European flag

Iris Oifigiúil
an Aontais Eorpaigh

GA

Sraith C


C/2024/3541

10.6.2024

Foilsiú teachtaireachta maidir le formheas leasaithe chaighdeánaigh ar shonraíocht táirge le haghaidh ainm in earnáil an fhíona, dá dtagraítear in Airteagal 17(2) agus Airteagal (3) de Rialachán Tarmligthe (AE) 2019/33

(C/2024/3541)

Foilsítear an teachtaireacht seo i gcomhréir le hAirteagal 17(5) de Rialachán Tarmligthe (AE) 2019/33 (1).

FORMHEAS AR LEASÚ CAIGHDEÁNACH A CHUR IN IÚL

‘Rosso Piceno / Piceno’

PDO-IT-A0427-AM02

Dáta na teachtaireachta: 12 Márta 2024

TUAIRISC AR AN LEASÚ FORMHEASTA AGUS CÚISEANNA LEIS

1.   Tagairt do reachtaíocht a chur isteach

Tuairisc:

Sonraíodh go bhfuil feidhm ag an dlús íosta plandaithe 2 200 fíniúin is gá in aghaidh an heicteáir agus ag an lánchosc ar threilísí maidir le fíonghoirt a plandaíodh tar éis theacht i bhfeidhm na sonraíochta atá i gceangal le Foraithne Aireachta an 17 Bealtaine 2011.

Cúiseanna:

Is gá a shoiléiriú go bhfuil feidhm ag an gceanglas maidir le fíonghoirt a plandaíodh amhail ó bhliain shonrach.

Baineann an leasú seo le hAirteagal 4 den tsonraíocht táirge.

2.   Ceartúchán foirmiúil

Tuairisc:

Cuireadh an focal ‘baisc’ in ionad an fhocail ‘táirge’.

Cúiseanna:

Is é cuspóir an cheartúcháin an téarma ceart a úsáid.

Baineann an leasú seo le hAirteagal 5 den tsonraíocht táirge.

3.   Mír a scriosadh

Tuairisc:

Scriosadh an mhír dheireanach d’Airteagal 6.

Cúiseanna:

Níl an mhír ábhartha a thuilleadh agus dá bhrí sin scriosadh í.

Baineann an leasú seo le hAirteagal 6 den tsonraíocht táirge.

4.   Mír a scriosadh

Scriosadh an tríú mír d’Airteagal 7.

Cúiseanna:

Tá an mhír iomarcach agus dá bhrí sin scriosadh í.

Baineann an leasú seo le hAirteagal 7 den tsonraíocht táirge.

5.   Féidearthacht a chur isteach maidir le coimeádáin seachas buidéil ghloine a úsáid

Tuairisc:

Rinneadh foráil maidir le coimeádáin ina bhfuil ábhar biaghráid seachas gloine a úsáid le haghaidh gach cineáil fíona ATFC Rosso Piceno/Piceno’ cé is moite d’fhíonta a bhfuil na téarmaí ‘Superiore’ agus ‘Vigna’ orthu. Dá réir sin, scriosadh an tagairt do chraicne fíona de phlaisteach ilsrathach poileitiléine nó poileistir atá iata i mbosca atá déanta as cairtchlár nó as aon ábhar docht eile le haghaidh toirteanna 2-5 lítear, a bhí ceadaithe roimhe seo go heisiach le haghaidh ATFC Rosso Piceno/Piceno.

Cúiseanna:

Tá an cinneadh chun an fhéidearthacht a thabhairt isteach coimeádáin seachas buidéil ghloine a úsáid bunaithe ar an méadú atá ag teacht ar éileamh na gcustaiméirí, na n-allmhaireoirí agus na dtomhaltóirí le blianta beaga anuas. Dá bhrí sin, mheas an t-iarrthóir gur gá an leasú seo a thabhairt isteach chun go mbeifear in ann freastal ar riachtanais reatha an mhargaidh.

Baineann an leasú le hAirteagal 7 den tsonraíocht táirge agus leis an roinn den doiciméad aonair dar teideal ‘Coinníollacha breise’.

6.   Tagairt do reachtaíocht a chur isteach

Tuairisc:

Cuireadh tagairt isteach don leasú ar an bhforaithne aireachta lena bhformheastar an teimpléad don phlean rialaithe.

Cúis:

Ba ghá an tagairt don reachtaíocht a thabhairt cothrom le dáta.

Baineann an leasú seo le hAirteagal 10 [sic] den tsonraíocht táirge.

