|
Il-Ġurnal Uffiċjali |
MT Is-serje C |
|
C/2024/3541 |
10.6.2024 |
Pubblikazzjoni ta’ komunikazzjoni tal-approvazzjoni ta’ emenda standard tal-Ispeċifikazzjoni tal-Prodott ta’ isem fis-settur tal-inbid, kif imsemmi fl-Artikolu 17(2) u (3) tar-Regolament Delegat tal-Kummissjoni (UE) 2019/33
(C/2024/3541)
Din il-komunikazzjoni hija ppubblikata f’konformità mal-Artikolu 17(5) tar-Regolament Delegat tal-Kummissjoni (UE) 2019/33 (1).
KOMUNIKAZZJONI TAL-APPROVAZZJONI TA’ EMENDA STANDARD
“Rosso Piceno / Piceno”
PDO-IT-A0427-AM02
Data tal-komunikazzjoni: 12.3.2024
DESKRIZZJONI TAL-EMENDA APPROVATA U RAĠUNIJIET GĦALIHA
1. Inklużjoni ta’ referenza leġiżlattiva
Deskrizzjoni:
Ta’ min jinnota li r-rekwiżit ta’ densità ta’ mill-inqas 2 200 dielja għal kull ettaru u l-projbizzjoni tat-tkabbir tad-dwieli ma’ kannizzata fl-għamla ta’ għata japplika għall-vinji li ġew imħawla wara d-dħul fis-seħħ tal-Ispeċifikazzjoni tal-Prodott annessa mad-Digriet Ministerjali tas-17 ta’ Mejju 2011.
Raġunijiet:
Jeħtieġ li tiġi speċifikata b’mod inekwivoku s-sena li fiha tħawlu l-vinji li għalihom japplika r-rekwiżit.
L-emenda tikkonċerna l-Artikolu 4 tal-Ispeċifikazzjoni tal-Prodott.
2. Korrezzjoni formali
Deskrizzjoni:
It-terminu “il-prodott” huwa sostitwit bil-kliem “il-lott”.
Raġunijiet:
Ġiet iffinalizzata l-korrezzjoni formali sabiex jintuża terminu aktar korrett.
L-emenda tikkonċerna l-Artikolu 5 tal-Ispeċifikazzjoni tal-Prodott.
3. Tħassir ta’ paragrafu
Deskrizzjoni:
L-aħħar paragrafu tal-Artikolu 6 tħassar.
Raġunijiet:
Il-paragrafu tħassar peress li ma għadux rilevanti.
L-emenda tikkonċerna l-Artikolu 6 tal-Ispeċifikazzjoni tal-Prodott.
4. Tħassir ta’ paragrafu
It-tielet paragrafu tal-Artikolu 7 tħassar.
Raġunijiet:
il-paragrafu tħassar minħabba li huwa superfluwu.
L-emenda tikkonċerna l-Artikolu 7 tal-Ispeċifikazzjoni tal-Prodott.
5. Inklużjoni tal-possibbiltà li jintużaw reċipjenti alternattivi għall-ħġieġ
Deskrizzjoni:
Qed tiġi inkluża l-possibbiltà għat-tipi kollha tad-DOP Rosso Piceno jew Piceno, bl-eċċezzjoni ta’ dawk bl-indikazzjoni Superiore u Vigna, li jużaw reċipjenti oħra alternattivi għall-ħġieġ, li huma magħmula minn materjali oħra li huma adattati biex jiġu f’kuntatt mal-ikel, filwaqt li titneħħa r-referenza għall-plastik tal-polietilen u tal-poliester b’diversi saffi mgeżwra fil-kartun jew f’materjal riġidu ieħor f’volumi ta’ bejn 2 u 5 litri, li qabel kienu permessi esklussivament għad-DOP Rosso Piceno jew Piceno.
Raġunijiet:
L-għażla li tiġi inkluża l-possibbiltà li jintużaw reċipjenti alternattivi għall-ħġieġ hija dovuta għaż-żieda fid-domanda mill-klijenti, l-importaturi u l-konsumaturi li wrew din il-ħtieġa f’dawn l-aħħar snin. L-entità li qed tressaq il-proposta għalhekk qieset li kien meħtieġ li tiġi introdotta din l-emenda sabiex jiġu ssodisfati l-ħtiġijiet attwali tas-suq.
Din l-emenda tikkonċerna l-Artikolu 7 tal-Ispeċifikazzjoni tal-Prodott u t-taqsima tad-Dokument Uniku “Rekwiżiti oħra applikabbli”
6. Inklużjoni ta’ referenza leġiżlattiva
Deskrizzjoni:
L-inklużjoni ta’ referenza leġiżlattiva għall-emenda tad-Digriet li japprova l-mudell approvat mill-Ministeru b’referenza għall-Pjan ta’ Kontroll.
