31993L0093



Official Journal L 311 , 14/12/1993 P. 0076 - 0082


Id-Direttiva 93/93/KEE tal-Kunsill

tad-29 ta' Ottubru 1993

dwar il-massa u dimensjonijiet ta' vetturi b'żewġ jew bi tliet roti

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jistabbilixxi l-Komunità Ekonomika Ewropea, u b'mod partikolari l-Artikolu 100a tiegħu,

Wara li kkunsidra d-Direttiva tal-Kunsill 92/61/KEE tat-30 ta' Ġunju 1992 dwar l-approvazzjoni tat-tip ta' vetturi bil-mutur b'żewġ jew bi tliet roti [1],

Wara li kkunsidra l-proposta mill-Kummissjoni [2],

B'kooperazzjoni mal-Parlament Ewropew [3],

Wara li kkunsidra l-opinjoni tal-Kumitat Ekonomiku u Soċjali [4],

Billi s-suq intern għandu jkun fih żona mingħajr fruntieri interni li fiha ċ-ċirkolazzjoni libera ta' merkanzija, persuni, servizzi u kapital hija assigurata; billi l-miżuri meħtieġa għall-operazzjoni tagħha għandhom ikunu adottati;

Billi fir-rigward tal-massa u tad-dimensjonijiet, f'kull Stat Membru vetturi b'żewġ jew bi tliet roti għandhom juru ċerti karatteristiċi tekniċi stabbiliti permezz ta' disposizzjonijiet mandatorji li jiddiferixxu minn Stat Membru għal ieħor; billi, bħala riżutat tad-differenzi tagħhom, dawk id-disposizzjonijiet jikkostitwixxu barriera għall-kummerċ fi ħdan il-Komunità;

Billi dawn il-barrieri għall-operat tas-suq intern jistgħu jitneħħew jekk l-istess ħtiġijiet ikunu adottati mill-Istati Membri kollha minflok ir-regoli nazzjonali tagħhom;

Billi huwa meħtieġ li jkunu stabbiliti ħtiġijiet armonizzati dwar il-massa u d-dimensjonijiet ta' vetturi b'żewġ jew bi tliet roti sabiex ikunu ffaċilitati l-proċeduri dwar l-approvazzjoni tat-tip u l-approvazzjoni tat-tip tal-komponenti stabbiliti fid-Direttiva 92/61/KEE li għandhom ikunu applikati għal kull tip ta' dawk il-vetturi;

Billi, minħabba l-kobor u l-impatt ta' l-azzjoni proposta fis-settur in kwistjoni, il-miżuri tal-Komunità koperti b'din id-Direttiva huma meħtieġa, anzi essenzjali, biex ikun milħuq l-għan in vista, li hu li jkun stabbilit fil-Komunità approvazzjoni tat-tip ta' vettura; billi dak il-għan ma jistax ikun milħuq b'mod adegwat mill-Istati Membri individwalment;

Billi d-disposizzjonijiet ta' din id-Direttiva m'għandhomx jobbligaw dawk l-Istati Membri li ma jippermettux vetturi b'żewġ roti fit-territorju tagħhom li jġorru karrijiet li jemendaw ir-regoli tagħhom,

ADOTTA DIN ID-DIRETTIVA:

Artikolu 1

Din id-Direttiva flimkien ma' l-Anness tagħha tapplika għall-massa u dimensjonijiet tat-tipi kollha ta' vetturi kif definiti fl-Artikolu 1 tad-Direttiva 92/61/KEE.

Artikolu 2

Il-proċedura għall-għoti ta' l-approvazzjoni tat-tip tal-komponent għar-rigward tal-massa u d-dimensjonijiet tat-tip ta' vettura bil-mutur b'żewġ jew bi tliet roti u l-kondizzjonijiet li jirregolaw il-moviment liberu ta' dawk il-vetturi għandhom ikunu kif stabbilit fil-Kapitoli II u III tad-Direttiva 92/61/KEE.

Artikolu 3

Xi emendi meħtieġa biex jiġu addattati l-ħtiġijiet ta' l-Annessi għall-progress tekniku għandhom ikunu adottati bi qbil mal-proċedura stabbilita fl-Artikolu 13 tad-Direttiva 70/156/KEE [5].

Artikolu 4

1. L-Istati Membri għandhom jadottaw u jippubblikaw id-disposizzjonijiet meħtieġa biex ikunu konformi ma' din id-Direttiva qabel l-1 ta' Mejju 1995. Huma għandhom minnufih jinfurmaw b'dan lill-Kummissjoni.

Meta l-Istati Membri jadottaw dawn id-disposizzjonijiet, dawn għandhom ikollhom referenza għal din id-Direttiva jew għandhom ikunu akkumpanjati minn referenza bħal dik fl-okkażjoni tal-pubblikazzjoni uffiċjali tagħhom. Il-metodi li bihom issir dik ir-riferenza għandhom ikunu stabbiliti mill-Istati Membri.

