed azzjoni kontrih.
    </p>
    <p class="C02AlineaAltA" id="para-32" title="page-2">
      2. Fejn l-Awtorità tal-Ħatra jew [l-Uffiċċju Ewropew ta’ Kontra l-Frodi (OLAF)] isiru jafu b’evidenza ta’ nuqqas fis-sens tal-paragrafu 1, jistgħu jibdew invetigazzjonijiet amministrattivi biex jivverifikaw jekk it-tali nuqqas sarx.
    </p>
    <p class="C02AlineaAltA" id="para-33" title="page-2">
      3. Regoli, proċeduri u miżuri dixxiplinarji, u r-regoli u l-proċeduri li jkopru l-investigazzjonijiet amministrattivi [huma] mniżżla fl-Anness IX”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">Skont l-Artikolu 1 tal-Anness IX tar-Regolamenti tal-Persunal, intitolat “Proċeduri dixxiplinarji”:</p>
</td>
</tr>
</table>
    <p class="C02AlineaAltA" id="para-35" title="page-2">
      “1. Kulmeta investigazzjoni mill-OLAF tikxef il-possibbiltà ta’ involviment personali ta’ uffiċjal jew ta’ persuna li qabel kienet uffiċjal, ta’ istituzzjoni, dik il-persuna għandha tkun infurmata malajr, sakemm dan mhux ta’ ħsara għall- investigazzjoni. F’kull każ, ma jistgħux jittieħdu konklużjonijiet li jirreferu bl-isem ta’ uffiċjal meta titlesta l-investigazzjoni mingħajr ma dak l-uffiċjal ikkonċernat jkollu l-opportunità biex jikkumenta fuq il-fatti dwaru. Il-konklużjonijiet għandhom jagħmlu riferenza għal dawn il-kummenti.
    </p>
    <p class="C02AlineaAltA" id="para-36" title="page-2">
      2. Fil-każijiet li jitolbu segretezza assoluta għall-għanijiet ta’ l-investigazzjoni u li jeħtieġu l-użu tal-proċeduri ta’ investigazzjoni, li jaqgħu taħt ir-responsabbiltà ta’ awtorità ġudizzjarja nazzjonali, il-konformità ma’ l-obbligu li jkun mistieden l-uffiċjal biex jikkummenta, bi qbil ma’ l-Awtorità tal-Ħatra, tista’ tkun posposta. Fit-tali każijiet, l-ebda proċeduri dixxiplinarji ma jistgħu jinbdew qabel l-uffiċjal jingħata l-opportunità biex jikkummenta.
    </p>
    <p class="C02AlineaAltA" id="para-37" title="page-2">
      3. Jekk, wara l-investigazzjoni ta’ l-OLAF, l-ebda każ ma jista’ jsir kontra uffiċjal li saru allegazzjonijiet dwaru, l-investigazzjoni in kwestjoni tingħalaq, mingħajr ma tittieħed aktar azzjoni, bid-deċiżjoni tad-Direttur ta’ l-OLAF, li għandu jinforma l-uffiċjal u l-istituzzjoni tiegħu bil-miktub. L-uffiċjal jista’ jitlob li din id-deċiżjoni tiddaħħal fil-file personali tiegħu”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">L-Artikolu 2 tal-Anness IX tar-Regolamenti tal-Persunal jipprovdi:</p>
</td>
</tr>
</table>
    <p class="C02AlineaAltA" id="para-39" title="page-3">
      “1. Ir-regoli ppreżentati fl-Artikolu 1 ta’ dan l-Anness għandhom japplikaw, b’kull bidla meħtieġa, għal inkjesti amministrattivi oħra, imwettqa mill-Awtorità tal-Ħatra.
    </p>
    <p class="C02AlineaAltA" id="para-40" title="page-3">
      2. L-Awtorità tal-Ħatra għandha tinforma l-persuna kkonċernata meta tintemm l-investigazzjoni, u għandha tikkomunikalha l-konklużjonijiet ta’ l-investgazzjoni u, meta mitluba u suġġetta għall-ħarsien ta’ l-interessi leġittimi ta’ persuni terzi, id-dokumenti kollha li direttament relatati ma’ l-allegazzjonijiet li saru kontrih.
    </p>
    <p class="C02AlineaAltA" id="para-41" title="page-3">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">L-Artikolu 3 tal-Anness IX tar-Regolamenti tal-Persunal huwa fformulat kif ġej:</p>
</td>
</tr>
</table>
    <p class="C02AlineaAltA" id="para-43" title="page-3">
      “Fuq il-bażi tar-rapport ta’ l-investigazzjoni, wara li tavża l-uffiċjal ikkonċernat bl-evidenza kollha fil-files u wara li tisma’ l-uffiċjal ikkonċernat, l-Awtorità tal-Ħatra tista’:
    </p>
    <p class="C09Marge0avecretrait" id="para-44" title="page-3">
      a) tiddeċiedi li l-ebda każ ma jista’ jsir kontra l-uffiċjal, f’liema każ l-uffiċjal għandu jkun avżat b’hekk bil-miktub; jew
    </p>
    <p class="C09Marge0avecretrait" id="para-45" title="page-3">
      b) tiddeċiedi, anki jekk hemm jew jidher li kien hemm nuqqas biex jitħarsu l-obbligi, li l-ebda miżura dixxiplinarja m’hi se tittieħed u, jekk ikun il-każ, tindirizza twissija lill-uffiċjal; jew
    </p>
    <p class="C09Marge0avecretrait" id="para-46" title="page-3">
      ċ) fil-każ ta’ nuqqas biex jitħarsu l-obbligi, fis-sens ta’ l-Artikolu 86 tar-Regolamenti tal-Persunal:
    </p>
    <p class="C11Marge1avecretrait" id="para-47" title="page-3">
      i) tiddeċiedi li tibda l-proċeduri dixxiplinarji kif provdut fit-Taqsima 4 ta’ dan l-Anness, jew
    </p>
    <p class="C11Marge1avecretrait" id="para-48" title="page-3">
      ii) tiddeċiedi li tibda proċeduri dixxiplinarji quddiem il-Bord Dixxiplinari”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">L-Artikolu 22 tal-Anness IX tar-Regolamenti tal-Persunal jipprovdi:</p>
</td>
</tr>
</table>
    <p class="C02AlineaAltA" id="para-50" title="page-3">
      “1. Wara li tisma’ lill-uffiċjal, l-Awtorità tal-Ħatra għandha tasal għad-deċiżjoni tagħha, kif ipprovdut fl-Artikoli 9 u 10 ta’ dan l-Anness fi żmien xahrejn mill-irċevuta ta’ l-opinjoni tal-Bord. Ir-raġunijiet iridu jingħataw għal din id-deċiżjoni.
    </p>
    <p class="C02AlineaAltA" id="para-51" title="page-3">
      2. Jekk l-Awtorità tal-Ħatra tiddeċiedi li tagħlaq il-każ mingħajr ma timponi xi piena dixxiplinarja, għandha tinforma dan bil-kitba mingħajr dewmien lill-uffiċjal ikkonċernat. L-uffiċjal ikkonċernat jista’ jitlob li din id-deċiżjoni tiddaħħal fil-file personali tiegħu”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑fatti li wasslu għall‑kawża</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">Il-fatti li wasslu għall-kawża ġew esposti fil-punti 2 sa 36 tas-sentenza appellata kif ġej:</p>
</td>
</tr>
</table>
    <p class="C09Marge0avecretrait" id="para-54" title="page-4">
      “2. Ir-rikorrent ġie rreklutat fl‑1 ta’ Awwissu 2000 mill-Awtorità li għandha s-setgħa tikkonkludi kuntratti ta’ ingaġġ (iktar ’il quddiem l-“ASTK”) ta’ korp tal-Unjoni Ewropea, iċ-Ċentru Ewropew ta’ Monitoraġġ dwar ir-Razziżmu u l-Ksenofobija (EUMC), li sar il-FRA, bħala membru tal-persunal temporanju fis-sens tal-Artikolu 2(a) tal-Kondizzjonijiet tal-impjieg applikabbli għall-aġenti l-oħra (iktar ’il quddiem il-“Kundizzjonijiet tal-impjieg”). Wara li kien irreklutat inizjalment taħt kuntratt għal żmien determinat, huwa bbenefika minn kuntratt għal żmien indeterminat b’effett mis‑16 ta’ Diċembru 2006.
    </p>
    <p class="C09Marge0avecretrait" id="para-55" title="page-4">
      3. Permezz ta’ ittra tat‑13 ta’ Ġunju 2013, id-direttur tal-FRA li kien fil-kariga dak iż-żmien informa lir-rikorrent bid-deċiżjoni tiegħu li jxoljilu l-kuntratt.
    </p>
    <p class="C09Marge0avecretrait" id="para-56" title="page-4">
      4. Permezz tas-sentenza tat‑8 ta’ Ottubru 2015, DD vs FRA (F‑106/13 u F‑25/14 [iktar ’il quddiem is-“sentenza ta’ annullament”], EU:F:2015:118), it-Tribunal għas-Servizz Pubbliku annulla d-deċiżjoni ta’ xoljiment minħabba li, qabel l-adozzjoni tad-deċiżjoni, id-direttur tal-FRA ma kienx informa espressament lir-rikorrent li, fuq il-bażi ta’ diversi inċidenti, huwa kien qiegħed jikkontempla jxoljilu l-kuntratt u ma talbux jagħti l-kummenti tiegħu f’dan ir-rigward.
    </p>
    <p class="C09Marge0avecretrait" id="para-57" title="page-4">
      5. Fid‑29 ta’ Frar 2016, il-FRA, immexxija minn direttur ġdid, reġa’ daħħal lir-rikorrent lura fl-impjieg tiegħu, fil-kuntest tal-eżekuzzjoni tas-[sentenza ta’ annullament].
    </p>
    <p class="C09Marge0avecretrait" id="para-58" title="page-4">
      6. Permezz ta’ posta elettronika tal-istess jum, ir-rikorrent intalab mill-kap tad-dipartiment tiegħu biex iħejji espożizzjoni interna ta’ bejn 15 u 20 paġna, sa mhux iktar tard mit‑18 ta’ Marzu 2016, fuq ir-regoli dwar id-drittijiet tal-bniedem u l-ġurisprudenza marbuta mal-libertà tal-ħsieb, ta’ kuxjenza u ta’ reliġjon, fuq livell internazzjonali u fuq il-livell tal-Unjoni.
    </p>
    <p class="C09Marge0avecretrait" id="para-59" title="page-4">
      7. Permezz ta’ posta elettronika tat‑18 ta’ Marzu 2016, ir-rikorrent bagħat lill-kap tad-dipartiment tiegħu dokument ta’ 31 paġna kkwalifikat bħala “l-ewwel abbozz dwar l-espożizzjoni fuq il-libertà tar-reliġjon” intitolat “Nota ta’ informazzjoni interna dwar eventwali proġetti rilevanti tal-FRA li jikkonċernaw il-libertà ta’ ħsieb” (iktar ’il quddiem l-‘espożizzjoni kontenzjuża’).
    </p>
    <p class="C09Marge0avecretrait" id="para-60" title="page-4">
      8. Fil-bidu tax-xahar ta’ April 2016, l-espożizzjoni kontenzjuża ġiet irreġistrata fis-sistema ta’ ġestjoni tad-dokumenti (iktar ’il quddiem is-“SĠD”) tal-FRA, li għaliha kellhom aċċess il-kollegi kollha tar-rikorrent.
    </p>
    <p class="C09Marge0avecretrait" id="para-61" title="page-4">
      9. Fis‑7 ta’ April 2016, il-kap tad-dipartiment tar-rikorrent informa lil dan tal-aħħar li huwa kien bagħat l-espożizzjoni kontenzjuża lid-direttur tal-FRA u stiednu jibgħat lil wieħed mill-kollegi tiegħu l-link ta’ dan id-dokument irreġistrat fis-SĠD, sabiex huwa jkun jista’ jieħu konjizzjoni ta’ dan id-dokument u tal-analiżi li kien hemm fih.
    </p>
    <p class="C09Marge0avecretrait" id="para-62" title="page-5">
      10. Permezz ta’ posta elettronika tas‑16 ta’ Ottubru 2017, il-kap tad-dipartiment tar-rikorrent talbu jirrevedi l-espożizzjoni kontenzjuża u japprofondixxi l-analiżi ddedikata għal-libertà ta’ reliġjon mill-perspettiva tal-Unjoni, fid-dawl ta’ eventwali pubblikazzjoni.
    </p>
    <p class="C09Marge0avecretrait" id="para-63" title="page-5">
      11. Barra minn hekk, fis‑7 ta’ Novembru 2017, ir-rikorrent ippreżenta appell intern kontra r-rapport ta’ evalwazzjoni tiegħu għas-sena 2016 (iktar ’il quddiem ir-“rapport ta’ evalwazzjoni 2016”), billi sostna li l-evalwazzjoni tal-effikaċja tiegħu, tal-kapaċità tiegħu u tal-kondotta tiegħu kellha tkun “tajba ħafna”, minflok “sodisfaċenti”. F’dan il-kuntest, għal dak li jikkonċerna l-espożizzjoni kontenzjuża, minn naħa, ir-rikorrent sostna li kien b’dispjaċir li, filwaqt li matul id-djalogu ta’ evalwazzjoni, il-kap tad-dipartiment tiegħu, fil-kwalità tiegħu ta’ evalwatur, kien ikkonferma li din l-espożizzjoni kienet utli ħafna u kienet tilħaq l-għan tagħha, huwa kkritikaha fl-osservazzjonijiet sussegwenti tiegħu. Min-naħa l-oħra, ir-rikorrent sostna li l-kummenti tal-evalwatur, fuq il-fatt li l-espożizzjoni kontenzjuża kienet fil-parti l-kbira komposta minn referenzi għal ġurisprudenza, ma kinux preċiżi, peress li l-espożizzjoni kien fiha wkoll analiżi legali, kunċettwali u politika.
