2006R1670 — MT — 01.01.2007 — 001.002
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
|
REGOLAMENT TAL-KUMMISSJONI (KE) Nru 1670/2006 tal-10 ta’ Novembru 2006 li jistabbilixxi ċerti regoli dettaljati għall-applikazzjoni tar-Regolament tal-Kunsill (KE) Nru 1784/2003 dwar l-iffissar u l-għoti ta’ rifużjonijietaġġustati fir-rigward ta’ ċereali esportati fil-forma ta’ ċertu xorb spirituż (ĠU L 312, 11.11.2006, p.33) |
Emendat bi:
|
|
|
Il-Ġurnal Uffiċjali |
||
|
No |
page |
date |
||
|
COMMISSION REGULATION (EC) No 1913/2006 of 20 December 2006 (*) |
L 365 |
52 |
21.12.2006 |
|
Ikkoreġut b'
|
(*) |
Dan l-att qatt ma ġie ppubblikat bil-Malti. |
REGOLAMENT TAL-KUMMISSJONI (KE) Nru 1670/2006
tal-10 ta’ Novembru 2006
li jistabbilixxi ċerti regoli dettaljati għall-applikazzjoni tar-Regolament tal-Kunsill (KE) Nru 1784/2003 dwar l-iffissar u l-għoti ta’ rifużjonijietaġġustati fir-rigward ta’ ċereali esportati fil-forma ta’ ċertu xorb spirituż
(Versjoni kodifikata)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) 1784/2003 tad-29 ta’ Settembru 2003 dwar l-organizzazzjoni komuni tas-suq taċ-ċereali ( 1 ), u b’mod partikulari l-Artikolu 18 tiegħu,
Wara li kkunsidrat ir-Regolament tal-Kunsill (KE) Nru 2799/98 tal-15 ta’ Diċembru 1998 li jistabbilixxi arranġamenti agromonetarji għall-EUR ( 2 ), u b’mod partikolari l-Artikolu 3(2) tiegħu,
Billi:|
(1) |
ir-Regolament tal-Kummissjoni (KEE) Nru 2825/93 tal-15 ta’ Ottubru 1993 li jistabbilixxi ċerti regoli dettaljati għall-applikazzjoni tar-Regolament tal-Kunsill (KEE) Nru 1766/92 dwar l-iffissar u l-għoti ta’ rifużjonijietaġġustati fir-rigward ta’ ċereali esportati fil-forma ta’ ċertu xorb spirituż ( 3 ) ġie sostanzjalment emendat diversi drabi ( 4 ). Fl-interess taċ-ċarezza u tar-razzjonalità, ir-regolament imsemmi għandu jiġi kkodifikat. |
|
(2) |
L-Artikolu 16 tar-Regolament (KE) Nru 1784/2003 jipprovdi li, safejn hu neċessarju li jiġu kkunsidrati l-kwalitajiet partikolari tal-produzzjoni ta’ ċertu xorb spirituż li jkun ġej miċ-ċereali, il-kriterji għall-għoti ta’ rifużjonijiettal-esportazzjoni jistgħu jiġu adattati għal din is-sitwazzjoni partikolari. Jidher neċessarju li jkun hemm provvediment għal tali aġġustament għal ċertu xorb spirituż fejn, min-naħa waħda, il-prezz taċ-ċereali fil-mument tal-esportazzjoni mhux marbut mal-prezz taċ-ċereali fil-mument tal-produzzjoni u, min-naħa l-oħra, il-prodott finali jkun ġej minn taħlita ta’ ħafna prodotti, tant li tkun saret impossibbli li tiġi monitorata l-identità taċ-ċereali inkorporati fil-prodott finali għall-esportazzjoni, aktar u aktar la darba dak ix-xorb spirituż huwa wkoll suġġett għall-maturazzjoni obbligatorja ta’ mill-anqas tliet snin. |
|
(3) |
Diffikultajiet ta’ din in-natura nstabu b’mod partikolari fir-rigward tal-whisky Skoċċiż, whiskey Irlandiż u whisky Spanjol. |
|
(4) |
Is-sistema normali ta’ rimborż għandha, sakemm hu possibbli, tiġi applikata fuq bażi simili. Għalhekk għandu jingħata rimborż fuq ċereali li jissodisfaw il-kundizzjonijiet ipprovduti fl-Artikolu 23(2) tat-Trattat użati pro rata f’termini ta’ kwantitajiet ta’ xorb spirituż esportat. Għal dan il-għan, il-kwantitajiet ta’ tali ċereali distillati għandhom ikunu mmoltiplikati b’ko-effiċjent totali, b’rata unika kkalkulata skont l-istatistika nazzjonali pprovduta mill-Istati Membri konċernati. L-użu tal-proporzjon bejn il-kwantitajiet totali ta’ xorb spirituż li ġie esportat u l-kwantitajiet totali li nbiegħu jidher li jipprovdi bażi ġusta u soda. Huwa neċessarju li wieħed jiddefinixxi t-tifsira ta’ “kwantitajiet totali esportati” u “kwantitajiet totali mqiegħda fuq is-suq”. Għall-iskop li jkunu determinati l-kwantitajiet ta’ ċereali distillati u l-ko-effiċjent, il-kwantitajiet soġġetti għal ftehimiet ta’ proċessar attiv għandhom jiġu esklużi. |