2. Mid-data msemmija fil-paragrafu 1 l-Istati Membri ma jistgħux, għal raġunijiet konnessi mal-massa u mad-dimensjonijiet, jipprojbixxu d-dħul inizjali fis-servizz ta' vetturi li huma konformi ma' din id-Direttiva.

Huma għandhom japplikaw id-disposizzjonijiet li hemm referenza dwarhom fil-paragrafu 1 mill-1 ta' Novembru 1995.

3. L-Istati Membri għandhom jikkomunikaw lejn il-Kummissjoni t-testi tad-disposizzjonijiet tal-liġi nazzjonali li huma jadottaw fil-qasam kopert b'din id-Direttiva.

Artikolu 5

Din id-Direttiva hija indirizzata lill-Istati Membri.

Magħmulha fi Brussel, fid- 19 ta' Ottubru 1993.

Għall-Kunsill

Il-President

R. Urbain

[1] ĠU L 225, 10.8.1992, p. 72.

[2] ĠU C 293, 9.11.1992, p. 1.

[3] ĠU C 337, 21.12.1992, p. 104 u d-Deċiżjoni tas-27 ta' Ottubru 1993 (li għadha mhix ippubblikata fl-Ġurnal Uffiċjali).

[4] ĠU C 73, 15.3.1993, p. 22.

[5] Id-Direttiva tal-Kunsill 70/156/KEE tas-6 ta' Frar 1970 dwar ir-resqien tal-liġijiet ta' l-Istati Membri dwar l-approvazzjoni tat-tip ta' vetturi bil-mutur u l-karrijiet tagħhom (ĠU L 42, 23.2.1970, p. 1), Id-Direttiva kif l-aħħar emendata bid-Direttiva 92/53/KEE (ĠU L 225, 10.8.1992, p. 1).

--------------------------------------------------

ANNESS

DEFINIZZJONIJIET, ĦTIĠIET ĠENERALI U SPEĊIFIĊI

1. DEFINIZJONIJIET

Għall-finijiet ta' din id-Direttiva.

1.1. tul

tfisser id-distanza bejn żewġ pjanijiet vertikali perpendikulari għall-pjan lonġitudinali tal-vettura u t-tanġenti man-naħa ta' quddiem u ta' wara tal-vettura, rispettivament. Il-partijiet kollha tal-vettura u, b'mod partikolari, kull parti mwaħħla li testendi lejn in-naħa ta' quddiem jew wara (bumpers, mudguards, eċċ.) għandhom ikunu inklużi f'dawk iż-żewġ pjanijiet;

1.2. wisa'

tfisser id-distanza bejn żewġ pjanijiet paralleli għall-pjan lonġitudinali tal-vettura u t-tanġenti mal-vettura fuq iż-żewġ naħat ta' dak il-pjan. Il-partijiet kollha tal-vettura u, b'mod partikolari, il-partijiet kollha mwaħħla mal-ġenb għandhom ikunu inklużi f'dawk iż-żewġ pjanijiet, u bl-eċċezzjoni tal-mirja tal-veduta ta' wara);

1.3. għoli

tfisser id-distanza bejn il-pjan li jappoġġja l-vettura u l-pjan paralleli tanġenti mal-parti ta' fuq tal-vettura. Il-partijiet kollha mwaħħla tal-vettura għandhom ikunu inklużi ġewwa dawk iż-żewġ pjanijiet, bl-eċċezzjoni tal-mirja tal-veduta ta' wara (s);

1.4. pjan lonġitudinali

tfisser il-pjan vertikali li hu paralleli mad-direzzjoni dritta tat-traġitt tal-vettura;

1.5. massa mhux mgħobbija

tfisser il-massa tal-vettura lesta għall-użu normali u mgħammra kif ġej:

- apparat addizzjonali meħtieġ biss għall-użu normali taħt il-konsiderazzjoni,

- apparat elettriku komplut, inkluż id-dawl u l-apparati li jagħmlu sinjali bid-dawl fornuti mill-fabbrikant,

- strumenti u apparat meħteġa mil-liġijiet li permezz tagħhom il-massa mhix mgħobbija tal-vettura tkun ġiet imkejla,

- l-ammonti xierqa ta' likwidi sabiex tkun assigurata l-operazzjoni xierqa tal-partijiet kollha tal-vettura.

NB:

il-karburanti u t-taħlita ta' żjut/karburanti ma humiex inklużi fil-kejl, iżda l-komponenti bħal ma hu l-aċidu tal-batterija, iż-żejt idrawliku, il-likwidu tat-tberrid u ż-żejt tal-makna għandhom ikunu inklużi;

1.6. massa li tkun taħdem

tfisser il-massa mhix mgħobbija li magħha l-massa tal-komponenti li ġejjin tkun miżjuda:

- karburanti: tank mimli b'għall-inqas 90 % tal-kapaċità ddikjarata mill-fabbrikant,

- apparat addizzjonali normalment fornit mill-fabbrikant b'żieda ma' dak meħtieġ għall-operazzjoni normali (sett ta' l-għodda, l-ixkaffa tal-bagolli, il-windscreen, apparat protettiv, eċċ).

