<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.14-->
  <head>
    <title>2024-12-202412C105202303790-00-TRA-DOC-MT-CONCL-C-0379-23-202405085-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="14/02/2025 15:33:25" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="CNC" name="TypeDoc"/>
    <meta content="c+zRg9nNVrjt75rN5iiE6ALRArIFhXiYiBzJip3rEc7OYY3kyJrALqjqtGihXjakj39oV4XOlvcOfQKC9dS8WyCkw9tsq1rkH00YlW4yWJGwNBoqlqZZSK2hwywGXr1AaUDVBqyO6Bv4tinvCJkpTX+iHWMTxUDKuhJTjyR+8yM=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="vellaka" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="0379" name="NumeroOrdre"/>
    <meta content="2023" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="vellaka" name="Gendoc_DGTGeneratedUser"/>
    <meta content="FAST_document_go_ok" name="Gendoc_LastVerificationStatus"/>
    <meta content="CNC_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 27-05-24 08:36:19" name="Created"/>
    <meta content="" name="Canevas3_Vademecum"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="5f982662d1874adaa8f4ed83ce25a49f" name="DocumentIdentifier"/>
    <meta content="0379" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
  </head>
  <body>
    <div style="header">
      <div id="rId25" style="first"/>
      <div id="rId21" style="even">Konklużjonijiet Pikamäe – Kawża C‑379/23</div>
      <div id="rId22" style="default">Guldbrev</div>
    </div>
    <p class="C36Centre" id="para-1" title="page-1">
      KONKLUŻJONIJIET TAL‑AVUKAT ĠENERALI
    </p>
    <p class="C36Centre" id="para-2" title="page-1">
      PIKAMÄE
    </p>
    <p class="C36Centre" id="para-3" title="page-1">
      ippreżentati fit‑13 ta’ Ġunju 2024  (<span class="note footnote notemarker">
<a id="c-1" href="#t-1">1</a>
</span>)
      
    </p>
    <p class="C38Centregrasgrandespacement" id="para-4" title="page-1">
      Kawża C‑379/23
    </p>
    <p class="C37Centregras" id="para-5" title="page-1">
      Guldbrev AB
    </p>
    <p class="C37Centregras" id="para-6" title="page-1">
      vs
    </p>
    <p class="C37Centregras" id="para-7" title="page-1">
      Konsumentombudsmannen
    </p>
    <p class="C39Centreespacement" id="para-8" title="page-1">
      (talba għal domanda preliminari mressqa mill-iSvea hovrätt, Patent- och marknadsöverdomstolen (il-Qorti tal-Appell sedenti fi Stokkolma, bħala Qorti tal-Appell tal-Proprjetà Intellettwali u tal-Affarijiet Ekonomiċi, l-Isvezja))
    </p>
    <p class="C71Indicateur" id="para-9" title="page-1">
      “Rinviju għal deċiżjoni preliminari – Protezzjoni tal-konsumatur – Prattiki kummerċjali żleali – Direttiva 2005/29/KE – Artikolu 2(ċ), (d) u (i) u Artikolu 3(1) – Offerta konġunta li tikkonsisti f’valutazzjoni u xiri ta’ deheb – Kunċetti ta’ ‘prodott’ u ta’ ‘prattiċi kummerċjali fin-negozju mal-konsumatur’”
    </p>
    <p class="C02AlineaAltA" id="para-10" title="page-2">
      
        <br/>
      
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1.</p>
</td>
<td valign="top">
<p class="normal">Id-Direttiva 2005/29/KE dwar prattiċi kummerċjali żleali fin-negozju mal-konsumatur  (<span class="note footnote notemarker">
<a id="c-2" href="#t-2">2</a>
</span>), hija applikabbli għal sitwazzjoni fejn kummerċjant jixtri prodott (f’dan il-każ id-deheb) mingħand konsumatur, liema xiri l-ewwel jeżiġi servizz ta’ valutazzjoni pprovdut mill-kummerċjant innifsu fuq dan il-prodott, sabiex b’dan il-mod jiddetermina l-prezz tax-xiri?</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2.</p>
</td>
<td valign="top">
<p class="normal">Din hija, essenzjalment, id-domanda li l-Qorti tal-Ġustizzja għandha tittratta f’din il-kawża dwar talba għal deċiżjoni preliminari mressqa mill-iSvea hovrätt Patent- och marknadsöverdomstolen (il-Qorti tal-Appell sedenti fi Stokkolma, bħala Qorti tal-Appell tal-Proprjetà Intellettwali u tal-Affarijiet Ekonomiċi, l-Isvezja)) dwar l-interpretazzjoni tal-Artikolu 2(ċ), (d) u (i) u tal-Artikolu 3(1) tad-Direttiva 2005/29.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3.</p>
</td>
<td valign="top">
<p class="normal">Din it-talba għal deċiżjoni preliminari tressqet fil-kuntest ta’ kawża bejn Guldbrev AB, kumpannija pubblika b’responsabbiltà limitata rreġistrata fl-Isvezja, u l-Konsumentombudsmannen (l-Ombudsman għall-Konsum, l-Isvezja, iktar ’il quddiem il-“KO”) dwar rikors ippreżentat minn dan tal-aħħar intiż sabiex Guldbrev tiġi ordnata twaqqaf ċerti prattiki kummerċjali żleali dwar il-valutazzjoni u x-xiri ta’ deheb mingħand konsumaturi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4.</p>
</td>
<td valign="top">