|
(5) |
Huwa neċessarju li jsir provvediment ħalli l-ko-effiċjent ikun aġġustat, b’mod partikolari sabiex tiġi evitata l-possibilità li l-pagamenti tar-rimborż jistgħu jservu biex iżidu l-istokks b’mod mhux normali. |
|
(6) |
L-Artikolu 13(3) tar-Regolament (KE) Nru 1784/2003 jipprovdi għall-possibilità li jkun hemm distinzjoni fir-rimborż skont id-destinazzjoni. Għalhekk, għandhom jiġu pprovduti kriterji oġġettivi li jwasslu għall-abolizzjoni tar-rimborż lejn ċertu destinazzjonijiet. |
|
(7) |
Il-ġurnata li tiddetermina r-rata applikabbli tar-rimborż għandha tkun iffissata. L-ewwelnett dik il-ġurnata għandha tkun konnessa maż-żmien meta ċ-ċereali jitqiegħdu taħt kontroll u, għall-kwantitajiet distillati sussegwentement, ma’ kull perjodu fiskali tad-distillazzjoni. Qabel jitħallas ir-rimborż trid tingħata prova fil-forma ta’ dikjarazzjoni tad-distillazzjoni li ċ-ċereali ġew distillati. Dikjarazzjoni bħal din irid ikollha l-informazzjoni neċessarja għall-kalkolu tar-rimborż. L-ewwel ġurnata ta’ kull perjodu fiskali ta’ distillazzjoni tista’ tkun ukoll l-avveniment operattiv għar-rata ta’ konverżjoni agrikola skont l-Artikolu 3 tar-Regolament (KE) Nru 2799/98. |
|
(8) |
Huwa neċessarju li għall-finijiet ta’ dan ir-Regolament jiġi rreġistrat li l-prodotti ħarġu mill-Komunità u f’ċerti każijiet tiġi identifikata wkoll id-destinazzjoni tagħhom. Għalhekk huwa neċessarju li tintuża d-definizzjoni ta’ esportazzjoni stabbilita fir-Regolament tal-Kunsill (KEE) Nru 2913/92 tat-12 ta’ Ottubru 1992 li tistabbilixxil-Kodiċi Komunitarju tad-Dwana ( 5 ) u biex tintuża l-evidenza pprovduta fir-Regolament tal-Kummissjoni (KE) Nru 800/1999 tal-15 ta’ April 1999 li tistabbilixxi regoli dettaljati komuni għall-applikazzjoni tas-sistema tar-rimborż tal-esportazzjoni fuq prodotti agrikoli ( 6 ). |
|
(9) |
Sabiex jiġi stabbilit il-ko-effiċjent, għandu jkun obbligatorju li wieħed jipprovdi provi li l-kwantitajiet ta’ xorb spirituż ġew esportati. Huwa xieraq li jiġi stabbilit li l-Artikolu 43 tar-Regolament tal-Kummissjoni (KE) Nru 1291/2000 tad-9 ta’ Ġunju 2000 li jistabbilixxi regoli dettaljati komuni għall-applikazzjoni tas-sistema tal-liċenzji tal-importazzjoni u tal-esportazzjoni u ta' ċertifikati ta' iffissar bil-quddiemgħal prodotti agrikoli ( 7 ), għandu japplika għall-prodotti li jkunu ġejjin lura fit-territorju Komunitarju jekk il-kundizzjonijiet speċjali jkunu ġew sosisfatti. |
|
(10) |
L-Istati Membri għandhom jiġu obbligati jgħaddu l-informazzjoni neċessarja lill-Kummissjoni. |
|
(11) |
Il-miżuri pprovduti f’dan ir-Regolament huma f’konformità mal-opinjoni tal-Kumitat għall-Ġestjoni taċ-Ċereali, |
ADOTTAT DAN IR-REGOLAMENT:
Artikolu 1
1. Dan ir-Regolament jistabbilixxi regoli dettaljati għall-iffissar u għall-għoti ta’ rimborż tal-esportazzjoni fir-rigward ta’ ċereali esportati fil-forma ta’ xorb spirituż hekk kif imsemmi fl-Artikolu 16 tar-Regolament (KE) Nru 1784/2003 u li għalih perjodu obbligatorju ta’ maturazzjoni ta’ mill-anqas tliet snin huwa parti mill-proċess ta’ manifattura.
