|
Iris Oifigiúil |
GA Sraith L |
|
2026/1375 |
25.6.2026 |
CINNEADH CUR CHUN FEIDHME (AE) 2026/1375 ÓN gCOIMISIÚN
an 23 Meitheamh 2026
lena leasaítear Cinneadh 2005/290/CE a mhéid a bhaineann le rialacha deimhniúcháin agus deimhniú sláinte ainmhithe/oifigiúil caighdeánach maidir le coinsíneachtaí d’fheoil úr ó mhuc-ainmhithe clóis atá beartaithe lena tomhailt ag an duine a allmhairiú isteach san Aontas ó Cheanada
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2017/625 ó Pharlaimint na hEorpa agus ón gComhairle an 15 Márta 2017 maidir le rialuithe oifigiúla agus gníomhaíochtaí oifigiúla eile arna ndéanamh lena áirithiú go gcuirtear i bhfeidhm dlí an bhia agus na beatha, rialacha maidir le sláinte agus leas ainmhithe, sláinte plandaí agus táirgí cosanta plandaí, lena leasaítear Rialacháin (CE) Uimh. 999/2001, (CE) Uimh. 396/2005, (CE) Uimh. 1069/2009, (CE) Uimh. 1107/2009, (AE) Uimh. 1151/2012, (AE) Uimh. 652/2014, (AE) 2016/429 agus (AE) 2016/2031 ó Pharlaimint na hEorpa agus ón gComhairle, Rialachán (CE) Uimh. 1/2005 agus Rialachán (CE) Uimh. 1099/2009 ón gComhairle agus Treoracha 98/58/CE, 1999/74/CE, 2007/43/CE, 2008/119/CE agus 2008/120/CE ón gComhairle agus lena n-aisghairtear Rialachán (CE) Uimh. 854/2004 ó Pharlaimint na hEorpa agus ón gComhairle, agus Rialachán (CE) Uimh. 882/2004 ó Pharlaimint na hEorpa agus ón gComhairle, Treoracha 89/608/CEE, 89/662/CEE, 90/425/CEE, 91/496/CEE, 96/23/CE, 96/93/CE agus 97/78/CE agus Cinneadh 92/438/CEE ón gComhairle (Rialachán maidir le Rialuithe Oifigiúla) (1), agus go háirithe Airteagal 126(3) de,
Ag féachaint do Rialachán (AE) 2016/429 ó Pharlaimint na hEorpa agus ón gComhairle an 9 Márta 2016 maidir le galair in-tarchurtha ainmhithe agus lena leasaítear agus lena n-aisghairtear gníomhartha áirithe i réimse na sláinte ainmhithe (‘Dlí maidir le Sláinte Ainmhithe’) (2), agus go háirithe Airteagal 238(3) de,
De bharr an mhéid seo a leanas:
|
(1) |
Le hIarscríbhinn 5-E a ghabhann leis an gComhaontú Cuimsitheach Eacnamaíoch agus Trádála (CETA) idir Ceanada, de pháirt, agus an tAontas Eorpach agus a Bhallstáit (3), den pháirt eile, (‘an Comhaontú’) bunaítear na bearta sláinte poiblí agus sláinte ainmhithe maidir le hainmhithe agus táirgí ainmhithe áirithe a bhfuil coibhéis le haithint ina leith a allmhairiú isteach san Aontas. |
|
(2) |
Déantar foráil in Iarscríbhinn 5-I a ghabhann leis an gComhaontú maidir le fianuithe sláinte a chuimsiú sa deimhniú sláinte ainmhithe/oifigiúil caighdeánach le haghaidh allmhairiú ainmhithe agus táirgí ainmhithe áirithe isteach san Aontas a bhfuil coibhéis beart aitheanta ina leith. |
|
(3) |
Tá coibhéis aitheanta maidir le ceanglais áirithe sláinte poiblí i dtaca le feoil úr ó mhuc-ainmhithe clóis atá beartaithe lena tomhailt ag an duine a allmhairiú isteach san Aontas ó Cheanada ach níl coibhéis aitheanta maidir le ceanglais sláinte ainmhithe. Dá bhrí sin, níor cheart simpliú an deimhnithe chaighdeánaigh a bheith bainteach ach le fianú sláinte poiblí an deimhnithe sláinte ainmhithe/oifigiúil chaighdeánaigh le haghaidh feoil úr ó mhuc-ainmhithe clóis atá beartaithe