(1)

Chun aghaidh a thabhairt ar an líon suntasach cinntí atá le glacadh ag an mBanc Ceannais Eorpach (BCE) chun a chuid cúraimí maoirseachta a chomhlíonadh, bunaíodh nós imeachta chun cinntí tarmligthe sonracha a ghlacadh.

(2)

Tagann cinneadh tarmligin in éifeacht ach a nglacann an Bord Feidhmiúcháin cinneadh lena n-ainmnítear ceann aonaid oibre amháin nó níos mó chun cinntí a dhéanamh ar bhonn cinneadh tarmligin.

(3)

Ba cheart don Bhord Feidhmiúcháin a thábhachtaí atá an cinneadh tarmligin agus an líon seolaithe a gcaitear cinntí tarmligthe a sheoladh chucu a chur san áireamh nuair a bhíonn cinn na n-aonad oibre á n-ainmniú aige.

(4)

Foráiltear le hAirteagal 10.1 de Chinneadh BCE/2004/2 go ndéanfaidh an Bord Feidhmiúcháin cinneadh maidir le líon, ainm agus inniúlacht faoi seach de gach aonad oibre BCE.

(5)

Chuathas i gcomhairle le Cathaoirleach an Bhoird Maoirseachta maidir le cinn na n-aonad oibre ar cheart an chumhacht chun cinntí comhpháirteacha a ghlacadh maidir le meastúchán ar phleananna téarnaimh grúpa lena mbaineann eintiteas suntasach amháin faoi mhaoirseacht ar a laghad a tharmligean chucu.

(a)

Ard-Stiúrthóir nó Leas-Ard-Stiúrthóir na hArd-Stiúrthóireachta um Bainc Chórasacha agus Idirnáisiúnta, más í an Ard-Stiúrthóireacht um Bainc Chórasacha agus Idirnáisiúnta a dhéanann maoirseacht ar an eintiteas nó an grúpa ábhartha faoi mhaoirseacht;

(b)

Ard-Stiúrthóir nó Leas-Ard-Stiúrthóir na hArd-Stiúrthóireachta um Institiúidí Uilíocha agus Éagsúlaithe, más í an Ard-Stiúrthóireacht um Institiúidí Uilíocha agus Éagsúlaithe a dhéanann maoirseacht ar an eintiteas nó an grúpa ábhartha faoi mhaoirseacht;

(c)

Ard-Stiúrthóir nó Leas-Ard-Stiúrthóir na hArd-Stiúrthóireachta um Institiúidí Speisialaithe agus Institiúidí nach bhfuil chomh Suntasacha, más í an Ard-Stiúrthóireacht um Institiúidí Speisialaithe agus Institiúidí nach bhfuil chomh Suntasacha a dhéanann maoirseacht ar an eintiteas nó an grúpa ábhartha faoi mhaoirseacht.