NB:

fil-każ ta' vettura li taħdem b'taħlita ta' żejt/karburanti:

(a) meta l-karburanti u ż-żejt ikunu mħallta minn qabel il-kelma "karburanti" għandha tkun interpretata li tfisser it-taħlita minn qabel ta' dan it-tip ta' karburanti u żejt;

(b) meta l-karburanti u ż-żejt jitpoġġew b'mod separat il-kelma "karburanti" għandha tkun interpretata li tfisser biss il-petrol. F'dan il-każ, iż-żejt ikun diġà inkluż fil-kejl tal-massa mhix mgħobbija;

1.7. massa tar-rikkieb

b'konvenzjoni, hu meqjus li tkun ċifra tonda ta' 75 kg;

1.8. massa massima teknikament permissibbli

tfisser il-massa kkalkulata mill-fabbrikant għall-kondizzjonijiet ta' operazzjoni speċifika, meta wieħed jikkunsidra l-fatturi bħas-saħħa tal-materjali, kapaċità ta' tagħbija tat-tyres, eċċ.;

1.9. tagħbija ewlenija massima ddikjarata mill-fabbrikant

tfisser it-tagħbija miksuba billi jitnaqqas il-massa kif definta fil-paragrafu 1.6, bil-massa tar-rikkieb (kif definit fil-paragrafu 1.7), mill-massa definita fil-paragrafu 1.8.

2. ĦTIĠIET ĠENERALI

Il-ħtiġijiet li ġejjin għandhom ikunu mħarsa matul l-iċċekkjar:

2.1. id-dimensjonijiet għandhom jiġu mkejla fil-vettura fl-massa mhix mgħobbija tagħha u t-tyres tagħha minfuħa għall-pressa rrakkomandata mill-fabbrikant għall-massa mhix mgħobbija;

2.2. il-vettura għandha tkun f'pożizzjoni vertikali u r-roti f'pożizzjoni li jikkorrispondu ma' traġitt f'linja dritta;

2.3. ir-roti kollha tal-vettura għandhom ikunu mwieżna mill-pjan ta' l-appoġġ, bl-eċċezzjoni ta' kull rota ta' riserva.

3. ĦTIĠIET SPEĊIFIĊI

3.1. Dimensjonijiet massimi

3.1.1. Id-dimensjonijiet massimi awtorizzati għall-vetturi bil-mutur b'żewġ jew bi tliet roti jew b'erba' roti huma kif ġej:

3.1.1.1. | -tul: | 4,00 m, |

3.1.1.2. | -wisa': | 1,00 m għal mopeds b'żewġ roti, 2,00 m għall-vetturi l-oħra, |

3.1.1.3. | -għoli: | 2,50 m. |

3.2. Massa massima

3.2.1. Il-massa massima għall-vetturi bil-mutur b'żewġ roti hija l-massa teknikament permissibbli ddikjarat mill-fabbrikant.

3.2.2. Il-massa massima mhix mgħobbija għall-vetturi bil-mutur bi tliet jew erba' roti huma kif ġej:

3.2.2.1. vettur bil-mutur bi tliet roti:

270 kg għal mopeds;

1000 kg għal triċikletti (l-ebda akkont ma jittieħed tal-massa tal-batterija tat-trazzjoni għall-vetturi elettriċi);

3.2.2.2. vetturi bil-mutur b'erba' roti:

350 kg - kwardi-ċikli ħfief;

400 kg - kwadri-ċikli apparti milli ħfief għal trasport ta' persuni;

550 kg - kwadri-ċikli apparti minn ħfief għal trasport ta' merkanzija (l-ebda akkont m'għandu jittieħed tal-massa tal-batterija tat-trazzjoni għall-vetturi elettriċi).

3.2.3. It-tagħbija normali massima ddikjarata mill-fabbrikant għall-vetturi bil-mutur bi tliet jew b'erba' roti huma kif ġej:

3.2.3.1. mopeds bi tliet roti:

300 kg;

3.2.3.2. kwadri-ċikli ħfief:

200 kg;

3.2.3.3. triċikletti:

3.2.3.3.1. għal trasport ta' merkanzija:

1500 kg;

3.2.3.3.2. għal trasport ta' persuni:

300 kg;

3.2.3.4. kwadri-ċikli, apparti minn dawk ħfief:

3.2.3.4.1. għal trasport ta' merkanzija:

1000 kg;

3.2.3.4.2. għal trasport ta' persuni:

200 kg;

3.2.4. vetturi bil-mutur b'żewġ jew bi tliet roti jew b'erba' roti jistgħu jkunu awtorizzati li jġorru massa ddikjarat mill-fabbrikant li ma teċċedix 50 % tal-massa mhix mgħobbija tal-vettura.

--------------------------------------------------