lena tomhailt ag an duine a allmhairiú isteach san Aontas ó Cheanada. Ba cheart fianú sláinte ainmhithe an deimhnithe chaighdeánaigh sin a bheith mar an gcéanna leis an bhfianú sláinte ainmhithe atá sa deimhniú sláinte ainmhithe/oifigiúil caighdeánach le haghaidh feoil úr atá beartaithe lena tomhailt ag an duine a theacht isteach san Aontas, cé is moite d’fheoil díchnámhaithe go meicniúil, ó mhuc-ainmhithe clóis (DEIMHNIÚ CAIGHDEÁNACH POR) a leagtar amach i gCaibidil 3 d’Iarscríbhinn III a ghabhann le Rialachán Cur Chun Feidhme (AE) 2020/2235 ón gCoimisiún (4). |
|
(4) |
Le hAirteagal 118(1) de Rialachán (AE) 2019/6 ó Pharlaimint na hEorpa agus ón gComhairle (5), arna léamh i gcomhar le hAirteagal 107(2) den Rialachán sin, bunaítear an ceanglas, maidir le coinsíneachtaí ainmhithe nó táirgí de bhunadh ainmhíoch ó thríú tíortha a theacht isteach san Aontas, nár úsáideadh aon táirge íocshláinte frithmhiocróbach chun fás a chur chun cinn ná chun táirgeacht a mhéadú sna hainmhithe lena mbaineann. Ina theannta sin, táirgí íocshláinte ina bhfuil ábhair fhrithmhiocróbacha a chuimsítear i liosta na n-ábhar frithmhiocróbach arna bhforchoimeád chun ionfhabhtuithe áirithe i ndaoine a chóireáil a leagtar síos i Rialachán Cur Chun Feidhme (AE) 2022/1255 ón gCoimisiún (6), ní féidir iad a bheith úsáidte i leith ainmhithe ná táirgí de bhunadh ainmhíoch chun go bhféadfaidh siad teacht isteach san Aontas ó thríú tíortha. |
|
(5) |
Le Rialachán Tarmligthe (AE) 2023/905 ón gCoimisiún (7) forlíontar Rialachán (AE) 2019/6 trí choinníollacha a shuí maidir le teacht isteach coinsíneachtaí de bhia-ainmhithe beo agus táirgí de bhunadh ainmhíoch san Aontas atá beartaithe lena dtomhailt ag an duine, arna n-onnmhairiú ó thríú tíortha chuig an Aontas. |
|
(6) |
Sonraítear in Airteagal 4 de Rialachán Tarmligthe (AE) 2023/905, go háirithe, nach bhféadfaidh coinsíneachtaí bia-ainmhithe agus táirgí de bhunadh ainmhíoch atá beartaithe lena dtomhailt ag an duine teacht isteach san Aontas ach amháin i gcás ina bhfuil deimhniú oifigiúil ag gabháil leo lena bhfianaítear comhlíonadh rialacha an Aontais maidir le húsáid táirgí íocshláinte frithmhiocróbacha a bunaíodh i Rialachán (AE) 2019/6 agus i Rialachán Tarmligthe (AE) 2023/905. |
|
(7) |
Dá bhrí sin, ba cheart fianú maidir le comhlíonadh rialacha sin an Aontais a chur isteach sa deimhniú caighdeánach a leagtar amach in Iarscríbhinn II a ghabhann le Cinneadh 2005/290/CE ón gCoimisiún (8). |
|
(8) |
Ar mhaithe le soiléireacht agus comhsheasmhacht rialacha an Aontais, ba cheart an deimhniú caighdeánach a leagtar amach in Iarscríbhinn II a ghabhann le Cinneadh 2005/290/CE a thabhairt cothrom le dáta, lena n-áirítear tagairtí, nótaí agus eilimintí struchtúracha a thabhairt cothrom le dáta, agus ba cheart an deimhniú caighdeánach a leagtar amach san Iarscríbhinn a ghabhann leis an gCinneadh seo a chur ina ionad. |
|
(9) |
Ba cheart, dá bhrí sin, Cinneadh 2005/290/CE a leasú dá réir sin. |
|
(10) |