Motivazzjoni:
Ħtieġa għal aġġornament regolatorju
L-emenda tikkonċerna l-Artikolu 10 tal-Ispeċifikazzjoni tal-Prodott.
DOKUMENT UNIKU
1. Isem/Ismijiet għar-reġistrazzjoni
Rosso Piceno
Piceno
2. Tip ta’ indikazzjoni ġeografika
DOP – Denominazzjoni ta’ Oriġini Protetta
3. Kategoriji tal-prodotti tad-dwieli
1. Inbid
4. Deskrizzjoni tal-inbid/inbejjed
1. Rosso Piceno jew Piceno
DESKRIZZJONI QASIRA
L-inbejjed tad-DOP Rosso Piceno” jew Piceno għandhom kulur aħmar lewn ir-rubin qawwi bi sfumaturi fil-vjola. Għandhom riħa li fiha noti tal-frott aħmar u b’togħma armonjuża u bbilanċjata hekk kif wieħed iduqhom, u jħallu togħma pjuttost persistenti.
Kull parametru analitiku ieħor li ma jidhirx fit-tabella ta’ hawn taħt, il-valur jitħalla vojt, jikkonforma mal-limiti previsti fil-leġiżlazzjoni nazzjonali u tal-UE.
Karatteristiċi analitiċi
|
— |
Qawwa alkoħolika totali massima (f’% tal-volum) |
|
— |
Qawwa alkoħolika proprja minima (f’% tal-volum) |
|
— |
Aċidità totali minima 4,50 grammi għal kull litru espressi bħala aċidu tartariku |
|
— |
Aċidità volatili massima (f’milliekwivalenti għal kull litru) |
|
— |
Total massimu ta’ diossidu tal-kubrit (f’milligrammi għal kull litru) |
2. Rosso Piceno Sangiovese jew Piceno Sangiovese
DESKRIZZJONI QASIRA
L-inbejjed tad-DOP Rosso Piceno Sangiovese jew Piceno Sangiovese għandhom kulur aħmar lewn ir-rubin qawwi bi sfumaturi fil-vjola, riħa li fiha ħjiel ta’ frott aħmar u togħma minerali bbilanċjata hekk kif wieħed iduqhom, u jħallu togħma pjuttost dejjiema u persistenti.
Kull parametru analitiku ieħor li ma jidhirx fit-tabella ta’ hawn taħt, il-valur jitħalla vojt, jikkonforma mal-limiti previsti fil-leġiżlazzjoni nazzjonali u tal-UE.
Karatteristiċi analitiċi
|
— |
Qawwa alkoħolika totali massima (f’% tal-volum) |
|
— |
Qawwa alkoħolika proprja minima (f’% tal-volum) |
|
— |
Aċidità totali minima 4,50 grammi għal kull litru espressi bħala aċidu tartariku |
|
— |
Aċidità volatili massima (f’milliekwivalenti għal kull litru) |
|
— |
Total massimu ta’ diossidu tal-kubrit (f’milligrammi għal kull litru) |
3. Rosso Piceno novello jew Piceno novello
DESKRIZZJONI QASIRA
L-inbejjed tad-DOP Rosso Piceno novello jew Piceno novello għandhom kulur aħmar lewn ir-rubin qawwi, riħa li fiha noti ta’ fjuri bi ħjiel ta’ frott aħmar, u togħma friska u armonjuża.
Kull parametru analitiku ieħor li ma jidhirx fit-tabella ta’ hawn taħt, il-valur jitħalla vojt, jikkonforma mal-limiti previsti fil-leġiżlazzjoni nazzjonali u tal-UE.
Karatteristiċi analitiċi
|
— |
Qawwa alkoħolika totali massima (f’% tal-volum) |
|
— |
Qawwa alkoħolika proprja minima (f’% tal-volum) |
|
— |
Aċidità totali minima 4,50 grammi għal kull litru espressi bħala aċidu tartariku |
|
— |
Aċidità volatili massima (f’milliekwivalenti għal kull litru) |
|
— |
Total massimu ta’ diossidu tal-kubrit (f’milligrammi għal kull litru) |
4. Rosso Piceno jew Piceno Superiore
DESKRIZZJONI QASIRA
L-inbejjed tad-DOP Rosso Piceno Superiore jew Piceno Superiore għandhom kulur aħmar lewn ir-rubin bi sfumaturi fl-oranġjo minħabba t-tqaddim; għandhom riħa bi ħjiel ta’ frott aħmar u b’noti ta’ likorizja u kawkaw; għandhom togħma robusta, armonjuża, intensa u persistenti ħafna.
Kull parametru analitiku ieħor li ma jidhirx fit-tabella ta’ hawn taħt, il-valur jitħalla vojt, jikkonforma mal-limiti previsti fil-leġiżlazzjoni nazzjonali u tal-UE.