    </p>
    <p class="C09Marge0avecretrait" id="para-64" title="page-5">
      12. Fl‑1 ta’ Diċembru 2017, ir-rikorrent bagħat verżjoni riveduta tal-espożizzjoni kontenzjuża.
    </p>
    <p class="C09Marge0avecretrait" id="para-65" title="page-5">
      13. Fil‑5 ta’ Diċembru 2017, id-direttur tal-FRA ċaħad l-appell intern ippreżentat mir-rikorrent kontra r-rapport ta’ evalwazzjoni 2016. F’din l-okkażjoni, id-direttur tal-FRA indika li kien sar jaf li l-espożizzjoni kontenzjuża kienet, fil-parti l-kbira ħafna tagħha, kopja diretta ta’ diversi sorsi, b’mod partikolari ta’ dokumenti tal-Kunsill tal-Ewropa, li ma kinux ġew indikati bħala referenzi f’din l-espożizzjoni, u li r-rikorrent ma kienx informa lill-kap tad-dipartiment tiegħu b’dan l-istat ta’ fatt, u ħallih jemmen li din l-espożizzjoni kienet ir-riżultat ta’ xogħolu.
    </p>
    <p class="C09Marge0avecretrait" id="para-66" title="page-5">
      14. Fid‑9 ta’ Frar 2018, id-direttur tal-FRA kkonsulta mal-[OLAF] fir-rigward tal-possibbiltà ta’ ftuħ ta’ investigazzjoni amministrattiva dwar l-aġir tar-rikorrent.
    </p>
    <p class="C09Marge0avecretrait" id="para-67" title="page-5">
      15. Fl‑20 ta’ Marzu 2018, l-OLAF iddeċieda li ma jiftaħx investigazzjoni, fl-assenza ta’ ‘elementi suffiċjenti li jindikaw l-eżistenza ta’ frodi, ta’ korruzzjoni jew ta’ attivitajiet illegali oħra’.
    </p>
    <p class="C09Marge0avecretrait" id="para-68" title="page-6">
      16. Fit‑23 ta’ Marzu 2018, id-direttur tal-FRA fetaħ investigazzjoni amministrattiva dwar l-aġir tar-rikorrent fir-rigward tal-espożizzjoni kontenzjuża (iktar ’il quddiem id-“deċiżjoni ta’ ftuħ tal-investigazzjoni”). L-investigatur maħtur [(iktar ’il quddiem l-“investigatur”)] iddikjara li ma kellux kunflitt ta’ interessi. L-għan ta’ din l-investigazzjoni kien li jiġi ddeterminat, l-ewwel, sa fejn preċiżament l-espożizzjoni kontenzjuża kienet ġiet ippreżentata mir-rikorrent bħala li hija r-riżultat ta’ xogħolu, u sa fejn kienet tirriproduċi estratti minn dokumenti li ma humiex tal-FRA li la kienu ċċitati u lanqas indikati bħala referenzi; it-tieni, minn dawn id-dokumenti, liema kienu dawk li eventwalment kienu koperti mid-drittijiet tal-awtur, it-tielet, jekk kinux jeżistu dokumenti oħra redatti mir-rikorrent fil-kuntest ta’ xogħolu fi ħdan il-FRA, fil-qasam tal-libertà ta’ ħsieb, ta’ kuxjenza u ta’ reliġjon, li kienu jissodisfaw iż-żewġ kundizzjonijiet iċċitati iktar ’il fuq u, ir-raba’, jekk ikun il-każ, jekk [ir-Regolamenti tal-Persunal] jew id-dritt tal-proprjetà intellettwali kinux ġew miksura.
    </p>
    <p class="C09Marge0avecretrait" id="para-69" title="page-6">
      17. Fit‑23 u fl‑24 ta’ April 2018, l-investigatur interroga seba’ xhieda u lir-rikorrent, li bagħat lill-investigatur osservazzjonijiet bil-miktub.
    </p>
    <p class="C09Marge0avecretrait" id="para-70" title="page-6">
      18. Fis‑17 ta’ Ġunju 2018, l-investigatur ittrażmetta lir-rikorrent il-konklużjonijiet preliminari tiegħu.
    </p>
    <p class="C09Marge0avecretrait" id="para-71" title="page-6">
      19. Fit‑2 ta’ Lulju 2018, ir-rikorrent ressaq osservazzjonijiet fuq il-konklużjonijiet preliminari tal-investigatur.
    </p>
    <p class="C09Marge0avecretrait" id="para-72" title="page-6">
      20. Fit‑23 ta’ Lulju 2018, l-investigatur bagħat ir-rapport definittiv tiegħu (iktar ’il quddiem ir-“rapport ta’ investigazzjoni”), li kkonstata ksur tal-Artikoli 11, 12 u 21 tar-Regolamenti tal-Persunal kif ukoll tad-dmirijiet tiegħu ta’ lealtà u ta’ kooperazzjoni. L-investigatur irrileva, essenzjalment, l-ewwel, li l-ikkopjar u l-użu ta’ xogħol ħaddieħor mingħajr ma jiġi indikat bħala referenza u billi jingħadda bħala xogħolu kien jikkostitwixxi forma ta’ ngann, ta’ diżonestà u ta’ approprjazzjoni frawdolenti li tikser mhux biss l-Artikolu 12 tar-Regolamenti tal-Persunal, imma wkoll kważi kull regola morali; it-tieni, li r-rikorrent kien deliberatament inganna lill-membri tad-dipartiment tiegħu u kien ħeba informazzjoni importanti, aspett li kien jikser l-Artikoli 11 u 12 tar-Regolamenti tal-Persunal; it-tielet, li l-fatt li r-rikorrent kien ħa tliet ġimgħat biex jifformula l-espożizzjoni kontenzjuża, li fil-parti l-kbira tagħha tikkonsisti f’kopja, kien jikkostitwixxi ksur ieħor, relattivament minuri, tal-Artikolu 12 tar-Regolamenti tal-Persunal; ir-raba’, li l-indikazzjoni li l-espożizzjoni kontenzjuża tikkostitwixxi kwalità tajba, fil-kuntest tal-evalwazzjoni tiegħu għas-sena 2016, kienet ingannuża u kienet tikkostitwixxi wkoll ksur tal-Artikolu 12 tar-Regolamenti tal-Persunal; il-ħames, li l-użu ta’ materjal protett mid-drittijiet tal-awtur mingħajr ma jiġi informat l-awtur, jiġifieri l-Kunsill tal-Ewropa, kien jikser ukoll l-Artikolu 12 tar-Regolamenti tal-Persunal, is-sitt, li r-rikorrent kien aġixxa b’mod ingannuż u/jew b’diżonestà u, konsegwentement, ma ġabx ruħu billi jżomm f’moħħu biss l-interessi tal-Unjoni, bi ksur tal-Artikolu 11 tar-Regolamenti tal-Persunal u tad-dmir ta’ lealtà u, is-seba’, li l-użu ta’ xogħol ħaddieħor mingħajr ma jiġi indikat bħala referenza u mingħajr ma jinforma lis-superjuri tiegħu b’dan kien jikser l-Artikolu 21 tar-Regolamenti tal-Persunal u d-dmir ta’ kooperazzjoni tar-rikorrent.
    </p>
    <p class="C09Marge0avecretrait" id="para-73" title="page-7">
      21. Fil‑15 ta’ Ottubru 2018, ir-rikorrent instema’ mid-direttur tal-FRA skont l-Artikolu 3 tal-Anness IX tar-Regolamenti tal-Persunal […] u ttrażmetta ulterjorment dikjarazzjoni bil-miktub, bid-data tal-istess ġurnata.
    </p>
    <p class="C09Marge0avecretrait" id="para-74" title="page-7">
      22. Permezz ta’ deċiżjoni tat‑23 ta’ Ottubru 2018, id-direttur tal-FRA fetaħ proċedura dixxiplinari quddiem il-Bord tad-Dixxiplina kontra r-rikorrent (iktar ’il quddiem id-“deċiżjoni ta’ ftuħ tal-proċedura dixxiplinari”). Dik id-deċiżjoni ġiet innotifikata lir-rikorrent fis‑7 ta’ Novembru 2018.
    </p>
    <p class="C09Marge0avecretrait" id="para-75" title="page-7">
      23. Fis‑26 ta’ Frar 2019 ġie kkostitwit il-Bord tad-Dixxiplina b’deċiżjoni tad-direttur tal-FRA.
    </p>
    <p class="C09Marge0avecretrait" id="para-76" title="page-7">
      24. Fis‑27 ta’ Frar 2019, id-direttur tal-FRA stabbilixxa r-rapport intiż għall-Bord tad-Dixxiplina, b’applikazzjoni tal-Artikolu 12 tal-Anness IX tar-Regolamenti tal-Persunal (iktar ’il quddiem ir-“rapport tad-direttur tal-FRA”).
    </p>
    <p class="C09Marge0avecretrait" id="para-77" title="page-7">
      25. Fil‑21 ta’ Marzu 2019, ir-rikorrent ippreżenta r-risposta tiegħu lill-president tal-Bord tad-Dixxiplina.
    </p>
    <p class="C09Marge0avecretrait" id="para-78" title="page-7">
      26. Fit‑22 ta’ Marzu 2019 inżamm is-smigħ tar-rikorrent quddiem il-Bord tad-Dixxiplina.
    </p>
    <p class="C09Marge0avecretrait" id="para-79" title="page-7">
      27. Fis‑7 ta’ Mejju 2019, il-Bord tad-Dixxiplina ħareġ opinjoni motivata (iktar ’il quddiem l-opinjoni tal-Bord tad-Dixxiplina”), konformement mal-Artikolu 18 tal-Anness IX tar-Regolamenti tal-Persunal, fejn ikkunsidra bħala fondati l-akkużi ta’ aġir kuntrarju għall-obbligi tar-rikorrent skont l-Artikoli 11, 12 u 21 tar-Regolamenti tal-Persunal, jiġifieri l-preżentazzjoni ta’ kitbiet ta’ ħaddieħor bħala xogħolu, mingħajr indikazzjoni tas-sorsi tagħhom. Il-Bord tad-Dixxiplina rrakkomanda li r-rikorrent jinżel żewġ gradi, jiġifieri għall-grad AD 7. Il-Bord tad-Dixxiplina ma semmiex ċirkustanzi attenwanti.
    </p>
    <p class="C09Marge0avecretrait" id="para-80" title="page-7">
      28. Il-Bord tad-Dixxiplina rrileva, essenzjalment, l-ewwel, li r-rikorrent kien aġixxa billi ma kellux f’moħħu biss l-interessi tal-Unjoni, imma l-interessi tiegħu stess billi jieħu krettu għal test li tiegħu huwa ma kienx l-awtur; it-tieni, li ma kienx adotta l-aġir responsabbli mistenni min-naħa ta’ membru tal-persunal tal-FRA; it-tielet, li l-azzjonijiet tiegħu setgħu jikkawżaw ħsara lir-reputazzjoni tal-FRA u, ir-raba’, li ma kienx assista lis-superjuri tiegħu, anzi kien aġixxa kontra tagħhom, billi ppreżenta xogħol ħaddieħor bħallikieku kien tiegħu.
    </p>
    <p class="C09Marge0avecretrait" id="para-81" title="page-8">
      29. Għaldaqstant, il-Bord tad-Dixxiplina kkonstata li r-rikorrent kien kiser, l-ewwel, l-Artikolu 11 tar-Regolamenti tal-Persunal, billi ppreżenta deliberatament xogħol ikkopjat bħallikieku kien xogħolu; it-tieni, l-Artikolu 12 tar-Regolamenti tal-Persunal, inkwantu l-fatt li jippreżenta xogħol ħaddieħor bħallikieku kien xogħolu kien jirrifletti ħażin fuq ir-reputazzjoni tar-rikorrent u, it-tielet, l-Artikolu 21 tar-Regolamenti tal-Persunal, inkwantu r-rikorrent ma kienx qeda l-kompiti fdati lilu, imma kien ippreżenta xogħol ħaddieħor bħallikieku kien tiegħu u fejn kien hemm riskju li l-espożizzjoni kontenzjuża, jew siltiet minnha, jiġu integrati f’dokument wieħed jew iktar ippubblikati mill-FRA, li seta’ jagħmel ħsara lir-reputazzjoni tagħha.
    </p>
    <p class="C09Marge0avecretrait" id="para-82" title="page-8">
      30. Fil‑11 ta’ Lulju 2019, ir-rikorrent instema’ mid-direttur tal-FRA, konformement mal-Artikolu 22 tal-Anness IX tar-Regolamenti tal-Persunal (iktar ’il quddiem is-“smigħ tal‑11 ta’ Lulju 2019”), u ppreżenta d-dikjarazzjoni bil-miktub tiegħu.
    </p>
    <p class="C09Marge0avecretrait" id="para-83" title="page-8">
      31. Fil‑11 ta’ Ottubru 2019, ir-rikorrent irċieva nota mid-direttur, bid-data tal‑10 ta’ Ottubru 2019, li fiha esprima l-intenzjoni tiegħu li jimponilu sanzjoni ta’ tneħħija minn pożizzjoni u stiednu jikkomunika l-osservazzjonijiet tiegħu dwar dan bil-miktub fi żmien għaxart ijiem tax-xogħol.
    </p>
    <p class="C09Marge0avecretrait" id="para-84" title="page-8">
      32. Fl‑24 ta’ Ottubru 2019, ir-rikorrent bagħat l-osservazzjonijiet tiegħu lid-direttur tal-FRA.
    </p>
    <p class="C09Marge0avecretrait" id="para-85" title="page-8">
      33. Fit‑12 ta’ Novembru 2019, id-direttur tal-FRA, bħala l-ASTK, adotta d-deċiżjoni ta’ tneħħija minn pożizzjoni, li daħlet fis-seħħ fil‑15 ta’ Novembru 2019. Permezz ta’ din id-deċiżjoni, id-direttur tal-FRA laqa’ l-konklużjonijiet tal-Bord tad-Dixxiplina, ħlief għal dik li kienet tikkonċerna s-sanzjoni proposta, peress li kkunsidra li t-twaqqigħ fil-grad ma kienx jirrifletti suffiċjentement il-gravità tal-ksur tal-obbligi professjonali previsti fl-Artikoli 11, 12 u 21 tar-Regolamenti tal-Persunal. Id-direttur tal-FRA rrileva, b’mod partikolari, minn naħa, li l-Bord tad-Dixxiplina ma kienx semma ċirkustanzi attenwanti, iżda kien semma ċirkustanzi aggravanti, jiġifieri l-fatt li l-aġir tar-rikorrent kien deliberat, li huwa kien ipprova jikseb personalment krettu għal xogħol li jikkostitwixxi plaġjariżmu, li huwa ma kienx irrikonoxxa l-gravità tal-aġir tiegħu u li kien hemm riskju reali ta’ ħsara lir-reputazzjoni tal-FRA u, min-naħa l-oħra, li r-rabta ta’ fiduċja kienet ġiet serjament ippreġudikata.