2. Ir-Regolament tal-Kummissjoni (KE) Nru 1043/2005 ( 8 ) mhux se japplika għal xorb spirituż imsemmi fil-paragrafu 1, ħlief kif hu pprovdut fl-Artikolu 6(1) ta’ dan ir-Regolament.
Artikolu 2
Ir-rimborż msemmi fl-Artikolu 1 jista’ jingħata għaċ-ċereali li jissodisfaw il-kundizzjonijiet stabbiliti fl-Artikolu 23(2) tat-Trattat u li jintużaw fil-produzzjoni ta’ xorb spirituż li jaqa’ taħt il-kodiċi NM 2208 30 32, 2208 30 38, 2208 30 52, 2208 30 58, 2208 30 72, 2208 30 78, 2208 30 82 u 2208 30 88 manifatturat skontskont ir-Regolament tal-Kunsill (KEE) Nru 1576/89 ( 9 ).
Artikolu 3
Għal finijiet ta’ dan ir-Regolament:
(a) “il-perjodu mogħti ta’ distillazzjoni” jfisser perjodu korrispondenti ma’ perjodu ta’ distillazzjoni miftiehem bejn il-benefiċjarji u l-awtoritajiet tad-dwana jew awtoritajiet kompetenti oħra għal skopijiet ta’ vverifikar fuq is-sisa (perjodu fiskali);
(b) “il-kwantitajiet totali esportati” tfisser il-kwantitajiet ta’ xorb spirituż li jissodisfaw it-termini tal-Artikolu 23(2) tat-Trattat u li huma esportati lejn destinazzjoni li għalihom huwa applikabbli r-rimborż;
(c) “il-kwantitajiet totali mqiegħdha fis-suq” tfisser il-kwantitajiet ta’ xorb spirituż li jissodisfaw it-termini tal-Artikolu 23(2) tat-Trattat li ġew mibgħuta minn faċilitajiet tal-produzzjoni jew tal-ħażna bl-iskop li jinbiegħu għall-konsum mill-bniedem;
(d) “imqiegħda taħt kontroll” tfisser it-tqegħid taħt proċedura tal-kontroll tad-dwana, jew taħt proċedura amministrattiva li toffri assigurazzjonijiet ekwivalenti, ta’ ċereali maħsuba għall-manifattura ta’ xorb spirituż imsemmi fl-Artikolu 2.
Artikolu 4
1. Il-kwantitajiet ta’ ċereali eliġibbli għar-rimborż għandhom ikunu l-kwantitajiet imqiegħda taħt kontroll u ddistillati minn dawk li għandhom dritt għar-rimborż tul perjodu mogħti ta’ distillazzjoni, b’ko-effiċjent li għandu jiġi ffissat annwalment għal kull Stat Membru kkonċernat u applikabbli għall-partijiet eliġibbli kkonċernati kollha. Il-ko-effiċjent għandu jesprimi l-proporzjon medju bejn il-kwantitajiet totali esportati u l-kwantitajiet totali mqiegħdha fis-suqtax-xorb spirituż ikkonċernat, abbażi tat-tendenza nnotata għal dawk il-kwantitajiet waqt in-numru ta’ snin li jikkorrespondu mal-perjodu medju ta’ maturazzjoni tax-xorb spirituż ikkonċernat.
Għall-iskop li jiġu ddeterminati l-kwantitajiet ta’ ċereali distillati u l-ko-effiċjent, għandhom jiġu esklużi l-kwantitajiet li kienu soġġetti għal ftehimiet ta’ proċessar attiv.
Meta l-ko-effiċjent jiġi kkalkulat, tittieħed ukoll konsiderazzjoni tal-varjazzjonijiet fl-istokks ta’ wieħed mix-xorb spirituż ikkonċernat.
Il-ko-effiċjent jista’ jvarja skont iċ-ċereal użat.