DOICIMÉAD AONAIR

1.   Ainm an táirge

Rosso Piceno

Piceno

2.   Cineál an táisc gheografaigh

ATFC – Ainmniúchán tionscnaimh faoi chosaint

3.   Catagóirí an táirge fíniúna

1. Fíon

4.   Tuairisc ar na fíonta:

1.   Rosso Piceno / Piceno

TUAIRISC THÉACSÚIL ACHOMAIR

Bíonn dath dearg dian rúibíneach, agus imireacha corcairghorma ann, ar fhíonta ATFC Rosso Piceno / Piceno. Saintréith de chuid an dea-bholaidh is ea mionbhlasanna torthaí dearga, agus bíonn blas comhchuí agus cothromaithe air a maireann a iarbhlas tamall measartha fada.

Aon pharaiméadar anailíseach nach dtaispeántar sa tábla thíos, tá sé comhlíontach leis na teorainneacha a leagtar síos sa reachtaíocht náisiúnta agus i reachtaíocht an Aontais.

Saintréithe anailíseacha ginearálta

—

Neart alcóil iomlán uasta (in % de réir toirte):

—

Neart alcóil iarbhír íosta (in % de réir toirte):

—

Aigéadacht iomlán íosta: 4.50 gram in aghaidh an lítir, arna sloinneadh mar aigéad tartarach

—

Aigéadacht luaineach uasta (i milleachoibhéisí in aghaidh an lítir):

—

Dé-ocsaíd sulfair iomlán uasta (i milleagraim in aghaidh an lítir):

2.   Rosso Piceno Sangiovese / Piceno Sangiovese

TUAIRISC THÉACSÚIL ACHOMAIR

Bíonn dath dearg dian rúibíneach agus imireacha corcairghorma ar fhíonta ATFC Rosso Piceno / Piceno. Saintréith den dea-bholadh is ea mionbhlasanna torthaí dearga, agus bíonn blas comhchuí agus cothromaithe air a maireann a iarbhlas tamall measartha fada.

Aon pharaiméadar anailíseach nach dtaispeántar sa tábla thíos, tá sé comhlíontach leis na teorainneacha a leagtar síos sa reachtaíocht náisiúnta agus i reachtaíocht an Aontais.

Saintréithe anailíseacha ginearálta

—

Neart alcóil iomlán uasta (in % de réir toirte):

—

Neart alcóil iarbhír íosta (in % de réir toirte):

—

Aigéadacht iomlán íosta: 4.50 gram in aghaidh an lítir, arna sloinneadh mar aigéad tartarach

—

Aigéadacht luaineach uasta (i milleachoibhéisí in aghaidh an lítir):

—

Dé-ocsaíd sulfair iomlán uasta (i milleagraim in aghaidh an lítir):

3.   Rosso Piceno Sangiovese / Piceno Sangiovese

TUAIRISC THÉACSÚIL ACHOMAIR

Bíonn dath dearg dian rúibíneach ar fhíonta ATFC Rosso Piceno Novello / Piceno Novello. Maidir leis an mboladh, tagann mionbhlasanna bláthacha lena ngabhann imireacha torthaí dearga, agus bíonn an blas úr agus comhchuí.

Aon pharaiméadar anailíseach nach dtaispeántar sa tábla thíos, tá sé comhlíontach leis na teorainneacha a leagtar síos sa reachtaíocht náisiúnta agus i reachtaíocht an Aontais.

Saintréithe anailíseacha ginearálta

—

Neart alcóil iomlán uasta (in % de réir toirte):

—

Neart alcóil iarbhír íosta (in % de réir toirte):

—

Aigéadacht iomlán íosta: 4.50 gram in aghaidh an lítir, arna sloinneadh mar aigéad tartarach

—

Aigéadacht luaineach uasta (i milleachoibhéisí in aghaidh an lítir):

—

Dé-ocsaíd sulfair iomlán uasta (i milleagraim in aghaidh an lítir):

4.   Rosso Piceno / Piceno Superiore

TUAIRISC THÉACSÚIL ACHOMAIR

Bíonn dath dearg rúibíneach ar fhíonta ATFC Rosso Piceno Superiore / Piceno Superiore agus bíonn imireacha oráiste ann mar gheall ar an aosú. Maidir leis an mboladh, tagann imireacha de bhláthanna dearga agus mionbhlasanna liocrais agus cócó chun cuimhne, agus bíonn blas saibhir, cothromaithe, comhchuí agus dian air a maireann a iarbhlas tamall an-fhada.