    </p>
    <p class="C09Marge0avecretrait" id="para-86" title="page-8">
      34. Barra minn hekk, id-direttur tal-FRA kkunsidra li l-Bord tad-Dixxiplina ma kienx ħa biżżejjed inkunsiderazzjoni tal-gravità tal-ksur tar-Regolamenti tal-Persunal f’dak li kien jirrigwarda, minn naħa, l-aġir tar-rikorrent, li d-direttur tal-FRA kklassifika bħala “ksur tal-ogħla gravità” u, min-naħa l-oħra, tal-effetti ta’ tali aġir fuq ir-reputazzjoni tal-FRA, peress li, skontu, ir-rikorrent, waħdu, kien deliberatament ħoloq riskju gravi ta’ ħsara lil din ir-reputazzjoni għal perijodu ta’ żmien kunsiderevoli. Id-direttur tal-FRA approva l-konstatazzjoni tal-Bord tad-Dixxiplina li r-rabta ta’ fiduċja kienet ġiet serjament ippreġudikata, filwaqt li kkunsidra li l-imsemmija rabta kienet ġiet miksura b’mod irrevokabbli u, konsegwentement, li t-twaqqigħ fil-grad ma kienx sanzjoni adegwata.
    </p>
    <p class="C09Marge0avecretrait" id="para-87" title="page-9">
      35. Fis‑16 ta’ Diċembru 2019, ir-rikorrent ippreżenta lment kontra d-deċiżjoni ta’ tneħħija minn pożizzjoni.
    </p>
    <p class="C09Marge0avecretrait" id="para-88" title="page-9">
      36. Fil‑15 ta’ April 2020, id-direttur tal-FRA ta d-deċiżjoni ta’ ċaħda tal-ilment”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑proċedura quddiem il‑Qorti Ġenerali u s‑sentenza appellata</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Permezz ta’ rikors ippreżentat fir-Reġistru tal-Qorti Ġenerali fit‑23 ta’ Lulju 2020, l-appellant ippreżenta r-rikors imsemmi fil-punt 1 ta’ din is-sentenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Permezz tar-rikors tiegħu, l-appellant talab lill-Qorti Ġenerali, l-ewwel, tannulla d-deċiżjoni ta’ revoka, it-tieni, jekk ikun il-każ, tannulla d-deċiżjoni ta’ ċaħda tal-ilment, it-tielet, tikkumpensa d-danni materjali u morali li huwa kien ġarrab u, ir-raba’, tikkundanna lill-FRA għall-ispejjeż. Insostenn tal-ewwel żewġ talbiet tiegħu, l-appellant invoka tmien motivi b’mod prinċipali u motiv wieħed b’mod sussidjarju, ibbażati:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">l-ewwel wieħed, fuq il-ksur tal-prinċipju ta’ ċertezza legali, fuq żbalji ta’ liġi u fuq żball manifest ta’ evalwazzjoni, fuq il-ksur tal-Artikolu 7(1) tal-Bundesgesetz über das Urheberrecht an Werken der Literatur und der Kunst und über verwandte Schutzrechte (Urheberrechtsgesetz) (il-Liġi dwar id-Drittijiet tal-Awtur fuq Xogħlijiet Letterarji u Artistiċi u fuq id-Drittijiet Relatati) tad‑9 ta’ April 1936 (BGBl. 1936, 111/1936) u fuq il-ksur tal-Artikolu 11 tal-Karta tad-Drittijiet Fundamentali tal-Unjoni Ewropea (iktar ’il quddiem il-“Karta”), inkwantu, l-ewwel, il-plaġjariżmu ġie kkunsidrat bħala li jikkostitwixxi ksur tar-Regolamenti tal-Persunal, it-tieni, it-testi kkopjati ma kinux protetti mil-liġi dwar id-drittijiet tal-awtur u, it-tielet, ġiet miksura l-libertà ta’ espressjoni tiegħu;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">it-tieni wieħed, fuq ksur tad-dmir ta’ diliġenza jew tad-dmir ta’ premura mill-investigatur u mid-direttur tal-FRA mal-ftuħ tal-proċedura dixxiplinari, bid-deċiżjoni ta’ tneħħija minn pożizzjoni u mill-Bord tad-Dixxiplina kif ukoll fuq ksur tal-preżunzjoni ta’ innoċenza u tar-rekwiżit ta’ livell għoli ta’ prova fl-investigazzjonijiet amministrattivi u fil-proċeduri dixxiplinari;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">it-tielet wieħed, fuq l-assenza ta’ newtralità, ta’ imparzjalità u ta’ oġġettività tad-direttur tal-FRA bħala ASTK, fuq ksur tal-preżunzjoni ta’ innoċenza u fuq abbuż ta’ poter;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">ir-raba’ wieħed, fuq żbalji manifesti ta’ evalwazzjoni li jikkonċernaw il-ksur mill-appellant tal-Artikoli 11, 12 u 21 tar-Regolamenti tal-Persunal;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">il-ħames wieħed, fuq il-ftuħ irregolari tal-investigazzjoni amministrattiva fl-assenza ta’ prova prima facie u fuq il-ftuħ irregolari tal-proċedura dixxiplinari;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">is-sitt wieħed, fuq in-nuqqas ta’ osservanza tal-parametri tal-investigazzjoni mill-investigatur u fuq il-ksur tal-Artikolu 4(2) u tal-Artikolu 7(6) tad-Deċiżjoni 2013/01 tal-Bord ta’ Amministrazzjoni tal-FRA tat‑22 ta’ Mejju 2013 fuq it-tmexxija tal-investigazzjonijiet amministrattivi u tal-proċeduri dixxiplinari, tal-Artikolu 4(1)(a) sa (d) u tal-Artikolu 5(1)(a) tar-Regolament (UE) 2018/1725 tal-Parlament Ewropew u tal-Kunsill tat‑23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU 2018, L 295, p. 39), u, qabel l-applikabbiltà tar-Regolament 2018/1725, tal-Artikolu 4(1)(a) sa (d) u tal-Artikolu 5(1)(a) tar-Regolament (KE) Nru 45/2001 tal-Parlament Ewropew u tal-Kunsill tat‑18 ta’ Diċembru 2000 dwar il-protezzjoni ta’ individwu fir-rigward tal-ipproċessar ta’ data personali mill-istituzzjonijiet u l-korpi tal-Komunità u dwar il-movement liberu ta’ dak id-data (ĠU Edizzjoni Speċjali bil-Malti, Kapitolu 13, Vol 26, p. 102), u fuq il-ksur tal-effetti ta’ sentenza ta’ annullament;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">is-seba’ wieħed, fuq nuqqas ta’ imparzjalità, ta’ newtralità u ta’ oġġettività tal-investigatur;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">it-tmien wieħed, fuq il-ksur tad-drittijiet tad-difiża, b’mod partikolari tad-dritt għal smigħ, fuq il-ksur tal-Artikoli 1 u 2 kif ukoll tal-Artikolu 12 tal-Anness IX tar-Regolamenti tal-Persunal, u</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">id-disa’ wieħed, sussidjarjament, fuq il-ksur tal-prinċipju ta’ proporzjonalità fl-impożizzjoni tas-sanzjoni ta’ tneħħija minn pożizzjoni fid-dawl tal-fatti li bihom ġie akkużat l-appellant.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Permezz tas-sentenza appellata, il-Qorti Ġenerali ċaħdet it-talbiet kollha għal annullament u għall-kumpens imressqa mill-appellant. Il-Qorti Ġenerali ddeċidiet ukoll li ma kienx hemm lok li jintlaqgħu t-talbiet għal miżuri ta’ organizzazzjoni tal-proċedura mitluba.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">It‑talbiet tal‑partijiet fl‑appell</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">L-appellant jitlob li l-Qorti tal-Ġustizzja jogħġobha:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tannulla s-sentenza appellata;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">konsegwentement, tannulla d-deċiżjoni ta’ revoka u, jekk ikun il-każ, tannulla d-deċiżjoni ta’ ċaħda tal-ilment;</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tikkumpensa d-danni materjali u morali li huwa allegatament ġarrab, u</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tikkundanna lill-FRA għall-ispejjeż kollha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Il-FRA titlob li l-Qorti tal-Ġustizzja jogħġobha:</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tiċħad l-appell, u</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">tikkundanna lill-appellant għall-ispejjeż kollha</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l‑appell</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l‑ewwel aggravju</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Permezz tal-ewwel aggravju tiegħu, l-appellant jikkritika, essenzjalment, lill-Qorti Ġenerali li wettqet, fil-punti 179 sa 193 tas-sentenza appellata, diversi żbalji ta’ liġi matul l-evalwazzjonijiet tagħha dwar l-imparzjalità oġġettiva tal-investigatur u li ma pprovdietx motivazzjoni suffiċjenti f’dan ir-rigward. Dan l-aggravju huwa maqsum f’żewġ partijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">L‑argumenti tal‑partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Permezz tal-ewwel parti tal-ewwel aggravju tiegħu, l-appellant jallega, l-ewwel, li l-Qorti Ġenerali, meta kkunsidrat, fil-punti 179 sa 185 tas-sentenza appellata, li l-provi prodotti minnu ma kinux suffiċjenti sabiex jiġi konkluż li kien hemm nuqqas ta’ imparzjalità suġġettiva tal-investigatur, naqset milli teżamina, fid-dawl ta’ dawn il-provi, eventwali nuqqas ta’ imparzjalità oġġettiva min-naħa tiegħu. Issa, eżami tal-fatti fid-dawl tan-nuqqas ta’ imparzjalità oġġettiva huwa biżżejjed, anki jekk ma jeżistux elementi li jippermettu li jiġi stabbilit in-nuqqas ta’ imparzjalità suġġettiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">It-tieni, kuntrarjament għal dak li l-Qorti Ġenerali ddeċidiet fil-punti 186 sa 192 tas-sentenza appellata, sabiex jiġi kkonstatat nuqqas ta’ imparzjalità oġġettiva, huwa biżżejjed li jeżisti dubju leġittimu f’dan ir-rigward u li ma jistax jiġi eliminat. L-appellant isostni, barra minn hekk, li, f’dan il-każ, id-dubju dwar l-imparzjalità tal-investigatur huwa leġittimu mill-perspettiva tat-terzi osservaturi. Fil-fehma tiegħu, kull dubju dwar l-indipendenza jew l-imparzjalità ta’ konsulent estern, li minnu jirriżulta li huwa jagħti wkoll pariri legali u jirċievi ħlasijiet ripetuti mingħand il-persuna li timpjega, huwa leġittimu mill-perspettiva ta’ osservatur terz. Barra minn hekk, skont hu, il-konstatazzjonijiet li jinsabu fil-punti 189 sa 191 tas-sentenza appellata jikkonfermaw l-eżistenza ta’ dubju leġittimu, iżda l-Qorti Ġenerali wettqet, madankollu, klassifikazzjoni żbaljata ta’ dawn il-fatti. Barra minn hekk, il-Qorti Ġenerali wettqet żball ta’ liġi ieħor fil-punt 187 tas-sentenza appellata, peress li ma kienx l-obbligu tal-appellant, iżda tal-FRA, li tneħħi dan id-dubju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">It-tielet, huwa jsostni li l-konklużjoni tal-Qorti Ġenerali, fil-punt 191 tas-sentenza appellata, li l-ammonti mħallsa lill-investigatur kienu ġġustifikati mill-kwantità ta’ xogħol li kienet ġiet fdata lilu, hija irrilevanti f’din il-kawża, peress li ma tneħħix id-dubju leġittimu dwar l-eżistenza ta’ kunflitt ta’ interessi min-naħa tal-investigatur għal raġunijiet finanzjarji. Issa, kunflitt ta’ interessi ta’ dan it-tip jikkostitwixxi wieħed mill-każijiet ta’ illegalità l-iktar gravi u, bħala tali, kull kunflitt ta’ interessi għal raġunijiet finanzjarji għandu jitqies bħala rilevanti, minkejja l-ammont ikkonċernat. Konsegwentement, l-appellant isostni li, kuntrarjament għal dak li ddeċidiet il-Qorti Ġenerali fil-punt 192 tas-sentenza appellata, il-ġurisprudenza li tirriżulta mis-sentenza tat‑18 ta’ Settembru 2012, Allgeier vs FRA (F‑58/10, EU:F:2012:130) hija rilevanti f’din il-kawża.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Fl-aħħar nett, ir-raba’, l-appellant isostni li l-Qorti Ġenerali żnaturat il-provi u wettqet żball manifest ta’ evalwazzjoni fil-punt 189 tas-sentenza appellata. Huwa jallega f’dan ir-rigward li mill-provi li kienu ġew sottomessi għall-evalwazzjoni tal-Qorti Ġenerali jsegwi li s-servizz ipprovdut mill-investigatur, li għalih huwa ġie rremunerat, kien jikkonsisti fil-fatt f’pariri legali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Permezz tat-tieni parti tal-ewwel aggravju tiegħu, l-appellant isostni li l-Qorti Ġenerali ma eżaminatx b’mod suffiċjenti fid-dritt il-provi u l-fatti sottomessi għall-evalwazzjoni tagħha u li hija wettqet żball ta’ liġi fil-punti 187 sa 193 tas-sentenza appellata meta ċaħdet, fil-punti 292 sa 296 ta’ dik is-sentenza, l-ewwel u t-tieni talba għal miżura ta’ organizzazzjoni tal-proċedura tal-appellant.