2. Il-korpi kompetenti għandhom jivverifikaw f’intervalli regolari l-volum attwalment esportat u l-volum ta’ stokks.
Artikolu 5
Il-ko-effiċjent imsemmi fl-Artikolu 4(1) għandu jiġi ffissat qabel l-1 ta’ Lulju ta’ kull sena.
Dan il-ko-effiċjent għandu japplika mill-1 ta’ Ottubru sat-30 ta’ Settembru tas-sena ta’ wara.
Il-ko-effiċjent għandu jiġi ffissat skont l-informazzjoni pprovduta mill-Istati Membri fil-perjodu bejn l-1 ta’ Jannar u l-31 ta’ Diċembru tas-snin li jippreċedu s-sena tal-iffissar.
Artikolu 6
1. Ir-rata ta’ rimborż applikabbli għandha tkun tkun dik iffissata skont l-ewwel paragrafu tal-Artikolu 14 tar-Regolament (KE) Nru 1043/2005.
2. Ir-rata tar-rifużjoni se tkun dik li tkun tapplika fil-ġurnata li fiha ċ-ċereali jitpoġġew taħt kontroll. Madankollu, fir-rigward tal-kwantitajiet iddistillati f’kull wieħed mill-perjodi fiskali ta’ distillazzjoni wara dak li fih ikun tqiegħed taħt kontroll, ir-rata għandha tkun dik li tkun tapplika fl-ewwel ġurnata ta’ kull perjodu ta’ distillazzjoni kkonċernat.
L-avveniment operattiv għar-rata tal-kambju li tkun tapplika għar-rifużjoni għandu jkun dak imsemmi fl-Artikolu 1(1) tar-Regolament tal-Kummissjoni (KE) Nru 1913/2006 ( 10 ).
Artikolu 7
1. Fejn is-sitwazzjoni fis-suq dinji jew fejn il-kundizzjonijiet speċifiċi ta’ ċerti swieq jiddettaw hekk, ir-rimborż għal ċertu destinazzjonijiet għandu jiġi abolit.
2. Jekk ir-rimborż ikun abolit skontskont paragrafu 1, jew jekk jerġa’ jiġi introdott, u jekk xi swieq jsiru ineliġibbli għar-rifużjonijiettal-esportazzjoni skont Att ta’ Adeżjoni jew skont ftehim ma’ pajjiżi terzi, il-ko-effiċjent imsemmi fl-Artikolu 4(1) għandu jiġi aġġustat. Dan l-aġġustament għandu jinvolvi skont il-każ, l-esklużjoni jew l-inklużjoni, fil-kwantitajiet totali esportati użati għall-kalkolu ta’ dak il-ko-effiċjent, tal-kwantitajiet esportati lejn dawk is-swieq li għalihom ir-rimborż huwa abolit jew introdott mill-ġdid. Il-ko-effiċjent aġġustat għandu japplika mill-ewwel ġurnata tal-perjodu fiskali tad-distillazzjoni wara l-bidla fl-eliġibilità tas-swieq ikkonċernati.
Artikolu 8
Għall-finijiet ta’ dan ir-Regolament, iċ-ċereali jistgħu jinbidlu mal-malt.
F’dak il-każ il-ko-effiċjent għall-kalkolu tal-barli ekwivalenti tal-malt għandu jkun ta’ 1,30.
Madanakollu, fejn il-malt li jitqiegħed taħt kontroll ikun malt aħdar b’kontenut ta’ ndewwa bejn 43 % u 47 %, il-ko-effiċjent għall-kalkolu tal-piż ekwivalenti tal-malt b’kontenut ta’ ndewwa ta’ 7 % għandu jkun 0,57.
Artikolu 9
1. Distillers li huma stabbiliti fil-Komunità biss se jkunu intitolati għal rimborż.
2. Qabel il-bidu ta’ kull perjodu fiskali tad-distillazzjoni, id-distiller għandu jikkomunika mal-awtoritajiet kompetenti, dikjarazzjoni li tinkludi l-partikularijiet kollha li huma neċessarji biex jiġi ddeterminat ir-rimborż, b’mod partikolari:
(a) deskrizzjoni taċ-ċereali jew malt skont in-nomenklatura tat-tariffa doganali komuni, fejn hemm bżonn mqassmin fi gruppi omoġenji;
(b) il-piż nett tal-prodotti u tal-kontenut ta’ ndewwa, imqassmin skont kull grupp imsemmi taħt (a);
(c) konferma li ċ-ċereali jissodisfaw il-kundizzjonijiet stabbiliti fl-Artikolu 23(2) tat-Trattat;
(d) il-post tal-ħażna u tad-distillazzjoni.