Chun aon chur isteach ar thrádáil a sheachaint a mhéid a bhaineann le coinsíneachtaí d’fheoil úr ó mhuc-ainmhithe clóis lena tomhailt ag an duine ó Cheanada a theacht isteach san Aontas, maidir le húsáid an deimhnithe chaighdeánaigh sláinte ainmhithe agus an deimhnithe sláinte poiblí le haghaidh feoil úr ó mhuca clóis a choinsínítear chuig an Aontas ó Cheanada arna eisiúint i gcomhréir le hIarscríbhinn II a ghabhann le Cinneadh 2005/290/CE, mar ab infheidhme roimh na leasuithe a dhéantar ar an Iarscríbhinn sin leis an gCinneadh seo, ba cheart leanúint den úsáid sin a ghlacadh i dtaca le teacht isteach san Aontas le linn idirthréimhse go dtí dáta theacht i bhfeidhm an deimhnithe chaighdeánaigh sláinte ainmhithe/oifigiúil a leagtar amach san Iarscríbhinn a ghabhann leis an gCinneadh seo. |
|
(11) |
Tá na bearta dá bhforáiltear sa Chinneadh seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN CINNEADH SEO A GHLACADH:
Airteagal 1
Cuirtear an téacs a leagtar amach san Iarscríbhinn a ghabhann leis an gCinneadh seo in ionad Iarscríbhinn II a ghabhann le Cinneadh 2005/290/CE.
Airteagal 2
Ar feadh idirthréimhse go dtí an 3 Nollaig 2026, maidir le húsáid deimhnithe sláinte ainmhithe agus deimhnithe sláinte poiblí arna n-eisiúint i gcomhréir leis an deimhniú caighdeánach a leagtar amach in Iarscríbhinn II a ghabhann le Cinneadh 2005/290/CE, mar ab infheidhme roimh na leasuithe arna ndéanamh ar an Iarscríbhinn sin leis an gCinneadh seo, leanfaidh siad d’údarú a bheith acu i dtaca le coinsíneachtaí d’fheoil úr ó mhuc-ainmhithe clóis ó Cheanada atá beartaithe lena dtomhailt ag an duine a theacht isteach san Aontas, ar choinníoll gur eisíodh na deimhnithe sin tráth nach déanaí ná an 3 Meán Fómhair 2026.
Airteagal 3
Tiocfaidh an Cinneadh seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, an 23 Meitheamh 2026.
Thar ceann an Choimisiúin
An tUachtarán
Ursula VON DER LEYEN
(1) IO L 95, 7.4.2017, lch. 1, ELI: http://data.europa.eu/eli/reg/2017/625/oj.
(2) IO L 84, 31.3.2016, lch. 1, ELI: http://data.europa.eu/eli/reg/2016/429/oj.
(3) IO L 11, 14.1.2017, lch. 23, ELI: http://data.europa.eu/eli/agree_internation/2017/37/oj.
(4) Rialachán Cur Chun Feidhme (AE) 2020/2235 ón gCoimisiún an 16 Nollaig 2020 lena leagtar síos rialacha maidir le cur i bhfeidhm Rialacháin (AE) 2016/429 agus (AE) 2017/625 ó Pharlaimint na hEorpa agus ón gComhairle maidir le deimhnithe sláinte ainmhithe caighdeánacha, deimhnithe oifigiúla caighdeánacha agus deimhnithe sláinte ainmhithe/oifigiúla caighdeánacha, i dtaca le coinsíneachtaí catagóirí áirithe ainmhithe agus earraí a theacht isteach san Aontas agus lena ngluaiseacht laistigh den Aontas, deimhniúchán oifigiúil maidir leis na deimhnithe sin agus lena n-aisghairtear Rialachán (CE) Uimh. 599/2004, Rialacháin Cur Chun Feidhme (AE) Uimh. 636/2014 agus (AE) 2019/628, Treoir 98/68/CE agus Cinntí 2000/572/CE, 2003/779/CE agus 2007/240/CE (IO L 442, 30.12.2020, lch. 1, ELI: http://data.europa.eu/eli/reg_impl/2020/2235/OJ).
(5) Rialachán (AE) 2019/6 ó Pharlaimint na hEorpa agus ón gComhairle an 11 Nollaig 2018 maidir le táirgí íocshláinte tréidliachta agus lena n-aisghairtear Treoir 2001/82/CE (IO L 4, 7.1.2019, lch. 43, ELI: http://data.europa.eu/eli/reg/2019/6/oj).