<p class="normal">Din il-kawża tagħti lill-Qorti tal-Ġustizzja l-opportunità li tiċċara fil-ġurisprudenza tagħha l-kunċetti ta’ “prodott” u ta’ “prattiċi kummerċjali żleali fin-negozju mal-konsumatur”, fis-sens tad-Direttiva 2005/29, speċifikament f’sitwazzjoni ġdida fejn huwa l-kummerċjant li jixtri prodott mingħand il-konsumatur u mhux bil-kontra kif normalment ikun il-każ.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">I.</p>
</td>
<td valign="top">
<p class="normal">Il‑kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Id‑dritt tal‑Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5.</p>
</td>
<td valign="top">
<p class="normal">L-Artikolu 2 tad-Direttiva 2005/29, intitolat “Definizzjonijiet”, huwa fformulat kif ġej:</p>
</td>
</tr>
</table>
    <p class="C09Marge0avecretrait" id="para-18" title="page-3">
      “Għall-finijiet ta’ din id-Direttiva:
    </p>
    <p class="C09Marge0avecretrait" id="para-19" title="page-3">
      […]
    </p>
    <p class="C09Marge0avecretrait" id="para-20" title="page-3">
      (ċ) ‘prodott’ tfisser kwalunkwe merkanzija jew servizz inkluża proprjetà immobbli, drittijiet u obbligi;
    </p>
    <p class="C09Marge0avecretrait" id="para-21" title="page-4">
      (d) ‘prattiċi kummerċjali fin-negozju mal-konsumatur’ (minn hawn ’il quddiem imsejħa ‘prattiċi kummerċjali’) tfisser kwalunkwe att, ommissjoni, imġieba jew rappreżentazzjoni, komunikazzjoni kummerċjali inlużi reklamar u kummerċjalizzazzjoni, minn kummerċjant, konnessi direttament mal-promozzjoni jew bejgħ jew fornitura ta’ xi prodott lil konsumaturi;
    </p>
    <p class="C09Marge0avecretrait" id="para-22" title="page-4">
      […]
    </p>
    <p class="C09Marge0avecretrait" id="para-23" title="page-4">
      (i) ‘stedina għax-xiri’ tfisser komunikazzjoni kummerċjali li tindika karatteristiċi tal-prodott u l-prezz f’mod adegwat għall-mezzi ta’ komunikazzjoni kummerċjali li ntużaw u li għalhekk tippermetti l-konsumatur jagħmel xirja;
    </p>
    <p class="C09Marge0avecretrait" id="para-24" title="page-4">
      […]”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6.</p>
</td>
<td valign="top">
<p class="normal">L-Artikolu 3 tal-istess direttiva, intitolat “Ambitu ta’ applikazzjoni”, jipprevedi fil-paragrafu 1 tiegħu:</p>
</td>
</tr>
</table>
    <p class="C02AlineaAltA" id="para-26" title="page-4">
      “Din id-Direttiva għandha tapplika għal prattiċi kummerċjali żleali fin-negozju mal-konsumatur, kif stabbilit fl-Artikolu 5, qabel, matul jew wara tranżazzjoni kummerċjali fir-rigward ta’ xi prodott.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">Id‑dritt Svediż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7.</p>
</td>
<td valign="top">
<p class="normal">Fl-ordinament ġuridiku Svediż, id-Direttiva 2005/29 ġiet trasposta fil-marknadsföringslagen (2008:486) (il-Liġi (2008:486) dwar il-Prattiki Kummerċjali, iktar ’il quddiem il-“Liġi dwar il-Prattiki Kummerċjali”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">II.</p>
</td>
<td valign="top">
<p class="normal">Il‑kawża prinċipali, id‑domandi preliminari u l‑proċedura quddiem il‑Qorti tal‑Ġustizzja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8.</p>
</td>
<td valign="top">
<p class="normal">Guldbrev hija kumpannija li tixtri d-deheb online fejn l-attività tagħha tikkonsisti fil-valutazzjoni u x-xiri tad-deheb mingħand il-konsumaturi. Guldbrev ma għandhiex ħwienet fiżiċi u twettaq l-attività tagħha ta’ xiri u ta’ paragun tal-prezzijiet fuq siti elettroniċi differenti. L-allegazzjonijiet u azzjonijiet oħra inkwistjoni quddiem il-qorti tar-rinviju seħħew fuq is-siti elettroniċi ta’ Guldbrev, fuq in-networks soċjali u f’ittri mibgħuta minn Guldbrev lill-konsumaturi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9.</p>
</td>
<td valign="top">
<p class="normal">Il-KO talab li ċerti miżuri promozzjonali ta’ Guldbrev jiġu pprojbiti u li tiġi ordnata tipprovdi ċerta informazzjoni lill-konsumaturi.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10.</p>
</td>
<td valign="top">
<p class="normal">Il-KO jsostni li l-prodott li qed tippromwovi Guldbrev għandu jitqies bħala offerta konġunta, li tikkonsisti fil-valutazzjoni u x-xiri mill-ġdid ta’ deheb. F’dan ir-rigward, il-miżura promozzjonali ta’ Guldbrev, li seħħet permezz ta’ reklamar fuq Google u fuq siti elettroniċi li jinkludu għodda għat-tqabbil tal-prezzijiet, għandha tkun irregolata mil-Liġi dwar il-Prattiki Kummerċjali u hija qarrieqa u żleali skont id-Direttiva 2005/29  (<span class="note footnote notemarker">
<a id="c-3" href="#t-3">3</a>
</span>), kif ukoll skont din il-liġi  (<span class="note footnote notemarker">