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">Preliminarjament, il-FRA ssostni li l-appell jikkostitwixxi, fil-parti l-kbira tiegħu, repetizzjoni tal-perspettivi u tal-argumenti ppreżentati mill-appellant fir-rikors u fir-replika fl-ewwel istanza. Konsegwentement, fil-fehma tagħha, diversi argumenti allegatament ġuridiċi, imressqa fl-appell, huma fir-realtà tentattivi sabiex jiġu kkontestati fatti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Il-FRA tqis li dan l-ewwel aggravju huwa parzjalment inammissibbli u, fi kwalunkwe każ, manifestament infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑kunsiderazzjonijiet tal‑Qorti tal‑Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Permezz tat-tieni parti tal-ewwel aggravju, li għandha tiġi analizzata l-ewwel, l-appellant jikkritika l-punti 292 sa 296 tas-sentenza appellata sa fejn, permezz tagħhom, il-Qorti Ġenerali rrifjutat b’mod żbaljat li tilqa’ l-miżuri ta’ organizzazzjoni tal-proċedura li huwa kien talab sabiex juri l-eżistenza ta’ allegata assenza ta’ imparzjalità tal-investigatur u, konsegwentement, ma eżaminatx b’mod adegwat il-provi prodotti għall-evalwazzjoni tagħha. Barra minn hekk, hija żnaturat dawn tal-aħħar fil-punti 187 sa 193 ta’ dik is-sentenza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">F’dan ir-rigward, għandu jitfakkar li, skont ġurisprudenza stabbilita sew tal-Qorti tal-Ġustizzja, il-Qorti Ġenerali hija l-unika qorti li tista’ tiddeċiedi dwar in-neċessità eventwali li tiġi kkompletata l-informazzjoni li jkollha għad-dispożizzjoni tagħha dwar il-kawżi li jkollha quddiemha (sentenza tal‑4 ta’ Marzu 2021, Liaño Reig vs SRB, C‑947/19 P, EU:C:2021:172, punt 98 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">Għaldaqstant, l-appellant ma jistax jikkontesta utilment, fl-istadju ta’ dan l-appell, id-deċiżjoni tal-Qorti Ġenerali li ma adottatx il-miżuri ta’ organizzazzjoni tal-proċedura li tagħhom huwa ssuġġerixxa l-adozzjoni fis-sottomissjonijiet bil-miktub tiegħu fl-ewwel istanza.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">Fir-rigward tal-ewwel parti tal-ewwel aggravju, ibbażata, essenzjalment, fuq l-iżball ta’ liġi allegatament imwettaq mill-Qorti Ġenerali meta eskludiet l-eżistenza ta’ dubju leġittimu fir-rigward tal-imparzjalità oġġettiva tal-investigatur, għandu jitfakkar li, skont ġurisprudenza stabbilita, l-istituzzjonijiet, il-korpi u l-organi tal-Unjoni huma obbligati jirrispettaw id-drittijiet fundamentali ggarantiti mid-dritt tal-Unjoni, li fosthom hemm id-dritt għal amministrazzjoni tajba, stabbilit fl-Artikolu 41 tal-Karta. Dan l-artikolu jipprovdi b’mod partikolari li kull persuna għandha d-dritt li dak kollu li jirrigwardaha jiġi ttrattat b’mod imparzjali minn dawn l-istituzzjonijiet, korpi u organi tal-Unjoni (ara, f’dan is-sens, is-sentenza tal‑11 ta’ Jannar 2024, Hamers vs Cedefop, C‑111/22 P, EU:C:2024:5, punti 44 u 45 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">F’dan ir-rigward, il-Qorti tal-Ġustizzja ppreċiżat li r-rekwiżit ta’ imparzjalità, impost fuq l-istituzzjonijiet, il-korpi u l-organi fit-twettiq tal-kompiti tagħhom, huwa intiż li jiżgura l-ugwaljanza fit-trattament li hija l-bażi tal-Unjoni. Dan ir-rekwiżit huwa intiż, b’mod partikolari, li jiġu evitati sitwazzjonijiet ta’ kunflitt ta’ interessi eventwali fir-rigward ta’ uffiċjali u ta’ aġenti li jaġixxu għan-nom ta’ dawn l-istituzzjonijiet, il-korpi u l-organi. Fid-dawl tal-importanza fundamentali tal-garanzija ta’ indipendenza u ta’ integrità f’dak li jirrigwarda kemm il-funzjonament intern kif ukoll l-immaġini esterna tal-istituzzjonijiet, tal-korpi u tal-organi tal-Unjoni, ir-rekwiżit ta’ imparzjalità jkopri kull ċirkustanza li l-uffiċjal jew il-membru tal-persunal li għandu jiddeċiedi dwar kwistjoni għandu raġonevolment jifhem li tista’ tidher, f’għajnejn terzi, li tista’ taffettwa l-indipendenza tiegħu fil-qasam (sentenza tal‑11 ta’ Jannar 2024, Hamers vs Cedefop, C‑111/22 P, EU:C:2024:5, punt 46 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Dan ir-rekwiżit ta’ imparzjalità jinkludi komponent suġġettiv, li ebda membru tal-istituzzjoni kkonċernata ma għandu juri li ħa pożizzjoni jew li għandu preġudizzju personali, u komponent oġġettiv. Konformement ma’ dan il-komponent tal-aħħar, invokat mill-appellant, kull istituzzjoni, korp u organu tal-Unjoni għandu joffri garanziji suffiċjenti sabiex jiġi eskluż kull dubju leġittimu dwar eventwali preġudizzju (sentenza tal‑14 ta’ Marzu 2024, D &amp; A Pharma vs Il-Kummissjoni u EMA, C‑291/22 P, EU:C:2024:228, punt 73 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">B’mod partikolari, sabiex jintwera li l-organizzazzjoni tal-proċedura amministrattiva ma toffrix garanziji suffiċjenti sabiex jiġi eskluż kull dubju leġittimu dwar eventwali preġudizzju, ma huwiex meħtieġ li tiġi stabbilita l-eżistenza ta’ nuqqas ta’ imparzjalità. Huwa biżżejjed li jkun jeżisti dubju leġittimu f’dan ir-rigward u li ma jkunx jista’ jitneħħa (sentenza tal‑11 ta’ Jannar 2024, Hamers vs Cedefop, C‑111/22 P, EU:C:2024:5, punt 47 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Minn dan isegwi li ma tistax tiġi meħtieġa min-naħa tal-persuni li l-każijiet tagħhom huma trattati minn istituzzjoni, korp jew organu tal-Unjoni, li huma jipproduċu, insostenn tal-argument tagħhom li r-rekwiżit ta’ imparzjalità oġġettiva ma ġiex osservat matul proċedura amministrattiva, il-prova ta’ indizji konkreti ta’ parzjalità. Fil-fatt, l-imparzjalità oġġettiva għandha tiġi evalwata indipendentement mill-aġir speċifiku tal-persuna kkonċernata (sentenza tal‑14 ta’ Marzu 2024, D &amp; A Pharma vs Il‑Kummissjoni u EMA, C‑291/22 P, EU:C:2024:228, punt 80).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Billi, essenzjalment, fakkret din il-ġurisprudenza fil-punt 186 tas-sentenza appellata, il-Qorti Ġenerali ddeċidiet, fil-punt 187 ta’ dik is-sentenza, li l-appellant ma kienx stabbilixxa li r-relazzjoni eżistenti bejn il-FRA u l-investigatur setgħet toħloq dubju leġittimu dwar l-imparzjalità oġġettiva tal-investigatur. F’dan ir-rigward, il-Qorti Ġenerali rrilevat, fil-punti 188 sa 191 tal-imsemmija sentenza, li, l-ewwel, mill-provi prodotti mill-appellant kien isegwi li l-investigatur kellu relazzjoni ta’ xogħol mhux mal-FRA, iżda mal-Kummissjoni Ewropea, it-tieni, li l-provi prodotti mill-appellant dwar il-kwalità ta’ konsulent legali tal-FRA tal-investigatur ma kinux biżżejjed sabiex isostnu dubju leġittimu dwar l-eżistenza ta’ preġudizzju eventwali, b’mod partikolari minħabba l-fatt li r-rwol tal-investigatur kien limitat għal dak ta’ konsulent estern, u, it-tielet, fir-rigward tal-interessi finanzjarji eżistenti bejn l-investigatur u l-FRA, li l-ammont tal-kuntratti konklużi bejniethom kien raġonevoli u ġġustifikat fid-dawl tal-kwantità ta’ xogħol meħtieġa għat-twettiq ta’ dawn il-kompiti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">għandu jitfakkar li, konformement mal-ġurisprudenza stabbilita tal-Qorti tal-Ġustizzja, mit-tieni subparagrafu tal-Artikolu 256(1) TFUE u mill-ewwel paragrafu tal-Artikolu 58 tal-Istatut tal-Qorti tal-Ġustizzja tal-Unjoni Ewropea jirriżulta li l-Qorti Ġenerali hija l-unika li għandha l-kompetenza, minn naħa, li tikkonstata l-fatti, ħlief fil-każ fejn l-ineżattezza materjali tal-osservazzjonijiet tagħha tirriżulta mill-atti tal-proċess li jkunu ġew ippreżentati quddiemha, u, min-naħa l-oħra, li tevalwa dawn il-fatti. Minn dan isegwi li l-evalwazzjoni tal-fatti ma tikkostitwixxix, ħlief fil-każ ta’ żnaturament tal-provi prodotti quddiem il-Qorti Ġenerali, kwistjoni ta’ liġi suġġetta, bħala tali, għall-istħarriġ tal-Qorti tal-Ġustizzja (sentenza tal‑25 ta’ April 2024, NS vs Il‑Parlament, C‑218/23 P, EU:C:2024:358, punt 58 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Ikun hemm tali żnaturament meta, mingħajr ma jsir riferiment għal provi ġodda, l-evalwazzjoni tal-provi eżistenti tkun tidher li hija manifestament żbaljata jew manifestament kuntrarja għall-formulazzjoni tagħha. Madankollu, dan l-iżnaturament għandu joħroġ b’mod manifest mill-atti tal-proċess, mingħajr ma jkun neċessarju li ssir evalwazzjoni ġdida tal-fatti u tal-provi. Barra minn hekk, meta appellant jallega żnaturament tal-provi, huwa għandu jindika b’mod preċiż il-provi li allegatament ġew żnaturati mill-Qorti Ġenerali u għandu juri l-iżbalji fl-analiżi li, fl-evalwazzjoni tiegħu, wassluha għal dan l-iżnaturament (sentenzi tas‑27 ta’ April 2023, Fondazione Cassa di Risparmio di Pesaro et vs Il‑Kummissjoni, C‑549/21 P, EU:C:2023:340, punt 74 kif ukoll il-ġurisprudenza ċċitata, u tal‑11 ta’ Jannar 2024, Foz vs Il‑Kunsill, C‑524/22 P, EU:C:2024:23, punt 38 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">Minn dan isegwi li l-ewwel aggravju għandu jiġi miċħud bħala inammissibbli, sa fejn, permezz tal-argumenti tiegħu, l-appellant isostni li l-provi mressqa quddiem il-Qorti Ġenerali kienu ta’ natura, sa fejn dawn juru r-rwol ta’ konsulent legali tal-FRA li kellu l-investigatur u l-ammont għoli ta’ remunerazzjonijiet li ngħatawlu mill-FRA fil-kuntest tal-kuntratti ta’ konsulenza esterna konklużi bejniethom, li jqajmu dubju leġittimu dwar l-imparzjalità oġġettiva ta’ dan l-investigatur. Fil-fatt, permezz ta’ tali argument, l-appellant irid jikseb evalwazzjoni ġdida ta’ dawn il-provi. Għalkemm huwa minnu li l-appellant jikkritika formalment lill-Qorti Ġenerali li żnaturat uħud mill-imsemmija provi, b’mod partikolari dawk dwar il-kwalità ta’ konsulent legali tal-FRA tal-investigatur, għandu jiġi kkonstatat li, bl-iskuża ta’ allegazzjoni ta’ żnaturament, l-appellant fil-fatt qiegħed jipprova jikseb eżami mill-ġdid tal-argumenti diġà mressqa f’dan ir-rigward fl-ewwel istanza, mingħajr madankollu ma jesponi kif il-Qorti Ġenerali wettqet evalwazzjoni manifestament ineżatta tal-fatti u tal-provi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Barra minn hekk, sa fejn, permezz tal-ewwel aggravju, l-appellant jikkritika lill-Qorti Ġenerali li wettqet żball ta’ liġi, fil-punt 191 tas-sentenza appellata, meta ma kkunsidratx li s-sempliċi fatt tal-eżistenza ta’ relazzjoni finanzjarja bejn l-investigatur u l-FRA kien biżżejjed, indipendentement mill-ammont tar-remunerazzjonijiet imħallsa, sabiex jitnissel dubju leġittimu dwar l-imparzjalità oġġettiva ta’ dan l-investigatur, l-argument tiegħu għandu jiġi miċħud bħala infondat. Fil-fatt, dan is-sempliċi fatt ma huwiex biżżejjed sabiex joħloq sitwazzjoni ta’ kunflitt ta’ interessi f’investigatur ta’ natura li jivvizzja l-proċedura dixxiplinari, għaliex inkella l-istituzzjoni, il-korp jew l-organu tal-Unjoni kkonċernat jiġi mċaħħad mill-possibbiltà li jirrikorri għall-istess investigatur fil-kuntest ta’ missjonijiet differenti. Barra minn hekk, l-ebda kunflitt ta’ interess ma jista’ jirriżulta mill-fatt li investigatur diġà wettaq attivitajiet ta’ konsulenza esterna għall-FRA meta dawn l-attivitajiet l-oħra ma jikkonċernawx is-suġġett tal-investigazzjoni inkwistjoni. Issa, mill-punti 189 u 190 tas-sentenza appellata ma jirriżultax li dan huwa l-każ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">Fl-aħħar, sa fejn l-appellant jikkritika lill-Qorti Ġenerali li ddeċidiet, fil-punt 192 tas-sentenza appellata, li din il-kawża ma hijiex analoga għal dik li tat lok għas-sentenza tat‑18 ta’ Settembru 2012, Allgeier vs FRA (F‑58/10, EU:F:2012:130), l-argument tiegħu għandu jiġi miċħud bħala ineffettiv, peress li, minn naħa, is-sempliċi fatt li l-Qorti Ġenerali ma warrbitx, skont il-każ, fis-sentenza appellata, is-soluzzjoni adottata f’sentenza mogħtija mit-Tribunal għas-Servizz Pubbliku ma jistax jikkostitwixxi żball ta’ liġi u, min-naħa l-oħra, dan il-motiv huwa ta’ natura superfluwa.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Minn dan isegwi li l-ewwel aggravju tal-appell għandu jiġi miċħud.