(6) Rialachán Cur Chun Feidhme (AE) 2022/1255 ón gCoimisiún an 19 Iúil 2022 lena n-ainmnítear frithmhiocróbaigh nó grúpaí frithmhiocróbach arna bhforchoimeád chun ionfhabhtuithe áirithe i ndaoine a chóireáil, i gcomhréir le Rialachán (AE) 2019/6 ó Pharlaimint na hEorpa agus ón gComhairle (IO L 191, 20.7.2022, lch. 58, ELI: http://data.europa.eu/eli/reg_impl/2022/1255/OJ).
(7) Rialachán Tarmligthe (AE) 2023/905 ón gCoimisiún an 27 Feabhra 2023 lena bhforlíontar Rialachán (AE) 2019/6 ó Pharlaimint na hEorpa agus ón gComhairle a mhéid a bhaineann le cur i bhfeidhm an toirmisc ar úsáid táirgí áirithe íocshláinte frithmhiocróbacha in ainmhithe nó i dtáirgí de bhunadh ainmhíoch a onnmhairítear ó thríú tíortha isteach san Aontas (IO L 116, 4.5.2023, lch. 1, ELI: http://data.europa.eu/eli/reg_del/2023/905/oj).
(8) Cinneadh 2005/290/CE ón gCoimisiún an 4 Aibreán 2005 maidir le deimhnithe simplithe chun seamhan buaibheach agus muiceoil úr ó Cheanada a allmhairiú lena leasaítear Cinneadh 2004/639/CE (IO L 93, 12.4.2005, lch. 34, ELI: http://data.europa.eu/eli/dec/2005/290/oj).
IARSCRÍBHINN
IARSCRÍBHINN II
DEIMHNIÚ SLÁINTE AINMHITHE/OIFIGIÚIL CAIGHDEÁNACH MAIDIR LE FEOIL ÚR LENA TOMHAILT AG AN DUINE A THEACHT ISTEACH SAN AONTAS, CÉ IS MOITE D’FHEOIL DÍCHNÁMHAITHE GO MEICNIÚIL, Ó MHUC-AINMHITHE CLÓIS Ó CHEANADA (DEIMHNIÚ CAIGHDEÁNACH “CA-POR”)
Cuid I: Tuairisc ar an gcoinsíneacht
|
|
Deimhniú sláinte ainmhithe/oifigiúil don Aontas Eorpach |
|
I.1 |
Coinsíneoir/Onnmhaireoir |
|
I.2 |
Tagairt an deimhnithe |
I.2a |
Tagairt CBFRO |
|
|
Ainm |
|
CÓD QR |
|||
|
|
Seoladh |
|
I.3 |
Údarás Inniúil Lárnach |
||
|
|
Tír |
Cód tíre ISO |
I.4 |
Údarás Inniúil Áitiúil |
||
|
I.5 |
Coinsíní/Allmhaireoir |
|
I.6 |
An t-oibreoir atá freagrach as an gcoinsíneacht |
|
|
|
|
Ainm |
|
|
Ainm |
|
|
|
|
Seoladh |
|
|
Seoladh |
|
|
|
|
Tír |
Cód tíre ISO |
|
Tír |
Cód tíre ISO |
|
|
I.7 |
Tír thionscnaimh |
Cód tíre ISO |
I.9 |
An tír cinn scríbe |
Cód tíre ISO |
|
|
I.8 |
An réigiún tionscnaimh |
Cód |
I.10 |
Réigiún cinn scríbe |
Cód |
|
|
I.11 |
Áit seolta |
|
I.12 |
Ceann scríbe |
|
|
|
|
Ainm |
Uimh. Chlárúcháin/Formheasa |
|
Ainm |
Uimh. Chlárúcháin/Formheasa |
|
|
|
Seoladh |
|
|
Seoladh |
|
|
|
|
Tír |
Cód tíre ISO |
|
Tír |
Cód tíre ISO |
|
|
I.13 |
Ionad luchtaithe |
I.14 |
Dáta agus am imeachta |
|||
|
I.15 |
Modh iompair |
|
I.16 |
Post Rialaithe Teorann um Theacht Isteach |
|
|
|
☐ Aerárthach |
☐ Soitheach |
I.17 |
Doiciméid tionlacain |
|
|
|
☐ Iarnród |
☐ Feithicil bhóthair |
|
Cineál |
Cód |
|
|
Sainaitheantas |
|
Tír |
Cód tíre ISO |
|
|
|
Tagairt doiciméid tráchtála |
|
|||
|
I.18 |
Dálaí iompair |
☐ Comhthimpeallach |