<a id="c-4" href="#t-4">4</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11.</p>
</td>
<td valign="top">
<p class="normal">Skont il-KO, il-promozzjoni tal-prezz tad-deheb tikkostitwixxi “bait advertising”, kif ukoll “bait and switch” bi ksur ta’ diversi dispożizzjonijiet tal-Anness I tad-Direttiva 2005/29  (<span class="note footnote notemarker">
<a id="c-5" href="#t-5">5</a>
</span>). Guldbrev naqset milli tidentifika b’mod suffiċjentement ċar ir-reklamar fuq is-sit elettroniku u milli tippreċiża li hija kienet qegħda tirreklama. Il-prezzijiet massimi indikati minn Guldbrev fil-promozzjoni tagħha huma irraġonevoli u imprevedibbli jew impossibbli li jinkisbu minħabba r-rekwiżiti imposti minn Guldbrev. Guldbrev hija kkritikata wkoll b’allegazzjonijiet ta’ prezzijiet qarrieqa li jikkompromettu l-kapaċità tal-konsumaturi li jieħdu deċiżjoni informata.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12.</p>
</td>
<td valign="top">
<p class="normal">Guldbrev ikkontestat it-talbiet tal-KO, billi sostniet, essenzjalment, li l-fatti ta’ din il-kawża ma kienu jinkludu ebda element li jagħmel id-Direttiva 2005/29 jew il-Liġi dwar il-Prattiki Kummerċjali applikabbli, peress li l-azzjonijiet inkwistjoni kienu jirrigwardaw servizzi ta’ xiri. Fi kwalunkwe każ, skont Guldbrev, il-promozzjoni la kienet qarrieqa u lanqas żleali.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13.</p>
</td>
<td valign="top">
<p class="normal">Il-qorti tal-ewwel istanza, il-Patent- och marknadsdomstolen (il-Qorti tal-Proprjetà Industrijali u tal-Kummerċ), iddeċidiet li l-azzjonijiet ta’ Guldbrev fil-kuntest tal-attività tagħha kienu jikkostitwixxu prattiki kummerċjali li jaqgħu fil-kamp ta’ applikazzjoni tad-Direttiva 2005/29. Hija qieset li l-azzjonijiet koperti mit-talbiet tal-KO ma setgħux jitqiesu li kienu intrinsikament esklużi mill-kamp ta’ applikazzjoni tal-Liġi dwar il-Prattiki Kummerċjali. B’hekk hija pprojbixxiet ċerti miżuri promozzjonali u ordnat lil Guldbrev tinkludi ċerta informazzjoni fil-promozzjoni tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14.</p>
</td>
<td valign="top">
<p class="normal">Guldbrev appellat minn partijiet tas-sentenza tal-qorti tal-ewwel istanza quddiem il-qorti tar-rinviju u talbet li l-azzjoni tal-KO tiġi miċħuda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15.</p>
</td>
<td valign="top">
<p class="normal">Dik il-qorti għandha, fost affarijiet oħra, tiddeċiedi dwar jekk l-azzjonijiet ta’ Guldbrev jikkostitwixxux prattika kummerċjali żleali. Sabiex tkun tista’ tiddeċiedi din il-kwistjoni sostantiva, hija għandha qabel kollox tiddetermina jekk id-Direttiva 2005/29 u l-Liġi dwar il-Prattiki Kummerċjali humiex applikabbli għall-fatti ta’ din il-kawża. Għaldaqstant, hija għandha tiddeċiedi dwar sa liema punt, skont l-Artikolu 2(ċ), (d) u (i), kif ukoll tal-Artikolu 3(1) tad-Direttiva 2005/29, il-valutazzjoni u x-xiri ta’ deheb mingħand konsumatur u azzjonijiet bħal dawk fil-każ inkwistjoni jistgħu jitqiesu bħala prattika kummerċjali fis-sens tad-Direttiva 2005/29.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16.</p>
</td>
<td valign="top">
<p class="normal">F’dan ir-rigward, l-imsemmija qorti tqis li mill-ġurisprudenza tal-Qorti tal-Ġustizzja jirriżulta li l-miżura promozzjonali inkwistjoni tista’ intrinsikament tikkostitwixxi prattika kummerċjali fis-sens tad-Direttiva 2005/29, sakemm hija tirrigwarda prodott skont din l-istess direttiva. Madankollu, jidher li l-Qorti tal-Ġustizzja għadha ma tatx deċiżjoni dwar jekk l-offerta tal-kummerċjant fil-każ inkwistjoni tirrigwardax “prodott” fis-sens tad-Direttiva 2005/29, kwistjoni li hija importanti sabiex jiġi ddeterminat jekk id-dispożizzjonijiet tad-dritt nazzjonali, jiġifieri l-Liġi dwar il-Prattiki Kummerċjali, għandhomx jiġu interpretati fid-dawl tar-regoli sostantivi tad-Direttiva 2005/29.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17.</p>
</td>
<td valign="top">
<p class="normal">F’dawn iċ-ċirkustanzi, l-iSvea hovrätt, Patent- och marknadsöverdomstolen (il-Qorti tal-Appell sedenti fi Stokkolma, bħala Qorti tal-Appell tal-Proprjetà Intellettwali u tal-Affarijiet Ekonomiċi) iddeċidiet li tissospendi l-proċeduri quddiemha u li tagħmel lill-Qorti tal-Ġustizzja d-domandi preliminari li ġejjin:</p>
</td>
</tr>
</table>
    <p class="C09Marge0avecretrait" id="para-40" title="page-6">
      “1) F’sitwazzjoni bħal dik inkwistjoni fil-kawża prinċipali, il-valutazzjoni u x-xiri ta’ deheb minn konsumatur huma prodott (prodott kombinat) fis-sens tal-Artikolu 2(ċ),(d) u (i), kif ukoll tal-Artikolu 3(1) tad-[Direttiva 2005/29]?