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it‑tieni aggravju</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">L‑argumenti tal‑partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Permezz tat-tieni aggravju tiegħu, l-appellant jilmenta, essenzjalment, li l-Qorti Ġenerali wettqet, fil-punti 67 sa 98 tas-sentenza appellata, diversi żbalji ta’ liġi, żnaturament tal-provi u żbalji manifesti ta’ evalwazzjoni fil-kuntest tal-eżami tagħha tal-aġir ikkritikat lill-appellant mill-FRA, jiġifieri li wettaq “plaġjariżmu” sabiex ifassal l-espożizzjoni inkwistjoni, u li ma pprovdietx motivazzjoni suffiċjenti f’dan ir-rigward.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">L-ewwel, huwa jikkritika, essenzjalment, l-interpretazzjoni tal-kunċett ta’ “plaġjariżmu” adottata mill-Qorti Ġenerali fil-punti 58 sa 61, 70, 72, 79 u 81 tas-sentenza appellata. F’dan ir-rigward, minn naħa, il-Qorti Ġenerali pproponiet definizzjoni nieqsa minn rilevanza legali ta’ kelma li ma taqax taħt id-dritt tal-Unjoni, iżda pjuttost taħt il-lingwaġġ ta’ kuljum, sabiex tużaha sabiex tevalwa u tikkundanna l-aġir tal-appellant, filwaqt li l-evalwazzjoni tal-aġir tal-appellant kellha ssir biss fid-dawl tal-obbligi li jirriżultaw mir-Regolamenti tal-Persunal.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Min-naħa l-oħra, il-Qorti Ġenerali rreferiet b’mod żbaljat, fil-punt 60 tas-sentenza appellata, għall-konklużjonijiet tal-Avukat Ġenerali Szpunar fil-kawża Pelham et (C‑476/17, EU:C:2018:1002), dwar l-interpretazzjoni tal-portata tal-eċċezzjoni msejħa ta’ “kwotazzjoni” prevista mid-Direttiva 2001/29 KE tal-Parlament Ewropew u tal-Kunsill tat‑22 ta’ Mejju 2001 dwar l-armonizzazzjoni ta’ ċerti aspetti ta’ drittijiet ta’ l-awtur u drittijiet relatati fis-soċjetà ta’ l-informazzjoni (ĠU Edizzjoni Speċjali bil-Malti, Kapitolu 17, Vol. 1, p. 230), li tippermetti li ssir distinzjoni bejn il-kwotazzjonijiet legali u l-ksur tad-drittijiet tal-awtur, li ma jistgħux ikunu rilevanti f’dan il-każ. L-appellant isostni, f’dan ir-rigward, li d-Direttiva 2001/29 tikkonċerna l-armonizzazzjoni ta’ ċerti aspetti tad-drittijiet tal-awtur. Barra minn hekk, mill-kliem u mill-kuntest ta’ dawn il-konklużjonijiet isegwi li l-kelma “plaġjariżmu” li tinsab fihom tirreferi għal ksur tad-drittijiet tal-awtur fil-kuntest tal-qbiż tal-limiti tal-eċċezzjoni ta’ kwotazzjoni. Issa, il-FRA tikkunsidra hija stess li l-leġiżlazzjoni fil-qasam tad-drittijiet tal-awtur ma għandhiex importanza kbira fil-kuntest ta’ din il-kawża. Barra minn hekk, l-appellant isostni li l-perspettiva żviluppata fil-kuntest tal-imsemmija konklużjonijiet hija rilevanti biss jekk it-testi kkopjati huma protetti mil-leġiżlazzjoni fil-qasam tad-drittijiet tal-awtur fl-Awstrija. Għaldaqstant, is-sentenza appellata hija vvizzjata bi żball ta’ liġi ieħor, peress li l-Qorti Ġenerali kkunsidrat b’mod żbaljat, fil-punt 81 ta’ dik is-sentenza, li d-dritt nazzjonali applikabbli fil-qasam tad-drittijiet tal-awtur ma kienx rilevanti f’dak il-każ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">It-tieni, huwa jsostni li l-Qorti Ġenerali tidher li ċaħdet b’mod żbaljat l-applikabbiltà tal-Artikolu 11 tal-Karta. Issa, billi jagħmel riferiment għall-ġurisprudenza tal-Qorti Ewropea tad-Drittijiet tal-Bniedem, l-appellant isostni li l-libertà tal-espressjoni tapplika għar-riċezzjoni u għall-komunikazzjoni tal-informazzjoni u tal-ideat kollha, mingħajr kunsiderazzjoni tal-kontenut tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">L-appellant jallega, f’dan ir-rigward, li l-Qorti Ġenerali wettqet żball ta’ liġi, fil-punt 57 tas-sentenza appellata, meta għamlet riferiment għall-formulazzjoni tal-opinjoni konsultattiva tal-Bord Dixxiplinari, filwaqt li l-formulazzjoni tad-deċiżjoni tal-Awtorità tal-Ħatra biss hija rilevanti sabiex tiġi evalwata l-legalità ta’ dik id-deċiżjoni. Barra minn hekk, il-kunsiderazzjonijiet tal-Qorti Ġenerali li jinsabu fil-punti 90, 91 u 97 tas-sentenza appellata, li jipprovdu, essenzjalment, li l-obbligu li jissemmew is-sorsi ma jistax jitqies li jikkostitwixxi restrizzjoni eċċessiva għal-libertà tal-espressjoni, huma vvizzjati bi żball ta’ liġi, sa fejn, skont il-ġurisprudenza tal-Qorti Ewropea tad-Drittijiet tal-Bniedem, ksur tal-libertà tal-espressjoni jista’ jirriżulta wkoll mill-fatt li formalitajiet, kundizzjonijiet, restrizzjonijiet jew sanzjonijiet jiġu imposti fuq il-persuna kkonċernata. Issa, l-obbligu li jiġu żvelati s-sorsi huwa formalità jew kundizzjoni marbuta mal-eżerċizzju tal-libertà ta’ espressjoni u ta’ informazzjoni. Għalhekk, il-Qorti Ġenerali naqset milli twettaq l-obbligu li jirriżulta mill-Artikolu 52(3) tal-Karta li jgħid li l-qrati tal-Unjoni għandhom jieħdu inkunsiderazzjoni l-ġurisprudenza tal-Qorti Ewropea tad-Drittijiet tal-Bniedem meta jinterpretaw il-Karta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Il-Qorti Ġenerali lanqas ma ħadet inkunsiderazzjoni s-sentenza tal-Qorti Ewropea tad-Drittijiet tal-Bniedem tal‑25 ta’ Novembru 1999, Hashman u Harrup vs Ir‑Renju Unit (CE:ECHR:1999:1125JUD 002559494), fir-rigward tal-interpretazzjoni tar-rekwiżit, imsemmi fl-Artikolu 52(1) tal-Karta, li kull limitazzjoni fl-eżerċizzju tad-drittijiet u tal-libertajiet irrikonoxxuti minnha għandha tkun “prevista mil-liġi”. Il-Qorti Ġenerali injorat dan l-argument tal-appellant u għalhekk ma weġbitx b’mod adegwat, b’tali mod li s-sentenza appellata ma hijiex motivata b’mod suffiċjenti fid-dritt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Skont l-appellant, meta huwa fassal u kkondivida l-espożizzjoni kontenzjuża, huwa kien kopert mil-libertà ta’ espressjoni u ta’ informazzjoni ggarantita mill-Artikolu 11 tal-Karta. Issa, minn naħa, mill-ġurisprudenza tal-Qorti Ewropea tad-Drittijiet tal-Bniedem jirriżulta li tkeċċija għal raġuni dixxiplinari tista’ tikser tali libertà u, min-naħa l-oħra, il-kundizzjonijiet ta’ limitazzjoni valida għaliha, konformement mal-Artikolu 52(1) tal-Karta, ma humiex issodisfatti f’dan il-każ. Għaldaqstant, il-Qorti Ġenerali naqset milli tinterpreta l-Artikolu 11 tal-Karta fid-dawl tal-ġurisprudenza tal-Qorti Ewropea tad-Drittijiet tal-Bniedem, konformement mal-obbligu li jirriżulta mill-Artikolu 52(3) tal-Karta, billi ma spjegatx kif l-aġir li bih huwa akkużat l-appellant, li għandu jiġi protett mill-Artikolu 11 tal-Karta, u li ma huwa suġġett għal ebda limitazzjoni legali valida, kellu jitqies bħala mhux xieraq u sanzjonabbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">47</p>
</td>
<td valign="top">
<p class="normal">It-tielet, fir-rigward ta’ din l-assenza ta’ limitazzjoni legali valida, fis-sentenza appellata kollha u, b’mod iktar partikolari, fil-punti 67 sa 69 u 95 sa 98 tagħha, il-Qorti Ġenerali tat interpretazzjoni żbaljata tal-Artikoli 11, 12 u 21 tar-Regolamenti tal-Persunal. L-appellant jargumenta, f’dan ir-rigward, li l-Qorti Ġenerali injorat il-kuntest li joħroġ mir-riforma tar-Regolamenti tal-Persunal tal‑2004, li ħadet inkunsiderazzjoni tal-libertà ta’ espressjoni stabbilita fl-Artikolu 11 tal-Karta u tal-ġurisprudenza tal-Qorti Ewropea tad-Drittijiet tal-Bniedem dwar l-Artikolu 52 tagħha. Fil-fatt, l-Artikolu 11 tal-Karta mmotiva r-riforma tal-Artikolu 17 tar-Regolamenti tal-Persunal u l-inklużjoni tal-Artikolu 17a fihom, inkwantu d-dispożizzjonijiet ġenerali tal-Artikoli 11, 12 u 21 tar-Regolamenti tal-Persunal ma kinux ċari u preċiżi biżżejjed dwar il-limitazzjonijiet magħmula għal-libertà tal-espressjoni tal-uffiċjal jew tal-membru tal-persunal tal-Unjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">48</p>
</td>
<td valign="top">
<p class="normal">Ir-raba’, dejjem skont l-appellant, il-Qorti Ġenerali wettqet żball ta’ liġi, żnaturat il-provi u għamlet motivazzjoni insuffiċjenti fil-punti 72 u 218 tas-sentenza appellata. F’dan ir-rigward, l-appellant jargumenta li, ċertament, il-FRA għandha regoli interni fil-qasam ta’ modifikar u ta’ produzzjoni tar-riżultati ta’ riċerka. Madankollu, dawn ir-regoli jiggarantixxu referenza korretta fi stadju ulterjuri għall-ewwel abbozz ta’ xogħol ta’ riċerka, bħalma kien il-każ tal-espożizzjoni kontenzjuża. L-appellant isostni li, kuntrarjament għal dak li jsegwi, essenzjalment, mill-punti 73, 74 u 95 tas-sentenza appellata, il-fatt li ma inkludiex riferimenti u noti ta’ qiegħ il-paġna f’dan l-“ewwel abbozz” li kien jikkostitwixxi l-espożizzjoni kontenzjuża, ipprovduta bħala ħarsa ġenerali tal-istruttura u tal-kontenut tax-xogħol ta’ riċerka li kien mitlub iwettaq, ma jistax jitqies bħala aġir mhux xieraq jew att żleali min-naħa tiegħu. L-appellant ikkonforma ruħu mar-regoli interni tal-FRA u għalhekk ma jistax jiġi ssanzjonat f’dan ir-rigward.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">49</p>
</td>
<td valign="top">
<p class="normal">Il-FRA teċċepixxi, essenzjalment, l-inammissibbiltà tal-argumenti mqajma mill-appellant fil-kuntest tat-tieni aggravju u, fi kwalunkwe każ, tqishom manifestament infondati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑kunsiderazzjonijiet tal‑Qorti tal‑Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">50</p>
</td>
<td valign="top">
<p class="normal">Fl-ewwel lok, fir-rigward tal-argument tal-appellant dwar l-interpretazzjoni, mill-Qorti Ġenerali, tal-kunċett ta’ “plaġjariżmu”, u li jirrigwarda essenzjalment il-kunsiderazzjonijiet li jinsabu fil-punti 58 sa 61, 70, 72, 79 u 81 tas-sentenza appellata, għandu jiġi rrilevat li tali argument ma jistax jintlaqa’.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">51</p>
</td>
<td valign="top">
<p class="normal">Ċertament, bħalma jsostni ġustament l-appellant, il-kunċett ta’ “plaġjariżmu” ma huwiex kunċett tad-dritt tal-Unjoni u l-kwistjonijiet dwar id-drittijiet tal-awtur jaqgħu, bħala prinċipju, taħt id-dritt tal-Istati Membri.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">52</p>
</td>
<td valign="top">
<p class="normal">Madankollu, f’dan il-każ, bħalma jsegwi b’mod partikolari mill-punti 55 u 56 tas-sentenza appellata, li ma ġewx ikkritikati mill-appellant fil-kuntest ta’ dan l-appell, il-Qorti Ġenerali qieset li, sabiex tingħata risposta għall-ewwel parti tal-ewwel motiv tar-rikors fl-ewwel istanza, ibbażata fuq il-fatt li l-plaġjariżmu ma kienx jikkostitwixxi ksur tar-Regolamenti tal-Persunal, kellu jittieħed inkunsiderazzjoni l-fatt li l-prinċipju ta’ ċertezza legali jeżiġi li r-regoli ta’ dritt ikunu ċari, preċiżi u prevedibbli fl-effetti tagħhom, b’mod partikolari meta dawn jista’ jkollhom konsegwenzi sfavorevoli fuq l-individwi. F’dawn iċ-ċirkustanzi, il-Qorti Ġenerali qieset, ġustament, li, sabiex jiġi ddeterminat jekk l-aġir li bih huwa akkużat l-appellant setax jiġi ssanzjonat b’mod validu bħala ksur tal-Artikoli 11, 12 u 21 tar-Regolamenti tal-Persunal, applikabbli għall-membri tal-persunal temporanju bis-saħħa tal-ewwel paragrafu tal-Artikolu 11 tal-Kundizzjonijiet tal-impjieg, u jekk l-appellant kienx f’pożizzjoni li jkun jaf b’eżattezza l-portata tal-obbligi li r-Regolamenti tal-Persunal jimponulu fir-rigward tal-aġir ikkritikat, kien neċessarju li tiġi ddefinita n-natura ta’ dan l-aġir.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">53</p>
</td>
<td valign="top">