Aon pharaiméadar anailíseach nach dtaispeántar sa tábla thíos, tá sé comhlíontach leis na teorainneacha a leagtar síos sa reachtaíocht náisiúnta agus i reachtaíocht an Aontais.

Saintréithe anailíseacha ginearálta

—

Neart alcóil iomlán uasta (in % de réir toirte):

—

Neart alcóil iarbhír íosta (in % de réir toirte):

—

Aigéadacht iomlán íosta: 4.50 gram in aghaidh an lítir, arna sloinneadh mar aigéad tartarach

—

Aigéadacht luaineach uasta (i milleachoibhéisí in aghaidh an lítir):

—

Dé-ocsaíd sulfair iomlán uasta (i milleagraim in aghaidh an lítir):

5.   Cleachtais fhíoneolaíocha

5.1.   Cleachtais fhíoneolaíocha shonracha

—

5.2.   Uastáirgeacht:

1.

Rosso Piceno / Piceno

13 000 cileagram fíonchaor in aghaidh an heicteáir

2.

Rosso Piceno Sangiovese / Piceno Sangiovese

13 000 cileagram fíonchaor in aghaidh an heicteáir

3.

Rosso Piceno Sangiovese / Piceno Sangiovese

13 000 cileagram fíonchaor in aghaidh an heicteáir

4.

Rosso Piceno Superiore / Piceno Superiore

12 000 cileagram fíonchaor in aghaidh an heicteáir

6.   Limistéar geografach críochaithe

Maidir le limistéar geografach fhíon ATFC Rosso Piceno / Piceno, atá suite i réigiún Marche, is limistéar é a bhfuil an teorainn riaracháin idir cúigí Pesaro Urbino agus Ancona ann ina teorainn ar an taobh ó thuaidh de agus a bhfuil Abhainn Tronto ann ina theorainn ar an taobh ó dheas de. Áirítear cúige Ancona ann, cé is moite den chríoch a bhaineann le limistéar táirgthe ATFC Rosso Conero, agus cúigí Macerata, Fermo agus Ascoli Piceno.

Táirgtear Rosso Piceno / Piceno Superiore i limistéar níos lú nach gclúdaíonn ach codanna de bhardais chúige Ascoli Piceno. Tá an limistéar suite idir teorainn thuaidh Grottammare agus Porto d’Ascoli, agus sroicheann sé cuid intíre chomh fada le bardas Ascoli Piceno.

7.   Cineálacha fíniúna

Montepulciano N

Sangiovese N - Sangioveto

8.   Tuairisc ar an nasc (nó ar na naisc)

Rosso Piceno / Piceno

Le himeacht aimsire, bhí ról bunúsach ag tosca daonna toisc gur saothróirí fíniúna a roghnaíonn na cineálacha fíniúna atá le fás agus go bhforbraíonn siad modhanna treoraithe, agus cleachtais fhíoneolaíocha agus iad ag idirghníomhú le tosca nádúrtha an limistéir táirgthe chun a saintréithe sonracha a thabhairt d’fhíonta ATFC Rosso Piceno / Piceno. Maidir leis an gcineál Superiore, mar thoradh ar an idirghníomhaíocht idir tosca daonna agus tosca nádúrtha, amhail an tír-raon an-chnocach, aeráid na Meánmhara agus na hithreacha créúla den chuid is mó, soláthraíodh na dálaí fáis is fearr d’fhíniúnacha Montepulciano agus Sangiovese, rud a fhágann go bhfuil fíonta ann ag a bhfuil cumhracht uathúil nach féidir a atáirgeadh in áiteanna eile.

9.   Coinníollacha breise fíor-riachtanacha (pacáistiú, lipéadú, ceanglais eile)

Úsáid coimeádán ina bhfuil ábhar seachas gloine tugtha isteach mar rogha eile

Creat dlíthiúil:

Reachtaíocht náisiúnta

An cineál coinníll bhreise:

Forálacha breise a bhaineann le lipéadú

Tuairisc ar an gcoinníoll:

Ceadaítear coimeádáin ina bhfuil ábhar biaghráid seachas gloine a úsáid le haghaidh gach cineáil fíona ATFC Rosso Piceno/ Piceno, cé is moite d’fhíonta a bhfuil na téarmaí ‘Superiore’ agus ‘Vigna’ orthu.

Nasc chuig an tsonraíocht táirge

http://www.politicheagricole.it/flex/cm/pages/ServeBLOB.php/L/IT/IDPagina/20967


(1)   IO L 9, 11.1.2019, lch. 2.


ELI: http://data.europa.eu/eli/C/2024/3541/oj

ISSN 1977-107X (electronic edition)