    </p>
    <p class="C09Marge0avecretrait" id="para-41" title="page-6">
      2) Fil-każ ta’ risposta fin-negattiv għall-ewwel domanda, il-valutazzjoni tad-deheb hija, f’sitwazzjoni bħal dik inkwistjoni fil-kawża prinċipali, prodott fis-sens tad-Direttiva 2005/29?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18.</p>
</td>
<td valign="top">
<p class="normal">Guldbrev, il-KO, kif ukoll il-Kummissjoni Ewropea ppreżentaw osservazzjonijiet bil-miktub lill-Qorti tal-Ġustizzja.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">III.</p>
</td>
<td valign="top">
<p class="normal">Analiżi</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">A.</p>
</td>
<td valign="top">
<p class="normal">Fuq l‑ewwel domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19.</p>
</td>
<td valign="top">
<p class="normal">Permezz tal-ewwel domanda preliminari tagħha, il-qorti tar-rinviju tistaqsi, essenzjalment, jekk l-Artikolu 2(ċ), (d) u (i) u l-Artikolu 3(1) tad-Direttiva 2005/29 għandhomx jiġu interpretati fis-sens li l-att kummerċjali li jikkonsisti fl-offerta kombinata ta’ valutazzjoni ta’ oġġett, f’dan il-każ tad-deheb, imwettqa minn kummerċjant għall-konsumatur u x-xiri ta’ dan l-oġġett minn dan il-kummerċjant mingħand dan il-konsumatur jikkostitwixxi “prodott” fis-sens ta’ dawn id-dispożizzjonijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20.</p>
</td>
<td valign="top">
<p class="normal">Il-qorti tar-rinviju qiegħdha tagħmel din id-domanda sabiex tiddetermina jekk id-Direttiva 2005/29 hijiex applikabbli fil-kawża pendenti quddiemha, b’tali mod li d-dispożizzjonijiet rilevanti tal-liġi nazzjonali dwar il-prattiki kummerċjali għandhom jiġu interpretati fid-dawl tar-regoli sostantivi ta’ din id-direttiva. L-imsemmija domanda preliminari tirrigwarda, għalhekk, esklużivament il-kamp ta’ applikazzjoni tad-Direttiva 2005/29 u mhux in-natura possibbilment żleali tal-atti kummerċjali bħal dawk inkwistjoni fil-kawża prinċipali. L-analiżi tiegħi b’hekk ser tiffoka fuq dan l-aspett.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21.</p>
</td>
<td valign="top">
<p class="normal">Il-partijiet li ppreżentaw osservazzjonijiet quddiem il-Qorti tal-Ġustizzja għandhom pożizzjonijiet differenti fir-rigward tar-risposta li għandha tingħata għal din id-domanda. Filwaqt li l-KO u l-Kummissjoni jsostnu li hemm lok li tingħata risposta fl-affermattiv għal din id-domanda, Guldbrev issostni min-naħa l-oħra li, f’dan il-każ, l-att kummerċjali li jikkonsisti fil-kombinazzjoni tal-valutazzjoni u x-xiri ta’ deheb ma jistax jikkostitwixxi “prodott” fis-sens tad-Direttiva 2005/29.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22.</p>
</td>
<td valign="top">
<p class="normal">Sabiex tingħata risposta għall-ewwel domanda preliminari magħmula mill-qorti tar-rinviju għandu, qabelxejn, jitfakkar li, kif indikat mill-ġurisprudenza tal-Qorti tal-Ġustizzja, jirriżulta b’mod partikolari mill-Artikolu 1 u mill-premessa 23 tad-Direttiva 2005/29, li din id-direttiva hija intiża li tiżgura livell komuni għoli ta’ ħarsien tal-konsumatur permezz ta’ armonizzazzjoni kompleta tar-regoli dwar il-prattiki kummerċjali żleali  (<span class="note footnote notemarker">
<a id="c-6" href="#t-6">6</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23.</p>
</td>
<td valign="top">
<p class="normal">Sussegwentement, il-Qorti tal-Ġustizzja ddeċidiet ukoll li d-Direttiva 2005/29 hija kkaratterizzata minn kamp ta’ applikazzjoni materjali partikolarment estiż, peress li l-leġiżlatur tal-Unjoni stabbilixxa tifsira wiesgħa ħafna tal-kunċett ta’ “prattika kummerċjali”, fis-sens tal-istess direttiva, permezz tal-Artikolu 2(d) ta’ din id-direttiva li jiddefinixxi tali kunċett bħala “kwalunkwe att, ommissjoni, imġieba jew rappreżentazzjoni, komunikazzjoni kummerċjali inlużi reklamar u kummerċjalizzazzjoni, minn kummerċjant”  (<span class="note footnote notemarker">
<a id="c-7" href="#t-7">7</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24.</p>
</td>