<p class="normal">L-istess jgħodd fir-rigward tal-kritika, mill-appellant, tal-punt 57 tas-sentenza appellata, peress li l-Qorti Ġenerali affermat biss fl-imsemmi punt li kienet teżisti differenza fil-formulazzjoni, minn naħa, tad-deċiżjoni ta’ revoka, li fiha l-FRA kienet ikkonstatat li l-appellant kien wettaq plaġjariżmu, u, min-naħa l-oħra, tal-opinjoni tal-Bord Dixxiplinari, li l-aġir li bih huwa akkużat l-appellant, inkompatibbli mal-Artikoli 11, 12 u 21 tar-Regolamenti tal-Persunal, kien jikkonsisti, essenzjalment, fi preżentazzjoni delibera ta’ dokument li jirriżulta minn ikkopjar bħala r-riżultat tax-xogħol tiegħu stess. Għalhekk, wara li identifikat l-għan tal-eżami tagħha, il-Qorti Ġenerali, fil-punti 58 sa 76 tas-sentenza appellata, evalwat il-kwistjoni dwar jekk l-aġir li bih huwa akkużat l-appellant, jiġifieri l-preżentazzjoni delibera ta’ dokument, li fil-parti l-kbira tiegħu jirriżulta minn ikkopjar, bħala r-riżultat ta’ xogħlu stess, kienx jaqa’ taħt il-kunċett ta’ “plaġjariżmu” li għalih kienet tagħmel riferiment id-deċiżjoni ta’ revoka u, għaldaqstant, setax jikkostitwixxi ksur tal-obbligi li joħorġu mill-Artikoli 11, 12 u 21 tar-Regolamenti tal-Persunal.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">54</p>
</td>
<td valign="top">
<p class="normal">Barra minn hekk, il-Qorti Ġenerali ddeċidiet ġustament, fil-punt 80 tas-sentenza appellata, li, meta uffiċjal ma jikkonformax ruħu mal-obbligi li jirriżultaw mir-Regolamenti tal-Persunal, il-fatt li jaġixxi b’mod konformi mal-liġi nazzjonali ma jagħtix lill-persuna kkonċernata immunità fir-rigward tal-applikazzjoni tad-dispożizzjonijiet tar-Regolamenti tal-Persunal. Huwa għalhekk ġustament, u mingħajr ma twettaq żnaturament tal-fatti, li l-Qorti Ġenerali setgħet tikkunsidra, fil-punt 81 tas-sentenza appellata, li, mill-perspettiva tad-dispożizzjonijiet tar-Regolamenti tal-Persunal, ir-riferimenti għad-dritt Awstrijak ma kinux rilevanti f’dan il-każ, b’tali mod li ma kienx hemm lok li tiġi eżaminata l-portata ta’ dan id-dritt.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">55</p>
</td>
<td valign="top">
<p class="normal">Fit-tieni lok, l-ilment ibbażat fuq il-kwistjoni li l-Qorti Ġenerali ċaħdet b’mod żbaljat, fil-punti 90 u 91 tas-sentenza appellata, l-argument tal-appellant li l-FRA pprekludietu milli jeżerċita, b’mod assolut, id-dritt tiegħu għal-libertà tal-espressjoni ggarantit mill-Artikolu 11 tal-Karta u naqset milli tanalizza, fil-punti 86 sa 98 ta’ dik is-sentenza, l-argumenti bbażati fuq ksur tal-Artikolu 52(1) u (3) tal-Karta, huwa bbażat ukoll fuq qari żbaljat tas-sentenza appellata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">56</p>
</td>
<td valign="top">
<p class="normal">Fil-fatt, kuntrarjament għal dak li jsostni l-appellant, il-Qorti Ġenerali, fl-ebda punt tas-sentenza appellata, ma kkonstatat li l-kontenut tal-espożizzjoni kontenzjuża ma kienx kopert mil-libertà ta’ espressjoni, b’tali mod li kien hemm lok li tiġi eskluża l-applikazzjoni tal-Artikolu 11 tal-Karta u lanqas, a fortiori, ma qieset li sanzjoni dixxiplinari minħabba plaġjariżmu ma tistax titqies, jekk ikun il-każ, bħala restrizzjoni għal din il-libertà u, għaldaqstant, ma għandhiex tkun prevista mil-liġi, konformement mal-kundizzjoni stabbilita fl-Artikolu 52(1) tal-Karta.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">57</p>
</td>
<td valign="top">
<p class="normal">Għall-kuntrarju, bħalma jsegwi, b’mod partikolari, mill-punti 86 sa 94 tas-sentenza appellata, il-Qorti Ġenerali qieset li, skont l-ewwel paragrafu tal-Artikolu 11 tal-Karta, id-dritt għal-libertà tal-espressjoni jinkludi l-libertà ta’ opinjoni u l-libertà li wieħed jirċievi jew jikkomunika informazzjoni jew ideat mingħajr indħil minn awtoritajiet pubbliċi u indipendentement mill-fruntieri. Hija ddeċidiet ukoll li, bħalma jirriżulta mill-Artikolu 52(1) tal-Karta, sabiex titqies bħala konformi mad-dritt tal-Unjoni, limitazzjoni għal dan id-dritt għandha tkun “prevista mil-liġi”, għandu jkollha għan ta’ interess ġenerali, irrikonoxxut bħala tali mill-Unjoni, u ma għandhiex tkun eċċessiva. F’dan ir-rigward, il-Qorti Ġenerali qieset, ġustament, li l-Artikoli 11, 12 u 21 tar-Regolamenti tal-Persunal jikkostitwixxu restrizzjonijiet leġittimi għall-eżerċizzju tal-imsemmi dritt, fis-sens tal-Artikolu 52(1) tal-Karta, u li din il-limitazzjoni ma tistax titqies li hija eċċessiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">58</p>
</td>
<td valign="top">
<p class="normal">Barra minn hekk, inkwantu l-appellant isostni li l-Qorti Ġenerali naqset milli tanalizza l-konsegwenzi tas-sentenza tal-Qorti EDB tal‑25 ta’ Novembru 1999, Hashman u Harrup vs Ir‑Renju Unit (CE:ECHR:1999:1125JUD 002559494), għandu jitfakkar li aggravju bbażat fuq nuqqas ta’ risposta mill-Qorti Ġenerali għal argumenti invokati fl-ewwel istanza jammonta, essenzjalment, għal invokazzjoni ta’ ksur tal-obbligu ta’ motivazzjoni li jirriżulta mill-Artikolu 36 tal-Istatut tal-Qorti tal-Ġustizzja tal-Unjoni Ewropea, applikabbli għall-Qorti Ġenerali bis-saħħa tal-ewwel paragrafu tal-Artikolu 53 ta’ dan l-Istatut, u tal-Artikolu 117 tar-Regoli tal-Proċedura tal-Qorti Ġenerali (sentenza tad‑9 ta’ Novembru 2023, XC vs Il‑Kummissjoni, C‑527/21 P, EU:C:2023:850, punt 98 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">59</p>
</td>
<td valign="top">
<p class="normal">Issa, l-obbligu ta’ motivazzjoni ma jimponix fuq il-Qorti Ġenerali l-obbligu li tipprovdi espożizzjoni li, b’mod eżawrjenti u wieħed wieħed, issegwi r-raġunamenti kollha fformulati mill-partijiet fil-kawża, u għalhekk il-motivazzjoni tal-Qorti Ġenerali tista’ tkun impliċita, bil-kundizzjoni li tippermetti lill-partijiet ikkonċernati li jkunu jafu r-raġunijiet li għalihom il-Qorti Ġenerali ma laqgħetx l-argumenti tagħhom u tippermetti lill-Qorti tal-Ġustizzja li jkollha elementi suffiċjenti sabiex teżerċita l-istħarriġ tagħha (sentenza tad‑9 ta’ Novembru 2023, XC vs Il‑Kummissjoni, C‑527/21 P, EU:C:2023:850, punt 99 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">60</p>
</td>
<td valign="top">
<p class="normal">F’dan il-każ, fir-rikors tiegħu fl-ewwel istanza, l-appellant sostna li restrizzjoni għad-dritt fundamentali tal-libertà tal-espressjoni “prevista mil-liġi”, fis-sens tal-Artikolu 52(1) tal-Karta, teżiġi ċertu grad ta’ ċarezza u ta’ prevedibbiltà tal-liġi inkwistjoni. Huwa sostna, f’dan ir-rigward, li mis-sentenza tal-Qorti EDB tal‑25 ta’ Novembru 1999, Hashman u Harrup vs Ir‑Renju Unit (CE:ECHR:1999:1125JUD 002559494) kien jirriżulta li ma tistax titqies bħala “liġi”, fis-sens ta’ din id-dispożizzjoni tal-Karta, regola partikolarment impreċiża u li ma tagħtix indikazzjonijiet lill-persuna kkonċernata fir-rigward tat-tip ta’ aġir li jkun jikser l-ordni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">61</p>
</td>
<td valign="top">
<p class="normal">Issa, wara li fakkret il-ġurisprudenza tal-Qorti Ewropea tad-Drittijiet tal-Bniedem li tgħid li regola ma tistax validament timponi restrizzjonijiet għal-libertà tal-espressjoni jekk din ma tkunx artikolata bi preċiżjoni suffiċjenti sabiex iċ-ċittadin ikun jista’ jirregola l-aġir tiegħu, kif barra minn hekk jitlob ukoll il-prinċipju ta’ ċertezza legali, il-Qorti Ġenerali ddeċidiet, fil-punti 94 sa 98 tas-sentenza appellata, li l-Artikoli 11, 12 u 21 tar-Regolamenti tal-Persunal kienu jikkostitwixxu limitazzjonijiet legali suffiċjentement preċiżi tad-dritt għal-libertà tal-espressjoni. Għaldaqstant, il-Qorti Ġenerali ma tistax tiġi kkritikata li kisret l-obbligu ta’ motivazzjoni f’dan ir-rigward.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">62</p>
</td>
<td valign="top">
<p class="normal">Għalhekk, sa fejn l-appellant jikkritika lill-Qorti Ġenerali li wettqet ksur tal-obbligu ta’ motivazzjoni impost fuqha, l-argumenti li huwa jressaq f’dan is-sens għandhom jitqiesu bħala infondati.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">63</p>
</td>
<td valign="top">
<p class="normal">Fit-tielet lok, fir-rigward tal-argument li l-Qorti Ġenerali wettqet, fil-punti 67 sa 69 u 95 sa 98 tas-sentenza appellata, interpretazzjoni żbaljata tal-Artikoli 11, 12 u 21 tar-Regolamenti tal-Persunal bħala dispożizzjonijiet li jistabbilixxu limitazzjoni tad-dritt għal-libertà tal-espressjoni, għandu jitfakkar li l-Artikolu 17a(1) tar-Regolamenti tal-Persunal jirrikonoxxi espressament dan id-dritt lill-uffiċjal jew lill-membru tal-persunal tal-Unjoni, fil-limiti tal-osservanza stretta tal-prinċipji ta’ lealtà u ta’ imparzjalità.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">64</p>
</td>
<td valign="top">
<p class="normal">F’dan ir-rigward, mill-ġurisprudenza tal-Qorti tal-Ġustizzja jirriżulta li għandu jittieħed inkunsiderazzjoni l-fatt li, meta l-libertà tal-espressjoni tal-uffiċjali tkun inkwistjoni, id-dmirijiet u r-responsabbiltajiet tagħhom għandhom importanza partikolari li tiġġustifika li l-istituzzjoni jew il-korp tal-Unjoni kkonċernat jingħata ċertu marġni ta’ evalwazzjoni sabiex jiddeċiedi jekk l-indħil fl-eżerċizzju ta’ din il-libertà huwiex proporzjonat (sentenza tas‑6 ta’ Marzu 2001, Connolly vs Il‑Kummissjoni, C‑274/99 P, EU:C:2001:127, punt 49).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">65</p>
</td>
<td valign="top">
<p class="normal">B’mod iktar partikolari, l-obbligu ta’ lealtà, stabbilit fl-Artikolu 12 tar-Regolamenti tal-Persunal, jimponi mhux biss li l-uffiċjal ikkonċernat jastjeni minn kondotti li jippreġudikaw id-dinjità tal-kariga u r-rispett dovut lill-istituzzjoni u lill-awtoritajiet tagħha, imma wkoll, speċjalment jekk huwa jkollu grad għoli, li huwa juri aġir li ma huwiex suspettuż, sabiex jinżammu r-rabtiet ta’ fiduċja li jeżistu bejn dik l-istituzzjoni u dan l-uffiċjal (sentenza tat‑12 ta’ Novembru 2020, Fleig vs SEAE, C‑446/19 P, EU:C:2020:918, punt 100).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">66</p>
</td>
<td valign="top">
<p class="normal">F’dan il-każ, il-Qorti Ġenerali kkonstatat, fil-punti 27, 33 u 60 sa 62 tas-sentenza appellata, billi bbażat ruħha fuq il-motivi tad-deċiżjoni ta’ revoka u tal-opinjoni tal-Bord Dixxiplinari, li l-aġir allegat fil-konfront tal-appellant kien jikkonsisti fi preżentazzjoni delibera ta’ dokument bħala l-frott ta’ xogħlu stess, meta fil-parti l-kbira kien ir-riżultat ta’ kkopjar, sa fejn, kuntrarjament għal kwotazzjoni, minn naħa, ma kien hemm ebda interazzjoni bejn l-espożizzjoni inkwistjoni u d-dokumenti kkopjati u, min-naħa l-oħra, is-siltiet ikkopjati ma kinux jidhru b’mod ċar, f’din l-espożizzjoni, bħala li jikkostitwixxu elementi esterni għaliha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">67</p>
</td>
<td valign="top">
<p class="normal">Dawn il-kunsiderazzjonijiet tal-Qorti Ġenerali juru b’mod ċar li l-appellant ma ġiex issanzjonat minħabba li kien esprima opinjoni personali jew li ma taqbilx mal-espożizzjoni kontenzjuża, iżda għaliex huwa kien ippreżenta kitbiet ta’ ħaddieħor bħala r-riżultat ta’ xogħlu, u mingħajr ma semma s-sorsi tiegħu. Issa, abbażi ta’ tali konstatazzjonijiet ta’ fatt, li l-appellant ma jikkontestax, il-Qorti Ġenerali setgħet validament tiddeduċi, fil-punti 95 u 96 tas-sentenza appellata, li dan l-aġir tal-appellant seta’ jikser id-dmir ta’ lealtà, li l-bażi legali tiegħu hija kkostitwita mill-Artikoli 11, 12 u 21 tar-Regolamenti tal-Persunal, li jaqgħu taħt ir-restrizzjonijiet leġittimi għall-eżerċizzju tad-dritt għal-libertà tal-espressjoni billi jsegwu, b’mod partikolari, l-għan li jippreżervaw ir-relazzjoni ta’ fiduċja li għandha teżisti bejn istituzzjoni u l-uffiċjali tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">68</p>
</td>
<td valign="top">
