(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú.

(2)

Cuireadh isteach iarratas ar mhodhnú a dhéanamh ar théarmaí údaraithe ullmhóide arb é atá inti sinc L-seiléinomeitiainín, ullmhóid a údaraíodh mar bhreiseán i gcothú ainmhithe le Rialachán Cur Chun Feidhme (AE) 2019/49 ón gCoimisiún (2). Bhain an modhnú sin le méadú ar an gcion seiléiniam san ullmhúchán go raon 2 go 46g Se/kg

(3)

Mar sin féin, measann an Coimisiún go mbaineann an t-iarratas seo le hullmhóid nua since-L-seiléinomeitiainín, ina bhfuil cion seiléiniam san ullmhóid idir 2 agus 46g Se/kg. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin. Iarrtar san iarratas go n-aicmeofaí an ullmhóid sa chatagóir ‘breiseáin chothaitheacha’ agus san fheidhmghrúpa ‘comhdhúile de riandúile’.

(4)

Chinn an tÚdarás Eorpach um Shábháilteacht Bia (‘an tÚdarás’) ina thuairim an 15 Samhain 2023 (3) go bhfuil an ullmhóid since-L-seiléinomeitiainín ina bhfuil íoschion Se 40 g/kg sábháilte do gach speiceas ainmhíoch, don tomhaltóir agus don chomhshaol ar choinníoll go n-urramaítear na huasleibhéil fhorlíonta seiléiniam a údaraítear san Aontas (0,2 mg orgánach Se/kg de bheatha iomlán, 0,5 mg Se/kg de bheatha iomlán). Tugann an tÚdarás dá aire nach gcumhdaítear leis na sonraí a ndearnadh measúnú orthu ach raon teoranta tiúchana seiléiniam sa bhreiseán (40–46g Se/kg). Ós rud é nár cuireadh aon fhaisnéis ar fáil maidir le haon ullmhóid eile den bhreiseán sa raon ó 2 g Se/kg go 40 g Se/kg, molann an tÚdarás ullmhóid nua a mheas leis na sonraíochtaí seo a leanas: íosmhéid 40 g Se/kg agus uasmhéid 46 g Se/kg. Ina theannta sin, tháinig an tÚdarás ar an gconclúid nach greannaitheoir súl ná craicinn í an ullmhóid, agus go mbaineann riosca trí ionanálú léi ach nárbh fhéidir teacht ar aon chonclúid maidir le híogrú deirmeach. Ós rud é gurb ionann coinníollacha úsáide an bhreiseáin agus na coinníollacha úsáide maidir leis an ullmhóid sinc-L-seiléinimeitiainín a údaraíodh cheana faoi Rialachán Cur Chun Feidhme (AE) 2019/49, tháinig an tÚdarás ar an gconclúid freisin nach bhfuil aon tionchar ag comhdhéanamh na hullmhóide ar éifeachtúlacht an bhreiseáin. Ar deireadh, níor mheas sé go bhfuil gá le ceanglais shonracha maidir le faireachán iarmhargaidh.

(5)

Mheas an tSaotharlann Tagartha a bunaíodh le Rialachán (CE) Uimh. 1831/2003 go bhfuil na conclúidí agus na moltaí ar thángthas orthu sa mheasúnú roimhe seo maidir leis an ullmhú since-L-seiléinimeitiainín bailí agus infheidhme maidir leis an iarratas atá ann faoi láthair. Dá bhrí sin, i gcomhréir le hAirteagal 5(4), pointe (a), de Rialachán (CE) Uimh. 378/2005 (4) ón gCoimisiún, níl gá le tuarascáil mheastóireachta ón tSaotharlann Tagartha.

(6)

I bhfianaise an mhéid thuas, measann an Coimisiún go gcomhlíonann an ullmhóid since-L-seiléinomeitiainín ag a bhfuil íosmhéid 40 g Se/kg de bhreiseán agus uasmhéid 46 g Se/kg de bhreiseán na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na hullmhóide sin a údarú. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,