<td valign="top">
<p class="normal">F’dan ir-rigward, il-Qorti tal-Ġustizzja rrilevat li l-uniku kriterju msemmi fl-Artikolu 2(d) tad-Direttiva 2005/29 huwa bbażat fuq il-fatt li l-prattika tal-kummerċjant għandha tkun direttament marbuta mal-promozzjoni, mal-bejgħ jew mal-provvista ta’ oġġett jew ta’ servizz lill-konsumatur  (<span class="note footnote notemarker">
<a id="c-8" href="#t-8">8</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25.</p>
</td>
<td valign="top">
<p class="normal">Fil-kuntest ta’ din il-kawża, għandu anki jitfakkar li l-Qorti tal-Ġustizzja ddeċidiet ukoll li l-offerti konġunti, li huma bbażati fuq l-għaqda ta’ mill-inqas żewġ prodotti jew servizzi distinti f’offerta waħda, jikkostitwixxu atti kummerċjali li jaqgħu b’mod ċar fil-kuntest tal-istrateġija kummerċjali ta’ operatur u huma intiżi direttament għall-promozzjoni u għall-fluwidità tal-bejgħ ta’ dan tal-aħħar. Minn dan isegwi li tali offerti konġunti jikkostitwixxu prattiki kummerċjali fis-sens tal-Artikolu 2(d) tad-Direttiva 2005/29 u, konsegwentement, jaqgħu fil-kamp ta’ applikazzjoni ta’ din tal-aħħar  (<span class="note footnote notemarker">
<a id="c-9" href="#t-9">9</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26.</p>
</td>
<td valign="top">
<p class="normal">Huwa abbażi ta’ dawn l-indikazzjonijiet ipprovduti fil-ġurisprudenza li għandu jiġi vverifikat jekk atti kummerċjali bħal dawk inkwistjoni fil-kawża pendenti quddiem il-qorti tar-rinviju jaqgħux fil-kamp ta’ applikazzjoni tad-Direttiva 2005/29.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27.</p>
</td>
<td valign="top">
<p class="normal">Issa, f’dan il-każ, dawn l-atti kummerċjali jikkonsistu, minn naħa, f’servizz ta’ valutazzjoni ta’ deheb li l-kummerċjant jipprovdi lill-konsumatur u, min-naħa l-oħra, abbażi ta’ din il-valutazzjoni, fix-xiri ta’ deheb minn dan il-kummerċjant mingħand l-istess konsumatur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28.</p>
</td>
<td valign="top">
<p class="normal">Mid-deċiżjoni tar-rinviju jirriżulta li, fl-offerta kummerċjali tal-kummerċjant inkwistjoni, dawn iż-żewġ atti huma konġunti u indissoċjabbli, fis-sens li wieħed huwa dipendenti fuq l-ieħor. Fil-fatt, minn din id-deċiżjoni jirriżulta li l-kummerċjant huwa biss lest li jixtri d-deheb mingħand il-konsumatur bil-kundizzjoni li dan jaċċetta s-servizz ta’ valutazzjoni pprovdut minn dan il-kummerċjant sabiex jiddetermina l-kwalità u l-prezz tax-xiri tad-deheb inkwistjoni. Il-prezz tad-deheb huwa ddeterminat fil-mument tal-valutazzjoni u l-konsumatur għandu jaċċetta dan il-prezz sabiex iseħħ il-bejgħ tad-deheb.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29.</p>
</td>
<td valign="top">
<p class="normal">F’dan il-kuntest, kif issostni ġustament il-Kummissjoni, ma hemmx dubju li s-servizz ta’ valutazzjoni ta’ deheb li l-kummerċjant jipprovdi lill-konsumatur jikkostitwixxi “prodott” skont l-Artikolu 2(ċ) tad-Direttiva 2005/29, li mid-definizzjoni tiegħu, jinkludi “kull servizz”. Konsegwentement, prattiki kummerċjali li jikkonċernaw tali prodott fil-konfront tal-konsumaturi skont l-Artikolu 2(d) tad-Direttiva 2005/29 jaqgħu b’mod ċar fil-kamp ta’ applikazzjoni ta’ din id-direttiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30.</p>
</td>
<td valign="top">
<p class="normal">B’kuntrast ma’ dan, jista’ jkun hemm dubji dwar l-att kummerċjali li jikkonsisti fix-xiri ta’ deheb mill-kummerċjant mingħand il-konsumatur. Fil-fatt, jista’ jiġi kkunsidrat li, fil-każ ta’ xiri ta’ prodott minn kummerċjant mingħand konsumatur, ma teżistix “rabta diretta mal-promozzjoni, il-bejgħ jew il-provvista ta’ prodott lill-konsumaturi”, kif meħtieġa mill-ġurisprudenza msemmija fil-punt 24 ta’ dawn il-konklużjonijiet. Tali att kummerċjali fil-fatt jikkonsisti, pjuttost bil-maqlub, fil-provvista ta’ prodott mill-konsumatur lill-kummerċjant.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31.</p>
</td>
<td valign="top">