Waqt il-perjodu fiskali tad-distillazzjoni d-dikjarazzjoni tista’ tiġi aġġornata waqt li jkun għaddej il-proċess tad-distillazzjoni sabiex jittieħed qies tal-kwantitajiet akbar u iżgħar li attwalment ikunu qed jiġu ddistillati.
3. Wara kull perjodu fiskali ta’ distillazzjoni, id-distiller għandu jiddepożita dikjarazzjoni mal-awtoritajiet kompetenti, minn issa ‘l quddiem imsejħa “dikjarazzjoni ta’ distillazzjoni”, li fiha huwa jikkonferma li waqt il-perjodu kkonċernat ta’ distillazzjoni, huwa ddistilla ċ-ċereali hekk kif imniżżla fid-dikjarazzjoni msemmija fil-paragrafu 2, sabiex jipproduċi wieħed mix-xorb spirituż ikkonċernat; huwa għandu jindika l-kwantità ta’ prodotti distillati. Din id-dikjarazzjoni għandha tiġi ċċertifikata mill-awtoritajiet responsabbli mill-proċess ta’ tqegħid taħt kontroll.
4. Ir-rimborż għandu jitħallas meta tingħata prova li ċ-ċereali tqiegħdu taħt kontroll u ġew iddistillati.
5. il-piż taċ-ċereali li jrid jitqies għall-kalkolu tal-pagament għandu jkun il-piż nett, f’każ li l-kontenut ta’ ndewwa ma jkunx aktar minn 15 %. Jekk il-kontenut ta’ ndewwa taċ-ċereali użat ikun iżjed minn 15 % iżda mhux aktar minn 16 %, il-piż li jrid jitqies għandu jkun il-piż nett imnaqqas b’ 1 %. Jekk il-kontenut ta’ ndewwa taċ-ċereali użati ikun iżjed minn 16 % iżda mhux aktar minn 17 %, it-tnaqqis għandu jkun ta’ 2 %. Jekk il-kontenut ta’ ndewwa taċ-ċereali użati jkun iżjed minn 17 % it-tnaqqis għandu jkun żewġ punti ta’ persentaġġ għal kull punt ta’ persentaġġ ta’ ndewwa ogħla minn 15 %.
Il-piż tal-malt minbarra l-malt aħdar, hekk kif imsemmi fl-Artikolu 8, li għandu jitqies għall-kalkolu tal-pagament għandu jkun il-piż nett, f’każ li l-kontenut ta’ ndewwa ma jkunx aktar minn 7 %. Jekk il-kontenut ta’ ndewwa tal-malt użat ikun iżjed minn 7 % iżda mhux aktar minn 8 %, il-piż li għandu jitqies għandu jkun il-piż nett imnaqqas b’ 1 %. Jekk il-kontenut ta’ ndewwa tal-malt użat ikun iżjed minn 8 % it-tnaqqis għandu jkun żewġ punti ta’ persentaġġ għal kull punt ta’ persentaġġ ta’ ndewwa ogħla minn 7 %.
Il-metodu ta’ referenza tal-Komunità li jiddetermina l-kontenut ta’ ndewwa ta’ ċereali u ta’ malt maħsuba għall-produzzjoni tax-xorb spirituż imsemmija f’dan ir-Regolament għandu jkun dak muri fl-Anness IV mar-Regolament tal-Kummissjoni (KE) Nru 824/2000 ( 11 ).
Artikolu 10
L-Istati Membri għandhom jieħdu l-miżuri neċessarji biex jivverifikaw l-akkuratezza tad-dikjarazzjonijiet imsemmija fl-Artikolu 9 u ta’ dawk relatati mal-kontroll fiżiku taċ-ċereali, il-proċess tad-distillazzjoni u l-użu tal-prodott distillat miksub.
Artikolu 11
1. Il-prodotti sekondarji tal-ipproċessar għandhom jiġu eżentati mill-kontroll f’każ li jiġi stabbilit li ma jeċċedux il-kwantità miksuba normalment ta’ prodotti sekondarji.
2. L-ebda rimborż ma għandu jingħata fejn iċ-ċereali jew il-malt ma jkunux ta’ kwalità tajba biżżejjed li jistgħu jinbiegħu.
Artikolu 12
1. Ir-rimborż għandu jitħallas mill-Istat Membru fejn id-dikjarazzjonijiet imsemmija fl-Artikolu 9 ikunu aċċettati.
2. Ir-rimborż għandu jingħata biss fuq applikazzjoni miktuba min-negozjant. L-Istati Membri jistgħu jordnaw formoli speċjali biex jintużaw għal dan il-għan.