Karatteristiċi analitiċi
|
— |
Qawwa alkoħolika totali massima (f’% tal-volum) |
|
— |
Qawwa alkoħolika proprja minima (f’% tal-volum) |
|
— |
Aċidità totali minima 4,50 grammi għal kull litru espressi bħala aċidu tartariku |
|
— |
Aċidità volatili massima (f’milliekwivalenti għal kull litru) |
|
— |
Total massimu ta’ diossidu tal-kubrit (f’milligrammi għal kull litru) |
5. Prattiki tal-produzzjoni tal-inbid
5.1. Prattiki enoloġiċi speċifiċi
—
5.2. Rendimenti massimi għal kull ettaru
|
1. |
Rosso Piceno jew Piceno
13 000 kilogramma ta’ għeneb għal kull ettaru |
|
2. |
Rosso Piceno Sangiovese jew Piceno Sangiovese
13 000 kilogramma ta’ għeneb għal kull ettaru |
|
3. |
Rosso Piceno novello jew Piceno novello
13 000 kilogramma ta’ għeneb għal kull ettaru |
|
4. |
Rosso Piceno Superiore jew Piceno Superiore
12 000 kilogramma ta’ għeneb għal kull ettaru |
6. Definizzjoni taż-żona demarkata
Iż-żona ġeografika koperta mid-definizzjoni tal-inbid tad-DOP Rosso Piceno jew Piceno hija dik il-parti tat-territorju tar-Reġjun tal-Marche, li bħala konfini fit-Tramuntana għandu l-fruntiera amministrattiva bejn il-provinċji ta’ Pesaro Urbino u Ancona u fin-Nofsinhar lix-xmara Tronto. Il-provinċji kkonċernati huma Ancona, ħlief it-territorji li jappartjenu għaż-żona tal-produzzjoni tal-inbid tad-DOP Rosso Conero, Macerata, Fermo u Ascoli Piceno.
Iż-żona tal-produzzjoni ta’ Rosso Piceno jew Piceno Superiore hija limitata biss għal parti mill-muniċipalitajiet fil-provinċja ta’ Ascoli Piceno bejn il-fruntiera tat-Tramuntana ta’ Grottammare sa Porto d’Ascoli u tkompli ’l ġewwa fid-direzzjoni tal-muniċipalità ta’ Ascoli Piceno.
7. Varjetà jew varjetajiet tad-dwieli li minnhom jinkiseb l-inbid / jinkisbu l-inbejjed
Montepulciano N.
Sangiovese N. - Sangioveto
8. Deskrizzjoni tar-rabta/rabtiet
Rosso Piceno jew Piceno
Fiż-żona tal-produzzjoni tal-inbid tad-DOP Rosso Piceno jew Piceno, l-impatt tal-fatturi umani maż-żmien kellu influwenza fundamentali fuq id-definizzjoni tal-kombinazzjoni tal-varjetajiet tal-għeneb, l-evoluzzjoni tal-metodi tat-tkabbir, u l-prattiki enoloġiċi li permezz tal-interazzjoni tagħhom mal-fatturi naturali ddeterminaw il-karatteristiċi speċifiċi tal-inbejjed tad-DOP. Fit-tip Superiore, l-interazzjoni tal-fatturi umani mal-fatturi naturali bħat-terren li fih ħafna għoljiet, il-klima Mediterranja u l-ħamrija fil-biċċa l-kbira tagħha taflija, twassal biex tinħoloq iż-żona ideali ta’ kultivazzjoni għall-varjetajiet ta’ dwieli Montepulciano u Sangiovese, li tipprovdi lil dawn l-inbejjed “bouquets” uniċi li ma jistgħux jiġu prodotti mkien ieħor.
9. Rekwiżiti oħra applikabbli (imballaġġ, tikkettar, rekwiżiti addizzjonali)
Introduzzjoni tal-użu ta’ materjali oħra adattati għajr il-ħġieġ
Qafas ġuridiku:
Fil-leġiżlazzjoni nazzjonali
Tip ta’ rekwiżit addizzjonali:
Dispożizzjonijiet addizzjonali tat-tikkettar
Deskrizzjoni tar-rekwiżit:
it-tipi kollha tad-DOP Rosso Piceno jew Piceno, bl-eċċezzjoni ta’ dawk bl-indikazzjoni Superiore jew Vigna, huma permessi jagħmlu użu minn reċipjenti alternattivi għall-ħġieġ, li jkunu ta’ materjali adattati għall-kuntatt mal-ikel.
Link għall-ispeċifikazzjoni tal-prodott
http://www.politicheagricole.it/flex/cm/pages/ServeBLOB.php/L/IT/IDPagina/20967
ELI: http://data.europa.eu/eli/C/2024/3541/oj
ISSN 1977-0987 (electronic edition)