<p class="normal">Madankollu, minħabba n-natura konġunta u indissoċjabbli taż-żewġ atti kummerċjali inkwistjoni, imsemmija fil-punt 28 iktar ’il fuq, fl-opinjoni tiegħi, għandu jitqies li teżisti, f’dan il-każ, “rabta diretta” bejn, minn naħa, l-att kummerċjali li jikkonsisti fix-xiri ta’ deheb minn kummerċjant mingħand il-konsumatur u, min-naħa l-oħra, il-“prodott” inkwistjoni skont id-definizzjoni tal-Artikolu 2(ċ) tad-Direttiva 2005/29, jiġifieri s-servizz ta’ valutazzjoni tad-deheb ipprovdut mill-kummerċjant lill-konsumatur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32.</p>
</td>
<td valign="top">
<p class="normal">Sa fejn il-kummerċjant huwa biss lest li jixtri d-deheb mingħand il-konsumatur bil-kundizzjoni li dan jaċċetta s-servizz ta’ valutazzjoni pprovdut mill-kummerċjant sabiex jiddetermina l-kwalità u l-prezz tad-deheb inkwistjoni, għandu jitqies li ż-żewġ atti kummerċjali indissoċjabbli jikkostitwixxu prodott uniku li, kif jirriżulta mill-ġurisprudenza msemmija fil-punt 25 ta’ dawn il-konklużjonijiet, jaqa’ b’mod ċar fil-kuntest tal-istrateġija kummerċjali tal-kummerċjant intiża direttament għall-promozzjoni u għall-fluwidità tal-bejgħ ta’ dan il-prodott. Minn dan isegwi li l-offerta konġunta tax-xiri ta’ deheb bil-kundizzjoni li jiġi aċċettat is-servizz ta’ valutazzjoni ta’ deheb tikkostitwixxi prattika kummerċjali fis-sens tal-Artikolu 2(d) tad-Direttiva 2005/29 u għandha, konsegwentement, taqa’ fil-kamp ta’ applikazzjoni ta’ din id-direttiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33.</p>
</td>
<td valign="top">
<p class="normal">F’dan ir-rigward, nirrileva, l-ewwel nett, li l-interpretazzjoni preċedenti hija l-unika waħda li hija ta’ natura li tagħti effett sħiħ lid-Direttiva 2005/29, billi tiggarantixxi li, b’mod konformi mar-rekwiżit ta’ livell għoli ta’ protezzjoni tal-konsumaturi, il-prattiki kummerċjali żleali jiġu miġġielda b’mod effikaċi  (<span class="note footnote notemarker">
<a id="c-10" href="#t-10">10</a>
</span>). Fil-fatt, l-interpretazzjoni kuntrarja, intiża sabiex teskludi l-applikabbiltà tad-Direttiva 2005/29, tħalli mingħajr protezzjoni l-interessi ekonomiċi tal-konsumaturi inkwistjoni billi żżomm barra mill-kamp ta’ applikazzjoni ta’ din id-direttiva prattiki kummerċjali direttament intiżi sabiex jinfluwenzaw id-deċiżjonijiet tal-konsumaturi, li huwa manifestament kuntrarju għall-għanijiet tal-imsemmija direttiva  (<span class="note footnote notemarker">
<a id="c-11" href="#t-11">11</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34.</p>
</td>
<td valign="top">
<p class="normal">It-tieni nett, l-interpretazzjoni li pproponejt tad-dispożizzjonijiet rilevanti tad-Direttiva 2005/29 hija wkoll konformi mal-portata wiesgħa ħafna li, kif irrilevajt fil-punt 22 ta’ dawn il-konklużjonijiet, ingħatat lil din id-direttiva fil-ġurisprudenza fir-rigward tal-kamp ta’ applikazzjoni ratione materiae tagħha  (<span class="note footnote notemarker">
<a id="c-12" href="#t-12">12</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35.</p>
</td>
<td valign="top">
<p class="normal">It-tielet nett, l-interpretazzjoni li ssuġġerejt hija konformi mal-pożizzjoni espressa mill-Kummissjoni fl-avviż tagħha intitolat “Gwida dwar l-interpretazzjoni u l-applikazzjoni tad-Direttiva 2005/29/KE tal-Parlament Ewropew u tal-Kunsill dwar prattiċi kummerċjali żleali fin-negozju mal-konsumatur fis-suq intern”  (<span class="note footnote notemarker">
<a id="c-13" href="#t-13">13</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36.</p>
</td>
<td valign="top">
<p class="normal">Minn naħa, fil-punt 2.3.2 ta’ din il-gwida, il-Kummissjoni tieħu inkunsiderazzjoni li jistgħu jeżistu sitwazzjonijiet simili għal dik fil-kawża preżenti “li fihom tista’ tiġi stabbilita rabta bejn il-bejgħ ta’ prodott minn konsumatur lil kummerċjant u l-promozzjoni, il-bejgħ jew il-provvista ta’ prodott (differenti) lill-konsumatur”. Issa, skont il-Kummissjoni tali sitwazzjonijiet jaqgħu taħt id-Direttiva 2005/29.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37.</p>