3. Ħlief għal każijiet ta’ force majeure, id-dokumenti meħtieġa għall-għoti tar-rimborż iridu jiġi ddikjarati fi żmien tnax-il xahar mill-ġurnata li fiha l-awtoritajiet responsabbli għall-proċess tat-tqegħid taħt kontroll ikunu aċċettaw id-dikjarazzjoni tad-distillazzjoni, jekk le id-dritt għar-rimborż jintilef.
4. Fejn il-ko-effiċjent ikun aġġustat skont l-Artikolu 7(2), ir-rimborżi mħallsa inkorrettament mid-data tal-applikazzjoni tal-ko-effiċjent aġġustat għandhom jitħallsu lura mill-benefiċjarji.
Artikolu 13
1. Għall-finijiet tal-Artikolu 4, għandha tingħata prova li l-kwantitajiet ta’ xorb spirituż li jissodisfaw il-kundizzjonijiet stabbiliti fl-Artikolu 23(2) tat-Trattat ġew esportati.
2. Il-prova applikabbli għanda tkun dik prevista fir-Regolament (KE) Nru 800/1999.
3. Għall-finijiet ta’ dan ir-Regolament, “esportazzjoni” tfisser:
(a) esportazzjoni fis-sens tal-Artikoli 161 u 162 tar-Regolament (KEE) Nru 2913/92;
u
(b) kunsinni lejn destinazzjonijiet koperti mill-Artikolu 36 tar-Regolament (KE) Nru 800/1999.
4. Prodotti li jitpoġġew fi mħażen tal-ikel approvati skont l-Artikolu 40 tar-Regolament (KE) Nru 800/1999 għandhom jiġu wkoll ikkunsidrati bħala prodotti esportati. Meta prodotti jitpoġġew fi mħażen bħal dawn, l-Artikoli 40 sa 43 tar-Regolament imsemmi hawn fuq, għandhom japplikaw mutatis mutandis.
Artikolu 14
1. Xorb spirituż jiġi kkunsidrat bħala prodott esportat f’dik il-ġurnata meta jkunu tlestew il-formalitajiet doganali għall-esportazzjoni.
2. Id-dikjarazzjoni sottomessa meta jkunu tlestew il-formalitajiet doganali għall-esportazzjoni trid tinkludi:
(a) deskrizzjoni tax-xorb spirituż ikkonċernat, skont in-nomenklatura magħquda;
(b) il-kwantitajiet, espressi f’litri ta’ alkoħol pur, ta’ xorb spirituż li qed jiġi esportat;
(c) deskrizzjoni ta’ jew referenza oħra għall-kompożizzjoni tax-xorb spiritużb’mod li jista’ jiġi ddeterminat it-tip ta’ ċereali użat;
(d) l-Istat Membru tal-produzzjoni.
3. Għall-finijiet tal-paragrafu 2(c), jekk ix-xorb spirituż ikun magħmul minn tipi differenti ta’ ċereali u jirriżulta minn taħlita sussegwenti, dan għandu jkun biżżejjed biex jiġi affermat f’din id-dikjarazzjoni.
Artikolu 15
1. Biex kwantità ta’ xorb spirituż tiġi kkunsidrata li ġiet esportata, il-prova msemmija fl-Artikolu 13 trid tiġi sottomessa lill-awtoritajiet imsemmija sa sitt xhur mill-ġurnata li fiha jkunu tlestew il-formalitajiet doganali għall-esportazzjoni.
2. Jekk il-prova ma tkunx ġiet ipprovduta fil-limitu ta’ żmien preskritt minkejja l-aħjar sforzi possibbli tal-esportatur biex jiksibha fil-limitu taż-żmien, tista’ tingħata estensjoni għal-limitu taż-żmien ta’ mhux aktar minn sittxhur b’kollox.
Madanakollu, jekk il-prova tal-esportazzjoni tiġi pprovduta barra mil-limitu taż-żmien li jippermetti l-operazzjoni tal-esportazzjoni tiġi inkluża mal-esportazzjonijiet magħmula tul l-istess sena kalendarja, l-operazzjoni tal-esportazzjoni inkwistjoni għandha tiġi aggregata ma’ esportazzjonijiet magħmula tul is-sena kalendarja li jmiss.
Artikolu 16
1. Fejn tapplika l-proċedura tal-Komunità dwar it-tranżitu, ix-xorb imsemmi fl-Artikolu 13(1) għandu jitqiegħed taħt il-proċedura ta’ tranżitu estern tal-Komunità.