<p class="normal">Għaldaqstant, il-Qorti Ġenerali setgħet, ġustament, tiddeċiedi, fil-punt 96 tas-sentenza appellata, li din il-limitazzjoni tad-dritt għal-libertà ta’ espressjoni ma tistax titqies li hija eċċessiva f’dan il-każ, peress li l-appellant jibqa’ f’pożizzjoni li jesprimi liberament l-opinjonijiet tiegħu fl-espożizzjoni kontenzjuża, mingħajr madankollu ma jkollu d-dritt li jippreżenta x-xogħol ta’ ħaddieħor bħala r-riżultat tax-xogħol tiegħu stess u mingħajr ma jsemmi s-sorsi tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">69</p>
</td>
<td valign="top">
<p class="normal">Billi ddeċidiet hekk, kuntrarjament għal dak li jsostni l-appellant, il-Qorti Ġenerali ma wettqet ebda żball ta’ liġi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">70</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, it-tieni aggravju għandu jiġi miċħud bħala infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq it‑tielet aggravju</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">L‑argumenti tal‑partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">71</p>
</td>
<td valign="top">
<p class="normal">Permezz tat-tielet aggravju tiegħu, l-appellant jikkritika lill-Qorti Ġenerali, essenzjalment, li, fid-deskrizzjoni li tat tat-tilwima fil-punt 9 tas-sentenza appellata, żnaturat il-fatti u l-provi li huwa kien ipproduċa, b’mod partikolari messaġġ indirizzat lill-appellant mill-kap tad-dipartiment li permezz tiegħu dan tal-aħħar talbu jibgħat lil wieħed mill-kollegi tiegħu l-link li jagħti aċċess għall-espożizzjoni kontenzjuża rreġistrata fis-SGD. L-appellant isostni li, kuntrarjament għal dak li affermat il-Qorti Ġenerali f’dan il-punt tas-sentenza appellata, huwa ma kienx sempliċement “mistieden” li jibgħat, iżda rċieva struzzjoni f’dan is-sens mill-kap tad-dipartiment. B’dan il-mod, il-Qorti Ġenerali kklassifikat b’mod żbaljat istruzzjoni minn superjur ġerarkiku bħala sempliċi “stedina”, li l-appellant ma kienx f’pożizzjoni li jinjora. Issa, konformement mal-Artikolu 21a tar-Regolamenti tal-Persunal, huwa ma jistax legalment jinżamm responsabbli għall-konsegwenzi li jkun ikkonforma ruħu mal-investigazzjoni inkwistjoni, sakemm din l-istruzzjoni ma kinitx manifestament illegali jew kuntrarja għar-regoli ta’ sigurtà applikabbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">72</p>
</td>
<td valign="top">
<p class="normal">Il-FRA teċċepixxi l-inammissibbiltà tat-tielet aggravju billi ssostni li l-appellant sempliċement jikkontesta l-konstatazzjonijiet ta’ fatt magħmula mill-Qorti Ġenerali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑kunsiderazzjonijiet tal‑Qorti tal‑Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">73</p>
</td>
<td valign="top">
<p class="normal">Għandu jiġi kkonstatat li, permezz tat-tielet aggravju tiegħu, l-appellant sempliċement jikkontesta d-deskrizzjoni tal-fatti, kif saret mill-Qorti Ġenerali fil-punt 9 tas-sentenza appellata, fil-parti ta’ din tal-aħħar li tesponi l-fatti li wasslu għall-kawża, mingħajr ma jindika kif l-allegata klassifikazzjoni ġuridika żbaljata tal-messaġġ mibgħut lill-appellant mill-kap tad-dipartiment tiegħu hija ta’ natura li tivvizzja l-evalwazzjonijiet ta’ dritt magħmula mill-Qorti Ġenerali f’dik is-sentenza. Minn dan isegwi li, bl-iskuża ta’ tali klassifikazzjoni ġuridika żbaljata tal-fatti, huwa jikkontesta, fir-realtà, evalwazzjonijiet fattwali tal-Qorti Ġenerali, mingħajr, barra minn hekk, ma jispjega kif dawn l-evalwazzjonijiet huma manifestament żbaljati jew kuntrarji għall-formulazzjoni tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">74</p>
</td>
<td valign="top">
<p class="normal">Konsegwentement, konformement mal-ġurisprudenza mfakkra fil-punti 31 u 32 ta’ din is-sentenza, it-tielet aggravju huwa inammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq ir‑raba’ aggravju</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">L‑argumenti tal‑partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">75</p>
</td>
<td valign="top">
<p class="normal">Permezz tar-raba’ aggravju tiegħu, l-appellant jikkritika, essenzjalment, lill-Qorti Ġenerali talli, fil-punti 101, 106, 107, 111 sa 113 u 122 tas-sentenza appellata, wettqet diversi żbalji ta’ liġi, żnaturament tal-provi u żbalji manifesti ta’ evalwazzjoni fil-kuntest tal-analiżi tagħha tar-regolarità tal-ftuħ tal-investigazzjoni amministrattiva, u li ma pprovdietx motivazzjoni suffiċjenti f’dan ir-rigward. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">76</p>
</td>
<td valign="top">
<p class="normal">L-appellant isostni, fl-ewwel lok, li l-Qorti Ġenerali żnaturat il-provi u wettqet żball manifest ta’ evalwazzjoni fil-punt 107 tas-sentenza appellata, inkwantu l-konsultazzjoni tal-OLAF kienet annessa biss mar-rapport tad-Direttur tal-FRA u li l-appellant rċevih biss wara s‑27 ta’ Frar 2019. Konsegwentement, l-appellant la ġie informat bil-kontenut tal-konsultazzjoni tal-OLAF waqt il-ftuħ tal-investigazzjoni fit‑23 ta’ Marzu 2018, u lanqas, barra minn hekk, waqt il-ftuħ tal-proċedura dixxiplinari fit‑23 ta’ Ottubru 2018. Għaldaqstant, il-Qorti Ġenerali wettqet żball ta’ liġi meta kkonkludiet li l-appellant kien informat b’mod suffiċjenti waqt il-ftuħ tal-investigazzjoni u meta applikat b’analoġija l-ġurisprudenza li tirriżulta mis-sentenza tal‑5 ta’ Ottubru 2005, Rasmussen vs Il‑Kummissjoni (T‑203/03, EU:T:2005:346).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">77</p>
</td>
<td valign="top">
<p class="normal">L-appellant isostni, fit-tieni lok, li l-Qorti Ġenerali naqset milli tevalwa l-kuntest ġuridiku li minnu jifforma parti l-ftuħ ta’ investigazzjoni amministrattiva. Fil-fehma tiegħu, sabiex jiġi żgurat li l-kriterju tal- “prova prime facie”, imsemmi fl-Artikolu 86(1) u (2) tar-Regolamenti tal-Persunal, jiġi vverifikat waqt il-ftuħ ta’ investigazzjoni amministrattiva, għandu jittieħed inkunsiderazzjoni l-kliem ta’ din id-dispożizzjoni. F’dan ir-rigward, l-uniku għan leġittimu ta’ investigazzjoni amministrattiva huwa intiż li jistabbilixxi, abbażi ta’ prova prima facie, li jista’ jiġi raġonevolment issuspettat li uffiċjal jew membru tal-persunal tal-Unjoni naqas milli jwettaq l-obbligi tiegħu taħt ir-Regolamenti tal-Persunal. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">78</p>
</td>
<td valign="top">
<p class="normal">Barra minn hekk, l-appellant iqis li investigazzjoni amministrattiva hija, mid-definizzjoni tagħha, ipproċessar ta’ data li, skont l-Artikolu 4 tar-Regolament Nru 45/2001, għandu jkun “għal għanijiet speċifiċi, espliċiti u leġittimi”. L-appellant iżid li l-Qorti Ġenerali wettqet żball ta’ liġi meta affermat li l-Artikoli 1 u 2 tal-Anness IX tar-Regolamenti tal-Persunal ma jirrikjedux li l-Awtorità tal-Ħatra tippreċiża d-dispożizzjonijiet speċifiċi tar-Regolamenti tal-Persunal li jkunu nkisru, peress li din il-kwistjoni taqa’ pjuttost taħt l-Artikolu 86(2) tar-Regolamenti tal-Persunal u taħt ir-Regolament Nru 45/2001. Fl-aħħar nett, l-appellant isostni li l-Artikolu 86(2) tar-Regolamenti tal-Persunal jipprovdi li investigazzjoni amministrattiva tista’ tinfetaħ biss biex jiġi vverifikat ksur, mill-uffiċjal jew membru tal-persunal tal-Unjoni kkonċernat, mhux tad-dritt fil-qasam tal-proprjetà intellettwali, iżda biss tar-Regolamenti tal-Persunal.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">79</p>
</td>
<td valign="top">
<p class="normal">L-appellant isostni, fit-tieni lok, li l-Qorti Ġenerali wettqet żball ta’ liġi fil-punt 111 tas-sentenza appellata meta ma applikatx il-ġurisprudenza li tirriżulta mis-sentenza tat‑8 ta’ Lulju 2008, Franchet u Byk vs Il‑Kummissjoni (T‑48/05, EU:T:2008:257), ikkonfermata permezz tas-sentenza tat‑12 ta’ Lulju 2012, Il‑Kummissjoni vs Nanopoulos (T‑308/10 P, EU:T:2012:370), li teżiġi li għandu jkun hemm provi suffiċjentement preċiżi u rilevanti qabel ma tinfetaħ proċedura dixxiplinari. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">80</p>
</td>
<td valign="top">
<p class="normal">Il-FRA teċċepixxi l-inammissibbiltà tar-raba’ aggravju u żżid li, fi kwalunkwe każ, huwa manifestament infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑kunsiderazzjonijiet tal‑Qorti tal‑Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">81</p>
</td>
<td valign="top">
<p class="normal">Qabelxejn, għandu jiġi osservat li, skont l-Artikolu 86(2) tar-Regolamenti tal-Persunal, l-Awtorità tal-Ħatra tista’ tiftaħ investigazzjoni amministrattiva sabiex tivverifika l-eżistenza ta’ nuqqas, fis-sens tal-paragrafu 1 tal-imsemmi artikolu, meta provi li jagħtu preżunzjoni tal-eżistenza ta’ tali nuqqas ikunu nġiebu għall-għarfien tagħha. Barra minn hekk, minn qari flimkien tal-paragrafi 1 u 2 ta’ dan l-Artikolu 86 isegwi li r-Regolamenti tal-Persunal jagħtu lill-amministrazzjoni s-setgħa li tiftaħ investigazzjoni bbażata fuq allegat nuqqas ta’ twettiq tal-obbligi tar-Regolamenti tal-Persunal.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">82</p>
</td>
<td valign="top">
<p class="normal">Għalkemm l-amministrazzjoni għandha, bħalma rrilevat il-Qorti Ġenerali fil-punt 103 tas-sentenza appellata, setgħa ta’ evalwazzjoni wiesgħa fir-rigward tal-ftuħ ta’ investigazzjoni amministrattiva, hija għandha madankollu, bħalma essenzjalment iddeċidiet fil-punt 104 tal-imsemmija sentenza, tkun f’pożizzjoni li tibbaża ruħha, għal dan l-għan, fuq l-eżistenza ta’ suspett raġonevoli li twettaq ksur dixxiplinari. Minn dan isegwi li, sabiex jiġu protetti d-drittijiet tal-uffiċjal jew tal-membru tal-persunal tal-Unjoni kkonċernat, l-amministrazzjoni għandha tiżgura li, qabel ma tiftaħ investigazzjoni, hija jkollha indizji li jippermettu li wieħed jissuspetta, fir-rigward ta’ dan l-uffiċjal jew ta’ dan il-membru tal-persunal, nuqqas ta’ twettiq tal-obbligi tiegħu taħt ir-Regolamenti tal-Persunal u, qabel ma tiftaħ il-proċedura dixxiplinari fil-konfront tiegħu, elementi suffiċjentement preċiżi u rilevanti biex jikkorroboraw is-suspetti tagħha. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">83</p>
</td>
<td valign="top">
<p class="normal">Wara li rrilevat, ġustament, dawn il-prinċipji, il-Qorti Ġenerali ċaħdet, fil-punt 106 tas-sentenza appellata, l-argument tal-appellant li d-deċiżjoni ta’ ftuħ tal-investigazzjoni amministrattiva ma kinitx issemmi l-Artikolu 21 tar-Regolamenti tal-Persunal u l-ASTK ma kinitx taf eżattament, fil-mument ta’ dan il-ftuħ, liema dispożizzjonijiet tar-Regolamenti tal-Persunal seta’ kiser l-appellant. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">84</p>
</td>
<td valign="top">
<p class="normal">F’dan ir-rigward, il-Qorti Ġenerali ddeċidiet ġustament, fl-istess punt 106, li l-Artikolu 1 tal-Anness IX tar-Regolamenti tal-Persunal, li għalih jirreferi l-Artikolu 2 tiegħu fir-rigward tal-investigazzjonijiet amministrattivi mwettqa mill-Awtorità tal-Ħatra, ma jeżiġix li din l-awtorità, jew fejn xieraq l-ASTK, tippreċiża d-dispożizzjonijiet speċifiċi tar-Regolamenti tal-Persunal li jkunu ġew miksura, sa fejn, bħalma qieset il-Qorti Ġenerali, fil-punt 107 tas-sentenza appellata, fil-kuntest tal-evalwazzjoni sovrana tagħha tal-fatti, l-appellant kellu biżżejjed informazzjoni sabiex jifhem li huwa ġie akkużat bi ksur tad-dispożizzjonijiet tar-Regolamenti tal-Persunal li jeżiġu aġir leali mill-uffiċjali, u dan, b’mod partikolari, fid-dawl tal-kontenut tad-deċiżjoni tal-ftuħ tal-investigazzjoni, li kienet tippreċiża b’mod partikolari li l-aġir ikkritikat tal-appellant kien jikkonsisti fil-fatt li fl-espożizzjoni kontenzjuża kien inkluda partijiet purament u sempliċement ikkopjati minn sorsi oħra, mingħajr ma għamel referenzi jew informa lill-kap tad-dipartiment tiegħu dwar dan, billi ta x’jifhem li din l-espożizzjoni kienet ir-riżultat tax-xogħol tiegħu stess. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">85</p>
</td>
<td valign="top">