</td>
<td valign="top">
<p class="normal">Min-naħa l-oħra, fl-istess punt tal-imsemmija gwida, il-Kummissjoni tindika espliċitament li, f’ċerti ċirkustanzi, tista’ tiġi stabbilita relazzjoni suffiċjentement diretta bejn il-bejgħ ta’ deheb mill-konsumatur u l-bejgħ jew il-provvista ta’ servizz ta’ valutazzjoni ta’ deheb minn kummerċjant lill-konsumatur.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38.</p>
</td>
<td valign="top">
<p class="normal">Issa, dokumenti bħal tali gwida, minkejja li ma humiex ta’ natura vinkolanti u bl-ebda mod ma jorbtu lill-Qorti tal-Ġustizzja, jistgħu jikkostitwixxu, madankollu, skont il-ġurisprudenza, għajnuna għall-interpretazzjoni tad-dritt sekondarju tal-Unjoni bħad-Direttiva 2005/29  (<span class="note footnote notemarker">
<a id="c-14" href="#t-14">14</a>
</span>).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39.</p>
</td>
<td valign="top">
<p class="normal">Bħala konklużjoni, mill-kunsiderazzjonijiet kollha preċedenti jirriżulta li, fil-fehma tiegħi, ir-risposta għall-ewwel domanda preliminari magħmula mill-qorti tar-rinviju għandha tkun li l-Artikolu 2(ċ), (d) u (i) u l-Artikolu 3(1) tad-Direttiva 2005/29 għandhom jiġu interpretati fis-sens li, minn naħa, is-servizz ta’ valutazzjoni ta’ oġġett ipprovdut minn kummerċjant lil konsumatur, u, min-naħa l-oħra, ix-xiri ta’ tali prodott minn dan il-kummerċjant mingħand dan il-konsumatur, bil-kundizzjoni li l-konsumatur jaċċetta l-prezz determinat wara din il-valutazzjoni, jikkostitwixxu “prodott” fis-sens ta’ dawn id-dispożizzjonijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">B.</p>
</td>
<td valign="top">
<p class="normal">Fuq it‑tieni domanda preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40.</p>
</td>
<td valign="top">
<p class="normal">Peress li din id-domanda saret fil-każ ta’ risposta fin-negattiv għall-ewwel domanda, jekk il-Qorti tal-Ġustizzja tinterpreta d-dispożizzjonijiet tal-Artikolu 2(ċ), (d) u (i), u tal-Artikolu 3(1) tad-Direttiva 2005/29 fis-sens li pproponejt fil-punt 39 ta’ dawn il-konklużjonijiet, ma hemmx lok li tingħata risposta għal din id-domanda.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41.</p>
</td>
<td valign="top">
<p class="normal">Fi kwalunkwe każ, mill-kunsiderazzjonijiet li għamilt fil-punt 29 ta’ dawn il-konklużjonijiet jirriżulta li t-tieni domanda preliminari għandha, fil-fehma tiegħi, tingħata wkoll risposta fl-affermattiv.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">IV.</p>
</td>
<td valign="top">
<p class="normal">Konklużjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42.</p>
</td>
<td valign="top">
<p class="normal">Fid-dawl tal-kunsiderazzjonijiet preċedenti, nipproponi li l-Qorti tal-Ġustizzja tirrispondi għad-domandi preliminari magħmula mill-iSvea hovrätt, Patent- och marknadsöverdomstolen (il-Qorti tal-Appell sedenti fi Stokkolma, bħala Qorti tal-Appell tal-Proprjetà Intellettwali u tal-Affarijiet Ekonomiċi, l-Isvezja) kif ġej:</p>
</td>
</tr>
</table>
    <p class="C02AlineaAltA" id="para-71" title="page-11">
      L-Artikolu 2(ċ), (d) u (i) u l-Artikolu 3(1) tad-Direttiva 2005/29/KE tal-Parlament Ewropew u tal-Kunsill tal‑11 ta’ Mejju 2005 dwar prattiċi kummerċjali żleali fin-negozju mal-konsumatur fis-suq intern li temenda d-Direttiva tal-Kunsill 84/450/KEE, id-Direttivi 97/7/KE, 98/27/KE u 2002/65/KE tal-Parlament Ewropew u tal-Kunsill, u r-Regolament (KE) 2006/2004 tal-Parlament Ewropew u tal-Kunsill
    </p>
    <p class="C02AlineaAltA" id="para-72" title="page-11">
      għandhom jiġu interpretati fis-sens li:
    </p>
    <p class="C02AlineaAltA" id="para-73" title="page-11">
      minn naħa, is-servizz ta’ valutazzjoni ta’ oġġett ipprovdut minn kummerċjant lil konsumatur, u, min-naħa l-oħra, ix-xiri ta’ dan il-prodott minn dan il-kummerċjant mingħand dan il-konsumatur, bil-kundizzjoni li l-konsumatur jaċċetta l-prezz determinat wara din il-valutazzjoni, jikkostitwixxu “prodott” fis-sens ta’ dawn id-dispożizzjonijiet.