2. Għall-finijiet tar-Regolament (KEE) Nru 2913/92, ix-xorb spirituż imsemmi fl-Artikolu 13(1) ta’ dan ir-Regolament għandu jitqies bħala prodott li fir-rigward tiegħu, il-formalitajiet doganali għall-esportazzjoni meħtieġa biex jingħata r-rimborż tal-esportazzjoni jkunu tlestew. Xarbiet bħal dawn ma jistgħux jitqiegħdu f’ċirkolazzjoni ħielsa sakemm ma jitħallasx lura l-ammont korrispondenti għar-rimborż tal-esportazzjoni mħallas.
Artikolu 17
Fejn japplika l-Artikolu 7, trid tingħata wkoll prova li x-xorb spirituż ikkonċernat wasal fid-destinazzjoni li għaliha r-rimborż ġie ffissat.
F’dak il-każ, il-prova ta’ importazzjoni f’pajjiż ieħor li għaliha japplika r-rimborż, għandha tkun il-prova mitluba fl-Artikoli 15 u 16 tar-Regolament (KE) Nru 800/1999.
Artikolu 18
1. L-Istati Membri kkonċernati għandhom jinfurmaw lill-Kummissjoni bl-ismijiet u l-indirizzi tal-entitajiet kompetenti biex japplikaw dan ir-Regolament.
2. L-Istati Membri kkonċernati għandhom jipprovdu lill-Kummissjoni bl-informazzjoni li ġejja sas-16 ta’ Lulju ta’ kull sena:
(a) il-kwantitajiet ta’ ċereali u malt li jissodisfaw it-termini tal-Artikolu 23(2) tat-Tratta u ddistillati fil-perjodu bejn l-1 ta’ Jannar u l-31 ta’ Diċembru tas-sena ta’ qabel, imqassma skont in-nomenklatura magħquda;
(b) il-kwantitajiet ta’ ċereali u malt, imqassma skont in-nomenklatura magħquda, li kienu s-suġġett ta’ ftehimiet ta’ proċessar attiv waqt l-istess perjodu;
(c) il-kwantitajiet ta’ xorb spirituż kopert mill-Artikolu 2, imqassma skont il-kategoriji li jidhru fl-Artikolu 19, li jinkludu kemm il-kwantitajiet esportati kif ukoll kwantitajiet mqiegħda fis-suq waqt l-istess perjodu;
(d) il-kwantitajiet ta’ xorb spirituż prodott skont ftehimiet ta’ proċessar attiv u esportati lejn pajjiżi oħra waqt l-istess perjodu, imqassma skont il-kategoriji li jidhru fl-Artikolu 19;
(e) il-kwantitajiet ta’ xorb spirituż maħżuna fil-31 ta’ Diċembru tas-sena ta’ qabel u l-kwantitajiet prodotti waqt dak il-perjodu.
3. L-Istati Membri kkonċernati għandhom jipprovdu wkoll lill-Kummissjoni bl-informazzjoni li tidher taħt il-punti (a) sa (d) għal kull tliet xhur kalendarji qabel is-16 ta’ Ottubru, is-16 ta’ Jannar u s-16 ta’ April, fejn disponibbli.
4. Fuq it-talba tal-Kummissjoni, l-Istati Membri kkonċernati għandhom jipprovdu wkoll l-informazzjoni neċessarja biex jiġi aġġustat il-ko-effiċjent imsemmi fl-Artikolu 7(2).
Artikolu 19
Għall-finijiet tal-Artikolu 18:
(a) “grain whisky” tfisser whisky magħmul mill-malt u ċ-ċereali;
(b) “whisky tal-malt” tfisser whisky magħmul esklussivament mill-malt;
(c) “whiskey Irlandiż, kategorija A” tfisser whiskey magħmul mill-malt u miċ-ċereali, b’inqas minn 30 % malt;
(d) “whiskey Irlandiż, kategorija B” tfisser whiskey magħmul mill-barli u mill-malt, b’mill-anqas 30 % malt;
(e) il-persentaġġi tad-diversi tipi ta’ ċereali użati fil-manifattura tax-xorb spirituż imsemmi fl-Artikolu 14(3) għandhom jiġu ddeterminati fuq il-bażi tal-kwantitajiet totali tat-tipi varji taċ-ċereali użati fil-manifattura tax-xorb spirituż imsemmi fl-Artikolu 2.
Artikolu 20
Ir-Regolament (KEE) Nru 2825/93 huwa mħassar.
Referenzi għar-Regolament imħassar għandhom jiġu interpretati bħala referenzi għal dan ir-Regolament u jinqraw skont it-tabella tal-korrelazzjoni fl-Anness II.
