Iris Oifigiúil
an Aontais Eorpaigh
GA
Sraith C
|
|
Iris Oifigiúil |
GA Sraith C |
|
C/2024/5868 |
27.9.2024 |
CINNEADH ÓN gCOMHAIRLE
an 23 Meán Fómhair 2024
lena gceaptar comhalta amháin de Bhord Bainistíochta na Gníomhaireachta Eorpaí Ceimiceán (ECHA)
(C/2024/5868)
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1907/2006 ó Pharlaimint na hEorpa agus ón gComhairle an 18 Nollaig 2006 a bhaineann le Clárú, Meastóireacht, Údarú agus Srianadh Ceimiceán (REACH),lena mbunaítear Gníomhaireacht Eorpach Ceimiceán, lena leasaítear Treoir 1999/45/CE agus lena n-aisghairtear Rialachán (CEE) Uimh. 793/93 ón gComhairle agus Rialachán (CE) Uimh. 1488/94 ón gCoimisiún chomh maith le Treoir 76/769/CEE ón gComhairle agus Treoracha 91/155/CEE, 93/67/CEE, 93/105/CE agus 2000/21/CE ón gCoimisiún (1), agus go háirithe Airteagal 79 de,
De bharr an mhéid seo a leanas:
|
(1) |
Foráiltear le hAirteagal 79 de Rialachán (CE) Uimh. 1907/2006 go bhfuil an Chomhairle le hionadaí amháin a cheapadh ó gach Ballstát mar chomhalta de Bhord Bainistíochta na Gníomhaireachta Eorpaí Ceimiceán (‘an Bord Bainistíochta’). |
|
(2) |
Tá comhaltaí an Bhoird Bainistíochta le ceapadh bunaithe ar an taithí agus an saineolas ábhartha atá acu i réimse na sábháilteachta ceimiceán nó na rialála ceimiceán, agus ar an mbonn go bhfuil saineolas ábhartha i réimsí cúrsaí ginearálta, airgeadais agus dlí ar fáil i measc chomhaltaí an bhoird. |
|
(3) |
4 bliana a mhaireann téarma oifige comhalta den Bhord Bainistíochta agus féadfar é a athnuachan uair amháin. |
|
(4) |
Le Cinneadh an 30 Meán Fómhair 2020 (2) cheap an Chomhairle comhalta amháin den Bhord Bainistíochta. |
|
(5) |
Ceapadh an comhalta sin den Bhord Bainistíochta, arna ainmniú ag an gCróit, go ceann tréimhse dar críoch an 1 Deireadh Fómhair 2024. |
|
(6) |
Chuir Rialtas na Cróite in iúl don Chomhairle go bhfuil sé ar intinn aige an t-ionadaí reatha ón gCróit ar an mBord Bainistíochta a ainmniú, agus thíolaic sé ainmniúchán don dara téarma oifige go ceann tréimhse dar críoch an 30 Meán Fómhair 2028, |
TAR ÉIS AN CINNEADH SEO A GHLACADH:
Airteagal 1
Leis seo, ceaptar Dubravka Marija KREKOVIĆ, de náisiúntacht na Cróite, ina comhalta de Bhord Bainistíochta na Gníomhaireachta Eorpaí Ceimiceán (ECHA) don dara téarma oifige don tréimhse ón 1 Deireadh Fómhair 2024 go dtí an 30 Meán Fómhair 2028.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 23 Meán Fómhair 2024.
Thar ceann na Comhairle
An tUachtarán
FELDMAN Z.
(1) IO L 396, 30.12.2006, lch. 1.
(2) Cinneadh ón gComhairle an 30 Meán Fómhair 2020 lena gceaptar comhalta amháin de Bhord Bainistíochta na Gníomhaireachta Eorpaí Ceimiceán (IO C 330, 6.10.2020, lch. 2).
ELI: http://data.europa.eu/eli/C/2024/5868/oj
ISSN 1977-107X (electronic edition)