    </p>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">1</a>
</span>) Lingwa oriġinali: il-Franċiż.</p>
<p class="note footnote">(<span class="note footnote notemarker">
<a id="t-2" href="#c-2">2</a>
</span>) Direttiva tal-Parlament Ewropew u tal-Kunsill tal‑11 ta’ Mejju 2005 dwar prattiċi kummerċjali żleali fin-negozju mal-konsumatur fis-suq intern li temenda d-Direttiva tal-Kunsill 84/450/KEE, id-Direttivi 97/7/KE, 98/27/KE u 2002/65/KE tal-Parlament Ewropew u tal-Kunsill, u r-Regolament (KE) 2006/2004 tal-Parlament Ewropew u tal-Kunsill (ĠU 2005, L 149, p. 22, rettifika fil-ĠU 2006, L 114, p. 86).</p>
<p class="note footnote">(<span class="note footnote notemarker">
<a id="t-3" href="#c-3">3</a>
</span>) B’mod speċifiku, il-punt 22 tal-Anness I ta’ din id-direttiva.</p>
<p class="note footnote">(<span class="note footnote notemarker">
<a id="t-4" href="#c-4">4</a>
</span>) B’mod speċifiku, l-Artikoli 8 u 9 tal-imsemmija l-liġi.</p>
<p class="note footnote">(<span class="note footnote notemarker">
<a id="t-5" href="#c-5">5</a>
</span>) Ara, rispettivament, il-punt 5 u l-punt 6(ċ), tal-Anness I tad-Direttiva 2005/29.</p>
<p class="note footnote">(<span class="note footnote notemarker">
<a id="t-6" href="#c-6">6</a>
</span>) Sentenzi tat‑3 ta’ Ottubru 2013, Zentrale zur Bekämpfung unlauteren Wettbewerbs (C‑59/12, EU:C:2013:634, punt 34 u l-ġurisprudenza ċċitata), u tad‑19 ta’ Settembru 2018, Bankia (C‑109/17, EU:C:2018:735, punt 29 u l-ġurisprudenza ċċitata).</p>
<p class="note footnote">(<span class="note footnote notemarker">
<a id="t-7" href="#c-7">7</a>
</span>) Sentenzi tad‑9 ta’ Novembru 2010, Mediaprint Zeitungs- und Zeitschriftenverlag (C‑540/08, EU:C:2010:660, punt 21), u tas‑16 ta’ April 2015, UPC Magyarország (C‑388/13, EU:C:2015:225, punt 34).</p>
<p class="note footnote">(<span class="note footnote notemarker">
<a id="t-8" href="#c-8">8</a>
</span>) Sentenza UPC Magyarország (C‑388/13, EU:C:2015:225, punt 35).</p>
<p class="note footnote">(<span class="note footnote notemarker">
<a id="t-9" href="#c-9">9</a>
</span>) Sentenzi tat‑23 ta’ April 2009, VTB-VAB u Galatea (C‑261/07 u C‑299/07, EU:C:2009:244, punt 50) u tas‑7 ta’ Settembru 2016, Deroo-Blanquart (C‑310/15, EU:C:2016:633, punt 28).</p>
<p class="note footnote">(<span class="note footnote notemarker">
<a id="t-10" href="#c-10">10</a>
</span>) Ara, f’dan is-sens, is-sentenza tat‑3 ta’ Ottubru 2013, Zentrale zur Bekämpfung unlauteren Wettbewerbs (C‑59/12, EU:C:2013:634, punt 39).</p>
<p class="note footnote">(<span class="note footnote notemarker">
<a id="t-11" href="#c-11">11</a>
</span>) Ara l-premessi 7 u 8 tad-Direttiva 2005/29.</p>
<p class="note footnote">(<span class="note footnote notemarker">
<a id="t-12" href="#c-12">12</a>
</span>) Ara, f’dan is-sens, is-sentenza tat‑3 ta’ Ottubru 2013, Zentrale zur Bekämpfung unlauteren Wettbewerbs (C‑59/12, EU:C:2013:634, punt 40).</p>
<p class="note footnote">(<span class="note footnote notemarker">
<a id="t-13" href="#c-13">13</a>
</span>) ĠU 2021, C 526, p. 1.</p>
<p class="note footnote">(<span class="note footnote notemarker">
<a id="t-14" href="#c-14">14</a>
</span>) F’dan is-sens, ara, b’mod partikolari, is-sentenza tat‑12 ta’ Marzu 2020, Il-Kummissjoni vs l-Italja (Għajnuna illegali lis-settur tal-lukandi f’Saredgna) (C‑576/18, mhux ippubblikata, EU:C:2020:202, punt 136 u l-ġurisprudenza ċċitata).</p>
</body>
</html>