Artikolu 21
Dan ir-Regolament jidħol fis-seħħ fl-20 ġurnata mill-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u applikabbli direttament fl-Istati Membri kollha.
ANNESS I
Ir-Regolament imħassar, bl-emendi suċċessivi tiegħu
|
Ir-Regolament tal-Kummissjoni (KEE) Nru 2825/93 |
(ĠU L 258, 16.10.1993, p. 6) |
|
Ir-Regolament tal-Kummissjoni (KE) Nru 3098/94 |
(ĠU L 328, 20.12.1994, p. 12) |
|
Ir-Regolament tal-Kummissjoni (KE) Nru 1633/2000 |
(ĠU L 187, 26.7.2000, p. 29) |
ANNESS II
TABELLA TA’ KORRELAZZJONI
|
Regolament (KEE) Nru 2825/93 |
Dan ir-Regolament |
|
Artikolu 1 |
Artikolu 1 |
|
Artikolu 2 |
Artikolu 2 |
|
Artikolu 3 |
Artikolu 3 |
|
Artikolu 4(1) |
Artikolu 4(1), l-ewwel u t-tieni sub-paragrafi |
|
Artikolu 4(2) |
Artikolu 4(1), it-tielet subparafu |
|
Artikolu 4(3) |
Artikolu 4(1), ir-raba’ subparagrafu |
|
Artikolu 4(4) |
Artikolu 4(2) |
|
Artikolu 5 |
Artikolu 5 |
|
Artikolu 6 |
Artikolu 6 |
|
Artikolu 7 |
Artikolu 7 |
|
Artikolu 8 |
Artikolu 8 |
|
Artikolu 9 |
Artikolu 9 |
|
Artikolu 10 |
Artikolu 10 |
|
Artikolu 11 |
Artikolu 11 |
|
Artikolu 12 |
Artikolu 12 |
|
Artikolu 13(1) u (2) |
Artikolu 13(1) u (2) |
|
Artikolu 13(3), sentenza introduttorja |
Artikolu 13(3), sentenza introduttorja |
|
Artikolu 13(3), l-ewwel inċiż |
Artikolu 13(3)(a) |
|
Artikolu 13(3), it-tieni inċiż |
Artikolu 13(3)(b) |
|
Artikolu 13(4) |
Artikolu 13(4) |
|
Artikolu 14 |
Artikolu 14 |
|
Artikolu 15 |
Artikolu 15 |
|
Artikolu 16 |
Artikolu 16 |
|
Artikolu 17 |
Artikolu 17 |
|
Artikolu 18 |
Artikolu 18 |
|
Artikolu 19 |
Artikolu 19 |
|
Artikolu 20 |
— |
|
— |
Artikolu 20 |
|
Artikolu 21, l-ewwel paragrafu |
Artikolu 21 |
|
Artikolu 21, it-tieni paragrafu |
— |
|
— |
Anness I |
|
— |
Anness II |
( 1 ) ĠU L 270, 21.10.2003, p. 78. Ir-Regolament hekk kif emendat bir-Regolament (KE) Nru 1154/2005 (ĠU L 187, 19.7.2005, p. 11).
( 2 ) ĠU L 349, 24.12.1998, p. 1.
( 3 ) ĠU L 258, 16.10.1993, p. 6. Ir-Regolament hekk kif l-aħħar emendat bir-Regolament (KE) Nru 1633/2000 (ĠU L 187, 26.7.2000, p. 29).
( 4 ) Ara Anness I.
( 5 ) ĠU L 302, 19.10.1992, p. 1. Ir-Regolament hekk kif l-aħħar emendat bir-Regolament (KE) Nru 648/2005 tal-Parlament Ewropew u tal-Kunsill (ĠU L 117, 4.5.2005, p. 13).
( 6 ) ĠU L 102, 17.4.1999, p. 11. Ir-Regolament hekk kif l-aħħar emendat bir-Regolament (KE) Nru 671/2004 (ĠU L 105, 14.4.2004, p. 5).
( 7 ) ĠU L 152, 24.6.2000, p. 1. Ir-Regolament hekk kif l-aħħar emendat bir-Regolament (KE) Nru 410/2006 (ĠU L 71, 10.3.2006, p. 7).
( 8 ) ĠU L 172, 5.7.2005, p. 24.
( 9 ) ĠU L 160, 12.6.1989, p. 1.
( 10 ) ĠU L 365, 21.12.2006, p. 52.
( 11 ) ĠU L 100, 20.4.2000, p. 31.