<p class="normal">F’dawn iċ-ċirkustanzi, il-Qorti Ġenerali setgħet, mingħajr ma twettaq żball ta’ liġi jew żnaturament u wara motivazzjoni suffiċjenti, tikkunsidra, fil-punti 108 u 111 tas-sentenza appellata, li l-proċedura li tikkonċerna lill-appellant kienet infetħet b’mod regolari, peress li l-Awtorità tal-Ħatra kellha, waqt il-ftuħ tal-investigazzjoni amministrattiva, indizji suffiċjenti li jippermettu li tiġi ssuspettata l-eżistenza ta’ ksur minnu tal-obbligi tiegħu taħt ir-Regolamenti tal-Persunal u, min-naħa l-oħra, waqt il-ftuħ tal-proċedura dixxiplinari, elementi suffiċjentement preċiżi u konkordanti li jikkonfermaw is-suspetti li kienu ġġustifikaw il-ftuħ ta’ din l-investigazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">86</p>
</td>
<td valign="top">
<p class="normal">Konsegwentement, ir-raba’ aggravju għandu jiġi miċħud bħala parzjalment inammissibbli u parzjalment infondat.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq il‑ħames aggravju</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">L‑argumenti tal‑partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">87</p>
</td>
<td valign="top">
<p class="normal">Permezz tal-ħames aggravju tiegħu, l-appellant isostni, essenzjalment, li l-Qorti Ġenerali, fil-punti 16, 114, 119 sa 131 kif ukoll 135 u 136 tas-sentenza appellata, wettqet diversi żbalji ta’ liġi, żnaturament tal-provi, ipprovdiet motivazzjoni insuffiċjenti u wettqet eżami inkomplet tar-rikors tiegħu fl-ewwel istanza, fil-kuntest tal-evalwazzjoni tagħha tan-“notifika legali” tad-deċiżjoni ta’ ftuħ tal-investigazzjoni. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">88</p>
</td>
<td valign="top">
<p class="normal">Skont l-appellant, il-FRA ma ttrasferietx il-kompetenzi dixxiplinari tagħha lill-investigatur, kuntrarjament għal dak li ssostni l-Qorti Ġenerali, iżda fdat lil dan tal-aħħar investigazzjoni speċifika li għandha għan u portata speċifiċi. Il-Qorti Ġenerali għamlet ukoll evalwazzjoni żbaljata tal-kuntest ġuridiku ta’ dik id-deċiżjoni. L-appellant ifakkar, f’dan ir-rigward, li r-Regolament Nru 45/2001 jipprovdi li pproċessar ta’ data, bħal investigazzjoni amministrattiva, għandu jkollu “għanijiet speċifiċi, espliċiti u leġittimi” u li d-data pproċessata għandha tkun “adegwata, relevanti u mhux eċċessiva” fid-dawl tal-għanijiet li għalihom tiġi pproċessata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">89</p>
</td>
<td valign="top">
<p class="normal">Il-FRA ssostni li l-ħames aggravju huwa inammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑kunsiderazzjonijiet tal‑Qorti tal‑Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">90</p>
</td>
<td valign="top">
<p class="normal">Permezz tal-ħames aggravju tiegħu, l-appellant jikkritika, essenzjalment, lill-Qorti Ġenerali li wettqet klassifikazzjoni żbaljata tan-“notifika legali” tad-deċiżjoni ta’ ftuħ tal-investigazzjoni. Madankollu, bl-iskuża ta’ aggravju bbażat fuq żbalji ta’ liġi, b’mod partikolari, fuq allegat ksur tar-regoli li jirregolaw l-ipproċessar tad-data matul il-proċedura amministrattiva, fuq żnaturament tal-provi, fuq motivazzjoni insuffiċjenti u fuq eżami inkomplet tar-rikors tiegħu, l-appellant jitlob, fir-realtà, lill-Qorti tal-Ġustizzja tissostitwixxi l-evalwazzjoni tal-provi li saret mill-Qorti Ġenerali fil-punti 16, 114, 119 sa 131 kif ukoll 135 u 136 tas-sentenza appellata, b’dik tagħha, li, bħalma jsegwi mill-ġurisprudenza mfakkra fil-punti 31 u 32 ta’ din is-sentenza, ma jaqax fil-kompetenza tagħha fil-kuntest ta’ appell.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">91</p>
</td>
<td valign="top">
<p class="normal">Barra minn hekk, inkwantu l-appellant isostni li l-Qorti Ġenerali żnaturat il-formulazzjoni tad-deċiżjoni ta’ ftuħ tal-investigazzjoni amministrattiva, huwa jillimita ruħu li jirrepeti l-argumenti diġà mressqa quddiem il-Qorti Ġenerali, bħalma jsegwi mill-punti 122 sa 135 tas-sentenza appellata, mingħajr ma jispjega kif dawn huma vvizzjati bi żball ta’ liġi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">92</p>
</td>
<td valign="top">
<p class="normal">Minn dan isegwi li l-ħames aggravju għandu jiġi miċħud bħala inammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq is‑sitt, is‑seba’ u t‑tmien aggravju</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">L‑argumenti tal‑partijiet</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">93</p>
</td>
<td valign="top">
<p class="normal">Permezz tas-sitt aggravju tiegħu, l-appellant isostni li l-Qorti Ġenerali wettqet eżami inkomplet tar-rikors tiegħu fl-ewwel istanza, inkwantu ma weġbitx għall-argument tal-appellant li l-Bord tad-Dixxiplina ma kienx illimita ruħu għall-fatti msemmija fir-rapport tad-Direttur tal-FRA u li għalhekk kien kiser ir-Regolamenti tal-Persunal. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">94</p>
</td>
<td valign="top">
<p class="normal">Permezz tas-seba’ aggravju tiegħu, l-appellant isostni li, fil-punti 194 u 200 sa 205 tas-sentenza appellata, il-Qorti Ġenerali ma ħaditx inkunsiderazzjoni l-fatt li huwa kien ipproduċa provi ta’ natura li jistabbilixxu li l-Awtorità tal-Ħatra kienet diġà ddeċidiet li tiddikjara s-sanzjoni ta’ tneħħija minn pożizzjoni qabel is-smigħ tal‑11 ta’ Lulju 2019. Fin-nuqqas ta’ eżami ta’ dawn l-elementi, il-Qorti Ġenerali żnaturathom, wettqet żball manifest ta’ evalwazzjoni, wettqet eżami inkomplet tal-motiv invokat fl-ewwel istanza u kisret l-obbligu ta’ motivazzjoni tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">95</p>
</td>
<td valign="top">
<p class="normal">Permezz tat-tmien aggravju tiegħu l-appellant jallega li mill-appell kollu jsegwi li l-Qorti Ġenerali kisret l-Artikolu 47 tal-Karta billi ma tatux rimedju ġudizzjarju effettiv.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">96</p>
</td>
<td valign="top">
<p class="normal">Il-FRA tirribatti li l-opinjoni tal-appellant dwar is-sitt aggravju għadha vaga u ma tindikax il-punti tas-sentenza appellata li jirreferu għalihom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">97</p>
</td>
<td valign="top">
<p class="normal">Fir-rigward tas-seba’ aggravju, hija ssostni li, kuntrarjament għal dak li jsostni l-appellant, il-Qorti Ġenerali semmiet l-argument tiegħu fl-aħħar tal-punt 202 tas-sentenza appellata u weġbitu fil-punti 203 u 204 tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">98</p>
</td>
<td valign="top">
<p class="normal">Fl-aħħar nett, skont il-FRA, it-tmien aggravju huwa manifestament inammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il‑kunsiderazzjonijiet tal‑Qorti tal‑Ġustizzja</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">99</p>
</td>
<td valign="top">
<p class="normal">Mit-tieni subparagrafu tal-Artikolu 256(1) TFUE, mill-ewwel paragrafu tal-Artikolu 58 tal-Istatut tal-Qorti tal-Ġustizzja tal-Unjoni Ewropea kif ukoll mill-Artikolu 168(1)(d) u mill-Artikolu 169(2) tar-Regoli tal-Proċedura tal-Qorti tal-Ġustizzja jirriżulta li appell għandu jindika b’mod preċiż il-punti kkritikati tas-sentenza li huwa mitlub l-annullament tagħha kif ukoll l-argumenti legali li jsostnu b’mod speċifiku din it-talba, taħt piena ta’ inammissibbiltà tal-appell jew tal-aggravju kkonċernat (sentenza tat‑18 ta’ Jannar 2024, Jenkinson vs Il‑Kunsill et, C‑46/22 P, EU:C:2024:50, punt 60 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">100</p>
</td>
<td valign="top">
<p class="normal">B’mod partikolari, ma jissodisfax dawn ir-rekwiżiti u għandu jiġi ddikjarat inammissibbli, aggravju li l-argument tiegħu ma huwiex suffiċjentement ċar u preċiż sabiex jippermetti lill-Qorti tal-Ġustizzja teżerċita l-istħarriġ tagħha tal-legalità b’mod partikolari peress li l-elementi essenzjali li fuqhom huwa bbażat l-aggravju ma jirriżultawx b’mod suffiċjentement koerenti u komprensibbli mit-test ta’ dan l-appell, li huwa fformulat b’mod oskur u ambigwu f’dan ir-rigward (sentenza tat‑18 ta’ Jannar 2024, Jenkinson vs Il‑Kunsill et, C‑46/22 P, EU:C:2024:50, punt 61 u l-ġurisprudenza ċċitata). Il-Qorti tal-Ġustizzja ddeċidiet ukoll li għandu jiġi miċħud bħala manifestament inammissibbli appell li ma jkollux struttura koerenti, li jkun limitat għal dikjarazzjonijiet ġenerali u li ma jinkludi ebda indikazzjonijiet preċiżi marbuta mal-punti tad-deċiżjoni appellata li huma possibbilment ivvizzjati bi żball ta’ liġi (sentenza tal‑15 ta’ Diċembru 2022, Picard vs Il‑Kummissjoni, C‑366/21 P, EU:C:2022:984, punt 53 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">101</p>
</td>
<td valign="top">
<p class="normal">F’dan il-każ, fir-rigward tas-sitt u tat-tmien aggravju, huwa biżżejjed li jiġi rrilevat li dawn ma jidentifikawx bi preċiżjoni l-punti ta’ motivi tas-sentenza appellata li huma diretti kontrihom u lanqas l-iżbalji ta’ liġi li huma allegatament ivvizzjati bihom. Barra minn hekk, dawn l-aggravji huma fformulati b’mod ġenerali ħafna, mingħajr ma jipprovdu argumenti suffiċjenti li jippermettu lill-Qorti tal-Ġustizzja tevalwa l-fondatezza tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">102</p>
</td>
<td valign="top">
<p class="normal">Bl-istess mod, fir-rigward tas-seba’ aggravju, għalkemm l-appellant jippreċiża li dan l-aggravju jirrigwarda l-punti 194 u 200 sa 205 tas-sentenza appellata, billi jikkritika lill-Qorti Ġenerali talli naqset milli ssemmi u milli teżamina l-provi li juru li l-Awtorità tal-Ħatra kienet diġà ddeċidiet li timponi s-sanzjoni ta’ tneħħija minn pożizzjoni qabel is-seduta tal‑11 ta’ Lulju 2019, xorta jibqa’ l-fatt li l-appell ma jinkludix argumenti ta’ liġi li jsostnu allegat nuqqas ta’ motivazzjoni.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">103</p>
</td>
<td valign="top">
<p class="normal">Konsegwentement, is-sitt, is-seba’ u t-tmien aggravju għandhom jiġu miċħuda bħala manifestament inammissibbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">104</p>
</td>
<td valign="top">
<p class="normal">Peress li l-ebda wieħed mill-aggravji mqajma insostenn tal-appell ma ntlaqa’, dan l-appell għandu jiġi miċħud kollu kemm hu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l‑ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">105</p>
</td>
<td valign="top">
<p class="normal">Skont l-Artikolu 184(2) tar-Regoli tal-Proċedura tal-Qorti tal-Ġustizzja, meta l-appell ma jkunx fondat, il-Qorti tal-Ġustizzja għandha tiddeċiedi dwar l-ispejjeż. Skont l-Artikolu 138(1) ta’ dawn ir-regoli, applikabbli għall-proċedura ta’ appell skont l-Artikolu 184(1) tagħhom, il-parti li titlef għandha tiġi kkundannata għall-ispejjeż, jekk dawn ikunu ntalbu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">106</p>
</td>
<td valign="top">
<p class="normal">Peress li l-appellant tilef, hemm lok, konformement mat-talbiet tal-FRA, li jiġi kkundannat ibati l-ispejjeż rispettivi tiegħu kif ukoll dawk sostnuti mill-FRA.</p>
</td>
</tr>
</table>
    <p class="C41DispositifIntroduction" id="para-221" title="page-28">
      Għal dawn il-motivi, Il-Qorti tal-Ġustizzja (Il-Ħames Awla) taqta’ u tiddeċiedi:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1)</p>
</td>
<td valign="top">
<p class="normal">L-appell huwa miċħud. </p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2)</p>
</td>
<td valign="top">
<p class="normal">DD huwa kkundannat ibati, minbarra l-ispejjeż rispettivi tiegħu, dawk sostnuti mill-Aġenzija tal-Unjoni Ewropea għad-Drittijiet Fundamentali (FRA).</p>
</td>
</tr>
</table>
    <div class="signatures">
<p class="C77Signatures" id="para-224" title="page-28">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: l-Ingliż.</p>
</body>
</html>