☐ Fuaraithe |
☐ Reoite |
|
|
I.19 |
Uimhir an choimeádáin/Uimhir an tséala |
||||
|
|
Uimhir an choimeádáin |
Uimhir an tséala |
|
||
|
I.20 |
An cineál deimhniúcháin |
||||
|
|
☐ Táirgí lena dtomhailt ag an duine |
|
|
|
|
|
I.21 |
☐ Le haghaidh idirthurais |
I.22 |
☐ Le haghaidh an mhargaidh inmheánaigh |
||
|
|
Tríú tír |
Cód tíre ISO |
I.23 |
|
|
|
I.24 |
An líon iomlán pacáistí |
I.25 |
Cainníocht iomlán |
I.26 |
Glanmheáchan iomlán/ollmheáchan (kg) |
|
I.27 |
Tuairisc ar an gcoinsíneacht |
||||||
|
Cód AC |
Speiceas |
|
|
|
|
|
|
|
|
|
|
|
|
|
|
|
|
|
|
Fuar-stóras |
|
|
Cineál pacáistíochta |
|
Glanmheáchan |
|
|
|
|
|
|
|
|
|
|
Seamlas |
|
Cineál cóireála |
|
Cineál an tráchtearra |
An líon pacáistí |
|
Baiscuimhir |
|
|
|
|
|
|
|
|
|
|
☐ Tomhaltóir deiridh |
An dáta bailithe/táirgthe |
|
Monarcha mhonaraíochta |
|
|
|
|
Cuid II: Deimhniú
|
TÍR |
Deimhniú caighdeánach CA POR |
||||
|
|
II. Faisnéis sláinte |
II.a |
Tagairt an deimhnithe |
II.b |
Tagairt CBFRO |
Nótaí I gcomhréir leis an gComhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach, agus go háirithe Airteagal 5(4) de Chreat Windsor (féach Dearbhú Comhpháirteach Uimh. 1/2023 ón Aontas agus ón Ríocht Aontaithe sa Chomhchoiste a bunaíodh leis an gComhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach an 24 Márta 2023 (IO L 102, 17.4.2023, lch. 87) i gcomhar le hIarscríbhinn 2 a ghabhann leis an gCreat sin, áirítear an Ríocht Aontaithe i ndáil le Tuaisceart Éireann sna tagairtí don Aontas Eorpach sa deimhniú sláinte ainmhithe/oifigiúil seo. Tá an deimhniú sláinte ainmhithe/oifigiúil seo beartaithe le haghaidh feoil úr agus feoil mhionaithe (mar a shainmhínítear i bpointí 1.10 agus 1.13 d’Iarscríbhinn I a ghabhann le Rialachán (CE) Uimh. 853/2004 ó Pharlaimint na hEorpa agus ón gComhairle) ó ainmhithe ar coimeád de phórtha clóis muc-ainmhithe ó Cheanada (mar a shainmhínítear in Airteagal 2, pointe (8) de Rialachán Tarmligthe (AE) 2020/692) a theacht isteach san Aontas. Luaitear go sainráite sa teideal go n-eisiatar feoil díchnámhaithe go meicniúil chun aon mhearbhall a sheachaint mar ní thiocfaidh an táirge sin isteach san Aontas agus an deimhniú seo le haghaidh feoil úr á úsáid. Líonfar isteach an deimhniú sláinte ainmhithe/oifigiúil seo i gcomhréir leis na nótaí maidir le deimhnithe a líonadh isteach dá bhforáiltear i gCaibidil 4 d’Iarscríbhinn I a ghabhann le Rialachán Cur Chun Feidhme (AE) 2020/2235 ón gCoimisiún. Cuid I
Cuid II
|
|
Tréidlia oifigiúil |
|||
|
Ainm (i gceannlitreacha) |
|
|
|
|
Dáta |
|
Cáilíocht agus teideal |
|
|
Stampa |
|
Síniú |
|
ELI: http://data.europa.eu/eli/dec_impl/2026/1375/oj
ISSN 1977-0839 (electronic edition)